Tsiv Dlim 39
39
Xaws Tsoogtsho Rua Cov Povthawj Hlub Naav
(Tsiv Dlim 28:1-14)
1Puab muab tej xuv xav, xuv tsaamxem, hab xuv lab, lug ntus ua tsoogtsho rua cov povthawj hlub naav thaus puab moog ua Vaajtswv tegnum huv Chaav Dlawbhuv. Hab puab tseem xaws ib cev tsoogtsho povthawj hlub rua Aloos, lawvle tug TSWV tau xaaj rua Mauxes lawm.
2Puab muab tej tseem ntaub maag zoo-zoo kws yog xuas xuv xav, xuv tsaamxem, xuv lab, hab xuv kub xaws ua lub tsho efauj. 3Puab muab kub ntaus ua tej pluaj nyag-nyag hab muab txav ua xuv coj lug ntus nrug cov tseem xuv maaj xav, xuv tsaamxem, hab xuv lab. 4Puab xaws ob pluaj ntaub khuam xubpwg lu rua lub tsho efauj, hab muab ib txuj khuam ib saab xubpwg, sub txhaj zawm tau. 5Txuj hlaab sa yog muab cov ntaub kws xaws lub tsho efauj lug ua, kws yog muab xaws lu uake rua ntawm lub tsho efauj lawvle tug TSWV tau xaaj rua Mauxes lawm. 6Puab muab ob lub qai zeb kanelis kws txaug Yakhauj kaum-ob leeg tub cov npe rua; cog rua huv cov phaj kub. 7Puab muab ob lub qai zeb ntawd dlai rua ntawm lub tsho efauj ob txuj hlaab sau xubpwg, ua lub cim ncu txug kaum-ob xeem Yixalayees, lawvle tug TSWV tau xaaj rua Mauxes lawm.
Xaws Dlaim Awv
(Tsiv Dlim 28:15-30)
8Lub awv yog puab muab cov ntaub kws xaws lub tsho efauj lug ua, hab xaws paajntaub rua kuas zoo ib yaam nkaus. 9Lub awv ntawd yuavtsum yog dlaim xwmfaab xwmmeem hab muab tais ua ob tsem, ntev 22 xaatimev hab dlaav 22 xaatimev. 10Puab cog plaub leej qai zeb kws muajnqes rua; thawj leej cog ib lub lab dlaaj lig, ib lub dlaaj ntshabsi, hab ib lub lab tshab-tshab; 11leej thib ob, cog ib lub ntsuab ci hob, ib lub xav, hab ib lub dlawb ci hob; 12leej thib peb, cog ib lub lab ntshabsi, ib lub txho tawg, hab ib lub lab ua tsaamxem ntshaa; 13leej thib plaub, cog ib lub txho xav, ib lub dlawb txho, hab ib lub dlawb ci ntshabsi. Cov qai zeb nuav puavleej muab cog rua ntawm ob dlaim phaj kub. 14Kaum-ob lub qai zeb ntawd puavleej txaug Yakhauj kaum-ob tug tub cov npe rua, kws yog sawvcev kaum-ob xeem Yixalayees.
15Puab muab cov tseem-tseem kub lug ntaus ua ib cov saw ntswj zoole txujhlua, tis rua ntawm lub awv. 16Puab muab kub ntaus ua ob dlaim phaj hab ob lub khawb kub, muab ob lub khawb kub tis rua ntawm dlaim awv ob cegkaum sau. 17Puab muab ob txuj saw kub tis rua ntawm ob lub khawb kub, 18hab muab ob tog qaab tis rua ob dlaim phaj, ua le nuav kuas ob txuj saw lu lub tsho efauj ob dlaim tag xubpwg kws dlauv rua ntawm xubndlag. 19Puab ua ob lub khawb kub tis rua ntawm lub awv ob lub kaum huvqaab ntawm tug ntug saabhuv kws puab lub tsho efauj. 20Puab ua dlua ob lub khawb kub tis ntxiv rua lub tsho khuam ob txuj hlaab khuam xubpwg ob tog tw kawg tom xubndlag kws ze kaab xaws hab txuas nkaus txuj hlaab sa lub tsho efauj. 21Puab muab ntaub xav khi lub awv ob lub khawb rua ntawm lub tsho efauj ob lub khawb kws txuas rua ntawm txuj hlaab, kuas dlaim awv txhaj tsi txaav ntawm lub tsho efauj, lawvle tug TSWV tau xaaj rua Mauxes lawm.
Xaws Dlua Ib Cov Tsho Rua Cov Povthawj Hlub
(Tsiv Dlim 28:31-43)
22Lub tsho ntev kws naav tuaj huvqaab lub tsho efauj, yog muab cov ntaub xav xaws xwb. 23Lub cejdlaab tshos, xaws looj sau taubhau tuaj, muab foob lub cejdlaab tshos ntawd thoobplawg sub txhaj tsi ndluag. 24Puab muab xuv xav, xuv tsaamxem, hab xuv lab xaws ua ib cov txiv ntsab pobkws dlai rua ntawm lub tw tsho ntev. 25Hab puab muab cov tseem kub lug ntaus ua ib cov tswb dlai rua ntawm lub tw tsho nruabnraab ntawm cov txiv ntsab pobkws, 26muab cov tswb hab cov txiv ntsab pobkws dlai thoobplawg lub tw tsho, dlai ib lub txiv ntsab pobkws quas ib lub tswb, lawvle tug TSWV tau xaaj rua Mauxes lawm.
27Puab muab tej ntaub maag kws ntus tau zoo heev, xaws ib cov tsho luj rua Aloos hab nwg cov tub naav, 28hab muab ntaub maag xaws phuam, mom, rig tuablu, 29hab muab cov ntaub maag zoo-zoo kws xuas xuv xav, xuv tsaamxem, hab xuv lab xaws ua hlaab sa, hab xaws ua paajntaub rua kuas txaij nraug zeeg lawvle tug TSWV tau xaaj rua Mauxes lawm. 30Puab muab cov tseem kub ntaus ua ib dlaim phaj, hab txaug npe ntawv rua sau dlaim phaj ntawd has tas, “Dlawbhuv rua tug TSWV.” 31Puab muab ib txujhlua ntaub xav khi dlaim phaj kub rua txuj phuam kws ntoo sau taubhau hab muab tig rua ntawm hauvplaj.
Tej Num Tav Taag Lawm
(Tsiv Dlim 35:10-19)
32Txhua yaam num kws ua lub Tsevntaub Sisntsib tub tav taag lawm. Cov Yixalayees ua txhua yaam lawvle tug TSWV tau xaaj rua Mauxes lawm. 33Puab nqaa lub Tsevntaub, cov khawb, cov taab, cov laag, cov ncej hab tej tag taw ncej lug rua Mauxes; 34cov tawv yaaj kws zaas lab hab cov tawv nyuj yog cov vuv; dlaim ntaub thaiv; 35lub Phijxaab Lug Cogtseg kws ntim ob dlaim txag zeb, ob tug laag, lub hau phijxaab; 36lub rooj hab taagnrho tej khoom siv ntawm lub rooj, hab cov ncuav kws fij rua Vaajtswv; 37tug ncej txawb teeb kws yog tseem-tseem kub, cov teeb, taagnrho tej khoom siv ntawm lub teeb hab cov roj saam teeb; 38lub thaaj kub, cov roj txhawb meejthawj; cov moov tshuaj tswqaab; dlaim ntaub thaiv lub qhovrooj moog rua huv lub Tsevntaub; 39lub thaaj tooj nrug dlaim npug lub thaaj; cov ncej hab tej khoom siv ntawm lub thaaj; lub phab tooj ntxuav teg hab lub taw phab; 40cov ntaub xov vaaj ncig lub tshaavloog hab cov ncej laajkaab hab tej tag taw ncej laajkaab; dlaim ntaub thaiv lub roojloog hab cov hlua khi dlaim ntaub, cov tswg hab taagnrho tej khoom kws siv rua lub Tsevntaub Sisntsib; 41hab tej tsoogtsho kws xaws rua cov povthawj hlub naav moog ua num huv Chaav Dlawbhuv, cov tsoogtsho povthawj hlub ntawd yog rua Aloos hab nwg cov tub.
42Cov Yixalayees tau ua txhua yaam kws tug TSWV tau xaaj rua Mauxes huv tuabsi. 43Mauxes tshuaj txhua yaam hab pum tas cov Yixalayees yeej ua tavlog le tug TSWV tau xaaj tseg lawm tag. Yogle ntawd, Mauxes txhaj foom koobmoov rua puab.
Currently Selected:
Tsiv Dlim 39: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tsiv Dlim 39
39
Xaws Tsoogtsho Rua Cov Povthawj Hlub Naav
(Tsiv Dlim 28:1-14)
1Puab muab tej xuv xav, xuv tsaamxem, hab xuv lab, lug ntus ua tsoogtsho rua cov povthawj hlub naav thaus puab moog ua Vaajtswv tegnum huv Chaav Dlawbhuv. Hab puab tseem xaws ib cev tsoogtsho povthawj hlub rua Aloos, lawvle tug TSWV tau xaaj rua Mauxes lawm.
2Puab muab tej tseem ntaub maag zoo-zoo kws yog xuas xuv xav, xuv tsaamxem, xuv lab, hab xuv kub xaws ua lub tsho efauj. 3Puab muab kub ntaus ua tej pluaj nyag-nyag hab muab txav ua xuv coj lug ntus nrug cov tseem xuv maaj xav, xuv tsaamxem, hab xuv lab. 4Puab xaws ob pluaj ntaub khuam xubpwg lu rua lub tsho efauj, hab muab ib txuj khuam ib saab xubpwg, sub txhaj zawm tau. 5Txuj hlaab sa yog muab cov ntaub kws xaws lub tsho efauj lug ua, kws yog muab xaws lu uake rua ntawm lub tsho efauj lawvle tug TSWV tau xaaj rua Mauxes lawm. 6Puab muab ob lub qai zeb kanelis kws txaug Yakhauj kaum-ob leeg tub cov npe rua; cog rua huv cov phaj kub. 7Puab muab ob lub qai zeb ntawd dlai rua ntawm lub tsho efauj ob txuj hlaab sau xubpwg, ua lub cim ncu txug kaum-ob xeem Yixalayees, lawvle tug TSWV tau xaaj rua Mauxes lawm.
Xaws Dlaim Awv
(Tsiv Dlim 28:15-30)
8Lub awv yog puab muab cov ntaub kws xaws lub tsho efauj lug ua, hab xaws paajntaub rua kuas zoo ib yaam nkaus. 9Lub awv ntawd yuavtsum yog dlaim xwmfaab xwmmeem hab muab tais ua ob tsem, ntev 22 xaatimev hab dlaav 22 xaatimev. 10Puab cog plaub leej qai zeb kws muajnqes rua; thawj leej cog ib lub lab dlaaj lig, ib lub dlaaj ntshabsi, hab ib lub lab tshab-tshab; 11leej thib ob, cog ib lub ntsuab ci hob, ib lub xav, hab ib lub dlawb ci hob; 12leej thib peb, cog ib lub lab ntshabsi, ib lub txho tawg, hab ib lub lab ua tsaamxem ntshaa; 13leej thib plaub, cog ib lub txho xav, ib lub dlawb txho, hab ib lub dlawb ci ntshabsi. Cov qai zeb nuav puavleej muab cog rua ntawm ob dlaim phaj kub. 14Kaum-ob lub qai zeb ntawd puavleej txaug Yakhauj kaum-ob tug tub cov npe rua, kws yog sawvcev kaum-ob xeem Yixalayees.
15Puab muab cov tseem-tseem kub lug ntaus ua ib cov saw ntswj zoole txujhlua, tis rua ntawm lub awv. 16Puab muab kub ntaus ua ob dlaim phaj hab ob lub khawb kub, muab ob lub khawb kub tis rua ntawm dlaim awv ob cegkaum sau. 17Puab muab ob txuj saw kub tis rua ntawm ob lub khawb kub, 18hab muab ob tog qaab tis rua ob dlaim phaj, ua le nuav kuas ob txuj saw lu lub tsho efauj ob dlaim tag xubpwg kws dlauv rua ntawm xubndlag. 19Puab ua ob lub khawb kub tis rua ntawm lub awv ob lub kaum huvqaab ntawm tug ntug saabhuv kws puab lub tsho efauj. 20Puab ua dlua ob lub khawb kub tis ntxiv rua lub tsho khuam ob txuj hlaab khuam xubpwg ob tog tw kawg tom xubndlag kws ze kaab xaws hab txuas nkaus txuj hlaab sa lub tsho efauj. 21Puab muab ntaub xav khi lub awv ob lub khawb rua ntawm lub tsho efauj ob lub khawb kws txuas rua ntawm txuj hlaab, kuas dlaim awv txhaj tsi txaav ntawm lub tsho efauj, lawvle tug TSWV tau xaaj rua Mauxes lawm.
Xaws Dlua Ib Cov Tsho Rua Cov Povthawj Hlub
(Tsiv Dlim 28:31-43)
22Lub tsho ntev kws naav tuaj huvqaab lub tsho efauj, yog muab cov ntaub xav xaws xwb. 23Lub cejdlaab tshos, xaws looj sau taubhau tuaj, muab foob lub cejdlaab tshos ntawd thoobplawg sub txhaj tsi ndluag. 24Puab muab xuv xav, xuv tsaamxem, hab xuv lab xaws ua ib cov txiv ntsab pobkws dlai rua ntawm lub tw tsho ntev. 25Hab puab muab cov tseem kub lug ntaus ua ib cov tswb dlai rua ntawm lub tw tsho nruabnraab ntawm cov txiv ntsab pobkws, 26muab cov tswb hab cov txiv ntsab pobkws dlai thoobplawg lub tw tsho, dlai ib lub txiv ntsab pobkws quas ib lub tswb, lawvle tug TSWV tau xaaj rua Mauxes lawm.
27Puab muab tej ntaub maag kws ntus tau zoo heev, xaws ib cov tsho luj rua Aloos hab nwg cov tub naav, 28hab muab ntaub maag xaws phuam, mom, rig tuablu, 29hab muab cov ntaub maag zoo-zoo kws xuas xuv xav, xuv tsaamxem, hab xuv lab xaws ua hlaab sa, hab xaws ua paajntaub rua kuas txaij nraug zeeg lawvle tug TSWV tau xaaj rua Mauxes lawm. 30Puab muab cov tseem kub ntaus ua ib dlaim phaj, hab txaug npe ntawv rua sau dlaim phaj ntawd has tas, “Dlawbhuv rua tug TSWV.” 31Puab muab ib txujhlua ntaub xav khi dlaim phaj kub rua txuj phuam kws ntoo sau taubhau hab muab tig rua ntawm hauvplaj.
Tej Num Tav Taag Lawm
(Tsiv Dlim 35:10-19)
32Txhua yaam num kws ua lub Tsevntaub Sisntsib tub tav taag lawm. Cov Yixalayees ua txhua yaam lawvle tug TSWV tau xaaj rua Mauxes lawm. 33Puab nqaa lub Tsevntaub, cov khawb, cov taab, cov laag, cov ncej hab tej tag taw ncej lug rua Mauxes; 34cov tawv yaaj kws zaas lab hab cov tawv nyuj yog cov vuv; dlaim ntaub thaiv; 35lub Phijxaab Lug Cogtseg kws ntim ob dlaim txag zeb, ob tug laag, lub hau phijxaab; 36lub rooj hab taagnrho tej khoom siv ntawm lub rooj, hab cov ncuav kws fij rua Vaajtswv; 37tug ncej txawb teeb kws yog tseem-tseem kub, cov teeb, taagnrho tej khoom siv ntawm lub teeb hab cov roj saam teeb; 38lub thaaj kub, cov roj txhawb meejthawj; cov moov tshuaj tswqaab; dlaim ntaub thaiv lub qhovrooj moog rua huv lub Tsevntaub; 39lub thaaj tooj nrug dlaim npug lub thaaj; cov ncej hab tej khoom siv ntawm lub thaaj; lub phab tooj ntxuav teg hab lub taw phab; 40cov ntaub xov vaaj ncig lub tshaavloog hab cov ncej laajkaab hab tej tag taw ncej laajkaab; dlaim ntaub thaiv lub roojloog hab cov hlua khi dlaim ntaub, cov tswg hab taagnrho tej khoom kws siv rua lub Tsevntaub Sisntsib; 41hab tej tsoogtsho kws xaws rua cov povthawj hlub naav moog ua num huv Chaav Dlawbhuv, cov tsoogtsho povthawj hlub ntawd yog rua Aloos hab nwg cov tub.
42Cov Yixalayees tau ua txhua yaam kws tug TSWV tau xaaj rua Mauxes huv tuabsi. 43Mauxes tshuaj txhua yaam hab pum tas cov Yixalayees yeej ua tavlog le tug TSWV tau xaaj tseg lawm tag. Yogle ntawd, Mauxes txhaj foom koobmoov rua puab.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.