យោហាន 3
3
ឞ្រាសយេឆូ តឹមងើយនទ្រែលនីកោដេម
1គែសទូហ្វេផូងផារីឆី រាញានីកោដេម ជេងកោរាញផូងអីឆ្រាអែល ។#យហ ៧:៥០; ១៩:៣៩ 2ពាង់ហាន់ម៝ប់ឞ្រាសយេឆូ ទឹងមាង់ ពាង់លាស៖ “ហើយនើមនតី ហេនលែៈគឹតមៃនើមនតីតាៈឞើសកោរាញឞ្រាសងាន់រ៝ យ៝រលាសលាសមោគែសកោរាញឞ្រាសគុនទ្រែល មោគែសអោសឞូនុយ្សទើយជាននាវខ្លៃកើតមៃជាននើស”។#យហ ២:២៣; ៩:៣៣ 3ឞ្រាសយេឆូ អើស៖ “គ៝ប់លាសនហេលនានេៈងាន់មាមៃ ឞូម៝សមោទែសមហែ ពាង់អីនៃមោទើយអោសលាប់ឆៃតានាវកោរាញឞ្រាសម៝ត់អ្វាញ់”។#យហ ១:១៣; ១ពេ ១:២៣ 4នីកោដេម អោបពាង់៖ “លាសឞូនុយ្សលែៈរាញ មើមហោមឞ្លាវទែសតៃ? មើមហោមឞ្លាវគុតាត្រោមនទុលមែឞារតឹ ជេសរីទែសតៃ?” 5ឞ្រាសយេឆូ លាស៖ “គ៝ប់លាសនហេលនានេៈងាន់មាមៃ ឞូម៝សមោទែសមាទាក#៣:៥៖ គែសអ៝ក់ឞូនុយ្សឞ្លាវគឹតលាស«ទាក»ងើយមានាវបាប់តែម ឞូនុយ្សអាបាៈគឹតលាសងើយមាឞ្រាសហ្វេងអ្វែស ឞូនុយ្សអាបាៈគឹតលាសងើយមាទែសងាន់។ នអ៝ប់មានាវទើយឞ្រាសហ្វេងអ្វែស មោទើយអោសលាប់តានាវកោរាញឞ្រាសម៝ត់អ្វាញ់។#អេឆេ ៣៦:២៥-២៧; អេឆា ៤៤:៣; យោអ ២:២៨-២៩; អេផ ៥:២៦; ១ពេ ៣:២១; តត ៣:៥-៦ 6ឞូម៝សទែសមពែសមាឆាក់ជាន់ទើម ជេងឆាក់ជាន់ទើម ឞូម៝សទែសមានាវទើយឞ្រាសហ្វេងអ្វែស គែសនាវរេសមហែជេងក៝នកោរាញឞ្រាសនើម។#យហ ៦:៦៣ 7លើយអោសនទ្រ៝ត់ហីសរាហ៝ល់នាវគ៝ប់លាសមាមៃ៖ «អ្យាត់មាខាន់អៃមៃ#៣:៧៖ តាងកោៈអ្យាគែសដ៝ង់ឞ្រាសយេឆូ ទើនងើយមានីកោដេម ទើម គែសដ៝ង់ពាង់ងើយមាទឹងលែៈផូងអីឆ្រាអែល ។ទែសមហែ»នៃ។ 8នតឹតលាសឆ្យាលខោមជឹតលែតមពែស មៃតាង់នតែសទើម យើនមាមៃមោគឹតឞើសតាៈលោសឆ្យាល ជឹតលែតហាន់ឆ្យាល។ នាវឞូនុយ្សទែសមហែមាឞ្រាសហ្វេងអ្វែសជេងតឹមឞានកើតនៃដ៝ង់”។
9 នីកោដេម អោបឞ្រាសយេឆូ ៖ “មើមជានទឹងគែសនាវអីនៃ?” 10ឞ្រាសយេឆូ លាសមាពាង់៖ “មៃជេងនើមនតីមាផូងអីឆ្រាអែល មើមទឹងមៃមោគឹតវ៝ត់នាវអីនៃ? 11គ៝ប់លាសនហេលនានេៈងាន់មាមៃ ហេន#៣:១១៖ អាបៃអ្យាឞ៝ន់មោគឹតនហេលមើមទឹងឞ្រាសយេឆូ ងើយ«ហេន»។ គែសឞូនុយ្សអាបាៈឞូវ៝ត់លាស ឞ្រាសយេឆូ នទ្រែលមាអ៝សម៝នពាង់។ គែសឞូនុយ្សអាបាៈឞូវ៝ត់លាស ឞ្រាសយេឆូ ទើម។ គែសឞូនុយ្សអាបាៈឞូវ៝ត់លាស ឞ្រាសយេឆូ នទ្រែលមាមពោលឞូនុយ្សនតើយ្ស។ ជេសរីហោមគែសឞូនុយ្សអាបាៈវ៝ត់អេងជឹត។មឞើសងក៝ចនទើហេនលែៈគឹតលែៈឆៃ យើនមាខាន់អៃមៃមោអោសអុចអ្យាត់មានាវខ្លៃហេនមឞើសងក៝ច។ 12លាសគ៝ប់មឞើសងក៝ចនាវតានែសនតូអ្យា លែៈខាន់អៃមៃមោអ្យាត់កើតនៃ។ លាសនទ្រីលាសគ៝ប់មឞើសងក៝ចនាវកាលើត្រោកអីនតុកកោរាញឞ្រាសនើមរាវរ៝ត់លាសខាន់អៃមៃអ្យាត់! 13មោគែសអោសឞូនុយ្សលែៈគែសហាវតាកាលើត្រោក ជេសរីព្លឹជុរតៃតានែសនតូអ្យា ទូហ្វេមោអើម គែសទូហ្វេគ៝ប់អីក៝នឞូនុយ្សតាៈឞើសកោរាញឞ្រាសទើមអីលែៈជុរឞើសកាលើត្រោករី។#អេផ ៤:៩ 14រានោកកាល់អែតាឞ្រីរាទាសជេងរានោកផូងអីឆ្រាអែល លោសឞើសឞ្រីអេឆីបនើស មោឆេ ឆ៝ៈរូបឞេសជានមាកោងយោងតាម៝ង់ គៃមាឞូម៝សអីគែសឞេសចោកអ្វាញ់ជឹតរូបឞេសអីនៃមោអោសខឹត។ កើតនទ្រីដ៝ង់អ្យាត់មាគ៝ប់អីក៝នឞូនុយ្សតាៈឞើសកោរាញឞ្រាសឞូយោងកើតអីនៃដ៝ង់#នក ២១:៤-៩ 15គៃមាឞូម៝សញឆីងមាគ៝ប់ គែសនាវរេសនហ៝រ៝#៣:១៥៖ ឆ៝ម់បុតអើមអីញចីសមាតីអាបាៈនត៝បលាស៖ «មោអោសរ៝សហេង»។។#យហ ២០:៣១; រម ១:១៦ 16យ៝រលាសកោរាញឞ្រាសរ៝ង់ហោងាន់មាទឹងលែៈឞូនុយ្ស ត៝ត់ពាង់ជាវក៝នង្វាយអឹពាង់នើមអ៝ន់ឞូងខឹត គៃមាឞូម៝សញឆីងមាក៝នអីនៃមោគែសអោសតេៈទោយ្ស គែសនាវរេសនហ៝រ៝ងាន់។#យហ ៥:២៤; ១យហ ៤:៩-១០ 17កោរាញឞ្រាសដាៈក៝នពាង់ជុរតានែសនតូអ្យា មោអោសគៃមាតេៈទោយ្សឞូនុយ្សតានែសនតូអ្យា យើនមាគៃមារាក្លាយ្សឞូនុយ្សយ៝រមាក៝នពាង់អីនៃ។#យហ ១២:៤៧; លក ១៩:១០ 18ឞូម៝សញឆីងមាក៝នអីនៃ មោគែសអោសតេៈទោយ្ស។ យើនមាឞូម៝សមោញឆីងលែៈគែសតេៈទោយ្ស យ៝រលាសពាង់មោញឆីងមាក៝នង្វាយអឹកោរាញឞ្រាសនើម។#យហ ១២:៤៨ 19នាវអាង#៣:១៩៖ មោលាស «ឞូនុយ្សអីតឹមឞានមានាវអាង»។ នាវអ្យាងើយមាឞ្រាសយេឆូ ។តាៈឞើសកាលើត្រោកលែៈត៝ត់ជេសតានែសនតូអ្យា។ នាវតេៈទោយ្សកើតនអៃ តាៈឞើសឞូនុយ្សអុចដេៈនាវង៝ ដាសនាវអាងអីនៃ យ៝រលាសទឹងលែៈនទើខាន់ពាង់ជាននើសអ្យើសងាន់។#យហ ១:៤-៥; ៨:១២ 20ឞូម៝សជានអ្យើស ពាង់ឞ្យាញ់ងាន់ដាសនាវអាង ពាង់មោអុចអោសហាន់តានាវអាង យ៝រលាសពាង់ក្លាចឞូឆៃនាវអ្យើសពាង់ជាន។#អេផ ៥:១១-១៣ 21យើនមាឞូម៝សជានឆ៝ង់ ពាង់អុចហាន់តានាវអាង គៃមាអ៝ន់ឞូឆៃ ទឹងលែៈនទើពាង់ជាននើសជេងទីកើតនាវកោរាញឞ្រាសអុចងាន់”។#យហ ១៤:៦
នាវយោហាន-បាប់តែម មឞើសនាវឞ្រាសយេឆូ
22ជេសនៃឞ្រាសយេឆូ ហាន់នទ្រែលមពោលអ៝សម៝នពាង់តាឞ្រីយូដា ពាង់គុតានៃនទ្រែលមពោលអ៝សម៝នពាង់ នអ៝ប់មាជានបាប់តែមយុកមាទាកអ៝ន់ឞូដ៝ង់។#យហ ៤:១-២ 23នោកនៃយោហាន-បាប់តែម គុជានបាប់តែមយុកមាទាកតាប៝នអេនោន ទាច់កេងប៝នឆាលិម យ៝រលាសតានតុកនៃគែសអ៝ក់ទាកមាជានបាប់តែម។ ជេសរីឞូវាច់អាប់នារដាៈពាង់ជានបាប់តែមយុកមាទាក។ 24នោកនៃយោហាន-បាប់តែម អេហ៝ៈអោសឞូក្រុង។#មថ ១៤:៣ 25គែសអ៝សម៝នយោហាន-បាប់តែម អាបាៈតឹមរាលាច់ដាសទូហ្វេផូងអីឆ្រាអែល មានាវរាវអ៝ន់ក្ល៝សតឹងនាវវៃផូងអីឆ្រាអែល ។ 26ជេសរីខាន់ពាង់ហាន់ម៝ប់យោហាន-បាប់តែម មឞើសមាពាង់៖ “ហើយនើមនតី ឞូក្លោអីគុនទ្រែលមៃកាល់តីទាករាលាយយោរដាន់ នើស ឞូនុយ្សអីមៃងក៝ចជេងឞ្រាសក្រីសនើស អាបៃអ្យាពាង់គុជានបាប់តែមយុកមាទាកអ៝ន់ឞូដ៝ង់ ជេសរីទឹងលែៈឞូនុយ្សវាច់រានតាពាង់នៃទាទេ មោហោមអោសហាន់តាឞ៝ន់”។ 27យោហាន-បាប់តែម លាសមាខាន់ពាង់៖ “នាវឞូនុយ្សជានក្វ៝ង់មោក្វ៝ង់ កោរាញឞ្រាសនើមអ៝ន់ មោគែសអោសឞូនុយ្សទើយជានអេង។#ហេឞ ៥:៤ 28ខាន់អៃមៃលែៈគឹតជេស គ៝ប់លែៈមឞើសងក៝ចមាខាន់អៃមៃ គ៝ប់មោអោសទីឞ្រាសក្រីស គ៝ប់ជេងទូហ្វេឞូនុយ្សកោរាញឞ្រាសទែញជ្វាល់ហាន់ល៝រពាង់ទើម។#យហ ១:២០ 29នតឹតលាសនោកឞូតឹមនអាប់ ឞូម៝សឞូអូរគុដាសពាង់ ពាង់អីនៃជេងឆាយឞូអូរអីនៃ ល៝ង់អីមឹតជាង់គុទាច់កេងពាង់នៃរាម់មអាកងាន់ យ៝រមាតាង់នាវពាង់ងើយ#៣:២៩៖ តាត្រ៝ងអីនៃ «ឆាយ»ងើយមាឞ្រាសយេឆូ «អូរ»ងើយមាផូងប៝នលានកោរាញឞ្រាស «មឹតជាង់»ងើយមាយោហាន-បាប់តែម ។។ លាសនទ្រីគ៝ប់រាម់មអាកងាន់ តឹមឞានមាមឹតជាង់អីនៃដ៝ង់។#មថ ៩:១៥; ២កោ ១១:២; នតម ២១:២, ៩ 30នាវយេឆូ លើមាហាវក្វ៝ង់ ជេសរីគ៝ប់លើមាជុរជេៈតាៈឞើសកោរាញឞ្រាស”។
31“ពាង់អីជុរតាៈឞើសកាលើត្រោកអីនតុកកោរាញឞ្រាសនើម ពាង់ក្វ៝ង់រាលាវឞូងាន់។ ឞូម៝សអីតាៈឞើសនែសនតូអ្យា ពាង់គឹតវ៝ត់នទើតានែសនតូទើម ពាង់មឞើសងើយមានាវនែសនតូអ្យាទើម។ យើនមាពាង់អីជុរតាៈឞើសកាលើត្រោក ពាង់អីនៃក្វ៝ង់រាលាវឞូងាន់។#យហ ៨:២៣; ១កោ ១៥:៤៧ 32ពាង់មឞើសងក៝ចនាវខ្លៃ ម៝សនទើពាង់លែៈឆៃលែៈតាង់តាកាលើត្រោក តីសមាមោគែសអោសឞូនុយ្សអ្យាត់នាវពាង់មឞើសងក៝ច។ 33យើនមាឞូម៝សអីអ្យាត់នាវពាង់មឞើសងក៝ច ឞូនុយ្សអីនៃជេងតើមមឞើសងក៝ចមាឞូនាវងើយកោរាញឞ្រាសជេងនាវងាន់។ 34ឞ្រាសក្រីស កោរាញឞ្រាសលែៈញជ្វាល់អ៝ន់វាច់ ពាង់មឞើសងក៝ចនាវងើយកោរាញឞ្រាស យ៝រលាសកោរាញឞ្រាសលែៈអ៝ន់ឞ្រាសហ្វេងអ្វែសគុលែៈតាពាង់។#កោល ១:១៩ 35កោរាញឞ្រាសអីឞឹឞ៝ន់រ៝ង់ហោងាន់មាឞ្រាសក្រីស អីក៝នពាង់នើម ជេសរីទឹងលែៈនតីលនទើពាង់លែៈអ៝ន់អីក៝នពាង់នៃម៝ត់អ្វាញ់ទាទេ។#យហ ៥:២០; ១០:១៧ 36ឞូម៝សញឆីងមាក៝នអីនៃ ពាង់គែសនាវរេសនហ៝រ៝ ឞូម៝សមោអោសញឆីងមាក៝នអីនៃ ពាង់មោគែសអោសនាវរេសនហ៝រ៝ នហ៝មាកោរាញឞ្រាសហោមតេៈទោយ្សតាពាង់ងាន់រ៝”។#យហ ៣:១៦
Currently Selected:
យោហាន 3: cmoK
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.