Xekhaliyas 13
13
1Tug TSWV kws muaj Fwjchim Luj Kawg Nkaus has tas, “Thaus txug lub sijhawm ntawd, yuav muaj ib lub qhovdlej txhawv lug ntxuav Daviv caajceg hab cov tuabneeg kws nyob huv lub nroog Yeluxalees tej kev txhum hab tej kev pe mlom. 2Lub sijhawm ntawd Kuv yuav tshem cov mlom kws nyob huv lub tebchaws ntawd tej npe tawm moog kuas taag, kuas tsi xob muaj leejtwg ncu tau puab ntxiv le lawm. Kuv yuav tshem txhua tug kws khaav has tas nwg yog tug xwbfwb cev Vaajtswv lug hab muab puab txuj kev kws ntshaw pe mlom coj moog povtseg. 3Yog leejtwg tseem pheej yuav ua tug cevlug, mas nwg nam nwg txiv yuav tau qha rua nwg tas nwg yuav raug muab tua kuas tuag, ruaqhov nwg khaav has tas yog nwg has tug TSWV le lug, tabsis qhov tseeb yog nwg has tej lug dlaag xwb. Thaus nwg cevlug, nwg nam hab nwg txiv yuavtsum muab nwg nkaug kuas tuag. 4Thaus txug lub sijhawm ntawd, cov cevlug yuav raug txaajmuag rua puab tej kev ua ywgtoog; puab yuav tsi coj le cov cevlug lossis naav cov cevlug tej tsho ntev moog dlaag-ntxag tuabneeg ntxiv lawm. 5Tabsis, nwg yuav has tas, ‘Kuv tsi yog ib tug cevlug. Kuv yog ib tug tuabneeg ua teb xwb, kuv lub neej yeej ibtxwm yog tuabneeg ua teb xwb.’ 6Yog leejtwg nug nwg tas, ‘Cov qhovtxhaab ntawm koj hauvsab yog dlaabtsi?’ Nwg yuav teb tas, ‘Kuv raug tej qhovtxhaab nuav huv kuv tug phoojywg tsev lug.’ ”
Xaaj Kuas Tua Vaajtswv Tug Tub Yug Yaaj
7Tug TSWV kws muaj Fwjchim Luj Kawg Nkaus has tas, “Raab ntaaj, cale sawv, hab moog tua tug tub yug yaaj#13:7: tub yug yaaj: Saib 11:4. kws ua num rua kuv! Cale muab nwg tua, tes cov yaaj yuav tawg tsiv ri sua rua nuav rua u. Kuv yuav tawmtsaam Kuv tsaav tuabneeg #Math 26:31; Malak 14:27 8hab nyob thoobplawg huv lub tebchaws yuav muaj tuabneeg tuag txug ob feem peb. 9Kuv yuav sim ib feem peb kws seem tuag ntawd, hab yuav muab puab ntxuav kuas dlawbhuv yaam le tej nyaj kws raug suavtawg hlawv. Kuv yuav sim puab ib yaam le sim kub. Tes puab yuav thov Kuv, hab Kuv yuav teb puab tej lug thov. Kuv yuav qha rua puab tas puab yog Kuv tsaav tuabneeg, hab puab yuav leeg tas Kuv yog puab tug Vaajtswv.”
Currently Selected:
Xekhaliyas 13: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Xekhaliyas 13
13
1Tug TSWV kws muaj Fwjchim Luj Kawg Nkaus has tas, “Thaus txug lub sijhawm ntawd, yuav muaj ib lub qhovdlej txhawv lug ntxuav Daviv caajceg hab cov tuabneeg kws nyob huv lub nroog Yeluxalees tej kev txhum hab tej kev pe mlom. 2Lub sijhawm ntawd Kuv yuav tshem cov mlom kws nyob huv lub tebchaws ntawd tej npe tawm moog kuas taag, kuas tsi xob muaj leejtwg ncu tau puab ntxiv le lawm. Kuv yuav tshem txhua tug kws khaav has tas nwg yog tug xwbfwb cev Vaajtswv lug hab muab puab txuj kev kws ntshaw pe mlom coj moog povtseg. 3Yog leejtwg tseem pheej yuav ua tug cevlug, mas nwg nam nwg txiv yuav tau qha rua nwg tas nwg yuav raug muab tua kuas tuag, ruaqhov nwg khaav has tas yog nwg has tug TSWV le lug, tabsis qhov tseeb yog nwg has tej lug dlaag xwb. Thaus nwg cevlug, nwg nam hab nwg txiv yuavtsum muab nwg nkaug kuas tuag. 4Thaus txug lub sijhawm ntawd, cov cevlug yuav raug txaajmuag rua puab tej kev ua ywgtoog; puab yuav tsi coj le cov cevlug lossis naav cov cevlug tej tsho ntev moog dlaag-ntxag tuabneeg ntxiv lawm. 5Tabsis, nwg yuav has tas, ‘Kuv tsi yog ib tug cevlug. Kuv yog ib tug tuabneeg ua teb xwb, kuv lub neej yeej ibtxwm yog tuabneeg ua teb xwb.’ 6Yog leejtwg nug nwg tas, ‘Cov qhovtxhaab ntawm koj hauvsab yog dlaabtsi?’ Nwg yuav teb tas, ‘Kuv raug tej qhovtxhaab nuav huv kuv tug phoojywg tsev lug.’ ”
Xaaj Kuas Tua Vaajtswv Tug Tub Yug Yaaj
7Tug TSWV kws muaj Fwjchim Luj Kawg Nkaus has tas, “Raab ntaaj, cale sawv, hab moog tua tug tub yug yaaj#13:7: tub yug yaaj: Saib 11:4. kws ua num rua kuv! Cale muab nwg tua, tes cov yaaj yuav tawg tsiv ri sua rua nuav rua u. Kuv yuav tawmtsaam Kuv tsaav tuabneeg #Math 26:31; Malak 14:27 8hab nyob thoobplawg huv lub tebchaws yuav muaj tuabneeg tuag txug ob feem peb. 9Kuv yuav sim ib feem peb kws seem tuag ntawd, hab yuav muab puab ntxuav kuas dlawbhuv yaam le tej nyaj kws raug suavtawg hlawv. Kuv yuav sim puab ib yaam le sim kub. Tes puab yuav thov Kuv, hab Kuv yuav teb puab tej lug thov. Kuv yuav qha rua puab tas puab yog Kuv tsaav tuabneeg, hab puab yuav leeg tas Kuv yog puab tug Vaajtswv.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.