មាថាយ 5

នាវឞ្រាសយេឆូ នតីតាកាលើយោក

(លក ៦:២០-២៨)

1ត៝ត់ឞ្រាសយេឆូ ឆៃផូងប៝នលានអ៝ក់ ពាង់ហាវតាមែងយោក គុរាគើបតានៃ។ មពោលអ៝សម៝នពាង់ហាន់អាពាង់‌ 2ជេសរីឞ្រាសយេឆូ នតីលាសខាន់ពាង់៖

3“អ្វែសមអាកងាន់មាឞូម៝សអីលែៈគឹតជេសឞ្លាវជាននទើអ្វែសលាសកោរាញឞ្រាសកើលទើម យ៝រលាសកោរាញឞ្រាសម៝ត់អ្វាញ់ខាន់ពាង់#៥:៣៖ «អ្វែសមអាក...» មោលាស «អ្វែសមអាកងាន់មាឞូម៝សអីអ៝អាចតានូយ្សនហ៝ម់ យ៝រលាសឞ្រីកាដាច់កោរាញឞ្រាសជេងនទើខាន់ពាង់នើម»។។#១កោ ១:២៧; យាក ២:៥

4អ្វែសមអាកងាន់មាឞូម៝សអីគែសនាវញុមរាង៝ត យ៝រលាសកោរាញឞ្រាសមរាឞ៝ញលែងខាន់ពាង់។#នម ១២៦:៥; អេឆា ៦១:២-៣; នតម ៧:១៧

5អ្វែសមអាកងាន់មាឞូម៝សគែសនូយ្សនហ៝ម់មលែស យ៝រលាសខាន់ពាង់តៃឆ៝ៈទើនទឹងលែៈនែសនតូ។#នម ៣៧:១១

6អ្វែសមអាកងាន់មាឞូម៝សនអើរជ៝យនាវឆ៝ង់តឹមឞានមាឞូនុយ្សជីង៝តជីហីរជ៝យនទើឆោងឆា យ៝រលាសកោរាញឞ្រាសមរាអ៝ន់ខាន់ពាង់ហើមងាន់រ៝។

7អ្វែសមអាកងាន់មាឞូម៝សគែសនាវយោៈមាឞូ យ៝រលាសកោរាញឞ្រាសយោៈអ៝ន់មាពាង់។#មថ ២៥:៣៤-៤០; យាក ២:១៣

8អ្វែសមអាកងាន់មាឞូម៝សគែសនូយ្សនហ៝ម់ក្ល៝ស យ៝រលាសខាន់ពាង់តៃឆៃកោរាញឞ្រាស។#នម ២៤:៣-៤

9អ្វែសមអាកងាន់មាឞូម៝សគឹតតឹមកើលតឹមរាង្លាប់ យ៝រលាសខាន់ពាង់ឞូក្វាល់តៃជេងក៝នកោរាញឞ្រាស។#ហេឞ ១២:១៤; យាក ៣:១៨

10អ្វែសមអាកងាន់មាឞូម៝សឞូជានជេរអាចមាជានតឹងនាវឆ៝ង់ យ៝រលាសកោរាញឞ្រាសម៝ត់អ្វាញ់ខាន់ពាង់។#១ពេ ៣:១៤

11អ្វែសមអាកងាន់មាខាន់អៃមៃ លាសឞូរាកឆ្វាយជានជេរ នទ្រែលមាងើយញចើតអាប់នតីលមាខាន់អៃមៃ អាចមាអ្យាត់តឹងនាវគ៝ប់។#១ពេ ៤:១៤ 12រាម់ហ៝ម់ មអាករាម់ហ៝ម់ យ៝រលាសខាន់អៃមៃតៃគែសនទើងខោមក្វ៝ង់តាប៝នអ្វែសតាកាលើត្រោក។ អ៝ន់កាសគឹត ឞូនុយ្សនតើយ្សនាវងើយកោរាញឞ្រាសកាល់អែនើសឞូជានជេរកើតអ្យាដ៝ង់”។#ការ ៧:៥២; ហេឞ ១១:៣៥-៣៨; យាក ៥:១០

ឞ៝ស នទ្រែលមានាវអាង

(មក ៩:៥០; លក ១៤:៣៤-៣៥)

13“ខាន់អៃមៃតឹមឞានមាឞ៝សអ៝ន់មាឞូនុយ្សតានែសនតូអ្យា។ ឞ៝សជេងទូនតីលនទើតេៈត្រាវមាកាសងាន់ លាសឞ៝សអីនៃមោហោមគែសកាស មើមហោមឞ្លាវជានគៃមាអ៝ន់ព្លឹកាសជឹត? លាសនទ្រីឞូមអារ់លើយឞើសទីស ជេសរីឞូជ៝តរាប្លាចទើម។#យហ ១៥:៦ 14ខាន់អៃមៃតឹមឞានមានាវអាងមាឞូនុយ្សតានែសនតូអ្យា តឹមឞានមាប៝នអីឞូជានតាកាលើយោកមោអោសទើយពោននទ៝ប់។#យហ ៨:១២ 15ឞូមោវៃអោសមព៝សអុញឆាគេង ជេសរីកុបលើយមានទ៝ស។ ឞូយោងអុញឆាគេងអីនៃតាងគ៝ង់ គៃមាអាងទឹងលែៈឞូនុយ្សតាត្រោមជៃនៃ។ 16លាសនទ្រីនាវអាងខាន់អៃមៃអ៝ន់ងអាងហ៝ម់ទឹងលែៈឞូនុយ្ស គៃមាអ៝ន់ឞូគឹតឆៃនាវអ្វែសខាន់អៃមៃជាន ជេសរីឞូរានេនាវច្រេកលើបឞឹខាន់អៃមៃនើមអីគុតាកាលើត្រោករី”។#អេផ ៥:៨-៩; ផល ២:១៥; ១ពេ ២:១២

ឞ្រាសយេឆូ ងើយមាឆ៝ម់បុតនាវវៃ

17“ទាន់ខាន់អៃមៃលើយតាមឹនអោសគ៝ប់អ្យាវាច់ គៃមាងគ្រ៝សមអារ់លើយនាវវៃផូងឞ៝ន់ មោលាសងគ្រ៝សមអារ់លើយនាវឞូនុយ្សនតើយ្សនាវងើយកោរាញឞ្រាសកាល់អែនើសលែៈគែសលាស។ គ៝ប់មោគែសអោសវាច់គៃមាងគ្រ៝សមអារ់លើយនទើអីនៃ គ៝ប់វាច់គៃមាអ៝ន់នាវអីនៃជេងងាន់រ៝។#រម ៣:៣១; ៨:៤ 18គ៝ប់លាសនហេលនានេៈងាន់មាខាន់អៃមៃ លាសត្រោក នទ្រែលមានែសនតូអេហ៝ៈលោចអោស មោគែសអោសរ៝សទូរាព្លៃរាឆ៝តាឆ៝ម់បុតនាវវៃអីនៃ ទូនតីលតារាព្លៃរាឆ៝ទុតជេៈមោរ៝សដ៝ង់ នាវកោរាញឞ្រាសងើយអីនៃហោមបាបើត៝ត់លោចទឹងលែៈ។ 19ឞូម៝សអីជានតីសមាទូនតីលនាវអីទុតជេៈៗតានាវវៃអីនៃ ជេសរីនតីអ៝ន់មាឞូជានតឹងកើតដ៝ង់ តានាវកោរាញឞ្រាសម៝ត់អ្វាញ់តៃឞូក្វាល់ពាង់ជេងឞូនុយ្សជេៈតាន៝ម់ឞូ។ យើនមាឞូម៝សជានតឹងនាវវៃអីនៃ ជេសរីនតីអ៝ន់មាឞូជានតឹងកើតដ៝ង់ តានាវកោរាញឞ្រាសម៝ត់អ្វាញ់តៃឞូក្វាល់ពាង់ជេងឞូនុយ្សក្វ៝ង់ងាន់។#យាក ២:១០

20 គ៝ប់លាសមាខាន់អៃមៃ៖ លាសនាវឆ៝ង់ខាន់អៃមៃមោរាលាវអោសមានាវឆ៝ង់ផូងនើមនតីនាវវៃផូងឞ៝ន់ នទ្រែលមានាវឆ៝ង់ផូងផារីឆី ខាន់អៃមៃមោទើយអោសលាប់តានាវកោរាញឞ្រាសម៝ត់អ្វាញ់”។#មថ ២២:៣៤-៤០

នាវជីនូយ្សឞូនុយ្ស

21“ខាន់អៃមៃលែៈតាង់ឞូលាសមាផូងអូចែកាល់អែនើស៖ «លើយអោសងខឹតឞូនុយ្ស»#នង ២០:១៣។ លាសឞូម៝សងខឹតឞូនុយ្ស ពាង់អីនៃឞូតេៈទោយ្សមាពាង់។#នង ២១:១២ 22យើនមាគ៝ប់លាសមាខាន់អៃមៃកើតនអា៖ ឞូម៝សអីជីនូយ្សដាសមាអ៝សនោពាង់ទើម ពាង់អីនៃកោរាញឞ្រាសតេៈទោយ្សមាពាង់។ ឞូម៝សអីងើយអ្យើសមាអ៝សនោពាង់ ពាង់អីនៃកោរាញឞ្រាសតេៈទោយ្ស។ ជេសរីឞូម៝សអីរាកឆ្វាយឞូ ពាង់អីនៃកោរាញឞ្រាសតេៈទោយ្សគុតានទ្រូងអុញនហ៝រ៝។#១យហ ៣:១៥ 23លាសនទ្រីនោកខាន់អៃមៃញអោតនទើញហើរហាន់តាញីសជានឞ្រាសមាកោរាញឞ្រាសតាញឆឺងគុចពូរនទើជានឞ្រាស ត៝ត់តានៃលាសខាន់អៃមៃកាសគឹតខាន់អៃមៃគែសជានតីសមាអ៝សនោខាន់អៃមៃ‌ 24អ៝ន់ខាន់អៃមៃព្រាប់នទើញហើរអីនៃតានៃប៝ត់ ជេសរីហាន់ទាន់នាវយោៈល៝រដាសអ៝សនោខាន់អៃមៃ រីមើទឹងខាន់អៃមៃព្លឹញហើរតៃនទើអីនៃនើស។#មថ ៦:១៤-១៥ 25អ៝ន់ខាន់អៃមៃតឹមទាន់នាវយោៈហ៝ម់ដាសឞូនុយ្សអីគែសនាវដាសខាន់អៃមៃទោលខាន់អៃមៃហោមហាន់នទ្រែលពាង់រ៝ៈត្រ៝ងហាន់តាកោរាញផាតទោយ្ស។ ក្លាចលាសពាង់ញជុនខាន់អៃមៃអ៝ន់មាកោរាញផាតទោយ្ស កោរាញផាតទោយ្សញជុនខាន់អៃមៃអ៝ន់មាកោរាញនទ្រូង ជេសរីកោរាញនទ្រូងក្រុងខាន់អៃមៃតាត្រោមនទ្រូងរ៝។ 26គ៝ប់លាសនហេលនានេៈងាន់មាខាន់អៃមៃ លាសខាន់អៃមៃមោរឹងអ៝ន់ព្រាក់មាឞូ ខាន់អៃមៃមោអោសទើយលោសឞើសនតុកនៃ ឞ៝លលាសទូឆេនមោរ៝សដ៝ង់”។

ឞ្រាសយេឆូ លាសមានាវល៝ម់អូរល៝ម់ឆាយ

27“ខាន់អៃមៃលែៈតាង់តានាវវៃឞ៝ន់លែៈញចីសលាសកើតនអា៖ «លើយតាល៝ម់អូរល៝ម់ឆាយ»#នង ២០:១៤។ 28យើនមាគ៝ប់លាសមាខាន់អៃមៃ លាសឞូម៝សអ្វាញ់ឞូអូរនអ៝ប់មាកើញ លាសនទ្រីតានូយ្សនហ៝ម់ពាង់រីលែៈកើបល៝ម់អូរដាសឞូអូរអីនៃ។ 29លាសនទ្រីលាសត្រោមមាត់ឞើសមាខាន់អៃមៃលែវជានតីស អ៝ន់ខាន់អៃមៃរាវែកមអារ់លើយត្រោមមាត់អីនៃ យ៝រលាសអ្វែសដេៈលាសទើនរ៝សត្រោមមាត់ទូទីង មាដាសទឹងលែៈឆាក់ជាន់ខាន់អៃមៃហោមរឹង ជេសរីហាន់តានទ្រូងអុញនហ៝រ៝។#កោល ៣:៥ 30លាសតីឞើសមាខាន់អៃមៃលែវជានតីស អ៝ន់ខាន់អៃមៃក៝សមអារ់លើយតីអីនៃ យ៝រលាសអ្វែសដេៈលាសទើនរ៝សតីទូទីង មាដាសទឹងលែៈឆាក់ជាន់ខាន់អៃមៃហោមរឹង ជេសរីហាន់តានទ្រូងអុញនហ៝រ៝”។

ឞ្រាសយេឆូ លាសមានាវតឹមនត្លើយអូរឆាយ

31“តានាវវៃឞ៝ន់លែៈញចីសលាសកើតនអា៖ «ឞូម៝សអីអុចនត្លើយអូរពាង់នើម អ៝ន់ពាង់អីនៃជានឆ៝ម់បុតតឹមនត្លើយទើមអ៝ន់មាអូរពាង់ ជេសរីទើយនត្លើយអីអូរពាង់»#នវ ២៤:១។ 32យើនមាគ៝ប់លាសមាខាន់អៃមៃ លាសឞូអូរអីនៃមោគែសអោសល៝ម់ឆាយ តីសមាឆាយពាង់នត្លើយ ឆាយអីនៃជានអ៝ន់អូរពាង់ជេងឞូនុយ្សល៝ម់ឆាយ។ ជេសរីលាសឞូម៝សតឹមនអាប់ដាសឞូអូរឆាយនត្លើយ ពាង់ជេងឞូនុយ្សល៝ម់អូរដ៝ង់”។#១កោ ៧:១០-១១

ឞ្រាសយេឆូ លាសមានាវតឹមត៝ន

33“ខាន់អៃមៃលែៈតាង់ឞូលាសមាផូងអូចែកាល់អែនើស៖ «លើយអោសត៝នមរោស អ៝ន់ខាន់អៃមៃជានរឹងទឹងលែៈនទើអីខាន់អៃមៃលែៈត៝នមាកោរាញឞ្រាស»។#កល ១៩:១២; នក ៣០:២ 34យើនមាគ៝ប់លាសមាខាន់អៃមៃ លើយអោសត៝នដាសត្រោក យ៝រលាសត្រោកជេងរានើលកោរាញឞ្រាស។#អេឆា ៦៦:១; នម ៤៨:២-៣ 35លើយដ៝ង់ត៝នដាសនែសនតូ យ៝រលាសនែសនតូអ្យាជេងរានើលឆាប់ជ៝ង់កោរាញឞ្រាស។ ដាសប៝នក្វ៝ង់យេរូឆាលឹម មោទីដ៝ង់ យ៝រលាសប៝នយេរូឆាលឹម នតុកកោរាញឞ្រាសអីកាដាច់ក្វ៝ង់។ 36លើយអោសត៝នដាសឞោកខាន់អៃមៃនើម យ៝រលាសខាន់អៃមៃមោទើយអោសជានទូមល៝ម់ឆ៝ក់ខាន់អៃមៃនើមអ៝ន់ជេងងលាង អ៝ន់ជេងក្រាក់។#៥:៣៦៖ ផូងអីឆ្រាអែល វៃត៝នដាសនទើអីនៃ តឹមឞានមាផូងឞូន៝ងវៃលាស«តីត្រោកអ្យានែស» គៃមាអ៝ន់ឞូអ្យាត់នាវខាន់ពាង់ងើយទីងាន់។ ឞ្រាសយេឆូ ដាៈឞ៝ន់ងើយឆ៝ង់នឹង ឞ៝លលាសមោត៝នកាដោយ។ 37អ៝ន់ខាន់អៃមៃងើយឆ៝ង់នឹងហ៝ៈ «អើ» អ៝ន់គឹតលាស«អើ»‌ «មោ» អ៝ន់គឹតលាស«មោ»។ នទើនាវងើយនត៝បជេងលោសតាៈឞើសកោរាញមពោលឞ្រាសអ្យើសទាទេ”។#យាក ៥:១២

ឞ្រាសយេឆូ លាសមានាវតឹមព្លើង

(លក ៦:២៩-៣០)

38“ខាន់អៃមៃលែៈតាង់តានាវវៃឞ៝ន់លែៈញចីសលាសកើតនអា៖ «លាសរ៝សមាត់ទូទីង ព្លើងអ៝ន់រ៝សមាត់ទូទីង លាសទែសទូមល៝ម់ឆេក ព្លើងអ៝ន់ទែសទូមល៝ម់ឆេកដ៝ង់#៥:៣៨៖ នទើអីនៃគែសនាវខ្លៃលាស៖ «លាសគែសឞូជានតីស លើយអីរតេៈទោយ្សរាលាវឞើសនទើពាង់ជានតីសនៃអោស។»»#នង ២១:២៤; កល ២៤:២០; នវ ១៩:២១។ 39យើនមាគ៝ប់លាសមាខាន់អៃមៃ លើយអោសតឹមព្លើងដាសមាឞូនុយ្សអ្យើស។ លាសឞូតាបតឹមឞ៝មខាន់អៃមៃទូទីង អ៝ន់ខាន់អៃមៃរាលែទូទីង អ៝ន់ឞូតាបតៃទូទីងជឹត។#រម ១២:១៩, ២១; ១តេ ៥:១៥ 40លាសឞូនតោនខាន់អៃមៃតានាប់កោរាញផាតទោយ្សគៃមាកើញគែសអាវគ្លែសខាន់អៃមៃ អ៝ន់ឞូឆ៝ៈនអ៝ប់មាអាវជ៝ងដ៝ង់។#១កោ ៦:៧; ហេឞ ១០:៣៤ 41លាសតាហែនញច៝ប់ខាន់អៃមៃអ៝ន់អាញនទើឞ្រោៈទូន៝រយោក អ៝ន់ខាន់អៃមៃឞ្រោៈឞារន៝រយោកនទ្រែលឞូទោ។ 42ឞូម៝សទាន់នទើខាន់អៃមៃ ខាន់អៃមៃអ៝ន់ទោ លើយអោសទូក្រាបលាសឞូហាន់មាញនទើខាន់អៃមៃ”។#នវ ១៥:៧-៨

អ៝ន់រ៝ង់មាផូងជានអ្យើសដ៝ង់

(លក ៦:២៧-២៨, ៣២-៣៦)

43“ខាន់អៃមៃលែៈតាង់តានាវវៃឞ៝ន់លែៈញចីសលាសកើតនអា៖ «អ៝ន់ខាន់អៃមៃរ៝ង់មាឞូច្យៅមែង ជេសរីឞ្យាញ់មាផូងជានអ្យើសដាសខាន់អៃមៃ»#កល ១៩:១៨។ 44យើនមាគ៝ប់លាសមាខាន់អៃមៃ អ៝ន់ខាន់អៃមៃរ៝ង់មាផូងជានអ្យើសដាសខាន់អៃមៃ ជេសរីមឞើសឆើមទាន់កោរាញឞ្រាសអ៝ន់នាវគែសជេងមាឞូម៝សជានជេរដាសខាន់អៃមៃ‌#នង ២៣:៤-៥; នហ ២៥:២១-២២; លក ២៣:៣៤; ការ ៧:៦០; រម ១២:២០; ១ពេ ៣:៩ 45គៃមាខាន់អៃមៃជេងក៝នងាន់មាកោរាញឞ្រាសឞឹខាន់អៃមៃគុតាកាលើត្រោករី។ យ៝រលាសកោរាញឞ្រាសអ៝ន់នារលោសអាង គៃមាងអាងឞូនុយ្សអ្វែស នអ៝ប់មាឞូនុយ្សអ្យើស ជេសរីពាង់អ៝ន់ទាកមីសមាឞូនុយ្សឆ៝ង់ នអ៝ប់មាឞូនុយ្សក្វែដ៝ង់។ 46លាសខាន់អៃមៃទើនរ៝ង់ទើមមាឞូនុយ្សរ៝ង់ដាសខាន់អៃមៃ លាសនទ្រីមើមទឹងកោរាញឞ្រាសរានេអ៝ន់នាវងខោមមាខាន់អៃមៃ? យ៝រលាសឞូនុយ្សអីឞូកើបឞូនុយ្សតីសកើតលាសផូងអីក៝ប់ឆ៝ៈព្រាក់ប៝នលានគៃមាអ៝ន់កោរាញម៝ត់អ្វាញ់ ខាន់ពាង់ហោមឞ្លាវរ៝ង់មាឞូនុយ្សអីរ៝ង់ខាន់ពាង់នើមដ៝ង់។ 47លាសខាន់អៃមៃទើនរ៝មទើមមាអ៝សនោខាន់អៃមៃនើម លាសនទ្រីមើមទឹងខាន់អៃមៃជាននទើអ្វែសរាលាវឞូអេង? ឞ៝លលាសផូងអីមោគឹតនាល់នាវកោរាញឞ្រាស ខាន់ពាង់វៃជានកើតនៃដ៝ង់។ 48លាសនទ្រីអ៝ន់ខាន់អៃមៃគុទុតអ្វែសហ៝ម់ យ៝រលាសឞឹខាន់អៃមៃអីគុតាកាលើត្រោករី ពាង់លែៈទុតអ្វែសងាន់”។#កល ១៩:២

Currently Selected:

មាថាយ 5: cmoK

Highlight

Copy