Mathais 17
17
Yexus Lub Cev Hloov
(Malakaus 9:2-13; Lukas 9:28-36)
1Rau nub tomqaab ntawd Yexus txawm coj Petus, Yakaunpaus hab nwg tug kwv Yauhaas nrug Yexus moog rua sau ib lub roob sab. Qhov chaw ntawd tsuas muaj puab nkaus xwb. 2Yexus lub cev txawm hloov hlo rua puab pum: Nwg lub ntsejmuag ci ib yaam le lub nub, hab Nwg cev tsoogtsho cale ci ntsaa-ab dlawbpaug. 3Tes peb tug thwjtim ntawd txawm pum Mauxes hab Eliyas nrug Yexus thaam. 4Petus has rua Yexus has tas, “Tug Tswv, qhov kws peb nyob ntawm nuav zoo kawg le! Yog Koj pumzoo, kuv yuav ua peb lub tsev pheebsuab rua ntawm nuav, ib lub rua Koj, ib lub rua Mauxes, hab ib lub rua Eliyas.”
5Thaus Petus tseem taabtom has le ntawd, txawm muaj ib tauv fuab ci dlawbpaug lug roog nkaus puab, hab muaj ib lub suab has huv tauv fuab ntawd tuaj has tas, “Tug nuav yog Kuv tug Tub kws Kuv hlub, Kuv txaussab rua Nwg heev, mej cale noog Nwg lug!” #Chiv 22:2; Nnkauj 2:7; Yaxaya 42:1; Math 3:17; 12:18; Malak 1:11; Lukas 3:22; 2Kev 18:15 #2Pet 1:17-18
6Thaus cov thwjtim nov lub suab ntawd, puab ntshai kawg le, puab txawm qhau cev hlo hab nyo hau ntshis rua huv aav. 7Yexus lug tuav nkaus puab hab has tas, “Mej cale sawv, tsi xob ntshai.” 8Puab txawm tsaa qhovmuag saib, uacav tsi pum leejtwg le, tsuas pum Yexus tuableeg xwb.
9Thaus puab nqeg peg roob lug, Yexus txwv puab has tas, “Mej tsi xob qha tej kws mej pum ntawd rua leejtwg moog txug thaus kws Tuabneeg Leejtub sawv huv qhovtuag rovqaab lug tsaiv.”
10Cov thwjtim nug Yexus has tas, “Vim lecaag cov xwbfwb kws qha Kevcai has tas Eliyas yuavtsum xub lug uantej?” #Mlakis 4:5
11Yexus teb tas, “Tseeb tag, Eliyas yeej yuavtsum xub lug, hab lug npaaj txhua yaam kuas tavlog ca. 12Kuv qha rua mej has tas, Eliyas tub lug lawm, tabsis tuabneeg tsi paub nwg, puab txhaj ua rua nwg lawvle puab sab nyam. Tuabneeg Leejtub los yuav raug puab tsimtxom ib yaam nkaus le ntawd hab.” #Math 11:14
13Thaus ntawd cov thwjtim txhaj totaub has tas, qhov kws Yexus has ntawd yog Nwg has txug Yauhaas tug kws muab tuabneeg ua kevcai rausdlej.
Yexus Khu Tug Tub Kws Raug Ib Tug Dlaab
(Malakaus 9:14-29; Lukas 9:37-43a)
14Thaus Yexus hab Nwg peb tug thwjtim rov lug txug ntawm cov tuabneeg coob-coob, txawm muaj ib tug txivneej tuaj txhuscaug ndlua ntawm Yexus kutaw, 15hab thov has tas, “Tug Tswv, thov Koj taabncuab kuv tug tub, nwg qaug dlaabpeg hab txomnyem kawg le. Nwg pheej qaug rua huv qhovcub hab rua huv dlej. 16Kuv tub coj nwg tuaj cuag Koj cov thwjtim lawm, tabsis puab khu tsi tau nwg.”
17Yexus teb tas, “Tam tuabneeg kws tsi muaj kev ntseeg hab sabphem! Kuv tseem yuav nrug mej nyob ntev lecaag hab? Kuv tseem yuav ua sabntev rua mej moog txug thaus twg? Cale coj tug mivtub lug rua Kuv!” 18Yexus ntab dlaab tes dlaab txawm tawm huv tug mivtub moog, tes nwg txawm zoo hlo taamsim ntawd.
19Dlhau ntawd Yexus cov thwjtim txawm lug cuag Nwg tuabywv hab nug has tas, “Vim lecaag peb txhaj ntab tsi tau dlaab tawm?”
20 #
Math 21:21; Malak 11:23; 1Klt 13:2 Yexus teb tas, “Tub yog vim mej tsi muaj kev ntseeg txaus. Kuv qha tseeb rua mej has tas, yog mej muaj kev ntseeg luaj lub noob maxataj, mej yeej muaj peevxwm has rua lub roob nuav tas, ‘Cale txaav ntawm nuav moog rua tod!’ Tes lub roob ntawd yeej yuav txaav moog. Yeej tsi muaj ib yaam kws mej yuav ua tsi tau le!” 21#17:21: Tej phoo ntawv qub kws xuas teg sau ntxiv nqai 21 nuav rua: Tabsis tsuas yog kev thov Vaajtswv hab kev yoo mov nkaus xwb txhaj yuav ntab tau yaam dlaab nuav tawm; yeej tsi muaj lwmyaam kws yuav ntab tau le (saib Malak 9:29).
Yexus Rov Has Txug Nwg Kev Tuag
(Malakaus 9:30-32; Lukas 9:43b-45)
22Thaus cov thwjtim tuaj sissau uake rua huv lub xeev Kalilais, Yexus has rua puab tas, “Tuabneeg Leejtub yuav raug muab cob rua luas teg. 23Luas yuav muab Nwg tua; tabsis peb nub tomqaab ntawd Nwg yuav cajsa sawv rov lug.” Cov thwjtim nyuajsab kawg le.
Them Se Rua Lub Tuamtsev
24Thaus Yexus hab Nwg cov thwjtim moog txug huv lub nroog Kapena-us, cov tuabneeg kws sau se rua lub Tuamtsev tuaj cuag Petus hab nug has tas, “Koj tug xwbfwb puas them se rua lub Tuamtsev?” #Tsiv 30:13; 38:26
25Petus teb tas, “Them huas.”
Thaus Petus moog rua huv tsev, Yexus txawm xub nug nwg has tas, “Ximoos, koj xaav lecaag? Leejtwg yog cov kws them se rua tej vaajntxwv huv nplajteb nuav? Yog cov pejxeem huv nwg lub tebchaws ua cov them los yog lwmtsaav tuabneeg ua cov them?”
26Petus teb tas, “Lwmtsaav tuabneeg yog cov kws them.”
Yexus has tas, “Yogle ntawd, cov pejxeem huv nwg lub tebchaws tsi taag yuav them le. 27Tabsis peb tsi xob ua rua puab ntsawvsab. Koj cale moog nuv ntseg tom havtxwv. Thawjtug ntseg kws koj nuv tau, koj cale muab lub qhovncauj rua, koj yuav pum 1 npib nyaj kws txaus them se rua wb. Koj nqaa npib nyaj ntawd moog them wb tej se.”
Currently Selected:
Mathais 17: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais 17
17
Yexus Lub Cev Hloov
(Malakaus 9:2-13; Lukas 9:28-36)
1Rau nub tomqaab ntawd Yexus txawm coj Petus, Yakaunpaus hab nwg tug kwv Yauhaas nrug Yexus moog rua sau ib lub roob sab. Qhov chaw ntawd tsuas muaj puab nkaus xwb. 2Yexus lub cev txawm hloov hlo rua puab pum: Nwg lub ntsejmuag ci ib yaam le lub nub, hab Nwg cev tsoogtsho cale ci ntsaa-ab dlawbpaug. 3Tes peb tug thwjtim ntawd txawm pum Mauxes hab Eliyas nrug Yexus thaam. 4Petus has rua Yexus has tas, “Tug Tswv, qhov kws peb nyob ntawm nuav zoo kawg le! Yog Koj pumzoo, kuv yuav ua peb lub tsev pheebsuab rua ntawm nuav, ib lub rua Koj, ib lub rua Mauxes, hab ib lub rua Eliyas.”
5Thaus Petus tseem taabtom has le ntawd, txawm muaj ib tauv fuab ci dlawbpaug lug roog nkaus puab, hab muaj ib lub suab has huv tauv fuab ntawd tuaj has tas, “Tug nuav yog Kuv tug Tub kws Kuv hlub, Kuv txaussab rua Nwg heev, mej cale noog Nwg lug!” #Chiv 22:2; Nnkauj 2:7; Yaxaya 42:1; Math 3:17; 12:18; Malak 1:11; Lukas 3:22; 2Kev 18:15 #2Pet 1:17-18
6Thaus cov thwjtim nov lub suab ntawd, puab ntshai kawg le, puab txawm qhau cev hlo hab nyo hau ntshis rua huv aav. 7Yexus lug tuav nkaus puab hab has tas, “Mej cale sawv, tsi xob ntshai.” 8Puab txawm tsaa qhovmuag saib, uacav tsi pum leejtwg le, tsuas pum Yexus tuableeg xwb.
9Thaus puab nqeg peg roob lug, Yexus txwv puab has tas, “Mej tsi xob qha tej kws mej pum ntawd rua leejtwg moog txug thaus kws Tuabneeg Leejtub sawv huv qhovtuag rovqaab lug tsaiv.”
10Cov thwjtim nug Yexus has tas, “Vim lecaag cov xwbfwb kws qha Kevcai has tas Eliyas yuavtsum xub lug uantej?” #Mlakis 4:5
11Yexus teb tas, “Tseeb tag, Eliyas yeej yuavtsum xub lug, hab lug npaaj txhua yaam kuas tavlog ca. 12Kuv qha rua mej has tas, Eliyas tub lug lawm, tabsis tuabneeg tsi paub nwg, puab txhaj ua rua nwg lawvle puab sab nyam. Tuabneeg Leejtub los yuav raug puab tsimtxom ib yaam nkaus le ntawd hab.” #Math 11:14
13Thaus ntawd cov thwjtim txhaj totaub has tas, qhov kws Yexus has ntawd yog Nwg has txug Yauhaas tug kws muab tuabneeg ua kevcai rausdlej.
Yexus Khu Tug Tub Kws Raug Ib Tug Dlaab
(Malakaus 9:14-29; Lukas 9:37-43a)
14Thaus Yexus hab Nwg peb tug thwjtim rov lug txug ntawm cov tuabneeg coob-coob, txawm muaj ib tug txivneej tuaj txhuscaug ndlua ntawm Yexus kutaw, 15hab thov has tas, “Tug Tswv, thov Koj taabncuab kuv tug tub, nwg qaug dlaabpeg hab txomnyem kawg le. Nwg pheej qaug rua huv qhovcub hab rua huv dlej. 16Kuv tub coj nwg tuaj cuag Koj cov thwjtim lawm, tabsis puab khu tsi tau nwg.”
17Yexus teb tas, “Tam tuabneeg kws tsi muaj kev ntseeg hab sabphem! Kuv tseem yuav nrug mej nyob ntev lecaag hab? Kuv tseem yuav ua sabntev rua mej moog txug thaus twg? Cale coj tug mivtub lug rua Kuv!” 18Yexus ntab dlaab tes dlaab txawm tawm huv tug mivtub moog, tes nwg txawm zoo hlo taamsim ntawd.
19Dlhau ntawd Yexus cov thwjtim txawm lug cuag Nwg tuabywv hab nug has tas, “Vim lecaag peb txhaj ntab tsi tau dlaab tawm?”
20 #
Math 21:21; Malak 11:23; 1Klt 13:2 Yexus teb tas, “Tub yog vim mej tsi muaj kev ntseeg txaus. Kuv qha tseeb rua mej has tas, yog mej muaj kev ntseeg luaj lub noob maxataj, mej yeej muaj peevxwm has rua lub roob nuav tas, ‘Cale txaav ntawm nuav moog rua tod!’ Tes lub roob ntawd yeej yuav txaav moog. Yeej tsi muaj ib yaam kws mej yuav ua tsi tau le!” 21#17:21: Tej phoo ntawv qub kws xuas teg sau ntxiv nqai 21 nuav rua: Tabsis tsuas yog kev thov Vaajtswv hab kev yoo mov nkaus xwb txhaj yuav ntab tau yaam dlaab nuav tawm; yeej tsi muaj lwmyaam kws yuav ntab tau le (saib Malak 9:29).
Yexus Rov Has Txug Nwg Kev Tuag
(Malakaus 9:30-32; Lukas 9:43b-45)
22Thaus cov thwjtim tuaj sissau uake rua huv lub xeev Kalilais, Yexus has rua puab tas, “Tuabneeg Leejtub yuav raug muab cob rua luas teg. 23Luas yuav muab Nwg tua; tabsis peb nub tomqaab ntawd Nwg yuav cajsa sawv rov lug.” Cov thwjtim nyuajsab kawg le.
Them Se Rua Lub Tuamtsev
24Thaus Yexus hab Nwg cov thwjtim moog txug huv lub nroog Kapena-us, cov tuabneeg kws sau se rua lub Tuamtsev tuaj cuag Petus hab nug has tas, “Koj tug xwbfwb puas them se rua lub Tuamtsev?” #Tsiv 30:13; 38:26
25Petus teb tas, “Them huas.”
Thaus Petus moog rua huv tsev, Yexus txawm xub nug nwg has tas, “Ximoos, koj xaav lecaag? Leejtwg yog cov kws them se rua tej vaajntxwv huv nplajteb nuav? Yog cov pejxeem huv nwg lub tebchaws ua cov them los yog lwmtsaav tuabneeg ua cov them?”
26Petus teb tas, “Lwmtsaav tuabneeg yog cov kws them.”
Yexus has tas, “Yogle ntawd, cov pejxeem huv nwg lub tebchaws tsi taag yuav them le. 27Tabsis peb tsi xob ua rua puab ntsawvsab. Koj cale moog nuv ntseg tom havtxwv. Thawjtug ntseg kws koj nuv tau, koj cale muab lub qhovncauj rua, koj yuav pum 1 npib nyaj kws txaus them se rua wb. Koj nqaa npib nyaj ntawd moog them wb tej se.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.