Itsɛ́ 14
14
Kpɔ́lù òŋu Bànàbá wà dzíkɔ̀-Ɔ̀ɖáyé ńǹlú-Ìkɔ́nì
1Ńbɛ̀ɛ́, kíbí Kpɔ́lù òŋu Bànàbá tó ńǹlú-Ìkɔ́nì#ɛ́, à tse kíbí à tse náÀntìyɔ́tsì gbo#ɛ́. À lɔ ńlé-ìkpàɖé-ɔma-Ìyúɖà ŋa†, tsí wà dzíkɔ̀-Ɔ̀ɖáyé fú ŋa. À fɔ̀ɔ́ títí ɔ̀nyà kpíkpɔ̀ kpíkpɔ̀ náàŋírĩ-ɔma-Ìyúɖà† ŋa òŋu ɛnɛ yèé kò dzɛ́ ɔma-Ìyúɖà ŋa#á gbo gba Yèésù gbɔ́. 2Ó ɖi, ɔma-Ìyúɖà kã̀ŋa kò gba afɔ̀#ɛ́ gbɔ́. Tsí à ǹɖe, tsí gbɛ̃́ ɛnɛ yèé kò dzɛ́ ɔma-Ìyúɖà kã̀ŋa#á gbo tɛ̀ náànyì, tsí à wà tsèsérè-íbàɖí nára-ìnàbí ŋa. 3Ti nára-bɛ́ɛ̀#ɛ́, Kpɔ́lù òŋu Bànàbá gbé ńǹlú#ɛ́ bɛ̀ kpíkpɛ̃́. Tsí à mú àkaralé-ŋa kpó si ńǹtá-Ɔlá-wa, tsí à mú ɛ̀ɖɔ̃̀ kã ara-ŋa, tsí wà wíìnyɛ̀ fú ɔ̀nyà ŋa. À náa wà fɔ̀ ní Yèésù ní dzɛ́ olóore-ɔ̀fɛ́#ɛ́. Tsí Ɔlá-wa gbo wà gbà ńǹtá-ŋa, tsí wà tse iŋɛ́-àwùsì lákṹ lákṹ ŋa, tsí wà ń nyà ɖíre ní afɔ̀-òtítɔ́ ní à wà fɔ̀#ɛ́.
4Ńbɛ̀ɛ́, ɔ̀nyà-ìlú ŋa#á kpɛ̃́ ìgbarà méèdzì. Ɔ̀nyà kã̀ŋa ní àŋa wà náànyì-ɔma-Ìyúɖà ŋa, tsí ɛnɛ-àtíbɔ̀ ŋa gbo ní náànyì-adzítsɛ́-Yèésù† ŋa#á ní àŋa wà#á. 5Tsí ɔma-Ìyúɖà ŋa òŋu ɛnɛ yèé kò dzɛ́ ɔma-Ìyúɖà ŋa#á má nára-ɔ̀gã́-ŋà ŋa gbo, à ǹɖe kpó nyàgã̀ã̀ ní àŋa kó tsoró bá Kpɔ́lù òŋu Bànàbá, tsí ta ŋá nóòkúta kpa. 6Ó ɖi, kíbí Kpɔ́lù òŋu Bànàbá gbɔ́ ní à bòkó tse bá àŋa bɛ́ɛ̀#ɛ́, à sá lɔ ńǹlú kã̀ŋa ńlɛ̀-Lìkàyónì. À lɔ ńǹlú-Lùsìtɛ́rà, tsí lɔ ńǹlú-Ɖèrèbé òŋu erè-ìyabɛ̀ ŋa kpó. 7Kíbí à tó ńbɛ̀ ŋa gbo#ɛ́, à wà dzíkɔ̀ ɖíɖɔ̃̀#ɛ́ fú ɔ̀nyà ŋa làkóò ró gé ni.
Kpɔ́lù òŋu Bànàbá wà dzíkɔ̀-Ɔ̀ɖáyé ńǹlú-Lùsìtɛ́rà òŋu ńǹlú-Ɖèrèbé
8Ńbɛ̀ɛ́, ɔ̀nyà-kã̀ wà ńǹlú-Lùsìtɛ́rà#á bɛ̀, tsí dzɛ́ arɔ. Ɛsɛ̀‐ɛ̀ ŋa kú kpó, tsí bɛ́ɛ̀ ní à bíi wá#á ńnɛ̀ɛ́. Kò rɛ̃̀ gìɖì wòrí. 9Tsí ó ɖi nɔ́dzɔ́-kã̀, tsí Kpɔ́lù wà wíìnyɛ̀, tsí arɔ#ɛ́ gbo wà bɛ̀, tsí wà gbɔ́ afɔ̀#ɛ́. Tsí Kpɔ́lù tadzú máa si, tsí wà wòó kokoko. Ó mà ní arɔ#ɛ́ gba afɔ̀#ɛ́ gbɔ́, tsí àrɔ̃̀#ɛ́ nákó tùú. 10Tsí ó ké fúu wáà ní: Ǹɖe kpáà, tsí o sɛ̃́ ɖóro!
Gbòkã́#á, arɔ#ɛ́ fò ǹɖe kéréŋú, tsí kpé rírɛ̃̀.
11Kíbí èrò#ɛ́ kpó rí iŋɛ́ yèé Kpɔ́lù tse bɛ́ɛ̀#ɛ́, à wà ɖúgbe kũkũ ńǹlú yèé à náa wí ńlɛ̀-Lìkàyónì#ɛ́ bɛ̀#ɛ́, tsí wà fɔ̀ ní: Kpɔ́ dza! Iŋɛ ŋa ní sɔ ara-ŋa ɖi ɔ̀nyà, tsí ti ńǹgbèrí wá ńɖi-àŋa#á.
12Ńlɛ̀-bɛ̀#ɛ́, iŋɛ kã̀ŋa wà bɛ̀, tsí à náa kpe ɔ̀kã̀ ní Ɖíyò, tsí kpe ɔ̀kã̀ gbo ní Hɛ̀rìmɛ́sì. Ńbɛ̀ɛ́, à mú Bànàbá kpe Ɖíyò, tsí mú Kpɔ́lù òŋu kpe Hɛ̀rìmɛ́sì. À kpe Kpɔ́lù bɛ́ɛ̀, iŋɛ́ yèé tse#ɛ́, òŋu ní wà wíìnyɛ̀#ɛ́.#14:12 Náàŋírĩ-iŋɛ-ɛnɛ-Gɛ̀rɛ́kì ŋa#á, Ɖíyò ní dzɛ́ ɔ̀gã́-iŋɛ ŋa#á, tsí Hɛ̀rìmɛ́sì òŋu dzɛ́ agbáfɔ̀ fɔ̀ fú ŋa. 13Ilé-iŋɛ Ɖíyò#ɛ́ wà nárũ-ìlú#ɛ́ gbòkã́ ni. Tsí balíŋɛ#ɛ́ káà fa lalá-akɔ kã̀ŋa fùɖá ńwádzú-èkũ̀-ilé#ɛ́. Lalá ŋa#á, à mú ɔ̀dzá-kã̀, tsí mú ìbóbó ŋa so nára‐ɛ̀, tsí ń so fú ŋa, tsí ká nyáa ń tsɛbɔ. Tsí balíŋɛ#ɛ́ òŋu ɔ̀nyà yèé ŋa wà bɛ̀#ɛ́ wà wò ní àŋa kó kpa ɛrã ŋa#á tsɛbɔ fú adzítsɛ́-Yèésù† ŋa#á. 14Tsí kíbí Kpɔ́lù òŋu Bànàbá gbɔ́ ní bɛ́ɛ̀ ní à bòkó tse#ɛ́, à fa ìwɔ̀ra-ara-ŋà ŋa ya gbòkã́, tsí ń nyà ɖíre ní àŋa kò gbà si ńǹtá‐ɛ̀. Tsí kóyá kóyá gé#ɛ́, à wɔ̀ náàŋírĩ-èrò#ɛ́, tsí wà ɖúgbe kũkũ fú ŋa ní: 15Òò! Kí à bòkó tse ńnɛ̀ɛ́? Ɔ̀nyà-ìtalɛ̀ bí ŋa kíbí àŋa gbo ké ní àŋa dzɛ́#ɛ́ nɔ̀. Tsí àŋa wá, tsí wà dzíkɔ̀ ɖíɖɔ̃̀ ti nára-Ɔ̀ɖáyé fú ŋa ní ká kɔ iŋɛ-akpotu nyɛ̀ŋɛ̀ ŋa dzɔ̀ɔ́, tsí ká nyí wá ńɖi-Ɔ̀ɖáyé Oláàyɛ̀ ńǹkɛ̀ɛ́ ni. Òŋu ní tse ìgbèrí, tsí tse ilɛ̀, tsí tse àhũ òŋu iŋɛ́ ɔ̀kã̀lɔ́ɔ̀kã̀ kpó yèé wà#á. 16Dzɔ̀ɔ́ dzɔ̀ɔ́#ɛ́, Ɔ̀ɖáyé kɔ ìlú ŋa kpó dzɔ̀ɔ́, tsí kṹnukṹ wà tse yèé wùú#ɛ́. 17Ó ɖi, ó mú ara‐ɛ̀ ɖíre fú ɔ̀nyà ŋa. Ó ń ɖíre fú ŋa ní olóore ní òŋu dzɛ́#ɛ́. Tsí náa tse tsí òdzò náa rɔ̀ si ńǹwèrè, tsí dzídzɛ ŋa náa sã̀. Ìɖéǹɖè ni! Náa fú ŋa ńdzídzɛ kpíkpɔ̀ kpíkpɔ̀ gbo, tsí náa tse tsí à náa wà náyè títɛ́ si.
18Bɛ́ɛ̀ ní Kpɔ́lù òŋu Bànàbá le oŋù si náfɔ̀#ɛ́ kũkũkũ#ɛ́. Ó ɖi, ó le fú ŋa héŋú ní ká ɖá ŋa ɖóro fú ɛbɔ yèé à bòkó tse#ɛ́.
19Ńbɛ̀ɛ́, ɔma-Ìyúɖà† kã̀ŋa ti náÀntìyɔ́tsì-erè-Kpìsìɖí, tsí ti ńǹlú-Ìkɔ́nì gbo, tsí wá ńǹlú#ɛ́. Tsí à wáa nyí ìsérè fú èrò#ɛ́, tsí àŋa kpó, à ǹɖe, tsí wà ta Kpɔ́lù nóòkúta. Kíbí à taá nóòkúta bɛ́ɛ̀#ɛ́, à ɖédzú ó kú ni, tsí à wɔ́ɔ fùɖá náàŋírĩ-ìlú#ɛ́ káà sɔ ńǹɖì-kã̀. 20Ó ɖi, atɛ̀náànyì-Yèésù kã̀ŋa wáa sú wérí‐ɛ̀, tsí ó ǹɖe, tsí sɛ̃̀ wɔ ìlú#ɛ́ lɔ. Ńlɛ̀ má‐ɛ̀ gé#ɛ́, òŋu Bànàbá méèdzì dzì nɔ́ɔ̀nà-ìlú-Ɖèrèbé.
21Kíbí à tó ńǹlú#ɛ́, à dzíkɔ̀ ɖíɖɔ̃̀ ti nára-Yèésù fú ɔ̀nyà ŋa, tsí à tse títí ɔ̀nyà kpíkpɔ̀ wà tɛ̀ náànyì-Yèésù. Náànyì-bɛ́ɛ̀#ɛ́, à ǹɖe bɛ̀, tsí sɛ̃̀ gbà ńǹlú-Lùsìtɛ́rà, tsí gbà ńǹlú-Ìkɔ́nì, tsí gbà ńǹlú-Àntìyɔ́tsì gbo. 22Tsí à náa wà ɖáàmí le atɛ̀náànyì-Yèésù ŋa, tsí wà fɔ̀ fú ŋa ní: Ká gbódzú, tsí wà náànyì-Yèésù si làkóò gé, ká máa sɛ̃̀. Ó ɖi, àŋa nákó bá òfò kpíkpɔ̀ kpàɖé nɔ́ɔ̀nà tã́ná Ɔ̀ɖáyé kó wáa dzoyè si ńǹtá-àŋa.
23Tsí à náa tsã onùgbó ŋa si nárũ-ɔma-ɛgbɛ́-Kírísítò ŋa ńǹlú kã̀kã̀. Tsí à náa ɖi arũ, tsí wúùre fú onùgbó ŋa#á, tsí mú ŋa bɔwɔ́-Yèésù Ɔlá-wa, ɛnɛ yèé à mú àkaralé-ŋa kpó si ńǹtá‐ɛ̀#ɛ́.
24Ńbɛ̀ɛ́, Kpɔ́lù òŋu Bànàbá tɔ́ ǹɖe ró, tsí gbà nérè-Kpìsìɖí, tsí káà bɔ́ ńlɛ̀-Kpã̀fílì. 25Tsí à lɔ ńǹlú-Kpɛ̀gé. Kíbí à tó ńbɛ̀ gbo#ɛ́, à dzíkɔ̀-Ɔ̀ɖáyé fú ɔ̀nyà ŋa. Náànyì-bɛ́ɛ̀ ró#ɛ́, à ǹɖe bɛ̀ gbo, tsí lɔ ńǹlú-Àtálì. 26Tsí à sɛ̃̀ ǹɖe bɛ̀ gbo ró, tsí wɔ̀ nɔ́kɔ̃̀-odzómi, tsí sɛ̃̀ lɔ káà bɔ́ náÀntìyɔ́tsì-ilɛ̀-Sìrí. NáÀntìyɔ́tsì nyɛ̀ŋɛ̀#ɛ́ bɛ̀ ní à ti mú ŋa bɔwɔ́-Ɔ̀ɖáyé ní kó tse ore-ɔ̀fɛ́ fú ŋa#á. À tse bɛ́ɛ̀, àtsùgbée ká tsitsɛ́ yèé ŋa kpó à tse tã́ báàyí#ɛ́ ni.
27Tsí kíbí à tó bɛ̀#ɛ́, à kpe ɔma-ɛgbɛ́-Kírísítò ŋa kpó kpérí, tsí à kpɛ̀rɔ́-iŋɛ́ kpó yèé Ɔ̀ɖáyé tse gbà ńǹtá-ŋa#á fú ŋa. À fɔ kíbí Ɔ̀ɖáyé tsí èkũ̀ fú ɛnɛ yèé kò dzɛ́ ɔma-Ìyúɖà ŋa#á gbo ní àŋa gbo ká gba Yèésù gbɔ́#ɛ́. 28Tsí à gbé bɛ̀ náàŋírĩ-atɛ̀náànyì-Yèésù ŋa#á kpíkpɛ̃́ fú ìwèrè mɛ́ɛlóle kã̀ŋa.
Currently Selected:
Itsɛ́ 14: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Itsɛ́ 14
14
Kpɔ́lù òŋu Bànàbá wà dzíkɔ̀-Ɔ̀ɖáyé ńǹlú-Ìkɔ́nì
1Ńbɛ̀ɛ́, kíbí Kpɔ́lù òŋu Bànàbá tó ńǹlú-Ìkɔ́nì#ɛ́, à tse kíbí à tse náÀntìyɔ́tsì gbo#ɛ́. À lɔ ńlé-ìkpàɖé-ɔma-Ìyúɖà ŋa†, tsí wà dzíkɔ̀-Ɔ̀ɖáyé fú ŋa. À fɔ̀ɔ́ títí ɔ̀nyà kpíkpɔ̀ kpíkpɔ̀ náàŋírĩ-ɔma-Ìyúɖà† ŋa òŋu ɛnɛ yèé kò dzɛ́ ɔma-Ìyúɖà ŋa#á gbo gba Yèésù gbɔ́. 2Ó ɖi, ɔma-Ìyúɖà kã̀ŋa kò gba afɔ̀#ɛ́ gbɔ́. Tsí à ǹɖe, tsí gbɛ̃́ ɛnɛ yèé kò dzɛ́ ɔma-Ìyúɖà kã̀ŋa#á gbo tɛ̀ náànyì, tsí à wà tsèsérè-íbàɖí nára-ìnàbí ŋa. 3Ti nára-bɛ́ɛ̀#ɛ́, Kpɔ́lù òŋu Bànàbá gbé ńǹlú#ɛ́ bɛ̀ kpíkpɛ̃́. Tsí à mú àkaralé-ŋa kpó si ńǹtá-Ɔlá-wa, tsí à mú ɛ̀ɖɔ̃̀ kã ara-ŋa, tsí wà wíìnyɛ̀ fú ɔ̀nyà ŋa. À náa wà fɔ̀ ní Yèésù ní dzɛ́ olóore-ɔ̀fɛ́#ɛ́. Tsí Ɔlá-wa gbo wà gbà ńǹtá-ŋa, tsí wà tse iŋɛ́-àwùsì lákṹ lákṹ ŋa, tsí wà ń nyà ɖíre ní afɔ̀-òtítɔ́ ní à wà fɔ̀#ɛ́.
4Ńbɛ̀ɛ́, ɔ̀nyà-ìlú ŋa#á kpɛ̃́ ìgbarà méèdzì. Ɔ̀nyà kã̀ŋa ní àŋa wà náànyì-ɔma-Ìyúɖà ŋa, tsí ɛnɛ-àtíbɔ̀ ŋa gbo ní náànyì-adzítsɛ́-Yèésù† ŋa#á ní àŋa wà#á. 5Tsí ɔma-Ìyúɖà ŋa òŋu ɛnɛ yèé kò dzɛ́ ɔma-Ìyúɖà ŋa#á má nára-ɔ̀gã́-ŋà ŋa gbo, à ǹɖe kpó nyàgã̀ã̀ ní àŋa kó tsoró bá Kpɔ́lù òŋu Bànàbá, tsí ta ŋá nóòkúta kpa. 6Ó ɖi, kíbí Kpɔ́lù òŋu Bànàbá gbɔ́ ní à bòkó tse bá àŋa bɛ́ɛ̀#ɛ́, à sá lɔ ńǹlú kã̀ŋa ńlɛ̀-Lìkàyónì. À lɔ ńǹlú-Lùsìtɛ́rà, tsí lɔ ńǹlú-Ɖèrèbé òŋu erè-ìyabɛ̀ ŋa kpó. 7Kíbí à tó ńbɛ̀ ŋa gbo#ɛ́, à wà dzíkɔ̀ ɖíɖɔ̃̀#ɛ́ fú ɔ̀nyà ŋa làkóò ró gé ni.
Kpɔ́lù òŋu Bànàbá wà dzíkɔ̀-Ɔ̀ɖáyé ńǹlú-Lùsìtɛ́rà òŋu ńǹlú-Ɖèrèbé
8Ńbɛ̀ɛ́, ɔ̀nyà-kã̀ wà ńǹlú-Lùsìtɛ́rà#á bɛ̀, tsí dzɛ́ arɔ. Ɛsɛ̀‐ɛ̀ ŋa kú kpó, tsí bɛ́ɛ̀ ní à bíi wá#á ńnɛ̀ɛ́. Kò rɛ̃̀ gìɖì wòrí. 9Tsí ó ɖi nɔ́dzɔ́-kã̀, tsí Kpɔ́lù wà wíìnyɛ̀, tsí arɔ#ɛ́ gbo wà bɛ̀, tsí wà gbɔ́ afɔ̀#ɛ́. Tsí Kpɔ́lù tadzú máa si, tsí wà wòó kokoko. Ó mà ní arɔ#ɛ́ gba afɔ̀#ɛ́ gbɔ́, tsí àrɔ̃̀#ɛ́ nákó tùú. 10Tsí ó ké fúu wáà ní: Ǹɖe kpáà, tsí o sɛ̃́ ɖóro!
Gbòkã́#á, arɔ#ɛ́ fò ǹɖe kéréŋú, tsí kpé rírɛ̃̀.
11Kíbí èrò#ɛ́ kpó rí iŋɛ́ yèé Kpɔ́lù tse bɛ́ɛ̀#ɛ́, à wà ɖúgbe kũkũ ńǹlú yèé à náa wí ńlɛ̀-Lìkàyónì#ɛ́ bɛ̀#ɛ́, tsí wà fɔ̀ ní: Kpɔ́ dza! Iŋɛ ŋa ní sɔ ara-ŋa ɖi ɔ̀nyà, tsí ti ńǹgbèrí wá ńɖi-àŋa#á.
12Ńlɛ̀-bɛ̀#ɛ́, iŋɛ kã̀ŋa wà bɛ̀, tsí à náa kpe ɔ̀kã̀ ní Ɖíyò, tsí kpe ɔ̀kã̀ gbo ní Hɛ̀rìmɛ́sì. Ńbɛ̀ɛ́, à mú Bànàbá kpe Ɖíyò, tsí mú Kpɔ́lù òŋu kpe Hɛ̀rìmɛ́sì. À kpe Kpɔ́lù bɛ́ɛ̀, iŋɛ́ yèé tse#ɛ́, òŋu ní wà wíìnyɛ̀#ɛ́.#14:12 Náàŋírĩ-iŋɛ-ɛnɛ-Gɛ̀rɛ́kì ŋa#á, Ɖíyò ní dzɛ́ ɔ̀gã́-iŋɛ ŋa#á, tsí Hɛ̀rìmɛ́sì òŋu dzɛ́ agbáfɔ̀ fɔ̀ fú ŋa. 13Ilé-iŋɛ Ɖíyò#ɛ́ wà nárũ-ìlú#ɛ́ gbòkã́ ni. Tsí balíŋɛ#ɛ́ káà fa lalá-akɔ kã̀ŋa fùɖá ńwádzú-èkũ̀-ilé#ɛ́. Lalá ŋa#á, à mú ɔ̀dzá-kã̀, tsí mú ìbóbó ŋa so nára‐ɛ̀, tsí ń so fú ŋa, tsí ká nyáa ń tsɛbɔ. Tsí balíŋɛ#ɛ́ òŋu ɔ̀nyà yèé ŋa wà bɛ̀#ɛ́ wà wò ní àŋa kó kpa ɛrã ŋa#á tsɛbɔ fú adzítsɛ́-Yèésù† ŋa#á. 14Tsí kíbí Kpɔ́lù òŋu Bànàbá gbɔ́ ní bɛ́ɛ̀ ní à bòkó tse#ɛ́, à fa ìwɔ̀ra-ara-ŋà ŋa ya gbòkã́, tsí ń nyà ɖíre ní àŋa kò gbà si ńǹtá‐ɛ̀. Tsí kóyá kóyá gé#ɛ́, à wɔ̀ náàŋírĩ-èrò#ɛ́, tsí wà ɖúgbe kũkũ fú ŋa ní: 15Òò! Kí à bòkó tse ńnɛ̀ɛ́? Ɔ̀nyà-ìtalɛ̀ bí ŋa kíbí àŋa gbo ké ní àŋa dzɛ́#ɛ́ nɔ̀. Tsí àŋa wá, tsí wà dzíkɔ̀ ɖíɖɔ̃̀ ti nára-Ɔ̀ɖáyé fú ŋa ní ká kɔ iŋɛ-akpotu nyɛ̀ŋɛ̀ ŋa dzɔ̀ɔ́, tsí ká nyí wá ńɖi-Ɔ̀ɖáyé Oláàyɛ̀ ńǹkɛ̀ɛ́ ni. Òŋu ní tse ìgbèrí, tsí tse ilɛ̀, tsí tse àhũ òŋu iŋɛ́ ɔ̀kã̀lɔ́ɔ̀kã̀ kpó yèé wà#á. 16Dzɔ̀ɔ́ dzɔ̀ɔ́#ɛ́, Ɔ̀ɖáyé kɔ ìlú ŋa kpó dzɔ̀ɔ́, tsí kṹnukṹ wà tse yèé wùú#ɛ́. 17Ó ɖi, ó mú ara‐ɛ̀ ɖíre fú ɔ̀nyà ŋa. Ó ń ɖíre fú ŋa ní olóore ní òŋu dzɛ́#ɛ́. Tsí náa tse tsí òdzò náa rɔ̀ si ńǹwèrè, tsí dzídzɛ ŋa náa sã̀. Ìɖéǹɖè ni! Náa fú ŋa ńdzídzɛ kpíkpɔ̀ kpíkpɔ̀ gbo, tsí náa tse tsí à náa wà náyè títɛ́ si.
18Bɛ́ɛ̀ ní Kpɔ́lù òŋu Bànàbá le oŋù si náfɔ̀#ɛ́ kũkũkũ#ɛ́. Ó ɖi, ó le fú ŋa héŋú ní ká ɖá ŋa ɖóro fú ɛbɔ yèé à bòkó tse#ɛ́.
19Ńbɛ̀ɛ́, ɔma-Ìyúɖà† kã̀ŋa ti náÀntìyɔ́tsì-erè-Kpìsìɖí, tsí ti ńǹlú-Ìkɔ́nì gbo, tsí wá ńǹlú#ɛ́. Tsí à wáa nyí ìsérè fú èrò#ɛ́, tsí àŋa kpó, à ǹɖe, tsí wà ta Kpɔ́lù nóòkúta. Kíbí à taá nóòkúta bɛ́ɛ̀#ɛ́, à ɖédzú ó kú ni, tsí à wɔ́ɔ fùɖá náàŋírĩ-ìlú#ɛ́ káà sɔ ńǹɖì-kã̀. 20Ó ɖi, atɛ̀náànyì-Yèésù kã̀ŋa wáa sú wérí‐ɛ̀, tsí ó ǹɖe, tsí sɛ̃̀ wɔ ìlú#ɛ́ lɔ. Ńlɛ̀ má‐ɛ̀ gé#ɛ́, òŋu Bànàbá méèdzì dzì nɔ́ɔ̀nà-ìlú-Ɖèrèbé.
21Kíbí à tó ńǹlú#ɛ́, à dzíkɔ̀ ɖíɖɔ̃̀ ti nára-Yèésù fú ɔ̀nyà ŋa, tsí à tse títí ɔ̀nyà kpíkpɔ̀ wà tɛ̀ náànyì-Yèésù. Náànyì-bɛ́ɛ̀#ɛ́, à ǹɖe bɛ̀, tsí sɛ̃̀ gbà ńǹlú-Lùsìtɛ́rà, tsí gbà ńǹlú-Ìkɔ́nì, tsí gbà ńǹlú-Àntìyɔ́tsì gbo. 22Tsí à náa wà ɖáàmí le atɛ̀náànyì-Yèésù ŋa, tsí wà fɔ̀ fú ŋa ní: Ká gbódzú, tsí wà náànyì-Yèésù si làkóò gé, ká máa sɛ̃̀. Ó ɖi, àŋa nákó bá òfò kpíkpɔ̀ kpàɖé nɔ́ɔ̀nà tã́ná Ɔ̀ɖáyé kó wáa dzoyè si ńǹtá-àŋa.
23Tsí à náa tsã onùgbó ŋa si nárũ-ɔma-ɛgbɛ́-Kírísítò ŋa ńǹlú kã̀kã̀. Tsí à náa ɖi arũ, tsí wúùre fú onùgbó ŋa#á, tsí mú ŋa bɔwɔ́-Yèésù Ɔlá-wa, ɛnɛ yèé à mú àkaralé-ŋa kpó si ńǹtá‐ɛ̀#ɛ́.
24Ńbɛ̀ɛ́, Kpɔ́lù òŋu Bànàbá tɔ́ ǹɖe ró, tsí gbà nérè-Kpìsìɖí, tsí káà bɔ́ ńlɛ̀-Kpã̀fílì. 25Tsí à lɔ ńǹlú-Kpɛ̀gé. Kíbí à tó ńbɛ̀ gbo#ɛ́, à dzíkɔ̀-Ɔ̀ɖáyé fú ɔ̀nyà ŋa. Náànyì-bɛ́ɛ̀ ró#ɛ́, à ǹɖe bɛ̀ gbo, tsí lɔ ńǹlú-Àtálì. 26Tsí à sɛ̃̀ ǹɖe bɛ̀ gbo ró, tsí wɔ̀ nɔ́kɔ̃̀-odzómi, tsí sɛ̃̀ lɔ káà bɔ́ náÀntìyɔ́tsì-ilɛ̀-Sìrí. NáÀntìyɔ́tsì nyɛ̀ŋɛ̀#ɛ́ bɛ̀ ní à ti mú ŋa bɔwɔ́-Ɔ̀ɖáyé ní kó tse ore-ɔ̀fɛ́ fú ŋa#á. À tse bɛ́ɛ̀, àtsùgbée ká tsitsɛ́ yèé ŋa kpó à tse tã́ báàyí#ɛ́ ni.
27Tsí kíbí à tó bɛ̀#ɛ́, à kpe ɔma-ɛgbɛ́-Kírísítò ŋa kpó kpérí, tsí à kpɛ̀rɔ́-iŋɛ́ kpó yèé Ɔ̀ɖáyé tse gbà ńǹtá-ŋa#á fú ŋa. À fɔ kíbí Ɔ̀ɖáyé tsí èkũ̀ fú ɛnɛ yèé kò dzɛ́ ɔma-Ìyúɖà ŋa#á gbo ní àŋa gbo ká gba Yèésù gbɔ́#ɛ́. 28Tsí à gbé bɛ̀ náàŋírĩ-atɛ̀náànyì-Yèésù ŋa#á kpíkpɛ̃́ fú ìwèrè mɛ́ɛlóle kã̀ŋa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.