Itsɛ́ 8
8
1Sɔ́lù gbo, kíbí ó rí ní à kpaá nóòkú#ɛ́, ó gbà si ńǹtá‐ɛ̀.
À tsoró bá ɔma-ɛgbɛ́-Kírísítò ŋa
Ti nɔ́dzɔ́ nyɛ̀ŋɛ̀#ɛ́, à kpé oró tsítse bá ɔma-ɛgbɛ́-Kírísítò-Yèrúsàlɛ́mì ŋa. Tsí atɛ̀náànyì-Yèésù ŋa túùnkã́ kpó. À lɔ nérè-Yùɖéyà òŋu nérè-Sàmàríyà†. Adzítsɛ́-Yèésù† ŋa gé ní kí ńYèrúsàlɛ́mì#ɛ́ si#ɛ́. 2Ɔ̀nyà kã̀ŋa gbo wà bɛ̀, tsí à náa nɛ́ àrísá fú Ɔ̀ɖáyé, tsí à kɛ́ òkú-Sètèfánì káà rì. À rã́ã̀bo, tsí sɔkṹ‐ɛ̀ gbo kũkũ tó bɛ́ɛ̀.
3Ńbɛ̀ɛ́, Sɔ́lù òŋu wà nɛ́gbɛ́-Kírísítò#ɛ́ fífɔ́ si làkóò gé ni. Náa wà wɔ̀ ńkpàtá kã̀kã̀, tsí wà mú atɛ̀náànyì-Yèésù ŋa, ɔnɔkɛ̃̀ɛ̃ gbo, ɔnɔbɛ̃̀ɛ̃ gbo, tsí wà ń si nɛ́ɛ̀ŋà.
Fìlíkpò káà dzíkɔ̀-Yèésù ńSàmàríyà
4Tsí ɛnɛ yèé kpàkpa túùnkã́ ŋa#á náa wà rɛ̃̀ ńǹlú ńǹlú ŋa wérí, tsí wà dzíkɔ̀ ɖíɖɔ̃̀ ti nára-Yèésù fú ɔ̀nyà ŋa. 5Fìlíkpò gbo wà náàŋírĩ-ŋa, tsí ó ǹɖe, tsí lɔ ńǹlú-kã̀ nérè-Sàmàríyà, tsí wà dzíkɔ̀-Kírísítò fú ɛnɛ bɛ̀ ŋa. 6Ńǹwèrè yèé ó wà dzíkɔ̀#ɛ́, ó wà tse iŋɛ́-àwùsì ŋa gbo. Ńbɛ̀ɛ́, kíbí à wà gbɔ́ afɔ̀#ɛ́, tsí wà rí iŋɛ́-àwùsì ŋa#á gbo#ɛ́, àŋa kpó, à rɛ̃tígbè‐ɛ̀ rere. 7Ìɖéǹɖè#ɛ́, edzò† ŋa wà ɖúgbe kũkũ, tsí wà sɛ̃̀ náànyì-ɔ̀nyà ŋa kpíkpɔ̀ kpíkpɔ̀. Bɛ́ɛ̀ gbo ké ní àrɔ̃̀ tã́ fú arɔ kpíkpɔ̀ òŋu arɛ̃̀ ńǹgbákú kpíkpɔ̀ gbo#ɛ́ ńnɛ̀ɛ́. 8Ńǹwèrè nyɛ̀ŋɛ̀#ɛ́, ayè títɛ́ wá ńǹlú#ɛ́ gìɖì héŋú.
9Ńbɛ̀ɛ́, ɔ̀nyà-kã̀ ti wà si ńǹlú#ɛ́ bɛ̀. À náa kpèé ní Sìmɔ́nì. Itsɛ́-ogù ní náa tse#ɛ́, tsí náa mú ara‐ɛ̀ kpe ɔ̀nyà lákṹ-kã̀. Tsí iŋɛ́-ogù‐ɛ̀ tsítse ŋa náa mu ɛnɛ-Sàmàríyà ŋa kpó. 10Ìlú#ɛ́ kpó, maɖé gbo, onùgbó gbo, náa bu ìɖì si fúu títí à náa wà fɔ̀ ní: Ɛnɛ yèé bɛ́#ɛ́ dzɛ́ Ɔ̀ɖáyé Olíkpá ni. Ikpá yèé à náa kpè ní ikpá lákṹ#ɛ́ ńnɛ̀ɛ́.
11À náa bu ìɖì si fúu bɛ́ɛ̀, iŋɛ́ yèé tse#ɛ́, iŋɛ́-ogù‐ɛ̀ tsítse ŋa wà mù ŋá, ó dzɛ̃̀. 12Ó ɖi, kíbí Fìlíkpò wáa dzíkɔ̀-Yèésù Kírísítò òŋu kíbí Ɔ̀ɖáyé nákó wáa dzoyè gbà#á fú ŋa#á, à gba afɔ̀‐ɛ̀ gbɔ́. Tsí Fìlíkpò wìwɛ̀-Yèésù† fú àŋa kpó, ɔnɔkɛ̃̀ɛ̃ gbo, ɔnɔbɛ̃̀ɛ̃ gbo. 13Sìmɔ́nì òŋu ká‐ɛ̀ gìɖì gbo gba afɔ̀#ɛ́ gbɔ́, tsí à wìwɛ̀-Yèésù fúu. Kíbí à wɛ̀ fúu tã́#á, kà tì ǹɖe nára-Fìlíkpò ró. Náa mùú si gé ni kíbí ó wà rí iŋɛ́-àwùsì yèé Fìlíkpò wà tse, tsí wà ń nya ikpá-Ɔ̀ɖáyé ɖíre#ɛ́.
14Ńǹwèrè nyɛ̀ŋɛ̀#ɛ́, adzítsɛ́-Yèésù yèé ŋa wà ńYèrúsàlɛ́mì si#ɛ́ gbɔ́ ní ɛnɛ-Sàmàríyà ŋa gba afɔ̀-Ɔ̀ɖáyé gbɔ́. Tsí à bɛ Òkúta òŋu Yòhánà† lɔ fú ŋa. 15Kíbí Òkúta òŋu Yòhánà káà tó ńǹlú#ɛ́, à wúùre fú atɛ̀náànyì-Yèésù titɔ̃ ŋa#á ní Mímí-Ɔ̀ɖáyé† kó tì wɔ̀ ńǹtá-ŋa, 16iŋɛ́ yèé tse#ɛ́, Mímí-Ɔ̀ɖáyé kò tì wɔ̀ ńǹtá-ɔ̀nyà-kã̀ kpókpó náàŋírĩ-ŋa wòná. À fɔ̀ ní ó ɖɔkpɛ́-Yèésù Ɔlá-ŋa, tsí wɛ̀ fú ŋa wáa lɔ gé ni. 17Ńbɛ̀ɛ́, à mɔ́wɔ́ lé ńǹtá-ŋa, tsí Mímí-Ɔ̀ɖáyé tì wɔ̀ ńǹtá-ŋa.
18Ńǹwèrè nyɛ̀ŋɛ̀#ɛ́, Sìmɔ́nì gbo rí kíbí Mímí-Ɔ̀ɖáyé tì wɔ̀ ńǹtá-ŋa ńǹwèrè yèé adzítsɛ́-Yèésù ŋa mɔ́wɔ́ lé ńǹtá-ŋa#á. Tsí ó wí fú Òkúta òŋu Yòhánà ní: Òŋu bòkó fú ŋa nówó, 19tsí ká mú ikpá ìrɔ́-nyɛ̀ŋɛ̀ bɔwɔ́-òŋu gbo. Tsí bí òŋu mɔ́wɔ́ lé ńǹtá-ɔ̀nyà-kã̀ ná, ni Mímí-Ɔ̀ɖáyé kó wɔ̀ ńǹtá‐ɛ̀.
20Tsí Òkúta wà fɔ̀ fúu ní: Kíbí ó ɖédzú ní òŋu nákó nyáa lo owó, tsí ń ra ikpá yèé Ɔ̀ɖáyé náa fúnɛ nɔ́ɔ̀fɛ́#ɛ́, kó tsɛ̀rá òŋu owó‐ɛ̀ méèdzì. 21Ó ɖi, afɔ̀-kã̀ kpókpó kò tsɛdzɔ́‐ɛ̀ bí, iŋɛ́ yèé tse#ɛ́, ìsérè‐ɛ̀ kò má nódzú-Ɔ̀ɖáyé. 22Kó mú ìsérè-íbàɖí‐ɛ̀ taánù, tsí kó wúùre fú Ɔ̀ɖáyé. Bóyá nákó nyáa mú ìsérè-íbàɖí#ɛ́ tɔrɛ fúu. 23Ó ɖi, òŋu rí ní inɔ́‐ɛ̀ kã si, tsí íbàɖí tsítse‐ɛ̀ ɖi okù, tsí ɖèé si.
24Tsí Sìmɔ́nì wí fú ŋa ní: Àŋa ká-ŋa gìɖì ká wúùre fú Ɔ̀ɖáyé fú òŋu, tsí iŋɛ́ yèé à fɔ̀ ŋa kpó#ɛ́, ɔ̀kã̀‐ɛ̀ kpókpó kó máa tse òŋu.
25Kíbí adzítsɛ́-Yèésù méèdzì ŋa#á nya àyídzá ti nára-Yèésù, tsí dzíkɔ̀‐ɛ̀ gbo tã́#á, à ǹɖe, tsí sɛ̃̀ bɔ̀ wáa lɔ ńYèrúsàlɛ́mì. Tsí kíbí à wà nɔ́ɔ̀nà làkóò#ɛ́, à gbà ńǹlú kpíkpɔ̀ nérè-Sàmàríyà, tsí wà dzíkɔ̀-ɖíɖɔ̃̀#ɛ́ fú ɔ̀nyà ŋa.
Fìlíkpò dzíkɔ̀ ɖíɖɔ̃̀ fú ɛnɛ-Ètìyɔ́kpì-kã̀
26Náànyì-bɛ́ɛ̀#ɛ́, adzítsɛ́-ɔ̀rɔ̃†-kã̀ kpe Fìlíkpò, tsí wà wí fúu ní: Kó ǹɖe, tsí kó lɔ nɔ́wɔ́-ìbú-ayé#ɛ́ bɛ́. Kó gbà nɔ́ɔ̀nà-dzɔ̀ɔ́ dzɔ̀ɔ́ yèé ti ńYèrúsàlɛ́mì, tsí lɔ ńǹlú-Gàsá#á.
27Gbòkã́#á, Fìlíkpò ǹɖe, tsí dzì nɔ́ɔ̀nà. Tsí kíbí ó làkóò#ɛ́, ó káà bá ɔ̀nyà-kã̀. Ɛnɛ nyɛ̀ŋɛ̀ ni ɔ̀gá lákṹ-kã̀ ni. Ńlɛ̀-Ètìyɔ́kpì ní ó ti#ɛ́. Àtsìtsɛ́-ìdzɔba lákṹ-kã̀ ní ó dzɛ́#ɛ́.#8:27a Ńgɛ̀rɛ́kì#ɛ́, òkpì-ɛ́kɔ#ɛ́ ní wà dzɛ́ ɔ̀nyà-abìya#á. Ó ɖi, òkpì-afɔ̀ yèé à wà wo ká fɔ̀ ńbíbɛ́ gìɖì#ɛ́ ní wà dzɛ́ àtsìtsɛ́-ìdzɔba lákṹ-kã̀ ní ó dzɛ́#ɛ́. Òŋu ní náa rí ìtá-iŋɛ́-owó ŋa kpó fú ɔnɔbɛ̃̀ɛ̃-kã̀ yèé dzɛ́ ólú ńlɛ̀-Ètìyɔ́kpì#ɛ́. À náa kpe ólú#ɛ́ ní Kànɖákà.#8:27b Ìnà-ólú ɔ̀kã̀lɔ́ɔ̀kã̀ kpó yèé náa dzokó náàntã̀-oyè ńlɛ̀-Ètìyɔ́kpì#ɛ́, à náa kpèé ní Kànɖákà, tsí náa wà gbɛ̃́ ìlú#ɛ́. Ɛnɛ#ɛ́ wá, tsí wáa sɛ̃ Ɔ̀ɖáyé ńYèrúsàlɛ́mì ni. 28Tsí ó sɛ̃̀ bɔ̀ wáa làkóò, tsí dzokó si nɔ́kɔ̃̀-atsĩ‐ɛ̀. Kíbí ó wáa làkóò#ɛ́, ó wà kã ìwé-agbáfɔ̀-Ɔ̀ɖáyé fɔ̀†-kã̀. À náa kpe agbáfɔ̀-Ɔ̀ɖáyé fɔ̀#ɛ́ ní Yèsáyà†. 29Tsí Mímí-Ɔ̀ɖáyé wà fɔ̀ fú Fìlíkpò ní: Kó rɛ̃̀ lɔ, tsí kó sɔ́ tìmá ɔkɔ̃̀#ɛ́.
30Gbòkã́#á, ó súré lɔ káà bá ɔkɔ̃̀#ɛ́. Tsí ó wà gbɔ́ kíbí ɔ̀gá#á wà kã ìwé-Yèsáyà agbáfɔ̀-Ɔ̀ɖáyé fɔ̀#ɛ́. Tsí ó wà bèrèé ní: Iŋɛ́ yèé ó wà kã̀#á, ó wà gbɔ́ òkpì‐ɛ̀ báàyíì?
31Tsí ɔ̀gá#á nyí, tsí wà wí fúu ní: Bí ɔ̀nyà-kã̀ kò wà nyàkpì‐ɛ̀ fú òŋu, bí òŋu nákó tse fáà, tsí nyáa gbɔ́ òkpì‐ɛ̀ ná?
Tsí ó kpe Fìlíkpò ní kó gu ɔkɔ̃̀#ɛ́ wáa dzokó gbe òŋu. 32Ńbɛ̀ɛ́, ìɖì yèé ó wà kã̀ ńǸwé-Ɔ̀ɖáyé†#ɛ́ wà fɔ̀ ní:
“Ó wà kíbí àgùɖã̀-kã̀ yèé à náa mú lɔ káà kpa#á.
Ó wà kíbí ɔma-àgbò† yèé kà tì ɖúgbe
bí à wà fá irɔ̃‐ɛ̀#ɛ́.
Bɛ́ɛ̀ ké ní òŋu gbo tsikó gbà#á.
33À kò múu kpe iŋɛ́-kã̀ títí, tsí à kpodzú-afɔ̀‐ɛ̀ ɖélɛ̀.
Nɛ̀ɛ́ nákó nyáa wíìnyɛ̀ ti nára-ɔmalɔ́ma‐ɛ̀ ŋa?
Iŋɛ́ yèé tse#ɛ́, à kpa ayé‐ɛ̀ ra ńǹtalɛ̀ bí.”#8:33 Ìwé-Yèsáyà 53:7-8 (Ésaïe 53:7-8)
34Tsí ɔ̀gá#á wí fú Fìlíkpò ní: Òŋu tsìkálɛ̀ fúu. Ó ɖi, nɛ̀ɛ́ agbáfɔ̀-Ɔ̀ɖáyé fɔ̀#ɛ́ wà báfɔ̀ ná? Òŋu ká‐ɛ̀ ní ó wà báfɔ̀#ɛ́ nàmí olòmírɛ̃̀-kã̀ ni?
35Tsí Fìlíkpò gba afɔ̀ nárũ‐ɛ̀, tsí gbà ńǹtá-iŋɛ́ yèé à kɔ si ńǹwé#ɛ́, ó dzíkɔ̀-Yèésù fúu. 36Kíbí à làkóò nɔ́ɔ̀nà#á, à káà tó nóɖò-kã̀. Tsí ɔ̀gá#á ní: Omi ní nɔ̀! Ó ɖi, kó wìwɛ̀-Yèésù† fú òŋu gbòkã́ nàmí iŋɛ́-kã̀ bɔ̀ ró niì?
[ 37Tsí Fìlíkpò wà wí fúu ní: Bí ó gba Yèésù gbɔ́ inɔ́ tã̀ã́, ànyì tã̀ã́, òŋu nákó nyáa wɛ̀ fúu.
Tsí ó ní: Òŋu dzɛ́ ní Yèésù Kírísítò ni Ɔma bíbí-Ɔ̀ɖáyé ni.]
38Gbòkã́#á, ɔ̀gá#á ní: Ká ɖá ɔkɔ̃̀#ɛ́ ɖóro.
Tsí àŋa méèdzì méèdzì#ɛ́ tì dzì nómi#ɛ́, tsí Fìlíkpò wìwɛ̀-Yèésù fúu. 39Kíbí à fùɖá nómi#ɛ́ tã́#á, Mímí-Ɔ̀ɖáyé kɛ́ Fìlíkpò ǹɖe ńɖɔ̀‐ɛ̀, tsí kò ríi ró. Tsí ó nyí, tsí sɛ̃̀ dzì nɔ́ɔ̀nà òŋu ayè títɛ́. 40Tsí Fìlíkpò òŋu, ó káà bɔ́ ńǹlú-Àsɔ́tì. Ó ǹɖe bɛ̀, tsí lɔ ńKèsàré. Kíbí ó làkóò#ɛ́, náa wà dzíkɔ̀-Yèésù ńǹlú kã̀kã̀ yèé náa gbà ŋa kpó#ɛ́.
Currently Selected:
Itsɛ́ 8: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Itsɛ́ 8
8
1Sɔ́lù gbo, kíbí ó rí ní à kpaá nóòkú#ɛ́, ó gbà si ńǹtá‐ɛ̀.
À tsoró bá ɔma-ɛgbɛ́-Kírísítò ŋa
Ti nɔ́dzɔ́ nyɛ̀ŋɛ̀#ɛ́, à kpé oró tsítse bá ɔma-ɛgbɛ́-Kírísítò-Yèrúsàlɛ́mì ŋa. Tsí atɛ̀náànyì-Yèésù ŋa túùnkã́ kpó. À lɔ nérè-Yùɖéyà òŋu nérè-Sàmàríyà†. Adzítsɛ́-Yèésù† ŋa gé ní kí ńYèrúsàlɛ́mì#ɛ́ si#ɛ́. 2Ɔ̀nyà kã̀ŋa gbo wà bɛ̀, tsí à náa nɛ́ àrísá fú Ɔ̀ɖáyé, tsí à kɛ́ òkú-Sètèfánì káà rì. À rã́ã̀bo, tsí sɔkṹ‐ɛ̀ gbo kũkũ tó bɛ́ɛ̀.
3Ńbɛ̀ɛ́, Sɔ́lù òŋu wà nɛ́gbɛ́-Kírísítò#ɛ́ fífɔ́ si làkóò gé ni. Náa wà wɔ̀ ńkpàtá kã̀kã̀, tsí wà mú atɛ̀náànyì-Yèésù ŋa, ɔnɔkɛ̃̀ɛ̃ gbo, ɔnɔbɛ̃̀ɛ̃ gbo, tsí wà ń si nɛ́ɛ̀ŋà.
Fìlíkpò káà dzíkɔ̀-Yèésù ńSàmàríyà
4Tsí ɛnɛ yèé kpàkpa túùnkã́ ŋa#á náa wà rɛ̃̀ ńǹlú ńǹlú ŋa wérí, tsí wà dzíkɔ̀ ɖíɖɔ̃̀ ti nára-Yèésù fú ɔ̀nyà ŋa. 5Fìlíkpò gbo wà náàŋírĩ-ŋa, tsí ó ǹɖe, tsí lɔ ńǹlú-kã̀ nérè-Sàmàríyà, tsí wà dzíkɔ̀-Kírísítò fú ɛnɛ bɛ̀ ŋa. 6Ńǹwèrè yèé ó wà dzíkɔ̀#ɛ́, ó wà tse iŋɛ́-àwùsì ŋa gbo. Ńbɛ̀ɛ́, kíbí à wà gbɔ́ afɔ̀#ɛ́, tsí wà rí iŋɛ́-àwùsì ŋa#á gbo#ɛ́, àŋa kpó, à rɛ̃tígbè‐ɛ̀ rere. 7Ìɖéǹɖè#ɛ́, edzò† ŋa wà ɖúgbe kũkũ, tsí wà sɛ̃̀ náànyì-ɔ̀nyà ŋa kpíkpɔ̀ kpíkpɔ̀. Bɛ́ɛ̀ gbo ké ní àrɔ̃̀ tã́ fú arɔ kpíkpɔ̀ òŋu arɛ̃̀ ńǹgbákú kpíkpɔ̀ gbo#ɛ́ ńnɛ̀ɛ́. 8Ńǹwèrè nyɛ̀ŋɛ̀#ɛ́, ayè títɛ́ wá ńǹlú#ɛ́ gìɖì héŋú.
9Ńbɛ̀ɛ́, ɔ̀nyà-kã̀ ti wà si ńǹlú#ɛ́ bɛ̀. À náa kpèé ní Sìmɔ́nì. Itsɛ́-ogù ní náa tse#ɛ́, tsí náa mú ara‐ɛ̀ kpe ɔ̀nyà lákṹ-kã̀. Tsí iŋɛ́-ogù‐ɛ̀ tsítse ŋa náa mu ɛnɛ-Sàmàríyà ŋa kpó. 10Ìlú#ɛ́ kpó, maɖé gbo, onùgbó gbo, náa bu ìɖì si fúu títí à náa wà fɔ̀ ní: Ɛnɛ yèé bɛ́#ɛ́ dzɛ́ Ɔ̀ɖáyé Olíkpá ni. Ikpá yèé à náa kpè ní ikpá lákṹ#ɛ́ ńnɛ̀ɛ́.
11À náa bu ìɖì si fúu bɛ́ɛ̀, iŋɛ́ yèé tse#ɛ́, iŋɛ́-ogù‐ɛ̀ tsítse ŋa wà mù ŋá, ó dzɛ̃̀. 12Ó ɖi, kíbí Fìlíkpò wáa dzíkɔ̀-Yèésù Kírísítò òŋu kíbí Ɔ̀ɖáyé nákó wáa dzoyè gbà#á fú ŋa#á, à gba afɔ̀‐ɛ̀ gbɔ́. Tsí Fìlíkpò wìwɛ̀-Yèésù† fú àŋa kpó, ɔnɔkɛ̃̀ɛ̃ gbo, ɔnɔbɛ̃̀ɛ̃ gbo. 13Sìmɔ́nì òŋu ká‐ɛ̀ gìɖì gbo gba afɔ̀#ɛ́ gbɔ́, tsí à wìwɛ̀-Yèésù fúu. Kíbí à wɛ̀ fúu tã́#á, kà tì ǹɖe nára-Fìlíkpò ró. Náa mùú si gé ni kíbí ó wà rí iŋɛ́-àwùsì yèé Fìlíkpò wà tse, tsí wà ń nya ikpá-Ɔ̀ɖáyé ɖíre#ɛ́.
14Ńǹwèrè nyɛ̀ŋɛ̀#ɛ́, adzítsɛ́-Yèésù yèé ŋa wà ńYèrúsàlɛ́mì si#ɛ́ gbɔ́ ní ɛnɛ-Sàmàríyà ŋa gba afɔ̀-Ɔ̀ɖáyé gbɔ́. Tsí à bɛ Òkúta òŋu Yòhánà† lɔ fú ŋa. 15Kíbí Òkúta òŋu Yòhánà káà tó ńǹlú#ɛ́, à wúùre fú atɛ̀náànyì-Yèésù titɔ̃ ŋa#á ní Mímí-Ɔ̀ɖáyé† kó tì wɔ̀ ńǹtá-ŋa, 16iŋɛ́ yèé tse#ɛ́, Mímí-Ɔ̀ɖáyé kò tì wɔ̀ ńǹtá-ɔ̀nyà-kã̀ kpókpó náàŋírĩ-ŋa wòná. À fɔ̀ ní ó ɖɔkpɛ́-Yèésù Ɔlá-ŋa, tsí wɛ̀ fú ŋa wáa lɔ gé ni. 17Ńbɛ̀ɛ́, à mɔ́wɔ́ lé ńǹtá-ŋa, tsí Mímí-Ɔ̀ɖáyé tì wɔ̀ ńǹtá-ŋa.
18Ńǹwèrè nyɛ̀ŋɛ̀#ɛ́, Sìmɔ́nì gbo rí kíbí Mímí-Ɔ̀ɖáyé tì wɔ̀ ńǹtá-ŋa ńǹwèrè yèé adzítsɛ́-Yèésù ŋa mɔ́wɔ́ lé ńǹtá-ŋa#á. Tsí ó wí fú Òkúta òŋu Yòhánà ní: Òŋu bòkó fú ŋa nówó, 19tsí ká mú ikpá ìrɔ́-nyɛ̀ŋɛ̀ bɔwɔ́-òŋu gbo. Tsí bí òŋu mɔ́wɔ́ lé ńǹtá-ɔ̀nyà-kã̀ ná, ni Mímí-Ɔ̀ɖáyé kó wɔ̀ ńǹtá‐ɛ̀.
20Tsí Òkúta wà fɔ̀ fúu ní: Kíbí ó ɖédzú ní òŋu nákó nyáa lo owó, tsí ń ra ikpá yèé Ɔ̀ɖáyé náa fúnɛ nɔ́ɔ̀fɛ́#ɛ́, kó tsɛ̀rá òŋu owó‐ɛ̀ méèdzì. 21Ó ɖi, afɔ̀-kã̀ kpókpó kò tsɛdzɔ́‐ɛ̀ bí, iŋɛ́ yèé tse#ɛ́, ìsérè‐ɛ̀ kò má nódzú-Ɔ̀ɖáyé. 22Kó mú ìsérè-íbàɖí‐ɛ̀ taánù, tsí kó wúùre fú Ɔ̀ɖáyé. Bóyá nákó nyáa mú ìsérè-íbàɖí#ɛ́ tɔrɛ fúu. 23Ó ɖi, òŋu rí ní inɔ́‐ɛ̀ kã si, tsí íbàɖí tsítse‐ɛ̀ ɖi okù, tsí ɖèé si.
24Tsí Sìmɔ́nì wí fú ŋa ní: Àŋa ká-ŋa gìɖì ká wúùre fú Ɔ̀ɖáyé fú òŋu, tsí iŋɛ́ yèé à fɔ̀ ŋa kpó#ɛ́, ɔ̀kã̀‐ɛ̀ kpókpó kó máa tse òŋu.
25Kíbí adzítsɛ́-Yèésù méèdzì ŋa#á nya àyídzá ti nára-Yèésù, tsí dzíkɔ̀‐ɛ̀ gbo tã́#á, à ǹɖe, tsí sɛ̃̀ bɔ̀ wáa lɔ ńYèrúsàlɛ́mì. Tsí kíbí à wà nɔ́ɔ̀nà làkóò#ɛ́, à gbà ńǹlú kpíkpɔ̀ nérè-Sàmàríyà, tsí wà dzíkɔ̀-ɖíɖɔ̃̀#ɛ́ fú ɔ̀nyà ŋa.
Fìlíkpò dzíkɔ̀ ɖíɖɔ̃̀ fú ɛnɛ-Ètìyɔ́kpì-kã̀
26Náànyì-bɛ́ɛ̀#ɛ́, adzítsɛ́-ɔ̀rɔ̃†-kã̀ kpe Fìlíkpò, tsí wà wí fúu ní: Kó ǹɖe, tsí kó lɔ nɔ́wɔ́-ìbú-ayé#ɛ́ bɛ́. Kó gbà nɔ́ɔ̀nà-dzɔ̀ɔ́ dzɔ̀ɔ́ yèé ti ńYèrúsàlɛ́mì, tsí lɔ ńǹlú-Gàsá#á.
27Gbòkã́#á, Fìlíkpò ǹɖe, tsí dzì nɔ́ɔ̀nà. Tsí kíbí ó làkóò#ɛ́, ó káà bá ɔ̀nyà-kã̀. Ɛnɛ nyɛ̀ŋɛ̀ ni ɔ̀gá lákṹ-kã̀ ni. Ńlɛ̀-Ètìyɔ́kpì ní ó ti#ɛ́. Àtsìtsɛ́-ìdzɔba lákṹ-kã̀ ní ó dzɛ́#ɛ́.#8:27a Ńgɛ̀rɛ́kì#ɛ́, òkpì-ɛ́kɔ#ɛ́ ní wà dzɛ́ ɔ̀nyà-abìya#á. Ó ɖi, òkpì-afɔ̀ yèé à wà wo ká fɔ̀ ńbíbɛ́ gìɖì#ɛ́ ní wà dzɛ́ àtsìtsɛ́-ìdzɔba lákṹ-kã̀ ní ó dzɛ́#ɛ́. Òŋu ní náa rí ìtá-iŋɛ́-owó ŋa kpó fú ɔnɔbɛ̃̀ɛ̃-kã̀ yèé dzɛ́ ólú ńlɛ̀-Ètìyɔ́kpì#ɛ́. À náa kpe ólú#ɛ́ ní Kànɖákà.#8:27b Ìnà-ólú ɔ̀kã̀lɔ́ɔ̀kã̀ kpó yèé náa dzokó náàntã̀-oyè ńlɛ̀-Ètìyɔ́kpì#ɛ́, à náa kpèé ní Kànɖákà, tsí náa wà gbɛ̃́ ìlú#ɛ́. Ɛnɛ#ɛ́ wá, tsí wáa sɛ̃ Ɔ̀ɖáyé ńYèrúsàlɛ́mì ni. 28Tsí ó sɛ̃̀ bɔ̀ wáa làkóò, tsí dzokó si nɔ́kɔ̃̀-atsĩ‐ɛ̀. Kíbí ó wáa làkóò#ɛ́, ó wà kã ìwé-agbáfɔ̀-Ɔ̀ɖáyé fɔ̀†-kã̀. À náa kpe agbáfɔ̀-Ɔ̀ɖáyé fɔ̀#ɛ́ ní Yèsáyà†. 29Tsí Mímí-Ɔ̀ɖáyé wà fɔ̀ fú Fìlíkpò ní: Kó rɛ̃̀ lɔ, tsí kó sɔ́ tìmá ɔkɔ̃̀#ɛ́.
30Gbòkã́#á, ó súré lɔ káà bá ɔkɔ̃̀#ɛ́. Tsí ó wà gbɔ́ kíbí ɔ̀gá#á wà kã ìwé-Yèsáyà agbáfɔ̀-Ɔ̀ɖáyé fɔ̀#ɛ́. Tsí ó wà bèrèé ní: Iŋɛ́ yèé ó wà kã̀#á, ó wà gbɔ́ òkpì‐ɛ̀ báàyíì?
31Tsí ɔ̀gá#á nyí, tsí wà wí fúu ní: Bí ɔ̀nyà-kã̀ kò wà nyàkpì‐ɛ̀ fú òŋu, bí òŋu nákó tse fáà, tsí nyáa gbɔ́ òkpì‐ɛ̀ ná?
Tsí ó kpe Fìlíkpò ní kó gu ɔkɔ̃̀#ɛ́ wáa dzokó gbe òŋu. 32Ńbɛ̀ɛ́, ìɖì yèé ó wà kã̀ ńǸwé-Ɔ̀ɖáyé†#ɛ́ wà fɔ̀ ní:
“Ó wà kíbí àgùɖã̀-kã̀ yèé à náa mú lɔ káà kpa#á.
Ó wà kíbí ɔma-àgbò† yèé kà tì ɖúgbe
bí à wà fá irɔ̃‐ɛ̀#ɛ́.
Bɛ́ɛ̀ ké ní òŋu gbo tsikó gbà#á.
33À kò múu kpe iŋɛ́-kã̀ títí, tsí à kpodzú-afɔ̀‐ɛ̀ ɖélɛ̀.
Nɛ̀ɛ́ nákó nyáa wíìnyɛ̀ ti nára-ɔmalɔ́ma‐ɛ̀ ŋa?
Iŋɛ́ yèé tse#ɛ́, à kpa ayé‐ɛ̀ ra ńǹtalɛ̀ bí.”#8:33 Ìwé-Yèsáyà 53:7-8 (Ésaïe 53:7-8)
34Tsí ɔ̀gá#á wí fú Fìlíkpò ní: Òŋu tsìkálɛ̀ fúu. Ó ɖi, nɛ̀ɛ́ agbáfɔ̀-Ɔ̀ɖáyé fɔ̀#ɛ́ wà báfɔ̀ ná? Òŋu ká‐ɛ̀ ní ó wà báfɔ̀#ɛ́ nàmí olòmírɛ̃̀-kã̀ ni?
35Tsí Fìlíkpò gba afɔ̀ nárũ‐ɛ̀, tsí gbà ńǹtá-iŋɛ́ yèé à kɔ si ńǹwé#ɛ́, ó dzíkɔ̀-Yèésù fúu. 36Kíbí à làkóò nɔ́ɔ̀nà#á, à káà tó nóɖò-kã̀. Tsí ɔ̀gá#á ní: Omi ní nɔ̀! Ó ɖi, kó wìwɛ̀-Yèésù† fú òŋu gbòkã́ nàmí iŋɛ́-kã̀ bɔ̀ ró niì?
[ 37Tsí Fìlíkpò wà wí fúu ní: Bí ó gba Yèésù gbɔ́ inɔ́ tã̀ã́, ànyì tã̀ã́, òŋu nákó nyáa wɛ̀ fúu.
Tsí ó ní: Òŋu dzɛ́ ní Yèésù Kírísítò ni Ɔma bíbí-Ɔ̀ɖáyé ni.]
38Gbòkã́#á, ɔ̀gá#á ní: Ká ɖá ɔkɔ̃̀#ɛ́ ɖóro.
Tsí àŋa méèdzì méèdzì#ɛ́ tì dzì nómi#ɛ́, tsí Fìlíkpò wìwɛ̀-Yèésù fúu. 39Kíbí à fùɖá nómi#ɛ́ tã́#á, Mímí-Ɔ̀ɖáyé kɛ́ Fìlíkpò ǹɖe ńɖɔ̀‐ɛ̀, tsí kò ríi ró. Tsí ó nyí, tsí sɛ̃̀ dzì nɔ́ɔ̀nà òŋu ayè títɛ́. 40Tsí Fìlíkpò òŋu, ó káà bɔ́ ńǹlú-Àsɔ́tì. Ó ǹɖe bɛ̀, tsí lɔ ńKèsàré. Kíbí ó làkóò#ɛ́, náa wà dzíkɔ̀-Yèésù ńǹlú kã̀kã̀ yèé náa gbà ŋa kpó#ɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.