Hèbérù ŋa 5
5
1Ti nára-afɔ̀-ká tsã ɔ̀gã́-atsɛbɔ-Ɔ̀ɖáyé ŋa†#á, à náa tsã ɔ̀gã́-atsɛbɔ-Ɔ̀ɖáyé ɔ̀kã̀lɔ́ɔ̀kã̀ náàŋírĩ tɛ̀ɛ̀ ŋa ni. À náa tsã̀ã́ ní kó wà sɛ̃ Ɔ̀ɖáyé néwo-ŋa. Náa wà tsɔ̀yà fú Ɔ̀ɖáyé, tsí wà tsɛbɔ gbo fúu néwo-ŋa, tsí Ɔ̀ɖáyé kó mú àbi-ŋa tɔrɛ fú ŋa. 2Ɛnɛ yèé ŋa kò mà, tsí tse íbàɖí#ɛ́ òŋu ɛnɛ yèé ŋa nɔ ɔ̀nà-Ɔ̀ɖáyé#ɛ́, ɔ̀gã́-atsɛbɔ-Ɔ̀ɖáyé ŋa#á kà mú líle bá ŋa, iŋɛ́ yèé tse#ɛ́, òŋu ká‐ɛ̀ gbo#ɛ́, íbàɖí‐ɛ̀ ŋa dzɛ́ arù, tsí wà kpaá. 3Àtsùgbée bɛ́ɛ̀#ɛ́, kò tsi néwo-ìlú òŋu níìkã̀ gé ní nákó wà tsɛbɔ fú Ɔ̀ɖáyé ní kó mú àbi ŋa, tsí ń tɔrɛ fú ŋa#á. Ó wà ní kó wà tsɛbɔ néwo tòŋu ká‐ɛ̀ gbo ní kó mú àbi tòŋu ká-òŋu ŋa gbo tɔrɛ fú òŋu. 4Tsí ɔ̀nyà-kã̀ kà ǹɖe, tsí tsã ara‐ɛ̀ ní òŋu dzɛ́ ɔ̀gã́-atsɛbɔ-Ɔ̀ɖáyé ŋa. Ɔ̀ɖáyé ní náa tsãnɛ kíbí ó tsã Àrɔ̃́nì† gbo#ɛ́. 5Bɛ́ɛ̀ ké ní ó dzɛ́ fú Kírísítò gbo#ɛ́. Òŋu ká‐ɛ̀ kò ǹɖe gé, tsí tsã ara‐ɛ̀ ní òŋu dzɛ́ ɔ̀gã́-atsɛbɔ-Ɔ̀ɖáyé ŋa, tsí wà ń nyɛ ara‐ɛ̀. Ɔ̀ɖáyé ní tsã̀ã́, tsí fɔ̀ ní:
“Ɔma-mi ní ò dzɛ́#ɛ́,
nɔ́mbɛ́#ɛ́, ǹ wà fɔ̀ ní: Ǹ dzɛ́ boba‐ɛ̀ɛ.”#5:5 Ìwé-Orĩ ŋa 2:7 (Psaumes 2:7)
6Tsí Ɔ̀ɖáyé fɔ̀ gbo ńǹɖì-kã̀ ró ní:
“Nàa dzɛ́ atsɛbɔ-Ɔ̀ɖáyé† títí lɔ náàrìtã́
kíbí ìrɔ́-atsɛbɔ-Ɔ̀ɖáyé yèé Mɛ̀kìsèɖɛ́kì dzɛ́#ɛ́.”#5:6 Ìwé-Orĩ ŋa 110:4 (Psaumes 110:4)
7Ńǹwèrè yèé Yèésù gbé ńǹtalɛ̀ bí#ɛ́, ó wúùre kũkũ fú Ɔ̀ɖáyé ńgbe òŋu nɔ́kṹ. Ó wúùre bɛ́ɛ̀ fú Ɔ̀ɖáyé, ɛnɛ yèé nákó nyáa gbàá là nɔ́wɔ́-ikú#ɛ́. Tsí Ɔ̀ɖáyé gba ìre wúwú‐ɛ̀ fúu, iŋɛ́ yèé tse#ɛ́, Yèésù balɛ éwo fúu. 8Kíbí ó dzɛ́ gìɖì ní Yèésù dzɛ́ Ɔma bíbí-Ɔ̀ɖáyé#ɛ́, ó wà ní kó kɔ́ kíbí à náa gbɔ́ɔ̀lù fú Ɔ̀ɖáyé#ɛ́. Tsí kíbí ó réré#ɛ́ ní tse tsí ó màá#á. 9Ó tsitsɛ́ yèé wo odzú‐ɛ̀#ɛ́ tã́ kpó dzálɛ̀. Tsí kíbí ó tse bɛ́ɛ̀ tã́#á, ó tse tsí ɛnɛ yèé ŋa kpó gbɔ́ afɔ̀‐ɛ̀, tsí tse si ńǹtá‐ɛ̀#ɛ́, ká rí ɔlà-àrìtã́. 10Ó nyáa tse bɛ́ɛ̀, iŋɛ́ yèé tse#ɛ́, Ɔ̀ɖáyé fɔ̀ ní ó dzɛ́ ɔ̀gã́-atsɛbɔ-Ɔ̀ɖáyé ŋa kíbí ìrɔ́-atsɛbɔ-Ɔ̀ɖáyé yèé Mɛ̀kìsèɖɛ́kì dzɛ́#ɛ́.
Àa kó ɖonùgbó ńnɔ́-àkaralé, tsí àa kó máa kɔ Yèésù gbo dzɔ̀ɔ́
11Ti nára-iŋɛ́ yèé ǹ fɔ̀ wáa lɔ ńǹsɛ̃̀ɛ̃́ ŋa#á, iŋɛ́ kpíkpɔ̀ wà, tsí ǹ má fɔ̀ fú ŋɛ́. Ó ɖi, bí n tse, tsí nya òkpì‐ɛ̀ fú ŋɛ́#ɛ́, ó le fú mi, iŋɛ́ yèé tse#ɛ́, kíbí è wáa ɖà si báàyí#ɛ́, afɔ̀ kò yáa wà wɔ̀ nétí fú ŋɛ́ ró. 12Nóòtítɔ́#ɛ́, akɔ́nɛ ŋa ní è má ti dzɛ́ si báàyí#ɛ́. Tsí ó ɖà, tsí ɛ̀kɔ́-àtsɛ̃̀tsɛ̃̀ yèé à náa tse fúnɛ ti nára-ikɔ̀-Ɔ̀ɖáyé#ɛ́ ní ó wà ní ká tɔ́ tse fú ŋɛ́ ró#ɛ́. È sɛ̃̀ náànyì kpó kãrãã, tsí kà kàa e wà dzɛŋɛ́#ɛ́, ó bèrè ní e sɛ̃̀ wà mɔ́mɔ́ ró. 13Tsí bí ɔ̀nyà-kã̀ wà nɔ́mɔ́ mímɔ́ si, ɔma nɔ́wɔ́ gé ní náa dzɛ́ si#ɛ́. Kà ma ire níìkã̀ fú íbàɖí. 14Dzídzɛ ni ti onùgbó ŋa ni. Onùgbó ŋa#á, à náa wà tsã̀ náàŋírĩ-ire òŋu íbàɖí nɔ́dzɔ́ kɔ́dzɔ́ títí náa wáa ɖi tiŋa.
Currently Selected:
Hèbérù ŋa 5: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Hèbérù ŋa 5
5
1Ti nára-afɔ̀-ká tsã ɔ̀gã́-atsɛbɔ-Ɔ̀ɖáyé ŋa†#á, à náa tsã ɔ̀gã́-atsɛbɔ-Ɔ̀ɖáyé ɔ̀kã̀lɔ́ɔ̀kã̀ náàŋírĩ tɛ̀ɛ̀ ŋa ni. À náa tsã̀ã́ ní kó wà sɛ̃ Ɔ̀ɖáyé néwo-ŋa. Náa wà tsɔ̀yà fú Ɔ̀ɖáyé, tsí wà tsɛbɔ gbo fúu néwo-ŋa, tsí Ɔ̀ɖáyé kó mú àbi-ŋa tɔrɛ fú ŋa. 2Ɛnɛ yèé ŋa kò mà, tsí tse íbàɖí#ɛ́ òŋu ɛnɛ yèé ŋa nɔ ɔ̀nà-Ɔ̀ɖáyé#ɛ́, ɔ̀gã́-atsɛbɔ-Ɔ̀ɖáyé ŋa#á kà mú líle bá ŋa, iŋɛ́ yèé tse#ɛ́, òŋu ká‐ɛ̀ gbo#ɛ́, íbàɖí‐ɛ̀ ŋa dzɛ́ arù, tsí wà kpaá. 3Àtsùgbée bɛ́ɛ̀#ɛ́, kò tsi néwo-ìlú òŋu níìkã̀ gé ní nákó wà tsɛbɔ fú Ɔ̀ɖáyé ní kó mú àbi ŋa, tsí ń tɔrɛ fú ŋa#á. Ó wà ní kó wà tsɛbɔ néwo tòŋu ká‐ɛ̀ gbo ní kó mú àbi tòŋu ká-òŋu ŋa gbo tɔrɛ fú òŋu. 4Tsí ɔ̀nyà-kã̀ kà ǹɖe, tsí tsã ara‐ɛ̀ ní òŋu dzɛ́ ɔ̀gã́-atsɛbɔ-Ɔ̀ɖáyé ŋa. Ɔ̀ɖáyé ní náa tsãnɛ kíbí ó tsã Àrɔ̃́nì† gbo#ɛ́. 5Bɛ́ɛ̀ ké ní ó dzɛ́ fú Kírísítò gbo#ɛ́. Òŋu ká‐ɛ̀ kò ǹɖe gé, tsí tsã ara‐ɛ̀ ní òŋu dzɛ́ ɔ̀gã́-atsɛbɔ-Ɔ̀ɖáyé ŋa, tsí wà ń nyɛ ara‐ɛ̀. Ɔ̀ɖáyé ní tsã̀ã́, tsí fɔ̀ ní:
“Ɔma-mi ní ò dzɛ́#ɛ́,
nɔ́mbɛ́#ɛ́, ǹ wà fɔ̀ ní: Ǹ dzɛ́ boba‐ɛ̀ɛ.”#5:5 Ìwé-Orĩ ŋa 2:7 (Psaumes 2:7)
6Tsí Ɔ̀ɖáyé fɔ̀ gbo ńǹɖì-kã̀ ró ní:
“Nàa dzɛ́ atsɛbɔ-Ɔ̀ɖáyé† títí lɔ náàrìtã́
kíbí ìrɔ́-atsɛbɔ-Ɔ̀ɖáyé yèé Mɛ̀kìsèɖɛ́kì dzɛ́#ɛ́.”#5:6 Ìwé-Orĩ ŋa 110:4 (Psaumes 110:4)
7Ńǹwèrè yèé Yèésù gbé ńǹtalɛ̀ bí#ɛ́, ó wúùre kũkũ fú Ɔ̀ɖáyé ńgbe òŋu nɔ́kṹ. Ó wúùre bɛ́ɛ̀ fú Ɔ̀ɖáyé, ɛnɛ yèé nákó nyáa gbàá là nɔ́wɔ́-ikú#ɛ́. Tsí Ɔ̀ɖáyé gba ìre wúwú‐ɛ̀ fúu, iŋɛ́ yèé tse#ɛ́, Yèésù balɛ éwo fúu. 8Kíbí ó dzɛ́ gìɖì ní Yèésù dzɛ́ Ɔma bíbí-Ɔ̀ɖáyé#ɛ́, ó wà ní kó kɔ́ kíbí à náa gbɔ́ɔ̀lù fú Ɔ̀ɖáyé#ɛ́. Tsí kíbí ó réré#ɛ́ ní tse tsí ó màá#á. 9Ó tsitsɛ́ yèé wo odzú‐ɛ̀#ɛ́ tã́ kpó dzálɛ̀. Tsí kíbí ó tse bɛ́ɛ̀ tã́#á, ó tse tsí ɛnɛ yèé ŋa kpó gbɔ́ afɔ̀‐ɛ̀, tsí tse si ńǹtá‐ɛ̀#ɛ́, ká rí ɔlà-àrìtã́. 10Ó nyáa tse bɛ́ɛ̀, iŋɛ́ yèé tse#ɛ́, Ɔ̀ɖáyé fɔ̀ ní ó dzɛ́ ɔ̀gã́-atsɛbɔ-Ɔ̀ɖáyé ŋa kíbí ìrɔ́-atsɛbɔ-Ɔ̀ɖáyé yèé Mɛ̀kìsèɖɛ́kì dzɛ́#ɛ́.
Àa kó ɖonùgbó ńnɔ́-àkaralé, tsí àa kó máa kɔ Yèésù gbo dzɔ̀ɔ́
11Ti nára-iŋɛ́ yèé ǹ fɔ̀ wáa lɔ ńǹsɛ̃̀ɛ̃́ ŋa#á, iŋɛ́ kpíkpɔ̀ wà, tsí ǹ má fɔ̀ fú ŋɛ́. Ó ɖi, bí n tse, tsí nya òkpì‐ɛ̀ fú ŋɛ́#ɛ́, ó le fú mi, iŋɛ́ yèé tse#ɛ́, kíbí è wáa ɖà si báàyí#ɛ́, afɔ̀ kò yáa wà wɔ̀ nétí fú ŋɛ́ ró. 12Nóòtítɔ́#ɛ́, akɔ́nɛ ŋa ní è má ti dzɛ́ si báàyí#ɛ́. Tsí ó ɖà, tsí ɛ̀kɔ́-àtsɛ̃̀tsɛ̃̀ yèé à náa tse fúnɛ ti nára-ikɔ̀-Ɔ̀ɖáyé#ɛ́ ní ó wà ní ká tɔ́ tse fú ŋɛ́ ró#ɛ́. È sɛ̃̀ náànyì kpó kãrãã, tsí kà kàa e wà dzɛŋɛ́#ɛ́, ó bèrè ní e sɛ̃̀ wà mɔ́mɔ́ ró. 13Tsí bí ɔ̀nyà-kã̀ wà nɔ́mɔ́ mímɔ́ si, ɔma nɔ́wɔ́ gé ní náa dzɛ́ si#ɛ́. Kà ma ire níìkã̀ fú íbàɖí. 14Dzídzɛ ni ti onùgbó ŋa ni. Onùgbó ŋa#á, à náa wà tsã̀ náàŋírĩ-ire òŋu íbàɖí nɔ́dzɔ́ kɔ́dzɔ́ títí náa wáa ɖi tiŋa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.