Hèbérù ŋa 9
9
Bí atsɛbɔ-Ɔ̀ɖáyé ŋa sɛ̃ Ɔ̀ɖáyé ńǹtalɛ̀ bí wáa lɔ gbà fáà?
1Ńbɛ̀ɛ́, ńǹmɔ̀lɛ̀-àtsɛ̃̀tsɛ̃̀†#ɛ́, ó wà ní ɔ̀nyà ŋa kó rɛ̃̀ si nɛ́kpa kã̀ŋa, tsí ká ma bí ká sɛ̃ Ɔ̀ɖáyé ńǹtalɛ̀ bí gbà fáà#á. Tsí à tse ilé-kã̀ gbo, tsí ká wà ń sɛ̃ Ɔ̀ɖáyé. 2Ilé#ɛ́, à mú ɔ̀kpá òŋu awɔ-ɛrã ŋa, tsí ń tseé, tsí ó dzɛ́ àkpàtá òŋu ìɖòɖò. Náàtsɛ̃̀tsɛ̃̀#ɛ́, nàa wɔ̀ lɔ ńbí à náa kpè ní àkpàtá-ilé-Ɔ̀ɖáyé†#ɛ́. Tsí bí ò wɔ̀ lɔ bɛ̀, awà-ɔwɔ́ méedze-kã̀ wà bɛ̀, tsí dzɛ́ siká kpó, tsí à kɛ́ kãnɖé ŋa, tsí ń gú nárũ-ɔwɔ́ kã̀kã̀ lɔ si. Kpɔ̃rɔ̃-kã̀ gbo wà bɛ̀, tsí atsɛbɔ-Ɔ̀ɖáyé† ŋa náa mú kpɔ̃́nɔ́ yèé à ń tsɔ̀yà fú Ɔ̀ɖáyé#ɛ́, tsí ń si ńǹtá‐ɛ̀ si. 3Atsɔ-ìbònà-kã̀ wà, tsí ɖá ilé#ɛ́ méèdzì náàkpàtá òŋu ìɖòɖò. Tsí bí ò kɔ̀ɔ́ dzɔ̀ɔ́, nàa wɔ̀ lɔ ńbí à náa kpè ní ìɖòɖò-ilé-Ɔ̀ɖáyé#ɛ́, ńbí Ɔ̀ɖáyé òŋu ká‐ɛ̀ wà gìɖì gìɖì#ɛ́. 4Ńǹɖòɖò#ɛ́, nàa rí kpɔ̃rɔ̃-ìrɔ́-kã̀ bɛ̀, tsí à mú siká, tsí ń tse ara‐ɛ̀ káà dzálɛ̀ kpó. À náa dzoná awu rṹrũ̀ fĩ́rĩ́fĩ́rĩ́ ńǹtá‐ɛ̀ fú Ɔ̀ɖáyé. Nàa rí àɖákà-ìmɔ̀lɛ̀†#ɛ́ gbo bɛ̀, tsí à mú siká, tsí ń tse ara tɛ̀ɛ̀ gbo káà dzálɛ̀ kpó. Àwò-siká-kã̀ wà ńnɔ́‐ɛ̀, tsí mánà† wà ńnɛ̀. Ɔ̀kpá-Àrɔ̃́nì† yèé rú#ɛ́ gbo wà ńnɛ̀ má nára-òkúta kpɛ́nlɛ́ kpɛ́nlɛ́ méèdzì kã̀ŋa gbo. À kɔ ɛkpa-Ɔ̀ɖáyé† si ńǹtá-òkúta ŋa#á. 5Tsèrùbínì† méèdzì-kã̀ gbo wà ńǹtá-àɖákà#á, tsí wà nyà ɖíre ní Ɔ̀ɖáyé wà bɛ̀. À mú siká, tsí ń tse ŋá, tsí ń tamá-ɔmarĩ́-àɖákà#á. Tsí à nyí odzú kã ara-ŋa si, tsí na iká-ŋa bo ɔmarĩ́#ɛ́, ńǹyabí Ɔ̀ɖáyé náa mú àbi-ɔ̀nyà ŋa, tsí ń tɔrɛ fú ŋa#á. Ó ɖi, afɔ̀ kpíkpɔ̀ ti nára-iŋɛ́ nyɛ̀ŋɛ̀ ŋa-kã̀ kò wà wòná.
6À to iŋɛ́ ŋa#á si ńnɔlé#ɛ́ bɛ́ɛ̀, tsí ilɛ̀ kã̀kã̀ yèé wà má#á, atsɛbɔ-Ɔ̀ɖáyé ŋa náa wà wɔ̀ lɔ náàkpàtá#á, tsí wà tsitsɛ́-ŋa. 7Ó ɖi, ńǹɖòɖò#ɛ́ òŋu, ɔ̀gã́-atsɛbɔ-Ɔ̀ɖáyé ŋa† òŋu níìkã̀ntso gé ní náa wɔ̀ bɛ̀#ɛ́, tsí àrìkã̀ ńnɔ́-ɔɖɔ̃́-kã̀ gbo gé ni. Kà wɔ̀ bɛ̀ náàrìmáa banɛ́ àmbara. Náa banɛ́ àmbara-ɛrã yèé ŋa à ń tsɛbɔ#ɛ́ gé ni, tsí náa ń ɖà fú Ɔ̀ɖáyé, àtsùgbé-àbi tòŋu ká‐ɛ̀ ŋa òŋu ti ìlú#ɛ́ ŋa. Ɔ̀nà nyɛ̀ŋɛ̀ ní náa fà, tsí sã́ã̀bi-àrìmà yèé à dzɛ ŋa#á. 8Gbà ńǹtá-ɛkpa nyɛ̀ŋɛ̀#ɛ́, Mímí-Ɔ̀ɖáyé† wà fɔ̀ fú wa ní bí ilé-Ɔ̀ɖáyé yèé wà ńǹtalɛ̀ bí#ɛ́ wà si#ɛ́, ni ɔ̀nà-ɔgbà-Ɔ̀ɖáyé gìɖì gìɖì yèé wà nɔ́ɔ̀rɔ̃#ɛ́ kò tsí wòná. 9Iŋɛ́ nyɛ̀ŋɛ̀ ŋa kpó wà kíbí ìsàwé-kã̀ fú wa nɔ́mbɛ́ bɛ́ yí. Òkpì‐ɛ̀ ní dzɛ́ ní ńnɔ́-ìmɔ̀lɛ̀-àtsɛ̃̀tsɛ̃̀#ɛ́, bí ɔ̀nyà-kã̀ tsɔ̀yà òŋu ɛbɔ fú Ɔ̀ɖáyé, ɛbɔ#ɛ́ kò nɛ́kpá, tsí kó nyáa tse tsí ɛ̀ɖɔ̃̀-ɛnɛ nyɛ̀ŋɛ̀ kó dzokó fú àbi yèé ó dzɛ ŋa#á. 10Ɛ̀wɔ̀ yèé ŋa à ɖá fú ŋa ńnɔ́-ìmɔ̀lɛ̀-àtsɛ̃̀tsɛ̃̀#ɛ́, àŋa ara-ɔ̀nyà gé ní nɛ́ afɔ̀#ɛ́. À wà wíìnyɛ̀ ti nára-iŋɛ́ yèé ká máa dzɛ ŋa#á, ɔtí yèé ká máa mɔ ŋa#á òŋu kíbí à náa lo omi nórò-ŋa gbà#á ni. À kà tse tsí ɛ̀ɖɔ̃̀-nɛ kó dzokó. À nákó wà nyà ŋá títí fú àsòkò yèé Ɔ̀ɖáyé nákó wáa kparɔ iŋɛ́ ŋa#á kpó, tsí ká ɖi titɔ̃#ɛ́ gé ni.
Yèésù wɔ̀ nɔ́gbà-Ɔ̀ɖáyé yèé wà nɔ́ɔ̀rɔ̃#ɛ́ lɔ, tsí kó wɛ àbi-wa ŋa ǹɖe fú wa
11Kírísítò òŋu ti wá ná, tsí ó dzɛ́ ɔ̀gã́-atsɛbɔ-Ɔ̀ɖáyé ŋa†, tsí ó kɛ́ iŋɛ́-ire ŋa wá fú wa. Ó wɔ̀ ńlé-Ɔ̀ɖáyé yèé kò wà ńǹtalɛ̀ bí#ɛ́ lɔ. Ilé#ɛ́, kò tsi ɔ̀nyà ní tseé#ɛ́, tsí ó láre yèé wà ńǹtalɛ̀ bí#ɛ́ nɔ́ɔ̀nà ɔ̀kã̀lɔ́ɔ̀kã̀ kpó. 12Àrìkã̀ntso gé ní Kírísítò wɔlé yèé wà nɔ́ɔ̀rɔ̃#ɛ́ lɔ#ɛ́, tsí kò tsi àmbara-òwúkɔ nàmí àmbara-ɔma-lalá ní ó banɛ́ lɔ bɛ̀#ɛ́. Àmbara tòŋu ká‐ɛ̀ ní ó ń tsɛbɔ fú Ɔ̀ɖáyé#ɛ́. Ɔ̀nà nyɛ̀ŋɛ̀ ní ó gbà, tsí ń gbà wá dzɔ̀ɔ́ títí lɔ náàrìtã́ nɔ́wɔ́-àbi yèé àa dzɛ ŋa#á. 13Ńnɔ́-ìmɔ̀lɛ̀-àtsɛ̃̀tsɛ̃̀#ɛ́, bí ɔ̀nyà-kã̀ kò nya ɛ̀wɔ̀-kã̀, tsí ó ɖi ɔ̀nyà gbígbɛ̃ɛ̃́rĩ́, à náa kpa òwúkɔ nàmí lalá akɔ, tsí kɛ́ àmbara‐ɛ̀, tsí ń fɔ̃́ ɖà bòó, nàmí à náa kpa lalá ɛɖã-kã̀, tsí dzoná‐ɛ̀, tsí kɛ́ érú‐ɛ̀, tsí ń fɔ̃́ ɖà bòó. Ɛkpa#á fɔ̀ ní bí à tse fú ɛnɛ nyɛ̀ŋɛ̀ bɛ́ɛ̀, ni ó sɛ̃̀ ɖi ɔ̀nyà mímá si ńǹɖì‐ɛ̀ nódzú bɛ́. 14Tsí àmbara-Kírísítò fe, kàkó tse òlárèbɛ́ɛ̀ fú waà? Gbà ńǹtá-Mímí-Ɔ̀ɖáyé, ɛnɛ yèé wà si títí lɔ náàrìtã́#á, Kírísítò mú ara‐ɛ̀, tsí ń tsɛbɔ kíbí ɛrã yèé sã̀ dzálɛ̀#ɛ́ fú Ɔ̀ɖáyé. Tsí ti nára-ìlò yèé náa fa ikú wá fúnɛ ŋa, tsí tse tsí ɛ̀ɖɔ̃̀-wa ŋa kò dzokó si#ɛ́, àmbara-Kírísítò nákó tse, tsí ɛ̀ɖɔ̃̀-wa ŋa nákó dzokó, àtsùgbée àa kó nyáa sɛ̃ Ɔ̀ɖáyé Oláàyɛ̀ ńǹkɛ̀ɛ́.
15Iŋɛ́ yèé Kírísítò tse#ɛ́ tse tsí ó ɖá ìmɔ̀lɛ̀ titɔ̃-òmírɛ̃̀-kã̀ si náàŋírĩ-Ɔ̀ɖáyé òŋu ɔ̀nyà méèdzì. Ńǹwèrè-ìmɔ̀lɛ̀-àtsɛ̃̀tsɛ̃̀#ɛ́, ɔ̀nyà ŋa dzàbi, tsí ó kú, tsí kó gbà ŋá dzɔ̀ɔ́ nɔ́wɔ́-àbi-ŋa#á. Kíbí ó gbà ŋá dzɔ̀ɔ́ bɛ́ɛ̀#ɛ́, ɛnɛ yèé Ɔ̀ɖáyé kpè ŋa#á nákó nyáa gba iŋɛ́-ire yèé Ɔ̀ɖáyé tàlé fú ŋa#á, iŋɛ́ yèé ŋa nákó wà si títí lɔ náàrìtã́#á. 16Ńbí afɔ̀-ogú dzídzɛ wà#á, ó wà ní ká nyà ɖíre ní ɛnɛ yèé à bàkó dzogú‐ɛ̀#ɛ́ kú tã́ná. 17Ó ɖi, à kà dzogú-nɛ náàyɛ̀. Ɔ̀nyà náa kú tã́ná ká dzogú‐ɛ̀. 18Tsí àa rí gbo ní tã́ná ká kpé tsítse si ńǹtá-ìmɔ̀lɛ̀-àtsɛ̃̀tsɛ̃̀#ɛ́, ó bèrè ní àmbara kó ɖà ńlɛ̀. 19Ńǹwèrè yèé Mɔ̀ɔ́sè† bàkó nya ìmɔ̀lɛ̀-àtsɛ̃̀tsɛ̃̀#ɛ́ fùɖá#á, náàtsɛ̃̀tsɛ̃̀#ɛ́, iŋɛ́ yèé ŋa kpó Ɔ̀ɖáyé ɖá ɛkpa‐ɛ̀ fúu ní kó tse#ɛ́, ó fɔ̀ɔ́ fú ìlú#ɛ́ kpó kíbí ó wà ńnɔ́-ɛkpa#á gbà#á, tsí náànyì-bɛ́ɛ̀#ɛ́, ó kɛ́ àmbara-ɔma-lalá òŋu àmbara-òwúkɔ, tsí ń ròmá omi. Tsí ó kɛ́ ɔwɔ́-ewé-hùsófù†-kã̀, tsí mú okù-irɔ̃-àgùɖã̀ kpikpa, tsí ń ɖìí, tsí kɛ́ɛ, tsí ń bɔ̀ nómi-àmbara#á, tsí ń fɔ̃́ ìwé-ɛkpa-Ɔ̀ɖáyé†, tsí ń fɔ̃́ ìlú#ɛ́ gbo kpó. 20Kíbí ó wà mú àmbara#á, tsí wà ń fɔ̃́ ŋa#á, ó wà fɔ̀ ní: “Àmbara-ìmɔ̀lɛ̀ yèé Ɔ̀ɖáyé tse bá ŋɛ́#ɛ́ ní. Ó ní ɛ̀ŋɛ kó tse si ńǹtá‐ɛ̀.”#9:20 Ìwé-Fúfùɖá 24:8 (Exode 24:8) 21Tsí ilé-Ɔ̀ɖáyé† yèé à mú ɔ̀kpá òŋu awɔ-ɛrã ŋa, tsí ń tse#ɛ́, òŋu iŋɛ́ yèé ŋa kpó à náa lò, tsí ń sɛ̃ Ɔ̀ɖáyé#ɛ́, bɛ́ɛ̀ ké ní ó mú àmbara, tsí ń fɔ̃́ àŋa gbo#ɛ́ ńnɛ̀ɛ́. 22Nóòtítɔ́#ɛ́, ńnɔ́-ɛkpa-Ɔ̀ɖáyé#ɛ́, iŋɛ́ yèé bɔ̀, tsí à kò mú àmbara, tsí ń sɔ ɖi mímá#á kò nɛ́ ɔ̀kpɔ̀. Tsí bí àmbara gbo kò ɖà ńlɛ̀, Ɔ̀ɖáyé kà mú àbi-nɛ tɔrɛ fúnɛ.
23Kíbí ó dzɛ́ bɛ́ɛ̀#ɛ́, ó bèrè ní ká sɔ iŋɛ́ yèé ŋa wà ńlé-Ɔ̀ɖáyé ńǹtalɛ̀ bí#ɛ́ ɖi mímá bɛ́ɛ̀. Bí ò rí ŋa gé, ni ò rí yèé wà nɔ́ɔ̀rɔ̃ ŋa#á. Ó ɖi, iŋɛ́ yèé ŋa wà ńlé-Ɔ̀ɖáyé nɔ́ɔ̀rɔ̃ òŋu#ɛ́, ó bere ɛbɔ-kã̀ yèé lárè bɛ́ɛ̀#ɛ́, tsí ká ń sɔ àŋa gbo ɖi mímá. 24Kò tsi nɔ́gbà-ilé-Ɔ̀ɖáyé yèé ɔ̀nyà mɔ́wɔ́ tse#ɛ́ ní Kírísítò wɔ̀#ɛ́, kò tsi nɔ́gbà-ilé yèé bí ò rí gé, ni ò wà rí yèé wà nɔ́ɔ̀rɔ̃ nyɛ̀ŋɛ̀#ɛ́ ni. Nɔ́ɔ̀rɔ̃ òŋu ká‐ɛ̀ ní ó lɔ#ɛ́, àtsùgbée kó lɔ káà ɖóro nódzú-Ɔ̀ɖáyé si nárũ-wa. 25Ɔ̀gã́-atsɛbɔ-Ɔ̀ɖáyé ŋa náa kɛ́ àmbara-ɛrã, tsí ń wɔ ilé-Ɔ̀ɖáyé lɔ nɔ́ɖɔ̃́ kɔ́ɖɔ̃́. Ó ɖi, Kírísítò òŋu kò lɔ nɔ́ɔ̀rɔ̃ kpíkpɔ̀ tó bɛ́ɛ̀, tsí káà mú ara‐ɛ̀, tsí ń tsɛbɔ. 26Ó má tse bɛ́ɛ̀, títí kíbí Ɔ̀ɖáyé ɖá ayé#ɛ́ báàyí#ɛ́, kò tsi àrìkã̀ntso ní ó má réré, tsí kú#ɛ́. Ìɖéǹɖè#ɛ́, ó wá ńǹtalɛ̀ bí àrìkã̀ntso, tsí ɔ̀nyà ŋa ríi òŋu odzú. Ó wá ńǹwèrè-ìtã̀ntã́-ayé#ɛ́, àtsùgbée kó mú ara‐ɛ̀ tsɛbɔ, tsí wɛ àbi-ɔ̀nyà ŋa ǹɖe fú ŋa. 27Ɔ̀nyà kpó náa kú àrìkã̀ntso ni, tsí náànyì-bɛ́ɛ̀, Ɔ̀ɖáyé náa kpɛdzɔ́ fúu. 28Bɛ́ɛ̀ ké ní Kírísítò gbo kú àrìkã̀ntso#ɛ́ ńnɛ̀ɛ́. Ó kú, àtsùgbée kó mú ara‐ɛ̀ tsɛbɔ, tsí wɛ àbi-ɔ̀nyà kpíkpɔ̀ ǹɖe fúu ni. Tsí ó bàa ńǹtalɛ̀#ɛ́ àrìkã̀ ró. Ó ɖi, kò tse àtsùgbé-àbi-ɔ̀nyà ŋa, tsí bàa. Ó bàa, tsí kó wáa gba ɛnɛ yèé ŋa wà ɖóro ɖe wíwá‐ɛ̀#ɛ́ ni.
Currently Selected:
Hèbérù ŋa 9: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Hèbérù ŋa 9
9
Bí atsɛbɔ-Ɔ̀ɖáyé ŋa sɛ̃ Ɔ̀ɖáyé ńǹtalɛ̀ bí wáa lɔ gbà fáà?
1Ńbɛ̀ɛ́, ńǹmɔ̀lɛ̀-àtsɛ̃̀tsɛ̃̀†#ɛ́, ó wà ní ɔ̀nyà ŋa kó rɛ̃̀ si nɛ́kpa kã̀ŋa, tsí ká ma bí ká sɛ̃ Ɔ̀ɖáyé ńǹtalɛ̀ bí gbà fáà#á. Tsí à tse ilé-kã̀ gbo, tsí ká wà ń sɛ̃ Ɔ̀ɖáyé. 2Ilé#ɛ́, à mú ɔ̀kpá òŋu awɔ-ɛrã ŋa, tsí ń tseé, tsí ó dzɛ́ àkpàtá òŋu ìɖòɖò. Náàtsɛ̃̀tsɛ̃̀#ɛ́, nàa wɔ̀ lɔ ńbí à náa kpè ní àkpàtá-ilé-Ɔ̀ɖáyé†#ɛ́. Tsí bí ò wɔ̀ lɔ bɛ̀, awà-ɔwɔ́ méedze-kã̀ wà bɛ̀, tsí dzɛ́ siká kpó, tsí à kɛ́ kãnɖé ŋa, tsí ń gú nárũ-ɔwɔ́ kã̀kã̀ lɔ si. Kpɔ̃rɔ̃-kã̀ gbo wà bɛ̀, tsí atsɛbɔ-Ɔ̀ɖáyé† ŋa náa mú kpɔ̃́nɔ́ yèé à ń tsɔ̀yà fú Ɔ̀ɖáyé#ɛ́, tsí ń si ńǹtá‐ɛ̀ si. 3Atsɔ-ìbònà-kã̀ wà, tsí ɖá ilé#ɛ́ méèdzì náàkpàtá òŋu ìɖòɖò. Tsí bí ò kɔ̀ɔ́ dzɔ̀ɔ́, nàa wɔ̀ lɔ ńbí à náa kpè ní ìɖòɖò-ilé-Ɔ̀ɖáyé#ɛ́, ńbí Ɔ̀ɖáyé òŋu ká‐ɛ̀ wà gìɖì gìɖì#ɛ́. 4Ńǹɖòɖò#ɛ́, nàa rí kpɔ̃rɔ̃-ìrɔ́-kã̀ bɛ̀, tsí à mú siká, tsí ń tse ara‐ɛ̀ káà dzálɛ̀ kpó. À náa dzoná awu rṹrũ̀ fĩ́rĩ́fĩ́rĩ́ ńǹtá‐ɛ̀ fú Ɔ̀ɖáyé. Nàa rí àɖákà-ìmɔ̀lɛ̀†#ɛ́ gbo bɛ̀, tsí à mú siká, tsí ń tse ara tɛ̀ɛ̀ gbo káà dzálɛ̀ kpó. Àwò-siká-kã̀ wà ńnɔ́‐ɛ̀, tsí mánà† wà ńnɛ̀. Ɔ̀kpá-Àrɔ̃́nì† yèé rú#ɛ́ gbo wà ńnɛ̀ má nára-òkúta kpɛ́nlɛ́ kpɛ́nlɛ́ méèdzì kã̀ŋa gbo. À kɔ ɛkpa-Ɔ̀ɖáyé† si ńǹtá-òkúta ŋa#á. 5Tsèrùbínì† méèdzì-kã̀ gbo wà ńǹtá-àɖákà#á, tsí wà nyà ɖíre ní Ɔ̀ɖáyé wà bɛ̀. À mú siká, tsí ń tse ŋá, tsí ń tamá-ɔmarĩ́-àɖákà#á. Tsí à nyí odzú kã ara-ŋa si, tsí na iká-ŋa bo ɔmarĩ́#ɛ́, ńǹyabí Ɔ̀ɖáyé náa mú àbi-ɔ̀nyà ŋa, tsí ń tɔrɛ fú ŋa#á. Ó ɖi, afɔ̀ kpíkpɔ̀ ti nára-iŋɛ́ nyɛ̀ŋɛ̀ ŋa-kã̀ kò wà wòná.
6À to iŋɛ́ ŋa#á si ńnɔlé#ɛ́ bɛ́ɛ̀, tsí ilɛ̀ kã̀kã̀ yèé wà má#á, atsɛbɔ-Ɔ̀ɖáyé ŋa náa wà wɔ̀ lɔ náàkpàtá#á, tsí wà tsitsɛ́-ŋa. 7Ó ɖi, ńǹɖòɖò#ɛ́ òŋu, ɔ̀gã́-atsɛbɔ-Ɔ̀ɖáyé ŋa† òŋu níìkã̀ntso gé ní náa wɔ̀ bɛ̀#ɛ́, tsí àrìkã̀ ńnɔ́-ɔɖɔ̃́-kã̀ gbo gé ni. Kà wɔ̀ bɛ̀ náàrìmáa banɛ́ àmbara. Náa banɛ́ àmbara-ɛrã yèé ŋa à ń tsɛbɔ#ɛ́ gé ni, tsí náa ń ɖà fú Ɔ̀ɖáyé, àtsùgbé-àbi tòŋu ká‐ɛ̀ ŋa òŋu ti ìlú#ɛ́ ŋa. Ɔ̀nà nyɛ̀ŋɛ̀ ní náa fà, tsí sã́ã̀bi-àrìmà yèé à dzɛ ŋa#á. 8Gbà ńǹtá-ɛkpa nyɛ̀ŋɛ̀#ɛ́, Mímí-Ɔ̀ɖáyé† wà fɔ̀ fú wa ní bí ilé-Ɔ̀ɖáyé yèé wà ńǹtalɛ̀ bí#ɛ́ wà si#ɛ́, ni ɔ̀nà-ɔgbà-Ɔ̀ɖáyé gìɖì gìɖì yèé wà nɔ́ɔ̀rɔ̃#ɛ́ kò tsí wòná. 9Iŋɛ́ nyɛ̀ŋɛ̀ ŋa kpó wà kíbí ìsàwé-kã̀ fú wa nɔ́mbɛ́ bɛ́ yí. Òkpì‐ɛ̀ ní dzɛ́ ní ńnɔ́-ìmɔ̀lɛ̀-àtsɛ̃̀tsɛ̃̀#ɛ́, bí ɔ̀nyà-kã̀ tsɔ̀yà òŋu ɛbɔ fú Ɔ̀ɖáyé, ɛbɔ#ɛ́ kò nɛ́kpá, tsí kó nyáa tse tsí ɛ̀ɖɔ̃̀-ɛnɛ nyɛ̀ŋɛ̀ kó dzokó fú àbi yèé ó dzɛ ŋa#á. 10Ɛ̀wɔ̀ yèé ŋa à ɖá fú ŋa ńnɔ́-ìmɔ̀lɛ̀-àtsɛ̃̀tsɛ̃̀#ɛ́, àŋa ara-ɔ̀nyà gé ní nɛ́ afɔ̀#ɛ́. À wà wíìnyɛ̀ ti nára-iŋɛ́ yèé ká máa dzɛ ŋa#á, ɔtí yèé ká máa mɔ ŋa#á òŋu kíbí à náa lo omi nórò-ŋa gbà#á ni. À kà tse tsí ɛ̀ɖɔ̃̀-nɛ kó dzokó. À nákó wà nyà ŋá títí fú àsòkò yèé Ɔ̀ɖáyé nákó wáa kparɔ iŋɛ́ ŋa#á kpó, tsí ká ɖi titɔ̃#ɛ́ gé ni.
Yèésù wɔ̀ nɔ́gbà-Ɔ̀ɖáyé yèé wà nɔ́ɔ̀rɔ̃#ɛ́ lɔ, tsí kó wɛ àbi-wa ŋa ǹɖe fú wa
11Kírísítò òŋu ti wá ná, tsí ó dzɛ́ ɔ̀gã́-atsɛbɔ-Ɔ̀ɖáyé ŋa†, tsí ó kɛ́ iŋɛ́-ire ŋa wá fú wa. Ó wɔ̀ ńlé-Ɔ̀ɖáyé yèé kò wà ńǹtalɛ̀ bí#ɛ́ lɔ. Ilé#ɛ́, kò tsi ɔ̀nyà ní tseé#ɛ́, tsí ó láre yèé wà ńǹtalɛ̀ bí#ɛ́ nɔ́ɔ̀nà ɔ̀kã̀lɔ́ɔ̀kã̀ kpó. 12Àrìkã̀ntso gé ní Kírísítò wɔlé yèé wà nɔ́ɔ̀rɔ̃#ɛ́ lɔ#ɛ́, tsí kò tsi àmbara-òwúkɔ nàmí àmbara-ɔma-lalá ní ó banɛ́ lɔ bɛ̀#ɛ́. Àmbara tòŋu ká‐ɛ̀ ní ó ń tsɛbɔ fú Ɔ̀ɖáyé#ɛ́. Ɔ̀nà nyɛ̀ŋɛ̀ ní ó gbà, tsí ń gbà wá dzɔ̀ɔ́ títí lɔ náàrìtã́ nɔ́wɔ́-àbi yèé àa dzɛ ŋa#á. 13Ńnɔ́-ìmɔ̀lɛ̀-àtsɛ̃̀tsɛ̃̀#ɛ́, bí ɔ̀nyà-kã̀ kò nya ɛ̀wɔ̀-kã̀, tsí ó ɖi ɔ̀nyà gbígbɛ̃ɛ̃́rĩ́, à náa kpa òwúkɔ nàmí lalá akɔ, tsí kɛ́ àmbara‐ɛ̀, tsí ń fɔ̃́ ɖà bòó, nàmí à náa kpa lalá ɛɖã-kã̀, tsí dzoná‐ɛ̀, tsí kɛ́ érú‐ɛ̀, tsí ń fɔ̃́ ɖà bòó. Ɛkpa#á fɔ̀ ní bí à tse fú ɛnɛ nyɛ̀ŋɛ̀ bɛ́ɛ̀, ni ó sɛ̃̀ ɖi ɔ̀nyà mímá si ńǹɖì‐ɛ̀ nódzú bɛ́. 14Tsí àmbara-Kírísítò fe, kàkó tse òlárèbɛ́ɛ̀ fú waà? Gbà ńǹtá-Mímí-Ɔ̀ɖáyé, ɛnɛ yèé wà si títí lɔ náàrìtã́#á, Kírísítò mú ara‐ɛ̀, tsí ń tsɛbɔ kíbí ɛrã yèé sã̀ dzálɛ̀#ɛ́ fú Ɔ̀ɖáyé. Tsí ti nára-ìlò yèé náa fa ikú wá fúnɛ ŋa, tsí tse tsí ɛ̀ɖɔ̃̀-wa ŋa kò dzokó si#ɛ́, àmbara-Kírísítò nákó tse, tsí ɛ̀ɖɔ̃̀-wa ŋa nákó dzokó, àtsùgbée àa kó nyáa sɛ̃ Ɔ̀ɖáyé Oláàyɛ̀ ńǹkɛ̀ɛ́.
15Iŋɛ́ yèé Kírísítò tse#ɛ́ tse tsí ó ɖá ìmɔ̀lɛ̀ titɔ̃-òmírɛ̃̀-kã̀ si náàŋírĩ-Ɔ̀ɖáyé òŋu ɔ̀nyà méèdzì. Ńǹwèrè-ìmɔ̀lɛ̀-àtsɛ̃̀tsɛ̃̀#ɛ́, ɔ̀nyà ŋa dzàbi, tsí ó kú, tsí kó gbà ŋá dzɔ̀ɔ́ nɔ́wɔ́-àbi-ŋa#á. Kíbí ó gbà ŋá dzɔ̀ɔ́ bɛ́ɛ̀#ɛ́, ɛnɛ yèé Ɔ̀ɖáyé kpè ŋa#á nákó nyáa gba iŋɛ́-ire yèé Ɔ̀ɖáyé tàlé fú ŋa#á, iŋɛ́ yèé ŋa nákó wà si títí lɔ náàrìtã́#á. 16Ńbí afɔ̀-ogú dzídzɛ wà#á, ó wà ní ká nyà ɖíre ní ɛnɛ yèé à bàkó dzogú‐ɛ̀#ɛ́ kú tã́ná. 17Ó ɖi, à kà dzogú-nɛ náàyɛ̀. Ɔ̀nyà náa kú tã́ná ká dzogú‐ɛ̀. 18Tsí àa rí gbo ní tã́ná ká kpé tsítse si ńǹtá-ìmɔ̀lɛ̀-àtsɛ̃̀tsɛ̃̀#ɛ́, ó bèrè ní àmbara kó ɖà ńlɛ̀. 19Ńǹwèrè yèé Mɔ̀ɔ́sè† bàkó nya ìmɔ̀lɛ̀-àtsɛ̃̀tsɛ̃̀#ɛ́ fùɖá#á, náàtsɛ̃̀tsɛ̃̀#ɛ́, iŋɛ́ yèé ŋa kpó Ɔ̀ɖáyé ɖá ɛkpa‐ɛ̀ fúu ní kó tse#ɛ́, ó fɔ̀ɔ́ fú ìlú#ɛ́ kpó kíbí ó wà ńnɔ́-ɛkpa#á gbà#á, tsí náànyì-bɛ́ɛ̀#ɛ́, ó kɛ́ àmbara-ɔma-lalá òŋu àmbara-òwúkɔ, tsí ń ròmá omi. Tsí ó kɛ́ ɔwɔ́-ewé-hùsófù†-kã̀, tsí mú okù-irɔ̃-àgùɖã̀ kpikpa, tsí ń ɖìí, tsí kɛ́ɛ, tsí ń bɔ̀ nómi-àmbara#á, tsí ń fɔ̃́ ìwé-ɛkpa-Ɔ̀ɖáyé†, tsí ń fɔ̃́ ìlú#ɛ́ gbo kpó. 20Kíbí ó wà mú àmbara#á, tsí wà ń fɔ̃́ ŋa#á, ó wà fɔ̀ ní: “Àmbara-ìmɔ̀lɛ̀ yèé Ɔ̀ɖáyé tse bá ŋɛ́#ɛ́ ní. Ó ní ɛ̀ŋɛ kó tse si ńǹtá‐ɛ̀.”#9:20 Ìwé-Fúfùɖá 24:8 (Exode 24:8) 21Tsí ilé-Ɔ̀ɖáyé† yèé à mú ɔ̀kpá òŋu awɔ-ɛrã ŋa, tsí ń tse#ɛ́, òŋu iŋɛ́ yèé ŋa kpó à náa lò, tsí ń sɛ̃ Ɔ̀ɖáyé#ɛ́, bɛ́ɛ̀ ké ní ó mú àmbara, tsí ń fɔ̃́ àŋa gbo#ɛ́ ńnɛ̀ɛ́. 22Nóòtítɔ́#ɛ́, ńnɔ́-ɛkpa-Ɔ̀ɖáyé#ɛ́, iŋɛ́ yèé bɔ̀, tsí à kò mú àmbara, tsí ń sɔ ɖi mímá#á kò nɛ́ ɔ̀kpɔ̀. Tsí bí àmbara gbo kò ɖà ńlɛ̀, Ɔ̀ɖáyé kà mú àbi-nɛ tɔrɛ fúnɛ.
23Kíbí ó dzɛ́ bɛ́ɛ̀#ɛ́, ó bèrè ní ká sɔ iŋɛ́ yèé ŋa wà ńlé-Ɔ̀ɖáyé ńǹtalɛ̀ bí#ɛ́ ɖi mímá bɛ́ɛ̀. Bí ò rí ŋa gé, ni ò rí yèé wà nɔ́ɔ̀rɔ̃ ŋa#á. Ó ɖi, iŋɛ́ yèé ŋa wà ńlé-Ɔ̀ɖáyé nɔ́ɔ̀rɔ̃ òŋu#ɛ́, ó bere ɛbɔ-kã̀ yèé lárè bɛ́ɛ̀#ɛ́, tsí ká ń sɔ àŋa gbo ɖi mímá. 24Kò tsi nɔ́gbà-ilé-Ɔ̀ɖáyé yèé ɔ̀nyà mɔ́wɔ́ tse#ɛ́ ní Kírísítò wɔ̀#ɛ́, kò tsi nɔ́gbà-ilé yèé bí ò rí gé, ni ò wà rí yèé wà nɔ́ɔ̀rɔ̃ nyɛ̀ŋɛ̀#ɛ́ ni. Nɔ́ɔ̀rɔ̃ òŋu ká‐ɛ̀ ní ó lɔ#ɛ́, àtsùgbée kó lɔ káà ɖóro nódzú-Ɔ̀ɖáyé si nárũ-wa. 25Ɔ̀gã́-atsɛbɔ-Ɔ̀ɖáyé ŋa náa kɛ́ àmbara-ɛrã, tsí ń wɔ ilé-Ɔ̀ɖáyé lɔ nɔ́ɖɔ̃́ kɔ́ɖɔ̃́. Ó ɖi, Kírísítò òŋu kò lɔ nɔ́ɔ̀rɔ̃ kpíkpɔ̀ tó bɛ́ɛ̀, tsí káà mú ara‐ɛ̀, tsí ń tsɛbɔ. 26Ó má tse bɛ́ɛ̀, títí kíbí Ɔ̀ɖáyé ɖá ayé#ɛ́ báàyí#ɛ́, kò tsi àrìkã̀ntso ní ó má réré, tsí kú#ɛ́. Ìɖéǹɖè#ɛ́, ó wá ńǹtalɛ̀ bí àrìkã̀ntso, tsí ɔ̀nyà ŋa ríi òŋu odzú. Ó wá ńǹwèrè-ìtã̀ntã́-ayé#ɛ́, àtsùgbée kó mú ara‐ɛ̀ tsɛbɔ, tsí wɛ àbi-ɔ̀nyà ŋa ǹɖe fú ŋa. 27Ɔ̀nyà kpó náa kú àrìkã̀ntso ni, tsí náànyì-bɛ́ɛ̀, Ɔ̀ɖáyé náa kpɛdzɔ́ fúu. 28Bɛ́ɛ̀ ké ní Kírísítò gbo kú àrìkã̀ntso#ɛ́ ńnɛ̀ɛ́. Ó kú, àtsùgbée kó mú ara‐ɛ̀ tsɛbɔ, tsí wɛ àbi-ɔ̀nyà kpíkpɔ̀ ǹɖe fúu ni. Tsí ó bàa ńǹtalɛ̀#ɛ́ àrìkã̀ ró. Ó ɖi, kò tse àtsùgbé-àbi-ɔ̀nyà ŋa, tsí bàa. Ó bàa, tsí kó wáa gba ɛnɛ yèé ŋa wà ɖóro ɖe wíwá‐ɛ̀#ɛ́ ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.