Tegnum 15
15
Kev Saablaaj Huv Nroog Yeluxalees
1Muaj ob-peb tug txivneej tuaj nraag xeev Yudas tuaj rua huv lub nroog Aati-aukias, puab txawm pib qha cov ntseeg tas, “Yog mej tsi ua kevcai txav lawvle Mauxes txuj Kevcai tau qha tseg, mej yeej yuav tsi dlim hlo le.” #Levi 12:3 2Paulus hab Npananpas nrug puab cov ntawd siscaav nyaav heev txug zaaj nuav. Thaus kawg suavdlawg txhaj pumzoo ca Paulus hab Npananpas hab cov ntseeg qeeleej kws nyob huv lub nroog Aati-aukias moog rua sau lub nroog Yeluxalees, moog nrug cov timthawj hab cov txwjlaug saablaaj txug zaaj nuav.
3Pawg ntseeg txhaj xaa puab moog. Thaus puab taabtom taug kev hlaa lub xeev Faunikias hab xeev Xamalis, obtug tau qha txug qhov kws Lwmtsaav Tuabneeg lug ntseeg Vaajtswv lawm rua cov ntseeg kws nyob huv ob lub xeev ntawd noog, ua rua puab zoosab kawg le. 4Thaus puab moog txug rua Yeluxalees lawm, pawg ntseeg, cov timthawj, hab cov txwjlaug suavdlawg tau txaistog puab. Paulus obtug txhaj pav txhua yaam kws Vaajtswv tau siv obtug ua, rua puab suavdlawg noog. 5Tabsis cov ntseeg kws yog cov Falixais paab, muaj qeeleej txawm sawv hab has tas, “Yuavtsum muab cov kws yog Lwmtsaav Tuabneeg ntawd ua kevcai txav, hab kuas puab coj lawvle Mauxes txuj Kevcai.”
6Cov timthawj hab cov txwjlaug txawm muab zaaj nuav lug saablaaj seb yuav ua lecaag. 7Tomqaab kws puab siscaav ntev loo, Petus txawm sawvtseeg hab has rua puab has tas, “Cov kwvtij, mej tub paub tas thaus chivthawj, peb cov kws nyob ntawm nuav, Vaajtswv tau xaiv kuv ua tug qha Txuj Moo Zoo rua Lwmtsaav Tuabneeg kuas puab txhaj nov hab lug ntseeg. #Tegnum 10:1-43 8Hab Vaajtswv tug kws paub suavdlawg lub sab, tau pumzoo txais yuav Lwmtsaav Tuabneeg lug ntawm qhov kws Nwg pub Vaaj Ntsujplig tug Dlawbhuv rua puab ib yaam le Nwg tau pub rua peb lawm. #Tegnum 10:44; Tegnum 2:4 9Vaajtswv suav has tas Lwmtsaav Tuabneeg hab peb zoo tuabyaam nkaus; Nwg zaam puab lub txim, vim puab ntseeg Nwg. 10Yogle ntawd, uacaag nwgnuav mej tseem yuav xaav sim Vaajtswv sab lug ntawm qhov kws mej muab ib lub nraa rua cov ntseeg ris? Txawm yog peb cov yawmkoob hab peb los yeej ris tsi taug lub nraa ntawd. 11Tsi xob ua le ntawd! Peb ntseeg tas qhov kws peb dlim peb lub txim, yog lug ntawm tug Tswv Yexus txuj moovhlub, ib yaam nkaus le puab hab xwb.”
12Suavdlawg txawm nyob ntsagtu noog Npananpas hab Paulus pav txug tej txujci luj hab tseemceeb kws Vaajtswv ua thaus obtug moog qha Lwmtsaav Tuabneeg. 13Thaus obtug qha taag lawm, Yakaunpaus has tas, “Cov kwvtij, mej cale noog kuv has! 14Ximoos nyavnyuas qha has tas thawjzag kws Vaajtswv qha Nwg txuj kev hlub tshua rua Lwmtsaav Tuabneeg yog lug ntawm qhov kws Nwg tau coj puab ib co lug ua Nwg tsaav tuabneeg. 15Cov xwbfwb cev Vaajtswv lug puavleej has ib yaam nkaus txug zaaj nuav, lawvle Vaajtswv Txujlug tau sau tseg has tas,
16“ ‘Tug Tswv has tas, tomqaab ntawd Kuv yuav rov lug
muab Daviv lub tsev kws qaug lawm ua dlua tshab.
Kuv yuav muab yaam kws pob lawm khu dlua tshab
hab yuav khu kuas rov ruaj-khov tuaj. #Amaus 9:11-12 (LXX)
17Sub txhua tsaav tuabneeg txhaj yuav lug nrhav Kuv,
xaam taagnrho txhua tug kws yog Lwmtsaav Tuabneeg kws Kuv tau hu puab lug ua Kuv tug lawm hab.
18Tug Tswv kws qha zaaj nuav rua suavdlawg paub thaus u lug lawm yog tug has tej nuav.’ ”
19Yakaunpaus has ntxiv tas, “Kuv xaav tas, peb tsi xob nyuajsab rua Lwmtsaav Tuabneeg kws taabtom tig lug cuag Vaajtswv. 20Tabsis ca peb sau ntawv moog qha rua puab kuas puab tsi xob noj tej zaub-mov kws luas muab fij rua tej mlom lawm, tsi xob dleev luas quaspuj luas quasyawg, tsi xob noj tej tsaj kws hlua zawm cejdlaab tuag hab tsi xob noj ntshaav. #Tsiv 34:15-17; Levi 18:6-23; Levi 17:10-16 21Ruaqhov thaus u lug, txhua nub Xanpataus yeej muaj tuabneeg nyeem Mauxes txuj Kevcai huv tej tsev saablaaj, hab yeej muab nwg tej lug ntawd qha rua huv txhua lub nroog.”
Tsaab Ntawv Kws Xaa Rua Lwmtsaav Tuabneeg Kws Ntseeg Yexus
22Yogle ntawd, cov timthawj, cov txwjlaug hab taagnrho pawg ntseeg, txhaj pumzoo xaiv qeeleej huv puab paab ntawd nrug Paulus hab Npananpas moog rua peg lub nroog Aati-aukias. Puab xaiv tau ob leeg kws cov ntseeg suavdlawg fwm kawg le; ib tug yog Yudas, kws muaj dlua ib lub npe hu ua Npaxanpas, hab ib tug yog Xilas. 23Tsaab ntawv kws puab sau rua obtug nqaa moog has le nuav:
“Peb cov kws yog cov timthawj hab cov txwjlaug, kws yog mej cov kwvtij, thov fwm txug cov kwvtij ntseeg txhua tug kws yog Lwmtsaav Tuabneeg kws nyob huv lub nroog Aati-aukias huv tebchaws Xilias hab huv tebchaws Kilikias. 24Peb nov tas peb cov muaj qeeleej tuaj has tej yaam kws ua rua mej ntxhuvsab heev. Tej kws puab has ntawd, yeej tsi yog peb kuas puab tuaj has. 25Yogle ntawd peb txhaj saablaaj hab pumzoo ca peb xaiv tug puav nrug Npananpas hab Paulus kws yog peb ob tug kwvtij kws peb hlub tuaj saib mej. 26Paulus obtug yog ob tug kws pheejsav ua peb tug Tswv Yexus Khetos tegnum. 27Peb khaiv Yudas hab Xilas tuaj cuag mej, obtug yuav qha kag rua mej ntawm lub ncauj lawv nraim le tej kws peb sau tuaj rua mej nuav. 28Vaaj Ntsujplig tug Dlawbhuv hab peb tau pumzoo has tas, ca peb tsi xob muab lub nraa kws tseem nyaav tshaaj tej kevcai nuav rua mej ris, xwsle: 29tsi xob noj tej zaub-mov kws luas muab fij rua tej mlom lawm, tsi xob noj ntshaav, tsi xob noj tej tsaj kws hlua zawm cejdlaab tuag hab tsi xob dleev luas quaspuj luas quasyawg. Yog mej ua tau le tej kws has nuav tes yog mej ua tau zoo lawm. Thov kuas mej tau nyob kaajsab lug.”
30Cov ntseeg txhaj xaa Yudas hab Xilas obtug moog rua Aati-aukias. Thaus puab moog txug lawm, puab txawm hu cov ntseeg suavdlawg tuaj uake hab muab tsaab ntawv ntawd cob rua cov ntseeg. 31Thaus puab nyeem taag, puab suavdlawg zoosab kawg le, ruaqhov tsaab ntawv ntawd txhawb puab lub zug heev. 32Yudas hab Xilas obtug puavleej yog xwbfwb kws cev Vaajtswv lug. Obtug siv sijhawm ntev loo lug txhawb puab lub zug hab kuas puab nyob ruaj-khov rua ntawm txuj kev ntseeg. 33Tomqaab kws obtug nrug puab nyob ntawd tau ib nyuas ntu, puab txhaj xaa obtug rovqaab moog rua cov ntseeg kws khaiv obtug tuaj, lug ntawm txuj kev kaajsab lug. 34#15:34: Tej phoo ntawv qub kws xuas teg sau, ntxiv nqai 34 nuav rua: Tabsis Xilas tau txavtxim sab nrug puab nyob ntawd ntxiv.
35Paulus hab Npananpas tseem nyob huv lub nroog Aati-aukias tau ib ntus. Obtug hab muaj ntau leej sispaab qha Vaajtswv Txujlug.
Paulus Hab Npananpas Sisncaim
36Tsi ntev tomqaab ntawd Paulus txawm has rua Npananpas has tas, “Wb rov moog saib cov ntseeg huv txhua lub nroog kws wb tau moog qha Vaajtswv Txujlug rua puab lawm, seb suavdlawg nyob lecaag.” 37Npananpas xaav coj Yauhaas Malakaus nrug obtug moog, 38tabsis Paulus xaav tas tsi tsimnyog yuav coj nwg moog lawm, ruaqhov zag taag lug kws puab moog txug tim Paafilias, nwg cale muab obtug tsotseg hab tsiv lawm, nwg tsi nrug obtug nyob ua num kuas tav. #Tegnum 13:13 39Paulus hab Npananpas obtug tau siscaav nyaav heev, ua rua obtug tau sisfaib nyag moog nyag lawm. Npananpas coj Malakaus nrug nwg hab obtug caij nkoj moog rua tim lub povtxwv Xaipas. 40Tabsis Paulus coj Xilas nrug nwg moog, hab cov ntseeg tau muab obtug cob rua tug Tswv txuj moovhlub. 41Paulus moog txhawb cov pawg ntseeg lub zug thoobplawg huv tebchaws Xilias hab tebchaws Kilikias.
Currently Selected:
Tegnum 15: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tegnum 15
15
Kev Saablaaj Huv Nroog Yeluxalees
1Muaj ob-peb tug txivneej tuaj nraag xeev Yudas tuaj rua huv lub nroog Aati-aukias, puab txawm pib qha cov ntseeg tas, “Yog mej tsi ua kevcai txav lawvle Mauxes txuj Kevcai tau qha tseg, mej yeej yuav tsi dlim hlo le.” #Levi 12:3 2Paulus hab Npananpas nrug puab cov ntawd siscaav nyaav heev txug zaaj nuav. Thaus kawg suavdlawg txhaj pumzoo ca Paulus hab Npananpas hab cov ntseeg qeeleej kws nyob huv lub nroog Aati-aukias moog rua sau lub nroog Yeluxalees, moog nrug cov timthawj hab cov txwjlaug saablaaj txug zaaj nuav.
3Pawg ntseeg txhaj xaa puab moog. Thaus puab taabtom taug kev hlaa lub xeev Faunikias hab xeev Xamalis, obtug tau qha txug qhov kws Lwmtsaav Tuabneeg lug ntseeg Vaajtswv lawm rua cov ntseeg kws nyob huv ob lub xeev ntawd noog, ua rua puab zoosab kawg le. 4Thaus puab moog txug rua Yeluxalees lawm, pawg ntseeg, cov timthawj, hab cov txwjlaug suavdlawg tau txaistog puab. Paulus obtug txhaj pav txhua yaam kws Vaajtswv tau siv obtug ua, rua puab suavdlawg noog. 5Tabsis cov ntseeg kws yog cov Falixais paab, muaj qeeleej txawm sawv hab has tas, “Yuavtsum muab cov kws yog Lwmtsaav Tuabneeg ntawd ua kevcai txav, hab kuas puab coj lawvle Mauxes txuj Kevcai.”
6Cov timthawj hab cov txwjlaug txawm muab zaaj nuav lug saablaaj seb yuav ua lecaag. 7Tomqaab kws puab siscaav ntev loo, Petus txawm sawvtseeg hab has rua puab has tas, “Cov kwvtij, mej tub paub tas thaus chivthawj, peb cov kws nyob ntawm nuav, Vaajtswv tau xaiv kuv ua tug qha Txuj Moo Zoo rua Lwmtsaav Tuabneeg kuas puab txhaj nov hab lug ntseeg. #Tegnum 10:1-43 8Hab Vaajtswv tug kws paub suavdlawg lub sab, tau pumzoo txais yuav Lwmtsaav Tuabneeg lug ntawm qhov kws Nwg pub Vaaj Ntsujplig tug Dlawbhuv rua puab ib yaam le Nwg tau pub rua peb lawm. #Tegnum 10:44; Tegnum 2:4 9Vaajtswv suav has tas Lwmtsaav Tuabneeg hab peb zoo tuabyaam nkaus; Nwg zaam puab lub txim, vim puab ntseeg Nwg. 10Yogle ntawd, uacaag nwgnuav mej tseem yuav xaav sim Vaajtswv sab lug ntawm qhov kws mej muab ib lub nraa rua cov ntseeg ris? Txawm yog peb cov yawmkoob hab peb los yeej ris tsi taug lub nraa ntawd. 11Tsi xob ua le ntawd! Peb ntseeg tas qhov kws peb dlim peb lub txim, yog lug ntawm tug Tswv Yexus txuj moovhlub, ib yaam nkaus le puab hab xwb.”
12Suavdlawg txawm nyob ntsagtu noog Npananpas hab Paulus pav txug tej txujci luj hab tseemceeb kws Vaajtswv ua thaus obtug moog qha Lwmtsaav Tuabneeg. 13Thaus obtug qha taag lawm, Yakaunpaus has tas, “Cov kwvtij, mej cale noog kuv has! 14Ximoos nyavnyuas qha has tas thawjzag kws Vaajtswv qha Nwg txuj kev hlub tshua rua Lwmtsaav Tuabneeg yog lug ntawm qhov kws Nwg tau coj puab ib co lug ua Nwg tsaav tuabneeg. 15Cov xwbfwb cev Vaajtswv lug puavleej has ib yaam nkaus txug zaaj nuav, lawvle Vaajtswv Txujlug tau sau tseg has tas,
16“ ‘Tug Tswv has tas, tomqaab ntawd Kuv yuav rov lug
muab Daviv lub tsev kws qaug lawm ua dlua tshab.
Kuv yuav muab yaam kws pob lawm khu dlua tshab
hab yuav khu kuas rov ruaj-khov tuaj. #Amaus 9:11-12 (LXX)
17Sub txhua tsaav tuabneeg txhaj yuav lug nrhav Kuv,
xaam taagnrho txhua tug kws yog Lwmtsaav Tuabneeg kws Kuv tau hu puab lug ua Kuv tug lawm hab.
18Tug Tswv kws qha zaaj nuav rua suavdlawg paub thaus u lug lawm yog tug has tej nuav.’ ”
19Yakaunpaus has ntxiv tas, “Kuv xaav tas, peb tsi xob nyuajsab rua Lwmtsaav Tuabneeg kws taabtom tig lug cuag Vaajtswv. 20Tabsis ca peb sau ntawv moog qha rua puab kuas puab tsi xob noj tej zaub-mov kws luas muab fij rua tej mlom lawm, tsi xob dleev luas quaspuj luas quasyawg, tsi xob noj tej tsaj kws hlua zawm cejdlaab tuag hab tsi xob noj ntshaav. #Tsiv 34:15-17; Levi 18:6-23; Levi 17:10-16 21Ruaqhov thaus u lug, txhua nub Xanpataus yeej muaj tuabneeg nyeem Mauxes txuj Kevcai huv tej tsev saablaaj, hab yeej muab nwg tej lug ntawd qha rua huv txhua lub nroog.”
Tsaab Ntawv Kws Xaa Rua Lwmtsaav Tuabneeg Kws Ntseeg Yexus
22Yogle ntawd, cov timthawj, cov txwjlaug hab taagnrho pawg ntseeg, txhaj pumzoo xaiv qeeleej huv puab paab ntawd nrug Paulus hab Npananpas moog rua peg lub nroog Aati-aukias. Puab xaiv tau ob leeg kws cov ntseeg suavdlawg fwm kawg le; ib tug yog Yudas, kws muaj dlua ib lub npe hu ua Npaxanpas, hab ib tug yog Xilas. 23Tsaab ntawv kws puab sau rua obtug nqaa moog has le nuav:
“Peb cov kws yog cov timthawj hab cov txwjlaug, kws yog mej cov kwvtij, thov fwm txug cov kwvtij ntseeg txhua tug kws yog Lwmtsaav Tuabneeg kws nyob huv lub nroog Aati-aukias huv tebchaws Xilias hab huv tebchaws Kilikias. 24Peb nov tas peb cov muaj qeeleej tuaj has tej yaam kws ua rua mej ntxhuvsab heev. Tej kws puab has ntawd, yeej tsi yog peb kuas puab tuaj has. 25Yogle ntawd peb txhaj saablaaj hab pumzoo ca peb xaiv tug puav nrug Npananpas hab Paulus kws yog peb ob tug kwvtij kws peb hlub tuaj saib mej. 26Paulus obtug yog ob tug kws pheejsav ua peb tug Tswv Yexus Khetos tegnum. 27Peb khaiv Yudas hab Xilas tuaj cuag mej, obtug yuav qha kag rua mej ntawm lub ncauj lawv nraim le tej kws peb sau tuaj rua mej nuav. 28Vaaj Ntsujplig tug Dlawbhuv hab peb tau pumzoo has tas, ca peb tsi xob muab lub nraa kws tseem nyaav tshaaj tej kevcai nuav rua mej ris, xwsle: 29tsi xob noj tej zaub-mov kws luas muab fij rua tej mlom lawm, tsi xob noj ntshaav, tsi xob noj tej tsaj kws hlua zawm cejdlaab tuag hab tsi xob dleev luas quaspuj luas quasyawg. Yog mej ua tau le tej kws has nuav tes yog mej ua tau zoo lawm. Thov kuas mej tau nyob kaajsab lug.”
30Cov ntseeg txhaj xaa Yudas hab Xilas obtug moog rua Aati-aukias. Thaus puab moog txug lawm, puab txawm hu cov ntseeg suavdlawg tuaj uake hab muab tsaab ntawv ntawd cob rua cov ntseeg. 31Thaus puab nyeem taag, puab suavdlawg zoosab kawg le, ruaqhov tsaab ntawv ntawd txhawb puab lub zug heev. 32Yudas hab Xilas obtug puavleej yog xwbfwb kws cev Vaajtswv lug. Obtug siv sijhawm ntev loo lug txhawb puab lub zug hab kuas puab nyob ruaj-khov rua ntawm txuj kev ntseeg. 33Tomqaab kws obtug nrug puab nyob ntawd tau ib nyuas ntu, puab txhaj xaa obtug rovqaab moog rua cov ntseeg kws khaiv obtug tuaj, lug ntawm txuj kev kaajsab lug. 34#15:34: Tej phoo ntawv qub kws xuas teg sau, ntxiv nqai 34 nuav rua: Tabsis Xilas tau txavtxim sab nrug puab nyob ntawd ntxiv.
35Paulus hab Npananpas tseem nyob huv lub nroog Aati-aukias tau ib ntus. Obtug hab muaj ntau leej sispaab qha Vaajtswv Txujlug.
Paulus Hab Npananpas Sisncaim
36Tsi ntev tomqaab ntawd Paulus txawm has rua Npananpas has tas, “Wb rov moog saib cov ntseeg huv txhua lub nroog kws wb tau moog qha Vaajtswv Txujlug rua puab lawm, seb suavdlawg nyob lecaag.” 37Npananpas xaav coj Yauhaas Malakaus nrug obtug moog, 38tabsis Paulus xaav tas tsi tsimnyog yuav coj nwg moog lawm, ruaqhov zag taag lug kws puab moog txug tim Paafilias, nwg cale muab obtug tsotseg hab tsiv lawm, nwg tsi nrug obtug nyob ua num kuas tav. #Tegnum 13:13 39Paulus hab Npananpas obtug tau siscaav nyaav heev, ua rua obtug tau sisfaib nyag moog nyag lawm. Npananpas coj Malakaus nrug nwg hab obtug caij nkoj moog rua tim lub povtxwv Xaipas. 40Tabsis Paulus coj Xilas nrug nwg moog, hab cov ntseeg tau muab obtug cob rua tug Tswv txuj moovhlub. 41Paulus moog txhawb cov pawg ntseeg lub zug thoobplawg huv tebchaws Xilias hab tebchaws Kilikias.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.