Mathais 19
19
Yexus Has Txug Kev Sisnrauj
(Malakaus 10:1-12)
1Thaus Yexus has tej lug ntawd taag lawm, Nwg txawm tawm huv lub xeev Kalilais moog rua nraag cheebtsaam lub xeev Yudas saab Dlej Yauladees tim u. 2Muaj tuabneeg coob-coob nrug Nwg moog, hab Nwg khu puab zoo mob huv tuabsi nyob rua qhov ntawd.
3Muaj cov Falixais qeeleej tuaj cuag Yexus, hab xaav sim Nwg. Puab thom Yexus has tas, “Peb txuj Kevcai puas pub ib tug txivneej nrauj nwg tug quaspuj, txawm yog tim dlaabtsi los xij?”
4Yexus teb tas, “Mej tsi tau nyeem Vaajtswv Txujlug kws has tas thaus chivkeeb Vaajtswv ‘tsim tug quasyawg hab tug quaspuj’ nua lov?#Chiv 1:27; 5:2 5Hab Vaajtswv has tas, ‘Tub yog vimle nuav tug txivneej txhaj tso nwg nam nwg txiv tseg hab moog nrug nwg tug quaspuj tsheejxeeb uake, hab obtug yuav koom ua ib lub cev.’ #Chiv 2:24 6Obtug tsi yog ob leeg, tabsis yog ib leeg lawm xwb. Yogle ntawd, yaam kws Vaajtswv tau muab lu tsheejxeeb uake lawm, tuabneeg tsi xob muab cais.”
7Cov Falixais rov nug Yexus has tas, “Yogle ntawd, ua lecaag Mauxes ho tsocai rua tug quasyawg ua ib tsaab ntawv sisnrauj rua nwg tug quaspuj hab muab nwg xaa moog?” #2Kev 24:1-4; Math 5:31
8Yexus teb tas, “Qhov kws Mauxes tsocai rua mej nrauj quaspuj, tub yog vim mej lub sab tawv dlhau. Tabsis thaus chivkeeb yeej tsi muaj le ntawd. 9Kuv qha rua mej has tas, yog leejtwg tug quaspuj tsi tau moog dleev hluasnraug, tabsis nwg cale muab nrauj, yog nwg moog yuav dlua ib tug quaspuj, tes yog nwg ua kev nkauj kev nraug.” #Math 5:32; 1Klt 7:10-11
10Cov thwjtim has rua Yexus tas, “Yog yuav quaspuj quasyawg es zoole nuav, tes tsi xob sisyuav kuj zoo dlua.”
11Yexus teb tas, “Tsi yog txhua tug yuav ua tau lawvle txujlug nuav qha, tabsis tsuas yog tug kws Vaajtswv pub rua txhaj ua tau xwb. 12Ruaqhov muaj qeeyaam kws ua rua txivneej yuav tsi tau quaspuj: qeeleej yeej yug lug zoole ntawd, lwmtug yog muaj tuabneeg muab puab saam; hab muaj dlua lwmtug kws tsi yuav quaspuj vim nwg saib rua sau Vaajtswv lub Ntuj Ceebtsheej. Tug kws ua tau lawvle txujlug nuav qha, ca nwg ua nwg le ntawd.”
Yexus Foom Koobmoov Rua Cov Mivnyuas Yau
(Malakaus 10:13-16; Lukas 18:15-17)
13Muaj tuabneeg coj tej mivnyuas yau tuaj cuag Yexus kuas Nwg tsaa teg hab thov Vaajtswv rua puab, tabsis cov thwjtim tshev cov tuabneeg ntawd. 14Yexus has tas, “Ca cov mivnyuas yau lug cuag Kuv, tsi xob taav puab, ruaqhov Vaajtswv lub Ntuj Ceebtsheej yog cov kws zoole cov mivnyuas yau nuav tug.”
15Nwg txhaj tsaa teg rua sau cov mivnyuas ntawd taubhau, hab tawm qhov chaw ntawd moog lawm.
Tug Hluas Kws Npluanuj
(Malakaus 10:17-31; Lukas 18:18-30)
16Muaj ib zag, muaj ib tug txivneej tuaj cuag Yexus hab nug has tas, “Xwbfwb, yaam twg yog yaam zoo kws kuv yuavtsum tau ua es kuv txhaj tau txujsa ntev dlhawv moog ibtxhis?”
17Yexus teb tas, “Vim lecaag koj ho nug Kuv txug yaam kws zoo? Tsuas muaj Tuabtug txhaj yog tug zoo xwb. Yog koj xaav tau txujsa, koj yuavtsum coj lawvle Vaajtswv tej kevcai.”
18Nwg rov nug Yexus has tas, “Yog nqai twg?”
Yexus teb tas, “Tsi xob tua tuabneeg; tsi xob dleev luas quaspuj luas quasyawg; tsi xob ua tubsaab; tsi xob ua timkhawv cuav; #Tsiv 20:13; 2Kev 5:17; Tsiv 20:14; 2Kev 5:18; Tsiv 20:15; 2Kev 5:19; Tsiv 20:16; 2Kev 5:20 19fwm koj nam koj txiv; hab hlub koj tug kwvtij zejzog ib yaam le koj hlub koj tugkheej.” #Tsiv 20:12; 2Kev 5:16; Levi 19:18
20Tug hluas ntawd teb tas, “Kuv tub coj txhua nqai ko huv tuabsi lawm. Tseem tshuav yaam twg kws kuv tuncua hab?”
21Yexus has rua nwg tas, “Yog koj xaav ua tug kws zoo kawg nkaus, koj rov moog muab txhua yaam kws koj muaj muag huv tuabsi hab muab cov nyaj ntawd moog pub rua cov tuabneeg pluag, koj txhaj yuav npluanuj rua sau ntuj ceebtsheej; tomqaab ntawd koj cale lug nrug Kuv moog.”
22Thaus tug hluas nov le ntawd, nwg txawm tawm moog hab nyuajsab kawg le, vim nwg npluanuj heev.
23Yexus txhaj has rua Nwg cov thwjtim tas, “Kuv qha tseeb rua mej has tas, qhov kws ib tug tuabneeg npluanuj yuav nkaag tau moog rua Vaajtswv lub Ntuj Ceebtsheej mas nyuaj kawg le. 24Kuv has ntxiv rua mej has tas, ib tug ntxhuav nkaag lub qhov koob tseem yoojyim dlua le ib tug tuabneeg npluanuj nkaag moog rua huv Vaajtswv lub Tebchaws.”
25Thaus cov thwjtim nov le ntawd, puab xaav tsi thoob le. Puab nug has tas, “Yogle ntawd, leejtwg txhaj yuav dlim tau?”
26Yexus tsaa qhovmuag saib puab hab teb tas, “Yaam nuav mas tuabneeg ua tsi tau, tabsis Vaajtswv ua tau txhua yaam huv tuabsi.”
27Tes Petus txawm has rua Yexus tas, “Saib maj, peb tub tso txhua yaam tseg hab nrug Koj moog! Peb yuav tau dlaabtsi?”
28Yexus has rua puab tas, “Kuv qha tseeb rua mej has tas, thaus Tuabneeg Leejtub nyob sau lub zwmtxwv kws ci ntsaa-ab huv lub nplajteb tshab, mas mej kaum-ob leeg kws nrug Kuv nuav yuav tau nyob sau kaum-ob lub zwmtxwv, txavtxim rua kaum-ob xeem Yixalayees. #Math 25:31; Lukas 22:30 29Hab txhua tug kws tso vaaj tso tsev, tso kwv tso tij, tso nkauj tso muam, tso nam tso txiv, lossis tso mivnyuas, hab tso laj-teb tseg vim Kuv, nwg yuav tau txais 100 npaug, hab nwg yuav tau txujsa ntev dlhawv moog ibtxhis. 30Tabsis muaj ntau tug kws nwgnuav nyob tom hauvntej yuav tau moog nyob tom tw, hab ntau tug kws nyob tom tw yuav tau moog nyob tom hauvntej. #Math 20:16; Lukas 13:30
Currently Selected:
Mathais 19: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais 19
19
Yexus Has Txug Kev Sisnrauj
(Malakaus 10:1-12)
1Thaus Yexus has tej lug ntawd taag lawm, Nwg txawm tawm huv lub xeev Kalilais moog rua nraag cheebtsaam lub xeev Yudas saab Dlej Yauladees tim u. 2Muaj tuabneeg coob-coob nrug Nwg moog, hab Nwg khu puab zoo mob huv tuabsi nyob rua qhov ntawd.
3Muaj cov Falixais qeeleej tuaj cuag Yexus, hab xaav sim Nwg. Puab thom Yexus has tas, “Peb txuj Kevcai puas pub ib tug txivneej nrauj nwg tug quaspuj, txawm yog tim dlaabtsi los xij?”
4Yexus teb tas, “Mej tsi tau nyeem Vaajtswv Txujlug kws has tas thaus chivkeeb Vaajtswv ‘tsim tug quasyawg hab tug quaspuj’ nua lov?#Chiv 1:27; 5:2 5Hab Vaajtswv has tas, ‘Tub yog vimle nuav tug txivneej txhaj tso nwg nam nwg txiv tseg hab moog nrug nwg tug quaspuj tsheejxeeb uake, hab obtug yuav koom ua ib lub cev.’ #Chiv 2:24 6Obtug tsi yog ob leeg, tabsis yog ib leeg lawm xwb. Yogle ntawd, yaam kws Vaajtswv tau muab lu tsheejxeeb uake lawm, tuabneeg tsi xob muab cais.”
7Cov Falixais rov nug Yexus has tas, “Yogle ntawd, ua lecaag Mauxes ho tsocai rua tug quasyawg ua ib tsaab ntawv sisnrauj rua nwg tug quaspuj hab muab nwg xaa moog?” #2Kev 24:1-4; Math 5:31
8Yexus teb tas, “Qhov kws Mauxes tsocai rua mej nrauj quaspuj, tub yog vim mej lub sab tawv dlhau. Tabsis thaus chivkeeb yeej tsi muaj le ntawd. 9Kuv qha rua mej has tas, yog leejtwg tug quaspuj tsi tau moog dleev hluasnraug, tabsis nwg cale muab nrauj, yog nwg moog yuav dlua ib tug quaspuj, tes yog nwg ua kev nkauj kev nraug.” #Math 5:32; 1Klt 7:10-11
10Cov thwjtim has rua Yexus tas, “Yog yuav quaspuj quasyawg es zoole nuav, tes tsi xob sisyuav kuj zoo dlua.”
11Yexus teb tas, “Tsi yog txhua tug yuav ua tau lawvle txujlug nuav qha, tabsis tsuas yog tug kws Vaajtswv pub rua txhaj ua tau xwb. 12Ruaqhov muaj qeeyaam kws ua rua txivneej yuav tsi tau quaspuj: qeeleej yeej yug lug zoole ntawd, lwmtug yog muaj tuabneeg muab puab saam; hab muaj dlua lwmtug kws tsi yuav quaspuj vim nwg saib rua sau Vaajtswv lub Ntuj Ceebtsheej. Tug kws ua tau lawvle txujlug nuav qha, ca nwg ua nwg le ntawd.”
Yexus Foom Koobmoov Rua Cov Mivnyuas Yau
(Malakaus 10:13-16; Lukas 18:15-17)
13Muaj tuabneeg coj tej mivnyuas yau tuaj cuag Yexus kuas Nwg tsaa teg hab thov Vaajtswv rua puab, tabsis cov thwjtim tshev cov tuabneeg ntawd. 14Yexus has tas, “Ca cov mivnyuas yau lug cuag Kuv, tsi xob taav puab, ruaqhov Vaajtswv lub Ntuj Ceebtsheej yog cov kws zoole cov mivnyuas yau nuav tug.”
15Nwg txhaj tsaa teg rua sau cov mivnyuas ntawd taubhau, hab tawm qhov chaw ntawd moog lawm.
Tug Hluas Kws Npluanuj
(Malakaus 10:17-31; Lukas 18:18-30)
16Muaj ib zag, muaj ib tug txivneej tuaj cuag Yexus hab nug has tas, “Xwbfwb, yaam twg yog yaam zoo kws kuv yuavtsum tau ua es kuv txhaj tau txujsa ntev dlhawv moog ibtxhis?”
17Yexus teb tas, “Vim lecaag koj ho nug Kuv txug yaam kws zoo? Tsuas muaj Tuabtug txhaj yog tug zoo xwb. Yog koj xaav tau txujsa, koj yuavtsum coj lawvle Vaajtswv tej kevcai.”
18Nwg rov nug Yexus has tas, “Yog nqai twg?”
Yexus teb tas, “Tsi xob tua tuabneeg; tsi xob dleev luas quaspuj luas quasyawg; tsi xob ua tubsaab; tsi xob ua timkhawv cuav; #Tsiv 20:13; 2Kev 5:17; Tsiv 20:14; 2Kev 5:18; Tsiv 20:15; 2Kev 5:19; Tsiv 20:16; 2Kev 5:20 19fwm koj nam koj txiv; hab hlub koj tug kwvtij zejzog ib yaam le koj hlub koj tugkheej.” #Tsiv 20:12; 2Kev 5:16; Levi 19:18
20Tug hluas ntawd teb tas, “Kuv tub coj txhua nqai ko huv tuabsi lawm. Tseem tshuav yaam twg kws kuv tuncua hab?”
21Yexus has rua nwg tas, “Yog koj xaav ua tug kws zoo kawg nkaus, koj rov moog muab txhua yaam kws koj muaj muag huv tuabsi hab muab cov nyaj ntawd moog pub rua cov tuabneeg pluag, koj txhaj yuav npluanuj rua sau ntuj ceebtsheej; tomqaab ntawd koj cale lug nrug Kuv moog.”
22Thaus tug hluas nov le ntawd, nwg txawm tawm moog hab nyuajsab kawg le, vim nwg npluanuj heev.
23Yexus txhaj has rua Nwg cov thwjtim tas, “Kuv qha tseeb rua mej has tas, qhov kws ib tug tuabneeg npluanuj yuav nkaag tau moog rua Vaajtswv lub Ntuj Ceebtsheej mas nyuaj kawg le. 24Kuv has ntxiv rua mej has tas, ib tug ntxhuav nkaag lub qhov koob tseem yoojyim dlua le ib tug tuabneeg npluanuj nkaag moog rua huv Vaajtswv lub Tebchaws.”
25Thaus cov thwjtim nov le ntawd, puab xaav tsi thoob le. Puab nug has tas, “Yogle ntawd, leejtwg txhaj yuav dlim tau?”
26Yexus tsaa qhovmuag saib puab hab teb tas, “Yaam nuav mas tuabneeg ua tsi tau, tabsis Vaajtswv ua tau txhua yaam huv tuabsi.”
27Tes Petus txawm has rua Yexus tas, “Saib maj, peb tub tso txhua yaam tseg hab nrug Koj moog! Peb yuav tau dlaabtsi?”
28Yexus has rua puab tas, “Kuv qha tseeb rua mej has tas, thaus Tuabneeg Leejtub nyob sau lub zwmtxwv kws ci ntsaa-ab huv lub nplajteb tshab, mas mej kaum-ob leeg kws nrug Kuv nuav yuav tau nyob sau kaum-ob lub zwmtxwv, txavtxim rua kaum-ob xeem Yixalayees. #Math 25:31; Lukas 22:30 29Hab txhua tug kws tso vaaj tso tsev, tso kwv tso tij, tso nkauj tso muam, tso nam tso txiv, lossis tso mivnyuas, hab tso laj-teb tseg vim Kuv, nwg yuav tau txais 100 npaug, hab nwg yuav tau txujsa ntev dlhawv moog ibtxhis. 30Tabsis muaj ntau tug kws nwgnuav nyob tom hauvntej yuav tau moog nyob tom tw, hab ntau tug kws nyob tom tw yuav tau moog nyob tom hauvntej. #Math 20:16; Lukas 13:30
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.