Danɛl 10
10
Bɔrɛdare nɛ Danɛl ku ashi Tigris be lɔr na ase be asheŋ
1Sairus ka ji kuwura ashi Pɛshiya be kasawule so be kafɛ sasopo to nɛ Ebɔrɛ lara kubɔya ere n sa Danɛl nɛ mbe ketre ko bee ji Bɛlteshaaza na. Kubɔya na daa la kashenteŋ nna nsaa malga kenagboŋ ko be asheŋ. Kumo alɛ be kepin to daa du kpakpa nna. Bɔrɛdare to nɛ b daŋ bugi kumo to ŋ kaŋɛ mo. 2Kumo be jemanɛ na so nɛ n wɔtɔ a shu keeli bɔkwe asa kikɛ. 3N daa maŋ ji ajibi gbɛgbɛso kikɛ ŋko n we eblaŋ ŋko n nuu asɔnuuso ŋko ŋ gbiti ŋku bɔkwe asa na kikɛ to. 4Kufɔl sososo to be nchɛ adunyɔ nɛ ana be kachɛ, nɛ n daa yil lɔrgboŋ nɛ baa tre Tigris na be kedeŋi so. 5Ŋ ka maŋ kumu so, nɛ n wu esa ko ka buu ago be epiŋi fuful nseŋ chɛ shuwa malɛ be kreso kashɛr to. 6Mbe eyur daŋ baa kpa edɛ nna fanɛ digi, nɛ mbe anishiakpa malɛ fuli parr fanɛ bɔrɛ ka nyɛkpɛ na. Mbe anishi malɛ daa du nna fanɛ edɛ be adondulombi. Mbe enɔ nɛ mbe aya daa kpa edɛ nna fanɛ b ka fɔr danyaŋ so na, nɛ mbe ebɔl malɛ du fanɛ jimaŋ damta ka bee cha awɔr na. 7N nawule e daŋ wu esa na ashi bɔrɛdare na to. Basa nɛ ma nɛ bumo daa la na bre daa maŋ wu mo, ama kufu daŋ pɛ bumo alegaiso nna nɛ b shile n ya ŋana. 8N nawule e daa wɔ ndoŋ a keni le be mamachi be kusɔ ere ashi bɔrɛdare na to. N daa maŋ naa kɔ eleŋ kikɛ; ma anishiakpa malɛ daŋ foleeto nna, hale basa bee pin ma a gben. 9Ŋ ka baŋ nu mbe ebɔl nɛ n tɔr kasawule epun so ŋ kreŋ 10Ndoŋ nna nɛ enɔ ko pɛ ma to m maŋ so nɛ ŋ gbir ma amuli so nɛ ma enɔ yirgi kasawule so nɛ mee chicha.
11Nɛ malaika na kaŋɛ ma le: “Danɛl, Ebɔrɛ bee sha fo paa. Koso n yili ŋ kaŋ kusoe nɛnɛ n nu kusɔ nɛ mee sha nɛ ŋ kaŋɛ fo ere. B shuŋi ma fo kutɔ nna.” E ka bee malga le na kikɛ nɛ n yil a chicha. 12Ndoŋ nna nɛ e kaŋɛ le: “Danɛl sa maa lɔ kufu, baŋ yili saŋɛ nɛ fo fara m bar fo kumu ase a fin kepin asheŋ to na, nɛ Ebɔrɛ nu fo kabɔrɛkule nseŋ shuŋi ma fo kutɔ 13Ama Pɛshiya be efuli so be kedimagboŋ na daŋ kuŋ ma ekpa nna nchɛ adunyɔ nɛ kako kikɛ. Ndoŋ nna nɛ Maikel, nɛ e la malaika nimuso na, ba chɛ ma to, ŋkpal manɛ so n nawule e daa wɔ Pɛshiya. 14M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”
15E ka bee malga na nɛ ma kɔnɔ duŋ nɛ mee keni kasawule. 16Ndoŋ nna nɛ malaika nɛ e duli dimɛdi na, teŋi mbe enɔ m beta ma kɔnɔpurbi. Nɛ ŋ kaŋɛ mo le: “N Nyɛnpe, bɔrɛdare ere shin nɛ kufu pɛ ma nɛ ma eyur yɔ ma nɛ mee chicha a maaŋ tiŋ n yili ma aya so. 17N du fanɛ kenya ka yil mo nyɛnpe be anishito nna. Nuso nɛ meeŋ tiŋ m malga fo kutɔ? M maŋ naa kɔ eleŋ gba nɛ n fute.”
18Nɛ malaika na naŋ pɛ ma to nɛ n naŋ nya eleŋ. 19Ndoŋ nna nɛ e kaŋɛ le: “Ebɔrɛ bee sha fo, amoso sa maa fɔŋ shɛŋ shɛŋ so ŋko a lɔ kufu.” E ka malga loŋ n loge, nɛ n nya eleŋ nseŋ kaŋɛ le: “Jande, kaŋɛ ma kusɔ nɛ fee sha kekaŋɛ, ŋkpal manɛ so fo shin nɛ n naŋ nya eleŋ.” 20-21Nɛ Malaika na kaŋɛ le: “Fo nyi kusɔ nɛ ŋ kpal kumo so m ba fo kutɔ a? M ba nna nɛ m ba bugi kusɔ nɛ b sibɛ n wɔtɔ kashenteŋ be kawɔl na to n sa fo. Ama naniere a daga fanɛ m bɛta n ya kɔ Pɛshiya be efuli so be kedimagboŋ na. Kumo be kaman nɛ n naŋ kɔ Griis be efuli so malɛ be kedimagboŋ na. Esa kikɛ malɛ maŋ wɔtɔ nɛ e chɛ ma to she Maikel nɛ e bee kuŋ Israɛlebi na nawule.
Currently Selected:
Danɛl 10: GJNb
Highlight
Share
Copy
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Danɛl 10
10
Bɔrɛdare nɛ Danɛl ku ashi Tigris be lɔr na ase be asheŋ
1Sairus ka ji kuwura ashi Pɛshiya be kasawule so be kafɛ sasopo to nɛ Ebɔrɛ lara kubɔya ere n sa Danɛl nɛ mbe ketre ko bee ji Bɛlteshaaza na. Kubɔya na daa la kashenteŋ nna nsaa malga kenagboŋ ko be asheŋ. Kumo alɛ be kepin to daa du kpakpa nna. Bɔrɛdare to nɛ b daŋ bugi kumo to ŋ kaŋɛ mo. 2Kumo be jemanɛ na so nɛ n wɔtɔ a shu keeli bɔkwe asa kikɛ. 3N daa maŋ ji ajibi gbɛgbɛso kikɛ ŋko n we eblaŋ ŋko n nuu asɔnuuso ŋko ŋ gbiti ŋku bɔkwe asa na kikɛ to. 4Kufɔl sososo to be nchɛ adunyɔ nɛ ana be kachɛ, nɛ n daa yil lɔrgboŋ nɛ baa tre Tigris na be kedeŋi so. 5Ŋ ka maŋ kumu so, nɛ n wu esa ko ka buu ago be epiŋi fuful nseŋ chɛ shuwa malɛ be kreso kashɛr to. 6Mbe eyur daŋ baa kpa edɛ nna fanɛ digi, nɛ mbe anishiakpa malɛ fuli parr fanɛ bɔrɛ ka nyɛkpɛ na. Mbe anishi malɛ daa du nna fanɛ edɛ be adondulombi. Mbe enɔ nɛ mbe aya daa kpa edɛ nna fanɛ b ka fɔr danyaŋ so na, nɛ mbe ebɔl malɛ du fanɛ jimaŋ damta ka bee cha awɔr na. 7N nawule e daŋ wu esa na ashi bɔrɛdare na to. Basa nɛ ma nɛ bumo daa la na bre daa maŋ wu mo, ama kufu daŋ pɛ bumo alegaiso nna nɛ b shile n ya ŋana. 8N nawule e daa wɔ ndoŋ a keni le be mamachi be kusɔ ere ashi bɔrɛdare na to. N daa maŋ naa kɔ eleŋ kikɛ; ma anishiakpa malɛ daŋ foleeto nna, hale basa bee pin ma a gben. 9Ŋ ka baŋ nu mbe ebɔl nɛ n tɔr kasawule epun so ŋ kreŋ 10Ndoŋ nna nɛ enɔ ko pɛ ma to m maŋ so nɛ ŋ gbir ma amuli so nɛ ma enɔ yirgi kasawule so nɛ mee chicha.
11Nɛ malaika na kaŋɛ ma le: “Danɛl, Ebɔrɛ bee sha fo paa. Koso n yili ŋ kaŋ kusoe nɛnɛ n nu kusɔ nɛ mee sha nɛ ŋ kaŋɛ fo ere. B shuŋi ma fo kutɔ nna.” E ka bee malga le na kikɛ nɛ n yil a chicha. 12Ndoŋ nna nɛ e kaŋɛ le: “Danɛl sa maa lɔ kufu, baŋ yili saŋɛ nɛ fo fara m bar fo kumu ase a fin kepin asheŋ to na, nɛ Ebɔrɛ nu fo kabɔrɛkule nseŋ shuŋi ma fo kutɔ 13Ama Pɛshiya be efuli so be kedimagboŋ na daŋ kuŋ ma ekpa nna nchɛ adunyɔ nɛ kako kikɛ. Ndoŋ nna nɛ Maikel, nɛ e la malaika nimuso na, ba chɛ ma to, ŋkpal manɛ so n nawule e daa wɔ Pɛshiya. 14M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”
15E ka bee malga na nɛ ma kɔnɔ duŋ nɛ mee keni kasawule. 16Ndoŋ nna nɛ malaika nɛ e duli dimɛdi na, teŋi mbe enɔ m beta ma kɔnɔpurbi. Nɛ ŋ kaŋɛ mo le: “N Nyɛnpe, bɔrɛdare ere shin nɛ kufu pɛ ma nɛ ma eyur yɔ ma nɛ mee chicha a maaŋ tiŋ n yili ma aya so. 17N du fanɛ kenya ka yil mo nyɛnpe be anishito nna. Nuso nɛ meeŋ tiŋ m malga fo kutɔ? M maŋ naa kɔ eleŋ gba nɛ n fute.”
18Nɛ malaika na naŋ pɛ ma to nɛ n naŋ nya eleŋ. 19Ndoŋ nna nɛ e kaŋɛ le: “Ebɔrɛ bee sha fo, amoso sa maa fɔŋ shɛŋ shɛŋ so ŋko a lɔ kufu.” E ka malga loŋ n loge, nɛ n nya eleŋ nseŋ kaŋɛ le: “Jande, kaŋɛ ma kusɔ nɛ fee sha kekaŋɛ, ŋkpal manɛ so fo shin nɛ n naŋ nya eleŋ.” 20-21Nɛ Malaika na kaŋɛ le: “Fo nyi kusɔ nɛ ŋ kpal kumo so m ba fo kutɔ a? M ba nna nɛ m ba bugi kusɔ nɛ b sibɛ n wɔtɔ kashenteŋ be kawɔl na to n sa fo. Ama naniere a daga fanɛ m bɛta n ya kɔ Pɛshiya be efuli so be kedimagboŋ na. Kumo be kaman nɛ n naŋ kɔ Griis be efuli so malɛ be kedimagboŋ na. Esa kikɛ malɛ maŋ wɔtɔ nɛ e chɛ ma to she Maikel nɛ e bee kuŋ Israɛlebi na nawule.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation