Matiu 20
20
Ndibi be kudɔ to be beshumpo be keŋasa be asheŋ
1Nɛ Yesu naŋ kaŋɛ: “Ebɔrɛso be kuwura na du fanɛ kudɔwura ko ka koso chipurdidi nna n ya ber basa paa nɛ b ya shuŋ mbe ndibi be kudɔ to. 2E ka nya bumo nɛ mo nɛ bumo ji n yili fanɛ e ka bumo lebra be kachɛ koŋwule be kakɔka. Kumo be kaman nɛ e yɛr bumo mbe ndibi be kudɔ na to. 3Ta a ba fanɛ kerfi akpanu chipurso nɛ e naŋ lar n ya wu basa ko malɛ nɛ b yil kebɛ to kenyanyaŋɛso. 4Nɛ e kaŋɛ bumo: ‘Menyi alɛ gba e yɔ ma ndibi be kudɔ to n ya shuŋ nɛ ŋ ka menyi kanaŋkamaso nɛ k daga.’ 5Ndoŋ nna nɛ b yɔ. Nɛ e naŋ lar fanɛ kerfi kuduanyɔ nɛ kaaseso kerfi asa be saŋɛ n naŋ ya wora loŋ gbagba gbiiŋ. 6Ta a ba fanɛ kaaseso kerfi anu be saŋɛ nɛ e lar ŋ kraa naŋ ya wu basa ko nɛ b yil. Nɛ e bishi bumo le: ‘Kare ka chɛ kikɛ manɛ nɛ men baa yil nfe a wora?’ 7Nɛ b kaŋɛ mo: ‘To, esa kama maŋ ber anyi paa ai.’ Nɛ e kaŋɛ bumo: ‘Kumo ere, menyi alɛ gba e yɔ ma ndibi be kudɔ to n ya shuŋ.’ 8Kaboŋ ka ya kaa jija to nɛ kudɔ na wura kaŋɛ mbe beshumpo be enimu le: ‘Tre beshumpo na ŋ ka bumo. Fara bumo nɛ b shir kaman m ba na ŋ ka n ya fo bumo nɛ b juŋkpar m ba na.’ 9Ndoŋ nna nɛ e shin nɛ bumo nɛ b yɔ kushuŋ na to fanɛ kerfi anu na be ekama ba sɔ lebra be kachɛ koŋwule be kakɔka. 10Bumo nɛ b juŋkpar n yɔ kudɔ na to na ka wu loŋ nɛ b fara a tama kenya a chɔ kananɛ lalalogeebi na nya na, ama bumo alɛ be ekama gba daŋ nya lebra be kachɛ koŋwule be kakɔka na. 11Ndoŋ nna nɛ b fara a bile asheŋ a gbiti kudɔ na wura a kaŋɛ: 12‘Keni, awa koŋwule nɛ bumo nɛ b shir kaman m ba na baŋ shuŋ, ama fo shin nɛ anyi nɛ an shuŋ ga nɛ epeŋi mɔ anyi na nɛ bumo kikɛ ji a sasa.’ ” 13Nɛ kudɔ na wura kaŋɛ bumo be emo nɛ e malga na le: “Keni, n teri m maŋ puni fo nna, ŋkpal manɛ so, ma nɛ fo maŋ ji nna n yili fanɛ ŋ ka fo lebra be kachɛ koŋwule be kakɔka a? 14Ta fo kakɔka a yɔ. Ma e naa sha keka fo nɛ kanyɛn nɛ e shir kaman m ba shuŋ ere a sasa. 15M maŋ kɔ ekpa nna nɛ n ta ma amansherbi n wora kusɔ nɛ mee sha a? Ŋko fee besa eyur nna ŋkpal ma kelela so?” 16Keŋasa ere be kaman nɛ Yesu kaŋɛ le: “To, amoso, bumo nɛ b shir kaman naniere beeŋ ba ki bejuŋkparpo nɛ bumo nɛ b juŋkpar naniere e ba ki bemantopo.”
Yesu ka naŋ malga mbe luwu be asheŋ
(Maak 10:32-34; Luuk 18:31-34)
17Yesu ka bee yɔ Jerusalɛm nɛ e keta mbe bebɛsopo kuduanyɔ na n lar ekarso ŋ kaŋɛ bumo le ekpa na to: 18“To, anyee yɔ Jerusalɛm nna na nɛ b ya ta ma, Nyiŋgbasa Pibinyɛn m bɔɔ bɔrɛmatapowuraana na nɛ mbraŋinipoana na enɔ nɛ b kaŋɛ fanɛ n daga luwu 19nseŋ kilgi n ta ma m bɔɔ nnyamase enɔ nɛ b wora ma eyurto ŋ kuya ma so nseŋ ta ma ŋ gbir m mata kedibi largato so. Ama kumo be nchɛ asa to meeŋ tiŋi luwu na to.”
Enio be kekule be asheŋ
(Maak 10:35-45)
20Kachako Zɛbedi be mbinyɛnsobi nɛ bumo nio ba Yesu kutɔ nɛ kache na ba gbir nseŋ kule mo kusɔ ko. 21Nɛ Yesu bishi mo: “Manɛ nɛ fee sha?” Nɛ e kaŋɛ mo: “Nase kɔnɔ fanɛ fo kaŋ ya kaa tase fo kuwura na so, feeŋ shin nɛ ma mbinyɛnsobi ere be eko e chena fo jisoso nɛ eko malɛ e chena fo bena so.” 22Nɛ Yesu kaŋɛ bumo: “Men maŋ nyi kusɔ nɛ menyee kule ere. Menyeeŋ tiŋ n ji awurfoŋ nɛ meeŋ ji a?” Nɛ mbia na kaŋɛ: “Mm, anyeeŋ tiŋ.” 23Ndoŋ nna nɛ Yesu kaŋɛ bumo: “Kashenteŋ, menyeeŋ ji awurfoŋ nɛ meeŋ ji, ama m maŋ kɔ ekpa nɛ n lara emo nɛ e beeŋ chena ma jisoso nɛ ma bena so. N Tuto e lɔŋɛ loŋ be mboŋ n yili bumo nɛ e lɔŋɛ amo nɛ e sa na.” 24Bebɛsopo kudu nɛ b ka na ka nu kesheŋ na nɛ b nya agbo n wora Jeems nɛ mo sipo Jɔn. 25Nɛ Yesu tre bumo m ba shɛr ŋ kaŋɛ: “Men nyi durnya to be benimuana e wɔ basa a ŋini bumo eleŋ nɛ bumo be bewuraana malɛ gba bee ŋini bumo eleŋ, 26ama menyi ere to mannɛ aloŋ nɛ k du. Nɛ men be ekama bee sha kenimu, a daga e ka ki bumo nɛ b ka na be kayɛrbi. 27Nɛ ekama malɛ nɛ e bee sha kejuŋkpar, a daga e ka ki menyi be kenya 28fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”
Yesu ka sa betanpo anyɔ anishi be asheŋ
(Maak 10:46-52; Luuk 18:35-43)
29Yesu nɛ mbe bebɛsopo ka bee lar Jɛriko to nɛ jimaŋ damta ko bɛ mo so. 30Betanpo anyɔ ko malɛ daa tase ekpakar nseŋ nu fanɛ Yesu e naa choŋ nɛ b boŋ to n tre Yesu a kaŋɛ: “Enyɛnpe, Ewura Deevid mo Nanabi, wu anyi kuwɔr.” 31Nɛ jimaŋ na ponte bumo so ŋ kaŋɛ bumo fanɛ b lo bumo be nnɔ to, ama b lɔŋɛ m boŋ to a chɔ sososo na a kaŋɛ: “Enyɛnpe, Ewura Deevid mo Nanabi, wu anyi kuwɔr.” 32Ndoŋ nna nɛ Yesu yili nseŋ tre bumo m bishi: “Manɛ nɛ menyee sha fanɛ n wora n sa menyi?” 33Nɛ b kaŋɛ mo le: “Enyɛnpe, anyee sha kenaawu nna.” 34Ndoŋ nna nɛ Yesu wu bumo kuwɔr nseŋ beta m beta bumo be anishi. Epul na to nɛ b nya bumo be anishi a wu nseŋ fara a bɛ mo so.
Currently Selected:
Matiu 20: GJNb
Highlight
Share
Copy
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Matiu 20
20
Ndibi be kudɔ to be beshumpo be keŋasa be asheŋ
1Nɛ Yesu naŋ kaŋɛ: “Ebɔrɛso be kuwura na du fanɛ kudɔwura ko ka koso chipurdidi nna n ya ber basa paa nɛ b ya shuŋ mbe ndibi be kudɔ to. 2E ka nya bumo nɛ mo nɛ bumo ji n yili fanɛ e ka bumo lebra be kachɛ koŋwule be kakɔka. Kumo be kaman nɛ e yɛr bumo mbe ndibi be kudɔ na to. 3Ta a ba fanɛ kerfi akpanu chipurso nɛ e naŋ lar n ya wu basa ko malɛ nɛ b yil kebɛ to kenyanyaŋɛso. 4Nɛ e kaŋɛ bumo: ‘Menyi alɛ gba e yɔ ma ndibi be kudɔ to n ya shuŋ nɛ ŋ ka menyi kanaŋkamaso nɛ k daga.’ 5Ndoŋ nna nɛ b yɔ. Nɛ e naŋ lar fanɛ kerfi kuduanyɔ nɛ kaaseso kerfi asa be saŋɛ n naŋ ya wora loŋ gbagba gbiiŋ. 6Ta a ba fanɛ kaaseso kerfi anu be saŋɛ nɛ e lar ŋ kraa naŋ ya wu basa ko nɛ b yil. Nɛ e bishi bumo le: ‘Kare ka chɛ kikɛ manɛ nɛ men baa yil nfe a wora?’ 7Nɛ b kaŋɛ mo: ‘To, esa kama maŋ ber anyi paa ai.’ Nɛ e kaŋɛ bumo: ‘Kumo ere, menyi alɛ gba e yɔ ma ndibi be kudɔ to n ya shuŋ.’ 8Kaboŋ ka ya kaa jija to nɛ kudɔ na wura kaŋɛ mbe beshumpo be enimu le: ‘Tre beshumpo na ŋ ka bumo. Fara bumo nɛ b shir kaman m ba na ŋ ka n ya fo bumo nɛ b juŋkpar m ba na.’ 9Ndoŋ nna nɛ e shin nɛ bumo nɛ b yɔ kushuŋ na to fanɛ kerfi anu na be ekama ba sɔ lebra be kachɛ koŋwule be kakɔka. 10Bumo nɛ b juŋkpar n yɔ kudɔ na to na ka wu loŋ nɛ b fara a tama kenya a chɔ kananɛ lalalogeebi na nya na, ama bumo alɛ be ekama gba daŋ nya lebra be kachɛ koŋwule be kakɔka na. 11Ndoŋ nna nɛ b fara a bile asheŋ a gbiti kudɔ na wura a kaŋɛ: 12‘Keni, awa koŋwule nɛ bumo nɛ b shir kaman m ba na baŋ shuŋ, ama fo shin nɛ anyi nɛ an shuŋ ga nɛ epeŋi mɔ anyi na nɛ bumo kikɛ ji a sasa.’ ” 13Nɛ kudɔ na wura kaŋɛ bumo be emo nɛ e malga na le: “Keni, n teri m maŋ puni fo nna, ŋkpal manɛ so, ma nɛ fo maŋ ji nna n yili fanɛ ŋ ka fo lebra be kachɛ koŋwule be kakɔka a? 14Ta fo kakɔka a yɔ. Ma e naa sha keka fo nɛ kanyɛn nɛ e shir kaman m ba shuŋ ere a sasa. 15M maŋ kɔ ekpa nna nɛ n ta ma amansherbi n wora kusɔ nɛ mee sha a? Ŋko fee besa eyur nna ŋkpal ma kelela so?” 16Keŋasa ere be kaman nɛ Yesu kaŋɛ le: “To, amoso, bumo nɛ b shir kaman naniere beeŋ ba ki bejuŋkparpo nɛ bumo nɛ b juŋkpar naniere e ba ki bemantopo.”
Yesu ka naŋ malga mbe luwu be asheŋ
(Maak 10:32-34; Luuk 18:31-34)
17Yesu ka bee yɔ Jerusalɛm nɛ e keta mbe bebɛsopo kuduanyɔ na n lar ekarso ŋ kaŋɛ bumo le ekpa na to: 18“To, anyee yɔ Jerusalɛm nna na nɛ b ya ta ma, Nyiŋgbasa Pibinyɛn m bɔɔ bɔrɛmatapowuraana na nɛ mbraŋinipoana na enɔ nɛ b kaŋɛ fanɛ n daga luwu 19nseŋ kilgi n ta ma m bɔɔ nnyamase enɔ nɛ b wora ma eyurto ŋ kuya ma so nseŋ ta ma ŋ gbir m mata kedibi largato so. Ama kumo be nchɛ asa to meeŋ tiŋi luwu na to.”
Enio be kekule be asheŋ
(Maak 10:35-45)
20Kachako Zɛbedi be mbinyɛnsobi nɛ bumo nio ba Yesu kutɔ nɛ kache na ba gbir nseŋ kule mo kusɔ ko. 21Nɛ Yesu bishi mo: “Manɛ nɛ fee sha?” Nɛ e kaŋɛ mo: “Nase kɔnɔ fanɛ fo kaŋ ya kaa tase fo kuwura na so, feeŋ shin nɛ ma mbinyɛnsobi ere be eko e chena fo jisoso nɛ eko malɛ e chena fo bena so.” 22Nɛ Yesu kaŋɛ bumo: “Men maŋ nyi kusɔ nɛ menyee kule ere. Menyeeŋ tiŋ n ji awurfoŋ nɛ meeŋ ji a?” Nɛ mbia na kaŋɛ: “Mm, anyeeŋ tiŋ.” 23Ndoŋ nna nɛ Yesu kaŋɛ bumo: “Kashenteŋ, menyeeŋ ji awurfoŋ nɛ meeŋ ji, ama m maŋ kɔ ekpa nɛ n lara emo nɛ e beeŋ chena ma jisoso nɛ ma bena so. N Tuto e lɔŋɛ loŋ be mboŋ n yili bumo nɛ e lɔŋɛ amo nɛ e sa na.” 24Bebɛsopo kudu nɛ b ka na ka nu kesheŋ na nɛ b nya agbo n wora Jeems nɛ mo sipo Jɔn. 25Nɛ Yesu tre bumo m ba shɛr ŋ kaŋɛ: “Men nyi durnya to be benimuana e wɔ basa a ŋini bumo eleŋ nɛ bumo be bewuraana malɛ gba bee ŋini bumo eleŋ, 26ama menyi ere to mannɛ aloŋ nɛ k du. Nɛ men be ekama bee sha kenimu, a daga e ka ki bumo nɛ b ka na be kayɛrbi. 27Nɛ ekama malɛ nɛ e bee sha kejuŋkpar, a daga e ka ki menyi be kenya 28fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”
Yesu ka sa betanpo anyɔ anishi be asheŋ
(Maak 10:46-52; Luuk 18:35-43)
29Yesu nɛ mbe bebɛsopo ka bee lar Jɛriko to nɛ jimaŋ damta ko bɛ mo so. 30Betanpo anyɔ ko malɛ daa tase ekpakar nseŋ nu fanɛ Yesu e naa choŋ nɛ b boŋ to n tre Yesu a kaŋɛ: “Enyɛnpe, Ewura Deevid mo Nanabi, wu anyi kuwɔr.” 31Nɛ jimaŋ na ponte bumo so ŋ kaŋɛ bumo fanɛ b lo bumo be nnɔ to, ama b lɔŋɛ m boŋ to a chɔ sososo na a kaŋɛ: “Enyɛnpe, Ewura Deevid mo Nanabi, wu anyi kuwɔr.” 32Ndoŋ nna nɛ Yesu yili nseŋ tre bumo m bishi: “Manɛ nɛ menyee sha fanɛ n wora n sa menyi?” 33Nɛ b kaŋɛ mo le: “Enyɛnpe, anyee sha kenaawu nna.” 34Ndoŋ nna nɛ Yesu wu bumo kuwɔr nseŋ beta m beta bumo be anishi. Epul na to nɛ b nya bumo be anishi a wu nseŋ fara a bɛ mo so.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation