1 Tìmɔ̀té 2
2
Kpɔ́lù wà fɔ afɔ̀-ìre wúwú òŋu ìgbèngbé-olí-Yèésù ŋa
1Náàtsɛ̃̀tsɛ̃̀#ɛ́, ǹ wà bèrè ní e wúùre fú Ɔ̀ɖáyé, tsí ń kíi, tsí ń nyɛ̀ɛ́, tsí ń tsìkálɛ̀ fúu gbo. È náa wúùre bɛ́ɛ̀ fú ɔ̀nyà kpó. 2È náa wúùre fú ólú ŋa gbo òŋu ɔ̀nyà kpó yèé wà kpɛ̀tsɛ fúnɛ#ɛ́ gbo, tsí àa kó nyáa gbé ńtútùúrɔ̀ náyé#ɛ́, tsí ìgbèngbé-wa gbo kó dzɔdzú-Ɔ̀ɖáyé, tsí kó dzɔdzú-ɔ̀nyà gbo. 3Bí àa wà wúùre bɛ́ɛ̀#ɛ́, náa sã̀ nódzú-Ɔ̀ɖáyé Agbanɛlà, tsí náa dzɔdzú‐ɛ̀ gbo. 4Ó wà wo kó gba ɔ̀nyà kpó là, tsí ká ma òtítɔ́ gbo kpó.
5Ɔ̀ɖáyé ɔ̀kã̀ntso gé ní wà#á, ɔ̀kã̀ kò wà ró. Tsí ɔ̀nyà ɔ̀kã̀ntso gbo gé ní wà, tsí ɖóro náàŋírĩ-Ɔ̀ɖáyé òŋu ɔ̀nyà ŋa, tsí wà mú ìkálɛ̀-ɔ̀nyà ŋa bɔwɔ́-Ɔ̀ɖáyé#ɛ́. Ɔ̀nyà#á, Yèésù Kírísítò ni. 6Òŋu ní mú ara‐ɛ̀ sã́ã̀bi si nárũ-ɔ̀nyà kpó#ɛ́. Náàsòkò yèé dzì ńǹɖì‐ɛ̀ tútútú#ɛ́, ní ó tseé#ɛ́, tsí kó nyà ɖíre ní Ɔ̀ɖáyé wà wo kó gba ɔ̀nyà kpó là. 7Àtóoríi bɛ́ɛ̀ ní Ɔ̀ɖáyé tsã̀ mí ní n dzɛ́ adzítsɛ́-Yèésù†, tsí ó bɛ̀ mí ní n wà dzíkɔ̀ ɖíɖɔ̃̀ wérí fú ɛnɛ yèé kò dzɛ́ ɔma-Ìyúɖà ŋa#á. Tsí n wà tsɛ̀kɔ́ fú ŋa, tsí ká ma òtítɔ́ ti nára-ká nɛ́ àkaralé si ńǹtá-Yèésù gbo. Òtítɔ́ ní ǹ wà fɔ̀#ɛ́, ǹ kò wà tsòɖòbò.
8Ńbɛ̀ɛ́, ńǹɖì-ɔ̀kã̀lɔ́ɔ̀kã̀ ńbí ɔnɔkɛ̃̀ɛ̃ ŋa wà#á, ǹ wà wò ní ká wà wúùre, tsí wà kɛ́ ɔwɔ́ lɔ ńǹgbèrí, tsí ìsérè-ŋa gbo kó má si. Ká máa wà wúùre òŋu inɔ́ bíbí, tsí ká máa mú àfàdzà gbo si ńnɛ̀.
9Ǹ wà wò gbo ró ní ɔnɔbɛ̃̀ɛ̃ ŋa ká wà wɔ iŋɛ́ yèé dzɔ ní ká wɔ̀#ɛ́. Ká wà tsèsérè rere tã́ná, tsí ká máa wà wɔ iŋɛ́ yèé nákó gú odzú fú ɔ̀nyà ŋa#á. Ó ɖi, èlè ɖíɖá-ŋa kó máa dzɛ́ irɔ̃ tsítse ńǹrɔ́ǹrɔ́ òŋu iŋɛ́-siká ŋa síso má nára-lɛ̀kɛ̀ síso òŋu ìwɔ̀ra gbígbowó ŋa gbo wíwɔ̀. 10Kà kàa bɛ́ɛ̀, èlè ɖíɖá-ŋa kó dzɛ́ ore tsítse fúnɛ. Òŋu ní ɖé bá ɔnɔbɛ̃̀ɛ̃ yèé ŋa fɔ̀ ní àŋa wà sá fú Ɔ̀ɖáyé#ɛ́.
11Ó wà ní ɔnɔbɛ̃̀ɛ̃ ŋa ká wà dzokó túrúú tã́ná wà gba ɛ̀kɔ́ yèé à wà tse fú ŋa#á, tsí ká wà rɛ̃tígbè-akɔ́nɛ rere. 12Ǹ kò fú ɔnɔbɛ̃̀ɛ̃ nɔ́ɔ̀nà ní kó dzɛ́ akɔ́nɛ nɛ́gbɛ́-Kírísítò nàmí kó gu ìtá-ɔnɔkɛ̃̀ɛ̃. Kà kàa bɛ́ɛ̀, nákó dzokó túrúú si ni.
13Ǹ wà wí bɛ́ɛ̀, iŋɛ́ yèé tse#ɛ́, Áɖàmì† ní Ɔ̀ɖáyé tsɛ̃̀tsɛ̃̀ tse#ɛ́, tsí ó tse Àyɛ̀wà, tsí ń tɛ̀ɛ́. 14Tsí èkéèdzì‐ɛ̀ gbo#ɛ́, kò tsi Áɖàmì ní Ètsù† rú#ɛ́. Àyɛ̀wà ɔnɔbɛ̃̀ɛ̃#ɛ́ ní ó rú, tsí ó dzàbi-Ɔ̀ɖáyé#ɛ́. Ńnɛ̀ ní ǹ wà tsɛ̀kɔ́ nyɛ̀ŋɛ̀ ŋa fú ɔnɔbɛ̃̀ɛ̃ ŋa#á. 15Tsí kíbí ó dzɛ́ gìɖì ní Àyɛ̀wà dzàbi-Ɔ̀ɖáyé bɛ́ɛ̀#ɛ́, Ɔ̀ɖáyé nákó nyáa gba ɔnɔbɛ̃̀ɛ̃ là. Ɔnɔbɛ̃̀ɛ̃ nákó nyáa bíma, tsí bí ó nɛ́ àmúɖɔ̃̀ fú ɔ̀nyà ŋa, tsí gba Yèésù gbo gbɔ́, tsí ìgbèngbé‐ɛ̀ nyà ɖíre ní ó dzɛ́ ti Ɔ̀ɖáyé, Ɔ̀ɖáyé nákó gbàá là.
Currently Selected:
1 Tìmɔ̀té 2: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
1 Tìmɔ̀té 2
2
Kpɔ́lù wà fɔ afɔ̀-ìre wúwú òŋu ìgbèngbé-olí-Yèésù ŋa
1Náàtsɛ̃̀tsɛ̃̀#ɛ́, ǹ wà bèrè ní e wúùre fú Ɔ̀ɖáyé, tsí ń kíi, tsí ń nyɛ̀ɛ́, tsí ń tsìkálɛ̀ fúu gbo. È náa wúùre bɛ́ɛ̀ fú ɔ̀nyà kpó. 2È náa wúùre fú ólú ŋa gbo òŋu ɔ̀nyà kpó yèé wà kpɛ̀tsɛ fúnɛ#ɛ́ gbo, tsí àa kó nyáa gbé ńtútùúrɔ̀ náyé#ɛ́, tsí ìgbèngbé-wa gbo kó dzɔdzú-Ɔ̀ɖáyé, tsí kó dzɔdzú-ɔ̀nyà gbo. 3Bí àa wà wúùre bɛ́ɛ̀#ɛ́, náa sã̀ nódzú-Ɔ̀ɖáyé Agbanɛlà, tsí náa dzɔdzú‐ɛ̀ gbo. 4Ó wà wo kó gba ɔ̀nyà kpó là, tsí ká ma òtítɔ́ gbo kpó.
5Ɔ̀ɖáyé ɔ̀kã̀ntso gé ní wà#á, ɔ̀kã̀ kò wà ró. Tsí ɔ̀nyà ɔ̀kã̀ntso gbo gé ní wà, tsí ɖóro náàŋírĩ-Ɔ̀ɖáyé òŋu ɔ̀nyà ŋa, tsí wà mú ìkálɛ̀-ɔ̀nyà ŋa bɔwɔ́-Ɔ̀ɖáyé#ɛ́. Ɔ̀nyà#á, Yèésù Kírísítò ni. 6Òŋu ní mú ara‐ɛ̀ sã́ã̀bi si nárũ-ɔ̀nyà kpó#ɛ́. Náàsòkò yèé dzì ńǹɖì‐ɛ̀ tútútú#ɛ́, ní ó tseé#ɛ́, tsí kó nyà ɖíre ní Ɔ̀ɖáyé wà wo kó gba ɔ̀nyà kpó là. 7Àtóoríi bɛ́ɛ̀ ní Ɔ̀ɖáyé tsã̀ mí ní n dzɛ́ adzítsɛ́-Yèésù†, tsí ó bɛ̀ mí ní n wà dzíkɔ̀ ɖíɖɔ̃̀ wérí fú ɛnɛ yèé kò dzɛ́ ɔma-Ìyúɖà ŋa#á. Tsí n wà tsɛ̀kɔ́ fú ŋa, tsí ká ma òtítɔ́ ti nára-ká nɛ́ àkaralé si ńǹtá-Yèésù gbo. Òtítɔ́ ní ǹ wà fɔ̀#ɛ́, ǹ kò wà tsòɖòbò.
8Ńbɛ̀ɛ́, ńǹɖì-ɔ̀kã̀lɔ́ɔ̀kã̀ ńbí ɔnɔkɛ̃̀ɛ̃ ŋa wà#á, ǹ wà wò ní ká wà wúùre, tsí wà kɛ́ ɔwɔ́ lɔ ńǹgbèrí, tsí ìsérè-ŋa gbo kó má si. Ká máa wà wúùre òŋu inɔ́ bíbí, tsí ká máa mú àfàdzà gbo si ńnɛ̀.
9Ǹ wà wò gbo ró ní ɔnɔbɛ̃̀ɛ̃ ŋa ká wà wɔ iŋɛ́ yèé dzɔ ní ká wɔ̀#ɛ́. Ká wà tsèsérè rere tã́ná, tsí ká máa wà wɔ iŋɛ́ yèé nákó gú odzú fú ɔ̀nyà ŋa#á. Ó ɖi, èlè ɖíɖá-ŋa kó máa dzɛ́ irɔ̃ tsítse ńǹrɔ́ǹrɔ́ òŋu iŋɛ́-siká ŋa síso má nára-lɛ̀kɛ̀ síso òŋu ìwɔ̀ra gbígbowó ŋa gbo wíwɔ̀. 10Kà kàa bɛ́ɛ̀, èlè ɖíɖá-ŋa kó dzɛ́ ore tsítse fúnɛ. Òŋu ní ɖé bá ɔnɔbɛ̃̀ɛ̃ yèé ŋa fɔ̀ ní àŋa wà sá fú Ɔ̀ɖáyé#ɛ́.
11Ó wà ní ɔnɔbɛ̃̀ɛ̃ ŋa ká wà dzokó túrúú tã́ná wà gba ɛ̀kɔ́ yèé à wà tse fú ŋa#á, tsí ká wà rɛ̃tígbè-akɔ́nɛ rere. 12Ǹ kò fú ɔnɔbɛ̃̀ɛ̃ nɔ́ɔ̀nà ní kó dzɛ́ akɔ́nɛ nɛ́gbɛ́-Kírísítò nàmí kó gu ìtá-ɔnɔkɛ̃̀ɛ̃. Kà kàa bɛ́ɛ̀, nákó dzokó túrúú si ni.
13Ǹ wà wí bɛ́ɛ̀, iŋɛ́ yèé tse#ɛ́, Áɖàmì† ní Ɔ̀ɖáyé tsɛ̃̀tsɛ̃̀ tse#ɛ́, tsí ó tse Àyɛ̀wà, tsí ń tɛ̀ɛ́. 14Tsí èkéèdzì‐ɛ̀ gbo#ɛ́, kò tsi Áɖàmì ní Ètsù† rú#ɛ́. Àyɛ̀wà ɔnɔbɛ̃̀ɛ̃#ɛ́ ní ó rú, tsí ó dzàbi-Ɔ̀ɖáyé#ɛ́. Ńnɛ̀ ní ǹ wà tsɛ̀kɔ́ nyɛ̀ŋɛ̀ ŋa fú ɔnɔbɛ̃̀ɛ̃ ŋa#á. 15Tsí kíbí ó dzɛ́ gìɖì ní Àyɛ̀wà dzàbi-Ɔ̀ɖáyé bɛ́ɛ̀#ɛ́, Ɔ̀ɖáyé nákó nyáa gba ɔnɔbɛ̃̀ɛ̃ là. Ɔnɔbɛ̃̀ɛ̃ nákó nyáa bíma, tsí bí ó nɛ́ àmúɖɔ̃̀ fú ɔ̀nyà ŋa, tsí gba Yèésù gbo gbɔ́, tsí ìgbèngbé‐ɛ̀ nyà ɖíre ní ó dzɛ́ ti Ɔ̀ɖáyé, Ɔ̀ɖáyé nákó gbàá là.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.