Bawˇtsahˬ 28
28
Aˬ yawꞈ nah yawꞈ lawˇ-eu jeˬ
(Doˆ-iˇ 29.38-46)
1Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ nehˬ-euˬ meh. 2Lawˇ-eu shehˇ-eu gʼaˇ duˬ tsaˬ tsoˆ taˬ-euˬ aˇ yamˬ-ahˇ, Miˬyehˇ nui ma tsaˬ-eu dzaˬ dzaˬ dawˇ dawˇ lawˇ-eu jeˬ aˬ yawꞈ-ahˇ ya lawˇ meh lehˇ Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-awˬ.
3Heu-aˬ, Sahˬpaˬ Miˬyehˇ-ahˇ ya lawˇ-eu dzaˬ dzaˬ dawˇ dawˇ lawˇ-eu jeˬ pyeuꞈ-eu meh. Aˬ yawꞈ nah yawꞈ ya lawˇ-eu miˬ dzaˬ dzah puiˆ-awˇ lawˇ-eu jeˬ gʼaˇ duˬ, tiˬ myaˇ byah laˇ-euˬ maˇ byawꞈ maˬ baw-eu yawˇ zaˬ aˬ buˬ nyiˬ mawˇ ya lawˇ meh. 4Uˬ shawˬ paw tiˬ mawˇ hawˇ-eu uˬ ciꞈ paw tiˬ mawˇ ya lawˇ meh. 5Aˬ yawꞈ mawˇ yawꞈ lawˇ ngeh, muiˬ dui dui-eu saˬ loˬ tsiˇ maˇ tsaꞈ tiˬ tsaꞈ keuˬ taˬ-euˬ cehˇ meu tiˬ pehˬ ya lawˇ ahˇ meh. 6Heu-aˬ, aˬ yawꞈ nah yawꞈ ya lawˇ-eu dawˬ tawˆ luꞈ miˬ dzaˬ-ahˇ ya bi puiˆ dzaˬ jiˇ-eu lawˇ-eu jeˬ pyeuꞈ-eu meh. Heu loꞈ-ehˇ lawˇ-eu jeˬ-ahˇ, dzaˬ dzaˬ dawˇ dawˇ lawˇ-eu jeˬ loꞈ-ehˇ Siˇnaˆ gawˬ jawˬ-ahˇ lawˇ beh beh-euˬ meh. Kʼoeˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh. 7Yaw beh lawˇ-euˬ yawˇ zaˬ kʼoeˇ mawˇ nehˬ-ehˇ, lawˇ duˬ kʼoeˇ taˆ aˬ gaꞈ dzaˇ uiˇ tiˬ tsaꞈ shehˆ daˆ-awˇ, aˬ gaꞈ dzaˇ uiˇ lawˇ-eu jeˬ lawˇ-awˬ. 8Uˬ ciꞈ paw lawˇ-eu mawˇ-ahˇ kʼawꞈ, uˬ shawˬ paw lawˇ-eu mawˇ loꞈ-ehˇ, aˬ gaꞈ dzaˇ uiˇ lawˇ-eu jeˬ nehˬ-ehˇ lawˇ-awˬ. Kʼoeˇ kʼawꞈ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh.
Jawˇ nah-ahˇ lawˇ-eu jeˬ
9Jawˇ nah ngeh nah-ahˇ, tiˬ myaˇ byah laˇ-euˬ maˇ byawꞈ maˬ baw-eu yawˇ zaˬ aˬ buˬ nyiˬ mawˇ maˬ ehˇ, dzaˬ la gʼo cehˇ lawˇ-eu jeˬ gʼaˇ duˬ saˬ loˬ tsiˇ keuˬ taˬ-eu cehˇ meu nyiˬ pehˬ maˬ ehˇ, aˬ gaꞈ dzaˇ uiˇ maˬ ehˇ, lawˇ-awˬ. 10Heu loꞈ-ehˇ miˬ dzaˬ dzah puiˆ-awˇ lawˇ-eu heu-aˬ, aˬ yawꞈ nah yawꞈ lawˇ luꞈ-eu aˬ gaꞈ dzaˇ uiˇ hawˇ-eu nui jeˬ uˬ taꞈ, jawˇ nah ngeh nah paˇ ya lawˇ dzehˬ-eu lawˇ-eu jeˬ pyeuꞈ-eu meh.
La shuiꞈ ngeh nah lawˇ-eu jeˬ
11Ba la aˬ yawꞈ siˬ yawꞈ la shuiꞈ ngeh nah Sahˬpaˬ Miˬyehˇ-ahˇ miˬ dzaˬ dzah puiˆ-awˇ lawˇ-eu jeˬ ya lawˇ meh. Maˇ byawꞈ maˬ baw-eu mawˇ neˇ mawˇ gaw zaˬ nyiˬ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ hawˇ-eu, tiˬ myaˇ byah laˇ-euˬ maˇ byawꞈ maˬ baw-eu yawˇ zaˬ aˬ buˬ shiꞈ mawˇ ya lawˇ meh. 12Saˬ loˬ tsiˇ keuˬ taˬ-euˬ cehˇ meu yuˇ-awˇ, dzaˬ la gʼo cehˇ lawˇ-eu jeˬ ya lawˇ meh. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ cehˇ meu smˇ pehˬ ya lawˇ ahˇ-awˇ, yawˇ aˬ buˬ nehˬ-ehˇ cehˇ meu nyiˬ pehˬ ya lawˇ ahˇ meh. 13Yawˇ zaˬ aˬ yawꞈ mawˇ yawꞈ nehˬ-ehˇ cehˇ meu tiˬ pehˬ ya lawˇ ahˇ meh. Miˬ dzaˬ dzah puiˆ-awˇ lawˇ-eu heu-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh. 14Aˬ gaꞈ dzaˇ uiˇ lawˇ-eu jeˬ-ahˇ heu loꞈ-ehˇ ya lawˇ meh. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ aˬ gaꞈ dzaˇ uiˇ maˇ tsaꞈ nyiˬ tsaꞈ, yawˇ aˬ buˬ aˬ yawꞈ mawˇ yawꞈ nehˬ-ehˇ maˇ tsaꞈ tiˬ tsaꞈ uˬ taꞈ tiˬ kʼoeˆ, yawˇ zaˬ aˬ yawꞈ mawˇ yawꞈ nehˬ-ehˇ maˇ tsaꞈ tiˬ tsaꞈ ya lawˇ ahˇ meh. Heu-aˬ, kʼoꞈ kʼoꞈ lah ni, la shuiꞈ ngeh nah ya lawˇ-eu miˬ dzaˬ dzah puiˆ-awˇ lawˇ-eu zahˇ sahˇ kʼoꞈ pyeuꞈ-eu meh. 15Aˬ yawꞈ nah yawꞈ lawˇ luꞈ-eu aˬ gaꞈ dzaˇ uiˇ hawˇ-eu nui jeˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ ya lawˇ meh.
Dehˬ tseˬ maˬ dawˆ-euˬ kaˬ muˇ dzaˬ-eu bawˬ-iˬ jahˇ ngeh lawˇ-eu jeˬ
(Uˬ duˬ 23.5-14)
16Ba la yaw beh siˬ tseˇ oeˬ nah-ahˇ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ, Baˬsaˬkaˬ Bawˬ-iˬ ya gʼeh meh. 17Tseˇ ngaˬ nah-ahˇ aˇ dahˬ beh-awˇ, shiꞈ nah keuˆ ni uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu bawˬ-iˬ ya gʼeh meh. Aˇ yamˬ kʼoeˇ yamˬ laꞈ kʼoeˇ dehˬ tseˬ maˬ ahˇ-eu kaˬ muˇ tehꞈ-ehˇ ya dzaˬ meh. 18Bawˬ-iˬ aˇ dahˬ beh ngeh nah, naw maꞈ gaˇ maˬ mˇ ni, tiˬ gaˇ uiˬ leˇ-awˇ uˬ duˬ ya tahˬ meh. 19Dzaˬ dzaˬ dawˇ dawˇ lawˇ-eu jeˬ loꞈ-ehˇ, miˬ dzaˬ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ lawˇ-awˬ. Maˇ byawꞈ maˬ baw-eu mawˇ neˇ mawˇ gaw zaˬ nyiˬ mawˇ, maˇ byawꞈ maˬ baw-eu yawˇ aˬ buˬ tiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ shiꞈ mawˇ ya lawˇ meh. 20Saˬ loˬ tsiˇ keuˬ taˬ-euˬ cehˇ meu neh dzaˬ la gʼo cehˇ lawˇ-eu jeˬ ya lawˇ meh. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ cehˇ meu smˇ pehˬ hawˇ-eu yawˇ aˬ buˬ aˬ yawꞈ mawˇ yawꞈ nehˬ-ehˇ cehˇ meu nyiˬ pehˬ ya lawˇ meh. 21Yawˇ zaˬ aˬ yawꞈ mawˇ yawꞈ nehˬ-ehˇ cehˇ meu tiˬ pehˬ ya lawˇ meh. 22Iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ lawˇ-awˇ, Iˇsaˬleˬlaˆ tsawˇ haˬ deuˬ bi shawˇ laˇ-eu zahˇ jahˇ-awˬ. 23Heu deuˬ-aˬ, aˬ yawꞈ nah yawꞈ ya lawˇ-eu lawˇ-eu jeˬ uˬ taꞈ, ya lawˇ dzehˬ-eu lawˇ-eu jeˬ pyeuꞈ-eu meh. 24Kʼoeˇ loꞈ-ehˇ, shiꞈ nah laꞈ kʼoeˇ, Sahˬpaˬ Miˬyehˇ nui ma tsaˬ-eu yaw saꞈ bi le-eu dzaˬ dzaˬ dawˇ dawˇ lawˇ-eu jeˬ aˬ yawꞈ nah yawꞈ ya lawˇ meh. Aˬ yawꞈ nah yawꞈ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ uˬ taꞈ, kʼoeˇ loꞈ-ehˇ ya lawˇ meh. 25Shiꞈ nah tiˬ nah-ahˇ gaˇ maˬ mˇ ni, tiˬ gaˇ uiˬ leˇ-awˇ uˬ duˬ ya tahˬ meh.
Cehˇ laˆ luiˆ-eu bawˬ-iˬ gʼeh ngeh lawˇ-eu jeˬ
(Uˬ duˬ 23.15-22)
26Sahˬpaˬ Miˬyehˇ-ahˇ naw maꞈ cehˇ shuiꞈ lawˇ nehˬ-eu aˇ nah pyeuꞈ-eu cehˇ laˆ luiˆ-eu bawˬ-iˬ aˇ dahˬ beh-eu nah-ahˇ, gaˇ maˬ mˇ ni tiˬ gaˇ uiˬ leˇ-awˇ uˬ duˬ ya tahˬ meh. 27Maˇ byawꞈ maˬ baw-eu mawˇ neˇ mawˇ gaw zaˬ nyiˬ mawˇ, maˇ byawꞈ maˬ baw-eu yawˇ aˬ buˬ tiˬ mawˇ, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ shiꞈ mawˇ, heu deuˬ yuˇ-awˇ, Sahˬpaˬ Miˬyehˇ nui ma tsaˬ-eu yaw saꞈ bi le-eu gʼaˇ duˬ, miˬ dzaˬ dzah puiˆ-awˇ lawˇ-eu jeˬ lawˇ-awˬ. 28Saˬ loˬ tsiˇ keuˬ taˬ-euˬ cehˇ meu neh dzaˬ la gʼo cehˇ lawˇ-eu jeˬ lawˇ-awˬ. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ, cehˇ meu smˇ pehˬ hawˇ-eu, yawˇ aˬ buˬ nehˬ-ehˇ cehˇ meu nyiˬ pehˬ ya lawˇ meh. 29Yawˇ zaˬ aˬ yawꞈ mawˇ yawꞈ nehˬ-ehˇ cehˇ meu tiˬ pehˬ ya lawˇ meh. 30Iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ lawˇ-awˇ, Iˇsaˬleˬlaˆ tsawˇ haˬ deuˬ bi shawˇ laˇ-eu zahˇ jahˇ-awˬ. 31Aˬ yawꞈ nah yawꞈ lawˇ-eu miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ uˬ taꞈ, aˬ gaꞈ dzaˇ uiˇ lawˇ-eu jeˬ hawˇ-eu, ehˇ dzeuˇ yaꞈ-euˬ lawˇ-eu jeˬ kʼoeˇ ya lawˇ meh.
Currently Selected:
Bawˇtsahˬ 28: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Bawˇtsahˬ 28
28
Aˬ yawꞈ nah yawꞈ lawˇ-eu jeˬ
(Doˆ-iˇ 29.38-46)
1Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ nehˬ-euˬ meh. 2Lawˇ-eu shehˇ-eu gʼaˇ duˬ tsaˬ tsoˆ taˬ-euˬ aˇ yamˬ-ahˇ, Miˬyehˇ nui ma tsaˬ-eu dzaˬ dzaˬ dawˇ dawˇ lawˇ-eu jeˬ aˬ yawꞈ-ahˇ ya lawˇ meh lehˇ Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-awˬ.
3Heu-aˬ, Sahˬpaˬ Miˬyehˇ-ahˇ ya lawˇ-eu dzaˬ dzaˬ dawˇ dawˇ lawˇ-eu jeˬ pyeuꞈ-eu meh. Aˬ yawꞈ nah yawꞈ ya lawˇ-eu miˬ dzaˬ dzah puiˆ-awˇ lawˇ-eu jeˬ gʼaˇ duˬ, tiˬ myaˇ byah laˇ-euˬ maˇ byawꞈ maˬ baw-eu yawˇ zaˬ aˬ buˬ nyiˬ mawˇ ya lawˇ meh. 4Uˬ shawˬ paw tiˬ mawˇ hawˇ-eu uˬ ciꞈ paw tiˬ mawˇ ya lawˇ meh. 5Aˬ yawꞈ mawˇ yawꞈ lawˇ ngeh, muiˬ dui dui-eu saˬ loˬ tsiˇ maˇ tsaꞈ tiˬ tsaꞈ keuˬ taˬ-euˬ cehˇ meu tiˬ pehˬ ya lawˇ ahˇ meh. 6Heu-aˬ, aˬ yawꞈ nah yawꞈ ya lawˇ-eu dawˬ tawˆ luꞈ miˬ dzaˬ-ahˇ ya bi puiˆ dzaˬ jiˇ-eu lawˇ-eu jeˬ pyeuꞈ-eu meh. Heu loꞈ-ehˇ lawˇ-eu jeˬ-ahˇ, dzaˬ dzaˬ dawˇ dawˇ lawˇ-eu jeˬ loꞈ-ehˇ Siˇnaˆ gawˬ jawˬ-ahˇ lawˇ beh beh-euˬ meh. Kʼoeˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh. 7Yaw beh lawˇ-euˬ yawˇ zaˬ kʼoeˇ mawˇ nehˬ-ehˇ, lawˇ duˬ kʼoeˇ taˆ aˬ gaꞈ dzaˇ uiˇ tiˬ tsaꞈ shehˆ daˆ-awˇ, aˬ gaꞈ dzaˇ uiˇ lawˇ-eu jeˬ lawˇ-awˬ. 8Uˬ ciꞈ paw lawˇ-eu mawˇ-ahˇ kʼawꞈ, uˬ shawˬ paw lawˇ-eu mawˇ loꞈ-ehˇ, aˬ gaꞈ dzaˇ uiˇ lawˇ-eu jeˬ nehˬ-ehˇ lawˇ-awˬ. Kʼoeˇ kʼawꞈ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh.
Jawˇ nah-ahˇ lawˇ-eu jeˬ
9Jawˇ nah ngeh nah-ahˇ, tiˬ myaˇ byah laˇ-euˬ maˇ byawꞈ maˬ baw-eu yawˇ zaˬ aˬ buˬ nyiˬ mawˇ maˬ ehˇ, dzaˬ la gʼo cehˇ lawˇ-eu jeˬ gʼaˇ duˬ saˬ loˬ tsiˇ keuˬ taˬ-eu cehˇ meu nyiˬ pehˬ maˬ ehˇ, aˬ gaꞈ dzaˇ uiˇ maˬ ehˇ, lawˇ-awˬ. 10Heu loꞈ-ehˇ miˬ dzaˬ dzah puiˆ-awˇ lawˇ-eu heu-aˬ, aˬ yawꞈ nah yawꞈ lawˇ luꞈ-eu aˬ gaꞈ dzaˇ uiˇ hawˇ-eu nui jeˬ uˬ taꞈ, jawˇ nah ngeh nah paˇ ya lawˇ dzehˬ-eu lawˇ-eu jeˬ pyeuꞈ-eu meh.
La shuiꞈ ngeh nah lawˇ-eu jeˬ
11Ba la aˬ yawꞈ siˬ yawꞈ la shuiꞈ ngeh nah Sahˬpaˬ Miˬyehˇ-ahˇ miˬ dzaˬ dzah puiˆ-awˇ lawˇ-eu jeˬ ya lawˇ meh. Maˇ byawꞈ maˬ baw-eu mawˇ neˇ mawˇ gaw zaˬ nyiˬ mawˇ, maˇ byawꞈ maˬ baw-eu yawˇ aˬ buˬ nyiˬ mawˇ hawˇ-eu, tiˬ myaˇ byah laˇ-euˬ maˇ byawꞈ maˬ baw-eu yawˇ zaˬ aˬ buˬ shiꞈ mawˇ ya lawˇ meh. 12Saˬ loˬ tsiˇ keuˬ taˬ-euˬ cehˇ meu yuˇ-awˇ, dzaˬ la gʼo cehˇ lawˇ-eu jeˬ ya lawˇ meh. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ cehˇ meu smˇ pehˬ ya lawˇ ahˇ-awˇ, yawˇ aˬ buˬ nehˬ-ehˇ cehˇ meu nyiˬ pehˬ ya lawˇ ahˇ meh. 13Yawˇ zaˬ aˬ yawꞈ mawˇ yawꞈ nehˬ-ehˇ cehˇ meu tiˬ pehˬ ya lawˇ ahˇ meh. Miˬ dzaˬ dzah puiˆ-awˇ lawˇ-eu heu-aˬ, dzaˬ dzaˬ dawˇ dawˇ lawˇ-eu jeˬ pyeuꞈ-awˇ, kʼoeˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ-eu meh. 14Aˬ gaꞈ dzaˇ uiˇ lawˇ-eu jeˬ-ahˇ heu loꞈ-ehˇ ya lawˇ meh. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ aˬ gaꞈ dzaˇ uiˇ maˇ tsaꞈ nyiˬ tsaꞈ, yawˇ aˬ buˬ aˬ yawꞈ mawˇ yawꞈ nehˬ-ehˇ maˇ tsaꞈ tiˬ tsaꞈ uˬ taꞈ tiˬ kʼoeˆ, yawˇ zaˬ aˬ yawꞈ mawˇ yawꞈ nehˬ-ehˇ maˇ tsaꞈ tiˬ tsaꞈ ya lawˇ ahˇ meh. Heu-aˬ, kʼoꞈ kʼoꞈ lah ni, la shuiꞈ ngeh nah ya lawˇ-eu miˬ dzaˬ dzah puiˆ-awˇ lawˇ-eu zahˇ sahˇ kʼoꞈ pyeuꞈ-eu meh. 15Aˬ yawꞈ nah yawꞈ lawˇ luꞈ-eu aˬ gaꞈ dzaˇ uiˇ hawˇ-eu nui jeˬ uˬ taꞈ, iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ ya lawˇ meh.
Dehˬ tseˬ maˬ dawˆ-euˬ kaˬ muˇ dzaˬ-eu bawˬ-iˬ jahˇ ngeh lawˇ-eu jeˬ
(Uˬ duˬ 23.5-14)
16Ba la yaw beh siˬ tseˇ oeˬ nah-ahˇ, Sahˬpaˬ Miˬyehˇ-ahˇ taˬ huiˬ-eu laꞈ kʼoeˇ, Baˬsaˬkaˬ Bawˬ-iˬ ya gʼeh meh. 17Tseˇ ngaˬ nah-ahˇ aˇ dahˬ beh-awˇ, shiꞈ nah keuˆ ni uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-eu bawˬ-iˬ ya gʼeh meh. Aˇ yamˬ kʼoeˇ yamˬ laꞈ kʼoeˇ dehˬ tseˬ maˬ ahˇ-eu kaˬ muˇ tehꞈ-ehˇ ya dzaˬ meh. 18Bawˬ-iˬ aˇ dahˬ beh ngeh nah, naw maꞈ gaˇ maˬ mˇ ni, tiˬ gaˇ uiˬ leˇ-awˇ uˬ duˬ ya tahˬ meh. 19Dzaˬ dzaˬ dawˇ dawˇ lawˇ-eu jeˬ loꞈ-ehˇ, miˬ dzaˬ dzah puiˆ-awˇ lawˇ-eu jeˬ Sahˬpaˬ Miˬyehˇ-ahˇ lawˇ-awˬ. Maˇ byawꞈ maˬ baw-eu mawˇ neˇ mawˇ gaw zaˬ nyiˬ mawˇ, maˇ byawꞈ maˬ baw-eu yawˇ aˬ buˬ tiˬ mawˇ hawˇ-eu, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ shiꞈ mawˇ ya lawˇ meh. 20Saˬ loˬ tsiˇ keuˬ taˬ-euˬ cehˇ meu neh dzaˬ la gʼo cehˇ lawˇ-eu jeˬ ya lawˇ meh. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ cehˇ meu smˇ pehˬ hawˇ-eu yawˇ aˬ buˬ aˬ yawꞈ mawˇ yawꞈ nehˬ-ehˇ cehˇ meu nyiˬ pehˬ ya lawˇ meh. 21Yawˇ zaˬ aˬ yawꞈ mawˇ yawꞈ nehˬ-ehˇ cehˇ meu tiˬ pehˬ ya lawˇ meh. 22Iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ lawˇ-awˇ, Iˇsaˬleˬlaˆ tsawˇ haˬ deuˬ bi shawˇ laˇ-eu zahˇ jahˇ-awˬ. 23Heu deuˬ-aˬ, aˬ yawꞈ nah yawꞈ ya lawˇ-eu lawˇ-eu jeˬ uˬ taꞈ, ya lawˇ dzehˬ-eu lawˇ-eu jeˬ pyeuꞈ-eu meh. 24Kʼoeˇ loꞈ-ehˇ, shiꞈ nah laꞈ kʼoeˇ, Sahˬpaˬ Miˬyehˇ nui ma tsaˬ-eu yaw saꞈ bi le-eu dzaˬ dzaˬ dawˇ dawˇ lawˇ-eu jeˬ aˬ yawꞈ nah yawꞈ ya lawˇ meh. Aˬ yawꞈ nah yawꞈ lawˇ-eu jeˬ hawˇ-eu aˬ gaꞈ dzaˇ uiˇ lawˇ-eu jeˬ uˬ taꞈ, kʼoeˇ loꞈ-ehˇ ya lawˇ meh. 25Shiꞈ nah tiˬ nah-ahˇ gaˇ maˬ mˇ ni, tiˬ gaˇ uiˬ leˇ-awˇ uˬ duˬ ya tahˬ meh.
Cehˇ laˆ luiˆ-eu bawˬ-iˬ gʼeh ngeh lawˇ-eu jeˬ
(Uˬ duˬ 23.15-22)
26Sahˬpaˬ Miˬyehˇ-ahˇ naw maꞈ cehˇ shuiꞈ lawˇ nehˬ-eu aˇ nah pyeuꞈ-eu cehˇ laˆ luiˆ-eu bawˬ-iˬ aˇ dahˬ beh-eu nah-ahˇ, gaˇ maˬ mˇ ni tiˬ gaˇ uiˬ leˇ-awˇ uˬ duˬ ya tahˬ meh. 27Maˇ byawꞈ maˬ baw-eu mawˇ neˇ mawˇ gaw zaˬ nyiˬ mawˇ, maˇ byawꞈ maˬ baw-eu yawˇ aˬ buˬ tiˬ mawˇ, maˇ byawꞈ maˬ baw-eu tiˬ myaˇ byah laˇ-euˬ yawˇ zaˬ aˬ buˬ shiꞈ mawˇ, heu deuˬ yuˇ-awˇ, Sahˬpaˬ Miˬyehˇ nui ma tsaˬ-eu yaw saꞈ bi le-eu gʼaˇ duˬ, miˬ dzaˬ dzah puiˆ-awˇ lawˇ-eu jeˬ lawˇ-awˬ. 28Saˬ loˬ tsiˇ keuˬ taˬ-euˬ cehˇ meu neh dzaˬ la gʼo cehˇ lawˇ-eu jeˬ lawˇ-awˬ. Mawˇ neˇ mawˇ gaw aˬ yawꞈ mawˇ yawꞈ nehˬ-ehˇ, cehˇ meu smˇ pehˬ hawˇ-eu, yawˇ aˬ buˬ nehˬ-ehˇ cehˇ meu nyiˬ pehˬ ya lawˇ meh. 29Yawˇ zaˬ aˬ yawꞈ mawˇ yawꞈ nehˬ-ehˇ cehˇ meu tiˬ pehˬ ya lawˇ meh. 30Iˬ baˇ shawˇ-eu lawˇ-eu jeˬ gʼaˇ duˬ ciꞈ myehꞈ ciꞈ buˬ tiˬ mawˇ lawˇ-awˇ, Iˇsaˬleˬlaˆ tsawˇ haˬ deuˬ bi shawˇ laˇ-eu zahˇ jahˇ-awˬ. 31Aˬ yawꞈ nah yawꞈ lawˇ-eu miˬ dzaˬ dzah puiˆ-awˇ lawˇ-eu jeˬ hawˇ-eu dzaˬ la gʼo cehˇ lawˇ-eu jeˬ uˬ taꞈ, aˬ gaꞈ dzaˇ uiˇ lawˇ-eu jeˬ hawˇ-eu, ehˇ dzeuˇ yaꞈ-euˬ lawˇ-eu jeˬ kʼoeˇ ya lawˇ meh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.