Tsiv Dlim 18
18
Yethoos Tuaj Saib Mauxes
1Mauxes yawmtxiv Yethoos kws yog tug povthawj hlub huv tebchaws Midias, tau nov txug tej kws Vaajtswv ua paab Mauxes hab paab cov Yixalayees thaus Nwg coj puab tawm huv tebchaws Iziv lug. 2Yogle ntawd, nwg txhaj tuaj saib Mauxes hab coj Xipaulas kws yog Mauxes tug quaspuj kws Mauxes tau coj rovqaab moog nrug nwg nyob, #Tsiv 2:21-22 3nrug rua Nkawsoos hab Eli-exaws kws yog Xipaulas ob tug tub tuaj rua Mauxes. (Mauxes has tas, “Kuv yog tuabneeg txawv tebchaws, moog nyob rua huv lub tebchaws kws kuv ibtxwm tsi tau paub dlua”; yogle ntawd, nwg txhaj tis nwg tug tub hlub npe hu ua Nkawsoos.#18:3: Nkawsoos: Lub npe nuav has muaj ntsiv thooj le lulug Henplais kws has tas “tuabneeg txawv tebchaws.” #Tegnum 7:29 4Mauxes tseem has ntxiv tas, “Kuv txiv tug Vaajtswv tau paab kuv hab cawm kuv dlim ntawm Falaus raab ntaaj kws yuav tua kuv”; nwg txhaj tis tug tub yau npe hu ua Eli-exaws.#18:4: Eli-exaws: Lub npe nuav has muaj ntsiv thooj le lulug Henplais kws has tas “Vaajtswv paab kuv.”)
5Mauxes yawmtxiv Yethoos, coj Mauxes tug quaspuj hab Mauxes ob tug tub tuaj rua Mauxes huv taj suabpuam, ntawm thaaj chaw kws Mauxes lug tsuam chaw su nyob ze rua ntawm Vaajtswv lub roob. 6Yethoos khaiv tuabneeg moog has rua Mauxes tas, “Kuv, kws yog koj yawmtxiv Yethoos, kuv tuaj saib koj hab kuv coj koj quaspuj hab nwg ob tug tub tuaj txug lawm.”
7Mauxes txhaj tawm moog ntsib nwg yawmtxiv, hawm hab nwj nwg. Tes puab txawm sisnug txug kev nojqaab nyobzoo hab moog rua huv Mauxes lub tsevntaub lawm. 8Mauxes pav txhua yaam kws tug TSWV tau cawm cov Yixalayees ua ntu zug ntawm Falaus hab cov Iziv rua nwg yawmtxiv Yethoos noog. Mauxes tseem pav tej kev nyuajsab kws cov Yixalayees raug thaus puab taug kev lug hab tej kws tug TSWV cawm puab dlim rua Yethoos noog huv tuabsi.
9Thaus Yethoos nov txhua yaam nuav, nwg zoosab kawg le 10hab nwg has tas, “Ua tug TSWV tsaug kws Nwg tau cawm mej dlim ntawm Falaus hab cov Iziv lug! Ua tug TSWV tsaug kws Nwg tau cawm Nwg tsaav tuabneeg dlim ntawm txuj kev ua luas qhev lug lawm! 11Zagnua kuv paub tas tug TSWV yog tug kws muaj fwjchim luj tshaaj tej nyuas vaajtswv huv tuabsi, ruaqhov Nwg tau ua tej nuav rua cov Iziv, thaus kws puab caijtsuj hab saib tsi taug cov Yixalayees nyaav heev.” 12Yethoos coj tsaj tuaj tua hlawv kheej hab coj lwmyaam khoom tuaj fij rua Vaajtswv, tes Aloos hab cov Yixalayees tej thawjcoj txhaj tuaj nrug nwg noj rooj mov tseemceeb ntawd timntsej timmuag ntawm Vaajtswv.
Tsaa Cov Tu Plaubntug
(2 Kevcai 1:9-18)
13Nub tomqaab Mauxes txawm moog nyob tu cov pejxeem tej plaub, hab nwg tu plaub thaus sawvntxuv moog txug thaus tsausntuj. 14Thaus Yethoos pum txhua yaam kws Mauxes ua, nwg txawm nug has tas, “Tej dlejnum kws koj ua nuav yog koj ua paab rua cov pejxeem puas yog? Vim lecaag koj txhaj tuableeg nyob ntawm nuav ua xwb, es taagnrho tej pejxeem ho sawvntxuv tseeg tuaj sawv tog koj ib nub tsausntuj ndlais le nuav?”
15Mauxes teb tas, “Kuv yuavtsum ua le nuav, ruaqhov cov pejxeem tuaj cuag kuv, yog puab xaav paub txug Vaajtswv tug dlejsab. 16Thaus muaj ob tug tuabneeg tsi sishum, obtug tuaj cuag kuv, kuv maam ua tug txavtxim rua obtug, hab kuv muab Vaajtswv tej lug xaaj hab kevcai lug qha rua obtug.”
17Yethoos teb tas, “Koj ua le nuav tsi yog lawm. 18Koj hab cov pejxeem kws tuaj cuag koj yuav saab heev. Tej num nuav nyaav heev rua koj, koj ib leeg ua xwb yuav ua tsi taug. 19Koj noog kuv has nawb. Kuv yuav paab qeeyaam tswvyim rua koj, hab thov Vaajtswv nrugnraim koj. Koj yuavtsum ua tug sawvcev cov tuabneeg rua ntawm Vaajtswv hab coj puab tej plaubntug moog cuag Nwg. 20Koj yuavtsum qha Vaajtswv txuj kevcai rua puab, hab ua tuabzoo pav kuas puab totaub has tas puab yuavtsum ua lub neej lecaag hab yuav ua dlaabtsi txhaj zoo.
21“Tabsis ntxiv rua qhov ntawd hab, koj yuavtsum xaiv ib cov txivneej kws muaj peevxwm hab tsaa puab ua cov thawjcoj saib cov pejxeem: tsaa cov kws saib 1,000 tawm leej, 100 tawm leej, 50 tawm leej, hab 10 tawm leej. Puab cov nuav yuavtsum yog cov kws fwm Vaajtswv, yog cov kws suavdlawg ntseegsab tau, hab yog cov kws luas xuas nyaj xab tsi tau puab. 22Ca puab ua cov tu plaubntug rua cov pejxeem moog le. Tej plaubntug luj maam kuas puab coj tuaj cuag koj, tabsis tej plaubntug miv, ca rua puab tu. Ua le nuav koj lub nraa txhaj yuav sib, ruaqhov puab tub paab koj ris koj lub nraa lawm. 23Yog koj ua le nuav, hab yog Vaajtswv xaaj kuas koj ua, mas koj yuav tsi saab, hab cov pejxeem yuav rov moog tsev nrug txuj kev kaajsab.”
24Mauxes noog nwg yawmtxiv tej lug hab ua txhua yaam le nwg qha, 25Mauxes txhaj xaiv cov tuabneeg kws muaj peevxwm huv cov Yixalayees, hab muab puab tsaa ua cov thawj saib 1,000 tawm leej, 100 tawm leej, 50 tawm leej, hab 10 tawm leej. 26Puab ua cov tu tej plaubntug rua cov pejxeem moog le; puab coj tej plaubntug luj tuaj rua Mauxes tu, tabsis puab ua cov tu tej plaubntug miv.
27Tes Mauxes txawm xaa nwg yawmtxiv Yethoos sawvkev rovqaab moog tsev lawm.
Currently Selected:
Tsiv Dlim 18: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tsiv Dlim 18
18
Yethoos Tuaj Saib Mauxes
1Mauxes yawmtxiv Yethoos kws yog tug povthawj hlub huv tebchaws Midias, tau nov txug tej kws Vaajtswv ua paab Mauxes hab paab cov Yixalayees thaus Nwg coj puab tawm huv tebchaws Iziv lug. 2Yogle ntawd, nwg txhaj tuaj saib Mauxes hab coj Xipaulas kws yog Mauxes tug quaspuj kws Mauxes tau coj rovqaab moog nrug nwg nyob, #Tsiv 2:21-22 3nrug rua Nkawsoos hab Eli-exaws kws yog Xipaulas ob tug tub tuaj rua Mauxes. (Mauxes has tas, “Kuv yog tuabneeg txawv tebchaws, moog nyob rua huv lub tebchaws kws kuv ibtxwm tsi tau paub dlua”; yogle ntawd, nwg txhaj tis nwg tug tub hlub npe hu ua Nkawsoos.#18:3: Nkawsoos: Lub npe nuav has muaj ntsiv thooj le lulug Henplais kws has tas “tuabneeg txawv tebchaws.” #Tegnum 7:29 4Mauxes tseem has ntxiv tas, “Kuv txiv tug Vaajtswv tau paab kuv hab cawm kuv dlim ntawm Falaus raab ntaaj kws yuav tua kuv”; nwg txhaj tis tug tub yau npe hu ua Eli-exaws.#18:4: Eli-exaws: Lub npe nuav has muaj ntsiv thooj le lulug Henplais kws has tas “Vaajtswv paab kuv.”)
5Mauxes yawmtxiv Yethoos, coj Mauxes tug quaspuj hab Mauxes ob tug tub tuaj rua Mauxes huv taj suabpuam, ntawm thaaj chaw kws Mauxes lug tsuam chaw su nyob ze rua ntawm Vaajtswv lub roob. 6Yethoos khaiv tuabneeg moog has rua Mauxes tas, “Kuv, kws yog koj yawmtxiv Yethoos, kuv tuaj saib koj hab kuv coj koj quaspuj hab nwg ob tug tub tuaj txug lawm.”
7Mauxes txhaj tawm moog ntsib nwg yawmtxiv, hawm hab nwj nwg. Tes puab txawm sisnug txug kev nojqaab nyobzoo hab moog rua huv Mauxes lub tsevntaub lawm. 8Mauxes pav txhua yaam kws tug TSWV tau cawm cov Yixalayees ua ntu zug ntawm Falaus hab cov Iziv rua nwg yawmtxiv Yethoos noog. Mauxes tseem pav tej kev nyuajsab kws cov Yixalayees raug thaus puab taug kev lug hab tej kws tug TSWV cawm puab dlim rua Yethoos noog huv tuabsi.
9Thaus Yethoos nov txhua yaam nuav, nwg zoosab kawg le 10hab nwg has tas, “Ua tug TSWV tsaug kws Nwg tau cawm mej dlim ntawm Falaus hab cov Iziv lug! Ua tug TSWV tsaug kws Nwg tau cawm Nwg tsaav tuabneeg dlim ntawm txuj kev ua luas qhev lug lawm! 11Zagnua kuv paub tas tug TSWV yog tug kws muaj fwjchim luj tshaaj tej nyuas vaajtswv huv tuabsi, ruaqhov Nwg tau ua tej nuav rua cov Iziv, thaus kws puab caijtsuj hab saib tsi taug cov Yixalayees nyaav heev.” 12Yethoos coj tsaj tuaj tua hlawv kheej hab coj lwmyaam khoom tuaj fij rua Vaajtswv, tes Aloos hab cov Yixalayees tej thawjcoj txhaj tuaj nrug nwg noj rooj mov tseemceeb ntawd timntsej timmuag ntawm Vaajtswv.
Tsaa Cov Tu Plaubntug
(2 Kevcai 1:9-18)
13Nub tomqaab Mauxes txawm moog nyob tu cov pejxeem tej plaub, hab nwg tu plaub thaus sawvntxuv moog txug thaus tsausntuj. 14Thaus Yethoos pum txhua yaam kws Mauxes ua, nwg txawm nug has tas, “Tej dlejnum kws koj ua nuav yog koj ua paab rua cov pejxeem puas yog? Vim lecaag koj txhaj tuableeg nyob ntawm nuav ua xwb, es taagnrho tej pejxeem ho sawvntxuv tseeg tuaj sawv tog koj ib nub tsausntuj ndlais le nuav?”
15Mauxes teb tas, “Kuv yuavtsum ua le nuav, ruaqhov cov pejxeem tuaj cuag kuv, yog puab xaav paub txug Vaajtswv tug dlejsab. 16Thaus muaj ob tug tuabneeg tsi sishum, obtug tuaj cuag kuv, kuv maam ua tug txavtxim rua obtug, hab kuv muab Vaajtswv tej lug xaaj hab kevcai lug qha rua obtug.”
17Yethoos teb tas, “Koj ua le nuav tsi yog lawm. 18Koj hab cov pejxeem kws tuaj cuag koj yuav saab heev. Tej num nuav nyaav heev rua koj, koj ib leeg ua xwb yuav ua tsi taug. 19Koj noog kuv has nawb. Kuv yuav paab qeeyaam tswvyim rua koj, hab thov Vaajtswv nrugnraim koj. Koj yuavtsum ua tug sawvcev cov tuabneeg rua ntawm Vaajtswv hab coj puab tej plaubntug moog cuag Nwg. 20Koj yuavtsum qha Vaajtswv txuj kevcai rua puab, hab ua tuabzoo pav kuas puab totaub has tas puab yuavtsum ua lub neej lecaag hab yuav ua dlaabtsi txhaj zoo.
21“Tabsis ntxiv rua qhov ntawd hab, koj yuavtsum xaiv ib cov txivneej kws muaj peevxwm hab tsaa puab ua cov thawjcoj saib cov pejxeem: tsaa cov kws saib 1,000 tawm leej, 100 tawm leej, 50 tawm leej, hab 10 tawm leej. Puab cov nuav yuavtsum yog cov kws fwm Vaajtswv, yog cov kws suavdlawg ntseegsab tau, hab yog cov kws luas xuas nyaj xab tsi tau puab. 22Ca puab ua cov tu plaubntug rua cov pejxeem moog le. Tej plaubntug luj maam kuas puab coj tuaj cuag koj, tabsis tej plaubntug miv, ca rua puab tu. Ua le nuav koj lub nraa txhaj yuav sib, ruaqhov puab tub paab koj ris koj lub nraa lawm. 23Yog koj ua le nuav, hab yog Vaajtswv xaaj kuas koj ua, mas koj yuav tsi saab, hab cov pejxeem yuav rov moog tsev nrug txuj kev kaajsab.”
24Mauxes noog nwg yawmtxiv tej lug hab ua txhua yaam le nwg qha, 25Mauxes txhaj xaiv cov tuabneeg kws muaj peevxwm huv cov Yixalayees, hab muab puab tsaa ua cov thawj saib 1,000 tawm leej, 100 tawm leej, 50 tawm leej, hab 10 tawm leej. 26Puab ua cov tu tej plaubntug rua cov pejxeem moog le; puab coj tej plaubntug luj tuaj rua Mauxes tu, tabsis puab ua cov tu tej plaubntug miv.
27Tes Mauxes txawm xaa nwg yawmtxiv Yethoos sawvkev rovqaab moog tsev lawm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.