Chivkeeb 40
40
Yauxej Txhais Ob Zaaj Npausuav
1Tau ib ntus tomqaab nuav, tug laub cawv hab tug thawj saib kev ci ncuav rua tug vaajntxwv kws kaav tebchaws Iziv, tau ua txhum rua vaajntxwv. 2Falaus#40:2: Falaus: tsi yog ib lub npe tuabneeg tabsis yog ib lub meejmom kws txhais has tas “vaajntxwv.” txhaj chim rua ob tug tubkhai ntawd heev, 3nwg txawm has kuas coj obtug moog kaw rua huv tug thawj kws saib cov faajxwm lub tsev, kws yog tuablub tsev lojcuj kws kaw Yauxej. 4Tug thawj kws saib cov tuabneeg raug txim tau muab obtug lug cob rua Yauxej kuas Yauxej ua tug saib obtug; puab suavdlawg nyob huv tsev lojcuj tau ib ntus ntev loo.
5Muaj ib mos tug laub cawv hab tug thawj saib kev ci ncuav nyag txawm ua nyag ib zaaj npausuav, hab ob zaaj npausuav ntawd nyag muaj nyag ntsablug. 6Thaus sawvntxuv Yauxej lug rua huv chaav kws obtug nyob, nwg pum obtug nyuajsab kawg le. 7Yauxej nug obtug has tas, “Vim lecaag nubnua meb yuav mluag ualuaj?”
8Obtug teb tas, “Wb nyag ua nyag ib zaaj npausuav, tabsis ntawm nuav tsi muaj leejtwg yuav txhais tau wb ob zaaj npausuav le.”
Yauxej teb tas, “Tsuas yog Vaajtswv xwb txhajle txhais tau npausuav. Qha meb ob zaaj npausuav rua kuv noog seb!”
9Tes tug laub cawv txhaj pav nwg zaaj npausuav rua Yauxej has tas, “Kuv ua npausuav pum ib tsob txivmaab nyob ntawm kuv xubndlag 10ncau ua peb ceg. Thaus nwg hlaav nplooj lawm, tes txawm cale tawgpaaj txitxiv ua tej tauv, hab tej txivmaab txawm sav taagnrho. 11Kuv tuav rawv Falaus lub khob, tes kuv txawm dle cov txivmaab ntawd hab muab tsu kua rua huv lub khob muab cev rua Falaus.”
12Yauxej has tas, “Koj zaaj npausuav lub ntsab mas yog le nuav: peb tug ceg txivmaab ntawd yog peb nub. 13Peb nub sau nuav Falaus yuav tso koj tawm moog, nwg yuav zaamtxim rua koj, hab yuav muab koj tegnum qub rov rua koj ua. Koj yuav tau rov muab nwg lub khob cev rua nwg ib yaam le yaav taag lug kws koj txeev yog tug laub cawv rua nwg haus. 14Tabsis thaus koj tau zoo lawm thov koj ncuntsoov txug kuv, hab ho ua sab dlawbpaug qha txug kuv rua Falaus paub, hab paab tso kuv tawm huv tsev lojcuj nuav moog. 15Qhov tseeb tag tes yog puab nyag kuv peg tebchaws Henplais lug, hab txawm yog kuv lug nyob rua huv tebchaws Iziv nuav los kuv yeej tsi tau ua ib yaam dlaabtsi kws tsimnyog raug kaw rua huv tsev lojcuj nuav le.”
16Thaus tug thawj kws saib kev ci ncuav pum tas tug laub cawv zaaj npausuav yog zaaj zoo lawm, nwg txhaj has rua Yauxej has tas, “Kuv kuj ua ib zaaj npausuav hab; kuv kwv peb choo ncuav sistshooj rua sau kuv taubhau. 17Nyob sau tshooj kawg sau u, muaj txhua yaam ncuav kws zoo coj moog rua Falaus, tabsis noog lug muab cov ncuav ntawd noj lawm.”
18Yauxej teb tas, “Koj zaaj npausuav lub ntsab mas yog le nuav: peb choo ncuav yog peb nub. 19Peb nub sau nuav Falaus yuav tso koj tawm moog, hab yuav muab koj txav cejdlaab! Tes nwg yuav muab koj lub cev moog dlai rua sau tug ncej, hab noog yuav lug noj koj cev nqaj.”
20Tau peb nub tomqaab kws txug Falaus lub nub yug, nwg txawm ua tau ib rooj mov rua taagnrho nwg cov numtswv tuaj noj uake; nwg txhaj tso tug kws laub cawv hab tug thawj saib kev ci ncuav lug sawv taabmeeg ntawm nwg cov numtswv. 21Nwg txawm muab tug kws laub cawv rov moog ua nwg lub luagnum laub cawv le qub, 22tabsis nwg kuas puab muab tug thawj saib kev ci ncuav coj moog tua lawm. Tej nuav tshwmsim lawv nraim le Yauxej tau has lawm tag. 23Tabsis tug laub cawv txawm xaav tsi txug Yauxej le, nwg cale novqaab Yauxej le lawm.
Currently Selected:
Chivkeeb 40: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 40
40
Yauxej Txhais Ob Zaaj Npausuav
1Tau ib ntus tomqaab nuav, tug laub cawv hab tug thawj saib kev ci ncuav rua tug vaajntxwv kws kaav tebchaws Iziv, tau ua txhum rua vaajntxwv. 2Falaus#40:2: Falaus: tsi yog ib lub npe tuabneeg tabsis yog ib lub meejmom kws txhais has tas “vaajntxwv.” txhaj chim rua ob tug tubkhai ntawd heev, 3nwg txawm has kuas coj obtug moog kaw rua huv tug thawj kws saib cov faajxwm lub tsev, kws yog tuablub tsev lojcuj kws kaw Yauxej. 4Tug thawj kws saib cov tuabneeg raug txim tau muab obtug lug cob rua Yauxej kuas Yauxej ua tug saib obtug; puab suavdlawg nyob huv tsev lojcuj tau ib ntus ntev loo.
5Muaj ib mos tug laub cawv hab tug thawj saib kev ci ncuav nyag txawm ua nyag ib zaaj npausuav, hab ob zaaj npausuav ntawd nyag muaj nyag ntsablug. 6Thaus sawvntxuv Yauxej lug rua huv chaav kws obtug nyob, nwg pum obtug nyuajsab kawg le. 7Yauxej nug obtug has tas, “Vim lecaag nubnua meb yuav mluag ualuaj?”
8Obtug teb tas, “Wb nyag ua nyag ib zaaj npausuav, tabsis ntawm nuav tsi muaj leejtwg yuav txhais tau wb ob zaaj npausuav le.”
Yauxej teb tas, “Tsuas yog Vaajtswv xwb txhajle txhais tau npausuav. Qha meb ob zaaj npausuav rua kuv noog seb!”
9Tes tug laub cawv txhaj pav nwg zaaj npausuav rua Yauxej has tas, “Kuv ua npausuav pum ib tsob txivmaab nyob ntawm kuv xubndlag 10ncau ua peb ceg. Thaus nwg hlaav nplooj lawm, tes txawm cale tawgpaaj txitxiv ua tej tauv, hab tej txivmaab txawm sav taagnrho. 11Kuv tuav rawv Falaus lub khob, tes kuv txawm dle cov txivmaab ntawd hab muab tsu kua rua huv lub khob muab cev rua Falaus.”
12Yauxej has tas, “Koj zaaj npausuav lub ntsab mas yog le nuav: peb tug ceg txivmaab ntawd yog peb nub. 13Peb nub sau nuav Falaus yuav tso koj tawm moog, nwg yuav zaamtxim rua koj, hab yuav muab koj tegnum qub rov rua koj ua. Koj yuav tau rov muab nwg lub khob cev rua nwg ib yaam le yaav taag lug kws koj txeev yog tug laub cawv rua nwg haus. 14Tabsis thaus koj tau zoo lawm thov koj ncuntsoov txug kuv, hab ho ua sab dlawbpaug qha txug kuv rua Falaus paub, hab paab tso kuv tawm huv tsev lojcuj nuav moog. 15Qhov tseeb tag tes yog puab nyag kuv peg tebchaws Henplais lug, hab txawm yog kuv lug nyob rua huv tebchaws Iziv nuav los kuv yeej tsi tau ua ib yaam dlaabtsi kws tsimnyog raug kaw rua huv tsev lojcuj nuav le.”
16Thaus tug thawj kws saib kev ci ncuav pum tas tug laub cawv zaaj npausuav yog zaaj zoo lawm, nwg txhaj has rua Yauxej has tas, “Kuv kuj ua ib zaaj npausuav hab; kuv kwv peb choo ncuav sistshooj rua sau kuv taubhau. 17Nyob sau tshooj kawg sau u, muaj txhua yaam ncuav kws zoo coj moog rua Falaus, tabsis noog lug muab cov ncuav ntawd noj lawm.”
18Yauxej teb tas, “Koj zaaj npausuav lub ntsab mas yog le nuav: peb choo ncuav yog peb nub. 19Peb nub sau nuav Falaus yuav tso koj tawm moog, hab yuav muab koj txav cejdlaab! Tes nwg yuav muab koj lub cev moog dlai rua sau tug ncej, hab noog yuav lug noj koj cev nqaj.”
20Tau peb nub tomqaab kws txug Falaus lub nub yug, nwg txawm ua tau ib rooj mov rua taagnrho nwg cov numtswv tuaj noj uake; nwg txhaj tso tug kws laub cawv hab tug thawj saib kev ci ncuav lug sawv taabmeeg ntawm nwg cov numtswv. 21Nwg txawm muab tug kws laub cawv rov moog ua nwg lub luagnum laub cawv le qub, 22tabsis nwg kuas puab muab tug thawj saib kev ci ncuav coj moog tua lawm. Tej nuav tshwmsim lawv nraim le Yauxej tau has lawm tag. 23Tabsis tug laub cawv txawm xaav tsi txug Yauxej le, nwg cale novqaab Yauxej le lawm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.