2 Kauleethaus 3
3
Cov Tubkhai Kws Nyob Huv Txujlug Cogtseg Tshab
1Puas yog peb rov pib qhuas peb tugkheej dlua hab? Lossis puas yog peb yuavtsum tau ua le lwmtug, es yuavtsum muaj ib tsaab ntawv qhuas peb xaa tuaj rua mej lossis mej xaa ib tsaab tuaj qhuas peb hab lov? 2Mej yog peb tsaab ntawv kws peb muaj, kws tau muab sau ca rua huv peb lub sab kuas txhua tug tau paub hab tau nyeem! 3Yeej meej kawg le has tas mej yog tsaab ntawv kws Khetos ua tug sau, peb yog cov kws xaa. Tsaab ntawv nuav tsi yog sau lug ntawm tej kua mem, tabsis yog sau lug ntawm Vaajtswv tug kws muaj txujsa nyob tug Ntsujplig, hab tsi yog sau rua ntawm tej txag zeb, tabsis yog sau rua ntawm tuabneeg lub sab. #Tsiv 24:12; Yelemi 31:33; Exek 11:19; 36:26
4Peb has le nuav ruaqhov peb muaj kev casab rua Vaajtswv lug ntawm Khetos. 5Yeej tsi muaj ib yaam dlaabtsi nyob rua huv peb kws yuav ua rua peb khaav tau has tas peb muaj cuabkaav ua tau tegnum nuav. Tug peevxwm kws peb muaj yog lug ntawm Vaajtswv lug xwb. 6Nwg yog tug kws ua rua peb muaj peevxwm ua tau teg dlejnum nyob rua huv txujlug cogtseg tshab, tsi yog txuj Kevcai kws sau lug ntawm tej ntaub ntawv tabsis yog sau lug ntawm Vaaj Ntsujplig; txuj kevcai kws sau rua huv ntawv ua rua muaj kev pluj-tuag, tabsis Vaaj Ntsujplig ua rua muaj txujsa. #Yelemi 31:31
7Txuj Kevcai ntawd tau muab txaug ua npe ntawv rua ntawm ob dlaim txag zeb, hab Vaajtswv tug tshwjchim tau ci ntsaa-ab thaus kws Nwg muab rua noobneej. Txawm yog tug tshwjchim ntawd tub pluj zujzug ntawm Mauxes lub ntsejmuag lawm los yeej tseem ci heev, ua rua cov Yixalayees yeej tsaa muag saib tsi tau nwg le. Yog tas txuj Kevcai kws thaus siv es ua rua tuabneeg tuag, tub muaj lug nrug tug tshwjchim kws ci ntsaa-ab, #Tsiv 34:29 8yogle ntawd, teg dlejnum kws Vaaj Ntsujplig ua tseem tsi muaj tug tshwjchim kws ci luj dlua ntawd hab lov? 9Yog tas txuj kevcai kws ua rua tuabneeg raug txim tub muaj tshwjchim luj npaum le ntawd; tes tej dlejnum kws ua rua tuabneeg dlim lub txim tseem hajyam muaj tshwjchim luj dlua ntawd hab! 10Tug tshwjchim kws thaus u ci ntsaa-ab ntawd nwgnuav tsi ci lawm, vim muaj tug tshwjchim kws tseem ci tshaaj ntawd lawm hab. 11Yog tas yaam kws nyob ib ntus xwb tub muaj tshwjchim luj npaum le ntawd, tes yaam kws yuav nyob moog ibtxhis tseem yuav hajyam muaj tshwjchim luj dlua ntawd!
12Tub yog vim peb casab le ntawd, peb txhaj has tau tawv qhawv le nuav. 13Peb tsi zoole Mauxes kws yuav muab ib dlaim ntaub npug nwg lub ntsejmuag kuas cov Yixalayees txhaj tsi pum tug tshwjchim ci ntsaa-ab kws taabtom pluj zujzug moog ntawd. #Tsiv 34:33 14Tabsis puab lub sab tawv heev, txawm yog najnub nua los xij, thaus puab nyeem txuj qub kevcai, dlaim ntaub ntawd yeej tseem npug rawv puab lub ntsejmuag. Tsuas yog nyob rua huv Khetos xwb dlaim ntaub ntawd txhajle raug muab rhu tawm moog lawm. 15Txawm yog najnub nua los thaus puab nyeem Mauxes txuj Kevcai, dlaim ntaub ntawd tseem npug rawv puab lub sab.
16Tabsis thaus ib tug twg tig lug cuag tug Tswv, nwg dlaim ntaub yuav raug muab rhu tawm moog. #Tsiv 34:34 17Zagnua, lulug kws has tas “tug Tswv” yog has txug Vaaj Ntsujplig; yog tug Tswv tug Ntsujplig nyob qhovtwg, qhov ntawd muaj kev ywjpheej. 18Peb txhua tug tsi muaj dlaim ntaub npug ntsejmuag lawm, peb zoole dlaim tsom-av ci rua suavdlawg pum txug tug Tswv tug tshwjchim; tug tshwjchim ntawd yog lug ntawm tug Tswv kws yog Vaaj Ntsujplig, Nwg muab peb hloov kuas peb muaj tug yaamntxwv zoole Nwg kws tseem yuav ci ntsaa-ab zujzug moog.
Currently Selected:
2 Kauleethaus 3: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
2 Kauleethaus 3
3
Cov Tubkhai Kws Nyob Huv Txujlug Cogtseg Tshab
1Puas yog peb rov pib qhuas peb tugkheej dlua hab? Lossis puas yog peb yuavtsum tau ua le lwmtug, es yuavtsum muaj ib tsaab ntawv qhuas peb xaa tuaj rua mej lossis mej xaa ib tsaab tuaj qhuas peb hab lov? 2Mej yog peb tsaab ntawv kws peb muaj, kws tau muab sau ca rua huv peb lub sab kuas txhua tug tau paub hab tau nyeem! 3Yeej meej kawg le has tas mej yog tsaab ntawv kws Khetos ua tug sau, peb yog cov kws xaa. Tsaab ntawv nuav tsi yog sau lug ntawm tej kua mem, tabsis yog sau lug ntawm Vaajtswv tug kws muaj txujsa nyob tug Ntsujplig, hab tsi yog sau rua ntawm tej txag zeb, tabsis yog sau rua ntawm tuabneeg lub sab. #Tsiv 24:12; Yelemi 31:33; Exek 11:19; 36:26
4Peb has le nuav ruaqhov peb muaj kev casab rua Vaajtswv lug ntawm Khetos. 5Yeej tsi muaj ib yaam dlaabtsi nyob rua huv peb kws yuav ua rua peb khaav tau has tas peb muaj cuabkaav ua tau tegnum nuav. Tug peevxwm kws peb muaj yog lug ntawm Vaajtswv lug xwb. 6Nwg yog tug kws ua rua peb muaj peevxwm ua tau teg dlejnum nyob rua huv txujlug cogtseg tshab, tsi yog txuj Kevcai kws sau lug ntawm tej ntaub ntawv tabsis yog sau lug ntawm Vaaj Ntsujplig; txuj kevcai kws sau rua huv ntawv ua rua muaj kev pluj-tuag, tabsis Vaaj Ntsujplig ua rua muaj txujsa. #Yelemi 31:31
7Txuj Kevcai ntawd tau muab txaug ua npe ntawv rua ntawm ob dlaim txag zeb, hab Vaajtswv tug tshwjchim tau ci ntsaa-ab thaus kws Nwg muab rua noobneej. Txawm yog tug tshwjchim ntawd tub pluj zujzug ntawm Mauxes lub ntsejmuag lawm los yeej tseem ci heev, ua rua cov Yixalayees yeej tsaa muag saib tsi tau nwg le. Yog tas txuj Kevcai kws thaus siv es ua rua tuabneeg tuag, tub muaj lug nrug tug tshwjchim kws ci ntsaa-ab, #Tsiv 34:29 8yogle ntawd, teg dlejnum kws Vaaj Ntsujplig ua tseem tsi muaj tug tshwjchim kws ci luj dlua ntawd hab lov? 9Yog tas txuj kevcai kws ua rua tuabneeg raug txim tub muaj tshwjchim luj npaum le ntawd; tes tej dlejnum kws ua rua tuabneeg dlim lub txim tseem hajyam muaj tshwjchim luj dlua ntawd hab! 10Tug tshwjchim kws thaus u ci ntsaa-ab ntawd nwgnuav tsi ci lawm, vim muaj tug tshwjchim kws tseem ci tshaaj ntawd lawm hab. 11Yog tas yaam kws nyob ib ntus xwb tub muaj tshwjchim luj npaum le ntawd, tes yaam kws yuav nyob moog ibtxhis tseem yuav hajyam muaj tshwjchim luj dlua ntawd!
12Tub yog vim peb casab le ntawd, peb txhaj has tau tawv qhawv le nuav. 13Peb tsi zoole Mauxes kws yuav muab ib dlaim ntaub npug nwg lub ntsejmuag kuas cov Yixalayees txhaj tsi pum tug tshwjchim ci ntsaa-ab kws taabtom pluj zujzug moog ntawd. #Tsiv 34:33 14Tabsis puab lub sab tawv heev, txawm yog najnub nua los xij, thaus puab nyeem txuj qub kevcai, dlaim ntaub ntawd yeej tseem npug rawv puab lub ntsejmuag. Tsuas yog nyob rua huv Khetos xwb dlaim ntaub ntawd txhajle raug muab rhu tawm moog lawm. 15Txawm yog najnub nua los thaus puab nyeem Mauxes txuj Kevcai, dlaim ntaub ntawd tseem npug rawv puab lub sab.
16Tabsis thaus ib tug twg tig lug cuag tug Tswv, nwg dlaim ntaub yuav raug muab rhu tawm moog. #Tsiv 34:34 17Zagnua, lulug kws has tas “tug Tswv” yog has txug Vaaj Ntsujplig; yog tug Tswv tug Ntsujplig nyob qhovtwg, qhov ntawd muaj kev ywjpheej. 18Peb txhua tug tsi muaj dlaim ntaub npug ntsejmuag lawm, peb zoole dlaim tsom-av ci rua suavdlawg pum txug tug Tswv tug tshwjchim; tug tshwjchim ntawd yog lug ntawm tug Tswv kws yog Vaaj Ntsujplig, Nwg muab peb hloov kuas peb muaj tug yaamntxwv zoole Nwg kws tseem yuav ci ntsaa-ab zujzug moog.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.