Itsɛ́ 26
26
Kpɔ́lù wà fɔ afɔ̀-arũ-ara‐ɛ̀ nódzú-ólú Àgíkpà
1Ńbɛ̀ɛ́, ólú Àgíkpà wà fɔ̀ fú Kpɔ́lù ní: Òŋu mú oŋù bɔwɔ́‐ɛ̀. Kó wíìnyɛ̀, tsí kó fɔ afɔ̀-arũ-ara‐ɛ̀ ńǹkɛ̀ɛ́.
Tsí Kpɔ́lù gbo tsɔwɔ́ fú ŋa, tsí kó fɔ afɔ̀-arũ-ara‐ɛ̀. Tsí ó ní: 2Ólú Àgíkpà, nɔ́mbɛ́#ɛ́, òŋu wɛ éwo-ire ní òŋu bòkó fɔ afɔ̀-arũ-ara-òŋu nódzú‐ɛ̀ ti nára-afɔ̀ yèé ŋa kpó ɔma-Ìyúɖà† ŋa ń bá òŋu si#ɛ́. 3Iŋɛ́ yèé tse#ɛ́, ó ma orò-ɔma-Ìyúɖà ŋa rere, tsí ma àrã́dzìnyà yèé ŋa gbo à wà tse#ɛ́ rere. Náàtsùgbée bɛ́ɛ̀#ɛ́, òŋu wà fɔ̀ fúu ní kó fɛ̀ɖɔ̃̀ tù, tsí kó gbɔ́ oŋù-òŋu.
4Ó ɖi, ɔma-Ìyúɖà ŋa kpó, à ma kíbí òŋu gbé gbà#á. À ma ìgbèngbé-òŋu ńǹwèrè yèé òŋu ǹɖe nɔ́mɔ̀tsɔ́-òŋu náàŋírĩ-ɛnɛ-ìlú-òŋu ŋa ti náàsòkò nyɛ̀ŋɛ̀ wáa fú òní ńYèrúsàlɛ́mì#ɛ́. 5À ti ma òŋu ó dzɛ̃̀, tsí bí ó wù ŋá, à nákó nyáa nya àyídzá-òŋu ti nára-kíbí òŋu gbé gbà nɛ́gbɛ́-Fàrísì†#ɛ́. Ɔma-ɛgbɛ́ ŋa#á, à náa múgírí ní àŋa kó rɛ̃̀ si nɛ́kpa-Ɔ̀ɖáyé láre ɛnɛ yèé ŋa kpó wà sɛ̃ Ɔ̀ɖáyé#ɛ́. 6Ó ɖi báàyí#ɛ́, à wà kpɛdzɔ́ bá òŋu, iŋɛ́ yèé tse#ɛ́, òŋu módzú si nɔ́ɔ̀nà si ní Ɔ̀ɖáyé nákó sã àlé yèé ó ta si fú gbágbóǹgbàgbò-àŋa ŋa#á. 7Tsí ɔ̀nyà-aro máàméèdzì yèé dzɛ́ ɔmalɔ́ma-Yàkúbù† ŋa#á, àŋa gbo, à módzú si nɔ́ɔ̀nà si bɛ́ɛ̀ ké ní Ɔ̀ɖáyé nákó sã àlé#ɛ́. Tsí náàtsùgbée bɛ́ɛ̀#ɛ́, òsã́-kã̀, òru-kã̀#á, odzú náa kpã́ ŋa si kũkũ, tsí à náa wà sɛ̃ Ɔ̀ɖáyé làkóò gé ni.
Tsí Kpɔ́lù tɔ́ wà wí fúu ró ní: Ólú Àgíkpà, odzú tòŋu gbo wà nɔ́ɔ̀nà si fú àlé#ɛ́. Náàtóoríi bɛ́ɛ̀ ní ɔma-Ìyúɖà ŋa wà mú afɔ̀ bá òŋu#ɛ́. 8Àŋa ɔma-Ìyúɖà ŋa, kí tse tsí à wà dzèrèbe ní Ɔ̀ɖáyé kàkó nyáa dzí òkú ŋa wá náyé ná? Nákó nyáa tse bɛ́ɛ̀ nɔ̀. 9Ó ɖi, òŋu ká-òŋu gbo, òŋu tsèsérè ní òŋu kó gba ɔ̀nà ɔ̀kã̀lɔ́ɔ̀kã̀ kpó, tsí òŋu kó nya Yèésù ti Nàsàrɛ́tì#ɛ́ kãdzú. 10Iŋɛ́-ìrɔ́ nyɛ̀ŋɛ̀ ní òŋu náa tse ńYèrúsàlɛ́mì#ɛ́. Onùgbó-atsɛbɔ-Ɔ̀ɖáyé† ŋa náa fú òŋu nɔ́ɔ̀nà, tsí òŋu náa mú ɛnɛ yèé ŋa dzɛ́ ti Ɔ̀ɖáyé#ɛ́ lɔ káà sé nɛ́ɛ̀ŋà. Tsí bí à ɖáàbi kpa ŋá, tsí sɔ́ ŋa fú ikú#ɛ́, òŋu gbo, òŋu náa gbà si ńǹtá‐ɛ̀. 11Tsí òŋu náa wà lɔ ńlé-ìkpàɖé-ɔma-Ìyúɖà ŋa† kã̀kã̀ kpeékpeé, tsí wà tsoró bá ŋa. Tsí òŋu náa mú ŋa ńkpá ní ká wíìnyɛ̀-íbàɖí ŋa nára-Yèésù. Tsí kíbí òŋu wà gbà ńǹwèrè nyɛ̀ŋɛ̀#ɛ́, òŋu gboró si tó bɛ́ɛ̀ títí òŋu náa rò ŋá bá lɔ ńǹlú-òmírɛ̃̀ ŋa gìɖì gbo, tsí káà tsoró bá ŋa.
12Ti nára-bɛ́ɛ̀#ɛ́, ó ɖi nɔ́dzɔ́-kã̀, tsí òŋu làkóò ńǹlú-Ɖàmásì. Onùgbó-atsɛbɔ-Ɔ̀ɖáyé ŋa fú òŋu nɔ́ɔ̀nà, tsí bɛ òŋu làkóò bɛ̀ ní òŋu kó lɔ káà mú atɛ̀náànyì-Yèésù yèé wà bɛ̀ ŋa#á wá. 13Ńǹwèrè-òsã́ gãgã#á, òŋu làkóò nɔ́ɔ̀nà-ìlú#ɛ́, tsí òŋu rí iná-kã̀. Iná#á ti nɔ́ɔ̀rɔ̃, tsí ó má láre odzúùrɔ̃̀ bɛ́, tsí ó má wérí òŋu enìkéèdzì-òŋu yèé ŋa làkóò bá òŋu#ɛ́. 14Tsí àŋa tsubúlɛ̀ kpó, tsí òŋu gbɔ́ oŋù-kã̀, tsí oŋù#ɛ́ wà wíìnyɛ̀ fú òŋu ńǹlú-ɔma-Ìyúɖà ŋa ní: Sɔ́lù! Sɔ́lù! Kí tse tsí ò wà tsoró bá mi bɛ́ɛ̀ ná? Nákó le fɛ́ɛ héŋú ní o máa gbà si ńǹtá-awù-mi.
15Tsí òŋu gbo, òŋu wà bèrèé ní: Ɔ̀gá, nɛ̀ɛ́ ni ná?
Tsí Ɔlá-wa gbo wà dzɔ́ŋù fú òŋu ní: Èmi ní dzɛ́ Yèésù ɛnɛ yèé ò wà tsoró bá#á. 16Báàyí#ɛ́, ǹɖe ɖóro. Ó ɖi, iŋɛ́ yèé tse tsí ǹ mú ara-mi ŋàɛ́#ɛ́ ní wà dzɛ́ ní ǹ tsã̀ɛ́, tsí o ɖi adzítsɛ́-mi, tsí o wà nya àyídzá fú ɔ̀nyà ŋa ti nára-kíbí ò rí mi gbà nɔ́mbɛ́#ɛ́. Iŋɛ́ kã̀ŋa gbo wà, tsí màa wáa ń ɖíre fɛ́ɛ náànyìwà. Nàa wà wíìnyɛ̀ ti nára-iŋɛ́ nyɛ̀ŋɛ̀ ŋa gbo fú ŋa. 17Ó ɖi, ǹ bɛ̀ɛ́ làkóò náàŋírĩ-ɔma-Ìyúɖà ŋa òŋu ɛnɛ yèé kò dzɛ́ ɔma-Ìyúɖà ŋa#á. Tsí màa gbàɛ́ dzɔ̀ɔ́ nɔ́wɔ́-ŋa. 18Ǹ bɛ̀ɛ́ làkóò, tsí o káà tsí odzú fú ŋa, tsí o nyà ŋá ǹɖe nóòkùkù ńbí à wà si#ɛ́, tsí o fà ŋá wá ńmímá. Tsí kíbí Ètsù† dzoyè si ńǹtá-ŋa si#ɛ́, o gbà ŋá nɔ́wɔ́‐ɛ̀ wá fú Ɔ̀ɖáyé, tsí kó dzoyè si ńǹtá-ŋa. Tsí bí à nɛ́ àkaralé si ńǹtá-mi, Ɔ̀ɖáyé nákó mú àbi-ŋa tɔrɛ fú ŋa, tsí àŋa gbo, à nákó dzogú-Ɔ̀ɖáyé bá ɛnɛ yèé ŋa dzɛ́ tɛ̀ɛ̀#ɛ́.
19Tsí Kpɔ́lù tɔ́ wà wí fúu ró ní: Ólú Àgíkpà, iŋɛ́ yèé ti nɔ́ɔ̀rɔ̃, tsí Yèésù nyàá ɖíre fú òŋu bɛ́ɛ̀#ɛ́, òŋu tse si ńǹtá‐ɛ̀ ìɖéǹɖè ni. 20Ó ɖi, òŋu dzíkɔ̀-Ɔ̀ɖáyé fú ɛnɛ-Ɖàmásì ŋa náàtsɛ̃̀tsɛ̃̀, tsí òŋu dzíkɔ̀#ɛ́ fú ɛnɛ-Yèrúsàlɛ́mì ŋa òŋu ɛnɛ yèé ŋa wà nérè-Yùɖéyà#á kòdzá kpó. Tsí òŋu dzíkɔ̀#ɛ́ fú ɛnɛ yèé ŋa kò dzɛ́ ɔma-Ìyúɖà ŋa#á gbo, tsí òŋu náa wà fɔ̀ fú ŋa kpó ní ká nyíìlò kpaɖà, tsí ká nyí wá ńɖi-Ɔ̀ɖáyé, tsí ká wà nyàá ɖíre ńtsɛ́-ɔwɔ́-ŋà ŋa òŋu ńǹrɛ̃̀-ɛsɛ̀-ŋà ŋa. 21Náàtsùgbée bɛ́ɛ̀ ní ɔma-Ìyúɖà ŋa wáa mú òŋu kíbí òŋu wà ńkpàtá-ilé-Ɔ̀ɖáyé† si#ɛ́, tsí wò ní ká kpa òŋu nóòkú#ɛ́. 22Ó ɖi, títí wáa fú òní#ɛ́, Ɔ̀ɖáyé wà náànyì-òŋu si gé ni. Kò kɔ òŋu dzɔ̀ɔ́. Tsí òŋu tɔ́ wà náàyɛ̀ si, tsí wà nya àyídzá fú ɔ̀nyà kpó, maɖé gbo, onùgbó gbo, àŋa kpó, òŋu wà fɔ̀ɔ́ fú ŋa. Mɔ̀ɔ́sè† òŋu agbáfɔ̀-Ɔ̀ɖáyé fɔ̀† ŋa ti fɔ iŋɛ́ yèé ŋa bòkó wáa tse#ɛ́ si, tsí afɔ̀ yèé ŋa òŋu wà fɔ̀ fúnɛ#ɛ́, ó ɖé bá afɔ̀-ŋa#á kpó. Òŋu kò wíìnyɛ̀-ìrɔ́-òmírɛ̃̀-kã̀ kpókpó. 23Ó ɖi, à ní: Ó wà ní Mɛ̀síyà† Agbanɛlà yèé Ɔ̀ɖáyé tsã̀, tsí bɛ̀ wá#á kó réré, tsí kú. Tsí nákó dzɛ́ ɔ̀nyà àtsɛ̃̀tsɛ̃̀ yèé nákó dzí ti náàŋírĩ-òkú ŋa wá náyé#ɛ́. Nákó kú, tsí dzí wá náyé bɛ́ɛ̀, àtóoríi kó kɛ́ mímá wá fú ɔma-Ìyúɖà ŋa òŋu ɔ̀nyà-ìlú-àledzò ŋa gbo. 24Bɛ́ɛ̀ ní Kpɔ́lù wà fɔ afɔ̀-arũ-ara‐ɛ̀ làkóò#ɛ́ ńnɛ̀ɛ́. Tsí kɔ̀màɖã́ã̀ Fésítù bu igbe ta gé, tsí ní: Kpɔ́lù, éwo wà bàdzɛ́ fɛ́ɛ! Ìwé mímà-ɛ̀ɛ bàdzɛ́ éwo fɛ́ɛ báàyí!
25Tsí Kpɔ́lù gbo dzɔ́ŋù fúu ní: Òò! Ɔba-ire Fésítù, éwo-òŋu kò wà bàdzɛ́. Afɔ̀-òtítɔ́ òŋu ìsérè mímá ní òŋu wà fɔ̀#ɛ́. 26Ó ɖi, ólú òŋu ká‐ɛ̀ gìɖì ti ma afɔ̀ ti nára-iŋɛ́ yèé ŋa òŋu fɔ̀#ɛ́. Náàtsùgbée bɛ́ɛ̀ ní òŋu mú ɛ̀ɖɔ̃̀ kã ara-òŋu, tsí wà wíìnyɛ̀ nódzú‐ɛ̀#ɛ́. Tsí òŋu mà nóòtítɔ́ ní ó ma afɔ̀ ti nára-iŋɛ́ ŋa#á kpó. Iŋɛ́ yèé tse#ɛ́, kò tsi ńǹɖì-ìɖúkù-kã̀ ní iŋɛ́ ŋa#á tse#ɛ́.
27Tsí Kpɔ́lù tɔ́ wà fɔ̀ fúu ró ní: Ólú Àgíkpà, afɔ̀ yèé ŋa agbáfɔ̀-Ɔ̀ɖáyé fɔ̀ ŋa ti fɔ̀ si#ɛ́ fe, ó gbà ŋá gbɔ́ nɔ̀. Ɛ̃ɛ̃, òŋu mà ìɖéǹɖè bɛ́ɛ̀ ní ó gbà ŋá gbɔ́.
28Tsí ólú Àgíkpà gbo wà dzɔ́ŋù fú Kpɔ́lù ní: Kpɔ́ dza! Ó bɔ oɖé, tsí kíbí ó wà wíìnyɛ̀ gbà ńǹsérè‐ɛ̀#ɛ́, kó tse tsí òŋu gbo, òŋu kó ɖi olí-Yèésù gé ni.
29Tsí Kpɔ́lù ní: Bí ó bɔ oɖé gboo, bí ìwèrè‐ɛ̀ nákó dzɛ̃̀ gboo, òŋu wà wúùre fú Ɔ̀ɖáyé ní ólú gbo, ɛnɛ yèé wà gbɔ́ oŋù-òŋu ŋa gbo nɔ́mbɛ́#ɛ́, àŋa kpó, ká wà kíbí òŋu Kpɔ́lù òŋu wà si#ɛ́. Ó ɖi, ká máa so àŋa òŋu ńwɔ̀rɔ̀ kíbí òŋu.
30Ńbɛ̀ɛ́, ólú gbo, kɔ̀màɖã́ã̀ gbo, Bɛ̀níkè gbo má nára-ɛnɛ yèé ŋa dzokó bɛ̀#ɛ́, àŋa kpó, à ǹɖe, 31tsí fùɖá lɔ ńǹkpá, tsí wà fɔ̀ fú ara-ŋa ní: Idza#á kò tse iŋɛ́-kã̀, tsí kó bèrè ní ká sɔ́ɔ fú ikú nàmí ká múu sé nɛ́ɛ̀ŋà nɛ́.
32Tsí ólú Àgíkpà wà fɔ̀ fú Fésítù ní: Bí kò tsi idza#á òŋu ká‐ɛ̀ ní bèrè ní ká gbɛ̃́ òŋu lɔ ńɖi-ɔ̀gã́-ìdzɔba, tsí kó kpɛdzɔ́#ɛ́ fú òŋu#ɛ́, à má tsíi nɛ́ɛ̀ŋà#á nɔ̀!
Currently Selected:
Itsɛ́ 26: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Itsɛ́ 26
26
Kpɔ́lù wà fɔ afɔ̀-arũ-ara‐ɛ̀ nódzú-ólú Àgíkpà
1Ńbɛ̀ɛ́, ólú Àgíkpà wà fɔ̀ fú Kpɔ́lù ní: Òŋu mú oŋù bɔwɔ́‐ɛ̀. Kó wíìnyɛ̀, tsí kó fɔ afɔ̀-arũ-ara‐ɛ̀ ńǹkɛ̀ɛ́.
Tsí Kpɔ́lù gbo tsɔwɔ́ fú ŋa, tsí kó fɔ afɔ̀-arũ-ara‐ɛ̀. Tsí ó ní: 2Ólú Àgíkpà, nɔ́mbɛ́#ɛ́, òŋu wɛ éwo-ire ní òŋu bòkó fɔ afɔ̀-arũ-ara-òŋu nódzú‐ɛ̀ ti nára-afɔ̀ yèé ŋa kpó ɔma-Ìyúɖà† ŋa ń bá òŋu si#ɛ́. 3Iŋɛ́ yèé tse#ɛ́, ó ma orò-ɔma-Ìyúɖà ŋa rere, tsí ma àrã́dzìnyà yèé ŋa gbo à wà tse#ɛ́ rere. Náàtsùgbée bɛ́ɛ̀#ɛ́, òŋu wà fɔ̀ fúu ní kó fɛ̀ɖɔ̃̀ tù, tsí kó gbɔ́ oŋù-òŋu.
4Ó ɖi, ɔma-Ìyúɖà ŋa kpó, à ma kíbí òŋu gbé gbà#á. À ma ìgbèngbé-òŋu ńǹwèrè yèé òŋu ǹɖe nɔ́mɔ̀tsɔ́-òŋu náàŋírĩ-ɛnɛ-ìlú-òŋu ŋa ti náàsòkò nyɛ̀ŋɛ̀ wáa fú òní ńYèrúsàlɛ́mì#ɛ́. 5À ti ma òŋu ó dzɛ̃̀, tsí bí ó wù ŋá, à nákó nyáa nya àyídzá-òŋu ti nára-kíbí òŋu gbé gbà nɛ́gbɛ́-Fàrísì†#ɛ́. Ɔma-ɛgbɛ́ ŋa#á, à náa múgírí ní àŋa kó rɛ̃̀ si nɛ́kpa-Ɔ̀ɖáyé láre ɛnɛ yèé ŋa kpó wà sɛ̃ Ɔ̀ɖáyé#ɛ́. 6Ó ɖi báàyí#ɛ́, à wà kpɛdzɔ́ bá òŋu, iŋɛ́ yèé tse#ɛ́, òŋu módzú si nɔ́ɔ̀nà si ní Ɔ̀ɖáyé nákó sã àlé yèé ó ta si fú gbágbóǹgbàgbò-àŋa ŋa#á. 7Tsí ɔ̀nyà-aro máàméèdzì yèé dzɛ́ ɔmalɔ́ma-Yàkúbù† ŋa#á, àŋa gbo, à módzú si nɔ́ɔ̀nà si bɛ́ɛ̀ ké ní Ɔ̀ɖáyé nákó sã àlé#ɛ́. Tsí náàtsùgbée bɛ́ɛ̀#ɛ́, òsã́-kã̀, òru-kã̀#á, odzú náa kpã́ ŋa si kũkũ, tsí à náa wà sɛ̃ Ɔ̀ɖáyé làkóò gé ni.
Tsí Kpɔ́lù tɔ́ wà wí fúu ró ní: Ólú Àgíkpà, odzú tòŋu gbo wà nɔ́ɔ̀nà si fú àlé#ɛ́. Náàtóoríi bɛ́ɛ̀ ní ɔma-Ìyúɖà ŋa wà mú afɔ̀ bá òŋu#ɛ́. 8Àŋa ɔma-Ìyúɖà ŋa, kí tse tsí à wà dzèrèbe ní Ɔ̀ɖáyé kàkó nyáa dzí òkú ŋa wá náyé ná? Nákó nyáa tse bɛ́ɛ̀ nɔ̀. 9Ó ɖi, òŋu ká-òŋu gbo, òŋu tsèsérè ní òŋu kó gba ɔ̀nà ɔ̀kã̀lɔ́ɔ̀kã̀ kpó, tsí òŋu kó nya Yèésù ti Nàsàrɛ́tì#ɛ́ kãdzú. 10Iŋɛ́-ìrɔ́ nyɛ̀ŋɛ̀ ní òŋu náa tse ńYèrúsàlɛ́mì#ɛ́. Onùgbó-atsɛbɔ-Ɔ̀ɖáyé† ŋa náa fú òŋu nɔ́ɔ̀nà, tsí òŋu náa mú ɛnɛ yèé ŋa dzɛ́ ti Ɔ̀ɖáyé#ɛ́ lɔ káà sé nɛ́ɛ̀ŋà. Tsí bí à ɖáàbi kpa ŋá, tsí sɔ́ ŋa fú ikú#ɛ́, òŋu gbo, òŋu náa gbà si ńǹtá‐ɛ̀. 11Tsí òŋu náa wà lɔ ńlé-ìkpàɖé-ɔma-Ìyúɖà ŋa† kã̀kã̀ kpeékpeé, tsí wà tsoró bá ŋa. Tsí òŋu náa mú ŋa ńkpá ní ká wíìnyɛ̀-íbàɖí ŋa nára-Yèésù. Tsí kíbí òŋu wà gbà ńǹwèrè nyɛ̀ŋɛ̀#ɛ́, òŋu gboró si tó bɛ́ɛ̀ títí òŋu náa rò ŋá bá lɔ ńǹlú-òmírɛ̃̀ ŋa gìɖì gbo, tsí káà tsoró bá ŋa.
12Ti nára-bɛ́ɛ̀#ɛ́, ó ɖi nɔ́dzɔ́-kã̀, tsí òŋu làkóò ńǹlú-Ɖàmásì. Onùgbó-atsɛbɔ-Ɔ̀ɖáyé ŋa fú òŋu nɔ́ɔ̀nà, tsí bɛ òŋu làkóò bɛ̀ ní òŋu kó lɔ káà mú atɛ̀náànyì-Yèésù yèé wà bɛ̀ ŋa#á wá. 13Ńǹwèrè-òsã́ gãgã#á, òŋu làkóò nɔ́ɔ̀nà-ìlú#ɛ́, tsí òŋu rí iná-kã̀. Iná#á ti nɔ́ɔ̀rɔ̃, tsí ó má láre odzúùrɔ̃̀ bɛ́, tsí ó má wérí òŋu enìkéèdzì-òŋu yèé ŋa làkóò bá òŋu#ɛ́. 14Tsí àŋa tsubúlɛ̀ kpó, tsí òŋu gbɔ́ oŋù-kã̀, tsí oŋù#ɛ́ wà wíìnyɛ̀ fú òŋu ńǹlú-ɔma-Ìyúɖà ŋa ní: Sɔ́lù! Sɔ́lù! Kí tse tsí ò wà tsoró bá mi bɛ́ɛ̀ ná? Nákó le fɛ́ɛ héŋú ní o máa gbà si ńǹtá-awù-mi.
15Tsí òŋu gbo, òŋu wà bèrèé ní: Ɔ̀gá, nɛ̀ɛ́ ni ná?
Tsí Ɔlá-wa gbo wà dzɔ́ŋù fú òŋu ní: Èmi ní dzɛ́ Yèésù ɛnɛ yèé ò wà tsoró bá#á. 16Báàyí#ɛ́, ǹɖe ɖóro. Ó ɖi, iŋɛ́ yèé tse tsí ǹ mú ara-mi ŋàɛ́#ɛ́ ní wà dzɛ́ ní ǹ tsã̀ɛ́, tsí o ɖi adzítsɛ́-mi, tsí o wà nya àyídzá fú ɔ̀nyà ŋa ti nára-kíbí ò rí mi gbà nɔ́mbɛ́#ɛ́. Iŋɛ́ kã̀ŋa gbo wà, tsí màa wáa ń ɖíre fɛ́ɛ náànyìwà. Nàa wà wíìnyɛ̀ ti nára-iŋɛ́ nyɛ̀ŋɛ̀ ŋa gbo fú ŋa. 17Ó ɖi, ǹ bɛ̀ɛ́ làkóò náàŋírĩ-ɔma-Ìyúɖà ŋa òŋu ɛnɛ yèé kò dzɛ́ ɔma-Ìyúɖà ŋa#á. Tsí màa gbàɛ́ dzɔ̀ɔ́ nɔ́wɔ́-ŋa. 18Ǹ bɛ̀ɛ́ làkóò, tsí o káà tsí odzú fú ŋa, tsí o nyà ŋá ǹɖe nóòkùkù ńbí à wà si#ɛ́, tsí o fà ŋá wá ńmímá. Tsí kíbí Ètsù† dzoyè si ńǹtá-ŋa si#ɛ́, o gbà ŋá nɔ́wɔ́‐ɛ̀ wá fú Ɔ̀ɖáyé, tsí kó dzoyè si ńǹtá-ŋa. Tsí bí à nɛ́ àkaralé si ńǹtá-mi, Ɔ̀ɖáyé nákó mú àbi-ŋa tɔrɛ fú ŋa, tsí àŋa gbo, à nákó dzogú-Ɔ̀ɖáyé bá ɛnɛ yèé ŋa dzɛ́ tɛ̀ɛ̀#ɛ́.
19Tsí Kpɔ́lù tɔ́ wà wí fúu ró ní: Ólú Àgíkpà, iŋɛ́ yèé ti nɔ́ɔ̀rɔ̃, tsí Yèésù nyàá ɖíre fú òŋu bɛ́ɛ̀#ɛ́, òŋu tse si ńǹtá‐ɛ̀ ìɖéǹɖè ni. 20Ó ɖi, òŋu dzíkɔ̀-Ɔ̀ɖáyé fú ɛnɛ-Ɖàmásì ŋa náàtsɛ̃̀tsɛ̃̀, tsí òŋu dzíkɔ̀#ɛ́ fú ɛnɛ-Yèrúsàlɛ́mì ŋa òŋu ɛnɛ yèé ŋa wà nérè-Yùɖéyà#á kòdzá kpó. Tsí òŋu dzíkɔ̀#ɛ́ fú ɛnɛ yèé ŋa kò dzɛ́ ɔma-Ìyúɖà ŋa#á gbo, tsí òŋu náa wà fɔ̀ fú ŋa kpó ní ká nyíìlò kpaɖà, tsí ká nyí wá ńɖi-Ɔ̀ɖáyé, tsí ká wà nyàá ɖíre ńtsɛ́-ɔwɔ́-ŋà ŋa òŋu ńǹrɛ̃̀-ɛsɛ̀-ŋà ŋa. 21Náàtsùgbée bɛ́ɛ̀ ní ɔma-Ìyúɖà ŋa wáa mú òŋu kíbí òŋu wà ńkpàtá-ilé-Ɔ̀ɖáyé† si#ɛ́, tsí wò ní ká kpa òŋu nóòkú#ɛ́. 22Ó ɖi, títí wáa fú òní#ɛ́, Ɔ̀ɖáyé wà náànyì-òŋu si gé ni. Kò kɔ òŋu dzɔ̀ɔ́. Tsí òŋu tɔ́ wà náàyɛ̀ si, tsí wà nya àyídzá fú ɔ̀nyà kpó, maɖé gbo, onùgbó gbo, àŋa kpó, òŋu wà fɔ̀ɔ́ fú ŋa. Mɔ̀ɔ́sè† òŋu agbáfɔ̀-Ɔ̀ɖáyé fɔ̀† ŋa ti fɔ iŋɛ́ yèé ŋa bòkó wáa tse#ɛ́ si, tsí afɔ̀ yèé ŋa òŋu wà fɔ̀ fúnɛ#ɛ́, ó ɖé bá afɔ̀-ŋa#á kpó. Òŋu kò wíìnyɛ̀-ìrɔ́-òmírɛ̃̀-kã̀ kpókpó. 23Ó ɖi, à ní: Ó wà ní Mɛ̀síyà† Agbanɛlà yèé Ɔ̀ɖáyé tsã̀, tsí bɛ̀ wá#á kó réré, tsí kú. Tsí nákó dzɛ́ ɔ̀nyà àtsɛ̃̀tsɛ̃̀ yèé nákó dzí ti náàŋírĩ-òkú ŋa wá náyé#ɛ́. Nákó kú, tsí dzí wá náyé bɛ́ɛ̀, àtóoríi kó kɛ́ mímá wá fú ɔma-Ìyúɖà ŋa òŋu ɔ̀nyà-ìlú-àledzò ŋa gbo. 24Bɛ́ɛ̀ ní Kpɔ́lù wà fɔ afɔ̀-arũ-ara‐ɛ̀ làkóò#ɛ́ ńnɛ̀ɛ́. Tsí kɔ̀màɖã́ã̀ Fésítù bu igbe ta gé, tsí ní: Kpɔ́lù, éwo wà bàdzɛ́ fɛ́ɛ! Ìwé mímà-ɛ̀ɛ bàdzɛ́ éwo fɛ́ɛ báàyí!
25Tsí Kpɔ́lù gbo dzɔ́ŋù fúu ní: Òò! Ɔba-ire Fésítù, éwo-òŋu kò wà bàdzɛ́. Afɔ̀-òtítɔ́ òŋu ìsérè mímá ní òŋu wà fɔ̀#ɛ́. 26Ó ɖi, ólú òŋu ká‐ɛ̀ gìɖì ti ma afɔ̀ ti nára-iŋɛ́ yèé ŋa òŋu fɔ̀#ɛ́. Náàtsùgbée bɛ́ɛ̀ ní òŋu mú ɛ̀ɖɔ̃̀ kã ara-òŋu, tsí wà wíìnyɛ̀ nódzú‐ɛ̀#ɛ́. Tsí òŋu mà nóòtítɔ́ ní ó ma afɔ̀ ti nára-iŋɛ́ ŋa#á kpó. Iŋɛ́ yèé tse#ɛ́, kò tsi ńǹɖì-ìɖúkù-kã̀ ní iŋɛ́ ŋa#á tse#ɛ́.
27Tsí Kpɔ́lù tɔ́ wà fɔ̀ fúu ró ní: Ólú Àgíkpà, afɔ̀ yèé ŋa agbáfɔ̀-Ɔ̀ɖáyé fɔ̀ ŋa ti fɔ̀ si#ɛ́ fe, ó gbà ŋá gbɔ́ nɔ̀. Ɛ̃ɛ̃, òŋu mà ìɖéǹɖè bɛ́ɛ̀ ní ó gbà ŋá gbɔ́.
28Tsí ólú Àgíkpà gbo wà dzɔ́ŋù fú Kpɔ́lù ní: Kpɔ́ dza! Ó bɔ oɖé, tsí kíbí ó wà wíìnyɛ̀ gbà ńǹsérè‐ɛ̀#ɛ́, kó tse tsí òŋu gbo, òŋu kó ɖi olí-Yèésù gé ni.
29Tsí Kpɔ́lù ní: Bí ó bɔ oɖé gboo, bí ìwèrè‐ɛ̀ nákó dzɛ̃̀ gboo, òŋu wà wúùre fú Ɔ̀ɖáyé ní ólú gbo, ɛnɛ yèé wà gbɔ́ oŋù-òŋu ŋa gbo nɔ́mbɛ́#ɛ́, àŋa kpó, ká wà kíbí òŋu Kpɔ́lù òŋu wà si#ɛ́. Ó ɖi, ká máa so àŋa òŋu ńwɔ̀rɔ̀ kíbí òŋu.
30Ńbɛ̀ɛ́, ólú gbo, kɔ̀màɖã́ã̀ gbo, Bɛ̀níkè gbo má nára-ɛnɛ yèé ŋa dzokó bɛ̀#ɛ́, àŋa kpó, à ǹɖe, 31tsí fùɖá lɔ ńǹkpá, tsí wà fɔ̀ fú ara-ŋa ní: Idza#á kò tse iŋɛ́-kã̀, tsí kó bèrè ní ká sɔ́ɔ fú ikú nàmí ká múu sé nɛ́ɛ̀ŋà nɛ́.
32Tsí ólú Àgíkpà wà fɔ̀ fú Fésítù ní: Bí kò tsi idza#á òŋu ká‐ɛ̀ ní bèrè ní ká gbɛ̃́ òŋu lɔ ńɖi-ɔ̀gã́-ìdzɔba, tsí kó kpɛdzɔ́#ɛ́ fú òŋu#ɛ́, à má tsíi nɛ́ɛ̀ŋà#á nɔ̀!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.