1 Kauleethaus 9
9
Tug Timthawj Txujcai Hab Nwg Tegnum
1Kuv tsi muaj kev ywjpheej nua lov? Kuv tsi yog ib tug timthawj nua lov? Kuv tsi tau pum Yexus kws yog peb tug Tswv nua lov? Mej tsi yog qhov nqezug lug ntawm tegnum kws kuv ua rua tug Tswv nua lov? 2Txawm yog lwmtug tsi suav has tas kuv yog ib tug timthawj los xij, mej yeej suav has tas kuv yog ib tug timthawj rua mej! Ruaqhov mej yog lub cim kws qha txug kuv txuj kev ua timthawj nyob rua huv tug Tswv.
3Thaus muaj tuabneeg thuam kuv, kuv has dlaws kuv zaaj le nuav: 4Wb txawm tsi muaj cai kws tau txais kev noj kev haus lug ntawm tegnum kws wb ua le lov? 5Wb txawm tsi muaj cai coj ib tug quaspuj kws ntseeg Vaajtswv nrug wb uake, ib yaam le lwmtug timthawj lossis ib yaam le tug Tswv cov kwvtij hab Petus puab ua le lov? 6Lossis tsuas yog Npananpas hab kuv txhaj yuavtsum tau khwv lug yug wb xwb lov? 7Leejtwg moog ua tubrog es nwg tseem rov them nwg tej nujnqes? Leejtwg ua vaaj cog txivmaab es nwg tseem noj tsi tau cov txivmaab ntawd? Leejtwg yug tsaj es nwg tseem tsi muaj cai tsu cov tsaj ntawd tej kua mig lug haus?
8Kuv has le nuav yog has lawvle noobneej has xwb lov? Puas yog txuj Kevcai has ib yaam le nuav hab? 9Muaj lug sau tseg rua huv Mauxes txuj Kevcai has tas, “Mej tsi xob looj nyuj qhovncauj thaus mej tseem taabtom siv nyuj tsuj nplej.” Puas yog Vaajtswv txhawj txug tug nyuj? #2Kev 25:4; 1Tim 5:18 10Vaajtswv has le ntawd, tsi yog Vaajtswv has txug peb lov? Tub yog Vaajtswv has txug peb ntaag, ruaqhov tug kws laij teb hab tug kws ntaus nplej, obtug yeej ua dlejnum nrug txuj kev casab has tas obtug muaj feem yuav tau txais tej qoobloo kws obtug tau cog. 11Yog peb tub tseb tej noob kws yog saab ntsujplig rua huv mej lub sab lawm, qhov kws peb tau sau mej tej kev paab ntawm saab nqajtawv ntawd, mej xaav tas peb sau ntau dlhau lawm nua lov? #Loos 15:27 12Yog lwmtug tub muaj cai kuas mej yug puab, peb tseem tsi muaj cai kuas mej yug peb tshaaj qhov ntawd hab lov?
Txawm yogle ntawd los peb tub tsi siv txujcai nuav le. Peb tseem ua sabntev nyaj txhua yaam kev txomnyem kuas tsi xob muaj ib yaam dlaabtsi lug taabkaum Txuj Moo Zoo kws has txug Khetos. 13Tseeb tag mej tub paub lawm has tas cov kws ua num huv lub Tuamtsev, yeej tau noj tau haus lug ntawm lub Tuamtsev, hab cov kws hlawv tej khoom fij ntawm lub thaaj, yeej tau noj tej khoom kws fij ntawm lub thaaj ntawd hab. #2Kev 18:1 14Ib yaam nkaus le ntawd, tug Tswv tau has tseg has tas cov tuabneeg kws qha Txuj Moo Zoo yuavtsum tau noj tau haus lug ntawm Txuj Moo Zoo. #Math 10:10; Lukas 10:7
15Tabsis kuv tub tsi tau siv tej cai nuav ib nyuas qhov le, lossis qhov kws kuv sau tsaab ntawv nuav tuaj rua mej tsi yog kuv xaav kuas mej ua tej ntawd rua kuv. Yog kuv yuav thov mej yug kuv, kuv yeem tuag zoo dlua! Yeej tsi muaj leejtwg kws yuav rhuav tau tej lug kws kuv khaav nuav hlo le! 16Kuv yog tug qha Txuj Moo Zoo los kuv yeej tsi muaj cai khaav vim Vaajtswv yog tug kws has kuas kuv qha. Yog kuv tseem tsi qha Txuj Moo Zoo, tes kuv yeej yuav raug kev puamtsuaj! 17Yog tas kuv yeej txaussab hlo ua tegnum ntawd, tes kuv yuavtsum tau txais nqezug. Tabsis tegnum ntawd yeej yog kuv tegnum, vim Vaajtswv yog tug muab tegnum ntawd cob rua kuv ua. 18Yogle ntawd, kuv qhov nqezug yog dlaabtsi? Qhov ntawd yog qhov kws kuv tau qha Txuj Moo Zoo kws yeej tsi suav nqe hlo le; yogle ntawd, thaus kuv qha Txuj Moo Zoo, kuv txhaj tsi siv txujcai lug has kuas suavdlawg yuavtsum yug kuv.
19Txawm kuv tsi yog ib leeg twg le tubqhe los kuv txaussab hlo ua suavdlawg qhev, sub kuv txhaj yuav coj tau tuabneeg coob leej lug ntseeg. 20Thaus kuv nrug cov tuabneeg Yudais ua dlejnum, kuv coj zoole cov Yudais, sub kuv txhaj coj tau cov Yudais lug ntseeg. Txawm yog kuv tsi nyob huvqaab Mauxes txuj Kevcai lawm los, thaus kuv nrug cov tuabneeg kws tseem coj txuj kevcai ntawd ua dlejnum uake, kuv yeej ua kuv lub neej zoole kuv tseem nyob huvqaab txuj kevcai ntawd, sub kuv txhaj coj tau puab lug ntseeg. 21Ib yaam nkaus le ntawd, thaus kuv nrug Lwmtsaav Tuabneeg ua dlejnum uake, kuv coj zoole Lwmtsaav Tuabneeg kws tsi coj Yudais txuj kevcai, sub kuv txhaj coj tau Lwmtsaav Tuabneeg lug ntseeg. Qhov nuav tsi tau txhais has tas kuv tsi coj lawvle Vaajtswv txuj kevcai; tabsis kuv tub yeej nyob huvqaab Khetos txuj kevcai lawm. 22Thaus kuv nrug cov tuabneeg kws txuj kev ntseeg tsi tshua khov pistsawg, kuv coj zoole cov kws txuj kev ntseeg tsi tshua khov ntawd hab, sub kuv txhaj coj tau puab lug ntseeg. Yogle ntawd, kuv tuamyeem ua txhua yaam rua txhua tsaav tuabneeg, sub kuv txhaj yuav nrhav tau txujkev lug cawm kuas tau puab qeeleej.
23Kuv ua txhua yaam nuav vim saib rua Txuj Moo Zoo xwb, sub kuv txhaj muaj feem tau txais tej koobmoov nyob rua huv Txuj Moo Zoo ntawd. 24Mej tub yeej paub lawm has tas nyob rua huv kev sistw dlha, txhua tug puavleej sistw dlha, tabsis tsuas muaj tuabtug txhaj tau qhov nqezug xwb. Yogle ntawd, mej cale rausab ntso dlha tag kuas mej tau qhov nqezug ntawd. 25Txhua tug kws sistw dlha yeej tswj nwg tugkheej lawvle txujcai dlha tag-tag. Puab ua le ntawd kuas puab tau lub mom kws nyob tsi ntev; tabsis peb sistw dlha kuas peb tau lub mom kws nyob moog ibtxhis. 26Tub yog vimle nuav kuv txhajle tsi dlha zoole tug tuabneeg kws tsi muaj homphaj; lossis kuv txhaj tsi zoole tug tuabneeg ntaus nrig kws laam ntaus cua xwb. 27Kuv najnub ntaus kuv lub cev kuas khov hab tswj kuas tau kuv tugkheej, sub tomqaab kws kuv qha rua lwmtug taag lawm kuv txhajle tsi yog tug kws siv tsi tau nyob rua huv txuj kev sistw dlha.
Currently Selected:
1 Kauleethaus 9: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
1 Kauleethaus 9
9
Tug Timthawj Txujcai Hab Nwg Tegnum
1Kuv tsi muaj kev ywjpheej nua lov? Kuv tsi yog ib tug timthawj nua lov? Kuv tsi tau pum Yexus kws yog peb tug Tswv nua lov? Mej tsi yog qhov nqezug lug ntawm tegnum kws kuv ua rua tug Tswv nua lov? 2Txawm yog lwmtug tsi suav has tas kuv yog ib tug timthawj los xij, mej yeej suav has tas kuv yog ib tug timthawj rua mej! Ruaqhov mej yog lub cim kws qha txug kuv txuj kev ua timthawj nyob rua huv tug Tswv.
3Thaus muaj tuabneeg thuam kuv, kuv has dlaws kuv zaaj le nuav: 4Wb txawm tsi muaj cai kws tau txais kev noj kev haus lug ntawm tegnum kws wb ua le lov? 5Wb txawm tsi muaj cai coj ib tug quaspuj kws ntseeg Vaajtswv nrug wb uake, ib yaam le lwmtug timthawj lossis ib yaam le tug Tswv cov kwvtij hab Petus puab ua le lov? 6Lossis tsuas yog Npananpas hab kuv txhaj yuavtsum tau khwv lug yug wb xwb lov? 7Leejtwg moog ua tubrog es nwg tseem rov them nwg tej nujnqes? Leejtwg ua vaaj cog txivmaab es nwg tseem noj tsi tau cov txivmaab ntawd? Leejtwg yug tsaj es nwg tseem tsi muaj cai tsu cov tsaj ntawd tej kua mig lug haus?
8Kuv has le nuav yog has lawvle noobneej has xwb lov? Puas yog txuj Kevcai has ib yaam le nuav hab? 9Muaj lug sau tseg rua huv Mauxes txuj Kevcai has tas, “Mej tsi xob looj nyuj qhovncauj thaus mej tseem taabtom siv nyuj tsuj nplej.” Puas yog Vaajtswv txhawj txug tug nyuj? #2Kev 25:4; 1Tim 5:18 10Vaajtswv has le ntawd, tsi yog Vaajtswv has txug peb lov? Tub yog Vaajtswv has txug peb ntaag, ruaqhov tug kws laij teb hab tug kws ntaus nplej, obtug yeej ua dlejnum nrug txuj kev casab has tas obtug muaj feem yuav tau txais tej qoobloo kws obtug tau cog. 11Yog peb tub tseb tej noob kws yog saab ntsujplig rua huv mej lub sab lawm, qhov kws peb tau sau mej tej kev paab ntawm saab nqajtawv ntawd, mej xaav tas peb sau ntau dlhau lawm nua lov? #Loos 15:27 12Yog lwmtug tub muaj cai kuas mej yug puab, peb tseem tsi muaj cai kuas mej yug peb tshaaj qhov ntawd hab lov?
Txawm yogle ntawd los peb tub tsi siv txujcai nuav le. Peb tseem ua sabntev nyaj txhua yaam kev txomnyem kuas tsi xob muaj ib yaam dlaabtsi lug taabkaum Txuj Moo Zoo kws has txug Khetos. 13Tseeb tag mej tub paub lawm has tas cov kws ua num huv lub Tuamtsev, yeej tau noj tau haus lug ntawm lub Tuamtsev, hab cov kws hlawv tej khoom fij ntawm lub thaaj, yeej tau noj tej khoom kws fij ntawm lub thaaj ntawd hab. #2Kev 18:1 14Ib yaam nkaus le ntawd, tug Tswv tau has tseg has tas cov tuabneeg kws qha Txuj Moo Zoo yuavtsum tau noj tau haus lug ntawm Txuj Moo Zoo. #Math 10:10; Lukas 10:7
15Tabsis kuv tub tsi tau siv tej cai nuav ib nyuas qhov le, lossis qhov kws kuv sau tsaab ntawv nuav tuaj rua mej tsi yog kuv xaav kuas mej ua tej ntawd rua kuv. Yog kuv yuav thov mej yug kuv, kuv yeem tuag zoo dlua! Yeej tsi muaj leejtwg kws yuav rhuav tau tej lug kws kuv khaav nuav hlo le! 16Kuv yog tug qha Txuj Moo Zoo los kuv yeej tsi muaj cai khaav vim Vaajtswv yog tug kws has kuas kuv qha. Yog kuv tseem tsi qha Txuj Moo Zoo, tes kuv yeej yuav raug kev puamtsuaj! 17Yog tas kuv yeej txaussab hlo ua tegnum ntawd, tes kuv yuavtsum tau txais nqezug. Tabsis tegnum ntawd yeej yog kuv tegnum, vim Vaajtswv yog tug muab tegnum ntawd cob rua kuv ua. 18Yogle ntawd, kuv qhov nqezug yog dlaabtsi? Qhov ntawd yog qhov kws kuv tau qha Txuj Moo Zoo kws yeej tsi suav nqe hlo le; yogle ntawd, thaus kuv qha Txuj Moo Zoo, kuv txhaj tsi siv txujcai lug has kuas suavdlawg yuavtsum yug kuv.
19Txawm kuv tsi yog ib leeg twg le tubqhe los kuv txaussab hlo ua suavdlawg qhev, sub kuv txhaj yuav coj tau tuabneeg coob leej lug ntseeg. 20Thaus kuv nrug cov tuabneeg Yudais ua dlejnum, kuv coj zoole cov Yudais, sub kuv txhaj coj tau cov Yudais lug ntseeg. Txawm yog kuv tsi nyob huvqaab Mauxes txuj Kevcai lawm los, thaus kuv nrug cov tuabneeg kws tseem coj txuj kevcai ntawd ua dlejnum uake, kuv yeej ua kuv lub neej zoole kuv tseem nyob huvqaab txuj kevcai ntawd, sub kuv txhaj coj tau puab lug ntseeg. 21Ib yaam nkaus le ntawd, thaus kuv nrug Lwmtsaav Tuabneeg ua dlejnum uake, kuv coj zoole Lwmtsaav Tuabneeg kws tsi coj Yudais txuj kevcai, sub kuv txhaj coj tau Lwmtsaav Tuabneeg lug ntseeg. Qhov nuav tsi tau txhais has tas kuv tsi coj lawvle Vaajtswv txuj kevcai; tabsis kuv tub yeej nyob huvqaab Khetos txuj kevcai lawm. 22Thaus kuv nrug cov tuabneeg kws txuj kev ntseeg tsi tshua khov pistsawg, kuv coj zoole cov kws txuj kev ntseeg tsi tshua khov ntawd hab, sub kuv txhaj coj tau puab lug ntseeg. Yogle ntawd, kuv tuamyeem ua txhua yaam rua txhua tsaav tuabneeg, sub kuv txhaj yuav nrhav tau txujkev lug cawm kuas tau puab qeeleej.
23Kuv ua txhua yaam nuav vim saib rua Txuj Moo Zoo xwb, sub kuv txhaj muaj feem tau txais tej koobmoov nyob rua huv Txuj Moo Zoo ntawd. 24Mej tub yeej paub lawm has tas nyob rua huv kev sistw dlha, txhua tug puavleej sistw dlha, tabsis tsuas muaj tuabtug txhaj tau qhov nqezug xwb. Yogle ntawd, mej cale rausab ntso dlha tag kuas mej tau qhov nqezug ntawd. 25Txhua tug kws sistw dlha yeej tswj nwg tugkheej lawvle txujcai dlha tag-tag. Puab ua le ntawd kuas puab tau lub mom kws nyob tsi ntev; tabsis peb sistw dlha kuas peb tau lub mom kws nyob moog ibtxhis. 26Tub yog vimle nuav kuv txhajle tsi dlha zoole tug tuabneeg kws tsi muaj homphaj; lossis kuv txhaj tsi zoole tug tuabneeg ntaus nrig kws laam ntaus cua xwb. 27Kuv najnub ntaus kuv lub cev kuas khov hab tswj kuas tau kuv tugkheej, sub tomqaab kws kuv qha rua lwmtug taag lawm kuv txhajle tsi yog tug kws siv tsi tau nyob rua huv txuj kev sistw dlha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.