Bawˇtsahˬ 24
24
1Nymˬ-mˇ poˆ jawˇ-aˬ, Sahˬpaˬ Miˬyehˇ aˬ yawꞈ-ahˇ Iˇsaˬleˬlaˆ tsawˇ haˬ deuˬ kʼoeˇ taˆ dawˬ bi ngehˬ gʼeh mawꞈ-eu Baˬlamˬ siˬ duˬ-euˬ miˇ neh, yaw beh loꞈ-ehˇ ja maw maw maw-ehˇ maˬ jawˇ ni, bawˇ tsahˬ bawˇ dahˇ paw haw ka gʼeh-euˬ meh. 2Kʼoeˇ ngeh, Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ, yawˬ ha-euˬ jawˇ duˬ-ahˇ yawˬ ha jawˇ naˬ luꞈ gaˇ Baˬlamˬ ya mawˇ-euˬ meh. Miˬyehˇ-euˬ yaw sahˇ aˬ yawꞈ-ahˇ uˆ lahˇ le-awˇ, 3Miˬyehˇ gʼaˇ duˬ ngeh dah-eu laꞈ kʼoeˇ aˬ yawꞈ heu loꞈ-ehˇ ehˇ-eu meh.
“Beˬyoˇ-euˬ aˬli Baˬlamˬ-euˬ dawˬ,
haw duˬ mawˇ duˬ nya-eu gʼaˬ-euˬ dawˬ,
4Miˬyehˇ-euˬ dawˬ-ahˇ gaˬ nya-eu gʼaˬ-euˬ
dawˬ-aˬ, heu loꞈ-ehˇ ma.
Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ,
yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.
5Iˇsaˬleˬlaˆ tsawˇ haˬ-euˬ sehˬ gʼawˆ deuˬ muiˬ dui dui-awˇ,
6yaw cehˆ yaw cehˆ-ehˇ jaˆ-eu daoˇ aˇ bawˬ-ahˇ maˬ ehˇ,
lawˇ baˬ dawˬ peh jaˆ-eu yaˇ kmˇ-ahˇ maˬ ehˇ,
Sahˬpaˬ Miˬyehˇ neh ka taˬ-euˬ
aˇ jawˬ aˇ bawˇ-ahˇ maˬ ehˇ,
Lawˇ baˬ dawˬ peh dehꞈ-eu siˬ daˬ miˬ shuˬ
aˇ bawˇ-ahˇ maˬ ehˇ, duˇ-eu meh.
7Aˬ yawꞈ maꞈ uˬ yehˇ tiˬ loꞈ za-awˇ,
iˇ cuꞈ za-eu deh yaˇ-ahˇ siˬ yoeˬ sehˬ tehꞈ-a.
Aˬ yawꞈ maꞈ-euˬ sahˬ paˬ-aˬ, sahˬ paˬ Aˬgaˆ
naˆ maˬ tseˇ baoˬ huiˬ-awˇ,
aˬ yawꞈ-euˬ miˇ kʼahˬ huiˬ dui jeˇ dui dui tehꞈ-a.
8Iˇjiˇtuˆ miˇ kʼahˬ laꞈ kʼoeˇ Miˬyehˇ
aˬ yawꞈ maꞈ-ahˇ sheuˬ doˆ laꞈ-euˬ meh.
Aˬ yawꞈ maꞈ gʼaˇ duˬ nehꞈ nyoˬ laꞈ hiˇ loꞈ-ehˇ
aˬ yawꞈ guiˇ deuˆ-euˬ meh.
Aˬ yawꞈ maꞈ-ahˇ muiˇ-eu deuˬ-ahˇ
aˬ yawꞈ maꞈ kawꞈ sehꞈ tehꞈ-a.
Shaˬ yoeˬ ngawˬ kʼehꞈ ngawˬ kʼoeˆ nehˬ-awˇ,
kaˆ myaˬ neh beuˆ byoe nehˬ tehꞈ-a.
9Iˇsaˬleˬlaˆ tsawˇ jeuˬ-aˬ, aˇ laˬ jaˬ shiˇ-ahˇ duˇ-eu meh.
Aˬ yawꞈ yuꞈ kʼaˆ luꞈ ngeh tiˬ gʼaˬ-iˬ maˬ laˆ noeˬ peuˬ-a.
Iˇsaˬleˬlaˆ-ahˇ dawˬ kʼaˇ ngehˬ gʼeh nehˬ-eu
tsawˇ haˬ guiˬ lahˬ za-awˇ,
Iˇsaˬleˬlaˆ-ahˇ yaˬ kʼehˇ kʼaˇ yaˬ-eu tsawˇ haˬ-aˬ,
yaˬ kʼehˇ yaˬ gaˇ ya daˬ tehꞈ-a”
10Kʼoeˇ ngeh, Baˬlehˇ nui ma pehˇ laˇ-awˇ, laꞈ tsuˆ tsuˆ deuˇ taˬ-eu laꞈ kʼoeˇ Baˬlamˬ-ahˇ ehˇ nehˬ-eu, “Ngaˬ-ahˇ muiˇ-eu deuˬ-ahˇ yaˬ kʼehˇ bi yaˬ-eu lehˇ nawˬ-ahˇ ngaˇ kuˇ-euˬ ma. Ehˇ kʼawꞈ, smˬ poˆ keuˆ ni aˬ yawꞈ maꞈ-ahˇ nawˇ dawˬ ngehˬ gʼeh nehˬ-euˬ meh. 11Nymˬ-mˇ nawˇ gʼoꞈ-iˇ-awˬ. Nawˬ-ahˇ laꞈ sawˬ biꞈ ma lehˇ ngaˇ saˇ jaˇ dzaˬ taˬ-euˬ ma. Ehˇ kʼawꞈ, laꞈ sawˬ kʼoeˇ nawˇ maˬ za nya ni Sahˬpaˬ Miˬyehˇ jahˇ-euˬ meh.”
12Baˬlamˬ ehˇ-eu, “Nawˬ neh dawˬ tsaꞈ bi tsaꞈ le-euˬ tsawˇ haˬ deuˬ-ahˇ ngaˇ heu loꞈ-ehˇ ehˇ nehˬ-euˬ ma tawˇ. 13Nawˇ kʼaˇ jaˆ-eu pyuˇ hawˇ-eu shuiˇ deuˬ ngaˬ-ahˇ biꞈ jiˇ laꞈ law hawˇ kʼawꞈ, Sahˬpaˬ Miˬyehˇ-euˬ ehˇ dawˬ leuˇ-awˇ, yawˬ ha-euˬ nui noeˬ ngaˇ maˬ mˇ nya-a. Sahˬpaˬ Miˬyehˇ neh bi ngehˬ bi tmˇ laꞈ-euˬ loꞈ-ehˇ tehꞈ-ehˇ ngaˇ ngehˬ ma tmˇ ma lehˇ ehˇ nehˬ-euˬ ma tawˇ.”
Miˬyehˇ gʼaˇ duˬ Baˬlamˬ dawˬ ngehˬ dah-euˬ aˇ saˬ saˬ-eu poˆ
14Baˬlehˇ-ahˇ Baˬlamˬ ehˇ nehˬ-eu, “Ngaˬ-euˬ tsawˇ haˬ jawˇ gaˇ ngaˇ nymˬ-mˇ gʼoꞈ-iˇ ma. Ngaˇ maˬ gʼoꞈ-iˇ mi naˆ-ehˇ, aˬ kaˇ, Iˇsaˬleˬlaˆ tsawˇ haˬ deuˬ nawˬ-euˬ tsawˇ haˬ deuˬ kʼoeˇ taˆ aˬ joˆ-ehˇ jahˇ nehˬ laꞈ paˬ-ehˇ jaˆ-eu gaˇ kawˆ ehˇ nehˬ yaꞈ nyaˇ.” 15Kʼoeˇ naˇ, Miˬyehˇ gʼaˇ duˬ dawˬ ngeh dah-eu laꞈ kʼoeˇ, aˬ yawꞈ heu loꞈ-ehˇ ehˇ-eu meh.
“Beˬyoˇ-euˬ aˬ li Baˬlamˬ-euˬ dawˬ,
haw duˬ mawˇ duˬ nya-eu gʼaˬ-euˬ dawˬ,
16Miˬyehˇ-euˬ dawˬ-ahˇ gaˬ nya-awˇ, dawˬ tawˆ luꞈ
kʼoeˇ taˆ huiˬ dzehˬ mahˇ dzehˬ-eu
gʼaˬ jawˇ gaˇ neh oe-euˬ zaˬ siˬ nui gahˇ
za-euˬ gʼaˬ-euˬ dawˬ heu loˇ ma.
Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ,
yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.
17Aˬ kaˇ keuˆ le-eu aˇ yamˬ-ahˇ ngaˇ haw gʼeh-awˇ,
Iˇsaˬleˬlaˆ tsawˇ jeuˬ-ahˇ ngaˇ mawˇ-euˬ ma.
Yaw shehꞈ bya-eu aˬ guiˇ loꞈ-ehˇ,
aˬ yawꞈ maꞈ-euˬ tsawˇ jeuˬ laꞈ kʼoeˇ,
sahˬpaˬ tiˬ gʼaˬ doˆ laˇ tehꞈ-a.
Aˬ guiˇ smˇ miˇ iˇ-eu loꞈ-ehˇ,
Iˇsaˬleˬlaˆ tsawˇ jeuˬ laꞈ kʼoeˇ,
ja pyuˬ ni ga keuˆ le tehꞈ-a.
Mawˇbaˆ tsawˇ haˬ aˬ yuiꞈ aˬ tsu deuˬ-ahˇ aˬ yawꞈ diˬ-awˇ,
Seˬtaˆ tsawˇ haˬ dawˬ tawˆ luꞈ-ahˇ
aˬ yawꞈ dawꞈ lah nehˬ jiˇ tehꞈ-a.
18Eˬdoˬ miˇ kʼahˬ-ahˇ jawˇ-eu aˬ yawꞈ-ahˇ muiˇ-eu
deuˬ-ahˇ aˬ yawꞈ deuˆ gʼaˬ-eu laꞈ kʼoeˇ,
aˬ yawꞈ maꞈ-euˬ miˇ kʼahˬ deuˆ geuꞈ-awˇ,
Iˇsaˬleˬlaˆ tsawˇ haˬ deuˬ maˬ tsehˆ leˇ ni
guiˇ deuˆ gʼaˬ nawˆ nawˆ tehꞈ-a.
19Iˇsaˬleˬlaˆ tsawˇ jeuˬ neh aˬ yawꞈ maꞈ-ahˇ
nawˬ lah gʼeh-awˇ, meuˬ tiˬ meuˬ-iˬ maˬ dzeˇ-ehˇ
pyeuꞈ-iˇ ngeh keuˆ ni deuˆ tehꞈ-a.”
20Kʼoeˇ naˇ, Aˬmaˬlehˇ tsawˇ haˬ deuˬ-ahˇ yaw sahˇ laꞈ kʼoeˇ Baˬlamˬ ya mawˇ-awˇ, Miˬyehˇ gʼaˇ duˬ ngehˬ dah-eu laꞈ kʼoeˇ heu loꞈ-ehˇ ehˇ-eu meh.
“Aˬmaˬlehˇ miˇ kʼahˬ-aˬ, aˬ cawˬ naˆ maˬ tseˇ
baoˬ huiˬ-eu miˇ kʼahˬ pyeuꞈ kʼawꞈ,
Aˇ saˬ saˬ laˇ ngeh, mˬ maˬ maˬ byaˆ zaˇ ziˇ
ya cawˆ-iˇ tehꞈ-a.”
21Kʼoeˇ naˇ, yaw sahˇ laꞈ kʼoeˇ Kaˬnaˆ tsawˇ haˬ deuˬ-ahˇ aˬ yawꞈ paˇ mawˇ-awˇ, Miˬyehˇ gʼaˇ duˬ ngehˬ dah-eu laꞈ kʼoeˇ heu loꞈ-ehˇ ehˇ-eu meh.
“Naw maꞈ-euˬ miˇ kʼahˬ-aˬ, ziꞈ dah ni gʼeh-awˇ,
Lo guˇ uˬ gʼmˬ-ahˇ jaˆ-eu aˇ jiˇ bahˬ loꞈ-ehˇ,
tiˬ jeˬ-ahˇ-iˬ guˆ kʼaˇ maˬ za-a.
22Ehˇ kʼawꞈ, Kaˬnaˆ tsawˇ haˬ deuˬ-oˇ,
Aˬshuˇliˆ tsawˇ haˬ deuˬ naw maꞈ-ahˇ nyehꞈ le ngeh,
naw maꞈ ya luˬ ya seˇ-iˇ tehꞈ-a.”
23Miˬyehˇ gʼaˇ duˬ ngehˬ dah-eu laꞈ kʼoeˇ, Baˬlamˬ heu loꞈ-ehˇ paˇ ehˇ-eu meh.
“Laꞈ taˆ paw kʼahˬ-ahˇ uiˬ leˇ taˬ-awˇ
jawˇ-eu teu deuˬ aˬ suˇ gʼaˬ-a.
24Guˇbaˬluˇ paw neh aˬ cawˬ guiˇ deuˆ ahˇ laꞈ tehꞈ-a.
1 Aˬshuˇliˆ miˇ kʼahˬ hawˇ-eu Eˬbaˬ miˇ kʼahˬ-ahˇ
aˬ yawꞈ maꞈ deuˆ gʼaˬ tehꞈ-a.
Ehˇ kʼawꞈ, aˬ yawꞈ maꞈ gʼeh mˬ maˬ maˬ byaˆ
zaˇ ziˇ ya luˬ ya seˇ-iˇ tehꞈ-a.”
25Kʼoeˇ naˇ, Baˬlamˬ lehˬ hmˬ-awˇ gʼoꞈ-iˇ-euˬ meh. Baˬlehˇ gʼaˬ gʼeh, yawˬ ha-euˬ gaˇ ma yawˬ ha iˇ gʼeh-euˬ meh.
Currently Selected:
Bawˇtsahˬ 24: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Bawˇtsahˬ 24
24
1Nymˬ-mˇ poˆ jawˇ-aˬ, Sahˬpaˬ Miˬyehˇ aˬ yawꞈ-ahˇ Iˇsaˬleˬlaˆ tsawˇ haˬ deuˬ kʼoeˇ taˆ dawˬ bi ngehˬ gʼeh mawꞈ-eu Baˬlamˬ siˬ duˬ-euˬ miˇ neh, yaw beh loꞈ-ehˇ ja maw maw maw-ehˇ maˬ jawˇ ni, bawˇ tsahˬ bawˇ dahˇ paw haw ka gʼeh-euˬ meh. 2Kʼoeˇ ngeh, Iˇsaˬleˬlaˆ tsawˇ jeuˬ aˬ yawꞈ jeuˬ yawꞈ, yawˬ ha-euˬ jawˇ duˬ-ahˇ yawˬ ha jawˇ naˬ luꞈ gaˇ Baˬlamˬ ya mawˇ-euˬ meh. Miˬyehˇ-euˬ yaw sahˇ aˬ yawꞈ-ahˇ uˆ lahˇ le-awˇ, 3Miˬyehˇ gʼaˇ duˬ ngeh dah-eu laꞈ kʼoeˇ aˬ yawꞈ heu loꞈ-ehˇ ehˇ-eu meh.
“Beˬyoˇ-euˬ aˬli Baˬlamˬ-euˬ dawˬ,
haw duˬ mawˇ duˬ nya-eu gʼaˬ-euˬ dawˬ,
4Miˬyehˇ-euˬ dawˬ-ahˇ gaˬ nya-eu gʼaˬ-euˬ
dawˬ-aˬ, heu loꞈ-ehˇ ma.
Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ,
yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.
5Iˇsaˬleˬlaˆ tsawˇ haˬ-euˬ sehˬ gʼawˆ deuˬ muiˬ dui dui-awˇ,
6yaw cehˆ yaw cehˆ-ehˇ jaˆ-eu daoˇ aˇ bawˬ-ahˇ maˬ ehˇ,
lawˇ baˬ dawˬ peh jaˆ-eu yaˇ kmˇ-ahˇ maˬ ehˇ,
Sahˬpaˬ Miˬyehˇ neh ka taˬ-euˬ
aˇ jawˬ aˇ bawˇ-ahˇ maˬ ehˇ,
Lawˇ baˬ dawˬ peh dehꞈ-eu siˬ daˬ miˬ shuˬ
aˇ bawˇ-ahˇ maˬ ehˇ, duˇ-eu meh.
7Aˬ yawꞈ maꞈ uˬ yehˇ tiˬ loꞈ za-awˇ,
iˇ cuꞈ za-eu deh yaˇ-ahˇ siˬ yoeˬ sehˬ tehꞈ-a.
Aˬ yawꞈ maꞈ-euˬ sahˬ paˬ-aˬ, sahˬ paˬ Aˬgaˆ
naˆ maˬ tseˇ baoˬ huiˬ-awˇ,
aˬ yawꞈ-euˬ miˇ kʼahˬ huiˬ dui jeˇ dui dui tehꞈ-a.
8Iˇjiˇtuˆ miˇ kʼahˬ laꞈ kʼoeˇ Miˬyehˇ
aˬ yawꞈ maꞈ-ahˇ sheuˬ doˆ laꞈ-euˬ meh.
Aˬ yawꞈ maꞈ gʼaˇ duˬ nehꞈ nyoˬ laꞈ hiˇ loꞈ-ehˇ
aˬ yawꞈ guiˇ deuˆ-euˬ meh.
Aˬ yawꞈ maꞈ-ahˇ muiˇ-eu deuˬ-ahˇ
aˬ yawꞈ maꞈ kawꞈ sehꞈ tehꞈ-a.
Shaˬ yoeˬ ngawˬ kʼehꞈ ngawˬ kʼoeˆ nehˬ-awˇ,
kaˆ myaˬ neh beuˆ byoe nehˬ tehꞈ-a.
9Iˇsaˬleˬlaˆ tsawˇ jeuˬ-aˬ, aˇ laˬ jaˬ shiˇ-ahˇ duˇ-eu meh.
Aˬ yawꞈ yuꞈ kʼaˆ luꞈ ngeh tiˬ gʼaˬ-iˬ maˬ laˆ noeˬ peuˬ-a.
Iˇsaˬleˬlaˆ-ahˇ dawˬ kʼaˇ ngehˬ gʼeh nehˬ-eu
tsawˇ haˬ guiˬ lahˬ za-awˇ,
Iˇsaˬleˬlaˆ-ahˇ yaˬ kʼehˇ kʼaˇ yaˬ-eu tsawˇ haˬ-aˬ,
yaˬ kʼehˇ yaˬ gaˇ ya daˬ tehꞈ-a”
10Kʼoeˇ ngeh, Baˬlehˇ nui ma pehˇ laˇ-awˇ, laꞈ tsuˆ tsuˆ deuˇ taˬ-eu laꞈ kʼoeˇ Baˬlamˬ-ahˇ ehˇ nehˬ-eu, “Ngaˬ-ahˇ muiˇ-eu deuˬ-ahˇ yaˬ kʼehˇ bi yaˬ-eu lehˇ nawˬ-ahˇ ngaˇ kuˇ-euˬ ma. Ehˇ kʼawꞈ, smˬ poˆ keuˆ ni aˬ yawꞈ maꞈ-ahˇ nawˇ dawˬ ngehˬ gʼeh nehˬ-euˬ meh. 11Nymˬ-mˇ nawˇ gʼoꞈ-iˇ-awˬ. Nawˬ-ahˇ laꞈ sawˬ biꞈ ma lehˇ ngaˇ saˇ jaˇ dzaˬ taˬ-euˬ ma. Ehˇ kʼawꞈ, laꞈ sawˬ kʼoeˇ nawˇ maˬ za nya ni Sahˬpaˬ Miˬyehˇ jahˇ-euˬ meh.”
12Baˬlamˬ ehˇ-eu, “Nawˬ neh dawˬ tsaꞈ bi tsaꞈ le-euˬ tsawˇ haˬ deuˬ-ahˇ ngaˇ heu loꞈ-ehˇ ehˇ nehˬ-euˬ ma tawˇ. 13Nawˇ kʼaˇ jaˆ-eu pyuˇ hawˇ-eu shuiˇ deuˬ ngaˬ-ahˇ biꞈ jiˇ laꞈ law hawˇ kʼawꞈ, Sahˬpaˬ Miˬyehˇ-euˬ ehˇ dawˬ leuˇ-awˇ, yawˬ ha-euˬ nui noeˬ ngaˇ maˬ mˇ nya-a. Sahˬpaˬ Miˬyehˇ neh bi ngehˬ bi tmˇ laꞈ-euˬ loꞈ-ehˇ tehꞈ-ehˇ ngaˇ ngehˬ ma tmˇ ma lehˇ ehˇ nehˬ-euˬ ma tawˇ.”
Miˬyehˇ gʼaˇ duˬ Baˬlamˬ dawˬ ngehˬ dah-euˬ aˇ saˬ saˬ-eu poˆ
14Baˬlehˇ-ahˇ Baˬlamˬ ehˇ nehˬ-eu, “Ngaˬ-euˬ tsawˇ haˬ jawˇ gaˇ ngaˇ nymˬ-mˇ gʼoꞈ-iˇ ma. Ngaˇ maˬ gʼoꞈ-iˇ mi naˆ-ehˇ, aˬ kaˇ, Iˇsaˬleˬlaˆ tsawˇ haˬ deuˬ nawˬ-euˬ tsawˇ haˬ deuˬ kʼoeˇ taˆ aˬ joˆ-ehˇ jahˇ nehˬ laꞈ paˬ-ehˇ jaˆ-eu gaˇ kawˆ ehˇ nehˬ yaꞈ nyaˇ.” 15Kʼoeˇ naˇ, Miˬyehˇ gʼaˇ duˬ dawˬ ngeh dah-eu laꞈ kʼoeˇ, aˬ yawꞈ heu loꞈ-ehˇ ehˇ-eu meh.
“Beˬyoˇ-euˬ aˬ li Baˬlamˬ-euˬ dawˬ,
haw duˬ mawˇ duˬ nya-eu gʼaˬ-euˬ dawˬ,
16Miˬyehˇ-euˬ dawˬ-ahˇ gaˬ nya-awˇ, dawˬ tawˆ luꞈ
kʼoeˇ taˆ huiˬ dzehˬ mahˇ dzehˬ-eu
gʼaˬ jawˇ gaˇ neh oe-euˬ zaˬ siˬ nui gahˇ
za-euˬ gʼaˬ-euˬ dawˬ heu loˇ ma.
Baoˬ huiˬ-eu Miˬyehˇ neh mehˬ nehˬ laꞈ-euˬ jeˬ-ahˇ,
yaw sahˇ laꞈ kʼoeˇ maˇ jawˆ ni ngaˇ mawˇ-euˬ ma.
17Aˬ kaˇ keuˆ le-eu aˇ yamˬ-ahˇ ngaˇ haw gʼeh-awˇ,
Iˇsaˬleˬlaˆ tsawˇ jeuˬ-ahˇ ngaˇ mawˇ-euˬ ma.
Yaw shehꞈ bya-eu aˬ guiˇ loꞈ-ehˇ,
aˬ yawꞈ maꞈ-euˬ tsawˇ jeuˬ laꞈ kʼoeˇ,
sahˬpaˬ tiˬ gʼaˬ doˆ laˇ tehꞈ-a.
Aˬ guiˇ smˇ miˇ iˇ-eu loꞈ-ehˇ,
Iˇsaˬleˬlaˆ tsawˇ jeuˬ laꞈ kʼoeˇ,
ja pyuˬ ni ga keuˆ le tehꞈ-a.
Mawˇbaˆ tsawˇ haˬ aˬ yuiꞈ aˬ tsu deuˬ-ahˇ aˬ yawꞈ diˬ-awˇ,
Seˬtaˆ tsawˇ haˬ dawˬ tawˆ luꞈ-ahˇ
aˬ yawꞈ dawꞈ lah nehˬ jiˇ tehꞈ-a.
18Eˬdoˬ miˇ kʼahˬ-ahˇ jawˇ-eu aˬ yawꞈ-ahˇ muiˇ-eu
deuˬ-ahˇ aˬ yawꞈ deuˆ gʼaˬ-eu laꞈ kʼoeˇ,
aˬ yawꞈ maꞈ-euˬ miˇ kʼahˬ deuˆ geuꞈ-awˇ,
Iˇsaˬleˬlaˆ tsawˇ haˬ deuˬ maˬ tsehˆ leˇ ni
guiˇ deuˆ gʼaˬ nawˆ nawˆ tehꞈ-a.
19Iˇsaˬleˬlaˆ tsawˇ jeuˬ neh aˬ yawꞈ maꞈ-ahˇ
nawˬ lah gʼeh-awˇ, meuˬ tiˬ meuˬ-iˬ maˬ dzeˇ-ehˇ
pyeuꞈ-iˇ ngeh keuˆ ni deuˆ tehꞈ-a.”
20Kʼoeˇ naˇ, Aˬmaˬlehˇ tsawˇ haˬ deuˬ-ahˇ yaw sahˇ laꞈ kʼoeˇ Baˬlamˬ ya mawˇ-awˇ, Miˬyehˇ gʼaˇ duˬ ngehˬ dah-eu laꞈ kʼoeˇ heu loꞈ-ehˇ ehˇ-eu meh.
“Aˬmaˬlehˇ miˇ kʼahˬ-aˬ, aˬ cawˬ naˆ maˬ tseˇ
baoˬ huiˬ-eu miˇ kʼahˬ pyeuꞈ kʼawꞈ,
Aˇ saˬ saˬ laˇ ngeh, mˬ maˬ maˬ byaˆ zaˇ ziˇ
ya cawˆ-iˇ tehꞈ-a.”
21Kʼoeˇ naˇ, yaw sahˇ laꞈ kʼoeˇ Kaˬnaˆ tsawˇ haˬ deuˬ-ahˇ aˬ yawꞈ paˇ mawˇ-awˇ, Miˬyehˇ gʼaˇ duˬ ngehˬ dah-eu laꞈ kʼoeˇ heu loꞈ-ehˇ ehˇ-eu meh.
“Naw maꞈ-euˬ miˇ kʼahˬ-aˬ, ziꞈ dah ni gʼeh-awˇ,
Lo guˇ uˬ gʼmˬ-ahˇ jaˆ-eu aˇ jiˇ bahˬ loꞈ-ehˇ,
tiˬ jeˬ-ahˇ-iˬ guˆ kʼaˇ maˬ za-a.
22Ehˇ kʼawꞈ, Kaˬnaˆ tsawˇ haˬ deuˬ-oˇ,
Aˬshuˇliˆ tsawˇ haˬ deuˬ naw maꞈ-ahˇ nyehꞈ le ngeh,
naw maꞈ ya luˬ ya seˇ-iˇ tehꞈ-a.”
23Miˬyehˇ gʼaˇ duˬ ngehˬ dah-eu laꞈ kʼoeˇ, Baˬlamˬ heu loꞈ-ehˇ paˇ ehˇ-eu meh.
“Laꞈ taˆ paw kʼahˬ-ahˇ uiˬ leˇ taˬ-awˇ
jawˇ-eu teu deuˬ aˬ suˇ gʼaˬ-a.
24Guˇbaˬluˇ paw neh aˬ cawˬ guiˇ deuˆ ahˇ laꞈ tehꞈ-a.
1 Aˬshuˇliˆ miˇ kʼahˬ hawˇ-eu Eˬbaˬ miˇ kʼahˬ-ahˇ
aˬ yawꞈ maꞈ deuˆ gʼaˬ tehꞈ-a.
Ehˇ kʼawꞈ, aˬ yawꞈ maꞈ gʼeh mˬ maˬ maˬ byaˆ
zaˇ ziˇ ya luˬ ya seˇ-iˇ tehꞈ-a.”
25Kʼoeˇ naˇ, Baˬlamˬ lehˬ hmˬ-awˇ gʼoꞈ-iˇ-euˬ meh. Baˬlehˇ gʼaˬ gʼeh, yawˬ ha-euˬ gaˇ ma yawˬ ha iˇ gʼeh-euˬ meh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.