Mathais 3
3
Yauhaas Tug Kws Muab Tuabneeg Ua Kevcai Rausdlej Tej Lug Qhuabqha
(Malakaus 1:1-8; Lukas 3:1-18; Yauhaas 1:19-28)
1Lub sijhawm ntawd Yauhaas tug kws muab tuabneeg ua kevcai rausdlej tau tawm tuaj qhuabqha tom roob mojsaab qhua huv xeev Yudas. 2Yauhaas has tas, “Mej cale tso mej tej kev txhum tseg, ruaqhov Vaajtswv lub Ntuj Ceebtsheej tub lug ze lawm!” #Math 4:17; Malak 1:15
3Tug Yauhaas nuav yog tug kws tug xwbfwb cev Vaajtswv lug Yaxayas tub qha tseg lawm has tas,
“Muaj ib tug qw nrov-nrov tom roob mojsaab qhua has tas,
‘Cale khu kev tog tug Tswv;
Cale khu txujkev kuas ncaaj rua Nwg tau taug!’ ” #Yaxaya 40:3 (LXX)
4Yauhaas tej rigtsho yog muab plaub ntxhuav ua; nwg sa ib txuj hlaab tawv ntawm dluav, hab nwg tej zaub-mov yog kooj hab zib ntaab. #2Vaaj 1:8 5Tej tuabneeg huv lub nroog Yeluxalees, thoobplawg huv xeev Yudas, hab huv tej zejzog kws nyob lawv tug Dlej Yauladees tuaj cuag Yauhaas. 6Puab nyag leeg nyag lub txim, hab nwg muab puab ua kevcai rausdlej huv tug Dlej Yauladees.
7Thaus Yauhaas pum cov Falixais hab cov Xadukais coob leej tuaj ua kevcai rausdlej ntawm nwg, nwg txhaj has rua puab tas, “Cov nam naab phem, leejtwg qha rua mej has tas mej yuav tsiv dlim Vaajtswv txuj kev txavtxim kws yuav muaj lug sai-sai nuav? #Math 12:34; 23:33 8Mej yuavtsum ua lub neej kuas qha tau has tas mej tub tso mej tej kev txhum tseg lawm. 9Mej tsi xob xaav tas mej yuav dlim Vaajtswv txuj kev txavtxim lug ntawm qhov kws mej has tas Anplahaas yog mej yawmkoob. Kuv qha rua mej has tas, Vaajtswv muaj peevxwm muab tej pobzeb nuav lug ua Anplahaas le caajceg los yeej tau! #Yauh 8:33 10Taamsim nuav raab taus tub nyob ntawm cov hauvpaug ntoo lawm; txhua tsob ntoo kws tsi txi cov txiv zoo yuav raug muab ntuv hab muab pov rua huv cub suavtawg. #Math 7:19
11“Kuv muab mej ua kevcai raus rua huv dlej yog qha has tas mej tub tso mej tej kev txhum tseg lawm, tabsis tug kws yuav lawv kuv qaab lug, Nwg yuav muab mej ua kevcai raus rua huv Vaaj Ntsujplig tug Dlawbhuv hab suavtawg. Tug ntawd muaj fwjchim luj dlua kuv; kuv tub tsi tsimnyog nqaa Nwg nkawm khau khab. 12Nwg tuav rawv ib raab ntxuam, Nwg yuav ntxuaj Nwg pawg nplej kuas cov npluag yaa tawm huv tuabsi. Nwg yuav muab cov nplej ntim rua huv Nwg lub txhaab, tabsis Nwg yuav muab cov npluag pov rua huv cub suavtawg kws cig tsi paub tuag.”
Yexus Ua Kevcai Rausdlej
(Malakaus 1:9-11; Lukas 3:21-22)
13Lub sijhawm ntawd Yexus tuaj peg Kalilais tuaj cuag Yauhaas ntawm tug dlej Yauladees kuas Yauhaas muab Nwg ua kevcai rausdlej. 14Tabsis Yauhaas tsi kaam, Yauhaas has rua Yexus has tas, “Tub tsimnyog Koj yog tug kws muab kuv ua kevcai rausdlej, uacaag Koj tseem tuaj cuag kuv?”
15Yexus teb nwg has tas, “Zagnuav koj cale yeem, ruaqhov yeej tsimnyog ca peb ua le nuav kuas tav lawvle txhua yaam kws Vaajtswv pumzoo.” Yogle ntawd, Yauhaas txhaj muab Yexus ua kevcai rausdlej.
16Thaus Yexus ua kevcai rausdlej taag, Nwg tawm huv haavdlej lug. Taamsim ntawd roojntug txawm qheb hlo, Nwg pum Vaajtswv tug Ntsujplig zoole ib tug nquab lug tsaws rua sau Nwg. 17Tes txawm muaj ib lub suab has sau ntuj tuaj has tas, “Tug nuav yog Kuv tug Tub kws Kuv hlub, Kuv txaussab rua Nwg heev.” #Chiv 22:2; Nnkauj 2:7; Yaxaya 42:1; Math 12:18; 17:5; Malak 1:11; Lukas 9:35
Currently Selected:
Mathais 3: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais 3
3
Yauhaas Tug Kws Muab Tuabneeg Ua Kevcai Rausdlej Tej Lug Qhuabqha
(Malakaus 1:1-8; Lukas 3:1-18; Yauhaas 1:19-28)
1Lub sijhawm ntawd Yauhaas tug kws muab tuabneeg ua kevcai rausdlej tau tawm tuaj qhuabqha tom roob mojsaab qhua huv xeev Yudas. 2Yauhaas has tas, “Mej cale tso mej tej kev txhum tseg, ruaqhov Vaajtswv lub Ntuj Ceebtsheej tub lug ze lawm!” #Math 4:17; Malak 1:15
3Tug Yauhaas nuav yog tug kws tug xwbfwb cev Vaajtswv lug Yaxayas tub qha tseg lawm has tas,
“Muaj ib tug qw nrov-nrov tom roob mojsaab qhua has tas,
‘Cale khu kev tog tug Tswv;
Cale khu txujkev kuas ncaaj rua Nwg tau taug!’ ” #Yaxaya 40:3 (LXX)
4Yauhaas tej rigtsho yog muab plaub ntxhuav ua; nwg sa ib txuj hlaab tawv ntawm dluav, hab nwg tej zaub-mov yog kooj hab zib ntaab. #2Vaaj 1:8 5Tej tuabneeg huv lub nroog Yeluxalees, thoobplawg huv xeev Yudas, hab huv tej zejzog kws nyob lawv tug Dlej Yauladees tuaj cuag Yauhaas. 6Puab nyag leeg nyag lub txim, hab nwg muab puab ua kevcai rausdlej huv tug Dlej Yauladees.
7Thaus Yauhaas pum cov Falixais hab cov Xadukais coob leej tuaj ua kevcai rausdlej ntawm nwg, nwg txhaj has rua puab tas, “Cov nam naab phem, leejtwg qha rua mej has tas mej yuav tsiv dlim Vaajtswv txuj kev txavtxim kws yuav muaj lug sai-sai nuav? #Math 12:34; 23:33 8Mej yuavtsum ua lub neej kuas qha tau has tas mej tub tso mej tej kev txhum tseg lawm. 9Mej tsi xob xaav tas mej yuav dlim Vaajtswv txuj kev txavtxim lug ntawm qhov kws mej has tas Anplahaas yog mej yawmkoob. Kuv qha rua mej has tas, Vaajtswv muaj peevxwm muab tej pobzeb nuav lug ua Anplahaas le caajceg los yeej tau! #Yauh 8:33 10Taamsim nuav raab taus tub nyob ntawm cov hauvpaug ntoo lawm; txhua tsob ntoo kws tsi txi cov txiv zoo yuav raug muab ntuv hab muab pov rua huv cub suavtawg. #Math 7:19
11“Kuv muab mej ua kevcai raus rua huv dlej yog qha has tas mej tub tso mej tej kev txhum tseg lawm, tabsis tug kws yuav lawv kuv qaab lug, Nwg yuav muab mej ua kevcai raus rua huv Vaaj Ntsujplig tug Dlawbhuv hab suavtawg. Tug ntawd muaj fwjchim luj dlua kuv; kuv tub tsi tsimnyog nqaa Nwg nkawm khau khab. 12Nwg tuav rawv ib raab ntxuam, Nwg yuav ntxuaj Nwg pawg nplej kuas cov npluag yaa tawm huv tuabsi. Nwg yuav muab cov nplej ntim rua huv Nwg lub txhaab, tabsis Nwg yuav muab cov npluag pov rua huv cub suavtawg kws cig tsi paub tuag.”
Yexus Ua Kevcai Rausdlej
(Malakaus 1:9-11; Lukas 3:21-22)
13Lub sijhawm ntawd Yexus tuaj peg Kalilais tuaj cuag Yauhaas ntawm tug dlej Yauladees kuas Yauhaas muab Nwg ua kevcai rausdlej. 14Tabsis Yauhaas tsi kaam, Yauhaas has rua Yexus has tas, “Tub tsimnyog Koj yog tug kws muab kuv ua kevcai rausdlej, uacaag Koj tseem tuaj cuag kuv?”
15Yexus teb nwg has tas, “Zagnuav koj cale yeem, ruaqhov yeej tsimnyog ca peb ua le nuav kuas tav lawvle txhua yaam kws Vaajtswv pumzoo.” Yogle ntawd, Yauhaas txhaj muab Yexus ua kevcai rausdlej.
16Thaus Yexus ua kevcai rausdlej taag, Nwg tawm huv haavdlej lug. Taamsim ntawd roojntug txawm qheb hlo, Nwg pum Vaajtswv tug Ntsujplig zoole ib tug nquab lug tsaws rua sau Nwg. 17Tes txawm muaj ib lub suab has sau ntuj tuaj has tas, “Tug nuav yog Kuv tug Tub kws Kuv hlub, Kuv txaussab rua Nwg heev.” #Chiv 22:2; Nnkauj 2:7; Yaxaya 42:1; Math 12:18; 17:5; Malak 1:11; Lukas 9:35
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.