ລູກາ 14:1-6

ໃນ​ວັນ​ຊະບາໂຕ​ວັນ​ໜຶ່ງ ພຣະເຢຊູເຈົ້າ​ໄດ້​ໄປ​ຮ່ວມ​ພາເຂົ້າ ທີ່​ເຮືອນ​ຂອງ​ຜູ້ນຳ​ຄົນ​ຟາຣີຊາຍ​ຄົນ​ໜຶ່ງ ພວກເຂົາ​ຕ່າງ​ກໍ​ເຝົ້າ​ເບິ່ງ​ພຣະເຢຊູເຈົ້າ​ຢ່າງ​ໃກ້ຊິດ. ຕໍ່ໜ້າ​ພຣະອົງ​ມີ​ຊາຍ​ຄົນ​ໜຶ່ງ ທີ່​ເປັນ​ພະຍາດ​ທ້ອງມານ​ມາ​ຫາ​ພຣະເຢຊູເຈົ້າ. ດັ່ງນັ້ນ ພຣະເຢຊູເຈົ້າ​ຈຶ່ງ​ຖາມ​ພວກ​ທຳບັນດິດ ແລະ​ພວກ​ຟາຣີຊາຍ​ວ່າ, “ກົດບັນຍັດ​ຂອງ​ພວກເຮົາ ອະນຸຍາດ​ເຮັດ​ໃຫ້​ດີ​ໃນ​ວັນ​ຊະບາໂຕ​ຫລື​ບໍ່?” ພວກເຂົາ​ກໍ​ມິດ​ຢູ່ ພຣະອົງ​ຈຶ່ງ​ຊົງ​ຮັບ​ເອົາ​ຄົນ​ນັ້ນ ແລະ​ຊົງ​ໂຜດ​ໃຫ້​ດີ​ພະຍາດ​ແລ້ວ​ກໍ​ປ່ອຍ​ໄປ. ແລ້ວ​ພຣະອົງ​ກໍ​ກ່າວ​ແກ່​ພວກເຂົາ​ວ່າ, “ຖ້າ​ຄົນ​ໃດ​ຄົນ​ໜຶ່ງ ໃນ​ພວກເຈົ້າ​ມີ​ລູກ ຫລື​ງົວ​ຕົກ​ນໍ້າສ້າງ​ໃນ​ວັນ​ຊະບາໂຕ ລາວ​ຈະ​ບໍ່​ຟ້າວ​ດຶງ​ຂຶ້ນ​ບໍ?” ແຕ່​ພວກເຂົາ​ບໍ່​ສາມາດ​ຕອບ​ພຣະອົງ​ໄດ້​ກ່ຽວກັບ​ເລື່ອງ​ນີ້.