Mathais 5
5
Zaaj Lug Qhuabqha Sau Roob
1Thaus Yexus pum cov tuabneeg coob-coob, tes Nwg txawm nce moog rua peg roob hab nyob quastsawg. Nwg cov thwjtim txawm lug sissau puagncig Nwg, 2hab Nwg txawm pib qha puab has tas:
Kev Zoosab Kws Tseeb
(Lukas 6:20-23)
3“Cov kws pluag rua saab ntsujplig, cov ntawd muaj kev zoosab,
ruaqhov Vaajtswv lub Ntuj Ceebtsheej yog puab tug!
4“Cov kws quajntsuag, cov ntawd muaj kev zoosab,
ruaqhov Vaajtswv yuav nplig puab sab! #Yaxaya 61:2
5“Cov kws txu fwjchim, cov ntawd muaj kev zoosab,
ruaqhov Vaajtswv yuav muab taagnrho lub nplajteb nuav rua puab! #Nnkauj 37:11
6“Cov kws tshaib hab nqhes rua txuj kev ncaajnceeg, cov ntawd muaj kev zoosab,
ruaqhov Vaajtswv yuav pub rua puab tsaunpo! #Yaxaya 55:1-2
7“Cov kws taabncuab lwmtug, cov ntawd muaj kev zoosab,
ruaqhov Vaajtswv yuav taabncuab puab!
8“Cov kws muaj lub sab dlawbhuv, cov ntawd muaj kev zoosab,
ruaqhov puab yuav pum Vaajtswv! #Nnkauj 24:3-4
9“Cov kws ua rua tuabneeg nyob sis humxeeb, cov ntawd muaj kev zoosab,
ruaqhov Vaajtswv yuav hu puab has tas yog Nwg cov mivnyuas!
10“Cov kws raug luas tsimtxom vim puab ua lawvle Vaajtswv lub sab nyam, cov ntawd muaj kev zoosab,
ruaqhov Vaajtswv lub Ntuj Ceebtsheej yog puab tug! #1Pet 3:14
11“Thaus luas txobthuam hab tsimtxom mej, hab ab-lam txhua yaam phem rua mej vim mej yog Kuv cov thwjtim, mej muaj kev zoosab. #1Pet 4:14 12Mej cale txaussab hab zoosab ruaqhov Vaajtswv tub khaws nqezug ntau kawg le ca sau ntuj ceebtsheej rua mej lawm. Thaus u cov xwbfwb cev Vaajtswv lug los kuj raug tsimtxom ib yaam nkaus le nuav hab. #2Xwm 36:16; Tegnum 7:52
Ntsev Hab Teeb
(Malakaus 9:50; Lukas 14:34-35)
13“Mej yog cov ntsev rua tuabneeg nplajteb. Tabsis yog cov ntsev tsuag lawm, yuav ua lecaag txhaj rov dlaw tau? Cov ntsev ntawd yeej tsi muajnqes dlaabtsi lawm, kawg muab povtseg hab ca tuabneeg tsuj xwb. #Malak 9:50; Lukas 14:34-35
14“Mej yog qhov pumkev rua tuabneeg nplajteb. Lub nroog kws nyob sau roob, yeej tsi muaj ib yaam dlaabtsi yuav thaiv tau nwg. #Yauh 8:12; 9:5 15Tsi muaj leejtwg taws teeb es muab ib lub phab khwb rua; tsuas muaj yuav muab txawb rua sau lub txee txawb teeb, kuas txhua tug kws nyob huv lub tsev pumkev xwb. #Malak 4:21; Lukas 8:16; 11:33 16Ib yaam le ntawd, mej lub teeb yuavtsum ci rua suavdlawg, sub puab txhaj yuav pum tej num zoo kws mej ua hab qhuas mej Leejtxiv kws nyob sau ntuj ceebtsheej. #1Pet 2:12
Qha Txug Mauxes Txuj Kevcai
17“Mej tsi xob xaav tas Kuv lug rhuav Mauxes txuj Kevcai hab rhuav cov xwbfwb cev Vaajtswv lug tej lug qha. Kuv yeej tsi lug rhuav tej lug ntawd le, tabsis yog Kuv lug ua tej ntawd kuas tav. 18Kuv qha tseeb rua mej has tas, thaus twg kws lub ntuj hab lub nplajteb tseem muaj nyob, tes txawm yog tug nyuas tsajntawv kws miv dlua ndlais, lossis ib nyuas tee ntawm tug cwjmem los yeej yuav tsi poob ntawm txuj Kevcai, moog txug thaus txhua yaam tav huvsi.#5:18: thaus txhua yaam tav huvsi; lossis txhua yaam lug qha muaj tav. #Lukas 16:17 19Yogle ntawd, yog leejtwg tsi kaam ua lawvle nqai lug kws miv dlua ndlais huv txuj Kevcai nuav hab nwg tseem qha lwmtug kuas tsi xob ua lawvle ntawd, tes Vaajtswv yuav suav has tas nwg yog tug kws yau dlua ndlais cov kws nyob huv Vaajtswv lub Ntuj Ceebtsheej. Tabsis tug kws ua lawvle txuj Kevcai ntawd hab qha rua lwmtug kuas ua lawvle ntawd, tes nwg yuav yog tug luj kws nyob huv Vaajtswv lub Ntuj Ceebtsheej. 20Kuv qha rua mej has tas, yog mej tsi ua ncaaj dlua cov xwbfwb kws qha Kevcai hab cov Falixais, tes mej yeej yuav moog tsi tau rua huv Vaajtswv lub Ntuj Ceebtsheej hlo le.
Qha Txug Kev Chim
21“Mej tub nov tej lug kws luas qha rua cov tuabneeg thaus u lawm has tas, ‘Tsi xob tua tuabneeg; tug kws tua tuabneeg, tug ntawd yuav raug txim.’ #Tsiv 20:13; 2Kev 5:17 22Tabsis Kuv qha rua mej has tas, yog leejtwg chim#5:22: yog leejtwg chim; tej phoo ntawv qub kws xuas teg sau has tas yog leejtwg laam cale chim kws tsi muaj qaabhau. rua nwg tug kwvtij, tug ntawd yuav raug txim; hab tug kws has rua nwg tug kwvtij has tas, ‘Tuabneeg ruag!’ tes tug ntawd yuav raug coj moog rua numtswv txavtxim; hab tug kws hu nwg ib tug kwvtij has tas, ‘Tuabneeg vwm!’ tes nwg lub txim txaus poob moog rua huv ntujtawg lawm. 23Yogle ntawd, thaus koj tseem taabtom yuav muab khoom tso rua sau lub thaaj fij rua Vaajtswv, yog koj ncu tau has tas koj tug kwvtij muaj ib yaam dlaabtsi kws nwg tsi txaussab rua koj, 24tes koj cale tso plhuav koj tej khoom fij tseg rua ntawm lub thaaj, hab rovqaab moog khu kuas meb sis humxeeb tsaiv, koj maamle rovqaab tuaj muab koj tej khoom ntawd fij rua Vaajtswv.
25“Yog leejtwg xyuamphaaj kom koj hab coj koj moog rua huv lub tsev tu plaub, uantej kws tsi tau moog has plaub hab tseem muaj sijhawm, koj cale khu nwg kuas meb rov sishum. Yog koj tsi ua le ntawd, thaus moog txug tod lawm, nwg yuav muab koj cob rua tug txavtxim, tes tug txavtxim yuav muab koj cob rua tub ceevxwm, hab tub ceevxwm yuav coj koj moog kaw rua huv tsev lojcuj. 26Kuv qha tseeb rua koj has tas, koj yuav tawm tsi tau moog txug thaus kws koj them nqe taag tsaiv.
Qha Txug Kev Nkauj Kev Nraug
27“Mej tub nov tej lug qha kws has tas, ‘Tsi xob dleev luas quaspuj luas quasyawg.’ #Tsiv 20:14; 2Kev 5:18 28Tabsis nwgnuav Kuv qha rua mej has tas, yog leejtwg saib ib tug quaspuj hab xaav dleev tug quaspuj ntawd, tes tub yog nwg ua kev nkauj kev nraug nrug tug quaspuj ntawd huv nwg lub sab lawm. 29Yogle ntawd, yog koj saab qhovmuag xis ua rua koj ua txhum, cale muab nwg kaus povtseg! Koj tsi muaj ib saab qhovmuag tseem zoo dlua le muab taagnrho koj lub cev pov rua huv ntujtawg. #Math 18:9; Malak 9:47 30Yog koj saab teg xis ua rua koj ua txhum, cale muab nwg txav povtseg! Koj tsi muaj ib saab teg tseem zoo dlua le muab taagnrho koj lub cev pov rua huv ntujtawg. #Math 18:8; Malak 9:43
Qha Txug Kev Sisnrauj
(Mathais 19:9; Malakaus 10:11-12; Lukas 16:18)
31“Tseem muaj dlua lulug qha has tas, ‘Yog leejtwg nrauj nwg tug quaspuj, nwg yuavtsum ua ib tsaab ntawv sisnrauj rua tug quaspuj.’ #2Kev 24:1-4; Math 19:7; Malak 10:4 32Tabsis nwgnuav Kuv qha rua mej has tas, yog leejtwg tug quaspuj tsi tau moog dleev hluasnraug tabsis nwg cale muab nrauj, tes nwg yog tug kws ua rua tug quaspuj ntawd moog ua kev nkauj kev nraug, yog tas tug quaspuj ntawd rov moog yuav dlua quasyawg tshab; hab leejtwg yuav tug pujnrauj ntawd, tes yog nwg dleev luas quaspuj lawm. #Math 19:9; Malak 10:11-12; Lukas 16:18; 1Klt 7:10-11
Qha Txug Kev Twv
33“Mej tub nov tej lug kws luas qha rua cov tuabneeg thaus u has tas, ‘Mej yuavtsum ua lawvle mej tau coglug tseg rua tug Tswv lawm, tsi xob rhuav tej lug cogtseg ntawd.’ #Levi 19:12; Teev 30:2; 2Kev 23:21 34Tabsis nwgnuav Kuv qha rua mej has tas, thaus mej coglug, mej tsi xob twv ntuj twv teb. Tsi xob twv lub ntuj, ruaqhov lub ntuj yog Vaajtswv lub zwmtxwv; #Yakau 5:12; Yaxaya 66:1; Math 23:22 35tsi xob twv lub nplajteb, ruaqhov lub nplajteb yog Vaajtswv lub chaw tag taw; tsi xob twv txug lub nroog Yeluxalees, ruaqhov lub nroog ntawd yog tug Vaajntxwv kws muaj fwjchim luj lub nroog. #Yaxaya 66:1; Nnkauj 48:2 36Tsi xob twv rua mej lub taubhau, ruaqhov mej yeej ua tsi tau kuas mej ib txuj plaubhau dlawb lossis dlub. 37Qhov kws yog, mej cale has tas ‘Yog,’ qhov kws tsi yog, mej cale has tas, ‘Tsi yog.’ Yog mej has tshaaj ob lulug nuav, tes tej lug ntawd yog lug ntawm dlaab ntxwgnyoog lawm xwb.
Qha Txug Kev Ua Phem Pauj Phem
(Lukas 6:29-30)
38“Mej tub nov tej lug qha kws has tas, ‘Qhovmuag pauj qhovmuag, hab nav pauj nav.’ #Tsiv 21:24; Levi 24:20; 2Kev 19:21 39Tabsis nwgnuav Kuv qha rua mej has tas, mej tsi xob ua phem pauj tug tuabneeg kws ua phem rua mej. Yog leejtwg ntaus mej saab plhu xis, mej cale tig saab tod rua nwg ntaus hab. 40Yog leejtwg xyuamphaaj kom mej rua huv tsev tu plaub, txhaav mej lub tsho saabhuv, mej cale hle lub tsho luj saabnrau rua nwg hab. 41Yog leejtwg yuam mej kuas moog 1 kilumev, mej cale moog 2 kilumev. 42Yog leejtwg thov mej ib yaam dlaabtsi, cale muab rua nwg; yog leejtwg qev mej ib yaam dlaabtsi, cale qev rua nwg.
Kev Hlub Yeebncuab
(Lukas 6:27-28, 32-36)
43“Mej tub nov tej lug qha kws has tas, ‘Yuavtsum hlub mej cov kwvtij hab ntxub mej cov yeebncuab.’ 44Tabsis nwgnuav Kuv qha rua mej has tas, hlub mej cov yeebncuab hab thov Vaajtswv rua cov kws tsimtxom mej, 45mas mej txhaj yog Leejtxiv kws nyob sau ntuj cov mivnyuas. Ruaqhov Vaajtswv yeej ua Nwg lub nub ci rua cov tuabneeg ua phem hab cov tuabneeg ua zoo ib yaam nkaus, hab tso naag lug rua cov tuabneeg ncaaj hab cov tuabneeg nkhaus ib yaam nkaus. 46Yog mej tsuas hlub cov kws hlub mej xwb, mej xaav tas Vaajtswv tseem yuav muab nqezug rua mej hab nua lov? Txawm yog cov tuabneeg sau se los puab kuj paub ua le ntawd hab. 47Yog mej tsuas nrug mej cov kwvtij thaam nkaus xwb, mej xaav tas mej ua tau zoo tshaaj lwmtug nua lov? Txawm yog cov kws tsi paub Vaajtswv los puab kuj txawj ua le ntawd hab! 48Yogle ntawd, mej yuavtsum ua zoo kawg nkaus, ib yaam le mej Leejtxiv kws nyob sau ntuj ceebtsheej yog tug zoo kawg nkaus. #Levi 19:2; 2Kev 18:13
Currently Selected:
Mathais 5: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais 5
5
Zaaj Lug Qhuabqha Sau Roob
1Thaus Yexus pum cov tuabneeg coob-coob, tes Nwg txawm nce moog rua peg roob hab nyob quastsawg. Nwg cov thwjtim txawm lug sissau puagncig Nwg, 2hab Nwg txawm pib qha puab has tas:
Kev Zoosab Kws Tseeb
(Lukas 6:20-23)
3“Cov kws pluag rua saab ntsujplig, cov ntawd muaj kev zoosab,
ruaqhov Vaajtswv lub Ntuj Ceebtsheej yog puab tug!
4“Cov kws quajntsuag, cov ntawd muaj kev zoosab,
ruaqhov Vaajtswv yuav nplig puab sab! #Yaxaya 61:2
5“Cov kws txu fwjchim, cov ntawd muaj kev zoosab,
ruaqhov Vaajtswv yuav muab taagnrho lub nplajteb nuav rua puab! #Nnkauj 37:11
6“Cov kws tshaib hab nqhes rua txuj kev ncaajnceeg, cov ntawd muaj kev zoosab,
ruaqhov Vaajtswv yuav pub rua puab tsaunpo! #Yaxaya 55:1-2
7“Cov kws taabncuab lwmtug, cov ntawd muaj kev zoosab,
ruaqhov Vaajtswv yuav taabncuab puab!
8“Cov kws muaj lub sab dlawbhuv, cov ntawd muaj kev zoosab,
ruaqhov puab yuav pum Vaajtswv! #Nnkauj 24:3-4
9“Cov kws ua rua tuabneeg nyob sis humxeeb, cov ntawd muaj kev zoosab,
ruaqhov Vaajtswv yuav hu puab has tas yog Nwg cov mivnyuas!
10“Cov kws raug luas tsimtxom vim puab ua lawvle Vaajtswv lub sab nyam, cov ntawd muaj kev zoosab,
ruaqhov Vaajtswv lub Ntuj Ceebtsheej yog puab tug! #1Pet 3:14
11“Thaus luas txobthuam hab tsimtxom mej, hab ab-lam txhua yaam phem rua mej vim mej yog Kuv cov thwjtim, mej muaj kev zoosab. #1Pet 4:14 12Mej cale txaussab hab zoosab ruaqhov Vaajtswv tub khaws nqezug ntau kawg le ca sau ntuj ceebtsheej rua mej lawm. Thaus u cov xwbfwb cev Vaajtswv lug los kuj raug tsimtxom ib yaam nkaus le nuav hab. #2Xwm 36:16; Tegnum 7:52
Ntsev Hab Teeb
(Malakaus 9:50; Lukas 14:34-35)
13“Mej yog cov ntsev rua tuabneeg nplajteb. Tabsis yog cov ntsev tsuag lawm, yuav ua lecaag txhaj rov dlaw tau? Cov ntsev ntawd yeej tsi muajnqes dlaabtsi lawm, kawg muab povtseg hab ca tuabneeg tsuj xwb. #Malak 9:50; Lukas 14:34-35
14“Mej yog qhov pumkev rua tuabneeg nplajteb. Lub nroog kws nyob sau roob, yeej tsi muaj ib yaam dlaabtsi yuav thaiv tau nwg. #Yauh 8:12; 9:5 15Tsi muaj leejtwg taws teeb es muab ib lub phab khwb rua; tsuas muaj yuav muab txawb rua sau lub txee txawb teeb, kuas txhua tug kws nyob huv lub tsev pumkev xwb. #Malak 4:21; Lukas 8:16; 11:33 16Ib yaam le ntawd, mej lub teeb yuavtsum ci rua suavdlawg, sub puab txhaj yuav pum tej num zoo kws mej ua hab qhuas mej Leejtxiv kws nyob sau ntuj ceebtsheej. #1Pet 2:12
Qha Txug Mauxes Txuj Kevcai
17“Mej tsi xob xaav tas Kuv lug rhuav Mauxes txuj Kevcai hab rhuav cov xwbfwb cev Vaajtswv lug tej lug qha. Kuv yeej tsi lug rhuav tej lug ntawd le, tabsis yog Kuv lug ua tej ntawd kuas tav. 18Kuv qha tseeb rua mej has tas, thaus twg kws lub ntuj hab lub nplajteb tseem muaj nyob, tes txawm yog tug nyuas tsajntawv kws miv dlua ndlais, lossis ib nyuas tee ntawm tug cwjmem los yeej yuav tsi poob ntawm txuj Kevcai, moog txug thaus txhua yaam tav huvsi.#5:18: thaus txhua yaam tav huvsi; lossis txhua yaam lug qha muaj tav. #Lukas 16:17 19Yogle ntawd, yog leejtwg tsi kaam ua lawvle nqai lug kws miv dlua ndlais huv txuj Kevcai nuav hab nwg tseem qha lwmtug kuas tsi xob ua lawvle ntawd, tes Vaajtswv yuav suav has tas nwg yog tug kws yau dlua ndlais cov kws nyob huv Vaajtswv lub Ntuj Ceebtsheej. Tabsis tug kws ua lawvle txuj Kevcai ntawd hab qha rua lwmtug kuas ua lawvle ntawd, tes nwg yuav yog tug luj kws nyob huv Vaajtswv lub Ntuj Ceebtsheej. 20Kuv qha rua mej has tas, yog mej tsi ua ncaaj dlua cov xwbfwb kws qha Kevcai hab cov Falixais, tes mej yeej yuav moog tsi tau rua huv Vaajtswv lub Ntuj Ceebtsheej hlo le.
Qha Txug Kev Chim
21“Mej tub nov tej lug kws luas qha rua cov tuabneeg thaus u lawm has tas, ‘Tsi xob tua tuabneeg; tug kws tua tuabneeg, tug ntawd yuav raug txim.’ #Tsiv 20:13; 2Kev 5:17 22Tabsis Kuv qha rua mej has tas, yog leejtwg chim#5:22: yog leejtwg chim; tej phoo ntawv qub kws xuas teg sau has tas yog leejtwg laam cale chim kws tsi muaj qaabhau. rua nwg tug kwvtij, tug ntawd yuav raug txim; hab tug kws has rua nwg tug kwvtij has tas, ‘Tuabneeg ruag!’ tes tug ntawd yuav raug coj moog rua numtswv txavtxim; hab tug kws hu nwg ib tug kwvtij has tas, ‘Tuabneeg vwm!’ tes nwg lub txim txaus poob moog rua huv ntujtawg lawm. 23Yogle ntawd, thaus koj tseem taabtom yuav muab khoom tso rua sau lub thaaj fij rua Vaajtswv, yog koj ncu tau has tas koj tug kwvtij muaj ib yaam dlaabtsi kws nwg tsi txaussab rua koj, 24tes koj cale tso plhuav koj tej khoom fij tseg rua ntawm lub thaaj, hab rovqaab moog khu kuas meb sis humxeeb tsaiv, koj maamle rovqaab tuaj muab koj tej khoom ntawd fij rua Vaajtswv.
25“Yog leejtwg xyuamphaaj kom koj hab coj koj moog rua huv lub tsev tu plaub, uantej kws tsi tau moog has plaub hab tseem muaj sijhawm, koj cale khu nwg kuas meb rov sishum. Yog koj tsi ua le ntawd, thaus moog txug tod lawm, nwg yuav muab koj cob rua tug txavtxim, tes tug txavtxim yuav muab koj cob rua tub ceevxwm, hab tub ceevxwm yuav coj koj moog kaw rua huv tsev lojcuj. 26Kuv qha tseeb rua koj has tas, koj yuav tawm tsi tau moog txug thaus kws koj them nqe taag tsaiv.
Qha Txug Kev Nkauj Kev Nraug
27“Mej tub nov tej lug qha kws has tas, ‘Tsi xob dleev luas quaspuj luas quasyawg.’ #Tsiv 20:14; 2Kev 5:18 28Tabsis nwgnuav Kuv qha rua mej has tas, yog leejtwg saib ib tug quaspuj hab xaav dleev tug quaspuj ntawd, tes tub yog nwg ua kev nkauj kev nraug nrug tug quaspuj ntawd huv nwg lub sab lawm. 29Yogle ntawd, yog koj saab qhovmuag xis ua rua koj ua txhum, cale muab nwg kaus povtseg! Koj tsi muaj ib saab qhovmuag tseem zoo dlua le muab taagnrho koj lub cev pov rua huv ntujtawg. #Math 18:9; Malak 9:47 30Yog koj saab teg xis ua rua koj ua txhum, cale muab nwg txav povtseg! Koj tsi muaj ib saab teg tseem zoo dlua le muab taagnrho koj lub cev pov rua huv ntujtawg. #Math 18:8; Malak 9:43
Qha Txug Kev Sisnrauj
(Mathais 19:9; Malakaus 10:11-12; Lukas 16:18)
31“Tseem muaj dlua lulug qha has tas, ‘Yog leejtwg nrauj nwg tug quaspuj, nwg yuavtsum ua ib tsaab ntawv sisnrauj rua tug quaspuj.’ #2Kev 24:1-4; Math 19:7; Malak 10:4 32Tabsis nwgnuav Kuv qha rua mej has tas, yog leejtwg tug quaspuj tsi tau moog dleev hluasnraug tabsis nwg cale muab nrauj, tes nwg yog tug kws ua rua tug quaspuj ntawd moog ua kev nkauj kev nraug, yog tas tug quaspuj ntawd rov moog yuav dlua quasyawg tshab; hab leejtwg yuav tug pujnrauj ntawd, tes yog nwg dleev luas quaspuj lawm. #Math 19:9; Malak 10:11-12; Lukas 16:18; 1Klt 7:10-11
Qha Txug Kev Twv
33“Mej tub nov tej lug kws luas qha rua cov tuabneeg thaus u has tas, ‘Mej yuavtsum ua lawvle mej tau coglug tseg rua tug Tswv lawm, tsi xob rhuav tej lug cogtseg ntawd.’ #Levi 19:12; Teev 30:2; 2Kev 23:21 34Tabsis nwgnuav Kuv qha rua mej has tas, thaus mej coglug, mej tsi xob twv ntuj twv teb. Tsi xob twv lub ntuj, ruaqhov lub ntuj yog Vaajtswv lub zwmtxwv; #Yakau 5:12; Yaxaya 66:1; Math 23:22 35tsi xob twv lub nplajteb, ruaqhov lub nplajteb yog Vaajtswv lub chaw tag taw; tsi xob twv txug lub nroog Yeluxalees, ruaqhov lub nroog ntawd yog tug Vaajntxwv kws muaj fwjchim luj lub nroog. #Yaxaya 66:1; Nnkauj 48:2 36Tsi xob twv rua mej lub taubhau, ruaqhov mej yeej ua tsi tau kuas mej ib txuj plaubhau dlawb lossis dlub. 37Qhov kws yog, mej cale has tas ‘Yog,’ qhov kws tsi yog, mej cale has tas, ‘Tsi yog.’ Yog mej has tshaaj ob lulug nuav, tes tej lug ntawd yog lug ntawm dlaab ntxwgnyoog lawm xwb.
Qha Txug Kev Ua Phem Pauj Phem
(Lukas 6:29-30)
38“Mej tub nov tej lug qha kws has tas, ‘Qhovmuag pauj qhovmuag, hab nav pauj nav.’ #Tsiv 21:24; Levi 24:20; 2Kev 19:21 39Tabsis nwgnuav Kuv qha rua mej has tas, mej tsi xob ua phem pauj tug tuabneeg kws ua phem rua mej. Yog leejtwg ntaus mej saab plhu xis, mej cale tig saab tod rua nwg ntaus hab. 40Yog leejtwg xyuamphaaj kom mej rua huv tsev tu plaub, txhaav mej lub tsho saabhuv, mej cale hle lub tsho luj saabnrau rua nwg hab. 41Yog leejtwg yuam mej kuas moog 1 kilumev, mej cale moog 2 kilumev. 42Yog leejtwg thov mej ib yaam dlaabtsi, cale muab rua nwg; yog leejtwg qev mej ib yaam dlaabtsi, cale qev rua nwg.
Kev Hlub Yeebncuab
(Lukas 6:27-28, 32-36)
43“Mej tub nov tej lug qha kws has tas, ‘Yuavtsum hlub mej cov kwvtij hab ntxub mej cov yeebncuab.’ 44Tabsis nwgnuav Kuv qha rua mej has tas, hlub mej cov yeebncuab hab thov Vaajtswv rua cov kws tsimtxom mej, 45mas mej txhaj yog Leejtxiv kws nyob sau ntuj cov mivnyuas. Ruaqhov Vaajtswv yeej ua Nwg lub nub ci rua cov tuabneeg ua phem hab cov tuabneeg ua zoo ib yaam nkaus, hab tso naag lug rua cov tuabneeg ncaaj hab cov tuabneeg nkhaus ib yaam nkaus. 46Yog mej tsuas hlub cov kws hlub mej xwb, mej xaav tas Vaajtswv tseem yuav muab nqezug rua mej hab nua lov? Txawm yog cov tuabneeg sau se los puab kuj paub ua le ntawd hab. 47Yog mej tsuas nrug mej cov kwvtij thaam nkaus xwb, mej xaav tas mej ua tau zoo tshaaj lwmtug nua lov? Txawm yog cov kws tsi paub Vaajtswv los puab kuj txawj ua le ntawd hab! 48Yogle ntawd, mej yuavtsum ua zoo kawg nkaus, ib yaam le mej Leejtxiv kws nyob sau ntuj ceebtsheej yog tug zoo kawg nkaus. #Levi 19:2; 2Kev 18:13
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.