Mata 13
13
1 Cosamhlachd an fhir‐chuir agus an t‑sìl, 18 air eadar‐mhìneachadh. 24 Cosamhlachd a’ chogail; 31 an t‑sìl mhustaird; 33 na taoise; 44 an ionmhais fhalaichte; 45 agus na neamhnaide. 54 Rinn muinntir a dhùthcha tàir air Crìosd.
1Air an là sin fhèin chaidh Iosa a‑mach as an taigh, agus shuidh e ri taobh na fairge.
2Agus chruinnich sluagh mòr da ionnsaigh, air chor is air dol a‑steach do luing dha#Lùc 5:3, gun do shuidh e; agus sheas an sluagh uile air an tràigh.
3Agus labhair e mòran de nithean riu ann an cosamhlachdan, ag ràdh, Feuch, chaidh fear‐cuir a‑mach a chur sìl#Marc 4:2; Lùc 8:5, etc..
4Agus a’ cur an t‑sìl dha, thuit cuid dheth ri taobh an rathaid; agus thàinig an eunlaith agus dh’ith iad e.
5Thuit cuid air ionadan creagach, far nach robh mòran talmhainn aige; agus air ball dh’fhàs e suas, do bhrìgh nach robh doimhneachd talmhainn aige.
6Ach air èirigh don ghrèin dhòthadh e; agus, do bhrìgh nach robh freumh aige, shearg e as.
7Agus thuit cuid am measg droighinn: agus dh’fhàs an droigheann suas, agus mhùch e e.
8Ach thuit cuid eile ann am fearann math, agus thug e toradh a‑mach, cuid a cheud uiread, cuid a thrì‐fichead, cuid a dheich‐ar‑fhichead uiread is a chuireadh.
9Ge bè neach aig a bheil cluasan a‑chum èisdeachd, èisdeadh e#Mat 11:15.
10Agus thàinig na deisciobail, agus thubhairt iad ris, Carson a tha thu a’ labhairt riu ann an cosamhlachdan?
11Fhreagair esan agus thubhairt e riu, Do bhrìgh gun tugadh dhuibhse eòlas a bhith agaibh air rùn‐diamhair rìoghachd nèimh#Mat 11:25; Marc 4:11; 1 Cor 2:10, 14; Eph 1:9, 18; 3:9; Col 1:26, 27; 1 Eòin 2:27, ach dhaibhsan chan eil seo air a thabhairt.
12Oir ge bè neach aig a bheil, dhàsan bheirear#Mat 25:29; Lùc 19:26, agus bidh aige an tuilleadh pailteis: ach ge bè neach aig nach eil, uaithesan bheirear eadhon an nì a tha aige.
13Uime sin tha mise a’ labhairt riu ann an cosamhlachdan, do bhrìgh air dhaibh faicinn nach faic iad, agus a’ cluinntinn dhaibh nach cluinn iad, agus nach tuig iad.
14Agus anntasan tha fàidheadaireachd Esaiais air a coileanadh, a tha ag ràdh#Isa 6:9, Le èisdeachd cluinnidh sibh, agus cha tuig sibh; agus le amharc chì sibh, agus chan aithnich sibh.
15Oir tha cridhe a’ phobaill seo air fàs reamhar, agus an cluasan mall a‑chum èisdeachd, agus dhruid iad an sùilean; air eagal uair air bith gum faiceadh iad len sùilean, agus gun cluinneadh iad len cluasan, agus gun tuigeadh iad len cridhe, agus gum biodh iad air an iompachadh, agus gun slànaichinn‐sa iad.
16Ach is beannaichte ur sùilean‐se#Mat 16:17; Lùc 10:23, 24; Eòin 20:29; 2 Cor 4:6, oir tha iad a’ faicinn; agus ur cluasan, oir tha iad a’ cluinntinn.
17Oir tha mi ag ràdh ribh gu fìrinneach gum b’iomadh fàidh agus fìrean leis am bu mhiann na nithean seo fhaicinn#Eph 3:5, 6; Eabh 11:13; 1 Pead 1:10, 11, a tha sibhse a’ faicinn, agus nach faca iad: agus na nithean seo a chluinntinn, a tha sibhse a’ cluinntinn, agus nach cuala iad.
18Eisdibh air an adhbhar sin ri cosamhlachd an t‑sìoladair.
19Nuair a chluinneas neach air bith facal na rìoghachd, agus nach toir e fa‑near e, thig an droch spiorad#1 Eòin 2:13, 14; 3:12, agus bheir e air falbh an nì a chuireadh na chridhe: is e seo esan anns an do chuireadh an sìol ri taobh an rathaid.
20Ach esan a fhuair sìol ann an àitean creagach, is e seo an tì a chluinneas am facal, agus a ghabhas e air ball le gàirdeachas#Isa 58:2; Esec 33:31, 32; Eòin 5:35; Gal 4:15;
21Gidheadh chan eil freumh aige ann fhèin, ach fanaidh e rè tamaill#Hos 6:4: agus nuair a thig trioblaid, no geur‐leanmhainn airson an fhacail, air ball gheibh e oilbheum#Mat 24:10; 26:31; 2 Tim 4:16.
22Esan mar an ceudna a ghabh sìol am measg an droighinn, is e seo an tì a tha a’ cluinntinn an fhacail; agus tha ro‑chùram an t‑saoghail seo#Lùc 14:16‐24, agus mealltaireachd beartais, a’ mùchadh an fhacail#Marc 10:23; 1 Tim 6:9; 2 Tim 4:10, agus bidh e gun toradh.
23Ach an tì ud a ghabh sìol ann an deagh fhearann, is e sin an neach a tha a’ cluinntinn an fhacail, agus ga thoirt fa‑near; neach mar an ceudna a tha a’ giùlan toraidh#Eòin 15:5, agus a tha a’ toirt a‑mach cuid a cheud uiread, cuid a thrì‐fichead, agus cuid eile a dheich‐ar‑fhichead uiread is a chuireadh.
24Chuir e cosamhlachd eile a‑mach dhaibh, ag ràdh#Isa 28:10, 13, Is cosmhail rìoghachd nèimh ri duine a chuir sìol math na fhearann#1 Pead 1:23:
25Agus nuair a bha daoine nan cadal, thàinig a nàmhaid agus chuir e cogal#13:25 goin‐fheur. am measg a’ chruithneachd, agus dh’imich e roimhe.
26Ach nuair a thàinig an t‑arbhar fo dhèis, agus a thug e a‑mach a thoradh, dh’fhoillsich an cogal e fhèin mar an ceudna.
27Agus air teachd do sheirbhisich fhir‐an‑taighe thubhairt iad ris, A thighearna, nach do chuir thusa sìol math ann ad fhearann? Càite, mas eadh, an d’fhuair e an cogal?
28Thubhairt esan riu, Rinn nàmhaid‐eigin seo. Agus thubhairt na seirbhisich ris, An àill leat, uime sin, gun tèid sinne agus gun cruinnich sinn ri chèile iad?
29Ach thubhairt esan, Chan àill; air eagal nuair a chruinnicheas sibh an cogal, gun spìon sibh an cruithneachd maille ris#1 Cor 4:5.
30Leigibh leo fàs araon gus an tig am fogharadh: agus ann an àm an fhogharaidh their mise ris an luchd‐buana, Cruinnichibh air tùs an cogal#Mal 3:18; 4:1, 2, agus ceanglaibh e na cheanglachain a‑chum a losgaidh: ach cruinnichibh an cruithneachd dom shabhal#Lùc 3:17.
31Chuir e a‑mach cosamhlachd eile dhaibh, ag ràdh, Tha rìoghachd nèimh cosmhail ri gràinne de shìol mustaird#Marc 4:30, a ghabh neach agus a chuir e na fhearann.
32Nì gun amharas as lugha de gach uile phòr: gidheadh air fàs dha, is e as mò de na luibheannan, agus fàsaidh e na chrann, ionnas gun tig eunlaith an adhair, agus gun dèan iad neadan na gheugan.
33Cosamhlachd eile labhair e riu: Is cosmhail rìoghachd nèimh ri taois ghoirt, a ghabh bean agus a dh’fhalaich i ann an trì tomhaisean mine, gus an do ghortaicheadh an t‑iomlan.
34Na nithean sin uile labhair Iosa ris a’ phoball ann an cosamhlachdan#Marc 4:33; agus gun chosamhlachd cha do labhair e riu:
35A‑chum gun coileante an nì a labhradh leis an fhàidh, ag ràdh, Fosglaidh mi mo bheul ann an cosamhlachdan#Salm 78:2, cuiridh mi an cèill nithean a bha falaichte o thoiseach an t‑saoghail#Lùc 10:24; Ròm 16:25, 26; Col 1:26.
36An sin chuir Iosa am poball air falbh, agus chaidh e a‑steach don taigh: agus thàinig a dheisciobail da ionnsaigh, ag ràdh, Mìnich dhuinne cosamhlachd cogal an fhearainn.
37Agus fhreagair esan agus thubhairt e riu, An tì a chuireas an sìol math is e Mac an Duine e:
38Is e am fearann an domhan#Ròm 10:18; Col 1:6: agus is e an sìol math clann na rìoghachd#1 Pead 1:23: ach is e an cogal clann an droch spioraid#Eòin 8:44; Gnìo 13:10; 1 Eòin 3:8:
39Is e an nàmhaid a chuir iad an diabhal: is e am fogharadh deireadh an t‑saoghail#Ioel 3:13; Tais 14:15: agus is iad na buanaichean na h‑aingil#Tais 14:15‐19.
40Agus amhail a chruinnichear an cogal, agus a loisgear le teine e, is ann mar sin a bhios ann an deireadh an t‑saoghail seo.
41Cuiridh Mac an Duine aingil uaithe, agus tionailidh iad as a rìoghachd na h‑uile nithean a bheir oilbheum, agus iadsan a tha a’ dèanamh aingidheachd#Lùc 13:27;
42Agus tilgidh iad iad anns an àmhainn air dearg‐lasadh#Mat 3:12; Tais 19:20; 20:10: an sin bidh gul agus gìosgan fhiacal#Mat 8:12.
43An sin dealraichidh na fìreanan mar a’ ghrian#Daniel 12:3; 1 Cor 15:49, ann an rìoghachd an Athar fhèin. Ge bè aig a bheil cluasan a‑chum èisdeachd, èisdeadh e.
44A‑rìs, tha rìoghachd nèimh cosmhail ri ionmhas air fhalach ann am fearann#Gnà 2:4, 5; nì an dèidh fhaotainn, a dh’fhalaich duine, agus air sgàth a ghàirdeachais air a shon, dh’imich e agus reic e na bha aige uile#Philip 3:7, 8, agus cheannaich e am fearann sin#Isa 55:1; Tais 3:18.
45A‑rìs, is cosmhail rìoghachd nèimh ri ceannaiche àraidh ag iarraidh neamhnaidean maiseach:
46Agus air amas dha air aon neamhnaid ro‑luachmhoir#Gnà 3:14, 15; 8:11, dh’imich e agus reic e na bha aige, agus cheannaich e i.
47A‑rìs, tha rìoghachd nèimh cosmhail ri lìon air a thilgeadh anns an fhairge, agus a chruinnich de gach uile sheòrsa èisg#Mat 22:10:
48Agus air dha a bhith làn, tharraing na h‑iasgairean e a‑chum na tràighe, agus air suidhe dhaibh, chruinnich iad na h‑èisg mhatha ann an soithichean, ach thilg iad na droch èisg a‑mach.
49Is ann mar sin a bhios ann an deireadh an t‑saoghail: thèid na h‑aingil a‑mach, agus dealaichidh iad na droch dhaoine à measg nam fìreanan#Mat 25:32;
50Agus tilgidh iad iad anns an àmhainn theinntich#Mat 13:42: an sin bidh gul agus gìosgan fhiacal.
51Thubhairt Iosa riu, An do thuig sibh na nithean seo uile? Thubhairt iad ris, Thuig, a Thighearna.
52Agus thubhairt esan riu, Air an adhbhar sin, gach uile sgrìobhaiche a tha fòghlaimte a‑chum rìoghachd nèimh, is cosmhail e ri fear‐taighe, a bheir a‑mach as ionmhas nithean nuadh agus sean#DànShol 7:13.
53Agus thachair, nuair a chrìochnaich Iosa na cosamhlachdan seo, gun d’imich e as a sin.
54Agus nuair a thàinig e da dhùthaich fhèin#Marc 6:1, etc.; Lùc 4:16, etc., theagaisg e iad nan sionagog, ionnas gun do ghabh iad iongantas, agus gun dubhairt iad, Càit an d’fhuair am fear seo an gliocas seo, agus na feartan seo?
55Nach e seo mac an t‑saoir? Nach e ainm a mhàthar Muire? Nach iad a bhràithrean Seumas, agus Iòses, agus Sìmon, agus Iùdas?
56Agus a pheathraichean, nach eil iad uile maille rinn? Càit uime sin an d’fhuair an duine seo na nithean ud uile?
57Agus fhuair iad oilbheum ann#Isa 49:7; 53:3; Eòin 6:42. Ach thubhairt Iosa riu, Chan eil fàidh gun urram ach na dhùthaich fhèin, agus na thaigh fhèin.
58Agus cha do rinn e mòran obraichean cumhachdach an sin, airson am mì‑chreidimh.
Currently Selected:
Mata 13: ABIG
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017