Maꞈtehˬ 3
3
Iˇ cuꞈ shawˇ-eu Yoˇhaˬ dawˬ mehˬ mehˬ-euˬ
(Maˬkuˆ 1.1-8; Luˇkaꞈ 3.1-18; Yoˇhaˬ 1.19-28)
1Aˇ nah aˇ yamˬ kʼoeˇ yamˬ laꞈ kʼoeˇ, Iˇ cuꞈ shawˇ-eu Yoˇhaˬ lehˇ myahˇ-euˬ gʼaˬ, Yuˇdaˆ miˇ kʼahˬ kʼaˇ shuiꞈ deh yaˇ bawˇ tsahˬ bawˇ dahˇ laꞈ kʼoeˇ, heu loꞈ-ehˇ dawˬ mehˬ mehˬ le-euˬ meh. 2“Mˬ taˆ miˇ kʼahˬ keuˆ le shaw-iˬ meh. Iˬ baˇ noeˬ poˆ-awˬ.” 3Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ-euˬ dawˬ heu dawˬ-aˬ, Yoˇhaˬ-ahˇ ehˇ-euˬ dawˬ pyeuꞈ-eu meh.
“Bawˇ tsahˬ bawˇ dahˇ laꞈ kʼoeˇ jawˇ-awˇ,
heu loꞈ-ehˇ tiˬ gʼaˬ guˇ luꞈ meh.
‘SahˬpaˬMiˬyehˇ oe-eu gʼaˇ duˬ,
gaˇ ma lehˬ hmˬ laˆ saˆ taˬ-awˬ.
Aˬ yawꞈ oe-eu gaˇ ma tiˬ kahˇ,
dawˇ coe ni shaˇ dahˇ doˆ taˬ-awˬ.’ ”
4Yoˇhaˬ-aˬ, law taw caꞈ hm neh zaꞈ taˬ-euˬ mehˬ tsoeˬ dm-awˇ, shaˬ kʼoˆ joꞈ paꞈ paꞈ luꞈ-eu meh. Aˬ yawꞈ dzaˬ-eu dzaˇ-aˬ, nyehˇ bahˇ hawˇ-eu bawˇ tsahˬ byaˬ byaˬ uiˇ meh. 5Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ maˬ ehˇ, Yuˇdaˆ miˇ kʼahˬ doe ni jawˇ-eu tsawˇ haˬ deuˬ maˬ ehˇ, Yawˇdaˬ lawˇ baˬ dawˬ peh jawˇ-eu tsawˇ haˬ deuˬ maˬ ehˇ, aˬ yawꞈ jawˇ gaˇ laˇ-eu meh. 6Aˬ yawꞈ maꞈ yawˬ ha-euˬ iˬ baˇ ja doˆ jiˇ-awˇ, Yawˇdaˬ lawˇ baˬ laꞈ kʼoeˇ Yoˇhaˬ neh iˇ cuꞈ bi shawˇ nehˬ-euˬ meh.
7Paˬliˬsehˇ#3.7 “Paˬliˬsehˇ” lehˇ ehˇ-eu-aˬ, Yuˇdaˆ tsawˇ haˬ uˬ duˬ tahˬ-eu zahˇ sahˇ kʼoꞈ-ahˇ taꞈ-eu aˇ muˇ tiˬ muˇ meh. Aˬ yawꞈ maꞈ-aˬ, yawˬ haˇ yawˬ ha aˬ cawˬ naˆ maˬ tseˇ muiˬ dzehˬ shawˇ dzehˬ ma lehˇ noeˬ-awˇ, zahˇ oeˇ kʼoꞈ oeˇ-ahˇ ziꞈ dah ni tuˆ tehˬ taˬ-euˬ tsawˇ haˬ deuˬ pyeuꞈ-eu meh. deuˬ hawˇ-eu Saˬduˬgehˇ#3.7 “Saˬduˬgehˇ” lehˇ ehˇ-eu-aˬ, Paˬliˬsehˇ deuˬ-ahˇ maˬ duˇ-eu aˇ muˇ tiˬ muˇ meh. Pyuˇ shuiˇ jaˆ-awˇ tsawˇ gahˇ ahˇ-eu aˇ muˇ pyeuꞈ-eu meh. Gʼoꞈ dehꞈ laˇ-eu gaˇ kawˆ-ahˇ maˬ ehˇ, mˬ taˆ gʼaˬ kʼehˇ jawˇ-eu gaˇ kawˆ-ahˇ maˬ ehˇ, yaw sahˇ jawˇ meh lehˇ ehˇ-eu gaˇ kawˆ-ahˇ maˬ ehˇ, aˬ yawꞈ maꞈ maˬ jah-a.(Gʼaˬkʼehˇ 23.8) deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ. 8Naw maꞈ iˬ baˇ noeˬ poˆ-euˬ gaˇ kawˆ bya cehˆ ni siˬ duˬ mawˇ duˬ laˇ paˬ-ehˇ dehꞈ-awˬ. 9Aˬbyaˬhaˬ naw maꞈ-euˬ aˬ da ma lehˇ ehˇ naˇ, kʼehˬ-eu kʼaˆ-eu jeˬ-ahˇ ya buˬ-iˇ ma lehˇ naw maꞈ taˬ noeˬ. Ngaˇ naw maꞈ-ahˇ ehˇ nehˬ nyaˇ. Kʼaˬ lo heu deuˬ kʼawꞈ Aˬbyaˬhaˬ-euˬ zaˬ pyeuꞈ jiˇ laˇ ni Miˬyehˇ jahˇ nya meh. 10Aˇ bawˇ duˬ ciˇ-ahˇ tuˆ ni tuˇ coˬ-eu gʼaˇ duˬ, deuˆ haˬ lehˬ hmˬ taˬ-euˬ meh. Aˇ siˬ yaw muiˬ paˬ-ehˇ maˬ siˬ le-eu aˇ bawˇ deuˬ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a. 11Naw maꞈ iˬ baˇ noeˬ poˆ-euˬ gaˇ kawˆ bi siˬ bi mawˇ-eu gʼaˇ duˬ, iˇ cuꞈ neh naw maꞈ-ahˇ ngaˇ iˇ cuꞈ shawˇ nehˬ ma. Ehˇ kʼawꞈ, ngaˬ-euˬ mehˬ nah oe luꞈ-eu gʼaˬ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu, miˬ dzaˬ laꞈ kʼoeˇ naw maꞈ-ahˇ iˇ cuꞈ shawˇ nehˬ laꞈ tehꞈ-a. Aˬ yawꞈ-aˬ, ngaˇ naˆ maˬ tseˇ huiˬ dui mahˇ dui dui-awˇ, ngaˇ-aˬ, aˬ yawꞈ-euˬ sehˬ nawˆ yuˇ nehˬ-eu tehꞈ-ehˇ kʼawꞈ maˬ geuˇ nya. 12Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”
Yoˇhaˬ neh Yeˬsuˇ-ahˇ iˇ cuꞈ shawˇ nehˬ-euˬ
(Maˬkuˆ 1.9-11; Luˇkaꞈ 3.21-22)
13Kʼoeˇ ngeh, Yeˬsuˇ-aˬ, Yoˇhaˬ neh iˇ cuꞈ bi shawˇ nehˬ-eu gʼaˇ duˬ, Gaˬliˬlehˇ miˇ kʼahˬ-ahˇ neh Yawˇdaˬ lawˇ baˬ-ahˇ, Yoˇhaˬ jawˇ gaˇ oe-euˬ meh. 14Yoˇ haˬ Yeˬsuˇ-ahˇ iˇ cuꞈ shawˇ nehˬ-eu maˬ noeˬ doˆ coeˇ-ehˇ ehˇ-eu, “Ngaˇ-aˬ, nawˬ neh iˇ cuꞈ bi shawˇ paˬ-ehˇ gʼeh-eu tsawˇ haˬ ma. Ngaˬ neh iˇ cuꞈ bi shawˇ nehˬ-eu lehˇ nawˇ oe teˬ loˇ.”
15Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.
16Yeˬsuˇ iˇ cuꞈ shawˇ gʼaˬ-awˇ, iˇ cuꞈ laꞈ kʼoeˇ neh doˆ laˇ ngeh, mˬ pah le-awˇ, Miˬyehˇ-euˬ Yaw sahˇ kʼaˬ kʼoeˬ loꞈ-ehˇ zaꞈ le-awˇ, aˬ yawꞈ kʼoeˇ taˆ ga dawꞈ le gaˇ ya mawˇ-euˬ meh. 17“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.
Currently Selected:
Maꞈtehˬ 3: AHK
Highlight
Share
Copy
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Maꞈtehˬ 3
3
Iˇ cuꞈ shawˇ-eu Yoˇhaˬ dawˬ mehˬ mehˬ-euˬ
(Maˬkuˆ 1.1-8; Luˇkaꞈ 3.1-18; Yoˇhaˬ 1.19-28)
1Aˇ nah aˇ yamˬ kʼoeˇ yamˬ laꞈ kʼoeˇ, Iˇ cuꞈ shawˇ-eu Yoˇhaˬ lehˇ myahˇ-euˬ gʼaˬ, Yuˇdaˆ miˇ kʼahˬ kʼaˇ shuiꞈ deh yaˇ bawˇ tsahˬ bawˇ dahˇ laꞈ kʼoeˇ, heu loꞈ-ehˇ dawˬ mehˬ mehˬ le-euˬ meh. 2“Mˬ taˆ miˇ kʼahˬ keuˆ le shaw-iˬ meh. Iˬ baˇ noeˬ poˆ-awˬ.” 3Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ-euˬ dawˬ heu dawˬ-aˬ, Yoˇhaˬ-ahˇ ehˇ-euˬ dawˬ pyeuꞈ-eu meh.
“Bawˇ tsahˬ bawˇ dahˇ laꞈ kʼoeˇ jawˇ-awˇ,
heu loꞈ-ehˇ tiˬ gʼaˬ guˇ luꞈ meh.
‘SahˬpaˬMiˬyehˇ oe-eu gʼaˇ duˬ,
gaˇ ma lehˬ hmˬ laˆ saˆ taˬ-awˬ.
Aˬ yawꞈ oe-eu gaˇ ma tiˬ kahˇ,
dawˇ coe ni shaˇ dahˇ doˆ taˬ-awˬ.’ ”
4Yoˇhaˬ-aˬ, law taw caꞈ hm neh zaꞈ taˬ-euˬ mehˬ tsoeˬ dm-awˇ, shaˬ kʼoˆ joꞈ paꞈ paꞈ luꞈ-eu meh. Aˬ yawꞈ dzaˬ-eu dzaˇ-aˬ, nyehˇ bahˇ hawˇ-eu bawˇ tsahˬ byaˬ byaˬ uiˇ meh. 5Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ maˬ ehˇ, Yuˇdaˆ miˇ kʼahˬ doe ni jawˇ-eu tsawˇ haˬ deuˬ maˬ ehˇ, Yawˇdaˬ lawˇ baˬ dawˬ peh jawˇ-eu tsawˇ haˬ deuˬ maˬ ehˇ, aˬ yawꞈ jawˇ gaˇ laˇ-eu meh. 6Aˬ yawꞈ maꞈ yawˬ ha-euˬ iˬ baˇ ja doˆ jiˇ-awˇ, Yawˇdaˬ lawˇ baˬ laꞈ kʼoeˇ Yoˇhaˬ neh iˇ cuꞈ bi shawˇ nehˬ-euˬ meh.
7Paˬliˬsehˇ#3.7 “Paˬliˬsehˇ” lehˇ ehˇ-eu-aˬ, Yuˇdaˆ tsawˇ haˬ uˬ duˬ tahˬ-eu zahˇ sahˇ kʼoꞈ-ahˇ taꞈ-eu aˇ muˇ tiˬ muˇ meh. Aˬ yawꞈ maꞈ-aˬ, yawˬ haˇ yawˬ ha aˬ cawˬ naˆ maˬ tseˇ muiˬ dzehˬ shawˇ dzehˬ ma lehˇ noeˬ-awˇ, zahˇ oeˇ kʼoꞈ oeˇ-ahˇ ziꞈ dah ni tuˆ tehˬ taˬ-euˬ tsawˇ haˬ deuˬ pyeuꞈ-eu meh. deuˬ hawˇ-eu Saˬduˬgehˇ#3.7 “Saˬduˬgehˇ” lehˇ ehˇ-eu-aˬ, Paˬliˬsehˇ deuˬ-ahˇ maˬ duˇ-eu aˇ muˇ tiˬ muˇ meh. Pyuˇ shuiˇ jaˆ-awˇ tsawˇ gahˇ ahˇ-eu aˇ muˇ pyeuꞈ-eu meh. Gʼoꞈ dehꞈ laˇ-eu gaˇ kawˆ-ahˇ maˬ ehˇ, mˬ taˆ gʼaˬ kʼehˇ jawˇ-eu gaˇ kawˆ-ahˇ maˬ ehˇ, yaw sahˇ jawˇ meh lehˇ ehˇ-eu gaˇ kawˆ-ahˇ maˬ ehˇ, aˬ yawꞈ maꞈ maˬ jah-a.(Gʼaˬkʼehˇ 23.8) deuˬ kʼawꞈ, Yoˇhaˬ neh iˇ cuꞈ bi shawˇ-eu lehˇ oe luꞈ gaˇ Yoˇhaˬ ya mawˇ ngeh, heu loꞈ-ehˇ ehˇ nehˬ-euˬ meh. “Aˇ lawˇ uiˇ naˆ-euˬ zaˬ deuˬ-oˇ, Miˬyehˇ neh lehˬ hmˬ taˬ-euˬ kʼehˬ-eu kʼaˆ-eu jeˬ-ahˇ ya buˬ-iˇ ni jahˇ-awˬ lehˇ, naw maꞈ-ahˇ aˬ suˇ gʼaˬ ehˇ nehˬ laꞈ taˬ. 8Naw maꞈ iˬ baˇ noeˬ poˆ-euˬ gaˇ kawˆ bya cehˆ ni siˬ duˬ mawˇ duˬ laˇ paˬ-ehˇ dehꞈ-awˬ. 9Aˬbyaˬhaˬ naw maꞈ-euˬ aˬ da ma lehˇ ehˇ naˇ, kʼehˬ-eu kʼaˆ-eu jeˬ-ahˇ ya buˬ-iˇ ma lehˇ naw maꞈ taˬ noeˬ. Ngaˇ naw maꞈ-ahˇ ehˇ nehˬ nyaˇ. Kʼaˬ lo heu deuˬ kʼawꞈ Aˬbyaˬhaˬ-euˬ zaˬ pyeuꞈ jiˇ laˇ ni Miˬyehˇ jahˇ nya meh. 10Aˇ bawˇ duˬ ciˇ-ahˇ tuˆ ni tuˇ coˬ-eu gʼaˇ duˬ, deuˆ haˬ lehˬ hmˬ taˬ-euˬ meh. Aˇ siˬ yaw muiˬ paˬ-ehˇ maˬ siˬ le-eu aˇ bawˇ deuˬ bi tuˇ dzeh-awˇ, miˬ dzaˬ-ahˇ bi baꞈ puiˆ tehꞈ-a. 11Naw maꞈ iˬ baˇ noeˬ poˆ-euˬ gaˇ kawˆ bi siˬ bi mawˇ-eu gʼaˇ duˬ, iˇ cuꞈ neh naw maꞈ-ahˇ ngaˇ iˇ cuꞈ shawˇ nehˬ ma. Ehˇ kʼawꞈ, ngaˬ-euˬ mehˬ nah oe luꞈ-eu gʼaˬ-aˬ, Muiˬ-eu shawˇ-eu Yaw sahˇ Miˬyehˇ laꞈ kʼoeˇ hawˇ-eu, miˬ dzaˬ laꞈ kʼoeˇ naw maꞈ-ahˇ iˇ cuꞈ shawˇ nehˬ laꞈ tehꞈ-a. Aˬ yawꞈ-aˬ, ngaˇ naˆ maˬ tseˇ huiˬ dui mahˇ dui dui-awˇ, ngaˇ-aˬ, aˬ yawꞈ-euˬ sehˬ nawˆ yuˇ nehˬ-eu tehꞈ-ehˇ kʼawꞈ maˬ geuˇ nya. 12Aˬ yawꞈ-euˬ aˬ laꞈ-ahˇ, cehˇ baw shawˇ-eu baw seu tuˆ tehˬ taˬ-euˬ meh. Cehˇ maˇ deuˬ-ahˇ cehˇ jiˇ laꞈ kʼoeˇ pi ahˇ-awˇ, cehˇ kʼawꞈ deuˬ-ahˇ-aˬ, tiˬ jawˇ-iˬ maˬ miˆ-iˇ-eu miˬ dzaˬ tsawˬ bu laꞈ kʼoeˇ baꞈ puiˆ tehꞈ-a.”
Yoˇhaˬ neh Yeˬsuˇ-ahˇ iˇ cuꞈ shawˇ nehˬ-euˬ
(Maˬkuˆ 1.9-11; Luˇkaꞈ 3.21-22)
13Kʼoeˇ ngeh, Yeˬsuˇ-aˬ, Yoˇhaˬ neh iˇ cuꞈ bi shawˇ nehˬ-eu gʼaˇ duˬ, Gaˬliˬlehˇ miˇ kʼahˬ-ahˇ neh Yawˇdaˬ lawˇ baˬ-ahˇ, Yoˇhaˬ jawˇ gaˇ oe-euˬ meh. 14Yoˇ haˬ Yeˬsuˇ-ahˇ iˇ cuꞈ shawˇ nehˬ-eu maˬ noeˬ doˆ coeˇ-ehˇ ehˇ-eu, “Ngaˇ-aˬ, nawˬ neh iˇ cuꞈ bi shawˇ paˬ-ehˇ gʼeh-eu tsawˇ haˬ ma. Ngaˬ neh iˇ cuꞈ bi shawˇ nehˬ-eu lehˇ nawˇ oe teˬ loˇ.”
15Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.
16Yeˬsuˇ iˇ cuꞈ shawˇ gʼaˬ-awˇ, iˇ cuꞈ laꞈ kʼoeˇ neh doˆ laˇ ngeh, mˬ pah le-awˇ, Miˬyehˇ-euˬ Yaw sahˇ kʼaˬ kʼoeˬ loꞈ-ehˇ zaꞈ le-awˇ, aˬ yawꞈ kʼoeˇ taˆ ga dawꞈ le gaˇ ya mawˇ-euˬ meh. 17“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.