Tsiv Dlim 11
11
Mauxes Qha Txug Cov Tub Hlub Yuav Tuag
1Tes Vaajtswv has rua Mauxes has tas, “Kuv yuav rautxim rua Falaus hab cov Iziv ib zag ntxiv hab. Tomqaab ntawd nwg yuav tso mej moog. Nwg yuav ntab mej tawm huv nuav moog kuas taag. 2Koj moog has rua cov Yixalayees kuas puab txhua tug moog thov puab cov tuabneeg zejzog tej saw nyaj saw kub.” 3Tug TSWV ua kuas cov Iziv fwm cov Yixalayees. Falaus cov numtswv hab taagnrho tej pejxeem puavleej suav has tas Mauxes yog ib tug tuabneeg tseemceeb heev.
4Mauxes txawm has rua Falaus has tas, “Tug TSWV has tas, ‘Thaus ib taagmo Kuv yuav moog kuas thoobplawg tebchaws Iziv. 5Txhua tug tub hlub kws nyob huv Iziv yuav tuag taagnrho, suav txij Falaus tug kws nyob sau lub zwmtxwv tug tub hlub moog txug rua tug puj qhev kws zumzeb tug tub hlub. Tej tsajtxhu thawjtug mivnyuas los yuav tuag taag huv tuabsi hab. 6Yuav muaj suab quaj suab nyav ntshunrooj thoobplawg huv lub tebchaws Iziv, kws ibtxwm yeej tsi tau muaj dlua lossis yuav tsi muaj ib zag ntxiv le lawm. 7Tabsis cov Yixalayees yuav nyob ntsagtu, tub tsi nov txug ib lub suab dlev tsej tuabneeg lossis tsajtxhu le. Thaus ntawd koj yuav paub tas Kuv yog tug TSWV kws ua rua muaj kev sistxawv nruabnraab ntawm cov Iziv hab cov Yixalayees.’ ”
8Mauxes xaus lug has tas, “Taagnrho koj cov numtswv yuavtsum tuaj cuag kuv hab yuav qhau cev hlo pe kuv, hab thov kuas kuv coj taagnrho kuv tsaav tuabneeg moog, mas tomqaab ntawd kuv maamle tawm moog.” Tes Mauxes npautawg heev ua ntsejmuag dlub txig tawm huv Falaus lub loog moog lawm.
9Tug TSWV has rua Mauxes has tas, “Falaus yuav tsi kaam noog koj lug, kuas Kuv txhaj tau ua Kuv tej txujci tseemceeb rua huv tebchaws Iziv nuav ntxiv.” 10Mauxes hab Aloos ua tej txujci tseemceeb nuav taabmeeg Falaus, tabsis tug TSWV ua rua Falaus lub sab tawv, nwg txhaj tsi tso cov Yixalayees tawm huv nwg lub tebchaws Iziv moog le.
Currently Selected:
Tsiv Dlim 11: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tsiv Dlim 11
11
Mauxes Qha Txug Cov Tub Hlub Yuav Tuag
1Tes Vaajtswv has rua Mauxes has tas, “Kuv yuav rautxim rua Falaus hab cov Iziv ib zag ntxiv hab. Tomqaab ntawd nwg yuav tso mej moog. Nwg yuav ntab mej tawm huv nuav moog kuas taag. 2Koj moog has rua cov Yixalayees kuas puab txhua tug moog thov puab cov tuabneeg zejzog tej saw nyaj saw kub.” 3Tug TSWV ua kuas cov Iziv fwm cov Yixalayees. Falaus cov numtswv hab taagnrho tej pejxeem puavleej suav has tas Mauxes yog ib tug tuabneeg tseemceeb heev.
4Mauxes txawm has rua Falaus has tas, “Tug TSWV has tas, ‘Thaus ib taagmo Kuv yuav moog kuas thoobplawg tebchaws Iziv. 5Txhua tug tub hlub kws nyob huv Iziv yuav tuag taagnrho, suav txij Falaus tug kws nyob sau lub zwmtxwv tug tub hlub moog txug rua tug puj qhev kws zumzeb tug tub hlub. Tej tsajtxhu thawjtug mivnyuas los yuav tuag taag huv tuabsi hab. 6Yuav muaj suab quaj suab nyav ntshunrooj thoobplawg huv lub tebchaws Iziv, kws ibtxwm yeej tsi tau muaj dlua lossis yuav tsi muaj ib zag ntxiv le lawm. 7Tabsis cov Yixalayees yuav nyob ntsagtu, tub tsi nov txug ib lub suab dlev tsej tuabneeg lossis tsajtxhu le. Thaus ntawd koj yuav paub tas Kuv yog tug TSWV kws ua rua muaj kev sistxawv nruabnraab ntawm cov Iziv hab cov Yixalayees.’ ”
8Mauxes xaus lug has tas, “Taagnrho koj cov numtswv yuavtsum tuaj cuag kuv hab yuav qhau cev hlo pe kuv, hab thov kuas kuv coj taagnrho kuv tsaav tuabneeg moog, mas tomqaab ntawd kuv maamle tawm moog.” Tes Mauxes npautawg heev ua ntsejmuag dlub txig tawm huv Falaus lub loog moog lawm.
9Tug TSWV has rua Mauxes has tas, “Falaus yuav tsi kaam noog koj lug, kuas Kuv txhaj tau ua Kuv tej txujci tseemceeb rua huv tebchaws Iziv nuav ntxiv.” 10Mauxes hab Aloos ua tej txujci tseemceeb nuav taabmeeg Falaus, tabsis tug TSWV ua rua Falaus lub sab tawv, nwg txhaj tsi tso cov Yixalayees tawm huv nwg lub tebchaws Iziv moog le.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.