Tsiv Dlim 31
31
Npexalees Hab Auhauli-as
(Tsiv Dlim 35:30—36:1)
1Tug TSWV has rua Mauxes tas, 2“Kuv tau xaiv Npexalees kws yog Ulis tug tub hab yog Hawj tug xeebntxwv huv xeem Yudas, 3hab Kuv pub rua nwg puvnpo Vaajtswv tug Ntsujplig,#31:3: Vaajtswv tug Ntsujplig; lossis Kuv lub fwjchim. puvnpo kev totaub, muaj txujteg zoo, hab muaj peevxwm txug kev txaug txhua yaam, 4kuas muaj tswvyim txawj tawm qauv txua tau txhua yaam, nchuav kub, nchuav nyaj, hab nchuav tooj; 5txawj txav tej saw lug sisdlhos, txawj zaij ntoo, hab txawj txaug txhua yaam.
6“Kuv tseem xaiv Auhauli-as kws yog Ahixamas tug tub kws yog xeem Daas lug nrug Npexalees ua num uake. Kuv kuj pub tswvyim zoo rua lwmtug tuabneeg kws txujteg zoo, kuas puab muaj peevxwm ua tau txhua yaam kws Kuv tau xaaj rua koj lawm, xwsle: 7lub Tsevntaub Sisntsib, lub Phijxaab Lug Cogtseg hab lub hau Phijxaab, taagnrho tej cuabyeej kws siv huv lub Tsevntaub, 8lub rooj hab tej cuabyeej kws siv rua lub rooj, tug ncej txawb teeb kws tseem-tseem kub hab tej cuabyeej kws siv rua lub teeb, lub thaaj hlawv moov tshuaj tswqaab, 9lub thaaj kws hlawv khoom fij hab tej cuabyeej kws siv rua lub thaaj, lub phab ntxuav teg ntxuav taw hab lub taw tag phab, 10cov tsho ntev kws Aloos hab nwg cov tub naav thaus puab ua cov povthawj hlub tegnum, 11cov roj txhawb meejthawj, hab cov moov tshuaj tswqaab rua Chaav Dlawbhuv. Puab yuavtsum ua txhua yaam nuav kuas lawv nraim le kws Kuv tau xaaj rua koj lawm.”
Nub Xanpataus Kws Yog Nub Su
12Tug TSWV has rua Mauxes 13kuas qha rua cov Yixalayees has tas, “Mej yuavtsum ceev nub Xanpataus, kws yog Kuv nub su, ruaqhov nub ntawd yog ib lub cim rua mej hab Kuv ib tam rua ib tam, kws qha has tas Kuv, kws yog mej tug TSWV, tau xaiv mej lug ua Kuv tsaav tuabneeg. 14Mej yuavtsum ceev nub Xanpataus, ruaqhov nub ntawd yog nub dlawbhuv rua mej. Yog leejtwg saib tsi taug nub ntawd, yuavtsum muab nwg tua kuas tuag; hab yog leejtwg tseem moog ua num nub ntawd hab, tug ntawd yuav raug rhu tawm huv Kuv tsaav tuabneeg moog. 15Mej muaj rau nub ua mej tej dlejnum, tabsis nub thib xyaa yog nub Xanpataus, nub su kws dlawbhuv rua tug TSWV; yog leejtwg tseem moog ua num nub Xanpataus, yuavtsum muab nwg tua kuas tuag. #Tsiv 20:8-11; 23:12; 35:2; Levi 23:3; 2Kev 5:12-14 16Cov Yixalayees yuavtsum ceev nub Xanpataus ib tam rua ib tam, ncuntsoov nub ntawd yog ib lub cim rua cov lug cogtseg. 17Nwg yog ib lub cim rua Kuv hab cov Yixalayees moog ibtxhis le, ruaqhov Kuv, kws yog tug TSWV, tau tsim lub ntuj hab lub nplajteb tau rau nub, tabsis nub thib xyaa Kuv su hab tsi ua ib yaam dlaabtsi le lawm.” #Tsiv 20:11
18Thaus Vaajtswv has txhua yaam rua Mauxes sau Roob Xinais taag lawm, Vaajtswv txhaj muab ob dlaim txag zeb kws Nwg muab Nwg tug ntivteg sau Nwg tej lug xaaj cob rua Mauxes.
Currently Selected:
Tsiv Dlim 31: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tsiv Dlim 31
31
Npexalees Hab Auhauli-as
(Tsiv Dlim 35:30—36:1)
1Tug TSWV has rua Mauxes tas, 2“Kuv tau xaiv Npexalees kws yog Ulis tug tub hab yog Hawj tug xeebntxwv huv xeem Yudas, 3hab Kuv pub rua nwg puvnpo Vaajtswv tug Ntsujplig,#31:3: Vaajtswv tug Ntsujplig; lossis Kuv lub fwjchim. puvnpo kev totaub, muaj txujteg zoo, hab muaj peevxwm txug kev txaug txhua yaam, 4kuas muaj tswvyim txawj tawm qauv txua tau txhua yaam, nchuav kub, nchuav nyaj, hab nchuav tooj; 5txawj txav tej saw lug sisdlhos, txawj zaij ntoo, hab txawj txaug txhua yaam.
6“Kuv tseem xaiv Auhauli-as kws yog Ahixamas tug tub kws yog xeem Daas lug nrug Npexalees ua num uake. Kuv kuj pub tswvyim zoo rua lwmtug tuabneeg kws txujteg zoo, kuas puab muaj peevxwm ua tau txhua yaam kws Kuv tau xaaj rua koj lawm, xwsle: 7lub Tsevntaub Sisntsib, lub Phijxaab Lug Cogtseg hab lub hau Phijxaab, taagnrho tej cuabyeej kws siv huv lub Tsevntaub, 8lub rooj hab tej cuabyeej kws siv rua lub rooj, tug ncej txawb teeb kws tseem-tseem kub hab tej cuabyeej kws siv rua lub teeb, lub thaaj hlawv moov tshuaj tswqaab, 9lub thaaj kws hlawv khoom fij hab tej cuabyeej kws siv rua lub thaaj, lub phab ntxuav teg ntxuav taw hab lub taw tag phab, 10cov tsho ntev kws Aloos hab nwg cov tub naav thaus puab ua cov povthawj hlub tegnum, 11cov roj txhawb meejthawj, hab cov moov tshuaj tswqaab rua Chaav Dlawbhuv. Puab yuavtsum ua txhua yaam nuav kuas lawv nraim le kws Kuv tau xaaj rua koj lawm.”
Nub Xanpataus Kws Yog Nub Su
12Tug TSWV has rua Mauxes 13kuas qha rua cov Yixalayees has tas, “Mej yuavtsum ceev nub Xanpataus, kws yog Kuv nub su, ruaqhov nub ntawd yog ib lub cim rua mej hab Kuv ib tam rua ib tam, kws qha has tas Kuv, kws yog mej tug TSWV, tau xaiv mej lug ua Kuv tsaav tuabneeg. 14Mej yuavtsum ceev nub Xanpataus, ruaqhov nub ntawd yog nub dlawbhuv rua mej. Yog leejtwg saib tsi taug nub ntawd, yuavtsum muab nwg tua kuas tuag; hab yog leejtwg tseem moog ua num nub ntawd hab, tug ntawd yuav raug rhu tawm huv Kuv tsaav tuabneeg moog. 15Mej muaj rau nub ua mej tej dlejnum, tabsis nub thib xyaa yog nub Xanpataus, nub su kws dlawbhuv rua tug TSWV; yog leejtwg tseem moog ua num nub Xanpataus, yuavtsum muab nwg tua kuas tuag. #Tsiv 20:8-11; 23:12; 35:2; Levi 23:3; 2Kev 5:12-14 16Cov Yixalayees yuavtsum ceev nub Xanpataus ib tam rua ib tam, ncuntsoov nub ntawd yog ib lub cim rua cov lug cogtseg. 17Nwg yog ib lub cim rua Kuv hab cov Yixalayees moog ibtxhis le, ruaqhov Kuv, kws yog tug TSWV, tau tsim lub ntuj hab lub nplajteb tau rau nub, tabsis nub thib xyaa Kuv su hab tsi ua ib yaam dlaabtsi le lawm.” #Tsiv 20:11
18Thaus Vaajtswv has txhua yaam rua Mauxes sau Roob Xinais taag lawm, Vaajtswv txhaj muab ob dlaim txag zeb kws Nwg muab Nwg tug ntivteg sau Nwg tej lug xaaj cob rua Mauxes.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.