Bawˇtsahˬ 30
30
Saˇ jaˇ dzaˬ gaˇ taꞈ leˇ-eu zahˇ sahˇ kʼoꞈ
1Iˇsaˬleˬlaˆ tsawˇ jeuˬ deuˬ-euˬ aˬ yuiꞈ aˬ tsu deuˬ-ahˇ, Moˇseˬ heu loꞈ-ehˇ mehˬ nehˬ tsoˆ nehˬ-euˬ meh. 2Tsawˇ haˬ tiˬ gʼaˬ na tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ saˇ jaˇ dzaˬ naˇ, saˇ jaˇ maˬ puiˬ ni yawˬ ha neh kʼaˇ ehˇ taˬ-euˬ loꞈ-ehˇ ya mˇ byah meh.
3Yawˬ ha aˬ da-euˬ nymˇ-ahˇ jawˇ luꞈ-eu zaˬ miˬ aˬ buˇ zaˬ guˬ tiˬ gʼaˬ na, tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ saˇ jaˇ dzaˬ naˇ, 4gaˇ kawˆ kʼoeˇ aˬ yawꞈ aˬ da ya gaˬ-awˇ maˬ laˆ tsoeˬ kʼoeˇ keuˆ ni, yawˬ ha neh saˇ jaˇ dzaˬ taˬ-euˬ loꞈ-ehˇ ya mˇ byah meh. 5Ehˇ kʼawꞈ, gaˇ kawˆ kʼoeˇ aˬ yawꞈ aˬ da ya gaˬ-awˇ, maˬ bi mˇ ni laˆ tsoeˬ naˇ, saˇ jaˇ dzaˬ taˬ-euˬ loꞈ-ehˇ maˬ mˇ byah ni jawˇ nya meh. Sahˬpaˬ Miˬyehˇ aˬ yawꞈ-ahˇ iˬ baˇ pyehˬ nehˬ tehꞈ-a. Aˬ jeˬ miˇ neh ehˇ naˇ, aˬ yawꞈ-euˬ aˬ da aˬ yawꞈ-ahˇ laˆ tsoeˬ-eu miˇ neh meh.
6Smˇ miˇ maˬ iˇ-euˬ zaˬ miˬ zaˬ tiˬ gʼaˬ na, noeˬ tsehˆ-eu laꞈ kʼoeˇ maˬ ehˇ, maˬ noeˬ tsehˆ ni maˬ ehˇ, tiˬ jeˬ paˬ mˇ-eu gʼaˇ duˬ maˬ kaˬ, tiˬ jeˬ paˬ maˬ mˇ ni yahˇ-awˇ dehꞈ-eu gʼaˇ duˬ maˬ kaˬ, saˇ jaˇ dzaˬ gʼaˬ miˇ tsa smˇ miˇ iˇ naˇ, 7gaˇ kawˆ kʼoeˇ aˬ yawꞈ-euˬ kʼaˬ dzeˇ zaˬ gʼaˬ ya gaˬ-awˇ maˬ laˆ tsoeˬ kʼoeˇ keuˆ ni, yawˬ ha neh saˇ jaˇ dzaˬ taˬ-euˬ loꞈ-ehˇ ya mˇ byah meh. 8Ehˇ kʼawꞈ, gaˇ kawˆ kʼoeˇ aˬ yawꞈ-euˬ kʼaˬ dzeˇ zaˬ gʼaˬ ya gaˬ-awˇ, maˬ bi mˇ ni laˆ tsoeˬ naˇ, saˇ jaˇ dzaˬ taˬ-euˬ loꞈ-ehˇ maˬ mˇ byah ni jawˇ nya meh. Sahˬpaˬ Miˬyehˇ aˬ yawꞈ-ahˇ iˬ baˇ pyehˬ nehˬ tehꞈ-a.
9Miˬ coeˬ miˬ ma hawˇ-eu miˬ kʼoꞈ deuˬ-aˬ, tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, saˇ jaˇ dzaˬ taˬ-euˬ jaˆ naˇ, yawˬ ha neh saˇ jaˇ kʼaˇ dzaˬ taˬ-euˬ loꞈ-ehˇ ya mˇ byah meh.
10Kʼaˬ dzeˇ zaˬ baw-eu zaˬ miˬ zaˬ tiˬ gʼaˬ na, tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, saˇ jaˇ dzaˬ naˇ, 11gaˇ kawˆ kʼoeˇ aˬ yawꞈ-euˬ kʼaˬ dzeˇ zaˬ gʼaˬ ya gaˬ-awˇ maˬ laˆ tsoeˬ kʼoeˇ keuˆ ni, yawˬ ha neh saˇ jaˇ kʼaˇ dzaˬ taˬ-euˬ loꞈ-ehˇ ya mˇ byah meh. 12Ehˇ kʼawꞈ, gaˇ kawˆ kʼoeˇ aˬ yawꞈ-euˬ kʼaˬ dzeˇ zaˬ ya gaˬ-awˇ, maˬ bi mˇ ni laˆ tsoeˬ naˇ, saˇ jaˇ dzaˬ taˬ-euˬ loꞈ-ehˇ maˬ mˇ byah ni jawˇ nya meh. Sahˬpaˬ Miˬyehˇ aˬ yawꞈ-ahˇ iˬ baˇ pyehˬ nehˬ tehꞈ-a. Aˬ jeˬ miˇ neh ehˇ naˇ, aˬ yawꞈ-euˬ kʼaˬ dzeˇ zaˬ gʼaˬ aˬ yawꞈ-ahˇ laˆ tsoeˬ-eu miˇ neh meh. 13Yawˬ ha-euˬ miˬ zaˬ neh dzaˬ taˬ-euˬ saˇ jaˇ bi mˇ byah mawꞈ-eu maˬ ehˇ, maˬ bi mˇ byah mawꞈ-eu maˬ ehˇ, kʼaˬ dzeˇ zaˬ gʼaˬ naꞈ-i jaˆ-eu meh. 14Ehˇ kʼawꞈ, miˬ zaˬ gʼaˬ saˇ jaˇ dzaˬ taˬ-euˬ gaˇ kawˆ kʼaˬ dzeˇ zaˬ gʼaˬ ya gaˬ gʼaˬ-euˬ kʼawꞈ, maˬ laˆ tsoeˬ naˇ, miˬ zaˬ gʼaˬ yawˬ ha neh saˇ jaˇ kʼaˇ dzaˬ taˬ-euˬ jeˬ yaˇ mˇ byah meh. Kʼaˬ dzeˇ zaˬ gʼaˬ gaˇ kawˆ kʼoeˇ ya gaˬ ngeh nah neh maˬ laˆ tsoeˬ-eu miˇ neh, saˇ jaˇ bi mˇ byah-eu gʼaˇ duˬ nui ma tsaˬ gaˇ duˇ-eu meh. 15Ehˇ kʼawꞈ, aˇ yamˬ myahˇ laˇ gʼaˬ miˇ tsa laˆ tsoeˬ naˇ, saˇ jaˇ maˬ mˇ byah-euˬ baˬ da neh kʼaˇ keuˆ le-eu jeˬ-ahˇ kʼaˬ dzeˇ zaˬ gʼaˬ ya daˬ meh lehˇ, Iˇsaˬleˬlaˆ tsawˇ jeuˬ deuˬ-euˬ aˬ yuiꞈ aˬ tsu deuˬ-ahˇ Moˇseˬ mehˬ nehˬ tsoˆ nehˬ-euˬ meh.
16Heu-aˬ, yawˬ ha aˬ da-euˬ nymˇ-ahˇ jawˇ luꞈ-eu smˇ miˇ maˬ iˇ-euˬ zaˬ miˬ aˬ buˇ deuˬ hawˇ-eu kʼaˬ dzeˇ zaˬ baw-eu zaˬ miˬ zaˬ deuˬ saˇ jaˇ dzaˬ gaˇ taꞈ leˇ-awˇ, Moˇseˬ-ahˇ Sahˬpaˬ Miˬyehˇ neh biꞈ-euˬ zahˇ sahˇ kʼoꞈ deuˬ meh.
Currently Selected:
Bawˇtsahˬ 30: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Bawˇtsahˬ 30
30
Saˇ jaˇ dzaˬ gaˇ taꞈ leˇ-eu zahˇ sahˇ kʼoꞈ
1Iˇsaˬleˬlaˆ tsawˇ jeuˬ deuˬ-euˬ aˬ yuiꞈ aˬ tsu deuˬ-ahˇ, Moˇseˬ heu loꞈ-ehˇ mehˬ nehˬ tsoˆ nehˬ-euˬ meh. 2Tsawˇ haˬ tiˬ gʼaˬ na tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ saˇ jaˇ dzaˬ naˇ, saˇ jaˇ maˬ puiˬ ni yawˬ ha neh kʼaˇ ehˇ taˬ-euˬ loꞈ-ehˇ ya mˇ byah meh.
3Yawˬ ha aˬ da-euˬ nymˇ-ahˇ jawˇ luꞈ-eu zaˬ miˬ aˬ buˇ zaˬ guˬ tiˬ gʼaˬ na, tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, Sahˬpaˬ Miˬyehˇ-ahˇ saˇ jaˇ dzaˬ naˇ, 4gaˇ kawˆ kʼoeˇ aˬ yawꞈ aˬ da ya gaˬ-awˇ maˬ laˆ tsoeˬ kʼoeˇ keuˆ ni, yawˬ ha neh saˇ jaˇ dzaˬ taˬ-euˬ loꞈ-ehˇ ya mˇ byah meh. 5Ehˇ kʼawꞈ, gaˇ kawˆ kʼoeˇ aˬ yawꞈ aˬ da ya gaˬ-awˇ, maˬ bi mˇ ni laˆ tsoeˬ naˇ, saˇ jaˇ dzaˬ taˬ-euˬ loꞈ-ehˇ maˬ mˇ byah ni jawˇ nya meh. Sahˬpaˬ Miˬyehˇ aˬ yawꞈ-ahˇ iˬ baˇ pyehˬ nehˬ tehꞈ-a. Aˬ jeˬ miˇ neh ehˇ naˇ, aˬ yawꞈ-euˬ aˬ da aˬ yawꞈ-ahˇ laˆ tsoeˬ-eu miˇ neh meh.
6Smˇ miˇ maˬ iˇ-euˬ zaˬ miˬ zaˬ tiˬ gʼaˬ na, noeˬ tsehˆ-eu laꞈ kʼoeˇ maˬ ehˇ, maˬ noeˬ tsehˆ ni maˬ ehˇ, tiˬ jeˬ paˬ mˇ-eu gʼaˇ duˬ maˬ kaˬ, tiˬ jeˬ paˬ maˬ mˇ ni yahˇ-awˇ dehꞈ-eu gʼaˇ duˬ maˬ kaˬ, saˇ jaˇ dzaˬ gʼaˬ miˇ tsa smˇ miˇ iˇ naˇ, 7gaˇ kawˆ kʼoeˇ aˬ yawꞈ-euˬ kʼaˬ dzeˇ zaˬ gʼaˬ ya gaˬ-awˇ maˬ laˆ tsoeˬ kʼoeˇ keuˆ ni, yawˬ ha neh saˇ jaˇ dzaˬ taˬ-euˬ loꞈ-ehˇ ya mˇ byah meh. 8Ehˇ kʼawꞈ, gaˇ kawˆ kʼoeˇ aˬ yawꞈ-euˬ kʼaˬ dzeˇ zaˬ gʼaˬ ya gaˬ-awˇ, maˬ bi mˇ ni laˆ tsoeˬ naˇ, saˇ jaˇ dzaˬ taˬ-euˬ loꞈ-ehˇ maˬ mˇ byah ni jawˇ nya meh. Sahˬpaˬ Miˬyehˇ aˬ yawꞈ-ahˇ iˬ baˇ pyehˬ nehˬ tehꞈ-a.
9Miˬ coeˬ miˬ ma hawˇ-eu miˬ kʼoꞈ deuˬ-aˬ, tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, saˇ jaˇ dzaˬ taˬ-euˬ jaˆ naˇ, yawˬ ha neh saˇ jaˇ kʼaˇ dzaˬ taˬ-euˬ loꞈ-ehˇ ya mˇ byah meh.
10Kʼaˬ dzeˇ zaˬ baw-eu zaˬ miˬ zaˬ tiˬ gʼaˬ na, tiˬ jeˬ paˬ mˇ-eu gʼaˇ duˬ maˬ ehˇ, tiˬ jeˬ paˬ-ahˇ maˬ mˇ ni yahˇ-awˇ dehꞈ-eu gʼaˇ duˬ maˬ ehˇ, saˇ jaˇ dzaˬ naˇ, 11gaˇ kawˆ kʼoeˇ aˬ yawꞈ-euˬ kʼaˬ dzeˇ zaˬ gʼaˬ ya gaˬ-awˇ maˬ laˆ tsoeˬ kʼoeˇ keuˆ ni, yawˬ ha neh saˇ jaˇ kʼaˇ dzaˬ taˬ-euˬ loꞈ-ehˇ ya mˇ byah meh. 12Ehˇ kʼawꞈ, gaˇ kawˆ kʼoeˇ aˬ yawꞈ-euˬ kʼaˬ dzeˇ zaˬ ya gaˬ-awˇ, maˬ bi mˇ ni laˆ tsoeˬ naˇ, saˇ jaˇ dzaˬ taˬ-euˬ loꞈ-ehˇ maˬ mˇ byah ni jawˇ nya meh. Sahˬpaˬ Miˬyehˇ aˬ yawꞈ-ahˇ iˬ baˇ pyehˬ nehˬ tehꞈ-a. Aˬ jeˬ miˇ neh ehˇ naˇ, aˬ yawꞈ-euˬ kʼaˬ dzeˇ zaˬ gʼaˬ aˬ yawꞈ-ahˇ laˆ tsoeˬ-eu miˇ neh meh. 13Yawˬ ha-euˬ miˬ zaˬ neh dzaˬ taˬ-euˬ saˇ jaˇ bi mˇ byah mawꞈ-eu maˬ ehˇ, maˬ bi mˇ byah mawꞈ-eu maˬ ehˇ, kʼaˬ dzeˇ zaˬ gʼaˬ naꞈ-i jaˆ-eu meh. 14Ehˇ kʼawꞈ, miˬ zaˬ gʼaˬ saˇ jaˇ dzaˬ taˬ-euˬ gaˇ kawˆ kʼaˬ dzeˇ zaˬ gʼaˬ ya gaˬ gʼaˬ-euˬ kʼawꞈ, maˬ laˆ tsoeˬ naˇ, miˬ zaˬ gʼaˬ yawˬ ha neh saˇ jaˇ kʼaˇ dzaˬ taˬ-euˬ jeˬ yaˇ mˇ byah meh. Kʼaˬ dzeˇ zaˬ gʼaˬ gaˇ kawˆ kʼoeˇ ya gaˬ ngeh nah neh maˬ laˆ tsoeˬ-eu miˇ neh, saˇ jaˇ bi mˇ byah-eu gʼaˇ duˬ nui ma tsaˬ gaˇ duˇ-eu meh. 15Ehˇ kʼawꞈ, aˇ yamˬ myahˇ laˇ gʼaˬ miˇ tsa laˆ tsoeˬ naˇ, saˇ jaˇ maˬ mˇ byah-euˬ baˬ da neh kʼaˇ keuˆ le-eu jeˬ-ahˇ kʼaˬ dzeˇ zaˬ gʼaˬ ya daˬ meh lehˇ, Iˇsaˬleˬlaˆ tsawˇ jeuˬ deuˬ-euˬ aˬ yuiꞈ aˬ tsu deuˬ-ahˇ Moˇseˬ mehˬ nehˬ tsoˆ nehˬ-euˬ meh.
16Heu-aˬ, yawˬ ha aˬ da-euˬ nymˇ-ahˇ jawˇ luꞈ-eu smˇ miˇ maˬ iˇ-euˬ zaˬ miˬ aˬ buˇ deuˬ hawˇ-eu kʼaˬ dzeˇ zaˬ baw-eu zaˬ miˬ zaˬ deuˬ saˇ jaˇ dzaˬ gaˇ taꞈ leˇ-awˇ, Moˇseˬ-ahˇ Sahˬpaˬ Miˬyehˇ neh biꞈ-euˬ zahˇ sahˇ kʼoꞈ deuˬ meh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.