Tegnum 18
18
Nyob Huv Kauleethaus
1Tomqaab ntawd Paulus txawm tawm huv Athees moog rua tim lub nroog Kauleethaus. 2Thaus nwg nyob huv lub nroog ntawd, nwg ntsib ib tug tuabneeg Yudais hu ua Akhilas kws yug huv tebchaws Pootus. Akhilas hab nwg tug quaspuj Pixilas obtug nyavnyuas tuaj tim tebchaws Italis tuaj, ruaqhov Fuabtais Khlaudius tau ntab cov Yudais txhua tug kuas tsiv tawm huv lub nroog Loos moog. Paulus txawm moog saib Akhilas obtug, 3moog nrug obtug nyob, hab ua num uake, ruaqhov nwg txuj kev nrhav noj nrhav haus yog xaws tsevntaub ib yaam le Akhilas obtug hab. 4Txhua nub Xanpataus Paulus nrug tuabneeg siscaav huv tsev saablaaj, nwg yum cov Yudais hab cov tuabneeg Kilis kuas lug ntseeg.
5Thaus Xilas hab Timautes obtug tuaj peg Makedaunias tuaj txug lawm, tes Paulus txawm siv taagnrho nwg tej sijhawm lug qha Vaajtswv Txujlug lawm xwb. Nwg ua timkhawv rua cov Yudais has tas Yexus yog tug Mexiyas. 6Thaus puab tawmtsaam hab thuam nwg, nwg txawm muab nwg tej tsoogtsho nchus moov aav hab has rua puab has tas, “Mej le ntshaav maam lu mej taubhau! Ntawm kuv, kuv tsi muaj txim dlaabtsi. Txij nuav moog kuv yuav moog qha Lwmtsaav Tuabneeg lawm.” 7Tes Paulus txawm ncaim puab moog; nwg moog nrug ib tug txivneej kws yog Lwmtsaav Tuabneeg kws hu ua Titius Yuxatus nyob. Nwg yog ib tug kws fwm Vaajtswv; nwg lub tsev nyob npuab nkaus lub tsev saablaaj. 8Khixapus kws yog tug thawj saib lub tsev saablaaj, nwg hab taagnrho nwg tsev tuabneeg puavleej lug ntseeg tug Tswv; hab muaj ntau leej kws nyob huv lub nroog Kauleethaus tau nov Paulus qha, puab txawm lug ntseeg hab ua kevcai rausdlej.
9Muaj ib mos Paulus ua ywgtoog pum tug Tswv lug has rua nwg has tas, “Koj tsi xob ntshai, yijmeem qha moog tsi xob tsotseg, 10ruaqhov Kuv nrug koj nyob. Tsi muaj leejtwg yuav ua tau phem rua koj, ruaqhov coob leej kws nyob huv lub nroog nuav yog Kuv cov tuabneeg xwb.” 11Yogle ntawd, Paulus txhaj nyob huv lub nroog ntawd tau ib xyoos hab rau hli, qha Vaajtswv Txujlug rua suavdlawg.
12Lub sijhawm kws Nkali-aus lug ua tug tswvxeev kaav lub xeev Akhayas, cov Yudais txawm tuavhuv nteg Paulus coj moog rua huv tsev has plaub. 13Puab has tas, “Tug txivneej nuav yum suavdlawg kuas pehawm Vaajtswv tsi lawvle peb txuj kevcai.”
14Thaus Paulus tseem taabtom yuav teb, Nkali-aus txawm has rua cov Yudais has tas, “Yog tas yaam nuav yog ib qho kev txhum kws hlaa kevcai luj heev lossis yog ib yaam kws nwg tau ua txhum lawm, tes kuv yeej yuav ua sabntev noog mej cov tuabneeg Yudais tej lug. 15Tabsis nwg tsuas yog kev siscaav txug tej nyuas lug, tej nyuas npe, hab mej tej kevcai xwb, kuv yuav tsi ua tug txavtxim rua tej ntawd!” 16Tes nwg txawm ntab puab tawm huv lub tsev has plaub moog. 17Puab suavdlawg txawm moog nteg Xauthenes, kws yog tug thawj saib lub tsev saablaaj, hab muab nwg ntaus taabmeeg suavdlawg huv lub tsev has plaub. Tabsis Nkali-aus yeej tsi quavntsej le.
Rov Moog Rua Tim Aati-aukias
18Paulus nrug cov ntseeg nyob huv lub nroog Kauleethaus tau ntau nub ntxiv, tes nwg txawm nrug Pixilas hab Akhilas caij nkoj moog rua tim tebchaws Xilias. Uantej kws puab yuav caij nkoj tawm huv Kheekhias moog, Paulus txawm muab nwg cov plaubhau chais, ruaqhov nwg tub coglug tseg ca lawm.#18:18: coglug tseg ca lawm: Qhov nuav yog ua lawvle cov Yudais txuj kevcai chais plaubhau kws ua lub cim qha has tas yug ua lawvle yug tau coglug tseg lawm. #Teev 6:18 19Thaus puab moog txug rua Efexus, Paulus txawm ncaim Pixilas hab Akhilas obtug. Nwg moog rua huv lub tsev saablaaj hab nrug cov Yudais siscaav. 20Puab tau thov kuas nwg nrug puab nyob ib ntus ntxiv, tabsis nwg tsi kaam. 21Thaus nwg yuav ncaim puab moog, nwg has rua puab has tas, “Yog Vaajtswv pumzoo, kuv yuav rovqaab tuaj cuag mej dlua.” Tes Paulus txawm caij nkoj tawm huv lub nroog Efexus moog lawm.
22Thaus nwg moog txug rua Xixaleyas, nwg txawm moog saib pawg ntseeg kws nyob rua nraag lub nroog Yeluxalees. Dlhau ntawd nwg rov lug rua peg lub nroog Aati-aukias. 23Nwg nyob ntawd tau ib ntus, tes nwg txawm tawm hab hlaa ntawm cheebtsaam Kalatias hab Felinkias moog; nwg ibke taug kev moog ibke txhawb cov ntseeg suavdlawg lub zug.
Apaulaus Qha Huv Efexus Hab Kauleethaus
24Thaus ntawd muaj ib tug txivneej Yudais hu ua Apaulaus, kws yug huv lub nroog Alexaadias, tau tuaj txug huv lub nroog Efexus. Nwg yog ib tug kws txawj qha kawg le hab paub Vaajtswv tej Lug zoo heev. 25Nwg tau raug cobqha txug tug Tswv txuj Kevcai. Nwg kubsab hab qha meej kawg nkaus txug Yexus zaaj. Tabsis nwg tsuas paub txug txuj kevcai rausdlej kws Yauhaas qha xwb. 26Nwg muaj lub sab tawv qha nyob huv lub tsev saablaaj. Thaus Pixilas hab Akhilas obtug noog nwg qha taag, tes obtug txawm coj nwg moog rua tom obtug tsev hab qha Vaajtswv Txujlug kuas nwg paub zoo dlua qub ntxiv.
27Thaus ntawd Apaulaus tau txavtxim sab moog rua Akhayas, cov ntseeg kws nyob huv lub nroog Efexus tau sau ib tsaab ntawv xaa moog rua cov ntseeg kws nyob tid, nquahu kuas puab txaistog Apaulaus. Thaus Apaulaus moog txug tid, nwg paab puab kawg le, tshwjxeeb yog cov kws tau lug ntseeg Vaajtswv vim yog Vaajtswv txuj moovhlub. 28Nwg nrug cov Yudais siscaav nyaav heev hab tau kovyeej puab taabmeeg suavdlawg, lug ntawm qhov kws nwg muab Vaajtswv tej Lug lug ua povthawj qha tas Yexus yog tug Mexiyas.
Currently Selected:
Tegnum 18: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tegnum 18
18
Nyob Huv Kauleethaus
1Tomqaab ntawd Paulus txawm tawm huv Athees moog rua tim lub nroog Kauleethaus. 2Thaus nwg nyob huv lub nroog ntawd, nwg ntsib ib tug tuabneeg Yudais hu ua Akhilas kws yug huv tebchaws Pootus. Akhilas hab nwg tug quaspuj Pixilas obtug nyavnyuas tuaj tim tebchaws Italis tuaj, ruaqhov Fuabtais Khlaudius tau ntab cov Yudais txhua tug kuas tsiv tawm huv lub nroog Loos moog. Paulus txawm moog saib Akhilas obtug, 3moog nrug obtug nyob, hab ua num uake, ruaqhov nwg txuj kev nrhav noj nrhav haus yog xaws tsevntaub ib yaam le Akhilas obtug hab. 4Txhua nub Xanpataus Paulus nrug tuabneeg siscaav huv tsev saablaaj, nwg yum cov Yudais hab cov tuabneeg Kilis kuas lug ntseeg.
5Thaus Xilas hab Timautes obtug tuaj peg Makedaunias tuaj txug lawm, tes Paulus txawm siv taagnrho nwg tej sijhawm lug qha Vaajtswv Txujlug lawm xwb. Nwg ua timkhawv rua cov Yudais has tas Yexus yog tug Mexiyas. 6Thaus puab tawmtsaam hab thuam nwg, nwg txawm muab nwg tej tsoogtsho nchus moov aav hab has rua puab has tas, “Mej le ntshaav maam lu mej taubhau! Ntawm kuv, kuv tsi muaj txim dlaabtsi. Txij nuav moog kuv yuav moog qha Lwmtsaav Tuabneeg lawm.” 7Tes Paulus txawm ncaim puab moog; nwg moog nrug ib tug txivneej kws yog Lwmtsaav Tuabneeg kws hu ua Titius Yuxatus nyob. Nwg yog ib tug kws fwm Vaajtswv; nwg lub tsev nyob npuab nkaus lub tsev saablaaj. 8Khixapus kws yog tug thawj saib lub tsev saablaaj, nwg hab taagnrho nwg tsev tuabneeg puavleej lug ntseeg tug Tswv; hab muaj ntau leej kws nyob huv lub nroog Kauleethaus tau nov Paulus qha, puab txawm lug ntseeg hab ua kevcai rausdlej.
9Muaj ib mos Paulus ua ywgtoog pum tug Tswv lug has rua nwg has tas, “Koj tsi xob ntshai, yijmeem qha moog tsi xob tsotseg, 10ruaqhov Kuv nrug koj nyob. Tsi muaj leejtwg yuav ua tau phem rua koj, ruaqhov coob leej kws nyob huv lub nroog nuav yog Kuv cov tuabneeg xwb.” 11Yogle ntawd, Paulus txhaj nyob huv lub nroog ntawd tau ib xyoos hab rau hli, qha Vaajtswv Txujlug rua suavdlawg.
12Lub sijhawm kws Nkali-aus lug ua tug tswvxeev kaav lub xeev Akhayas, cov Yudais txawm tuavhuv nteg Paulus coj moog rua huv tsev has plaub. 13Puab has tas, “Tug txivneej nuav yum suavdlawg kuas pehawm Vaajtswv tsi lawvle peb txuj kevcai.”
14Thaus Paulus tseem taabtom yuav teb, Nkali-aus txawm has rua cov Yudais has tas, “Yog tas yaam nuav yog ib qho kev txhum kws hlaa kevcai luj heev lossis yog ib yaam kws nwg tau ua txhum lawm, tes kuv yeej yuav ua sabntev noog mej cov tuabneeg Yudais tej lug. 15Tabsis nwg tsuas yog kev siscaav txug tej nyuas lug, tej nyuas npe, hab mej tej kevcai xwb, kuv yuav tsi ua tug txavtxim rua tej ntawd!” 16Tes nwg txawm ntab puab tawm huv lub tsev has plaub moog. 17Puab suavdlawg txawm moog nteg Xauthenes, kws yog tug thawj saib lub tsev saablaaj, hab muab nwg ntaus taabmeeg suavdlawg huv lub tsev has plaub. Tabsis Nkali-aus yeej tsi quavntsej le.
Rov Moog Rua Tim Aati-aukias
18Paulus nrug cov ntseeg nyob huv lub nroog Kauleethaus tau ntau nub ntxiv, tes nwg txawm nrug Pixilas hab Akhilas caij nkoj moog rua tim tebchaws Xilias. Uantej kws puab yuav caij nkoj tawm huv Kheekhias moog, Paulus txawm muab nwg cov plaubhau chais, ruaqhov nwg tub coglug tseg ca lawm.#18:18: coglug tseg ca lawm: Qhov nuav yog ua lawvle cov Yudais txuj kevcai chais plaubhau kws ua lub cim qha has tas yug ua lawvle yug tau coglug tseg lawm. #Teev 6:18 19Thaus puab moog txug rua Efexus, Paulus txawm ncaim Pixilas hab Akhilas obtug. Nwg moog rua huv lub tsev saablaaj hab nrug cov Yudais siscaav. 20Puab tau thov kuas nwg nrug puab nyob ib ntus ntxiv, tabsis nwg tsi kaam. 21Thaus nwg yuav ncaim puab moog, nwg has rua puab has tas, “Yog Vaajtswv pumzoo, kuv yuav rovqaab tuaj cuag mej dlua.” Tes Paulus txawm caij nkoj tawm huv lub nroog Efexus moog lawm.
22Thaus nwg moog txug rua Xixaleyas, nwg txawm moog saib pawg ntseeg kws nyob rua nraag lub nroog Yeluxalees. Dlhau ntawd nwg rov lug rua peg lub nroog Aati-aukias. 23Nwg nyob ntawd tau ib ntus, tes nwg txawm tawm hab hlaa ntawm cheebtsaam Kalatias hab Felinkias moog; nwg ibke taug kev moog ibke txhawb cov ntseeg suavdlawg lub zug.
Apaulaus Qha Huv Efexus Hab Kauleethaus
24Thaus ntawd muaj ib tug txivneej Yudais hu ua Apaulaus, kws yug huv lub nroog Alexaadias, tau tuaj txug huv lub nroog Efexus. Nwg yog ib tug kws txawj qha kawg le hab paub Vaajtswv tej Lug zoo heev. 25Nwg tau raug cobqha txug tug Tswv txuj Kevcai. Nwg kubsab hab qha meej kawg nkaus txug Yexus zaaj. Tabsis nwg tsuas paub txug txuj kevcai rausdlej kws Yauhaas qha xwb. 26Nwg muaj lub sab tawv qha nyob huv lub tsev saablaaj. Thaus Pixilas hab Akhilas obtug noog nwg qha taag, tes obtug txawm coj nwg moog rua tom obtug tsev hab qha Vaajtswv Txujlug kuas nwg paub zoo dlua qub ntxiv.
27Thaus ntawd Apaulaus tau txavtxim sab moog rua Akhayas, cov ntseeg kws nyob huv lub nroog Efexus tau sau ib tsaab ntawv xaa moog rua cov ntseeg kws nyob tid, nquahu kuas puab txaistog Apaulaus. Thaus Apaulaus moog txug tid, nwg paab puab kawg le, tshwjxeeb yog cov kws tau lug ntseeg Vaajtswv vim yog Vaajtswv txuj moovhlub. 28Nwg nrug cov Yudais siscaav nyaav heev hab tau kovyeej puab taabmeeg suavdlawg, lug ntawm qhov kws nwg muab Vaajtswv tej Lug lug ua povthawj qha tas Yexus yog tug Mexiyas.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.