Efesɔs 2
2
Faŋ Nwi kɔ məbwey vəlwaŋ tɨ́ nsiŋ buꞌ Yeso Kristo
1Viŋ yaa luu vəŋku və vɨɨ, buꞌ vənu vəbwəvə viŋ nə ghuu yitoꞌ kiŋ kəbwəkə. 2Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə. 3Nə luu yighee vɨsɨ, nsiŋ vənshə nəə toꞌ ghuu yitoꞌ kaŋ-nsiŋ taa ŋwaa vɨɨ mətwey nu Nwi, yɨsə vənu mbɨə faŋ mbasə ŋwaa ŋwaa-nsiŋ nəə kaw, nə vənu mbɨə faŋ nsiŋ nəə bɨꞌtə fɨ taa fwi saŋ-nsiŋ. Nɨniŋ, nsiŋ yaa luu vɨɨ faŋ nsɔꞌ Nwi lùu tɔ vəŋ, buꞌ fwi yibwə nyaa-nsiŋ, sheꞌ yuu vəŋ. 4Luu nə, Nwi faŋ ŋwə kee gəŋsə vɨɨ dɨdɨꞌ nə, ŋwə nə kaw nsiŋ shɔ̀ɔ, 5kɔ̀ məbwey tɨ́ nsiŋ fɨ yiba Kristo maa yighee njyə faŋ nsiŋ nəə kɨ bii vəŋku və vɨɨ taa nu bwə kaŋ-nsiŋ nə. Luu sheꞌ buꞌ gəŋsə Nwi, laa Nwi bweysə viŋ ndwə. 6Ŋwə nə ywèysə nsiŋ fɨ yiba jɨŋ Kristo, nùŋsə nsiŋ yizɔ, nsiŋ vɨ vəŋ. 7Lùu faŋ ŋwə də ŋkawnə yi tɨ́ vɨɨ fɨ taa mbi yifi faŋ nyə ndɔ jwi nə. Vɨ ndɔ kɨɨ nə gəŋsə Nwi fɨ maa nu ŋkɨə faŋ ŋwə nə kee gəŋ saŋ-nsiŋ dɨdɨꞌ, gaŋtə nsiŋ dɨdɨꞌ buꞌ Yeso Kristo nə. 8Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ. 9Viŋ kee bwèy buꞌ vənu vəjəəvə viŋ faŋ viŋ yɨsə me. Nɨniŋ laa kɨ wə kɨ bəŋsə ŋwaa wi me. 10Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.
Faŋ kaꞌ viŋ kee baa lùu vəndɔ me; viŋ lùu vɨɨ ŋiꞌ ŋii Nwi
11Nɨniŋ, viŋ lumə laa viŋ yaa luu vɨɨ məmanə Nwi shù fɨ taa njyoꞌsə vənshwi viŋ. Vɨɨ mbɨə faŋ vɨ tii vəŋ nə vɨɨ faŋ vɨ nə nàysə, buꞌ faŋ vɨ nàysə ŋwaa vəŋ nə ghɔ nə, vəŋ nə tìi viŋ nə tənswia. 12Nə luu maa yighee yɔ́, viŋ vɨ Kristo kee lùu nə nu me. Viŋ nə luu vətɔŋ taa nu vɨɨ Isirayl, kee ŋìi taa məkee mbɨə faŋ Nwi nə gwìa ghɔ vɨ vɨɨ Isirayl me, faŋ Nwi nə kɔ̀ꞌnə vənu tɨ́ vəŋ nə me. Viŋ nə dùꞌ sheꞌ fu, kee kɨꞌ nu jəə faŋ ŋkə taa jwi nə me, kee bee lùu viŋ vɨ Nwi me. 13Luu nə, ndwə faŋ viŋ gù fa kəmuꞌ, viŋ vɨ Kristo nə, viŋ faŋ viŋ nə luu ntaŋ fɨ yɨ Nwi yighee vɨsɨ, viŋ shə̀ŋtə jwi yɨ Nwi buꞌ nu mənshi mə Yeso Kristo, faŋ ŋwə nə kù tɔ nsiŋ nə. 14Nshɨ-tɔ Kristo yɨsə nsiŋ duꞌ nyɔŋ nsiŋ nsiŋ. Ŋwə fàynə vɨɨ Isirayl nə vɨɨ tɔmə day, laa nsiŋ luu fa kəmuꞌ ndwə. Ŋwə bàꞌsə ŋkɔꞌ njyə faŋ nyə nə gaasə vɨɨ nə. Nɨniŋ laa ŋwə nə metə mbeenə vəŋ, faŋ ŋwə nə kɔ̀ ŋwaa wi tɨ́ yiku nə. 15Ŋwə nə ndìsə nuŋsə njyə faŋ Nwi nə kɔ̀ tɨ́ vɨɨ Isirayl, ndì kəŋ vɨɨ vɔ́ vəbɔɔ nə, kìasə vəŋ, vəŋ lùu fa kəmuꞌ ndwə fɨ yiba jɨŋ Kristo faŋ ŋwə nə fàynə yigisə vəŋ. 16Nɨniŋ, ŋwə mètə nsɔꞌ vəŋ vəbɔɔ, yɨ̀ vəŋ lùu fa kəmuꞌ ghɔ vɨ Nwi. Lùu nɨniŋ buꞌ yiku Kristo, faŋ ŋwə nə kù tɔ vəŋ fuu fəŋkɔꞌ fə ŋkɨꞌsə nə. 17Ŋwə nə jwì nɨniŋ, fɨꞌtə ntɔŋ yijəə tɨ́ viŋ, viŋ vɨɨ faŋ viŋ yaa luu ntaŋ nə, nə tɨ́ vɨɨ mbɨə faŋ vəŋ nə luu nshənə. Ntɔŋ yijəə yɔ́ də̀ jɨɨ məduꞌ nyɔŋ tɨ́ nsiŋ. 18Luu sheꞌ buꞌ ŋwə laa nsiŋ kìi jɨɨ, ŋìi yɨ tɨta Nwi taa Zwitə ki kəmuꞌ ndwə. 19Nɨniŋ, viŋ kee baa lùu vəndɔ me, viŋ kɨ nii lùu mbinə-mbinə taa ŋwaa vɨɨ ley Nwi, baa lùu vɨɨ ŋiꞌ ŋii Nwi. 20Viŋ lùu ŋii Nwi, faŋ vɨ bɔ̀ŋ viŋ fuu vɨɨ ntɔŋ Kristo nə nshiisə-ŋii sɔghɔ. Vɨɨ ntɔŋ Kristo vɔ́ lùu shɨŋii kɔ́. Yeso Kristo luu ŋoꞌ mfay ŋii yɔ́. 21Ŋii yɔ́ yinshə tɨ̀ŋ fuu yi, kɨ ta, gù ŋii yiley tɨ́ tɨta Nwi. 22Nɨniŋ, vɨ fìanə viŋ shɔ nɨzi, maa ŋii Nwi yɔ́ faŋ Zwitə Ley Nwi shi taa tey yi.
Currently Selected:
Efesɔs 2: bav
Highlight
Copy
Compare
Share
Want to have your highlights saved across all your devices? Sign up or sign in
© 1993, Wycliffe Bible Translators, Inc. All rights reserved.
Efesɔs 2
2
Faŋ Nwi kɔ məbwey vəlwaŋ tɨ́ nsiŋ buꞌ Yeso Kristo
1Viŋ yaa luu vəŋku və vɨɨ, buꞌ vənu vəbwəvə viŋ nə ghuu yitoꞌ kiŋ kəbwəkə. 2Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə. 3Nə luu yighee vɨsɨ, nsiŋ vənshə nəə toꞌ ghuu yitoꞌ kaŋ-nsiŋ taa ŋwaa vɨɨ mətwey nu Nwi, yɨsə vənu mbɨə faŋ mbasə ŋwaa ŋwaa-nsiŋ nəə kaw, nə vənu mbɨə faŋ nsiŋ nəə bɨꞌtə fɨ taa fwi saŋ-nsiŋ. Nɨniŋ, nsiŋ yaa luu vɨɨ faŋ nsɔꞌ Nwi lùu tɔ vəŋ, buꞌ fwi yibwə nyaa-nsiŋ, sheꞌ yuu vəŋ. 4Luu nə, Nwi faŋ ŋwə kee gəŋsə vɨɨ dɨdɨꞌ nə, ŋwə nə kaw nsiŋ shɔ̀ɔ, 5kɔ̀ məbwey tɨ́ nsiŋ fɨ yiba Kristo maa yighee njyə faŋ nsiŋ nəə kɨ bii vəŋku və vɨɨ taa nu bwə kaŋ-nsiŋ nə. Luu sheꞌ buꞌ gəŋsə Nwi, laa Nwi bweysə viŋ ndwə. 6Ŋwə nə ywèysə nsiŋ fɨ yiba jɨŋ Kristo, nùŋsə nsiŋ yizɔ, nsiŋ vɨ vəŋ. 7Lùu faŋ ŋwə də ŋkawnə yi tɨ́ vɨɨ fɨ taa mbi yifi faŋ nyə ndɔ jwi nə. Vɨ ndɔ kɨɨ nə gəŋsə Nwi fɨ maa nu ŋkɨə faŋ ŋwə nə kee gəŋ saŋ-nsiŋ dɨdɨꞌ, gaŋtə nsiŋ dɨdɨꞌ buꞌ Yeso Kristo nə. 8Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ. 9Viŋ kee bwèy buꞌ vənu vəjəəvə viŋ faŋ viŋ yɨsə me. Nɨniŋ laa kɨ wə kɨ bəŋsə ŋwaa wi me. 10Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.
Faŋ kaꞌ viŋ kee baa lùu vəndɔ me; viŋ lùu vɨɨ ŋiꞌ ŋii Nwi
11Nɨniŋ, viŋ lumə laa viŋ yaa luu vɨɨ məmanə Nwi shù fɨ taa njyoꞌsə vənshwi viŋ. Vɨɨ mbɨə faŋ vɨ tii vəŋ nə vɨɨ faŋ vɨ nə nàysə, buꞌ faŋ vɨ nàysə ŋwaa vəŋ nə ghɔ nə, vəŋ nə tìi viŋ nə tənswia. 12Nə luu maa yighee yɔ́, viŋ vɨ Kristo kee lùu nə nu me. Viŋ nə luu vətɔŋ taa nu vɨɨ Isirayl, kee ŋìi taa məkee mbɨə faŋ Nwi nə gwìa ghɔ vɨ vɨɨ Isirayl me, faŋ Nwi nə kɔ̀ꞌnə vənu tɨ́ vəŋ nə me. Viŋ nə dùꞌ sheꞌ fu, kee kɨꞌ nu jəə faŋ ŋkə taa jwi nə me, kee bee lùu viŋ vɨ Nwi me. 13Luu nə, ndwə faŋ viŋ gù fa kəmuꞌ, viŋ vɨ Kristo nə, viŋ faŋ viŋ nə luu ntaŋ fɨ yɨ Nwi yighee vɨsɨ, viŋ shə̀ŋtə jwi yɨ Nwi buꞌ nu mənshi mə Yeso Kristo, faŋ ŋwə nə kù tɔ nsiŋ nə. 14Nshɨ-tɔ Kristo yɨsə nsiŋ duꞌ nyɔŋ nsiŋ nsiŋ. Ŋwə fàynə vɨɨ Isirayl nə vɨɨ tɔmə day, laa nsiŋ luu fa kəmuꞌ ndwə. Ŋwə bàꞌsə ŋkɔꞌ njyə faŋ nyə nə gaasə vɨɨ nə. Nɨniŋ laa ŋwə nə metə mbeenə vəŋ, faŋ ŋwə nə kɔ̀ ŋwaa wi tɨ́ yiku nə. 15Ŋwə nə ndìsə nuŋsə njyə faŋ Nwi nə kɔ̀ tɨ́ vɨɨ Isirayl, ndì kəŋ vɨɨ vɔ́ vəbɔɔ nə, kìasə vəŋ, vəŋ lùu fa kəmuꞌ ndwə fɨ yiba jɨŋ Kristo faŋ ŋwə nə fàynə yigisə vəŋ. 16Nɨniŋ, ŋwə mètə nsɔꞌ vəŋ vəbɔɔ, yɨ̀ vəŋ lùu fa kəmuꞌ ghɔ vɨ Nwi. Lùu nɨniŋ buꞌ yiku Kristo, faŋ ŋwə nə kù tɔ vəŋ fuu fəŋkɔꞌ fə ŋkɨꞌsə nə. 17Ŋwə nə jwì nɨniŋ, fɨꞌtə ntɔŋ yijəə tɨ́ viŋ, viŋ vɨɨ faŋ viŋ yaa luu ntaŋ nə, nə tɨ́ vɨɨ mbɨə faŋ vəŋ nə luu nshənə. Ntɔŋ yijəə yɔ́ də̀ jɨɨ məduꞌ nyɔŋ tɨ́ nsiŋ. 18Luu sheꞌ buꞌ ŋwə laa nsiŋ kìi jɨɨ, ŋìi yɨ tɨta Nwi taa Zwitə ki kəmuꞌ ndwə. 19Nɨniŋ, viŋ kee baa lùu vəndɔ me, viŋ kɨ nii lùu mbinə-mbinə taa ŋwaa vɨɨ ley Nwi, baa lùu vɨɨ ŋiꞌ ŋii Nwi. 20Viŋ lùu ŋii Nwi, faŋ vɨ bɔ̀ŋ viŋ fuu vɨɨ ntɔŋ Kristo nə nshiisə-ŋii sɔghɔ. Vɨɨ ntɔŋ Kristo vɔ́ lùu shɨŋii kɔ́. Yeso Kristo luu ŋoꞌ mfay ŋii yɔ́. 21Ŋii yɔ́ yinshə tɨ̀ŋ fuu yi, kɨ ta, gù ŋii yiley tɨ́ tɨta Nwi. 22Nɨniŋ, vɨ fìanə viŋ shɔ nɨzi, maa ŋii Nwi yɔ́ faŋ Zwitə Ley Nwi shi taa tey yi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1993, Wycliffe Bible Translators, Inc. All rights reserved.