Hèbérù ŋa 7
7
Mɛ̀kìsèɖɛ́kì, atsɛbɔ-Ɔ̀ɖáyé Oléwo, ó kpeéwo fú atsɛbɔ-Ɔ̀ɖáyé yèé bɔ̀ ŋa#á
1Mɛ̀kìsèɖɛ́kì#ɛ́, ó dzɛ́ ólú-ìlú-Sàlɛ́mì, tsí dzɛ́ atsɛbɔ-Ɔ̀ɖáyé† Oléwo gbo. Tsí ńǹwèrè nyɛ̀ŋɛ̀#ɛ́, Àbàràhámì† lɔ káà dzogu bá ólú mɛ́ɛrɛ̃, tsí kpa ŋá kpó, tsí bɔ̀ bàa. Kíbí ó bɔ̀ ti nógu#ɛ́ bàa#á, Mɛ̀kìsèɖɛ́kì lɔ káà kpàɖé‐ɛ̀ nɔ́ɔ̀nà, tsí tu kùsɛ̀ɛ̀ fúu. 2Tsí Àbàràhámì kpɛ̃́ iŋɛ́ yèé ó dzogu, tsí gbà bàa ŋa kpó#ɛ́ ìɖì maá, tsí kɛ́ akpálà-kã̀ fúu.#7:2 È káà kã ɛ̀rɔ́#ɛ́ ńǸwé-Ìkpìnkpìlɛ̀-ayé 14:17-20 (Genèse 14:17-20). Ti nára-Mɛ̀kìsèɖɛ́kì#ɛ́, náàtsɛ̃̀tsɛ̃̀#ɛ́, òkpì-ɛ́kɔ‐ɛ̀ ní dzɛ́ ólú yèé náa tse òtítɔ́#ɛ́. Tsí yèé tɛ̀ɛ́#ɛ́, à náa kpèé ní ólú-ìlú-Sàlɛ́mì, òkpì‐ɛ̀ ní dzɛ́ ólú yèé náa fa tútùúrɔ̀ wá#á. 3ŃǸwé-Ɔ̀ɖáyé#ɛ́, à kò wíìnyɛ̀-kã̀ kpókpó ti nára-ìná‐ɛ̀ nàmí boba‐ɛ̀. À kò wíìnyɛ̀-kã̀ ti nára-gbágbóǹgbàgbò‐ɛ̀ ŋa gbo. À kò wíìnyɛ̀-kã̀ ti nára-ɔdzɔ́ yèé à bíi#ɛ́ nàmí nɔ́dzɔ́ yèé ó kú#ɛ́ gbo. Ó wà kíbí Ɔma bíbí-Ɔ̀ɖáyé bɛ́. Ó dzɛ́ atsɛbɔ-Ɔ̀ɖáyé títí lɔ náàrìtã́.
4È rí gé! Ɔ̀nyà lákṹ-kã̀ ní ó dzɛ́#ɛ́ oo. Ó dzɛ́ ɔ̀nyà lákṹ títí Àbàràhámì òŋu ká‐ɛ̀, gbágbóǹgbàgbò-ɔma-Ìsàràyɛ́lì† ŋa, ó kpɛ̃́ iŋɛ́ yèé ó dzogu, tsí gbà ŋa kpó#ɛ́ ìɖì maá, tsí mú akpálà-kã̀ fúu. 5Báàyí#ɛ́, n tsí atsɔ nódzú-afɔ̀#ɛ́ fú ŋɛ́. Náàŋírĩ-ɔma-Ìsàràyɛ́lì ŋa#á, ɔmalɔ́ma-Lèfí† ŋa ní náa dzɛ́ atsɛbɔ-Ɔ̀ɖáyé ŋa#á. Tsí ɛkpa-Ɔ̀ɖáyé† wà fɔ̀ ní ɔma-Ìsàràyɛ́lì yèé bɔ̀ ŋa#á kpó ká wà fú atsɛbɔ-Ɔ̀ɖáyé ŋa ńǹɖì‐ɛ̀kɛ́ɛwá. Òkpì‐ɛ̀ ní dzɛ́ ní atsɛbɔ-Ɔ̀ɖáyé ŋa wà gba ìɖì-ɛ̀kɛ́ɛwá nɔ́wɔ́-ìnàbí-ŋà ŋa, tsí ìnàbí-ŋà ŋa#á, ɔmalɔ́ma-Àbàràhámì ŋa ní àŋa gbo à sì dzɛ́#ɛ́. 6Mɛ̀kìsèɖɛ́kì òŋu kò sì dzɛ́ ɔmalɔ́ma-Lèfí tã́ná, tsí Àbàràhámì fúu ńǹɖì-ɛ̀kɛ́ɛwá. Tsí yèé yɔ#ɛ́, ó tu kùsɛ̀ɛ̀ fú Àbàràhámì, ɛnɛ yèé Ɔ̀ɖáyé tàlé ŋa fú#ɛ́. 7Àrã́dzìnyà-kã̀ kò wà, onùgbó ní náa tu kùsɛ̀ɛ̀ fú maɖé tsígíɖí#ɛ́. 8Atsɛbɔ-Ɔ̀ɖáyé ŋa yèé wà gba ìɖì-ɛ̀kɛ́ɛwá nɔ́wɔ́-ɔma-Ìsàràyɛ́lì ŋa#á, àŋa òŋu, ɔ̀nyà ŋa ní à dzɛ́#ɛ́, tsí à nákó kú. Ó ɖi, Ìwé-Ɔ̀ɖáyé† wà nyà ɖíre fú wa ní Mɛ̀kìsèɖɛ́kì, ɛnɛ yèé gba ìɖì‐ɛ̀kɛ́ɛwá nɔ́wɔ́-Àbàràhámì#ɛ́, òŋu wà si. 9Tsí ká fɔ̀#ɛ́, Lèfí yèé ɔmalɔ́ma‐ɛ̀ ŋa wà gba ìɖì-ɛ̀kɛ́ɛwá nɔ́wɔ́-ɔma-Ìsàràyɛ́lì-àtíbɔ̀ ŋa#á, Lèfí#ɛ́ òŋu ká‐ɛ̀ gbo fú Mɛ̀kìsèɖɛ́kì ńǹɖì-ɛ̀kɛ́ɛwá gbà ńǹtá-gbágbóǹgbàgbò‐ɛ̀, Àbàràhámì. 10Ńǹwèrè nyɛ̀ŋɛ̀#ɛ́, à kò bí Lèfí wòná. Ó ɖi, ó ti wà náàtɔ̀-gbágbóǹgbàgbò‐ɛ̀ si ńǹwèrè yèé Mɛ̀kìsèɖɛ́kì lɔ káà kpàɖé‐ɛ̀#ɛ́.
11Ɔ̀ɖáyé ɖá ɛkpa‐ɛ̀ fú ɔma-Ìsàràyɛ́lì ŋa, tsí itsɛ́ yèé ɔmalɔ́ma-Lèfí ŋa, atsɛbɔ-Ɔ̀ɖáyé ŋa náa wáa tse#ɛ́ ní gba ɛkpa#á ɖóro si#ɛ́. Ńbɛ̀ɛ́, ó má dzɛ́ ní itsɛ́ yèé ŋa à náa tse#ɛ́ tó#ɛ́, kàá kpã́dzú ní Ɔ̀ɖáyé kó sɛ̃̀, tsí bɛ atsɛbɔ-Ɔ̀ɖáyé-ìrɔ́-òmírɛ̃̀-kã̀ wá ró. Atsɛbɔ-Ɔ̀ɖáyé yèé bɛ́#ɛ́, ó dzɛ́ atsɛbɔ-Ɔ̀ɖáyé kíbí ìrɔ́-atsɛbɔ-Ɔ̀ɖáyé yèé Mɛ̀kìsèɖɛ́kì dzɛ́#ɛ́ ni. Kò dzɛ́ atsɛbɔ-Ɔ̀ɖáyé kíbí ìrɔ́-ti Àrɔ̃́nì#7:11 Àrɔ̃́nì dzɛ́ ɔmalɔ́ma-Lèfí. Tsí Ɔ̀ɖáyé tsã̀ã́ ní kó tsɛ̃̀tsɛ̃̀ dzɛ́ ɔ̀gã́-atsɛbɔ-Ɔ̀ɖáyé ŋa fú ɔma-Ìsàràyɛ́lì ŋa. òŋu ɔmalɔ́ma‐ɛ̀ ŋa. 12Tsí bí Ɔ̀ɖáyé kparɔ ìrɔ́-atsɛbɔ-Ɔ̀ɖáyé-òmírɛ̃̀#ɛ́, ó wà ní kó kparɔ ìrɔ́-ɛkpa-òmírɛ̃̀ gbo. 13Kíbí afɔ̀-Ɔ̀ɖáyé wà fɔ afɔ̀-ìrɔ́-atsɛbɔ-Ɔ̀ɖáyé-òmírɛ̃̀-kã̀#á, Ɔlá-wa ní ó wà kperí#ɛ́. Ɔlá-wa kò dzɛ́ ɔmalɔ́ma-Lèfí. Náro-ɔma-Ìsàràyɛ́lì-òmírɛ̃̀-kã̀ ní ó ti#ɛ́, tsí náro yèé ó ti#ɛ́, ɔ̀nyà-kã̀ kpókpó kò dzɛ́ atsɛbɔ-Ɔ̀ɖáyé láyé wòrí. 14Ɔ̀nyà kpó mà ní ɔmalɔ́ma-Yúɖà† ní ó dzɛ́#ɛ́. Tsí kíbí Mɔ̀ɔ́sè† kã ɛkpa-Ɔ̀ɖáyé fúnɛ#ɛ́, ìɖì-kã̀ kpókpó ńnɔ́-ɛkpa#á kò fɔ̀ ní ɔmalɔ́ma-Yúɖà ŋa nákó nyáa dzɛ́ atsɛbɔ-Ɔ̀ɖáyé.
15Tsí kíbí àa rí ní báàyí#ɛ́ atsɛbɔ-Ɔ̀ɖáyé ìrɔ́-òmírɛ̃̀-kã̀ wá, tsí dzɛ́ atsɛbɔ kíbí ìrɔ́-atsɛbɔ-Ɔ̀ɖáyé yèé Mɛ̀kìsèɖɛ́kì dzɛ́#ɛ́, àa rí ní afɔ̀-atsɛbɔ-Ɔ̀ɖáyé yèé à wà fɔ̀#ɛ́, inɔ́‐ɛ̀ má fú àwa kpó ńǹkɛ̀ɛ́. 16Atsɛbɔ-Ɔ̀ɖáyé titɔ̃ yèé bɛ́#ɛ́, kò tsi ní ɛkpa-kã̀ fɔ̀ ní à náa dzɛ́ atsɛbɔ-Ɔ̀ɖáyé náro-ŋa tã́ná, tsí ó dzɛ́ atsɛbɔ-Ɔ̀ɖáyé. Ó ɖi atsɛbɔ-Ɔ̀ɖáyé, iŋɛ́ yèé tse#ɛ́, ó nɛ́kpá, tsí ikpá#á fúu náàyɛ̀-àrìtã́. 17Ó lɔ bɛ́ɛ̀ kíbí à kɔ si ti nára‐ɛ̀ ńnɔ́-Ìwé-Ɔ̀ɖáyé#ɛ́. À kɔɔ́ si ní:
“Nàa dzɛ́ atsɛbɔ-Ɔ̀ɖáyé títí lɔ náàrìtã́
kíbí ìrɔ́-atsɛbɔ-Ɔ̀ɖáyé yèé Mɛ̀kìsèɖɛ́kì dzɛ́#ɛ́.”#7:17 Ìwé-Orĩ ŋa 110:4 (Psaumes 110:4)
18Ńbɛ̀ɛ́, Ɔ̀ɖáyé ní arũ-ɛkpa ti dzɔ̀ɔ́ dzɔ̀ɔ́ kũ, iŋɛ́ yèé tse#ɛ́, kò nɛ́kpá-kã̀, tsí kò mɔ́wɔ́ gbè fúnɛ gbo. 19Ìɖéǹɖè#ɛ́, ɛkpa-Mɔ̀ɔ́sè kò nyáa tse iŋɛ́-kã̀ kpókpó dzálɛ̀. Ńbɛ̀ɛ́, Ɔ̀ɖáyé mú òlárèbɛ́ɛ̀, tsí ń fú wa. Ó fú wa nátsɛbɔ-Ɔ̀ɖáyé titɔ̃-òmírɛ̃̀-kã̀, tsí àa módzú si nɔ́ɔ̀nà si fúu. Ńǹtá‐ɛ̀ ní àa nákó gbà tã́ná àa kó nyáa sɔ́ tìmá-Ɔ̀ɖáyé#ɛ́.
20Iŋɛ́ yèé kpã́dzú lárè#ɛ́ ní dzɛ́ ní Ɔ̀ɖáyé kò fú wa nátsɛbɔ-Ɔ̀ɖáyé titɔ̃ yèé bɛ́ náàrì wíìnyɛ̀, tsí kpe iŋɛ́-kã̀ si ńǹtá‐ɛ̀. Dzɔ̀ɔ́ dzɔ̀ɔ́#ɛ́, bí ɔ̀nyà-kã̀ ɖi atsɛbɔ-Ɔ̀ɖáyé, Ɔ̀ɖáyé kà wíìnyɛ̀, tsí kpe iŋɛ́-kã̀ si ńǹtá‐ɛ̀. 21Ó ɖi, kíbí ó tsã Yèésù òŋu ní kó dzɛ́ ɔ̀gã́-atsɛbɔ-Ɔ̀ɖáyé ŋa#á, ó wíìnyɛ̀, tsí kpe iŋɛ́ si ńǹtá‐ɛ̀. Ó fɔ̀ ní:
“Ɔlɔ́dzɔ́ wíìnyɛ̀, tsí kpe iŋɛ́ si ńǹtá‐ɛ̀,
tsí kàkó nyí, tsí fɔ afɔ̀-òmírɛ̃̀-kã̀ ró.
Ó fɔ̀ fúu ní: Nàa dzɛ́ atsɛbɔ-Ɔ̀ɖáyé títí lɔ náàrìtã́.”#7:21 Ìwé-Orĩ ŋa 110:4 (Psaumes 110:4)
22Kíbí Ɔ̀ɖáyé wíìnyɛ̀, tsí kpe iŋɛ́ si ńǹtá‐ɛ̀ bɛ́ɛ̀#ɛ́, ó tse tsí ìmɔ̀lɛ̀-ìkã́ã̀nyì†#ɛ́ sã̀ láre ìmɔ̀lɛ̀ yèé ó tse dzɔ̀ɔ́ dzɔ̀ɔ́#ɛ́. Tsí Yèésù ní dzɛ́ ɛnɛ yèé ɖóro nárũ-ìmɔ̀lɛ̀-ìkã́ã̀nyì#ɛ́ fú Ɔ̀ɖáyé#ɛ́. 23Tsí ńǹwèrè-ìmɔ̀lɛ̀-àtsɛ̃̀tsɛ̃̀†#ɛ́, atsɛbɔ-Ɔ̀ɖáyé ŋa gbé kpíkpɔ̀ wáa lɔ, iŋɛ́ yèé tse#ɛ́, bí ɔ̀kã̀ kú, à náa mú olòmírɛ̃̀, tsí ń kparɔ ìɖì‐ɛ̀. 24Ò ɖi, Yèésù òŋu, kàkó kú láyé. Tsí kíbí ó dzɛ́ bɛ́ɛ̀#ɛ́, nákó dzɛ́ atsɛbɔ-Ɔ̀ɖáyé títí lɔ. 25Kíbí ó dzɛ́ atsɛbɔ-Ɔ̀ɖáyé si làkóò làkóò#ɛ́, ó nɛ́kpá ɔ̀kã̀lɔ́ɔ̀kã̀ kpó, tsí kó ń gba ɛnɛ yèé ŋa náa gbà ńǹtá‐ɛ̀, tsí sɔ́ tìmá-Ɔ̀ɖáyé#ɛ́ là. Nákó nyáa lɔ bɛ́ɛ̀, iŋɛ́ yèé tse#ɛ́, ó wà náàyɛ̀ si làkóò làkóò, tsí wà gbè fú ŋa ńɖi-Ɔ̀ɖáyé.
26Ńbɛ̀ɛ́, Yèésù ní dzɛ́ ìrɔ́-ɔ̀gã́-atsɛbɔ-Ɔ̀ɖáyé ŋa yèé sã̀ fú wa tútútú#ɛ́. Iŋɛ́‐ɛ̀ náa dzɔdzú-Ɔ̀ɖáyé, kò tse íbàɖí-kã̀ kpókpó láyé wòrí. Ɔ̀ɖáyé nyàá si níìkã̀ fú adzàbi ŋa, tsí kɛ́ɛ lɔ títí nɔ́ɔ̀rɔ̃ sã́ŋú sã́ŋú. 27Ɔ̀gã́-atsɛbɔ-Ɔ̀ɖáyé ti ìmɔ̀lɛ̀-àtsɛ̃̀tsɛ̃̀#ɛ́ ŋa ɔ̀kã̀lɔ́ɔ̀kã̀ kpó, ó wà ní kó wà tsɛbɔ fú Ɔ̀ɖáyé nɔ́dzɔ́ kɔ́dzɔ́. Náàtsɛ̃̀tsɛ̃̀#ɛ́, náa tsɛbɔ néwo tòŋu ká‐ɛ̀, àtsùgbé-àbi yèé ó dzɛ ŋa#á. Tsí bí ó tse bɛ́ɛ̀ tã́, náa tsɛbɔ néwo-ìlú#ɛ́ gbo ńǹkɛ̀ɛ́, àtsùgbée àbi‐ɛ̀ ŋa. Ó ɖi, Yèésù òŋu kò bèrè bɛ́ɛ̀. Ó mú ara tòŋu ká‐ɛ̀, tsí ń tsɛbɔ ɔ̀kã̀ntso, tsí ń sã́ã̀bi nárũ-ɔ̀nyà ŋa fú Ɔ̀ɖáyé. Ɛbɔ ɔ̀kã̀ntso nyɛ̀ŋɛ̀#ɛ́, ó tó títí lɔ, ɔ̀kã̀ kò wà ró. 28Kíbí ó wà nɛ́kpa-Mɔ̀ɔ́sè gbà#á, à náa mú ɔ̀nyà ŋa, tsí ń dzɛ́ ɔ̀gã́-atsɛbɔ-Ɔ̀ɖáyé ŋa, tsí ɛnɛ nyɛ̀ŋɛ̀ ŋa#á náa tse sé kíbí ɛnɛ-àtíbɔ̀ ŋa gbo ni. Ó ɖi, Ɔ̀ɖáyé mú ɛkpa bɔwɔ́-Mɔ̀ɔ́sè tã́, tsí náànyìwà#á, ó tàlé, tsí kpe òŋu ká‐ɛ̀ si ńǹtá‐ɛ̀ máa. Tsí ti nára-àlé#ɛ́, Ɔma bíbí‐ɛ̀ ɖi ɔ̀gã́-atsɛbɔ-Ɔ̀ɖáyé ŋa. Ó tse iŋɛ́ yèé Ɔ̀ɖáyé bèrèé ní kó tse#ɛ́ dzálɛ̀ kpó, tsí nákó wà tseé bɛ́ɛ̀ títí lɔ.
Currently Selected:
Hèbérù ŋa 7: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Hèbérù ŋa 7
7
Mɛ̀kìsèɖɛ́kì, atsɛbɔ-Ɔ̀ɖáyé Oléwo, ó kpeéwo fú atsɛbɔ-Ɔ̀ɖáyé yèé bɔ̀ ŋa#á
1Mɛ̀kìsèɖɛ́kì#ɛ́, ó dzɛ́ ólú-ìlú-Sàlɛ́mì, tsí dzɛ́ atsɛbɔ-Ɔ̀ɖáyé† Oléwo gbo. Tsí ńǹwèrè nyɛ̀ŋɛ̀#ɛ́, Àbàràhámì† lɔ káà dzogu bá ólú mɛ́ɛrɛ̃, tsí kpa ŋá kpó, tsí bɔ̀ bàa. Kíbí ó bɔ̀ ti nógu#ɛ́ bàa#á, Mɛ̀kìsèɖɛ́kì lɔ káà kpàɖé‐ɛ̀ nɔ́ɔ̀nà, tsí tu kùsɛ̀ɛ̀ fúu. 2Tsí Àbàràhámì kpɛ̃́ iŋɛ́ yèé ó dzogu, tsí gbà bàa ŋa kpó#ɛ́ ìɖì maá, tsí kɛ́ akpálà-kã̀ fúu.#7:2 È káà kã ɛ̀rɔ́#ɛ́ ńǸwé-Ìkpìnkpìlɛ̀-ayé 14:17-20 (Genèse 14:17-20). Ti nára-Mɛ̀kìsèɖɛ́kì#ɛ́, náàtsɛ̃̀tsɛ̃̀#ɛ́, òkpì-ɛ́kɔ‐ɛ̀ ní dzɛ́ ólú yèé náa tse òtítɔ́#ɛ́. Tsí yèé tɛ̀ɛ́#ɛ́, à náa kpèé ní ólú-ìlú-Sàlɛ́mì, òkpì‐ɛ̀ ní dzɛ́ ólú yèé náa fa tútùúrɔ̀ wá#á. 3ŃǸwé-Ɔ̀ɖáyé#ɛ́, à kò wíìnyɛ̀-kã̀ kpókpó ti nára-ìná‐ɛ̀ nàmí boba‐ɛ̀. À kò wíìnyɛ̀-kã̀ ti nára-gbágbóǹgbàgbò‐ɛ̀ ŋa gbo. À kò wíìnyɛ̀-kã̀ ti nára-ɔdzɔ́ yèé à bíi#ɛ́ nàmí nɔ́dzɔ́ yèé ó kú#ɛ́ gbo. Ó wà kíbí Ɔma bíbí-Ɔ̀ɖáyé bɛ́. Ó dzɛ́ atsɛbɔ-Ɔ̀ɖáyé títí lɔ náàrìtã́.
4È rí gé! Ɔ̀nyà lákṹ-kã̀ ní ó dzɛ́#ɛ́ oo. Ó dzɛ́ ɔ̀nyà lákṹ títí Àbàràhámì òŋu ká‐ɛ̀, gbágbóǹgbàgbò-ɔma-Ìsàràyɛ́lì† ŋa, ó kpɛ̃́ iŋɛ́ yèé ó dzogu, tsí gbà ŋa kpó#ɛ́ ìɖì maá, tsí mú akpálà-kã̀ fúu. 5Báàyí#ɛ́, n tsí atsɔ nódzú-afɔ̀#ɛ́ fú ŋɛ́. Náàŋírĩ-ɔma-Ìsàràyɛ́lì ŋa#á, ɔmalɔ́ma-Lèfí† ŋa ní náa dzɛ́ atsɛbɔ-Ɔ̀ɖáyé ŋa#á. Tsí ɛkpa-Ɔ̀ɖáyé† wà fɔ̀ ní ɔma-Ìsàràyɛ́lì yèé bɔ̀ ŋa#á kpó ká wà fú atsɛbɔ-Ɔ̀ɖáyé ŋa ńǹɖì‐ɛ̀kɛ́ɛwá. Òkpì‐ɛ̀ ní dzɛ́ ní atsɛbɔ-Ɔ̀ɖáyé ŋa wà gba ìɖì-ɛ̀kɛ́ɛwá nɔ́wɔ́-ìnàbí-ŋà ŋa, tsí ìnàbí-ŋà ŋa#á, ɔmalɔ́ma-Àbàràhámì ŋa ní àŋa gbo à sì dzɛ́#ɛ́. 6Mɛ̀kìsèɖɛ́kì òŋu kò sì dzɛ́ ɔmalɔ́ma-Lèfí tã́ná, tsí Àbàràhámì fúu ńǹɖì-ɛ̀kɛ́ɛwá. Tsí yèé yɔ#ɛ́, ó tu kùsɛ̀ɛ̀ fú Àbàràhámì, ɛnɛ yèé Ɔ̀ɖáyé tàlé ŋa fú#ɛ́. 7Àrã́dzìnyà-kã̀ kò wà, onùgbó ní náa tu kùsɛ̀ɛ̀ fú maɖé tsígíɖí#ɛ́. 8Atsɛbɔ-Ɔ̀ɖáyé ŋa yèé wà gba ìɖì-ɛ̀kɛ́ɛwá nɔ́wɔ́-ɔma-Ìsàràyɛ́lì ŋa#á, àŋa òŋu, ɔ̀nyà ŋa ní à dzɛ́#ɛ́, tsí à nákó kú. Ó ɖi, Ìwé-Ɔ̀ɖáyé† wà nyà ɖíre fú wa ní Mɛ̀kìsèɖɛ́kì, ɛnɛ yèé gba ìɖì‐ɛ̀kɛ́ɛwá nɔ́wɔ́-Àbàràhámì#ɛ́, òŋu wà si. 9Tsí ká fɔ̀#ɛ́, Lèfí yèé ɔmalɔ́ma‐ɛ̀ ŋa wà gba ìɖì-ɛ̀kɛ́ɛwá nɔ́wɔ́-ɔma-Ìsàràyɛ́lì-àtíbɔ̀ ŋa#á, Lèfí#ɛ́ òŋu ká‐ɛ̀ gbo fú Mɛ̀kìsèɖɛ́kì ńǹɖì-ɛ̀kɛ́ɛwá gbà ńǹtá-gbágbóǹgbàgbò‐ɛ̀, Àbàràhámì. 10Ńǹwèrè nyɛ̀ŋɛ̀#ɛ́, à kò bí Lèfí wòná. Ó ɖi, ó ti wà náàtɔ̀-gbágbóǹgbàgbò‐ɛ̀ si ńǹwèrè yèé Mɛ̀kìsèɖɛ́kì lɔ káà kpàɖé‐ɛ̀#ɛ́.
11Ɔ̀ɖáyé ɖá ɛkpa‐ɛ̀ fú ɔma-Ìsàràyɛ́lì ŋa, tsí itsɛ́ yèé ɔmalɔ́ma-Lèfí ŋa, atsɛbɔ-Ɔ̀ɖáyé ŋa náa wáa tse#ɛ́ ní gba ɛkpa#á ɖóro si#ɛ́. Ńbɛ̀ɛ́, ó má dzɛ́ ní itsɛ́ yèé ŋa à náa tse#ɛ́ tó#ɛ́, kàá kpã́dzú ní Ɔ̀ɖáyé kó sɛ̃̀, tsí bɛ atsɛbɔ-Ɔ̀ɖáyé-ìrɔ́-òmírɛ̃̀-kã̀ wá ró. Atsɛbɔ-Ɔ̀ɖáyé yèé bɛ́#ɛ́, ó dzɛ́ atsɛbɔ-Ɔ̀ɖáyé kíbí ìrɔ́-atsɛbɔ-Ɔ̀ɖáyé yèé Mɛ̀kìsèɖɛ́kì dzɛ́#ɛ́ ni. Kò dzɛ́ atsɛbɔ-Ɔ̀ɖáyé kíbí ìrɔ́-ti Àrɔ̃́nì#7:11 Àrɔ̃́nì dzɛ́ ɔmalɔ́ma-Lèfí. Tsí Ɔ̀ɖáyé tsã̀ã́ ní kó tsɛ̃̀tsɛ̃̀ dzɛ́ ɔ̀gã́-atsɛbɔ-Ɔ̀ɖáyé ŋa fú ɔma-Ìsàràyɛ́lì ŋa. òŋu ɔmalɔ́ma‐ɛ̀ ŋa. 12Tsí bí Ɔ̀ɖáyé kparɔ ìrɔ́-atsɛbɔ-Ɔ̀ɖáyé-òmírɛ̃̀#ɛ́, ó wà ní kó kparɔ ìrɔ́-ɛkpa-òmírɛ̃̀ gbo. 13Kíbí afɔ̀-Ɔ̀ɖáyé wà fɔ afɔ̀-ìrɔ́-atsɛbɔ-Ɔ̀ɖáyé-òmírɛ̃̀-kã̀#á, Ɔlá-wa ní ó wà kperí#ɛ́. Ɔlá-wa kò dzɛ́ ɔmalɔ́ma-Lèfí. Náro-ɔma-Ìsàràyɛ́lì-òmírɛ̃̀-kã̀ ní ó ti#ɛ́, tsí náro yèé ó ti#ɛ́, ɔ̀nyà-kã̀ kpókpó kò dzɛ́ atsɛbɔ-Ɔ̀ɖáyé láyé wòrí. 14Ɔ̀nyà kpó mà ní ɔmalɔ́ma-Yúɖà† ní ó dzɛ́#ɛ́. Tsí kíbí Mɔ̀ɔ́sè† kã ɛkpa-Ɔ̀ɖáyé fúnɛ#ɛ́, ìɖì-kã̀ kpókpó ńnɔ́-ɛkpa#á kò fɔ̀ ní ɔmalɔ́ma-Yúɖà ŋa nákó nyáa dzɛ́ atsɛbɔ-Ɔ̀ɖáyé.
15Tsí kíbí àa rí ní báàyí#ɛ́ atsɛbɔ-Ɔ̀ɖáyé ìrɔ́-òmírɛ̃̀-kã̀ wá, tsí dzɛ́ atsɛbɔ kíbí ìrɔ́-atsɛbɔ-Ɔ̀ɖáyé yèé Mɛ̀kìsèɖɛ́kì dzɛ́#ɛ́, àa rí ní afɔ̀-atsɛbɔ-Ɔ̀ɖáyé yèé à wà fɔ̀#ɛ́, inɔ́‐ɛ̀ má fú àwa kpó ńǹkɛ̀ɛ́. 16Atsɛbɔ-Ɔ̀ɖáyé titɔ̃ yèé bɛ́#ɛ́, kò tsi ní ɛkpa-kã̀ fɔ̀ ní à náa dzɛ́ atsɛbɔ-Ɔ̀ɖáyé náro-ŋa tã́ná, tsí ó dzɛ́ atsɛbɔ-Ɔ̀ɖáyé. Ó ɖi atsɛbɔ-Ɔ̀ɖáyé, iŋɛ́ yèé tse#ɛ́, ó nɛ́kpá, tsí ikpá#á fúu náàyɛ̀-àrìtã́. 17Ó lɔ bɛ́ɛ̀ kíbí à kɔ si ti nára‐ɛ̀ ńnɔ́-Ìwé-Ɔ̀ɖáyé#ɛ́. À kɔɔ́ si ní:
“Nàa dzɛ́ atsɛbɔ-Ɔ̀ɖáyé títí lɔ náàrìtã́
kíbí ìrɔ́-atsɛbɔ-Ɔ̀ɖáyé yèé Mɛ̀kìsèɖɛ́kì dzɛ́#ɛ́.”#7:17 Ìwé-Orĩ ŋa 110:4 (Psaumes 110:4)
18Ńbɛ̀ɛ́, Ɔ̀ɖáyé ní arũ-ɛkpa ti dzɔ̀ɔ́ dzɔ̀ɔ́ kũ, iŋɛ́ yèé tse#ɛ́, kò nɛ́kpá-kã̀, tsí kò mɔ́wɔ́ gbè fúnɛ gbo. 19Ìɖéǹɖè#ɛ́, ɛkpa-Mɔ̀ɔ́sè kò nyáa tse iŋɛ́-kã̀ kpókpó dzálɛ̀. Ńbɛ̀ɛ́, Ɔ̀ɖáyé mú òlárèbɛ́ɛ̀, tsí ń fú wa. Ó fú wa nátsɛbɔ-Ɔ̀ɖáyé titɔ̃-òmírɛ̃̀-kã̀, tsí àa módzú si nɔ́ɔ̀nà si fúu. Ńǹtá‐ɛ̀ ní àa nákó gbà tã́ná àa kó nyáa sɔ́ tìmá-Ɔ̀ɖáyé#ɛ́.
20Iŋɛ́ yèé kpã́dzú lárè#ɛ́ ní dzɛ́ ní Ɔ̀ɖáyé kò fú wa nátsɛbɔ-Ɔ̀ɖáyé titɔ̃ yèé bɛ́ náàrì wíìnyɛ̀, tsí kpe iŋɛ́-kã̀ si ńǹtá‐ɛ̀. Dzɔ̀ɔ́ dzɔ̀ɔ́#ɛ́, bí ɔ̀nyà-kã̀ ɖi atsɛbɔ-Ɔ̀ɖáyé, Ɔ̀ɖáyé kà wíìnyɛ̀, tsí kpe iŋɛ́-kã̀ si ńǹtá‐ɛ̀. 21Ó ɖi, kíbí ó tsã Yèésù òŋu ní kó dzɛ́ ɔ̀gã́-atsɛbɔ-Ɔ̀ɖáyé ŋa#á, ó wíìnyɛ̀, tsí kpe iŋɛ́ si ńǹtá‐ɛ̀. Ó fɔ̀ ní:
“Ɔlɔ́dzɔ́ wíìnyɛ̀, tsí kpe iŋɛ́ si ńǹtá‐ɛ̀,
tsí kàkó nyí, tsí fɔ afɔ̀-òmírɛ̃̀-kã̀ ró.
Ó fɔ̀ fúu ní: Nàa dzɛ́ atsɛbɔ-Ɔ̀ɖáyé títí lɔ náàrìtã́.”#7:21 Ìwé-Orĩ ŋa 110:4 (Psaumes 110:4)
22Kíbí Ɔ̀ɖáyé wíìnyɛ̀, tsí kpe iŋɛ́ si ńǹtá‐ɛ̀ bɛ́ɛ̀#ɛ́, ó tse tsí ìmɔ̀lɛ̀-ìkã́ã̀nyì†#ɛ́ sã̀ láre ìmɔ̀lɛ̀ yèé ó tse dzɔ̀ɔ́ dzɔ̀ɔ́#ɛ́. Tsí Yèésù ní dzɛ́ ɛnɛ yèé ɖóro nárũ-ìmɔ̀lɛ̀-ìkã́ã̀nyì#ɛ́ fú Ɔ̀ɖáyé#ɛ́. 23Tsí ńǹwèrè-ìmɔ̀lɛ̀-àtsɛ̃̀tsɛ̃̀†#ɛ́, atsɛbɔ-Ɔ̀ɖáyé ŋa gbé kpíkpɔ̀ wáa lɔ, iŋɛ́ yèé tse#ɛ́, bí ɔ̀kã̀ kú, à náa mú olòmírɛ̃̀, tsí ń kparɔ ìɖì‐ɛ̀. 24Ò ɖi, Yèésù òŋu, kàkó kú láyé. Tsí kíbí ó dzɛ́ bɛ́ɛ̀#ɛ́, nákó dzɛ́ atsɛbɔ-Ɔ̀ɖáyé títí lɔ. 25Kíbí ó dzɛ́ atsɛbɔ-Ɔ̀ɖáyé si làkóò làkóò#ɛ́, ó nɛ́kpá ɔ̀kã̀lɔ́ɔ̀kã̀ kpó, tsí kó ń gba ɛnɛ yèé ŋa náa gbà ńǹtá‐ɛ̀, tsí sɔ́ tìmá-Ɔ̀ɖáyé#ɛ́ là. Nákó nyáa lɔ bɛ́ɛ̀, iŋɛ́ yèé tse#ɛ́, ó wà náàyɛ̀ si làkóò làkóò, tsí wà gbè fú ŋa ńɖi-Ɔ̀ɖáyé.
26Ńbɛ̀ɛ́, Yèésù ní dzɛ́ ìrɔ́-ɔ̀gã́-atsɛbɔ-Ɔ̀ɖáyé ŋa yèé sã̀ fú wa tútútú#ɛ́. Iŋɛ́‐ɛ̀ náa dzɔdzú-Ɔ̀ɖáyé, kò tse íbàɖí-kã̀ kpókpó láyé wòrí. Ɔ̀ɖáyé nyàá si níìkã̀ fú adzàbi ŋa, tsí kɛ́ɛ lɔ títí nɔ́ɔ̀rɔ̃ sã́ŋú sã́ŋú. 27Ɔ̀gã́-atsɛbɔ-Ɔ̀ɖáyé ti ìmɔ̀lɛ̀-àtsɛ̃̀tsɛ̃̀#ɛ́ ŋa ɔ̀kã̀lɔ́ɔ̀kã̀ kpó, ó wà ní kó wà tsɛbɔ fú Ɔ̀ɖáyé nɔ́dzɔ́ kɔ́dzɔ́. Náàtsɛ̃̀tsɛ̃̀#ɛ́, náa tsɛbɔ néwo tòŋu ká‐ɛ̀, àtsùgbé-àbi yèé ó dzɛ ŋa#á. Tsí bí ó tse bɛ́ɛ̀ tã́, náa tsɛbɔ néwo-ìlú#ɛ́ gbo ńǹkɛ̀ɛ́, àtsùgbée àbi‐ɛ̀ ŋa. Ó ɖi, Yèésù òŋu kò bèrè bɛ́ɛ̀. Ó mú ara tòŋu ká‐ɛ̀, tsí ń tsɛbɔ ɔ̀kã̀ntso, tsí ń sã́ã̀bi nárũ-ɔ̀nyà ŋa fú Ɔ̀ɖáyé. Ɛbɔ ɔ̀kã̀ntso nyɛ̀ŋɛ̀#ɛ́, ó tó títí lɔ, ɔ̀kã̀ kò wà ró. 28Kíbí ó wà nɛ́kpa-Mɔ̀ɔ́sè gbà#á, à náa mú ɔ̀nyà ŋa, tsí ń dzɛ́ ɔ̀gã́-atsɛbɔ-Ɔ̀ɖáyé ŋa, tsí ɛnɛ nyɛ̀ŋɛ̀ ŋa#á náa tse sé kíbí ɛnɛ-àtíbɔ̀ ŋa gbo ni. Ó ɖi, Ɔ̀ɖáyé mú ɛkpa bɔwɔ́-Mɔ̀ɔ́sè tã́, tsí náànyìwà#á, ó tàlé, tsí kpe òŋu ká‐ɛ̀ si ńǹtá‐ɛ̀ máa. Tsí ti nára-àlé#ɛ́, Ɔma bíbí‐ɛ̀ ɖi ɔ̀gã́-atsɛbɔ-Ɔ̀ɖáyé ŋa. Ó tse iŋɛ́ yèé Ɔ̀ɖáyé bèrèé ní kó tse#ɛ́ dzálɛ̀ kpó, tsí nákó wà tseé bɛ́ɛ̀ títí lɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.