Ebu 1
1
Ala kuman'a Dencɛ barika la
1Fɔlɔfɔlɔ, Ala kumana an faaw fɛ kiraw barika la siɲɛ caaman ni cogo caaman na. 2Nga a kumana an fɛ laban waati nin na a Dencɛ barika la, a ye min kɛ fɛɛn bɛɛ kuntigi ye, ani a ye diɲɛ dan min barika la. 3Ala ka dawula n'a jaa tigitigi yɛrɛ lo. Diɲɛ be seen kan ale ka kuma barikaman sababu la. A y'a yɛrɛ saraka mɔgɔw ka hakɛw yafa kosɔn ka ban tuma min na, a yɛlɛla ka taga sigi Setigi Ala kinibolo fɛ arijana na.
Ala Dencɛ lɔyɔrɔ ka bon ni mɛlɛkɛw ta ye
4Ala Dencɛ lɔyɔrɔ ka bon ni mɛlɛkɛw ta ye, fɔɔ a ye tɔgɔ d'a ma min ka bon n'u ta ye pewu. 5#Dal 2.7; Sam 2nan 7.14; Lok fɔlɔ 17.13 Ala delila k'a fɔ a ka mɛlɛkɛw jumɛn ye ko:
«I ye ne Dencɛ ye,
ne y'i wolo bii.»
Ala ma deli k'a fɔ mɛlɛkɛ si ye fana ko:
«Ne bena kɛ i Faa ye,
i bena kɛ ne Deen ye.»
6 #
Sad 32.43
Nga, a Dencɛ min kɔnna danfɛnw bɛɛ ɲa, ale wolola tuma min na diɲɛ na, a y'a fɔ ko: «Mɛlɛkɛw bɛɛ k'u kunbiri gwan a ɲakɔrɔ.» 7#Dal 104.4 A fɔra mɛlɛkɛw ka koo la ko:
«A b'a ka mɛlɛkɛw kɛ fɔɲɔ ye,
a b'a ka baarakɛlaw kɛ tasuma ye.»
8 #
Dal 45.7-8
Nga a y'a fɔ a Deen ka koo la ko:
«Ala, e ka masaya be to seen kan kudayi!
I ka masabere ye tilenninya ta ye.
9Tilenninya ka d'i ye,
kojugu man d'i ye.
O la, Ala, i ka Ala y'i woloma
k'i nisɔn diya ka tɛmɛ i tɔɲɔgɔnw kan.»
10Ala y'a fɔ tugu ko:
«Ele Matigi le ye dugukolo dan kabini fɔlɔfɔlɔ,
sankolo ye i bulonɔ ye.
11Olu bena ban, nga ele be to.
U bena kɔrɔ i ko fani.
12 #
Dal 102.26-28
Mɔgɔ be deleke kuru cogo min na,
i bena u kɛ ten.
Fani donta be yɛlɛma cogo min na,
u bena yɛlɛma ten.
Nga e kɔni be to i cogo la,
e sii te ban ka ye.»
13 #
Dal 110.1
Ala delila k'a fɔ mɛlɛkɛw jumɛn ye ko:
«Sigi ne kinibolo fɛ
fɔɔ ne k'i juguw cɔnkɔn i seen kɔrɔ?»
14Mɛlɛkɛ bɛɛ te baara kɛra Ala le ye wa? Mɔgɔ minw bena kisi, a te to k'u ci ka olu dɛmɛ wa?
Currently Selected:
Ebu 1: AKKDC08
Highlight
Share
Copy
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.
Ebu 1
1
Ala kuman'a Dencɛ barika la
1Fɔlɔfɔlɔ, Ala kumana an faaw fɛ kiraw barika la siɲɛ caaman ni cogo caaman na. 2Nga a kumana an fɛ laban waati nin na a Dencɛ barika la, a ye min kɛ fɛɛn bɛɛ kuntigi ye, ani a ye diɲɛ dan min barika la. 3Ala ka dawula n'a jaa tigitigi yɛrɛ lo. Diɲɛ be seen kan ale ka kuma barikaman sababu la. A y'a yɛrɛ saraka mɔgɔw ka hakɛw yafa kosɔn ka ban tuma min na, a yɛlɛla ka taga sigi Setigi Ala kinibolo fɛ arijana na.
Ala Dencɛ lɔyɔrɔ ka bon ni mɛlɛkɛw ta ye
4Ala Dencɛ lɔyɔrɔ ka bon ni mɛlɛkɛw ta ye, fɔɔ a ye tɔgɔ d'a ma min ka bon n'u ta ye pewu. 5#Dal 2.7; Sam 2nan 7.14; Lok fɔlɔ 17.13 Ala delila k'a fɔ a ka mɛlɛkɛw jumɛn ye ko:
«I ye ne Dencɛ ye,
ne y'i wolo bii.»
Ala ma deli k'a fɔ mɛlɛkɛ si ye fana ko:
«Ne bena kɛ i Faa ye,
i bena kɛ ne Deen ye.»
6 #
Sad 32.43
Nga, a Dencɛ min kɔnna danfɛnw bɛɛ ɲa, ale wolola tuma min na diɲɛ na, a y'a fɔ ko: «Mɛlɛkɛw bɛɛ k'u kunbiri gwan a ɲakɔrɔ.» 7#Dal 104.4 A fɔra mɛlɛkɛw ka koo la ko:
«A b'a ka mɛlɛkɛw kɛ fɔɲɔ ye,
a b'a ka baarakɛlaw kɛ tasuma ye.»
8 #
Dal 45.7-8
Nga a y'a fɔ a Deen ka koo la ko:
«Ala, e ka masaya be to seen kan kudayi!
I ka masabere ye tilenninya ta ye.
9Tilenninya ka d'i ye,
kojugu man d'i ye.
O la, Ala, i ka Ala y'i woloma
k'i nisɔn diya ka tɛmɛ i tɔɲɔgɔnw kan.»
10Ala y'a fɔ tugu ko:
«Ele Matigi le ye dugukolo dan kabini fɔlɔfɔlɔ,
sankolo ye i bulonɔ ye.
11Olu bena ban, nga ele be to.
U bena kɔrɔ i ko fani.
12 #
Dal 102.26-28
Mɔgɔ be deleke kuru cogo min na,
i bena u kɛ ten.
Fani donta be yɛlɛma cogo min na,
u bena yɛlɛma ten.
Nga e kɔni be to i cogo la,
e sii te ban ka ye.»
13 #
Dal 110.1
Ala delila k'a fɔ mɛlɛkɛw jumɛn ye ko:
«Sigi ne kinibolo fɛ
fɔɔ ne k'i juguw cɔnkɔn i seen kɔrɔ?»
14Mɛlɛkɛ bɛɛ te baara kɛra Ala le ye wa? Mɔgɔ minw bena kisi, a te to k'u ci ka olu dɛmɛ wa?
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.