Bɔk 23
23
Kana mɔgɔ bɔ mɔgɔ la
1 #
Bɔk 20.16; Sar 19.11-12; Sad 5.20 «Aw kana kuma lakali min te tiɲɛ ye. Aw kana galon tigɛ ka kojugukɛla dɛmɛ.
2«Aw kana tugu jama kɔ ka kojugu kɛ. N'aw be seereya kɛ kiti tigɛyɔrɔ la, aw kana tugu jama kɔ ni namarako lo.
3 #
Sar 19.15
«Aw kana fantan dɛmɛ cogo bɛnbali la a ka kiti koo la.
4 #
Sad 22.1-4
«N'aw y'aw jugu ka misi, walima a ka fali ye, n'a tunun'a fɛ, aw k'a minɛ ka n'a d'a ma. 5Mɔgɔ min b'aw kɔniya, n'aw y'o tigi ka fali ye, a benna ni doni ye a kɔɔ la, aw kan'a ye k'a to yen, aw k'a dɛmɛ k'a wili.
6 #
Sar 19.15; Sad 16.19 «Aw kana aw ka dɛsɛbagatɔw tɔɲɔ kiti koo la.
7«Aw kana sɔn galon koo la abada. Aw kana mɔgɔ jalakibali, walima mɔgɔtilennin faga, bari ne tena tiɲɛ di kojugukɛla ma. 8Bonyafɛn min b'aw daa siri, aw kana sɔn k'o minɛ, bari o be mɔgɔ hakili yɛlɛma, a te se ka tiɲɛ fɔ, a be mɔgɔtilennin ka kuma jɛngɛ.
9 #
Bɔk 22.20; Sar 19.33-34; Sad 24.17-18; 27.19 «Aw kana lonan tɔɔrɔ. Lonanya ye min ye, aw yɛrɛ b'o lɔn, bari aw tun ye lonanw ye Ezipiti jamana na.
Lafiɲɛsan ni lafiɲɛlon koo
10 #
Sar 25.1-7
«Aw ka sɛnɛ kɛ aw ka forow kɔnɔ saan wɔɔrɔ kɔnɔ, ka suman tigɛ. 11Nga a saan wolonwulanan na, aw k'a tigɛ k'a to yen. Dɛsɛbagatɔ minw b'aw cɛma, olu bena se ka dumuni sɔrɔ a kɔnɔ. N'a tɔɔ tora, kongosogow bena se k'o dumu. Aw k'o ɲɔgɔn kɛ aw ka *ɛrɛzɛnforo n'aw ka olivuforow la fana.
12 #
Bɔk 20.10-11; 31.15; 34.21; 35.2; Sar 23.3; Sad 5.13-14 «Aw ka baara kɛ tile wɔɔrɔ kɔnɔ, nga tile wolonwulanan na, aw ka lafiɲɛ janko aw ka misi, n'aw ka fali, n'aw ka jɔɔn, n'aw ka lonan ka se ka lafiɲɛ fana.
13«Ne ye koo minw fɔ aw ye, aw ka jija k'olu bɛɛ bato. Aw kana dɛmɛ ɲini joo si fɛ, aw kan'a to u tɔgɔ ka mɛn aw daa la.
Ɲanagwɛ saba koo
14 #
Bɔk 34.18-26; Sad 16.1-17 «Aw ka ɲanagwɛ kɛ ne tɔgɔ la siɲɛ saba, saan o saan. 15#Bɔk 12.14-20; Sar 23.6-8; Kok 28.17-25 Aw ka *Buru funubali ɲanagwɛ kɛ tile wolonwula kɔnɔ, ka buru dumu, fununan te min na, i ko ne y'a fɔ aw ye cogo min na. Aw k'o kɛ a waati latigɛnin na *Abibu kalo la, bari aw bɔra Ezipiti o kalo le la. Mɔgɔ si bololakolon kana na ne ɲakɔrɔ.
16 #
Sar 23.15-21,39-43; Kok 28.26-31 «Aw ye fɛɛn minw sɛnɛ aw ka foro la, aw ka na ni olu deen fɔlɔw ye ka Sumantigɛ ɲanagwɛ kɛ. Aw ka Sumanladon ɲanagwɛ kɛ saan yɛlɛmatuma na, aw ka suman ladontuma na. 17O la, cɛɛw bɛɛ ka ɲɔgɔn lajɛn Matigi, Masaba ɲakɔrɔ siɲɛ saba, saan o saan.
18«Fununan be buru min na, aw kana o ni begɛn joli fara ɲɔgɔn kan k'o kɛ saraka ye ne ma. Saraka min bɔra ne ye ɲanagwɛ la, o sogo tulu kana si.
19 #
Bɔk 34.26; Sad 14.21; 26.2 «Aw ka na n'aw ka sɛnɛfɛn deen fɔlɔw ye ne Masaba aw ka Ala ka soo kɔnɔ.
«Aw kana baden tobi a bamuso sinji la.
Layidu ni ladiliw
20«A filɛ, ne bena mɛlɛkɛ bila aw ɲa k'aw mara sira la ani ka taga n'aw ye ne ka yɔrɔ labɛnnin na. 21Aw ka mɛnni kɛ a fɛ ka sɔn a ta ma. Aw kana muruti a ma. Ne le y'a ci minkɛ, a tena aw ka murutili yafa. 22N'aw be mɛnni kɛ a fɛ ka ɲa, ne be fɛɛn o fɛɛn fɔ aw ye, n'aw b'o bɛɛ bato, o tuma na, aw juguw bena kɛ ne juguw ye, aw kɛlɛbagaw bena kɛ ne kɛlɛbagaw ye.
23«Ne ka mɛlɛkɛ bena bila aw ɲa ka taga n'aw ye ka don amoriw ni itiw ni periziw ani kanaanw ni iviw ani zebuziw ka jamana na, ne bena olu halaki. 24Aw kana aw kunbiri gwan u ka joow kɔrɔ, aw kana u sɔn. Aw kana u ka batoli kɛcogo ladege. Aw k'u ka joo nunu halaki. Aw k'u ka jokabakuruw ci. 25Aw ka baara kɛ ne Masaba aw ka Ala ye. N'aw y'o kɛ, ne bena aw ka dumuniko, n'aw ka jiko nɔgɔya, ani k'aw kisi bana ma. 26Muso si kɔnɔ tena cɛn, muso si tena to wolobali ye aw ka jamana kɔnɔ fana. Ne bena aw sii caya.
27«Aw be tagara siya minw fɛ, ne bena siranya bila olu bɛɛ la, ka ɲagami don u fɛ, ani k'a kɛ aw juguw bɛɛ be boli aw ɲa. 28Ne bena dondolibabaw bila aw ɲa janko olu ka iviw ni kanaanw ani itiw gwɛn ka bɔ aw ɲa. 29Nga ne tena u gwɛn ka bɔ aw ɲa saan kelen dɔrɔn kɔnɔ, n'o tɛ, jamana bena kɛ yɔrɔlakolon ye, waraw bena caya aw kama. 30Ne bena u gwɛn ka bɔ aw ɲa dɔɔni dɔɔni sanni aw ka caya ka se ka jamana nin bɛɛ minɛ. 31Ne bena aw ka jamana daan bɔ, k'a daminɛ Buruku kɔgɔji ma fɔɔ ka ta'a bila filisi jamana Kɔgɔji ma, ani ka bɔ kongokolon na, fɔɔ ka taga se Efarati baji daa la. Ne bena jamana nin mɔgɔw don aw bolo, aw bena u gwɛn ka bɔ aw ɲa. 32Aw kana bɛn n'u ye, aw kana dajuru ta u ka joow ye. 33Aw kana sɔn u ka sigi aw ka jamana na. N'o tɛ, u ben'a kɛ aw be ne hakɛ ta, bari n'aw y'u ka joow sɔn, o bena kɛ jaan ye k'aw minɛ, siga t'o la.»
Currently Selected:
Bɔk 23: AKKDC08
Highlight
Share
Copy
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.
Bɔk 23
23
Kana mɔgɔ bɔ mɔgɔ la
1 #
Bɔk 20.16; Sar 19.11-12; Sad 5.20 «Aw kana kuma lakali min te tiɲɛ ye. Aw kana galon tigɛ ka kojugukɛla dɛmɛ.
2«Aw kana tugu jama kɔ ka kojugu kɛ. N'aw be seereya kɛ kiti tigɛyɔrɔ la, aw kana tugu jama kɔ ni namarako lo.
3 #
Sar 19.15
«Aw kana fantan dɛmɛ cogo bɛnbali la a ka kiti koo la.
4 #
Sad 22.1-4
«N'aw y'aw jugu ka misi, walima a ka fali ye, n'a tunun'a fɛ, aw k'a minɛ ka n'a d'a ma. 5Mɔgɔ min b'aw kɔniya, n'aw y'o tigi ka fali ye, a benna ni doni ye a kɔɔ la, aw kan'a ye k'a to yen, aw k'a dɛmɛ k'a wili.
6 #
Sar 19.15; Sad 16.19 «Aw kana aw ka dɛsɛbagatɔw tɔɲɔ kiti koo la.
7«Aw kana sɔn galon koo la abada. Aw kana mɔgɔ jalakibali, walima mɔgɔtilennin faga, bari ne tena tiɲɛ di kojugukɛla ma. 8Bonyafɛn min b'aw daa siri, aw kana sɔn k'o minɛ, bari o be mɔgɔ hakili yɛlɛma, a te se ka tiɲɛ fɔ, a be mɔgɔtilennin ka kuma jɛngɛ.
9 #
Bɔk 22.20; Sar 19.33-34; Sad 24.17-18; 27.19 «Aw kana lonan tɔɔrɔ. Lonanya ye min ye, aw yɛrɛ b'o lɔn, bari aw tun ye lonanw ye Ezipiti jamana na.
Lafiɲɛsan ni lafiɲɛlon koo
10 #
Sar 25.1-7
«Aw ka sɛnɛ kɛ aw ka forow kɔnɔ saan wɔɔrɔ kɔnɔ, ka suman tigɛ. 11Nga a saan wolonwulanan na, aw k'a tigɛ k'a to yen. Dɛsɛbagatɔ minw b'aw cɛma, olu bena se ka dumuni sɔrɔ a kɔnɔ. N'a tɔɔ tora, kongosogow bena se k'o dumu. Aw k'o ɲɔgɔn kɛ aw ka *ɛrɛzɛnforo n'aw ka olivuforow la fana.
12 #
Bɔk 20.10-11; 31.15; 34.21; 35.2; Sar 23.3; Sad 5.13-14 «Aw ka baara kɛ tile wɔɔrɔ kɔnɔ, nga tile wolonwulanan na, aw ka lafiɲɛ janko aw ka misi, n'aw ka fali, n'aw ka jɔɔn, n'aw ka lonan ka se ka lafiɲɛ fana.
13«Ne ye koo minw fɔ aw ye, aw ka jija k'olu bɛɛ bato. Aw kana dɛmɛ ɲini joo si fɛ, aw kan'a to u tɔgɔ ka mɛn aw daa la.
Ɲanagwɛ saba koo
14 #
Bɔk 34.18-26; Sad 16.1-17 «Aw ka ɲanagwɛ kɛ ne tɔgɔ la siɲɛ saba, saan o saan. 15#Bɔk 12.14-20; Sar 23.6-8; Kok 28.17-25 Aw ka *Buru funubali ɲanagwɛ kɛ tile wolonwula kɔnɔ, ka buru dumu, fununan te min na, i ko ne y'a fɔ aw ye cogo min na. Aw k'o kɛ a waati latigɛnin na *Abibu kalo la, bari aw bɔra Ezipiti o kalo le la. Mɔgɔ si bololakolon kana na ne ɲakɔrɔ.
16 #
Sar 23.15-21,39-43; Kok 28.26-31 «Aw ye fɛɛn minw sɛnɛ aw ka foro la, aw ka na ni olu deen fɔlɔw ye ka Sumantigɛ ɲanagwɛ kɛ. Aw ka Sumanladon ɲanagwɛ kɛ saan yɛlɛmatuma na, aw ka suman ladontuma na. 17O la, cɛɛw bɛɛ ka ɲɔgɔn lajɛn Matigi, Masaba ɲakɔrɔ siɲɛ saba, saan o saan.
18«Fununan be buru min na, aw kana o ni begɛn joli fara ɲɔgɔn kan k'o kɛ saraka ye ne ma. Saraka min bɔra ne ye ɲanagwɛ la, o sogo tulu kana si.
19 #
Bɔk 34.26; Sad 14.21; 26.2 «Aw ka na n'aw ka sɛnɛfɛn deen fɔlɔw ye ne Masaba aw ka Ala ka soo kɔnɔ.
«Aw kana baden tobi a bamuso sinji la.
Layidu ni ladiliw
20«A filɛ, ne bena mɛlɛkɛ bila aw ɲa k'aw mara sira la ani ka taga n'aw ye ne ka yɔrɔ labɛnnin na. 21Aw ka mɛnni kɛ a fɛ ka sɔn a ta ma. Aw kana muruti a ma. Ne le y'a ci minkɛ, a tena aw ka murutili yafa. 22N'aw be mɛnni kɛ a fɛ ka ɲa, ne be fɛɛn o fɛɛn fɔ aw ye, n'aw b'o bɛɛ bato, o tuma na, aw juguw bena kɛ ne juguw ye, aw kɛlɛbagaw bena kɛ ne kɛlɛbagaw ye.
23«Ne ka mɛlɛkɛ bena bila aw ɲa ka taga n'aw ye ka don amoriw ni itiw ni periziw ani kanaanw ni iviw ani zebuziw ka jamana na, ne bena olu halaki. 24Aw kana aw kunbiri gwan u ka joow kɔrɔ, aw kana u sɔn. Aw kana u ka batoli kɛcogo ladege. Aw k'u ka joo nunu halaki. Aw k'u ka jokabakuruw ci. 25Aw ka baara kɛ ne Masaba aw ka Ala ye. N'aw y'o kɛ, ne bena aw ka dumuniko, n'aw ka jiko nɔgɔya, ani k'aw kisi bana ma. 26Muso si kɔnɔ tena cɛn, muso si tena to wolobali ye aw ka jamana kɔnɔ fana. Ne bena aw sii caya.
27«Aw be tagara siya minw fɛ, ne bena siranya bila olu bɛɛ la, ka ɲagami don u fɛ, ani k'a kɛ aw juguw bɛɛ be boli aw ɲa. 28Ne bena dondolibabaw bila aw ɲa janko olu ka iviw ni kanaanw ani itiw gwɛn ka bɔ aw ɲa. 29Nga ne tena u gwɛn ka bɔ aw ɲa saan kelen dɔrɔn kɔnɔ, n'o tɛ, jamana bena kɛ yɔrɔlakolon ye, waraw bena caya aw kama. 30Ne bena u gwɛn ka bɔ aw ɲa dɔɔni dɔɔni sanni aw ka caya ka se ka jamana nin bɛɛ minɛ. 31Ne bena aw ka jamana daan bɔ, k'a daminɛ Buruku kɔgɔji ma fɔɔ ka ta'a bila filisi jamana Kɔgɔji ma, ani ka bɔ kongokolon na, fɔɔ ka taga se Efarati baji daa la. Ne bena jamana nin mɔgɔw don aw bolo, aw bena u gwɛn ka bɔ aw ɲa. 32Aw kana bɛn n'u ye, aw kana dajuru ta u ka joow ye. 33Aw kana sɔn u ka sigi aw ka jamana na. N'o tɛ, u ben'a kɛ aw be ne hakɛ ta, bari n'aw y'u ka joow sɔn, o bena kɛ jaan ye k'aw minɛ, siga t'o la.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Bible en Jula © Alliance Biblique du Burkina Faso, 2007.