Chivkeeb 38
38
Yudas Hab Tamaj
1Thaus lub sijhawm ntawd Yudas tso nwg cov kwvtij tseg hab tsiv moog nrug ib tug txivneej hu ua Hilas kws yog cov tuabneeg huv lub moos Adaulaas nyob. 2Yudas tau ntsib cov Kana-aas ib tug ntxhais nyob rua ntawd, tug ntxhais ntawd txiv hu ua Sua. Yudas txhaj yuav tug ntxhais ntawd ua quaspuj, 3hab nwg yug tau ib tug tub rua Yudas; Yudas txhaj tis tug tub ntawd npe hu ua Aws. 4Tug quaspuj ntawd rov xeebtub dlua, nwg yug tau ib tug tub, hab nwg tis tug tub ntawd npe hu ua Aunaas. 5Nwg rov yug tau ib tug tub ntxiv hab nwg tis tug tub ntawd npe hu ua Selas. Thaus yug tug tub ntawd Yudas tseem nyob huv lub nroog Akhexis.
6Yudas yuav tau ib tug quaspuj npe hu ua Tamaj rua nwg tug tub hlub Aws. 7Eles ua phem ua qas tsi hum tug TSWV sab, tug TSWV txhaj muab nwg tua tuag lawm. 8Tes Yudas txhaj has rua Eles tug kwv Aunaas has tas, “Koj cale moog nrug koj tug namtij kws yog koj tijlaug kws tuag lawm tug quaspuj pw, hab ua koj teg dlejnum ib yaam le koj yog nwg tug quasyawg tug kwv, sub koj tug tijlaug txhaj muaj caajceg.” 9Tabsis Aunaas paub tas cov mivnyuas kws yuav yug lug ntawd tsi yog nwg le; tes thaus twg kws nwg moog nrug nwg tug namtij pw, nwg ca cov kaab mivnyuas txuas rua huv aav, kuas tsi xob muaj taug mivnyuas rua nwg tug tijlaug. 10Qhov kws nwg ua le ntawd tsi hum tug TSWV sab, tes tug TSWV txhajle muab nwg tua tuag lawm hab.
11Tes Yudas txhajle has rua Tamaj kws yog nwg tug nyaab has tas, “Koj rovqaab moog nyob tom koj txiv lub vaaj lub tsev, ua pujntsuag tog moog txug thaus kuv tug tub Selas hlub tav txiv tsaiv.” Nwg has le ntawd ruaqhov nwg ntshai nyobtsaam Selas raug tua ib yaam le nwg ob tug tijlaug hab. Yogle ntawd, Tamaj txhaj rovqaab moog nyob rua tom nwg txiv tsev lawm.
12Tau ntev loo lug tomqaab nuav Yudas tug quaspuj kws yog Sua tug ntxhais txawm tuag lawm. Thaus dlhau caij quajntsuag lawm, Yudas hab nwg tug phoojywg hu ua Hilas kws nyob huv lub nroog Adaulaas txhaj moog saib nwg cov tuabneeg txav plaub yaaj kws nyob huv lub nroog Tinas. 13Muaj tuabneeg moog has qha rua Tamaj has tas, nwg txivyawm taabtom tuaj moog txav plaub yaaj rua huv lub nroog Tinas. 14Tes Tamaj txhaj hloov nwg cev khaubdluag pujntsuag kws nwg najnub naav, muab ntaub lug npug nwg lub ntsejmuag, hab moog nyob ntawm ncaujke kws moog rua huv lub zog Enayees, kws yog ib lub moos nyob ntawm txujkev moog rua huv lub nroog Tinas. Nwg yeej paub meej tas Yudas tug tub ntxawg Selas tub hlub tav txiv lawm, tabsis Yudas tseem pheej tsi txawj muab obtug sistxis ua txwjnkawm le.
15Thaus Yudas pum Tamaj, nwg xaav tas Tamaj yog ib tug namndlav, ruaqhov Tamaj muab ntaub npug nwg lub ntsejmuag lawm. 16Yudas txhaj moog rua ntawm Tamaj kws nyob ntawm ntug kev hab has tas, “Koj cale moog, kuv yuav nrug koj pw, koj yuav nqe pistsawg?” (Yudas tsi paub tas Tamaj yog nwg tug nyaab.)
Tamaj txhaj teb tas, “Koj yuav muab dlaabtsi rua kuv?”
17Yudas teb tas, “Kuv yuav xaa kuv ib tug mivnyuas tshis tuaj rua koj.”
Tamaj has tas, “Ua le ntawd los tau, tabsis koj yuav tau muab ib yaam dlaabtsi rua kuv khaws tseg ca ua puavpheej moog txug thaus koj xaa tug mivnyuas tshis tuaj rua kuv tsaiv.”
18Yudas nug has tas, “Kuv yuav tseg dlaabtsi rua koj khaws ca ua puavpheej?”
Tamaj teb tas, “Tseg koj lub homthawj kws dlai txujhlua hab tug paas nreg kws nyob ntawm koj txhais teg rua kuv.” Yudas txhaj muab tej ntawd rua Tamaj. Obtug txawm moog pw uake, tes Tamaj txhajle xeebtub. 19Tamaj rovqaab moog tsev, muab nwg dlaim ntaub npug ntsejmuag tshem hab rov muab nwg cev khaubdluag pujntsuag lug naav.
20Yudas tso nwg tug phoojywg Hilas xaa tug mivnyuas tshis moog txhwv tej khoom coglug ntawm tug quaspuj rovqaab lug, tabsis Hilas nrhav tsi tau nwg le lawm. 21Hilas nug cov txivneej kws nyob huv lub nroog Enayees has tas, “Tug namndlav kws pheej tuaj nyob ntawm ntug kev nuav moog rua qhovtwg lawm?”
Cov txivneej ntawd teb tas, “Ntawm nuav yeej ibtxwm tsi muaj namndlav.”
22Hilas rovqaab moog cuag Yudas hab has tas, “Kuv nrhav tsi tau tug quaspuj ntawd le lawm. Cov txivneej kws nyob huv lub zog ntawd has tas yeej ibtxwm tsi muaj namndlav nyob huv lub zog ntawd le.”
23Yudas has tas, “Ca nwg yuav kuv cov khoom ntawd moog le. Peb tsi xaav pub kuas muaj tuabneeg luag peb. Kuv tub muab tug mivnyuas tshis nuav rua koj coj moog them nwg ntaag, tabsis koj moog nrhav tsi tau nwg lawm xwb.” 24Tau peb hlis tomqaab muaj tuabneeg moog qha rua Yudas has tas, “Tamaj kws yog koj tug nyaab tau moog ua le tej namndlav ua, hab nwgnuav nwg xeebtub lawm.”
Yudas txhaj xaaj tawv qhawv tas, “Cale coj nwg tawm lug hab muab suavtawg hlawv nwg kuas tuag.”
25Thaus puab taabtom coj Tamaj tawm moog, nwg txhaj tso xuv moog rua nwg txivyawm has tas, “Kuv muaj mivnyuas lug ntawm tug txivneej kws yog tug tswv ntawm cov khoom nuav. Koj muab ua tuabzoo saib seb lub homthawj kws muaj txujhlua hab tug paas nreg nuav yog leejtwg le.”
26Yudas paub cov khoom ntawd hab has tas, “Tamaj tseem ncaajnceeg dlua kuv. Kuv tsi ua lawvle kuv tau coglug tseg rua nwg, tsimnyog kuv yuavtsum muab nwg txis rua kuv tug tub Selas.” Tes Yudas tsi moog nrug Tamaj pw ib zag ntxiv le lawm.
27Thaus txug caij Tamaj yug mivnyuas, uacav yog ib nkawm mivnyuas ntxaib nyob rua huv nwg plaab. 28Thaus nwg taabtom mob plaab yuav yug mivnyuas, muaj ib tug txawm cev nwg txhais teg tawm tuaj uantej, tug quaspuj kws paab dlawscev ntawd txhaj tuav nkaus txhais teg ntawd, hab muab ib txuj xuv paaj lab lug khi rua hab has tas, “Tug nuav yog tug yuav xub yug.” 29Tabsis nwg nkaum hlo nwg txhais teg rovqaab lawm, tes tug kwv txawm yug lug uantej. Tug quaspuj kws paab dlawscev ntawd has tas, “Eb, koj txeem tau lecaag lug uantej!” Yogle ntawd, txhaj muab nwg tis npe hu ua Pelej.#38:29: Pelej: Lub npe nuav lug Henplais txhais has tas “txeem tawm uantej lug.” 30Tomqaab ntawd tug tij kws txhais teg khi ib txuj xuv paaj lab maam yug lug, hab muab nwg tis npe hu ua Xelas.#38:30: Xelas: Lub npe nuav has muaj ntsiv thooj le lulug Henplais kws has tas “qaabntug labploog.”
Currently Selected:
Chivkeeb 38: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 38
38
Yudas Hab Tamaj
1Thaus lub sijhawm ntawd Yudas tso nwg cov kwvtij tseg hab tsiv moog nrug ib tug txivneej hu ua Hilas kws yog cov tuabneeg huv lub moos Adaulaas nyob. 2Yudas tau ntsib cov Kana-aas ib tug ntxhais nyob rua ntawd, tug ntxhais ntawd txiv hu ua Sua. Yudas txhaj yuav tug ntxhais ntawd ua quaspuj, 3hab nwg yug tau ib tug tub rua Yudas; Yudas txhaj tis tug tub ntawd npe hu ua Aws. 4Tug quaspuj ntawd rov xeebtub dlua, nwg yug tau ib tug tub, hab nwg tis tug tub ntawd npe hu ua Aunaas. 5Nwg rov yug tau ib tug tub ntxiv hab nwg tis tug tub ntawd npe hu ua Selas. Thaus yug tug tub ntawd Yudas tseem nyob huv lub nroog Akhexis.
6Yudas yuav tau ib tug quaspuj npe hu ua Tamaj rua nwg tug tub hlub Aws. 7Eles ua phem ua qas tsi hum tug TSWV sab, tug TSWV txhaj muab nwg tua tuag lawm. 8Tes Yudas txhaj has rua Eles tug kwv Aunaas has tas, “Koj cale moog nrug koj tug namtij kws yog koj tijlaug kws tuag lawm tug quaspuj pw, hab ua koj teg dlejnum ib yaam le koj yog nwg tug quasyawg tug kwv, sub koj tug tijlaug txhaj muaj caajceg.” 9Tabsis Aunaas paub tas cov mivnyuas kws yuav yug lug ntawd tsi yog nwg le; tes thaus twg kws nwg moog nrug nwg tug namtij pw, nwg ca cov kaab mivnyuas txuas rua huv aav, kuas tsi xob muaj taug mivnyuas rua nwg tug tijlaug. 10Qhov kws nwg ua le ntawd tsi hum tug TSWV sab, tes tug TSWV txhajle muab nwg tua tuag lawm hab.
11Tes Yudas txhajle has rua Tamaj kws yog nwg tug nyaab has tas, “Koj rovqaab moog nyob tom koj txiv lub vaaj lub tsev, ua pujntsuag tog moog txug thaus kuv tug tub Selas hlub tav txiv tsaiv.” Nwg has le ntawd ruaqhov nwg ntshai nyobtsaam Selas raug tua ib yaam le nwg ob tug tijlaug hab. Yogle ntawd, Tamaj txhaj rovqaab moog nyob rua tom nwg txiv tsev lawm.
12Tau ntev loo lug tomqaab nuav Yudas tug quaspuj kws yog Sua tug ntxhais txawm tuag lawm. Thaus dlhau caij quajntsuag lawm, Yudas hab nwg tug phoojywg hu ua Hilas kws nyob huv lub nroog Adaulaas txhaj moog saib nwg cov tuabneeg txav plaub yaaj kws nyob huv lub nroog Tinas. 13Muaj tuabneeg moog has qha rua Tamaj has tas, nwg txivyawm taabtom tuaj moog txav plaub yaaj rua huv lub nroog Tinas. 14Tes Tamaj txhaj hloov nwg cev khaubdluag pujntsuag kws nwg najnub naav, muab ntaub lug npug nwg lub ntsejmuag, hab moog nyob ntawm ncaujke kws moog rua huv lub zog Enayees, kws yog ib lub moos nyob ntawm txujkev moog rua huv lub nroog Tinas. Nwg yeej paub meej tas Yudas tug tub ntxawg Selas tub hlub tav txiv lawm, tabsis Yudas tseem pheej tsi txawj muab obtug sistxis ua txwjnkawm le.
15Thaus Yudas pum Tamaj, nwg xaav tas Tamaj yog ib tug namndlav, ruaqhov Tamaj muab ntaub npug nwg lub ntsejmuag lawm. 16Yudas txhaj moog rua ntawm Tamaj kws nyob ntawm ntug kev hab has tas, “Koj cale moog, kuv yuav nrug koj pw, koj yuav nqe pistsawg?” (Yudas tsi paub tas Tamaj yog nwg tug nyaab.)
Tamaj txhaj teb tas, “Koj yuav muab dlaabtsi rua kuv?”
17Yudas teb tas, “Kuv yuav xaa kuv ib tug mivnyuas tshis tuaj rua koj.”
Tamaj has tas, “Ua le ntawd los tau, tabsis koj yuav tau muab ib yaam dlaabtsi rua kuv khaws tseg ca ua puavpheej moog txug thaus koj xaa tug mivnyuas tshis tuaj rua kuv tsaiv.”
18Yudas nug has tas, “Kuv yuav tseg dlaabtsi rua koj khaws ca ua puavpheej?”
Tamaj teb tas, “Tseg koj lub homthawj kws dlai txujhlua hab tug paas nreg kws nyob ntawm koj txhais teg rua kuv.” Yudas txhaj muab tej ntawd rua Tamaj. Obtug txawm moog pw uake, tes Tamaj txhajle xeebtub. 19Tamaj rovqaab moog tsev, muab nwg dlaim ntaub npug ntsejmuag tshem hab rov muab nwg cev khaubdluag pujntsuag lug naav.
20Yudas tso nwg tug phoojywg Hilas xaa tug mivnyuas tshis moog txhwv tej khoom coglug ntawm tug quaspuj rovqaab lug, tabsis Hilas nrhav tsi tau nwg le lawm. 21Hilas nug cov txivneej kws nyob huv lub nroog Enayees has tas, “Tug namndlav kws pheej tuaj nyob ntawm ntug kev nuav moog rua qhovtwg lawm?”
Cov txivneej ntawd teb tas, “Ntawm nuav yeej ibtxwm tsi muaj namndlav.”
22Hilas rovqaab moog cuag Yudas hab has tas, “Kuv nrhav tsi tau tug quaspuj ntawd le lawm. Cov txivneej kws nyob huv lub zog ntawd has tas yeej ibtxwm tsi muaj namndlav nyob huv lub zog ntawd le.”
23Yudas has tas, “Ca nwg yuav kuv cov khoom ntawd moog le. Peb tsi xaav pub kuas muaj tuabneeg luag peb. Kuv tub muab tug mivnyuas tshis nuav rua koj coj moog them nwg ntaag, tabsis koj moog nrhav tsi tau nwg lawm xwb.” 24Tau peb hlis tomqaab muaj tuabneeg moog qha rua Yudas has tas, “Tamaj kws yog koj tug nyaab tau moog ua le tej namndlav ua, hab nwgnuav nwg xeebtub lawm.”
Yudas txhaj xaaj tawv qhawv tas, “Cale coj nwg tawm lug hab muab suavtawg hlawv nwg kuas tuag.”
25Thaus puab taabtom coj Tamaj tawm moog, nwg txhaj tso xuv moog rua nwg txivyawm has tas, “Kuv muaj mivnyuas lug ntawm tug txivneej kws yog tug tswv ntawm cov khoom nuav. Koj muab ua tuabzoo saib seb lub homthawj kws muaj txujhlua hab tug paas nreg nuav yog leejtwg le.”
26Yudas paub cov khoom ntawd hab has tas, “Tamaj tseem ncaajnceeg dlua kuv. Kuv tsi ua lawvle kuv tau coglug tseg rua nwg, tsimnyog kuv yuavtsum muab nwg txis rua kuv tug tub Selas.” Tes Yudas tsi moog nrug Tamaj pw ib zag ntxiv le lawm.
27Thaus txug caij Tamaj yug mivnyuas, uacav yog ib nkawm mivnyuas ntxaib nyob rua huv nwg plaab. 28Thaus nwg taabtom mob plaab yuav yug mivnyuas, muaj ib tug txawm cev nwg txhais teg tawm tuaj uantej, tug quaspuj kws paab dlawscev ntawd txhaj tuav nkaus txhais teg ntawd, hab muab ib txuj xuv paaj lab lug khi rua hab has tas, “Tug nuav yog tug yuav xub yug.” 29Tabsis nwg nkaum hlo nwg txhais teg rovqaab lawm, tes tug kwv txawm yug lug uantej. Tug quaspuj kws paab dlawscev ntawd has tas, “Eb, koj txeem tau lecaag lug uantej!” Yogle ntawd, txhaj muab nwg tis npe hu ua Pelej.#38:29: Pelej: Lub npe nuav lug Henplais txhais has tas “txeem tawm uantej lug.” 30Tomqaab ntawd tug tij kws txhais teg khi ib txuj xuv paaj lab maam yug lug, hab muab nwg tis npe hu ua Xelas.#38:30: Xelas: Lub npe nuav has muaj ntsiv thooj le lulug Henplais kws has tas “qaabntug labploog.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.