Mat 5
5
Yezu be mɔgɔw kalan kulu kan
(Mar 3.13; Luka 6.12-13,20-26)
1Yezu ye jama ye minkɛ, a yɛlɛla kulu kan ka sigi. A ka kalandenw gwɛrɛla a la. 2A y'a daminɛ k'u kalan. A ko:
3«Mɔgɔ minw b'a lɔn k'u mako be Ala la,
olu dagamunin lo,
bari *sankolo masaya ye u ta ye.
4 #
Eza 61.2
Mɔgɔ minw be kasira,
olu dagamunin lo,
bari Ala bena u dusu saalo.
5 #
Dal 37.11
Mɔgɔ minw sabalinin lo,
olu dagamunin lo,
bari u bena dugukolo tigiya kɛ.
6 #
Eza 55.1-2
Tilenninya nigɛ be minw na,
olu dagamunin lo,
bari u dusu bena fa.
7Mɔgɔ minw be makari tɔw la,
olu dagamunin lo,
bari Ala bena makari u la.
8 #
Dal 24.3-4
Mɔgɔ minw kɔnɔ gwɛnin lo,
olu dagamunin lo,
bari u bena Ala ye.
9Hɛrɛɲinibagaw dagamunin lo,
bari u bena wele ko Ala deenw.
10 #
Piy fɔlɔ 3.14
U be minw tɔɔrɔ u ka tilenninya kosɔn,
olu dagamunin lo,
bari sankolo masaya ye u ta ye.
11 #
Piy fɔlɔ 4.14
«Ni mɔgɔw b'aw nɛni, k'aw tɔɔrɔ, ka galon la aw kan ko aw be kojugu sifa bɛɛ kɛ, bari aw ye ne ka kalandenw ye, o tuma na, aw dagamunin lo. 12#Lok 2nan 36.16; Kɛw 7.52 Aw ka nisɔndiya kosɔbɛ, bari aw bena tɔnɔba sɔrɔ sankolo la. Kira minw tɛmɛna aw ɲa, u ye olu fana tɔɔrɔ ten.
Diɲɛ kɔgɔ n'a yeelen
(Mar 9.50; 4.21; Luka 8.16; 18.33)
13 # Mat 9.50; Luka 14.34-35 «Aw ye diɲɛ kɔgɔ ye. Nga ni kɔgɔ timiya bɔra a la, mun b'a kɛ kɔgɔ ye tugu? A te foyi ɲa tugu. A ka ɲi ka fili, mɔgɔw ka taama a kan. 14#Zan 8.12; 9.5 Aw ye yeelen ye diɲɛ kɔnɔ. Dugu min siginin be kulu kan, o te se ka dogo. 15#Mar 4.21; Luka 8.16; 11.33 Mɔgɔ si te fitinɛ mana k'a bila gongo jukɔrɔ, nga a b'a bila fɛɛn dɔ kan janko a ka yeelen bɔ soo kɔnɔ mɔgɔw bɛɛ ye. 16#Piy fɔlɔ 2.12 Aw ka kɛwaliɲumanw kɛ ka yeelen bɔ mɔgɔw ye ten, waasa u ka aw sankolo la Faa boɲa.
Yezu be mɔgɔw kalan sariya koo la
17«Aw kan'a miiri ko ne nana Ala ka sariya bɔ yen, walima ka kiraw ka kuma cɛn. Ne ma na o la. Ne nana janko u tun y'a fɔ ko koo minw bena kɛ, olu ka dafa. 18#Luka 16.17 Tiɲɛ na, ne b'a fɔ aw ye ko ka sankolo ni dugukolo to yen, Ala ye sariya minw sigi, foyi tena bɔ u la, hali kuma kelen tena yɛlɛma u la, a bɛɛ ka kan ka bato fɔɔ a bɛɛ ka kɛ. 19O le y'a to, sariya minw sigira, min koo ka nɔgɔ u bɛɛ ye, ni mɔgɔ min t'o bato, n'a b'a fɔ mɔgɔw ye k'u kan'a bato, o tigi tena jati mɔgɔbaba ye *sankolo masaya la. Nga, ni mɔgɔ min b'o sariyaw bato, n'a b'a fɔ mɔgɔw ye k'u k'o bato, o tigi bena jati mɔgɔbaba ye sankolo masaya la. 20Ne b'a fɔ aw ye ko ni aw ka tilenninya ma tɛmɛ sariya karamɔgɔw ni *Fariziɲɛw ta kan, aw tena se ka don sankolo masaya la fewu.
Yezu ye min fɔ dusudimi faan fɛ
(Mar 11.25; Luka 12.57-59)
21 #
Bɔk 20.13; Sad 5.17 «Aw b'a lɔn ko a fɔra an faaw ye ko: ‹I kana mɔgɔ faga,› ko mɔgɔfagala ka kan ka kiti. 22Ayiwa, ne b'a fɔ aw ye ko ni mɔgɔ o mɔgɔ dimina a balima kɔrɔ, o tigi ka kan ni kiti ye. Ni mɔgɔ min y'a balima nɛni ko naloman, o tigi fana ka kan ni kiti ye. Ni mɔgɔ min y'a balima nɛni ko fatɔ, o tigi ka kan ni jahanama tasuma ye. 23O kama, n'i b'i ka saraka bɔ Ala ye, n'i hakili jigira a la ko i balima dɔ diminin be i kɔrɔ, 24i k'i ka saraka bila fɔlɔ ka taga yafa daali a fɛ. O kɔ, i ka segi k'i ka saraka bɔ. 25Ni koo dɔ be e ni mɔgɔ dɔ cɛ, i ka banba k'o ɲanabɔ janko a kana taga n'i ye faamaw fɛ, faamaw kana i don polisiw bolo, olu kana i don kaso la. 26Tiɲɛ na, ne b'a fɔ i ye ko i tena bɔ o kaso la n'e m'i ka juru nin bɛɛ sara.
Yezu ko ɲamɔgɔya ma ɲi
(Mat 18.8-9; Mar 9.43,47-48)
27 #
Bɔk 20.14; Sad 5.18 «Aw y'a mɛn, a fɔra ko: ‹I kana kakalaya kɛ.› 28Ayiwa, ne b'a fɔ aw ye ko ni mɔgɔ o mɔgɔ ye muso filɛ k'a ɲaa bɔ a fɛ, o tigi ye kakalaya kɛ a dusu la n'o muso ye ka ban. 29#Mat 18.9; Mar 9.47 O la, n'i kinibolo ɲaa be kɛ sababu ye k'i don kojugu la, a wɔgɔbi k'a fili yɔrɔjan. I ka bɔnɔ i farikolo yɔrɔ dɔ la, o ka fisa a bɛɛ dafanin ka fili jahanama na. 30#Mat 18.8; Mar 9.43 N'i kinibolo be kɛ sababu ye k'i don kojugu la, a tigɛ k'a fili yɔrɔjan. I ka bɔnɔ i farikolo yɔrɔ dɔ la, o ka fisa a bɛɛ dafanin ka don jahanama na.
Yezu ko furusa ma ɲi
(Mat 19.7-9; Mar 10.4-5,10-12; Luka 16.18)
31 #
Sad 24.1-4
«A fɔra fana ko: ‹Ni cɛɛ min b'a fɛ k'a muso bila, a ka kan ka furusasɛbɛ d'a ma.› 32#Kor fɔlɔ 7.10-11 Nga, ne b'a fɔ aw ye ko ni mɔgɔ o mɔgɔ y'a ka muso furu sa ni ɲamɔgɔya sababu tɛ, o tigi b'a ka muso bila kakalaya la. Ni mɔgɔ min ye muso furu sanin furu, o tigi ye kakalaya kɛ.
Yezu ko an kana kali
33 #
Sar 19.12; Kok 30.2; Sad 23.21 «Aw y'a mɛn fana, a fɔra an faaw ye ko: ‹I ka kɛ kantigi ye i ka fɔtaw bɛɛ la, n'i y'i daa di Ala ma koo min na, i ka banba k'o kɛ.› 34#Zaki 5.12; Eza 66.1; Mat 23.22 Nga ne b'a fɔ aw ye ko aw kana kali fewu. Aw kana kali sankolo la, bari Ala ka masasigilan lo. 35#Eza 66.1; Dal 48.2 Aw kana kali dugukolo la bari o ye Ala seen bilayɔrɔ ye. Aw kana kali Zeruzalɛmu na bari o ye Masacɛba ka dugu ye. 36I kana kali i kungolo fana na bari i te se k'i kunsigi deen kelen gwɛya walima k'a fin. 37Aw ka jaabili ka kɛ ɔnhɔn walima ayi. Ni dɔ farala o kan, o bɔra Sutana fɛ.
Yezu ko kojugu man kan ka sara ni kojugu ye
(Luka 6.29-30)
38 #
Bɔk 21.24; Sar 24.20; Sad 19.21 «Aw y'a mɛn, a fɔra ko: ‹Ɲaa juru be bɔ ni ɲaa ye. Ɲiin juru be bɔ ni ɲiin ye.› 39Ayiwa, ne b'a fɔ aw ye ko aw kana kojugu juru sara ni kojugu ye. Ni mɔgɔ dɔ y'i kinibolo tulo ci, i ka tɔ kelen nin sin a ma fana. 40Ni mɔgɔ dɔ b'a fɛ k'i wele faamaw fɛ janko a k'i ka deleke bɔsi i la, e k'i ka foroca fana d'a ma. 41Ni mɔgɔ dɔ y'i karaba ko i k'a ka doni ɲun ka kilo kelen ɲɔgɔn kɛ n'a ye, i ka kilo fila ɲɔgɔn kɛ n'a ye. 42Ni mɔgɔ o mɔgɔ ye fɛɛn dɔ daali i fɛ, i k'o d'a ma. Ni mɔgɔ dɔ nana fɛɛn dɔndɔ i fɛ, i kana ban.
Yezu ko an k'an juguw kanu
(Luka 6.27-28,32-36)
43 #
Sar 19.18
«Aw y'a mɛn, a fɔra ko: ‹I k'i tɔɲɔgɔn kanu k'i jugu kɔniya.› 44Ayiwa, ne b'a fɔ aw ye ko aw ka aw juguw kanu ka Ala daali aw tɔɔrɔbagaw ye. 45Aw k'o kɛ janko aw ka kɛ aw sankolo la Faa deenw ye, bari ale be tile bɔ mɔgɔjuguw ni mɔgɔɲumanw ye, ka sanji di koɲumankɛlaw ni kojugukɛlaw ma. 46N'aw b'aw kanubagaw dɔrɔn kanu, aw bena mun tɔnɔ sɔrɔ o la? Hali lɛnpominɛlaw te o ɲɔgɔn kɛ wa? 47N'aw b'aw balimaw dɔrɔn fo, aw be mun lo kɛ ni tɔw t'a kɛ? Hali Alalɔnbaliw te o ɲɔgɔn kɛ wa? 48#Sar 19.2; Sad 18.13 Aw ka kɛ mɔgɔɲumanw ye i n'a fɔ aw Faa min be sankolo la.
Currently Selected:
Mat 5: AKKDC08
Highlight
Share
Copy
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.
Mat 5
5
Yezu be mɔgɔw kalan kulu kan
(Mar 3.13; Luka 6.12-13,20-26)
1Yezu ye jama ye minkɛ, a yɛlɛla kulu kan ka sigi. A ka kalandenw gwɛrɛla a la. 2A y'a daminɛ k'u kalan. A ko:
3«Mɔgɔ minw b'a lɔn k'u mako be Ala la,
olu dagamunin lo,
bari *sankolo masaya ye u ta ye.
4 #
Eza 61.2
Mɔgɔ minw be kasira,
olu dagamunin lo,
bari Ala bena u dusu saalo.
5 #
Dal 37.11
Mɔgɔ minw sabalinin lo,
olu dagamunin lo,
bari u bena dugukolo tigiya kɛ.
6 #
Eza 55.1-2
Tilenninya nigɛ be minw na,
olu dagamunin lo,
bari u dusu bena fa.
7Mɔgɔ minw be makari tɔw la,
olu dagamunin lo,
bari Ala bena makari u la.
8 #
Dal 24.3-4
Mɔgɔ minw kɔnɔ gwɛnin lo,
olu dagamunin lo,
bari u bena Ala ye.
9Hɛrɛɲinibagaw dagamunin lo,
bari u bena wele ko Ala deenw.
10 #
Piy fɔlɔ 3.14
U be minw tɔɔrɔ u ka tilenninya kosɔn,
olu dagamunin lo,
bari sankolo masaya ye u ta ye.
11 #
Piy fɔlɔ 4.14
«Ni mɔgɔw b'aw nɛni, k'aw tɔɔrɔ, ka galon la aw kan ko aw be kojugu sifa bɛɛ kɛ, bari aw ye ne ka kalandenw ye, o tuma na, aw dagamunin lo. 12#Lok 2nan 36.16; Kɛw 7.52 Aw ka nisɔndiya kosɔbɛ, bari aw bena tɔnɔba sɔrɔ sankolo la. Kira minw tɛmɛna aw ɲa, u ye olu fana tɔɔrɔ ten.
Diɲɛ kɔgɔ n'a yeelen
(Mar 9.50; 4.21; Luka 8.16; 18.33)
13 # Mat 9.50; Luka 14.34-35 «Aw ye diɲɛ kɔgɔ ye. Nga ni kɔgɔ timiya bɔra a la, mun b'a kɛ kɔgɔ ye tugu? A te foyi ɲa tugu. A ka ɲi ka fili, mɔgɔw ka taama a kan. 14#Zan 8.12; 9.5 Aw ye yeelen ye diɲɛ kɔnɔ. Dugu min siginin be kulu kan, o te se ka dogo. 15#Mar 4.21; Luka 8.16; 11.33 Mɔgɔ si te fitinɛ mana k'a bila gongo jukɔrɔ, nga a b'a bila fɛɛn dɔ kan janko a ka yeelen bɔ soo kɔnɔ mɔgɔw bɛɛ ye. 16#Piy fɔlɔ 2.12 Aw ka kɛwaliɲumanw kɛ ka yeelen bɔ mɔgɔw ye ten, waasa u ka aw sankolo la Faa boɲa.
Yezu be mɔgɔw kalan sariya koo la
17«Aw kan'a miiri ko ne nana Ala ka sariya bɔ yen, walima ka kiraw ka kuma cɛn. Ne ma na o la. Ne nana janko u tun y'a fɔ ko koo minw bena kɛ, olu ka dafa. 18#Luka 16.17 Tiɲɛ na, ne b'a fɔ aw ye ko ka sankolo ni dugukolo to yen, Ala ye sariya minw sigi, foyi tena bɔ u la, hali kuma kelen tena yɛlɛma u la, a bɛɛ ka kan ka bato fɔɔ a bɛɛ ka kɛ. 19O le y'a to, sariya minw sigira, min koo ka nɔgɔ u bɛɛ ye, ni mɔgɔ min t'o bato, n'a b'a fɔ mɔgɔw ye k'u kan'a bato, o tigi tena jati mɔgɔbaba ye *sankolo masaya la. Nga, ni mɔgɔ min b'o sariyaw bato, n'a b'a fɔ mɔgɔw ye k'u k'o bato, o tigi bena jati mɔgɔbaba ye sankolo masaya la. 20Ne b'a fɔ aw ye ko ni aw ka tilenninya ma tɛmɛ sariya karamɔgɔw ni *Fariziɲɛw ta kan, aw tena se ka don sankolo masaya la fewu.
Yezu ye min fɔ dusudimi faan fɛ
(Mar 11.25; Luka 12.57-59)
21 #
Bɔk 20.13; Sad 5.17 «Aw b'a lɔn ko a fɔra an faaw ye ko: ‹I kana mɔgɔ faga,› ko mɔgɔfagala ka kan ka kiti. 22Ayiwa, ne b'a fɔ aw ye ko ni mɔgɔ o mɔgɔ dimina a balima kɔrɔ, o tigi ka kan ni kiti ye. Ni mɔgɔ min y'a balima nɛni ko naloman, o tigi fana ka kan ni kiti ye. Ni mɔgɔ min y'a balima nɛni ko fatɔ, o tigi ka kan ni jahanama tasuma ye. 23O kama, n'i b'i ka saraka bɔ Ala ye, n'i hakili jigira a la ko i balima dɔ diminin be i kɔrɔ, 24i k'i ka saraka bila fɔlɔ ka taga yafa daali a fɛ. O kɔ, i ka segi k'i ka saraka bɔ. 25Ni koo dɔ be e ni mɔgɔ dɔ cɛ, i ka banba k'o ɲanabɔ janko a kana taga n'i ye faamaw fɛ, faamaw kana i don polisiw bolo, olu kana i don kaso la. 26Tiɲɛ na, ne b'a fɔ i ye ko i tena bɔ o kaso la n'e m'i ka juru nin bɛɛ sara.
Yezu ko ɲamɔgɔya ma ɲi
(Mat 18.8-9; Mar 9.43,47-48)
27 #
Bɔk 20.14; Sad 5.18 «Aw y'a mɛn, a fɔra ko: ‹I kana kakalaya kɛ.› 28Ayiwa, ne b'a fɔ aw ye ko ni mɔgɔ o mɔgɔ ye muso filɛ k'a ɲaa bɔ a fɛ, o tigi ye kakalaya kɛ a dusu la n'o muso ye ka ban. 29#Mat 18.9; Mar 9.47 O la, n'i kinibolo ɲaa be kɛ sababu ye k'i don kojugu la, a wɔgɔbi k'a fili yɔrɔjan. I ka bɔnɔ i farikolo yɔrɔ dɔ la, o ka fisa a bɛɛ dafanin ka fili jahanama na. 30#Mat 18.8; Mar 9.43 N'i kinibolo be kɛ sababu ye k'i don kojugu la, a tigɛ k'a fili yɔrɔjan. I ka bɔnɔ i farikolo yɔrɔ dɔ la, o ka fisa a bɛɛ dafanin ka don jahanama na.
Yezu ko furusa ma ɲi
(Mat 19.7-9; Mar 10.4-5,10-12; Luka 16.18)
31 #
Sad 24.1-4
«A fɔra fana ko: ‹Ni cɛɛ min b'a fɛ k'a muso bila, a ka kan ka furusasɛbɛ d'a ma.› 32#Kor fɔlɔ 7.10-11 Nga, ne b'a fɔ aw ye ko ni mɔgɔ o mɔgɔ y'a ka muso furu sa ni ɲamɔgɔya sababu tɛ, o tigi b'a ka muso bila kakalaya la. Ni mɔgɔ min ye muso furu sanin furu, o tigi ye kakalaya kɛ.
Yezu ko an kana kali
33 #
Sar 19.12; Kok 30.2; Sad 23.21 «Aw y'a mɛn fana, a fɔra an faaw ye ko: ‹I ka kɛ kantigi ye i ka fɔtaw bɛɛ la, n'i y'i daa di Ala ma koo min na, i ka banba k'o kɛ.› 34#Zaki 5.12; Eza 66.1; Mat 23.22 Nga ne b'a fɔ aw ye ko aw kana kali fewu. Aw kana kali sankolo la, bari Ala ka masasigilan lo. 35#Eza 66.1; Dal 48.2 Aw kana kali dugukolo la bari o ye Ala seen bilayɔrɔ ye. Aw kana kali Zeruzalɛmu na bari o ye Masacɛba ka dugu ye. 36I kana kali i kungolo fana na bari i te se k'i kunsigi deen kelen gwɛya walima k'a fin. 37Aw ka jaabili ka kɛ ɔnhɔn walima ayi. Ni dɔ farala o kan, o bɔra Sutana fɛ.
Yezu ko kojugu man kan ka sara ni kojugu ye
(Luka 6.29-30)
38 #
Bɔk 21.24; Sar 24.20; Sad 19.21 «Aw y'a mɛn, a fɔra ko: ‹Ɲaa juru be bɔ ni ɲaa ye. Ɲiin juru be bɔ ni ɲiin ye.› 39Ayiwa, ne b'a fɔ aw ye ko aw kana kojugu juru sara ni kojugu ye. Ni mɔgɔ dɔ y'i kinibolo tulo ci, i ka tɔ kelen nin sin a ma fana. 40Ni mɔgɔ dɔ b'a fɛ k'i wele faamaw fɛ janko a k'i ka deleke bɔsi i la, e k'i ka foroca fana d'a ma. 41Ni mɔgɔ dɔ y'i karaba ko i k'a ka doni ɲun ka kilo kelen ɲɔgɔn kɛ n'a ye, i ka kilo fila ɲɔgɔn kɛ n'a ye. 42Ni mɔgɔ o mɔgɔ ye fɛɛn dɔ daali i fɛ, i k'o d'a ma. Ni mɔgɔ dɔ nana fɛɛn dɔndɔ i fɛ, i kana ban.
Yezu ko an k'an juguw kanu
(Luka 6.27-28,32-36)
43 #
Sar 19.18
«Aw y'a mɛn, a fɔra ko: ‹I k'i tɔɲɔgɔn kanu k'i jugu kɔniya.› 44Ayiwa, ne b'a fɔ aw ye ko aw ka aw juguw kanu ka Ala daali aw tɔɔrɔbagaw ye. 45Aw k'o kɛ janko aw ka kɛ aw sankolo la Faa deenw ye, bari ale be tile bɔ mɔgɔjuguw ni mɔgɔɲumanw ye, ka sanji di koɲumankɛlaw ni kojugukɛlaw ma. 46N'aw b'aw kanubagaw dɔrɔn kanu, aw bena mun tɔnɔ sɔrɔ o la? Hali lɛnpominɛlaw te o ɲɔgɔn kɛ wa? 47N'aw b'aw balimaw dɔrɔn fo, aw be mun lo kɛ ni tɔw t'a kɛ? Hali Alalɔnbaliw te o ɲɔgɔn kɛ wa? 48#Sar 19.2; Sad 18.13 Aw ka kɛ mɔgɔɲumanw ye i n'a fɔ aw Faa min be sankolo la.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.