2 Kauleethaus 5
5
1Peb paub tas txawm yog lub tsev pheebsuab, kws yog peb lub cev huv nplajteb nuav, raug muab rhuav los xij, Vaajtswv yuav ua ib lub tsev sau ntuj rua peb nyob moog ibtxhis kws tsi yog tuabneeg txhais teg ua. 2Najnub nua peb seev quasyeeg, ntshaw muab lub cev sau ntuj lug naav; 3zoole naav tsoogtsho kuas peb txhaj tsi labqaab. 4Thaus peb tseem ua neej nyob rua huv lub tsev pheebsuab nuav peb ntsaaj quas lawg vim txuj kev caijtsuj; tsi yog tas peb xaav muab peb lub cev kws zoole lub tsev pheebsuab nuav laim ncua tseg, tabsis yog peb xaav muab lub cev sau ntuj lug looj, sub txujsa txhaj yuav hloov tau lub cev kws txawj tuag. 5Vaajtswv yog tug kws npaaj peb rua txuj kev hloov nuav, hab Nwg yog tug kws pub Nwg tug Ntsujplig rua peb, kws yog ua puavpheej qha txug txhua yaam kws Nwg tub npaaj tseg rua peb lawm.
6Vimle ntawd, peb txhaj ua neej puvnpo txuj kev ruajsab. Peb paub tas thaus twg kws peb tseem nyob huv lub tsev pheebsuab kws yog peb lub cev nuav, peb tseem nyob dleb peb tug Tswv kawg le. 7Ruaqhov peb ua neej lawvle kev ntseeg, tsi yog lawvle qhovmuag pum. 8Peb yeej puvnpo txuj kev ruajsab, has tas peb tseem yeem moog nrug peb tug Tswv nyob heev dlua le peb nyob huv lub tsev pheebsuab kws yog lub cev nuav. 9Yogle ntawd, txawm peb yuav nyob huv lub cev nuav hab tsi nyob lawm los xij, peb lub homphaj tes yog peb yuav ua lub neej lawvle Vaajtswv lub sab nyam xwb. 10Ruaqhov peb txhua tug yuavtsum tau moog sawv taabmeeg ntawm Khetos lub rooj txavtxim rua Nwg taug peb zaaj. Peb txhua tug yuav tau txais nqezug lawvle txhua tegnum kws peb tau ua thaus peb tseem ua neej nyob nuav, tsi has tej kws peb ua zoo lossis ua phem. #Loos 14:1
Nrug Vaajtswv Ua Phoojywg Lug Ntawm Khetos
11Vim peb paub tas kev ntshai tug Tswv yog zoo lecaag, peb txhaj yum suavdlawg kuas tig lug cuag tug Tswv. Vaajtswv yeej paub txug txhua yaam ntawm peb. Kuv casab has tas nyob rua huv mej lub sab, mej yuav paub kuv zoo lawm hab. 12Tsi yog peb rov qhuas peb rua mej dlua, tabsis peb xaav kuas mej muaj kev zoosab rua peb hab, sub mej txhaj yuav muaj peevxwm teb tau cov tuabneeg kws nyam luas qhuas tej kws qhovmuag pum tshaaj le qhuas tej kws nyob huv puab nruabsab. 13Txawm yog peb ua tau le tej tuabneeg kws tsi meejpem, los kuj yog peb ua rua Vaajtswv; txawm peb ho ua tau le tej tuabneeg kws meejpem, los kuj yog peb ua rua mej. 14Vim Khetos txuj kev hlub kaav rawv peb, ruaqhov peb pum meej lawm has tas muaj ib tug tau tuag theej suavdlawg lub txhoj, txhais tau has tas suavdlawg puavleej koom Nwg txuj kev tuag. 15Nwg tuag pub rua txhua tug, kuas cov kws tseem muaj sa nyob tsi xob ua lub neej pub rua puab tugkheej, tabsis ua rua tug kws tau tuag hab tau sawv huv qhovtuag rovqaab lug lawm xwb.
16Txij nuav moog, peb yuav tsi txavtxim rua leejtwg lawvle tuabneeg tug qauv lawm. Txawm yog yaav taag lug peb tau txavtxim le ntawd rua Khetos lawvle tuabneeg tug qauv lawm los, peb yuav tsi ua le ntawd lawm. 17Yogle ntawd, tug kws nyob rua huv Khetos, tug ntawd yog ib tug kws raug tsim dlua tshab; txhua yaam qub tub pluj moog lawm, saib maj, txhua yaam yog yaam tshab lawm xwb! 18Txhua yaam nuav puavleej yog lug ntawm Vaajtswv, tug kws tau coj peb rov lug nrug Nwg sis raugzoo, kws yog lug ntawm Khetos lug, hab Vaajtswv tau muab tegnum kws moog coj tuabneeg lug nrug Vaajtswv sis raugzoo rua peb ua. 19Zaaj kws peb qha yogle nuav has tas, Vaajtswv taabtom coj txhua tsaav tuabneeg rov lug nrug Nwg sis raugzoo, kws yog lug ntawm Khetos lug.#5:19: Vaajtswv taabtom coj txhua tsaav tuabneeg rov lug nrug Nwg sis raugzoo, kws yog lug ntawm Khetos lug; lossis Vaajtswv nyob rua huv Khetos hab taabtom coj txhua tsaav tuabneeg lug ua nwg le phoojywg. Vaajtswv tsi muab tej kws puab tau ua txhum rov lug rautxim rua puab, hab Vaajtswv tau muab zaaj kws moog coj tuabneeg lug nrug Vaajtswv sis raugzoo rua peb qha.
20Yogle ntawd, peb txhaj yog cov sawvcev ntawm Khetos, zoo yaam le Vaajtswv siv peb ua cov nquahu mej. Peb sawvcev Khetos thov nquahu mej has tas, mej cale rov lug nrug Vaajtswv sis raugzoo. 21Khetos yeej tsi muaj txim, tabsis vim Vaajtswv hlub peb heev, Nwg txhaj muab peb lub txim rua Khetos ris, sub nyob rua huv Khetos, peb txhaj yuav dlhau tau moog ua tuabneeg dlawbhuv.
Currently Selected:
2 Kauleethaus 5: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
2 Kauleethaus 5
5
1Peb paub tas txawm yog lub tsev pheebsuab, kws yog peb lub cev huv nplajteb nuav, raug muab rhuav los xij, Vaajtswv yuav ua ib lub tsev sau ntuj rua peb nyob moog ibtxhis kws tsi yog tuabneeg txhais teg ua. 2Najnub nua peb seev quasyeeg, ntshaw muab lub cev sau ntuj lug naav; 3zoole naav tsoogtsho kuas peb txhaj tsi labqaab. 4Thaus peb tseem ua neej nyob rua huv lub tsev pheebsuab nuav peb ntsaaj quas lawg vim txuj kev caijtsuj; tsi yog tas peb xaav muab peb lub cev kws zoole lub tsev pheebsuab nuav laim ncua tseg, tabsis yog peb xaav muab lub cev sau ntuj lug looj, sub txujsa txhaj yuav hloov tau lub cev kws txawj tuag. 5Vaajtswv yog tug kws npaaj peb rua txuj kev hloov nuav, hab Nwg yog tug kws pub Nwg tug Ntsujplig rua peb, kws yog ua puavpheej qha txug txhua yaam kws Nwg tub npaaj tseg rua peb lawm.
6Vimle ntawd, peb txhaj ua neej puvnpo txuj kev ruajsab. Peb paub tas thaus twg kws peb tseem nyob huv lub tsev pheebsuab kws yog peb lub cev nuav, peb tseem nyob dleb peb tug Tswv kawg le. 7Ruaqhov peb ua neej lawvle kev ntseeg, tsi yog lawvle qhovmuag pum. 8Peb yeej puvnpo txuj kev ruajsab, has tas peb tseem yeem moog nrug peb tug Tswv nyob heev dlua le peb nyob huv lub tsev pheebsuab kws yog lub cev nuav. 9Yogle ntawd, txawm peb yuav nyob huv lub cev nuav hab tsi nyob lawm los xij, peb lub homphaj tes yog peb yuav ua lub neej lawvle Vaajtswv lub sab nyam xwb. 10Ruaqhov peb txhua tug yuavtsum tau moog sawv taabmeeg ntawm Khetos lub rooj txavtxim rua Nwg taug peb zaaj. Peb txhua tug yuav tau txais nqezug lawvle txhua tegnum kws peb tau ua thaus peb tseem ua neej nyob nuav, tsi has tej kws peb ua zoo lossis ua phem. #Loos 14:1
Nrug Vaajtswv Ua Phoojywg Lug Ntawm Khetos
11Vim peb paub tas kev ntshai tug Tswv yog zoo lecaag, peb txhaj yum suavdlawg kuas tig lug cuag tug Tswv. Vaajtswv yeej paub txug txhua yaam ntawm peb. Kuv casab has tas nyob rua huv mej lub sab, mej yuav paub kuv zoo lawm hab. 12Tsi yog peb rov qhuas peb rua mej dlua, tabsis peb xaav kuas mej muaj kev zoosab rua peb hab, sub mej txhaj yuav muaj peevxwm teb tau cov tuabneeg kws nyam luas qhuas tej kws qhovmuag pum tshaaj le qhuas tej kws nyob huv puab nruabsab. 13Txawm yog peb ua tau le tej tuabneeg kws tsi meejpem, los kuj yog peb ua rua Vaajtswv; txawm peb ho ua tau le tej tuabneeg kws meejpem, los kuj yog peb ua rua mej. 14Vim Khetos txuj kev hlub kaav rawv peb, ruaqhov peb pum meej lawm has tas muaj ib tug tau tuag theej suavdlawg lub txhoj, txhais tau has tas suavdlawg puavleej koom Nwg txuj kev tuag. 15Nwg tuag pub rua txhua tug, kuas cov kws tseem muaj sa nyob tsi xob ua lub neej pub rua puab tugkheej, tabsis ua rua tug kws tau tuag hab tau sawv huv qhovtuag rovqaab lug lawm xwb.
16Txij nuav moog, peb yuav tsi txavtxim rua leejtwg lawvle tuabneeg tug qauv lawm. Txawm yog yaav taag lug peb tau txavtxim le ntawd rua Khetos lawvle tuabneeg tug qauv lawm los, peb yuav tsi ua le ntawd lawm. 17Yogle ntawd, tug kws nyob rua huv Khetos, tug ntawd yog ib tug kws raug tsim dlua tshab; txhua yaam qub tub pluj moog lawm, saib maj, txhua yaam yog yaam tshab lawm xwb! 18Txhua yaam nuav puavleej yog lug ntawm Vaajtswv, tug kws tau coj peb rov lug nrug Nwg sis raugzoo, kws yog lug ntawm Khetos lug, hab Vaajtswv tau muab tegnum kws moog coj tuabneeg lug nrug Vaajtswv sis raugzoo rua peb ua. 19Zaaj kws peb qha yogle nuav has tas, Vaajtswv taabtom coj txhua tsaav tuabneeg rov lug nrug Nwg sis raugzoo, kws yog lug ntawm Khetos lug.#5:19: Vaajtswv taabtom coj txhua tsaav tuabneeg rov lug nrug Nwg sis raugzoo, kws yog lug ntawm Khetos lug; lossis Vaajtswv nyob rua huv Khetos hab taabtom coj txhua tsaav tuabneeg lug ua nwg le phoojywg. Vaajtswv tsi muab tej kws puab tau ua txhum rov lug rautxim rua puab, hab Vaajtswv tau muab zaaj kws moog coj tuabneeg lug nrug Vaajtswv sis raugzoo rua peb qha.
20Yogle ntawd, peb txhaj yog cov sawvcev ntawm Khetos, zoo yaam le Vaajtswv siv peb ua cov nquahu mej. Peb sawvcev Khetos thov nquahu mej has tas, mej cale rov lug nrug Vaajtswv sis raugzoo. 21Khetos yeej tsi muaj txim, tabsis vim Vaajtswv hlub peb heev, Nwg txhaj muab peb lub txim rua Khetos ris, sub nyob rua huv Khetos, peb txhaj yuav dlhau tau moog ua tuabneeg dlawbhuv.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.