Milimo 6
6
1Mu manda yalya lino alondezi yavulilangako, Ayuda avwanganga Cigiliki#6:1 Ayuda avwanganga Cigiliki: yaa yali Ayuda avyalilwe mu Gilisi, kuno vikolwe vyao vikalanga (Lolini 1 Petulo 1:1). Yamwi muli yaa iizile iikala mu Palesitaini. yailizyanya pa Ayuda avwanganga Ciyebulai#6:1 Ayuda avwanganga Ciyebulai: yaa yali Ayuda avyalilwe mu Palesitaini, yano avwanganga Ciyebulai. pano yali na kasoozi pali yamukamfwilwa yao pa kuntayankanyako vino yulilwe cila wanda. 2Caleka atumwa ikumi na yaili yaama iumba lya alondezi onsi, yayanena yati, “Citanga cizipe kutazyela kukosola mazwi yakwe Leza kuti twaankanya vyakulya. 3Caleka inane, sololini antu cinimbali amunomuli, azuziwamo na Mupasi Wamuzilo na mano, yano tumapela uwangalizi pa mulimo uu. 4Naswe, sweisikulu lyene, tumaipelesya ku kupepa nga nu mulimo wa kukosola.”
5Lyene mazwi ya atumwa yazipila iumba lyonsi nga yasola Sitivini, umuntu uwali nu utailo ukulu cuze nupya wazuziwemo na Mupasi Wamuzilo. Filipo nga na Polokolasi, Nikana, Timoni, Pamenasi na Nikolasi, umusenusi#6:5 Umusenusi: Mukulukuwa wino wasenwike aya u Muyuda. wafumile ku Antioki 6Iumba liyaleta ku atumwa, nao yapepa, nu kwika makasa yao panoyali.
7Caleka Ilandwe lyakwe Leza lisalangana konsi, nga ni mpendwa ya alondezi yavulilangako mu Yelusalemu. Yasimapepo yano ataile Ilandwe Lisuma, nao mpendwa ikula.
Ayuda yalema Sitivini
8Sitivini wali umuntu wino Leza wapolelile umwenzo wakwe pakulu cuze nu kumupeela maka. Wene wacitanga vinjelengwe vikulu ni vizungusyo pakasi ka antu. 9Lelo antu yamwi yamukatukila, yali amu Ng'anda yamapepo ino yatangi ya antu akululwa. Antu yaa yafumile ku Kuleni nu ku Alekizandilya. Yene pamwi na Ayuda yauze afumile ku Kilikya nu ku Asiya yatandike kupazyanya na Sitivini. 10Lelo yaposiwe kumutonsya pano Mupasi Wamuzilo wamupile amano yakuvwangilamo.
11Caleka yapela mafukakanwa ku antu yamwi kuti yavwange yati, “Tuvwile akuvwanga mazwi ya misuli pali Mose na Leza!” 12Umu musango uu, yamusongelekanya ku antu, ku ikolo na kuli yakasambilizya ya Masunde, nga nao yamukatukila, yamulema, yamutwala kwi Tengo. 13Lyene yaleta antu yamwi kuti yamutumpwile yati, “Muntu wi lyonsi akuvwanga mazwi ya misuli apa Ng'anda ikulu yakwe Leza yamuzilo na pa masunde yakwe Mose. 14Tuvwile akuti Yesu uwaku Nazaleti alomoola Ng'anda ikulu yakwe Leza nu kusenula intambi zitu zyonsi izyafumile kuli Mose!” 15Onsi ali mwi Tengo yalolekesya Sitivini, nga yalola vino usyu wakwe walolekanga kwati uwa mungeli.
Ukuvwanga kwakwe Sitivini
Currently Selected:
Milimo 6: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
