Levitikɔs 7
7
Kewora n jija be sarga be asheŋ
1Kewora n jija be sarga la sarga cheembi nna. Mbraana nɛ a dese a laŋɛ kananɛ baa lara kumo be kaplɛa so nde: 2Bɔrɛsure na be kelargato be esoso be kaba so na, kakpa nɛ baa mɔ esarga chɔɔso be asɔbɔya na, a daga b mɔ kewora n jija be sarga be kusɔbɔya na nseŋ ta kumo be ŋklaŋ ŋ ŋmenyaŋ bɔrɛsure na be mba ana na so ŋ kulti. 3Baaŋ lara kusɔbɔya na be nfɔ kikɛ, amo nɛ a wɔ kpandu nɛ apuntosɔ na, 4nɛ achɛbi na nɛ amo so be nfɔ kikɛ nɛ kegberche na be alela akpa n ti so n chɔɔ bɔrɛsure na so n lara sarga. 5Bɔrɛmatapo na beeŋ chɔɔ amo bɔrɛsure na so fanɛ sarga chɔɔso n sa Enyɛnpe Ebɔrɛ na, ŋkpal manɛ so, k la kewora n jija be sarga nna. 6Bɔrɛmatapo be kanaŋ to be kusɔnyɛn kikɛ beeŋ tiŋ n ji sarga na, ama a daga b ji kumo kakpa cheembi nna. Ŋkpal manɛ so, k la sarga cheembi nna.
7Mbra koŋwule e deŋ kulubi be sarga nɛ kewora n jija be sarga na kikɛ so. Kumo be eblaŋ la bɔrɛmatapoana nɛ baa yili basa be katelamu to a lara amo na peya nna. 8Kusɔbɔya kama nɛ b yili esa be katelamu to n ta n lara sarga chɔɔso kikɛ be kawɔl la bɔrɛmatapo nɛ e lara sarga na peya nna. 9Ayu be sargajibi kama fanɛ bodobodo ŋko mansaŋ gba la bɔrɛmatapo nɛ e lara kumo na peya nna. 10Ayu be sargajibi kama nɛ b baga ŋku nɛ amo nɛ a maŋ baga kikɛ la bɔrɛmatapoana kikɛ peya nna nɛ a daga b barga amo to nɛ ekama e nya a sasa.
Kɔnɔkoŋwule be sarga be asheŋ
11Mbraana nɛ a dese a laŋɛ kɔnɔkoŋwule be sarga be kelara be kaplɛa so nde: 12Nɛ esa bee shin nɛ e lara kɔnɔkoŋwule be sarga fanɛ kapandi be sarga, a daga e ta bodobodo nɛ a maŋ kɔ yiisi ŋko ekrakashi nɛ a maŋ kɔ yiisi ŋko mansaŋ m b baga amo ŋku n ti kusɔbɔya na so n lara sarga na so n lara kumo. 13Esa na malɛ beeŋ naŋ ta bodobodo nɛ yiisi wɔ amo to n ti so n lara sarga na. 14E beeŋ ta ajibi na be kekama n ti kusɔbɔya na so m ba sa Enyɛnpe Ebɔrɛ na. Amo alɛ kikɛ la bɔrɛmatapo nɛ e beeŋ ta kɔnɔkoŋwule be sarga be kusɔbɔya na be ŋklaŋ ŋ ŋmenyaŋ bɔrɛsure na so na peya nna. 15Kusɔbɔya nɛ b ta n lara kɔnɔkoŋwule nɛ kapandi be sarga na daga b ka we kumo be eblaŋ kikɛ kachɛ nɛ b mɔ kumo na nna. Kare maa chɛ kumo be eblaŋ so.
16Nɛ fanɛ sarga na la sarga nɛ esa lara a tia kɔnɔ nɛ e nase nna ŋko mbe keparso nɛ e lara kumo, a daga b we eblaŋ na kikɛ kachɛ nɛ e lara sarga na, ama baaŋ tiŋ n we kekama nɛ kare chɛ so na gba. 17Eblaŋ na be kekama nɛ k beeŋ ji n fo nchɛ asa bre daga kechɔɔ m mur nna. 18Nɛ eblaŋ na fo nchɛ asa nɛ b we kumo, Ebɔrɛ maaŋ sɔ esa na be sarga na. Esa nɛ e lara sarga na maaŋ nya kumo be nɛfa, kumo alɛ maaŋ baa la sarga cheembi. Kumo be kumu lubi malɛ beeŋ baa bɛ esa kikɛ nɛ e we kumo be eblaŋ na so.
19Eblaŋ kama nɛ k beta daŋkare be ekpa so be keyurpisɔ kikɛ maŋ daga keji. K daga kechɔɔ nna. Ama eblaŋ nɛ a ka na bre, esa nɛ e maŋ wora eyurpi daŋkare be ekpa so beeŋ tiŋ n we amo. 20Ama esa kama nɛ e wora eyurpi daŋkare be ekpa so nseŋ ji sarga nɛ k la Enyɛnpe Ebɔrɛ na peya daga kelara ashi Ebɔrɛ be basa to. 21Nɛ esa beta dimɛdi ŋko kusɔbɔya nɛ k maŋ walɛ so daŋkare be ekpa so nseŋ ji kɔnɔkoŋwule be sarga nɛ k la Enyɛnpe Ebɔrɛ na peya, amodoŋwura maŋ naŋ ti Ebɔrɛ be basa so.
22Ade be kaman nɛ Enyɛnpe Ebɔrɛ naŋ kaŋɛ Mosis 23fanɛ e kaŋɛ Israɛlebi na: “Men sa maŋ kaŋ ji kena ŋko kubolpɔ ŋko mboe be nfɔ kikɛ. 24Menyeeŋ tiŋ n ta kusɔbɔya wuso ŋko amo nɛ kusɔ pɛ be nfɔ n wora kusɔ pɔtɛ kikɛ, ama men sa maŋ kaŋ ji amo kikɛ. 25Esa kama nɛ e beeŋ ji kusɔbɔya nɛ baaŋ ta n lara sarga n sa Enyɛnpe Ebɔrɛ na be nfɔ maaŋ naaŋ ti Ebɔrɛ be basa so. 26Kaplɛkama malɛ nɛ men wɔ, men sa maŋ kaŋ ji kabuibi ŋko kusɔbɔya kikɛ be ŋklaŋ. 27Esa kama nɛ e beeŋ ji ŋklaŋ, maaŋ naa la Ebɔrɛ be basa to be eko.”
28Ade malɛ kikɛ be kaman nɛ Enyɛnpe Ebɔrɛ naŋ kaŋɛ Mosis 29fanɛ e kaŋɛ Israɛlebi na: “Esa kama nɛ e bar kɔnɔkoŋwule be sarga nɛ e ba sa Enyɛnpe Ebɔrɛ na, daga fanɛ e shin nɛ sarga na be kaba e baa la kakɛ nɛ e bee ta a sa Enyɛnpe Ebɔrɛ na. 30Mo gbagba be enɔ to nɛ e beeŋ keta kumo m ba fanɛ ayu be sargajibi na. E beeŋ bar kusɔbɔya na be nfɔ nɛ kumo be kagbene fanɛ sargagboŋ m ba sa Enyɛnpe Ebɔrɛ na. 31Bɔrɛmatapo na beeŋ chɔɔ nfɔ na bɔrɛsure na so, ama kagbene na bre la bɔrɛmatapo na peya nna. 32Kɔnɔkoŋwule be sarga be kusɔbɔya na be jisoso be kebɛaŋ na la kachige nɛ k bee yɔ 33bɔrɛmatapo nɛ e bee sɔ ŋklaŋ na nɛ nfɔ na a lara sarga na kutɔ nna. 34Kusɔbɔya na be kagbene la kakɛgboŋ nna nɛ kumo be jisoso be kebɛaŋ na malɛ la kachige nɛ Enyɛnpe Ebɔrɛ na bee sɔ Israɛlebi na kutɔ a sa bɔrɛmatapoana na.”
35Ayu be sargajibi nɛ baa lara a sa Enyɛnpe Ebɔrɛ na be amo nɛ a daga a baa yɔ Ɛɛrɔn nɛ mbe kaman to ebi kutɔ nna na. 36Kachɛ nɛ b lara bumo n yili fanɛ bɔrɛmatapoana na nɛ Enyɛnpe Ebɔrɛ na yili kumo fanɛ Israɛlebi na e baa sa bumo amo nɛ a baa la bumo be kachige mbaanaayɔ.
37Mbraana nɛ a dese a laŋɛ sarga chɔɔso nɛ ayu be sargajibi nɛ kulubi be sarga nɛ kewora n jija be sarga nɛ kelara n yili n sa Ebɔrɛ be sarga nɛ kɔnɔkoŋwule be sarga na nna na. 38Sainai be kebee nɛ k wɔ keshishɛrsawule so na so nɛ Enyɛnpe Ebɔrɛ na ta amo n sa Mosis. Loŋ be kachɛ na nɛ e kaŋɛ Israɛlebi na fanɛ b baa lara esarga ere a sa mo ere Enyɛnpe Ebɔrɛ na.
Currently Selected:
Levitikɔs 7: GJNb
Highlight
Copy
Compare
Share
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Levitikɔs 7
7
Kewora n jija be sarga be asheŋ
1Kewora n jija be sarga la sarga cheembi nna. Mbraana nɛ a dese a laŋɛ kananɛ baa lara kumo be kaplɛa so nde: 2Bɔrɛsure na be kelargato be esoso be kaba so na, kakpa nɛ baa mɔ esarga chɔɔso be asɔbɔya na, a daga b mɔ kewora n jija be sarga be kusɔbɔya na nseŋ ta kumo be ŋklaŋ ŋ ŋmenyaŋ bɔrɛsure na be mba ana na so ŋ kulti. 3Baaŋ lara kusɔbɔya na be nfɔ kikɛ, amo nɛ a wɔ kpandu nɛ apuntosɔ na, 4nɛ achɛbi na nɛ amo so be nfɔ kikɛ nɛ kegberche na be alela akpa n ti so n chɔɔ bɔrɛsure na so n lara sarga. 5Bɔrɛmatapo na beeŋ chɔɔ amo bɔrɛsure na so fanɛ sarga chɔɔso n sa Enyɛnpe Ebɔrɛ na, ŋkpal manɛ so, k la kewora n jija be sarga nna. 6Bɔrɛmatapo be kanaŋ to be kusɔnyɛn kikɛ beeŋ tiŋ n ji sarga na, ama a daga b ji kumo kakpa cheembi nna. Ŋkpal manɛ so, k la sarga cheembi nna.
7Mbra koŋwule e deŋ kulubi be sarga nɛ kewora n jija be sarga na kikɛ so. Kumo be eblaŋ la bɔrɛmatapoana nɛ baa yili basa be katelamu to a lara amo na peya nna. 8Kusɔbɔya kama nɛ b yili esa be katelamu to n ta n lara sarga chɔɔso kikɛ be kawɔl la bɔrɛmatapo nɛ e lara sarga na peya nna. 9Ayu be sargajibi kama fanɛ bodobodo ŋko mansaŋ gba la bɔrɛmatapo nɛ e lara kumo na peya nna. 10Ayu be sargajibi kama nɛ b baga ŋku nɛ amo nɛ a maŋ baga kikɛ la bɔrɛmatapoana kikɛ peya nna nɛ a daga b barga amo to nɛ ekama e nya a sasa.
Kɔnɔkoŋwule be sarga be asheŋ
11Mbraana nɛ a dese a laŋɛ kɔnɔkoŋwule be sarga be kelara be kaplɛa so nde: 12Nɛ esa bee shin nɛ e lara kɔnɔkoŋwule be sarga fanɛ kapandi be sarga, a daga e ta bodobodo nɛ a maŋ kɔ yiisi ŋko ekrakashi nɛ a maŋ kɔ yiisi ŋko mansaŋ m b baga amo ŋku n ti kusɔbɔya na so n lara sarga na so n lara kumo. 13Esa na malɛ beeŋ naŋ ta bodobodo nɛ yiisi wɔ amo to n ti so n lara sarga na. 14E beeŋ ta ajibi na be kekama n ti kusɔbɔya na so m ba sa Enyɛnpe Ebɔrɛ na. Amo alɛ kikɛ la bɔrɛmatapo nɛ e beeŋ ta kɔnɔkoŋwule be sarga be kusɔbɔya na be ŋklaŋ ŋ ŋmenyaŋ bɔrɛsure na so na peya nna. 15Kusɔbɔya nɛ b ta n lara kɔnɔkoŋwule nɛ kapandi be sarga na daga b ka we kumo be eblaŋ kikɛ kachɛ nɛ b mɔ kumo na nna. Kare maa chɛ kumo be eblaŋ so.
16Nɛ fanɛ sarga na la sarga nɛ esa lara a tia kɔnɔ nɛ e nase nna ŋko mbe keparso nɛ e lara kumo, a daga b we eblaŋ na kikɛ kachɛ nɛ e lara sarga na, ama baaŋ tiŋ n we kekama nɛ kare chɛ so na gba. 17Eblaŋ na be kekama nɛ k beeŋ ji n fo nchɛ asa bre daga kechɔɔ m mur nna. 18Nɛ eblaŋ na fo nchɛ asa nɛ b we kumo, Ebɔrɛ maaŋ sɔ esa na be sarga na. Esa nɛ e lara sarga na maaŋ nya kumo be nɛfa, kumo alɛ maaŋ baa la sarga cheembi. Kumo be kumu lubi malɛ beeŋ baa bɛ esa kikɛ nɛ e we kumo be eblaŋ na so.
19Eblaŋ kama nɛ k beta daŋkare be ekpa so be keyurpisɔ kikɛ maŋ daga keji. K daga kechɔɔ nna. Ama eblaŋ nɛ a ka na bre, esa nɛ e maŋ wora eyurpi daŋkare be ekpa so beeŋ tiŋ n we amo. 20Ama esa kama nɛ e wora eyurpi daŋkare be ekpa so nseŋ ji sarga nɛ k la Enyɛnpe Ebɔrɛ na peya daga kelara ashi Ebɔrɛ be basa to. 21Nɛ esa beta dimɛdi ŋko kusɔbɔya nɛ k maŋ walɛ so daŋkare be ekpa so nseŋ ji kɔnɔkoŋwule be sarga nɛ k la Enyɛnpe Ebɔrɛ na peya, amodoŋwura maŋ naŋ ti Ebɔrɛ be basa so.
22Ade be kaman nɛ Enyɛnpe Ebɔrɛ naŋ kaŋɛ Mosis 23fanɛ e kaŋɛ Israɛlebi na: “Men sa maŋ kaŋ ji kena ŋko kubolpɔ ŋko mboe be nfɔ kikɛ. 24Menyeeŋ tiŋ n ta kusɔbɔya wuso ŋko amo nɛ kusɔ pɛ be nfɔ n wora kusɔ pɔtɛ kikɛ, ama men sa maŋ kaŋ ji amo kikɛ. 25Esa kama nɛ e beeŋ ji kusɔbɔya nɛ baaŋ ta n lara sarga n sa Enyɛnpe Ebɔrɛ na be nfɔ maaŋ naaŋ ti Ebɔrɛ be basa so. 26Kaplɛkama malɛ nɛ men wɔ, men sa maŋ kaŋ ji kabuibi ŋko kusɔbɔya kikɛ be ŋklaŋ. 27Esa kama nɛ e beeŋ ji ŋklaŋ, maaŋ naa la Ebɔrɛ be basa to be eko.”
28Ade malɛ kikɛ be kaman nɛ Enyɛnpe Ebɔrɛ naŋ kaŋɛ Mosis 29fanɛ e kaŋɛ Israɛlebi na: “Esa kama nɛ e bar kɔnɔkoŋwule be sarga nɛ e ba sa Enyɛnpe Ebɔrɛ na, daga fanɛ e shin nɛ sarga na be kaba e baa la kakɛ nɛ e bee ta a sa Enyɛnpe Ebɔrɛ na. 30Mo gbagba be enɔ to nɛ e beeŋ keta kumo m ba fanɛ ayu be sargajibi na. E beeŋ bar kusɔbɔya na be nfɔ nɛ kumo be kagbene fanɛ sargagboŋ m ba sa Enyɛnpe Ebɔrɛ na. 31Bɔrɛmatapo na beeŋ chɔɔ nfɔ na bɔrɛsure na so, ama kagbene na bre la bɔrɛmatapo na peya nna. 32Kɔnɔkoŋwule be sarga be kusɔbɔya na be jisoso be kebɛaŋ na la kachige nɛ k bee yɔ 33bɔrɛmatapo nɛ e bee sɔ ŋklaŋ na nɛ nfɔ na a lara sarga na kutɔ nna. 34Kusɔbɔya na be kagbene la kakɛgboŋ nna nɛ kumo be jisoso be kebɛaŋ na malɛ la kachige nɛ Enyɛnpe Ebɔrɛ na bee sɔ Israɛlebi na kutɔ a sa bɔrɛmatapoana na.”
35Ayu be sargajibi nɛ baa lara a sa Enyɛnpe Ebɔrɛ na be amo nɛ a daga a baa yɔ Ɛɛrɔn nɛ mbe kaman to ebi kutɔ nna na. 36Kachɛ nɛ b lara bumo n yili fanɛ bɔrɛmatapoana na nɛ Enyɛnpe Ebɔrɛ na yili kumo fanɛ Israɛlebi na e baa sa bumo amo nɛ a baa la bumo be kachige mbaanaayɔ.
37Mbraana nɛ a dese a laŋɛ sarga chɔɔso nɛ ayu be sargajibi nɛ kulubi be sarga nɛ kewora n jija be sarga nɛ kelara n yili n sa Ebɔrɛ be sarga nɛ kɔnɔkoŋwule be sarga na nna na. 38Sainai be kebee nɛ k wɔ keshishɛrsawule so na so nɛ Enyɛnpe Ebɔrɛ na ta amo n sa Mosis. Loŋ be kachɛ na nɛ e kaŋɛ Israɛlebi na fanɛ b baa lara esarga ere a sa mo ere Enyɛnpe Ebɔrɛ na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation