Efesɔs 4
4
Bàw nwaa vɨɨ Nwi lùu nə nu kəmuꞌ, faꞌ vəfaꞌ vəvəŋ tɔ tɔ
1Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə. 2Viŋ bwasə yiŋwaa yiŋ nsi, kɨ yɨsə vənu fɨ taa bwaŋnə. Viŋ jia fwi siŋ, kɨ kawnə yiŋwaa yiŋ ghee nshə. 3Kɨɨtə maa məkii fwi yimuꞌ fɨ taa Zwitə Nwi. Nɨniŋ, viŋ taa duꞌ nyɔŋ viŋ viŋ. 4Nwaa Kristo luu muꞌ, Zwitə Nwi luu kəmuꞌ, sheꞌ faŋ nu ŋkɨə faŋ viŋ tə sɨ shɔ nə, lùu kəmuꞌ nɨzi. Nwi nə tìi viŋ maa nu kɔ́ kəmuꞌ nə. 5Tɨɨ faꞌ wiŋ luu muꞌ. Viŋ biŋ Nwi maa jɨɨ yimuꞌ. Muu mə Nwi faŋ viŋ nə fi nə, lùu fəmuꞌ. 6Nwi, tɨta vɨɨ vənshə luu muꞌ. Sɔꞌ ŋwə sɔꞌ nsiŋ vənshə, faꞌ taa ŋwaa nsiŋ vənshə, shi taa fwisə nsiŋ vənshə. 7Ŋwə nə tu mənɔŋ-bwaŋnə tɔ nsiŋ vənshə, key nsiŋ vənshə nə vəkeynə vi, sheꞌ faŋ Kristo fɨ̀ꞌ vəkeynə vɔ́ tɨ́ nsiŋ tɔ tɔ. 8Nɨniŋ, ŋwaꞌlə Nwi gì laa, «Ŋwə nə kòꞌ yizɔ nə vəbuꞌ və yighaw faŋ ŋwə jiatə, kèy vɨɨ nə vətɔ.» #Sam 68.19. 9Faŋ vɨ nyɔ̀ꞌ laa ŋwə nə kòꞌ yizɔ nə, maa ŋkə də̀ laa ŋwə nə bɨ sìꞌ fɨ yizɔ, ŋìi shɨ nsi. 10Wə ntɨə faŋ ŋwə nə sìꞌ fɨ taa yizɔ nə, lùu wə ntɨə faŋ ŋwə nə baa koꞌ gə̀ taa yizɔ ntaŋ, laa ŋwə lwesə mbi yinshə. 11Vəkɔ vi faŋ ŋwə nə kɔ̀ tɨ́ vɨɨ nə, lùu laa vɨɨ mɔ́ꞌ lùu vɨɨ ntɔŋ vi, vɨɨ mɔ́ꞌ luu nshiisə-ŋii sɔghɔ, vɨɨ mɔ́ꞌ luu vɨɨ məfɨꞌtə nu Nwi, vɨɨ mɔ́ꞌ luu vɨɨ mətɨsə vɨɨ, vɨɨ mɔ́ꞌ luu vɨɨ mədeesə. 12Ŋwə nùŋ vɨɨ vɔ́ nɨniŋ, laa vəŋ kɨ lootə vɨɨ Nwi, vəŋ kuꞌnə maa məfaꞌ faꞌ vəŋ tɨ́ Nwi, laa ŋwaa Kristo kɨ gə vɨsɨ vɨsɨ. 13Nɨniŋ, nsiŋ vənshə ndɔ luu fa kəmuꞌ maa nu ŋkɨə faŋ nsiŋ nùŋ fwi saŋ-nsiŋ maa Kristo, Wee Nwi nə, kɨ̀ɨ nə ŋwə, baa nə nu ki ŋkee jəə. Nɨniŋ nə, nsiŋ ta, gù vɨɨ taanə maa nu Nwi, nə vɨɨ faŋ nu Kristo lwàŋ taa fwisə vəŋ. 14Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə. 15Bàw nsiŋ kɨ toꞌ sheꞌ maa jɨɨ yinsəŋ, kàw Yeso Kristo faŋ ŋwə lùu tɔ taa ŋwaa nsiŋ nə. Nsiŋ kɨ weꞌ maa nu ki, gə̀ vɨsɨ vɨsɨ. 16Faŋ nsiŋ lùu ŋwaa Kristo, Kristo lùu tɔ taa ŋwaa nsiŋ nə, ŋwə yɨ̀ vədɨꞌ vənshə fɨ maa ŋwə ghaytə fàynə, buꞌ laa vəyəə vi vənshə faynə̀, faŋ mfɨꞌ wutə vəŋ kùꞌnə tɔ tɔ maa məfaꞌ faꞌ nə, ŋwaa ghɔ́ nshə ta, gə vɨsɨ, faŋ vəlaŋ vi kawnə vəŋ vəŋ nə.
Nshinə vɨɨ Kristo
17Nɨniŋ, mə gì tɨ́ viŋ, tɨsə viŋ maa yizii tɨta Yeso laa, kɨ viŋ kɨ toꞌ ghuu yitoꞌ kiŋ yaa vɨɨ məmanə Nwi me, faŋ vəŋ toꞌ nə nu vəmfaw vəŋ faŋ vəŋ beꞌsə nə. 18Mbɨꞌtə vəŋ kee ley me. Məbwey Nwi bəə fɨ taa fwisə vəŋ, buꞌ faŋ vəŋ kee kɨ̀ɨ nə nu me, fwisə vəŋ fɨ̀. 19Faŋ fwisə vəŋ lùu yaa ŋku fa nə, vəŋ kɔ ŋwaa vəŋ maa məzɨ shɨ, yɨsə vənu vəbwəvə vənshə. Fwisə vəŋ ndɔ maa vətɔ. 20Gə fɨ maa viŋ, viŋ nə zwètə nu Kristo, faŋ ŋkə luu ŋkee nɨŋkwiŋ. 21Viŋ nə kee zɔ̀ nu Kristo yimu? Maa vɨ nə dèesə viŋ nə nu kɔ́? Maa viŋ kɨɨ nə nu yinsəŋ Yeso, 22faŋ lùu laa, viŋ baꞌsə vənu vəmwavə fɨ maa viŋ, faŋ viŋ nəə yɨsə yighee vɨsɨ nə, faŋ fwi siŋ nəə ndɔ maa vətɔ və məbweꞌsə ŋwaa, faŋ mbə bɨsə yiŋwaa yiŋ nə. 23Nɨniŋ, nu kiŋ nə luu laa viŋ kwiinə fwi siŋ, nsə bɔŋsə maa Zwitə Nwi. 24Viŋ mɔꞌ nshinə yifi maa viŋ faŋ vɨ nàysə maa ŋkɨꞌnə Nwi. Viŋ kɨ toꞌ maa jɨɨ yiloomə, baa nə yaa vɨɨ ley Nwi maa yinsəŋ.
25Nɨniŋ, viŋ meꞌtə təba, kɨ gisə nu ŋkɨə faŋ ŋkə lùu nu yinsəŋ viŋ viŋ, buꞌ laa nsiŋ lùu laŋnə ŋwaa kəmuꞌ. 26Kɨ luu fwi siŋ za, kɨ viŋ yɨ nu bwə me, kee biŋ laa shɨshwi fiŋ, maa laa viŋ mètə ntay yiŋ me. 27Kɨ viŋ kɔ jɨɨ tɨ́ tɨɨ vəzwitə vəbwəvə laa ŋwə ŋii taa ŋwaa viŋ me. 28Kɨ ndɔꞌ baa kɨ shaw fa me! Bàw ŋwə faꞌ nə ghɔ, baa nə wutə, tɨ́ kaꞌ ŋwə yɨ̀ nu jəə, baa gàŋtə vɨɨ ŋɨꞌ. 29Kɨ tuu ŋkee nu bwə fuu fɨ shuu viŋ me; kɨ fuu sheꞌ yigisə yijəənə, tɨ́ kaꞌ nyə jwi nə mənɔŋ-bwaŋnə tɨ́ vɨɨ mbɨə faŋ vəŋ zɔ yigi yɔ́, gàŋtə vəŋ maa nu ŋkɨə faŋ ŋkə ghɔꞌ vəŋ. 30Kɨ viŋ yɨ laa Zwitə Ley Nwi luŋ me, buꞌ laa Nwi kɔ Zwitə ki kɔ́ tɨ́ viŋ, shwèe shwenə ki maa viŋ, yɨ̀ laa viŋ ndɔ fuu fɨ taa nsɔꞌ Nwi maa shi ŋkɨə faŋ vɨ ndɔ bweysə vɨɨ fɨ fuŋ. 31Bàw viŋ meꞌ fwi yibiŋ, nə too bwənə, nə məshəsə, nə ndisə, fɨ taa ŋwaa viŋ. Viŋ meꞌ vənu vəbwəvə vənshə! 32Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.
Currently Selected:
Efesɔs 4: bav
Highlight
Copy
Compare
Share
Want to have your highlights saved across all your devices? Sign up or sign in
© 1993, Wycliffe Bible Translators, Inc. All rights reserved.
Efesɔs 4
4
Bàw nwaa vɨɨ Nwi lùu nə nu kəmuꞌ, faꞌ vəfaꞌ vəvəŋ tɔ tɔ
1Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə. 2Viŋ bwasə yiŋwaa yiŋ nsi, kɨ yɨsə vənu fɨ taa bwaŋnə. Viŋ jia fwi siŋ, kɨ kawnə yiŋwaa yiŋ ghee nshə. 3Kɨɨtə maa məkii fwi yimuꞌ fɨ taa Zwitə Nwi. Nɨniŋ, viŋ taa duꞌ nyɔŋ viŋ viŋ. 4Nwaa Kristo luu muꞌ, Zwitə Nwi luu kəmuꞌ, sheꞌ faŋ nu ŋkɨə faŋ viŋ tə sɨ shɔ nə, lùu kəmuꞌ nɨzi. Nwi nə tìi viŋ maa nu kɔ́ kəmuꞌ nə. 5Tɨɨ faꞌ wiŋ luu muꞌ. Viŋ biŋ Nwi maa jɨɨ yimuꞌ. Muu mə Nwi faŋ viŋ nə fi nə, lùu fəmuꞌ. 6Nwi, tɨta vɨɨ vənshə luu muꞌ. Sɔꞌ ŋwə sɔꞌ nsiŋ vənshə, faꞌ taa ŋwaa nsiŋ vənshə, shi taa fwisə nsiŋ vənshə. 7Ŋwə nə tu mənɔŋ-bwaŋnə tɔ nsiŋ vənshə, key nsiŋ vənshə nə vəkeynə vi, sheꞌ faŋ Kristo fɨ̀ꞌ vəkeynə vɔ́ tɨ́ nsiŋ tɔ tɔ. 8Nɨniŋ, ŋwaꞌlə Nwi gì laa, «Ŋwə nə kòꞌ yizɔ nə vəbuꞌ və yighaw faŋ ŋwə jiatə, kèy vɨɨ nə vətɔ.» #Sam 68.19. 9Faŋ vɨ nyɔ̀ꞌ laa ŋwə nə kòꞌ yizɔ nə, maa ŋkə də̀ laa ŋwə nə bɨ sìꞌ fɨ yizɔ, ŋìi shɨ nsi. 10Wə ntɨə faŋ ŋwə nə sìꞌ fɨ taa yizɔ nə, lùu wə ntɨə faŋ ŋwə nə baa koꞌ gə̀ taa yizɔ ntaŋ, laa ŋwə lwesə mbi yinshə. 11Vəkɔ vi faŋ ŋwə nə kɔ̀ tɨ́ vɨɨ nə, lùu laa vɨɨ mɔ́ꞌ lùu vɨɨ ntɔŋ vi, vɨɨ mɔ́ꞌ luu nshiisə-ŋii sɔghɔ, vɨɨ mɔ́ꞌ luu vɨɨ məfɨꞌtə nu Nwi, vɨɨ mɔ́ꞌ luu vɨɨ mətɨsə vɨɨ, vɨɨ mɔ́ꞌ luu vɨɨ mədeesə. 12Ŋwə nùŋ vɨɨ vɔ́ nɨniŋ, laa vəŋ kɨ lootə vɨɨ Nwi, vəŋ kuꞌnə maa məfaꞌ faꞌ vəŋ tɨ́ Nwi, laa ŋwaa Kristo kɨ gə vɨsɨ vɨsɨ. 13Nɨniŋ, nsiŋ vənshə ndɔ luu fa kəmuꞌ maa nu ŋkɨə faŋ nsiŋ nùŋ fwi saŋ-nsiŋ maa Kristo, Wee Nwi nə, kɨ̀ɨ nə ŋwə, baa nə nu ki ŋkee jəə. Nɨniŋ nə, nsiŋ ta, gù vɨɨ taanə maa nu Nwi, nə vɨɨ faŋ nu Kristo lwàŋ taa fwisə vəŋ. 14Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə. 15Bàw nsiŋ kɨ toꞌ sheꞌ maa jɨɨ yinsəŋ, kàw Yeso Kristo faŋ ŋwə lùu tɔ taa ŋwaa nsiŋ nə. Nsiŋ kɨ weꞌ maa nu ki, gə̀ vɨsɨ vɨsɨ. 16Faŋ nsiŋ lùu ŋwaa Kristo, Kristo lùu tɔ taa ŋwaa nsiŋ nə, ŋwə yɨ̀ vədɨꞌ vənshə fɨ maa ŋwə ghaytə fàynə, buꞌ laa vəyəə vi vənshə faynə̀, faŋ mfɨꞌ wutə vəŋ kùꞌnə tɔ tɔ maa məfaꞌ faꞌ nə, ŋwaa ghɔ́ nshə ta, gə vɨsɨ, faŋ vəlaŋ vi kawnə vəŋ vəŋ nə.
Nshinə vɨɨ Kristo
17Nɨniŋ, mə gì tɨ́ viŋ, tɨsə viŋ maa yizii tɨta Yeso laa, kɨ viŋ kɨ toꞌ ghuu yitoꞌ kiŋ yaa vɨɨ məmanə Nwi me, faŋ vəŋ toꞌ nə nu vəmfaw vəŋ faŋ vəŋ beꞌsə nə. 18Mbɨꞌtə vəŋ kee ley me. Məbwey Nwi bəə fɨ taa fwisə vəŋ, buꞌ faŋ vəŋ kee kɨ̀ɨ nə nu me, fwisə vəŋ fɨ̀. 19Faŋ fwisə vəŋ lùu yaa ŋku fa nə, vəŋ kɔ ŋwaa vəŋ maa məzɨ shɨ, yɨsə vənu vəbwəvə vənshə. Fwisə vəŋ ndɔ maa vətɔ. 20Gə fɨ maa viŋ, viŋ nə zwètə nu Kristo, faŋ ŋkə luu ŋkee nɨŋkwiŋ. 21Viŋ nə kee zɔ̀ nu Kristo yimu? Maa vɨ nə dèesə viŋ nə nu kɔ́? Maa viŋ kɨɨ nə nu yinsəŋ Yeso, 22faŋ lùu laa, viŋ baꞌsə vənu vəmwavə fɨ maa viŋ, faŋ viŋ nəə yɨsə yighee vɨsɨ nə, faŋ fwi siŋ nəə ndɔ maa vətɔ və məbweꞌsə ŋwaa, faŋ mbə bɨsə yiŋwaa yiŋ nə. 23Nɨniŋ, nu kiŋ nə luu laa viŋ kwiinə fwi siŋ, nsə bɔŋsə maa Zwitə Nwi. 24Viŋ mɔꞌ nshinə yifi maa viŋ faŋ vɨ nàysə maa ŋkɨꞌnə Nwi. Viŋ kɨ toꞌ maa jɨɨ yiloomə, baa nə yaa vɨɨ ley Nwi maa yinsəŋ.
25Nɨniŋ, viŋ meꞌtə təba, kɨ gisə nu ŋkɨə faŋ ŋkə lùu nu yinsəŋ viŋ viŋ, buꞌ laa nsiŋ lùu laŋnə ŋwaa kəmuꞌ. 26Kɨ luu fwi siŋ za, kɨ viŋ yɨ nu bwə me, kee biŋ laa shɨshwi fiŋ, maa laa viŋ mètə ntay yiŋ me. 27Kɨ viŋ kɔ jɨɨ tɨ́ tɨɨ vəzwitə vəbwəvə laa ŋwə ŋii taa ŋwaa viŋ me. 28Kɨ ndɔꞌ baa kɨ shaw fa me! Bàw ŋwə faꞌ nə ghɔ, baa nə wutə, tɨ́ kaꞌ ŋwə yɨ̀ nu jəə, baa gàŋtə vɨɨ ŋɨꞌ. 29Kɨ tuu ŋkee nu bwə fuu fɨ shuu viŋ me; kɨ fuu sheꞌ yigisə yijəənə, tɨ́ kaꞌ nyə jwi nə mənɔŋ-bwaŋnə tɨ́ vɨɨ mbɨə faŋ vəŋ zɔ yigi yɔ́, gàŋtə vəŋ maa nu ŋkɨə faŋ ŋkə ghɔꞌ vəŋ. 30Kɨ viŋ yɨ laa Zwitə Ley Nwi luŋ me, buꞌ laa Nwi kɔ Zwitə ki kɔ́ tɨ́ viŋ, shwèe shwenə ki maa viŋ, yɨ̀ laa viŋ ndɔ fuu fɨ taa nsɔꞌ Nwi maa shi ŋkɨə faŋ vɨ ndɔ bweysə vɨɨ fɨ fuŋ. 31Bàw viŋ meꞌ fwi yibiŋ, nə too bwənə, nə məshəsə, nə ndisə, fɨ taa ŋwaa viŋ. Viŋ meꞌ vənu vəbwəvə vənshə! 32Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1993, Wycliffe Bible Translators, Inc. All rights reserved.