ພຣະນິມິດ 5
5
ໜັງສືມ້ວນ ແລະ ພຣະເມສານ້ອຍ
1ໃນມືຂວາຂອງພຣະອົງ ຜູ້ຊົງນັ່ງຢູ່ເທິງບັນລັງນັ້ນ ຂ້າພະເຈົ້າໄດ້ເຫັນໜັງສືມ້ວນອັນໜຶ່ງ ທີ່ມີຄຳຂຽນໄວ້ທັງຂ້າງໃນແລະຂ້າງນອກ ທີ່ມີຕາປະທັບໄວ້ເຈັດດວງ. 2ແລະຂ້າພະເຈົ້າໄດ້ເຫັນເທວະດາຜູ້ມີຣິດຕົນໜຶ່ງ ປະກາດດ້ວຍສຽງອັນດັງວ່າ, “ຜູ້ໃດໜໍ ເປັນຜູ້ສົມຄວນທີ່ຈະແກະຕາປະທັບ ແລະມາຍໜັງສືມ້ວນນັ້ນອອກ?” 3ແຕ່ບໍ່ມີຜູ້ໃດໃນສະຫວັນ ຫລືແຜ່ນດິນໂລກ ຫລືໃຕ້ພື້ນໂລກ ມາຍໜັງສືມ້ວນນັ້ນອອກແລະເບິ່ງໄດ້. 4ຂ້າພະເຈົ້າໄດ້ຮ້ອງໄຫ້ຢ່າງຂົມຂື່ນ ເພາະບໍ່ມີຜູ້ໃດສົມຄວນຈະມາຍໜັງສືມ້ວນນັ້ນອອກເບິ່ງໄດ້. 5ແລ້ວມີທ່ານຜູ້ໜຶ່ງໃນພວກອາວຸໂສນັ້ນ ບອກຂ້າພະເຈົ້າວ່າ, “ຢ່າຮ້ອງໄຫ້ເລີຍ ເບິ່ງແມ! ສິງຈາກເຜົ່າຢູດາ ໜໍ່ແໜງແຫ່ງເຊື້ອສາຍຂອງດາວິດ ເປັນຜູ້ມີໄຊຊະນະແລ້ວ ຈຶ່ງສາມາດແກະຕາປະທັບທັງເຈັດ ແລະມາຍໜັງສືມ້ວນນັ້ນອອກໄດ້.”
6ແລ້ວຂ້າພະເຈົ້າກໍໄດ້ເຫັນພຣະເມສານ້ອຍ ຢືນຢູ່ທ່າມກາງບັນລັງອ້ອມຮອບດ້ວຍສິ່ງທີ່ມີຊີວິດທັງສີ່ຕົນແລະພວກອາວຸໂສ. ພຣະເມສານ້ອຍນີ້ເບິ່ງຄືວ່າໄດ້ຖືກຂ້າແລ້ວ. ພຣະເມສານ້ອຍນັ້ນ ມີເຂົາເຈັດອັນ ມີຕາເຈັດໜ່ວຍ ຊຶ່ງເປັນວິນຍານທັງເຈັດຂອງພຣະເຈົ້າ ທີ່ຊົງໃຊ້ໃຫ້ອອກໄປທົ່ວແຜ່ນດິນໂລກ. 7ແລະພຣະເມສານ້ອຍໄດ້ຮັບເອົາໜັງສືມ້ວນນັ້ນຈາກມືຂວາຂອງພຣະອົງ ຜູ້ຊົງນັ່ງເທິງບັນລັງນັ້ນ. 8ເມື່ອຮັບເອົາໜັງສືມ້ວນນັ້ນແລ້ວ ສິ່ງທີ່ມີຊີວິດທັງສີ່ພ້ອມກັບພວກຜູ້ອາວຸໂສຊາວສີ່ທ່ານ ກໍກົ້ມຂາບລົງແທບຕີນພຣະເມສານ້ອຍນັ້ນ ແຕ່ລະຄົນຖືພິນແລະຂັນຄຳທີ່ເຕັມດ້ວຍເຄື່ອງຫອມ ຊຶ່ງເປັນຄຳພາວັນນາອະທິຖານແຫ່ງໄພ່ພົນທັງປວງຂອງພຣະເຈົ້າ. 9ພວກເຂົາໄດ້ຮ້ອງເພງບົດໃໝ່ວ່າ,
“ພຣະອົງຊົງເປັນຜູ້ສົມຄວນ
ທີ່ຈະຮັບເອົາໜັງສືມ້ວນ
ແລະ ແກະຕາປະທັບ
ມາຍໜັງສືມ້ວນນັ້ນ
ດ້ວຍວ່າພຣະອົງຊົງຖືກຂ້າແລ້ວ
ແລະ ດ້ວຍເລືອດຂອງພຣະອົງນັ້ນ
ພຣະອົງໄດ້ຊົງໄຖ່ມະນຸດທຸກເຜົ່າ, ທຸກຊາດ, ທຸກພາສາ,
ທຸກເຊື້ອຊາດ ແລະ ທຸກປະເທດໃຫ້ມາເຖິງພຣະເຈົ້າ.
10ພຣະອົງໄດ້ເຮັດໃຫ້ພວກເຂົາ
ເປັນອານາຈັກແຫ່ງປະໂຣຫິດ
ເພື່ອຮັບໃຊ້ພຣະເຈົ້າຂອງພວກເຮົາ
ແລະພວກເຂົາເຫຼົ່ານັ້ນ ຈະໄດ້ປົກຄອງເທິງແຜ່ນດິນໂລກ.”
11ອີກເທື່ອໜຶ່ງ ຂ້າພະເຈົ້າໄດ້ຫລຽວເບິ່ງ ແລະໄດ້ຍິນສຽງຂອງຝູງເທວະດາເປັນຈຳນວນຫລວງຫລາຍນັບເປັນໂກດໆ ແສນໆ ຊຶ່ງຢືນອ້ອມພຣະຣາຊບັນລັງອ້ອມສິ່ງທີ່ມີຊີວິດທັງສີ່ ແລະອ້ອມພວກຜູ້ອາວຸໂສນັ້ນ 12ແລະຮ້ອງສຽງດັງວ່າ,
“ພຣະເມສານ້ອຍທີ່ຖືກຂ້າແລ້ວນັ້ນ
ເປັນຜູ້ສົມຄວນທີ່ຈະໄດ້ຮັບຣິດອຳນາດ,
ຊັບສົມບັດ, ສະຕິປັນຍາ, ພະລັງອຳນາດ,
ກຽດຕິຍົດ, ສະຫງ່າຣາສີ
ແລະ ຄຳສັນລະເສີນ.”
13ແລະຂ້າພະເຈົ້າໄດ້ຍິນສຽງສິ່ງທີ່ມີຊີວິດທັງໝົດທັງໃນສະຫວັນ, ເທິງແຜ່ນດິນໂລກ, ໃຕ້ແຜ່ນດິນໂລກ ແລະໃນມະຫາສະໝຸດ ຄືສິ່ງທັງປວງ ຊຶ່ງຢູ່ໃນທີ່ນັ້ນຮ້ອງວ່າ,
“ຂໍໃຫ້ຄຳສັນລະເສີນ ກຽດຕິຍົດ
ສະຫງ່າຣາສີ ແລະຣິດທານຸພາບ
ຈົ່ງມີແດ່ພຣະອົງ ຜູ້ຊົງປະທັບ
ເທິງພຣະຣາຊບັນລັງ
ແລະແດ່ພຣະເມສານ້ອຍ
ຕະຫລອດຊົ່ວນິຣັນດອນ.”
14ແລະສິ່ງທີ່ມີຊີວິດທັງສີ່ນັ້ນ ກໍຮ້ອງວ່າ, “ອາແມນ” ແລະພວກຜູ້ອາວຸໂສເຫຼົ່ານັ້ນ ກໍພາກັນຂາບລົງນະມັດສະການ.
Currently Selected:
ພຣະນິມິດ 5: ພຄພ
Highlight
Share
Copy
Want to have your highlights saved across all your devices? Sign up or sign in
@ 2012 United Bible Societies. All Rights Reserved.
ພຣະນິມິດ 5
5
ໜັງສືມ້ວນ ແລະ ພຣະເມສານ້ອຍ
1ໃນມືຂວາຂອງພຣະອົງ ຜູ້ຊົງນັ່ງຢູ່ເທິງບັນລັງນັ້ນ ຂ້າພະເຈົ້າໄດ້ເຫັນໜັງສືມ້ວນອັນໜຶ່ງ ທີ່ມີຄຳຂຽນໄວ້ທັງຂ້າງໃນແລະຂ້າງນອກ ທີ່ມີຕາປະທັບໄວ້ເຈັດດວງ. 2ແລະຂ້າພະເຈົ້າໄດ້ເຫັນເທວະດາຜູ້ມີຣິດຕົນໜຶ່ງ ປະກາດດ້ວຍສຽງອັນດັງວ່າ, “ຜູ້ໃດໜໍ ເປັນຜູ້ສົມຄວນທີ່ຈະແກະຕາປະທັບ ແລະມາຍໜັງສືມ້ວນນັ້ນອອກ?” 3ແຕ່ບໍ່ມີຜູ້ໃດໃນສະຫວັນ ຫລືແຜ່ນດິນໂລກ ຫລືໃຕ້ພື້ນໂລກ ມາຍໜັງສືມ້ວນນັ້ນອອກແລະເບິ່ງໄດ້. 4ຂ້າພະເຈົ້າໄດ້ຮ້ອງໄຫ້ຢ່າງຂົມຂື່ນ ເພາະບໍ່ມີຜູ້ໃດສົມຄວນຈະມາຍໜັງສືມ້ວນນັ້ນອອກເບິ່ງໄດ້. 5ແລ້ວມີທ່ານຜູ້ໜຶ່ງໃນພວກອາວຸໂສນັ້ນ ບອກຂ້າພະເຈົ້າວ່າ, “ຢ່າຮ້ອງໄຫ້ເລີຍ ເບິ່ງແມ! ສິງຈາກເຜົ່າຢູດາ ໜໍ່ແໜງແຫ່ງເຊື້ອສາຍຂອງດາວິດ ເປັນຜູ້ມີໄຊຊະນະແລ້ວ ຈຶ່ງສາມາດແກະຕາປະທັບທັງເຈັດ ແລະມາຍໜັງສືມ້ວນນັ້ນອອກໄດ້.”
6ແລ້ວຂ້າພະເຈົ້າກໍໄດ້ເຫັນພຣະເມສານ້ອຍ ຢືນຢູ່ທ່າມກາງບັນລັງອ້ອມຮອບດ້ວຍສິ່ງທີ່ມີຊີວິດທັງສີ່ຕົນແລະພວກອາວຸໂສ. ພຣະເມສານ້ອຍນີ້ເບິ່ງຄືວ່າໄດ້ຖືກຂ້າແລ້ວ. ພຣະເມສານ້ອຍນັ້ນ ມີເຂົາເຈັດອັນ ມີຕາເຈັດໜ່ວຍ ຊຶ່ງເປັນວິນຍານທັງເຈັດຂອງພຣະເຈົ້າ ທີ່ຊົງໃຊ້ໃຫ້ອອກໄປທົ່ວແຜ່ນດິນໂລກ. 7ແລະພຣະເມສານ້ອຍໄດ້ຮັບເອົາໜັງສືມ້ວນນັ້ນຈາກມືຂວາຂອງພຣະອົງ ຜູ້ຊົງນັ່ງເທິງບັນລັງນັ້ນ. 8ເມື່ອຮັບເອົາໜັງສືມ້ວນນັ້ນແລ້ວ ສິ່ງທີ່ມີຊີວິດທັງສີ່ພ້ອມກັບພວກຜູ້ອາວຸໂສຊາວສີ່ທ່ານ ກໍກົ້ມຂາບລົງແທບຕີນພຣະເມສານ້ອຍນັ້ນ ແຕ່ລະຄົນຖືພິນແລະຂັນຄຳທີ່ເຕັມດ້ວຍເຄື່ອງຫອມ ຊຶ່ງເປັນຄຳພາວັນນາອະທິຖານແຫ່ງໄພ່ພົນທັງປວງຂອງພຣະເຈົ້າ. 9ພວກເຂົາໄດ້ຮ້ອງເພງບົດໃໝ່ວ່າ,
“ພຣະອົງຊົງເປັນຜູ້ສົມຄວນ
ທີ່ຈະຮັບເອົາໜັງສືມ້ວນ
ແລະ ແກະຕາປະທັບ
ມາຍໜັງສືມ້ວນນັ້ນ
ດ້ວຍວ່າພຣະອົງຊົງຖືກຂ້າແລ້ວ
ແລະ ດ້ວຍເລືອດຂອງພຣະອົງນັ້ນ
ພຣະອົງໄດ້ຊົງໄຖ່ມະນຸດທຸກເຜົ່າ, ທຸກຊາດ, ທຸກພາສາ,
ທຸກເຊື້ອຊາດ ແລະ ທຸກປະເທດໃຫ້ມາເຖິງພຣະເຈົ້າ.
10ພຣະອົງໄດ້ເຮັດໃຫ້ພວກເຂົາ
ເປັນອານາຈັກແຫ່ງປະໂຣຫິດ
ເພື່ອຮັບໃຊ້ພຣະເຈົ້າຂອງພວກເຮົາ
ແລະພວກເຂົາເຫຼົ່ານັ້ນ ຈະໄດ້ປົກຄອງເທິງແຜ່ນດິນໂລກ.”
11ອີກເທື່ອໜຶ່ງ ຂ້າພະເຈົ້າໄດ້ຫລຽວເບິ່ງ ແລະໄດ້ຍິນສຽງຂອງຝູງເທວະດາເປັນຈຳນວນຫລວງຫລາຍນັບເປັນໂກດໆ ແສນໆ ຊຶ່ງຢືນອ້ອມພຣະຣາຊບັນລັງອ້ອມສິ່ງທີ່ມີຊີວິດທັງສີ່ ແລະອ້ອມພວກຜູ້ອາວຸໂສນັ້ນ 12ແລະຮ້ອງສຽງດັງວ່າ,
“ພຣະເມສານ້ອຍທີ່ຖືກຂ້າແລ້ວນັ້ນ
ເປັນຜູ້ສົມຄວນທີ່ຈະໄດ້ຮັບຣິດອຳນາດ,
ຊັບສົມບັດ, ສະຕິປັນຍາ, ພະລັງອຳນາດ,
ກຽດຕິຍົດ, ສະຫງ່າຣາສີ
ແລະ ຄຳສັນລະເສີນ.”
13ແລະຂ້າພະເຈົ້າໄດ້ຍິນສຽງສິ່ງທີ່ມີຊີວິດທັງໝົດທັງໃນສະຫວັນ, ເທິງແຜ່ນດິນໂລກ, ໃຕ້ແຜ່ນດິນໂລກ ແລະໃນມະຫາສະໝຸດ ຄືສິ່ງທັງປວງ ຊຶ່ງຢູ່ໃນທີ່ນັ້ນຮ້ອງວ່າ,
“ຂໍໃຫ້ຄຳສັນລະເສີນ ກຽດຕິຍົດ
ສະຫງ່າຣາສີ ແລະຣິດທານຸພາບ
ຈົ່ງມີແດ່ພຣະອົງ ຜູ້ຊົງປະທັບ
ເທິງພຣະຣາຊບັນລັງ
ແລະແດ່ພຣະເມສານ້ອຍ
ຕະຫລອດຊົ່ວນິຣັນດອນ.”
14ແລະສິ່ງທີ່ມີຊີວິດທັງສີ່ນັ້ນ ກໍຮ້ອງວ່າ, “ອາແມນ” ແລະພວກຜູ້ອາວຸໂສເຫຼົ່ານັ້ນ ກໍພາກັນຂາບລົງນະມັດສະການ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2012 United Bible Societies. All Rights Reserved.