Fìlíkpò ŋa 4
4
1Ńbɛ̀ɛ́, àrínódzú-mi ŋa, àmì-ŋɛ́ wà kpa mí tó bɛ́ɛ̀, tsí náàtsùgbé-ŋɛ́#ɛ́, ayè wà tɛ́ mi, tsí mà wà mú ŋɛ́ nya akpá gbo. Ó ɖi, ìnàbí-mi ŋa, è banɛ́ Ɔlá-wa sísɛ̃̀ nɔ́wɔ́ méèdzì bɛ́ɛ̀ làkóò làkóò gé.
Kpɔ́lù wà fú ifɛ̀ɛ́nɔ́-ìtã̀ntã́ ŋa
2Ǹ wà tsìkálɛ̀ fú Èwòɖíyà òŋu Sũ̀ntúke méèdzì ní kíbí àŋa Ɔlá-wa méèdzì, à ɖi ɔ̀kã̀ntso si#ɛ́, ó wà ní ká gbɔ́ òkpì-afɔ̀ fú ara-ŋa. 3Tsí ìwɔ yèé dzɛ́ àdzɔ́rɛ̃̀-mi nóòtítɔ́ gbo#ɛ́, ǹ wà wò ní o mɔ́wɔ́ gbè fú ìɖá-wa yèé ŋa nyí, tsí ká ɖɔ̃̀. Fee, à ɖù fú ikɔ̀ ɖíɖɔ̃̀#ɛ́ bá mi. Bɛ́ɛ̀ ké ní Kèlèmá gbo òŋu ɛnɛ-àtíbɔ̀ yèé tsitsɛ́ bá mi ŋa#á, àŋa kpó, à ɖù fú ikɔ̀ ɖíɖɔ̃̀#ɛ́ ńnɛ̀ɛ́, tsí à kɔ ɛ́kɔ-ŋa si ńǹwé-àyɛ̀-àrìtã́. 4Tsí kíbí ɛ̀ŋɛ Ɔlá-wa méèdzì, è ɖi ɔ̀kã̀ntso si#ɛ́, ayè kó wà tɛ́ ŋɛ́ ńǹwèrè kíìwèrè. Ǹ tɔ́ wà fɔ̀ɔ́ fú ŋɛ́ ró ní ayè kó wà tɛ́ ŋɛ́. 5Ɔ̀nyà kpó kó rí mà ní è dzɛ́ ɔ̀nyà kã̀ŋa fú ara-ŋɛ́ gé ni. Wíwá-Ɔlá-wa sɔ́má fòò. 6È máa wà ɖíìhã̀ŋù-iŋɛ́-kã̀ kpókpó. Kà kàa bɛ́ɛ̀, bí ó wà nɔ́ɔ̀kã̀lɔ́ɔ̀kã̀, è náa wà wúùre fú Ɔ̀ɖáyé, tsí wà tsìkálɛ̀ gbo fúu, tsí wà bèrèé ńŋɛ́ yèé wà hã́ ŋɛ́#ɛ́, tsí wà ɖɔ́kpɛ́ gbo fúu. 7Tsí è wà ńtútùúrɔ̀ yèé náa ti ńɖi-Ɔ̀ɖáyé#ɛ́ si. Ɔ̀nyà-kã̀ kpókpó kàkó nyáa gbɔ́ òkpì-tútùúrɔ̀#ɛ́. Tsí kíbí ɛ̀ŋɛ Yèésù Kírísítò méèdzì, è ɖi ɔ̀kã̀ntso si#ɛ́, tútùúrɔ̀#ɛ́ nákó sɔgbà wérí ŋɛ́ kpó.
8Ìnàbí-mi ŋa, báàyí#ɛ́, ǹ wà wo n fɔ iŋɛ́ yèé ŋa è nákó wà tse ìsérè-ŋa#á fú ŋɛ́, tsí e gbɔ́. Bí iŋɛ́-kã̀ wà, tsí dzɛ́ òtítɔ́, tsí ɔ̀kã̀ gbo wà, tsí wówo, tsí ɔ̀kã̀ gbo wà ró, tsí dzɛ́ rere nódzú-Ɔ̀ɖáyé òŋu nódzú-ɔ̀nyà ŋa#á, è náa wà tsèsérè lɔ ńǹtá-ŋa. Bí iŋɛ́-kã̀ wà, tsí dzɛ́ iŋɛ́ mímá, tsí ɔ̀kã̀ gbo wà, tsí dzɔdzú, tsí ɔ̀kã̀ gbo wà ró, tsí ɔ̀nyà kpó náa fɔ̀ ti nára‐ɛ̀ ní ó sã̀#á, è náa wà tsèsérè lɔ ńǹtá-àŋa gbo. Bí ó dzɛ́ ore wà ńnɔ́-iŋɛ́-kã̀ gbo, tsí iŋɛ́-kã̀ gbo wà, tsí dzɔ ní ká nyɛ̀ɛ́#ɛ́, è náa wà tsèsérè lɔ ńǹtá-àŋa gbo. 9Ɛ̀kɔ́ yèé ǹ tse fú ŋɛ́#ɛ́ òŋu orò yèé ǹ ɖá fú ŋɛ́#ɛ́ má nára-iŋɛ́ yèé è rí, tsí gbɔ́ ńɖɔ̀-mi#ɛ́, ɛ̀ŋɛ gbo è ń tsitsɛ́ tse, tsí Ɔ̀ɖáyé olí-tútùúrɔ̀ nákó wà náànyì-ŋɛ́ si.
10È tédzú mi àrìkã̀ntso ró, tsí ayè wà tɛ́ mi tó bɛ́ɛ̀, tsí ǹ wà ɖɔ́kpɛ́‐ɛ̀ fú Ɔlá-wa. Ǹ mà ní è wà tédzú mi làkóò. Ó ɖi, è kò rí ɔ̀nà, tsí e ń nyàá ɖíre fú mi ni. 11Kò tsi iŋɛ́-kã̀ wà hã́ mi ní tse tsí ǹ wà wíìnyɛ̀ bɛ́ɛ̀#ɛ́. Ó ɖi, èmi òŋu, ǹ ti ń kɔ́ ara-mi si. Iŋɛ́ yèé wà nɔ́wɔ́-mi#ɛ́ náa tó mi, tsí náa ɖɔ̃̀ fú mi gbo. 12Bí iŋɛ́-kã̀ kpókpó kò wà fú mi, kíbí màa gbé gbà#á, ǹ màá, tsí bí ó sì dzɛ́ gbo ní iŋɛ́ ŋa tsɔ̀ mí kũ̀, kíbí màa gbé gbà#á, ǹ màá. Tsí ńǹɖì ɔ̀kã̀lɔ́ɔ̀kã̀ òŋu náàsòkò ɔ̀kã̀lɔ́ɔ̀kã̀, ǹ máa tse tsí kó ɖɔ̃̀ fú mi. Bí ó dzɛ́ ní ǹ dzɛ yó niì, ǹ wà nébi niì, bí ó dzɛ́ ní iŋɛ́-kã̀ kpókpó kò wà fú mi niì, iŋɛ́ ŋa tsɔ̀ mí kũ̀ si niì, mà máa gbé, tsí kó ɖɔ̃̀ fú mi. 13Kírísítò wà fú mi ńkpá, tsí ó tse tsí mà nyáa le ɛ̀ɖɔ̃̀ gbe iŋɛ́ ɔ̀kã̀lɔ́ɔ̀kã̀ kpó. 14Ó ɖi, è sì tse rere kíbí è mɔ́wɔ́ gbè fú mi ńǹwèrè yèé ǹ wà réré#ɛ́.
15Dzɔ̀ɔ́ dzɔ̀ɔ́#ɛ́, ǹ wá ńɖɔ-ŋɛ́, tsí ǹ kpé ikɔ̀ ɖíɖɔ̃̀ dzídzɛ́ fú ɛ̀ŋɛ gbo, tsí ǹ ǹɖe kɔ̀ ŋɛ́ dzɔ̀ɔ́ ńlɛ̀-Màkɛ̀ɖónìyà#á bɛ̀, tsí lɔ. Tsí ɛ̀ŋɛ, ɛnɛ-ìlú-Fìlíkpò ŋa, è mà ní ɛgbɛ́-Kírísítò-kã̀ kò wà ró, tsí wà tsobí bá mi náànyì-ɛgbɛ́-ŋɛ́. È wà fú mi wá, tsí wà gbà gbo ti ńɖɔ̀-mi. 16Tsí ńǹwèrè yèé ǹ wà ńTɛ̀sàlòníkì gìɖì si, tsí iŋɛ́ ŋa wà hã́ mi#ɛ́, è ti wà tsɔ̀yà ŋa wá fú mi, tsí kò tsi afɔ̀ àrìkã̀ntso ni. 17Kò tsi ní ǹ wà wò ní e mɔ́wɔ́ gbè fú mi ni. Ó ɖi, ǹ wà wò ní Ɔ̀ɖáyé kó mú èrè, tsí ń kpa èrè si fú ŋɛ́ ni. 18Báàyí#ɛ́, iŋɛ́-kã̀ kò wà hã́ mi ró. Ǹ nɛ́ títí ó tsɔ̀ mí kũ̀. Ɔ̀yà yèé è ń fú Èkpàfòɖítì ní kó gbà wá fú mi#ɛ́ tó nɔ́wɔ́-mi, tsí ó tse tsí ǹ nɛ́ iŋɛ́ yèé nákó nyáa hã́ mi ŋa#á kpó. Ɔ̀yà#á, ó wà kíbí à tsɛbɔ fú Ɔ̀ɖáyé bɛ́, tsí dzoná‐ɛ̀, tsí ó rũ̀ fĩ́rĩ́fĩ́rĩ́ fúu. Ɛbɔ#ɛ́ dzɔdzú‐ɛ̀, tsí ó gbàá. 19Ɔ̀ɖáyé-mi, iŋɛ́ ŋa kpó dzɔ nɔ́wɔ́‐ɛ̀. Tsí iyì‐ɛ̀ lákṹ títí nákó gbà ńǹtá-Yèésù Kírísítò, tsí fú ŋɛ́ ńŋɛ́ ɔ̀kã̀lɔ́ɔ̀kã̀ kpó yèé wà hã́ ŋɛ́#ɛ́. 20Ɔkpɛ́ kɔ́kpɛ́ ni ɔkpɛ́-Ɔ̀ɖáyé Boba-wa títí lɔ náàrìtã́. Ɛ̀tsɛ.
Kpɔ́lù wà kí okũ-ìtã̀ntã́ ŋa
21Ɛnɛ yèé ŋa dzɛ́ ti Ɔ̀ɖáyé, tsí ɖi ɔ̀kã̀ntso bá Yèésù Kírísítò si#ɛ́, è kí ŋa fú mi. Ìnàbí yèé wà bí bá mi ŋa#á wà kí ŋɛ́. 22Ɛnɛ yèé ŋa kpó dzɛ́ ti Ɔ̀ɖáyé#ɛ́ wà kí ŋɛ́. Akí-okũ ŋa#á gìɖì ní dzɛ́ ɛnɛ yèé ŋa wà tsitsɛ́ ń kpáfɛ-ɔ̀gã́-ìdzɔba ńlɛ̀-Rómà†#á. 23Yèésù Kírísítò Ɔlá-wa kó tse ore-ɔ̀fɛ́ fú ŋɛ́.
Currently Selected:
Fìlíkpò ŋa 4: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Fìlíkpò ŋa 4
4
1Ńbɛ̀ɛ́, àrínódzú-mi ŋa, àmì-ŋɛ́ wà kpa mí tó bɛ́ɛ̀, tsí náàtsùgbé-ŋɛ́#ɛ́, ayè wà tɛ́ mi, tsí mà wà mú ŋɛ́ nya akpá gbo. Ó ɖi, ìnàbí-mi ŋa, è banɛ́ Ɔlá-wa sísɛ̃̀ nɔ́wɔ́ méèdzì bɛ́ɛ̀ làkóò làkóò gé.
Kpɔ́lù wà fú ifɛ̀ɛ́nɔ́-ìtã̀ntã́ ŋa
2Ǹ wà tsìkálɛ̀ fú Èwòɖíyà òŋu Sũ̀ntúke méèdzì ní kíbí àŋa Ɔlá-wa méèdzì, à ɖi ɔ̀kã̀ntso si#ɛ́, ó wà ní ká gbɔ́ òkpì-afɔ̀ fú ara-ŋa. 3Tsí ìwɔ yèé dzɛ́ àdzɔ́rɛ̃̀-mi nóòtítɔ́ gbo#ɛ́, ǹ wà wò ní o mɔ́wɔ́ gbè fú ìɖá-wa yèé ŋa nyí, tsí ká ɖɔ̃̀. Fee, à ɖù fú ikɔ̀ ɖíɖɔ̃̀#ɛ́ bá mi. Bɛ́ɛ̀ ké ní Kèlèmá gbo òŋu ɛnɛ-àtíbɔ̀ yèé tsitsɛ́ bá mi ŋa#á, àŋa kpó, à ɖù fú ikɔ̀ ɖíɖɔ̃̀#ɛ́ ńnɛ̀ɛ́, tsí à kɔ ɛ́kɔ-ŋa si ńǹwé-àyɛ̀-àrìtã́. 4Tsí kíbí ɛ̀ŋɛ Ɔlá-wa méèdzì, è ɖi ɔ̀kã̀ntso si#ɛ́, ayè kó wà tɛ́ ŋɛ́ ńǹwèrè kíìwèrè. Ǹ tɔ́ wà fɔ̀ɔ́ fú ŋɛ́ ró ní ayè kó wà tɛ́ ŋɛ́. 5Ɔ̀nyà kpó kó rí mà ní è dzɛ́ ɔ̀nyà kã̀ŋa fú ara-ŋɛ́ gé ni. Wíwá-Ɔlá-wa sɔ́má fòò. 6È máa wà ɖíìhã̀ŋù-iŋɛ́-kã̀ kpókpó. Kà kàa bɛ́ɛ̀, bí ó wà nɔ́ɔ̀kã̀lɔ́ɔ̀kã̀, è náa wà wúùre fú Ɔ̀ɖáyé, tsí wà tsìkálɛ̀ gbo fúu, tsí wà bèrèé ńŋɛ́ yèé wà hã́ ŋɛ́#ɛ́, tsí wà ɖɔ́kpɛ́ gbo fúu. 7Tsí è wà ńtútùúrɔ̀ yèé náa ti ńɖi-Ɔ̀ɖáyé#ɛ́ si. Ɔ̀nyà-kã̀ kpókpó kàkó nyáa gbɔ́ òkpì-tútùúrɔ̀#ɛ́. Tsí kíbí ɛ̀ŋɛ Yèésù Kírísítò méèdzì, è ɖi ɔ̀kã̀ntso si#ɛ́, tútùúrɔ̀#ɛ́ nákó sɔgbà wérí ŋɛ́ kpó.
8Ìnàbí-mi ŋa, báàyí#ɛ́, ǹ wà wo n fɔ iŋɛ́ yèé ŋa è nákó wà tse ìsérè-ŋa#á fú ŋɛ́, tsí e gbɔ́. Bí iŋɛ́-kã̀ wà, tsí dzɛ́ òtítɔ́, tsí ɔ̀kã̀ gbo wà, tsí wówo, tsí ɔ̀kã̀ gbo wà ró, tsí dzɛ́ rere nódzú-Ɔ̀ɖáyé òŋu nódzú-ɔ̀nyà ŋa#á, è náa wà tsèsérè lɔ ńǹtá-ŋa. Bí iŋɛ́-kã̀ wà, tsí dzɛ́ iŋɛ́ mímá, tsí ɔ̀kã̀ gbo wà, tsí dzɔdzú, tsí ɔ̀kã̀ gbo wà ró, tsí ɔ̀nyà kpó náa fɔ̀ ti nára‐ɛ̀ ní ó sã̀#á, è náa wà tsèsérè lɔ ńǹtá-àŋa gbo. Bí ó dzɛ́ ore wà ńnɔ́-iŋɛ́-kã̀ gbo, tsí iŋɛ́-kã̀ gbo wà, tsí dzɔ ní ká nyɛ̀ɛ́#ɛ́, è náa wà tsèsérè lɔ ńǹtá-àŋa gbo. 9Ɛ̀kɔ́ yèé ǹ tse fú ŋɛ́#ɛ́ òŋu orò yèé ǹ ɖá fú ŋɛ́#ɛ́ má nára-iŋɛ́ yèé è rí, tsí gbɔ́ ńɖɔ̀-mi#ɛ́, ɛ̀ŋɛ gbo è ń tsitsɛ́ tse, tsí Ɔ̀ɖáyé olí-tútùúrɔ̀ nákó wà náànyì-ŋɛ́ si.
10È tédzú mi àrìkã̀ntso ró, tsí ayè wà tɛ́ mi tó bɛ́ɛ̀, tsí ǹ wà ɖɔ́kpɛ́‐ɛ̀ fú Ɔlá-wa. Ǹ mà ní è wà tédzú mi làkóò. Ó ɖi, è kò rí ɔ̀nà, tsí e ń nyàá ɖíre fú mi ni. 11Kò tsi iŋɛ́-kã̀ wà hã́ mi ní tse tsí ǹ wà wíìnyɛ̀ bɛ́ɛ̀#ɛ́. Ó ɖi, èmi òŋu, ǹ ti ń kɔ́ ara-mi si. Iŋɛ́ yèé wà nɔ́wɔ́-mi#ɛ́ náa tó mi, tsí náa ɖɔ̃̀ fú mi gbo. 12Bí iŋɛ́-kã̀ kpókpó kò wà fú mi, kíbí màa gbé gbà#á, ǹ màá, tsí bí ó sì dzɛ́ gbo ní iŋɛ́ ŋa tsɔ̀ mí kũ̀, kíbí màa gbé gbà#á, ǹ màá. Tsí ńǹɖì ɔ̀kã̀lɔ́ɔ̀kã̀ òŋu náàsòkò ɔ̀kã̀lɔ́ɔ̀kã̀, ǹ máa tse tsí kó ɖɔ̃̀ fú mi. Bí ó dzɛ́ ní ǹ dzɛ yó niì, ǹ wà nébi niì, bí ó dzɛ́ ní iŋɛ́-kã̀ kpókpó kò wà fú mi niì, iŋɛ́ ŋa tsɔ̀ mí kũ̀ si niì, mà máa gbé, tsí kó ɖɔ̃̀ fú mi. 13Kírísítò wà fú mi ńkpá, tsí ó tse tsí mà nyáa le ɛ̀ɖɔ̃̀ gbe iŋɛ́ ɔ̀kã̀lɔ́ɔ̀kã̀ kpó. 14Ó ɖi, è sì tse rere kíbí è mɔ́wɔ́ gbè fú mi ńǹwèrè yèé ǹ wà réré#ɛ́.
15Dzɔ̀ɔ́ dzɔ̀ɔ́#ɛ́, ǹ wá ńɖɔ-ŋɛ́, tsí ǹ kpé ikɔ̀ ɖíɖɔ̃̀ dzídzɛ́ fú ɛ̀ŋɛ gbo, tsí ǹ ǹɖe kɔ̀ ŋɛ́ dzɔ̀ɔ́ ńlɛ̀-Màkɛ̀ɖónìyà#á bɛ̀, tsí lɔ. Tsí ɛ̀ŋɛ, ɛnɛ-ìlú-Fìlíkpò ŋa, è mà ní ɛgbɛ́-Kírísítò-kã̀ kò wà ró, tsí wà tsobí bá mi náànyì-ɛgbɛ́-ŋɛ́. È wà fú mi wá, tsí wà gbà gbo ti ńɖɔ̀-mi. 16Tsí ńǹwèrè yèé ǹ wà ńTɛ̀sàlòníkì gìɖì si, tsí iŋɛ́ ŋa wà hã́ mi#ɛ́, è ti wà tsɔ̀yà ŋa wá fú mi, tsí kò tsi afɔ̀ àrìkã̀ntso ni. 17Kò tsi ní ǹ wà wò ní e mɔ́wɔ́ gbè fú mi ni. Ó ɖi, ǹ wà wò ní Ɔ̀ɖáyé kó mú èrè, tsí ń kpa èrè si fú ŋɛ́ ni. 18Báàyí#ɛ́, iŋɛ́-kã̀ kò wà hã́ mi ró. Ǹ nɛ́ títí ó tsɔ̀ mí kũ̀. Ɔ̀yà yèé è ń fú Èkpàfòɖítì ní kó gbà wá fú mi#ɛ́ tó nɔ́wɔ́-mi, tsí ó tse tsí ǹ nɛ́ iŋɛ́ yèé nákó nyáa hã́ mi ŋa#á kpó. Ɔ̀yà#á, ó wà kíbí à tsɛbɔ fú Ɔ̀ɖáyé bɛ́, tsí dzoná‐ɛ̀, tsí ó rũ̀ fĩ́rĩ́fĩ́rĩ́ fúu. Ɛbɔ#ɛ́ dzɔdzú‐ɛ̀, tsí ó gbàá. 19Ɔ̀ɖáyé-mi, iŋɛ́ ŋa kpó dzɔ nɔ́wɔ́‐ɛ̀. Tsí iyì‐ɛ̀ lákṹ títí nákó gbà ńǹtá-Yèésù Kírísítò, tsí fú ŋɛ́ ńŋɛ́ ɔ̀kã̀lɔ́ɔ̀kã̀ kpó yèé wà hã́ ŋɛ́#ɛ́. 20Ɔkpɛ́ kɔ́kpɛ́ ni ɔkpɛ́-Ɔ̀ɖáyé Boba-wa títí lɔ náàrìtã́. Ɛ̀tsɛ.
Kpɔ́lù wà kí okũ-ìtã̀ntã́ ŋa
21Ɛnɛ yèé ŋa dzɛ́ ti Ɔ̀ɖáyé, tsí ɖi ɔ̀kã̀ntso bá Yèésù Kírísítò si#ɛ́, è kí ŋa fú mi. Ìnàbí yèé wà bí bá mi ŋa#á wà kí ŋɛ́. 22Ɛnɛ yèé ŋa kpó dzɛ́ ti Ɔ̀ɖáyé#ɛ́ wà kí ŋɛ́. Akí-okũ ŋa#á gìɖì ní dzɛ́ ɛnɛ yèé ŋa wà tsitsɛ́ ń kpáfɛ-ɔ̀gã́-ìdzɔba ńlɛ̀-Rómà†#á. 23Yèésù Kírísítò Ɔlá-wa kó tse ore-ɔ̀fɛ́ fú ŋɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.