Mata 21
21
1 Mharcaich Iosa gu Ierusalem air asail; 12 thilg e a‑mach an luchd‐reic agus ceannaich as an teampall; 18 mhallaich e an crann‐fìge, 23 chuir e na sagairt nan tosd; 28 agus chronaich e iad le cosamhlachd.
1Agus nuair a dhruid iad ri Ierusalem#Marc 11:1; Lùc 19:20, agus a thàinig iad gu Betphage, gu Sliabh nan Crann‐ola, an sin chuir Iosa dithis de a dheisciobail uaithe,
2Ag ràdh riu, Rachaibh don bhaile a tha thall fa ur comhair, agus air ball gheibh sibh asal ceangailte ann, agus loth maille rithe: fuasglaibh, agus thugaibh am ionnsaigh iad.
3Agus ma labhras aon duine nì air bith ribh, abraibh gu bheil feum aig an Tighearna orra; agus cuiridh e uaithe air ball iad.
4Rinneadh na nithean seo uile, a‑chum gun coileante an nì a labhradh leis an fhàidh ag ràdh#Sech 9:9,
5Innsibh do nighean Shioin, Feuch, tha do Rìgh a’ teachd ad ionnsaigh gu ciùin, agus e na shuidhe air asail, agus air searrach, mac na h‑asail.
6Agus dh’imich na deisciobail, agus rinn iad mar a dh’àithn Iosa dhaibh;
7Agus thug iad an asal agus an loth leo, agus chuir iad am fallaingean orra, agus chuir iad esan na shuidhe air am muin.
8Agus sgaoil mòr‐shluagh am fallaingean air an t‑slighe; agus gheàrr dream eile geugan de na craobhan, agus leag iad air an t‑slighe iad.
9Agus thog an sluagh a bha roimhe agus na dhèidh iolach, ag ràdh, Hosanna do Mhac Dhaibhidh! Beannaichte gu robh an Tì a thig ann an ainm an Tighearna#Mat 23:39; Salm 118:26! Hosanna anns na h‑àrdan!
10Agus nuair a thàinig e a‑steach do Ierusalem, ghluaiseadh am baile uile, ag ràdh, Cò e seo?
11Agus thubhairt an sluagh, Is e seo Iosa, am fàidh o Nàsaret Ghalile.
12Agus chaidh Iosa a‑steach do theampall Dhè#Marc 11:11; Lùc 19:45, etc.; Eòin 2:15, etc., agus thilg e a‑mach iadsan uile a bha a’ reic agus a’ ceannach anns an teampall, agus thilg e bùird luchd‐malairt an airgid thairis, agus cathraichean luchd‐reic nan calaman,
13Agus thubhairt e riu, Tha e sgrìobhte#Isa 56:7, Goirear taigh ùrnaigh dem thaigh‐sa; ach rinn sibhse na gharaidh luchd‐reubainn#Ier 7:11 e.
14Agus thàinig na doill agus na bacaich da ionnsaigh anns an teampall, agus shlànaich e iad#Isa 35:6.
15Agus nuair a chunnaic na h‑àrd‐shagartan agus na sgrìobhaichean na gnìomharan iongantach a rinn e, agus a’ chlann a’ glaodhaich anns an teampall, agus ag ràdh, Hosanna do Mhac Dhaibhidh, bha corraich mhòr orra,
16Agus thubhairt iad ris, An cluinn thu ciod a tha a’ mhuinntir sin ag ràdh? Agus thubhairt Iosa riu, Tha mi a’ cluinntinn; nach do leugh sibhse riamh, A beul naoidhean agus chìochran choilean thu moladh#Salm 8:2?
17Agus nuair a dh’fhàg e iad, chaidh e a‑mach as a’ bhaile gu Betani, agus dh’fhan e an sin.
18Agus nuair a thill e a‑chum a’ bhaile anns a’ mhadainn, bha acras air.
19Agus air dha crann‐fìge fhaicinn air an t‑slighe#Marc 11:13, thàinig e da ionnsaigh, agus cha d’fhuair e nì air bith air, ach duilleach a‑mhàin; agus thubhairt e ris, Na fàsadh toradh o seo suas gu bràth ort. Agus chrìon an crann‐fìge air ball#Iùd 12.
20Agus nuair a chunnaic na deisciobail e, ghabh iad iongantas, ag ràdh, Cia luath a shearg an crann‐fìge as!
21Agus fhreagair Iosa agus thubhairt e riu, Gu deimhinn tha mi ag ràdh ribh, ma bhios creideamh agaibh#Mat 17:20; Lùc 17:6; Seum 1:6 agus nach bi sibh fo amharas, chan e a‑mhàin gun dèan sibh an nì a rinneadh air a’ chrann‐fìge, ach mar an ceudna ma their sibh ris a’ bheinn seo, Bi air do thogail, agus air do thilgeadh anns an fhairge#1 Cor 13:2, bidh e dèante:
22Agus ge bè air bith nithean a dh’iarras sibh nur n‑ùrnaigh#Mat 7:7; Marc 11:24; Seum 5:16; 1 Eòin 3:22; 5:14, ma chreideas sibh, gheibh sibh iad.
23Agus nuair a thàinig e don teampall#Marc 11:27; Lùc 20:1, thàinig na h‑àrd‐shagartan agus seanairean a’ phobaill da ionnsaigh, agus e a’ teagasg, ag ràdh ris, Ciod e an t‑ùghdarras leis a bheil thusa a’ dèanamh nan nithean seo#Ecs 2:14; Gnìo 4:7? Agus cò a thug an cumhachd seo dhut?
24Agus fhreagair Iosa agus thubhairt e riu, Feòraichidh mise mar an ceudna aon nì dhibhse, agus ma dh’inneas sibh dhomh e, innsidh mise dhuibhse, air mhodh ceudna, ciod an t‑ùghdarras leis a bheil mi a’ dèanamh nan nithean seo.
25Baisteadh Eòin, cia as a thàinig e? O nèamh, no o dhaoine? Ach reusonaich iadsan nam measg fhèin, ag ràdh, Ma their sinn, O nèamh, their esan rinn, Carson, mas eadh, nach do chreid sibh e?
26Ach ma their sinn, O dhaoine, tha eagal a’ phobaill oirnn; oir tha meas fàidh aig gach uile dhuine air Eòin#Mat 14:5.
27Agus fhreagair iad Iosa, agus thubhairt iad, Chan eil fhios againn. Agus thubhairt esan riu, Cha mhò a dh’innseas mise dhuibhse ciod an t‑ùghdarras leis a bheil mi a’ dèanamh nan nithean seo.
28Ach ciod i ur barail‐se? Bha aig duine àraidh dithis mhac, agus thàinig e a dh’ionnsaigh a’ chiad mhic, agus thubhairt e, A mhic, imich, dèan obair an‑diugh ann am ghàrradh‐fìona.
29Agus fhreagair esan agus thubhairt e, Cha dèan: ach na dhèidh sin, ghabh e aithreachas agus dh’imich e.
30Agus thàinig e gus an dara mac, agus thubhairt e mar an ceudna. Agus fhreagair esan agus thubhairt e, Thèid, a thighearna; gidheadh, cha deachaidh e.
31Cò den dithis a rinn toil a athar? Thubhairt iadsan ris, An ciad fhear. Thubhairt Iosa riu, Gu fìrinneach tha mise ag ràdh ribh gun tèid na cìs‐mhaoir agus na strìopaichean do rìoghachd Dhè romhaibhse#Mat 9:9; Lùc 7:29, 30.
32Oir thàinig Eòin dur n‑ionnsaigh air slighe na fìreantachd#Mat 3:6‐8 agus cha do chreid sibh e#Mat 11:18: ach chreid na cìs‐mhaoir agus na strìopaichean e#Lùc 3:12, 13; 7:37, etc.. Agus ged a chunnaic sibhse seo, cha do ghabh sibh aithreachas na dhèidh sin, a‑chum gun creideadh sibh e.
33Eisdibh ri cosamhlachd eile: Bha fear‐taighe àraidh ann, a phlanndaich fìonlios#Salm 80:8‐16; Isa 5:1‐7; Ier 2:21; Marc 12:1; Lùc 20:9, etc., agus chuir e gàrradh ma thimcheall, agus chladhaich e ionad‐bruthaidh an fhìona ann, agus thog e tùr, agus shuidhich e air tuath e; agus chaidh e fhèin air choigrich.
34Agus nuair a dhruid riu àm an toraidh, chuir e a sheirbhisich a dh’ionnsaigh na tuatha#2 Rìgh 17:13, etc., a dh’fhaotainn a thoraidh.
35Agus rug an tuath air a sheirbhisich, agus ghabh iad air fear dhiubh#Ier 37:15; 38:6, agus mharbh iad fear eile, agus chlach iad fear eile#2 Each 24:21; Eabh 11:36, 37.
36A‑rìs, chuir e seirbhisich eile uaithe, tuilleadh na anns a’ chiad chuideachd; agus rinn iad orrasan mar an ceudna.
37Ach mu dheireadh, chuir e a mhac fhèin dan ionnsaigh#Eabh 1:1, 2, ag ràdh, Bheir iad urram dom mhac.
38Ach nuair a chunnaic an tuath am mac, thubhairt iad eatorra fhèin, Is e seo an t‑oighre; thigibh#Mat 27:1; Eòin 11:53, marbhamaid e, agus glacamaid a oighreachd‐san dhuinn fhèin.
39Agus rug iad air#Mat 26:30‐37; Gnìo 2:23, agus thilg iad a‑mach as an fhìonlios e#Gnìo 4:25‐27; Eabh 13:11‐13, agus mharbh iad e.
40Air an adhbhar sin, nuair a thig tighearna an fhìonlios sin, ciod a nì e ris an tuath sin?
41Thubhairt iad ris, Sgriosaidh e gu truagh na droch dhaoine sin#Salm 2:4, 5, 9; Gnìo 13:46‐48; 18:6; 28:8, agus suidhichidh e am fìonlios air tuath eile#Lùc 21:24; Ròm 9:26, a bheir a thoradh dha na aimsir fhèin.
42Thubhairt Iosa riu, Nach do leugh sibh riamh anns na sgriobtairean, A’ chlach a dhiùlt na clachairean#Salm 118:22; Isa 28:16; 1 Pead 2:6, 7, rinneadh i na cloich‐chinn na h‑oisne: is e an Tighearna a rinn seo, agus tha e iongantach nar sùilean‐ne?
43Uime sin tha mi ag ràdh ribh gun toirear rìoghachd Dhè uaibhse, agus gun toirear do chinneach eile i, a bheir a toradh uapa.
44Agus ge bè neach a thuiteas air a’ chloich seo, brisear e#Isa 8:14, 15; ach ge bè air an tuit i, nì i mìn‐luaithre dheth#Salm 2:9; Daniel 2:34, 35, 44, 45.
45Agus nuair a chuala na h‑àrd‐shagartan agus na Pharasaich a chosamhlachdan‐san, thuig iad gum b’ann mun timcheall fhèin a labhair e.
46Ach nuair a bu mhiann leo breith air, bha eagal a’ phobaill orra, oir bha meas fàidh acasan air#Lùc 7:16; Eòin 7:40.
Currently Selected:
Mata 21: ABIG
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017