Utandiko 6
6
Inkota zya antu
1 #
Yob 1:6; 2:1 Pa nsita ilya lino antu yatandika kuvula, yalimba insi yonsi, ana yakaci yavyalwa. 2Lyene ana yakwe Leza aonsi yalola ukuti akazyana yaa yayazipila cuze. Pali pakutwala yano yatemwa. 3Alino Yawe avwanga ati, “Ntalazumilizya umuntu ukwikalilila umuyayaya pano wene umwinakufwa. Ukufuma ndakai umuntu asyaikala ukuluta pa myaka umwanda onga na makumi yaili.”
4 #
Mpe 13:33
Lyene mu manda yalya nu mu manda alondelela kwali vipombolo vya antu pano nsi, vivyo ivyavilwe ku anaci atwitwe ku ana yakwe Leza aonsi. Yene yali ali antu yamaka, alumbuke.
5 #
Mat 24:37; Luk 17:26; 1Pet 3:20 Lino Yawe walola vino inkota zya antu zyavulisya na vino ukwelenganya kwao lyonsi kwaya ukwipe, 6aya nu ulanda cuze nu mwenzo umuwaya pa kuumba antu nu kuika pano nsi. 7Caleka avwanga ati, “Namaonona antu yonsi pyu yano nauumba, ni nyama, ni vikasela, ni vyunyi ivikapapuka. Pano vyandenga ulanda pa kuviumba.” 8Lelo Nowa wene uwazanzyanga Yawe.
Icange cakwe Nowa
9 #
2Pet 2:5
Ilandwe lyapali Nowa lyaya ndi vii.
Pakasi ka antu amu nsita ilya Nowa wenga mpo wali umuntu uwacitanga vyawololoke nupya uwaula impwelo mbi. Lyonsi kwene Nowa wapitanga na Leza. 10Nowa waviile ana aonsi yatatu, Syemu, Hamu na Yafeti. 11Antu yonsi yali aipe ni mpanzela zyao zyasalangine insi yonsi. 12Leza alolekesya azana ukuti insi yonsi yazulamo inkota, pano vicitwa vya antu ivya nkota.
13Nga Leza anena Nowa ati, “Nimpingula ukonona muntunze. Namaonona insi yonsi kumwi na aliyo, pano yatizulamo lwete ni nkota zyao. 14Upange icange cako, kuomvya imbao zyakwe lombwa. Wikemo miputule nu kusindila manenekela mukasi nu kunzi. 15Mu utali ciye amamita umwanda onga na makumi yasano, nu mu wipi namo ciye amamita amakumi yaili na yasano, ukuzika nako amamita ikumi na yatatu. 16Upalike icange usye ni nzota kulingana citika wakwe mita ukuzinguluka icange. Utendelekanye miputule itatu, usye nu mulyango mu mbali. 17Namatuma imvula nga mulamba alazula insi yonsi nu kulovya ivya umi vyonsi ivyayamo. Vyonsi ivyaya panonsi vilafwa. 18Lelo ndacita upangano pakasi kakwe wewe nani. Ingila mu cange pamwi nu muci wako, na ana yako na aci yao. 19Utoole conga icakalume ni cakaci ca musango wakwe cila nyama kuti uvisunge vipuma. 20Utoole viili viili vyamu misango yonsi ya vyunyi, pamwi ni misango yonsi ya nyama, zikulu ni zinono ni vikasela, uvingizye mu cange kuti uvisunge vipuma. 21Ingizya ni misango yonsi ya vyakulya vyako ni vyakulya vyakwevyo, uvisunge.”
22 #
Aye 11:7
Nowa wacisile vyonsi ndi vino Leza wamupeezile ilamulo.
Currently Selected:
Utandiko 6: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013