Uˬ duˬ 4
4
Maˬ noeˬ maˬ duˇ-ehˇ mˇ lehˬ-euˬ Iˬ baˇ gʼaˇ duˬ lawˇ-eu shehˇ-eu jeˬ
1Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. 2Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ naˇ, zahˇ sahˇ kʼoꞈ heu deuˬ-ahˇ ya caw teh meh lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.
3Piˇ ma yaw huiˬ gʼaˬ iˬ baˇ mˇ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ iˬ baˇ keuˆ le naˇ, maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ aˬ yawꞈ tsahˇ laꞈ-awˇ, aˬ yawꞈ-euˬ iˬ baˇ gʼaˇ duˬ, Sahˬpaˬ Miˬyehˇ-ahˇ ya lawˇ meh. 4Mawˇ neˇ kʼoeˇ mawˇ sehˬ gʼawˆ gʼoˆ kʼehˬ-ahˇ aˬ yawꞈ tsahˇ laꞈ-awˇ, mawˇ neˇ-euˬ uˬ duˬ kʼoeˇ taˆ, aˬ yawꞈ-euˬ aˬ laꞈ ya baꞈ daˆ meh. Kʼoeˇ gaˇ, Sahˬpaˬ Miˬyehˇ mehˬ shi, mawˇ neˇ kʼoeˇ mawˇ aˬ yawꞈ ya sehꞈ meh. 5Kʼoeˇ naˇ, Piˇ ma Yaw huiˬ gʼaˬ Sehˬ gʼawˆ laꞈ kʼoeˇ mawˇ neˇ kʼoeˇ mawˇ-euˬ shiˬ ui cuiˆ ya yuˇ ahˇ gʼeh meh. 6Aˬ yawꞈ-euˬ laꞈ noeˇ shiˬ laꞈ kʼoeˇ cawˬ duiˆ-awˇ, lawˆ kaˬ taw taˬ-euˬ muiˬ-eu shawˇ-eu saˬ paˇ mehˬ shi, shiꞈ poˆ keuˆ ni ya byaˆ shehˬ meh. 7Kʼoeˇ naˇ, Sehˬ gʼawˆ laꞈ coeˇ jaˆ-eu yaw saw jeˬ lawˇ-eu lawˇ duˬ-euˬ laꞈ coeˇ oeˬ coeˇ-ahˇ tsoꞈ-eu uˬ coeˇ deuˬ-ahˇ, shiˬ kʼoeˇ ui cuiˆ yuˇ-awˇ ya lehꞈ meh. Dzehˬ laˇ-euˬ shiˬ deuˬ aˬ yawꞈ yuˇ-awˇ, Sehˬ gʼawˆ gʼoˆ kʼehˬ-ahˇ jaˆ-eu miˬ dzaˬ dzah puiˆ-awˇ lawˇ-eu lawˇ duˬ-euˬ dawˬ pehˬ-ahˇ ya shehˆ meh. 8Mawˇ neˇ kʼoeˇ mawˇ laꞈ kʼoeˇ kʼaˇ ahˇ-eu tsiˇ dawˬ tawˆ luꞈ aˬ yawꞈ ya yuˇ doˆ meh. Tsahˬ nahˬ uˇ jiˇ-ahˇ kʼaˇ dawꞈ-eu tsiˇ maˬ ehˇ, 9gʼawˬ siˬ hawˇ-eu kʼoeˇ gaˇ dawꞈ-eu tsiˇ deuˬ maˬ ehˇ, muiˬ dui dui-eu shaˬ tsahˬ ui cuiˆ maˬ ehˇ, aˬ yawꞈ ya yuˇ doˆ meh. 10Cawˬ cawˬ taꞈ-eu lawˇ-eu jeˬ gʼaˇ duˬ sehꞈ-euˬ jeˬ zaˬ-euˬ tsiˇ yuˇ-awˇ lawˇ ngeh loꞈ-ehˇ, mawˇ neˇ kʼoeˇ mawˇ-euˬ tsiˇ kʼoeˇ piˇ ma gʼaˬ yuˇ-awˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ-eu lawˇ duˬ k oeˇ taˆ puiˆ-awˇ ya lawˇ meh. 11Ehˇ kʼawꞈ, mawˇ neˇ kʼoeˇ mawˇ-euˬ baˆ kʼoˆ, shaˬ jiˇ, uˬ duˬ, aˬ kuiˇ aˬ laꞈ, tsahˬ nahˬ uˇ jiˇ hawˇ-eu baw uˇ baw ma dawˬ tawˆ luꞈ-ahˇ, 12Sehˬ gʼawˆ-euˬ laꞈ nyiˇ paw kʼaˬ lehˇ tawˆ dzeh-eu muiˬ-eu shawˇ-eu jawˇ duˬ-ahˇ aˬ yawꞈ yuˇ gʼeh-awˇ, miˬ dzaˬ ya dzah puiˆ meh.
13Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ-awˇ, iˬ baˇ doˆ laˇ naˇ, 14iˬ baˇ ahˇ-eu gaˇ kawˆ siˬ laˇ-eu nehˬ-ehˇ tiˬ poˆ tehꞈ-ehˇ, mawˇ neˇ mawˇ gaw zaˬ tiˬ mawˇ aˬ yawꞈ maꞈ tsahˇ laꞈ-awˇ, iˬ baˇ tsiˬ shawˇ-eu lawˇ-eu jeˬ aˬ yawꞈ maꞈ ya lawˇ meh. Mawˇ neˇ mawˇ gaw zaˬ kʼoeˇ mawˇ-ahˇ, Sahˬpaˬ miˬyehˇ jawˇ-eu Sehˬ gʼawˆ mehˬ shi aˬ yawꞈ maꞈ ya tsahˇ keuˆ laꞈ meh. 15Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ aˬ yuiꞈ aˬ tsu geuꞈ-eu deuˬ, mawˇ neˇ kʼoeˇ mawˇ-euˬ kʼoeˇ taˆ aˬ laꞈ baꞈ daˆ-awˇ, kʼoeˇ gaˇ ya sehꞈ meh. 16Piˇ ma Yaw huiˬ gʼaˬ Sehˬ gʼawˆ laꞈ kʼoeˇ mawˇ neˇ kʼoeˇ mawˇ-euˬ shiˬ ui cuiˆ ya yuˇ ahˇ gʼeh meh. 17Aˬ yawꞈ-euˬ laꞈ noeˇ shiˬ kʼoeˇ-euˬ laꞈ kʼoeˇ cawˬ duiˆ-awˇ, lawˆ kaˬ taw taˬ-euˬ saˬ paˇ mehˬ shi, shiꞈ poˆ keuˆ ni ya byaˆ shehˬ meh. 18Sehˬ gʼawˆ laꞈ kʼoeˇ jaˆ-eu yaw saw jeˬ lawˇ-eu lawˇ duˬ-euˬ laꞈ coeˇ oeˬ coeˇ-ahˇ tsoꞈ-eu uˬ coeˇ deuˬ-ahˇ, shiˬ kʼoeˇ neh lehꞈ-awˇ, dzehˬ laˇ taˬ-euˬ shiˬ kʼoeˇ deuˬ aˬ yawꞈ yuˇ-awˇ, Sehˬ gʼawˆ gʼoˆ kʼehˬ-ahˇ jaˆ-eu miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ dawˬ pehˬ-ahˇ ya shehˆ meh. 19Mawˇ neˇ kʼoeˇ mawˇ-euˬ tsiˇ dawˬ tawˆ luꞈ aˬ yawꞈ yuˇ-awˇ, lawˇ duˬ kʼoeˇ taˆ ya dzah puiˆ meh. 20Iˬ baˇ shawˇ-eu lawˇ-eu jeˬ lawˇ ngeh sehꞈ-awˇ lawˇ-euˬ mawˇ neˇ mawˇ gaw kʼoeˇ mawˇ-ahˇ aˬ yawꞈ lawˇ-euˬ loꞈ-ehˇ, heu mawˇ-ahˇ kʼawꞈ, kʼoeˇ loꞈ-ehˇ ya lawˇ meh. Kʼoeˇ loꞈ-ehˇ, Iˇsaˬleˬlaˆ tsawˇ haˬ deuˬ-euˬ iˬ baˇ gʼaˇ duˬ lawˇ-eu shehˇ-eu jeˬ aˬ yawꞈ maꞈ mˇ-awˇ, Iˇsaˬleˬlaˆ tsawˇ haˬ deuˬ iˬ baˇ ya buˬ-iˇ-eu meh. 21Kʼoeˇ naˇ, aˬ yawꞈ-euˬ iˬ baˇ gʼaˇ duˬ lawˇ-euˬ mawˇ neˇ mawˇ gaw kʼoeˇ mawˇ-ahˇ dzah puiˆ-euˬ loꞈ-ehˇ, heu mawˇ-ahˇ kʼawꞈ, Sehˬ gʼawˆ laꞈ nyiˇ yuˇ doˆ-awˇ, ya dzah puiˆ meh. Heu-aˬ, Iˇsaˬleˬlaˆ tsawˇ haˬ aˇ maꞈ aˇ muˇ deuˬ-euˬ iˬ baˇ yuˇ dzeh-eu gʼaˇ duˬ lawˇ-eu jeˬ pyeuꞈ-eu meh.
22Aˬ yuiꞈ aˬ tsu geuꞈ-awˇ uˆ lahˇ-eu tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ naˇ, 23aˬ yawꞈ iˬ baˇ ahˇ-eu gaˇ kawˆ yawˬ haˇ yawˬ ha siˬ leˇ-eu nehˬ-ehˇ tiˬ poˆ tehꞈ-ehˇ, aˬ yawꞈ-euˬ iˬ baˇ aˇ poeˬ lawˇ-eu gʼaˇ duˬ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ aˬ yawꞈ ya tsahˇ laꞈ meh. 24Ciꞈ myehꞈ kʼoeˇ mawˇ-euˬ uˬ duˬ kʼoeˇ taˆ aˬ yawꞈ aˬ laꞈ baꞈ daˆ-awˇ, miˬ dzaˬ dzah puiˆ-awˇ lawˇ-eu jeˬ zaˬ deuˬ-ahˇ sehꞈ-eu jawˇ duˬ pyeuꞈ-eu lawˇ duˬ laꞈ taˆ paw pyawˬ kʼoeˇ tsahˇ-ahˇ, ciꞈ myehꞈ kʼoeˇ mawˇ-ahˇ aˬ yawꞈ ya sehꞈ meh. Heu-aˬ, iˬ baˇ yuˇ dzeh-eu lawˇ-eu jeˬ pyeuꞈ-eu meh. 25Piˇ ma gʼaˬ, yawˬ ha-euˬ laꞈ noeˇ jeˬ zaˬ kʼoeˇ mawˇ-euˬ shiˬ laꞈ kʼoeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ, lawˇ duˬ-euˬ dawˬ pehˬ-ahˇ aˬ yawꞈ ya shehˆ meh. 26Cawˬ cawˬ taꞈ-eu lawˇ-eu jeˬ lawˇ ngeh sehꞈ-euˬ jeˬ zaˬ-euˬ tsiˇ dzah puiˆ-euˬ loꞈ-ehˇ, ciꞈ myehꞈ kʼoeˇ mawˇ-euˬ tsiˇ yuˇ-awˇ, lawˇ duˬ kʼoeˇ taˆ aˬ yawꞈ ya dzah puiˆ meh. Kʼoeˇ loꞈ-ehˇ, piˇ ma iˬ baˇ aˇ poeˬ lawˇ-eu jeˬ lawˇ gʼaˬ ngeh, aˬ yuiꞈ geuꞈ-awˇ uˆ lahˇ-eu tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.
27Miˇ kʼahˬ zaˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ-awˇ iˬ baˇ jaˆ laˇ naˇ, 28aˬ yawꞈ iˬ baˇ mˇ gʼaˬ-euˬ gaˇ kawˆ aˬ yawˇ yawꞈ siˬ leˇ-euˬ nehˬ-ehˇ tiˬ poˆ tehꞈ-ehˇ, aˬ yawꞈ-euˬ iˬ baˇ aˇ poeˬ lawˇ-eu gʼaˇ duˬ, maˇ byawꞈ maˬ baw-eu ciꞈ myehꞈ ciꞈ ma tiˬ mawˇ ya tsahˇ laꞈ-eu meh. 29Ciꞈ myehꞈ kʼoeˇ mawˇ-euˬ uˬ duˬ kʼoeˇ taˆ aˬ yawꞈ aˬ laꞈ baꞈ daˆ-awˇ, lawˇ duˬ-eu laꞈ taˆ paw jaˆ-eu miˬ dzaˬ dzah puiˆ-awˇ lawˇ-eu jeˬ zaˬ deuˬ sehꞈ-eu jawˇ duˬ kʼoeˇ tsahˇ-ahˇ, ciꞈ myehꞈ kʼoeˇ mawˇ-ahˇ aˬ yawꞈ ya sehꞈ meh. 30Piˇ ma gʼaˬ, aˬ yawꞈ-euˬ laꞈ noeˇ jeˬ zaˬ kʼoeˇ mawˇ-euˬ shiˬ laꞈ kʼoeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ, lawˇ duˬ dawˬ pehˬ-ahˇ aˬ yawꞈ ya shehˆ meh. 31Kʼoeˇ naˇ, cawˬ cawˬ taꞈ-eu lawˇ-eu jeˬ lawˇ ngeh sehꞈ-euˬ jeˬ zaˬ-euˬ tsiˇ deuˬ yuˇ doˆ-euˬ loꞈ-ehˇ, ciꞈ myehꞈ kʼoeˇ mawˇ-euˬ tsiˇ dawˬ tawˆ luꞈ aˬ yawꞈ yuˇ doˆ-awˇ, lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ ni, ciꞈ myehꞈ kʼoeˇ mawˇ-ahˇ, lawˇ duˬ kʼoeˇ taˆ dzah puiˆ-awˇ ya lawˇ meh. Kʼoeˇ loꞈ-ehˇ, piˇ ma gʼaˬ tsawˇ haˬ kʼoeˇ gʼaˬ-euˬ iˬ baˇ gʼaˇ duˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.
32Tsawˇ haˬ tiˬ gʼaˬ, iˬ baˇ tsiˬ shawˇ-eu lawˇ-eu jeˬ lawˇ-eu gʼaˇ duˬ yawˇ tsahˇ laꞈ ngeh, maˇ byawꞈ maˬ baw-eu yawˇ aˬ ma tiˬ mawˇ ya tsahˇ laꞈ meh. 33Yawˇ kʼoeˇ mawˇ-euˬ uˬ duˬ kʼoeˇ taˆ aˬ yawꞈ aˬ laꞈ baꞈ daˆ-awˇ, miˬ dzaˬ-ahˇ dzah puiˆ-awˇ lawˇ-eu jeˬ zaˬ deuˬ sehꞈ-eu jawˇ duˬ pyeuꞈ-eu, lawˇ duˬ-euˬ laꞈ taˆ paw pyawˬ-ahˇ jaˆ-eu jawˇ duˬ kʼoeˇ tsahˇ-ahˇ, yawˇ kʼoeˇ mawˇ-ahˇ aˬ yawꞈ ya sehꞈ meh. 34Piˇ ma gʼaˬ, aˬ yawꞈ-euˬ laꞈ noeˇ jeˬ zaˬ kʼoeˇ mawˇ-euˬ shiˬ-ahˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ lawˇ duˬ dawˬ pehˬ-ahˇ aˬ yawꞈ ya shehˆ meh. 35Kʼoeˇ naˇ, cawˬ cawˬ taꞈ-eu lawˇ-eu jeˬ lawˇ ngeh sehꞈ-euˬ yawˇ-euˬ tsiˇ deuˬ yuˇ doˆ-eu loꞈ-ehˇ, yawˇ kʼoeˇ mawˇ-euˬ tsiˇ dawˬ tawˆ luꞈ aˬ yawꞈ yuˇ doˆ-awˇ, Sahˬpaˬ Miˬyehˇ-ahˇ lawˇ nehˬ-eu dzaˬ dzaˬ dawˇ dawˇ lawˇ-eu jeˬ nehˬ-ehˇ tiˬ kawˆ loꞈ-ehˇ, lawˇ duˬ kʼoeˇ taˆ dzah puiˆ-awˇ ya lawˇ meh. Kʼoeˇ loꞈ-ehˇ, piˇ ma gʼaˬ tsawˇ haˬ kʼoeˇ gʼaˬ-euˬ iˬ baˇ gʼaˇ duˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.
Currently Selected:
Uˬ duˬ 4: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Uˬ duˬ 4
4
Maˬ noeˬ maˬ duˇ-ehˇ mˇ lehˬ-euˬ Iˬ baˇ gʼaˇ duˬ lawˇ-eu shehˇ-eu jeˬ
1Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. 2Tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ naˇ, zahˇ sahˇ kʼoꞈ heu deuˬ-ahˇ ya caw teh meh lehˇ Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ.
3Piˇ ma yaw huiˬ gʼaˬ iˬ baˇ mˇ-awˇ, Iˇsaˬleˬlaˆ tsawˇ haˬ deuˬ kʼoeˇ taˆ iˬ baˇ keuˆ le naˇ, maˇ byawꞈ maˬ baw-eu mawˇ neˇ mawˇ gaw zaˬ tiˬ mawˇ aˬ yawꞈ tsahˇ laꞈ-awˇ, aˬ yawꞈ-euˬ iˬ baˇ gʼaˇ duˬ, Sahˬpaˬ Miˬyehˇ-ahˇ ya lawˇ meh. 4Mawˇ neˇ kʼoeˇ mawˇ sehˬ gʼawˆ gʼoˆ kʼehˬ-ahˇ aˬ yawꞈ tsahˇ laꞈ-awˇ, mawˇ neˇ-euˬ uˬ duˬ kʼoeˇ taˆ, aˬ yawꞈ-euˬ aˬ laꞈ ya baꞈ daˆ meh. Kʼoeˇ gaˇ, Sahˬpaˬ Miˬyehˇ mehˬ shi, mawˇ neˇ kʼoeˇ mawˇ aˬ yawꞈ ya sehꞈ meh. 5Kʼoeˇ naˇ, Piˇ ma Yaw huiˬ gʼaˬ Sehˬ gʼawˆ laꞈ kʼoeˇ mawˇ neˇ kʼoeˇ mawˇ-euˬ shiˬ ui cuiˆ ya yuˇ ahˇ gʼeh meh. 6Aˬ yawꞈ-euˬ laꞈ noeˇ shiˬ laꞈ kʼoeˇ cawˬ duiˆ-awˇ, lawˆ kaˬ taw taˬ-euˬ muiˬ-eu shawˇ-eu saˬ paˇ mehˬ shi, shiꞈ poˆ keuˆ ni ya byaˆ shehˬ meh. 7Kʼoeˇ naˇ, Sehˬ gʼawˆ laꞈ coeˇ jaˆ-eu yaw saw jeˬ lawˇ-eu lawˇ duˬ-euˬ laꞈ coeˇ oeˬ coeˇ-ahˇ tsoꞈ-eu uˬ coeˇ deuˬ-ahˇ, shiˬ kʼoeˇ ui cuiˆ yuˇ-awˇ ya lehꞈ meh. Dzehˬ laˇ-euˬ shiˬ deuˬ aˬ yawꞈ yuˇ-awˇ, Sehˬ gʼawˆ gʼoˆ kʼehˬ-ahˇ jaˆ-eu miˬ dzaˬ dzah puiˆ-awˇ lawˇ-eu lawˇ duˬ-euˬ dawˬ pehˬ-ahˇ ya shehˆ meh. 8Mawˇ neˇ kʼoeˇ mawˇ laꞈ kʼoeˇ kʼaˇ ahˇ-eu tsiˇ dawˬ tawˆ luꞈ aˬ yawꞈ ya yuˇ doˆ meh. Tsahˬ nahˬ uˇ jiˇ-ahˇ kʼaˇ dawꞈ-eu tsiˇ maˬ ehˇ, 9gʼawˬ siˬ hawˇ-eu kʼoeˇ gaˇ dawꞈ-eu tsiˇ deuˬ maˬ ehˇ, muiˬ dui dui-eu shaˬ tsahˬ ui cuiˆ maˬ ehˇ, aˬ yawꞈ ya yuˇ doˆ meh. 10Cawˬ cawˬ taꞈ-eu lawˇ-eu jeˬ gʼaˇ duˬ sehꞈ-euˬ jeˬ zaˬ-euˬ tsiˇ yuˇ-awˇ lawˇ ngeh loꞈ-ehˇ, mawˇ neˇ kʼoeˇ mawˇ-euˬ tsiˇ kʼoeˇ piˇ ma gʼaˬ yuˇ-awˇ, miˬ dzaˬ-ahˇ dzah puiˆ-awˇ lawˇ-eu jeˬ lawˇ-eu lawˇ duˬ k oeˇ taˆ puiˆ-awˇ ya lawˇ meh. 11Ehˇ kʼawꞈ, mawˇ neˇ kʼoeˇ mawˇ-euˬ baˆ kʼoˆ, shaˬ jiˇ, uˬ duˬ, aˬ kuiˇ aˬ laꞈ, tsahˬ nahˬ uˇ jiˇ hawˇ-eu baw uˇ baw ma dawˬ tawˆ luꞈ-ahˇ, 12Sehˬ gʼawˆ-euˬ laꞈ nyiˇ paw kʼaˬ lehˇ tawˆ dzeh-eu muiˬ-eu shawˇ-eu jawˇ duˬ-ahˇ aˬ yawꞈ yuˇ gʼeh-awˇ, miˬ dzaˬ ya dzah puiˆ meh.
13Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ-awˇ, iˬ baˇ doˆ laˇ naˇ, 14iˬ baˇ ahˇ-eu gaˇ kawˆ siˬ laˇ-eu nehˬ-ehˇ tiˬ poˆ tehꞈ-ehˇ, mawˇ neˇ mawˇ gaw zaˬ tiˬ mawˇ aˬ yawꞈ maꞈ tsahˇ laꞈ-awˇ, iˬ baˇ tsiˬ shawˇ-eu lawˇ-eu jeˬ aˬ yawꞈ maꞈ ya lawˇ meh. Mawˇ neˇ mawˇ gaw zaˬ kʼoeˇ mawˇ-ahˇ, Sahˬpaˬ miˬyehˇ jawˇ-eu Sehˬ gʼawˆ mehˬ shi aˬ yawꞈ maꞈ ya tsahˇ keuˆ laꞈ meh. 15Iˇsaˬleˬlaˆ tsawˇ haˬ aˇ maꞈ aˇ muˇ kʼoeˇ taˆ aˬ yuiꞈ aˬ tsu geuꞈ-eu deuˬ, mawˇ neˇ kʼoeˇ mawˇ-euˬ kʼoeˇ taˆ aˬ laꞈ baꞈ daˆ-awˇ, kʼoeˇ gaˇ ya sehꞈ meh. 16Piˇ ma Yaw huiˬ gʼaˬ Sehˬ gʼawˆ laꞈ kʼoeˇ mawˇ neˇ kʼoeˇ mawˇ-euˬ shiˬ ui cuiˆ ya yuˇ ahˇ gʼeh meh. 17Aˬ yawꞈ-euˬ laꞈ noeˇ shiˬ kʼoeˇ-euˬ laꞈ kʼoeˇ cawˬ duiˆ-awˇ, lawˆ kaˬ taw taˬ-euˬ saˬ paˇ mehˬ shi, shiꞈ poˆ keuˆ ni ya byaˆ shehˬ meh. 18Sehˬ gʼawˆ laꞈ kʼoeˇ jaˆ-eu yaw saw jeˬ lawˇ-eu lawˇ duˬ-euˬ laꞈ coeˇ oeˬ coeˇ-ahˇ tsoꞈ-eu uˬ coeˇ deuˬ-ahˇ, shiˬ kʼoeˇ neh lehꞈ-awˇ, dzehˬ laˇ taˬ-euˬ shiˬ kʼoeˇ deuˬ aˬ yawꞈ yuˇ-awˇ, Sehˬ gʼawˆ gʼoˆ kʼehˬ-ahˇ jaˆ-eu miˬ dzaˬ dzah puiˆ-awˇ lawˇ-eu jeˬ lawˇ-eu lawˇ duˬ dawˬ pehˬ-ahˇ ya shehˆ meh. 19Mawˇ neˇ kʼoeˇ mawˇ-euˬ tsiˇ dawˬ tawˆ luꞈ aˬ yawꞈ yuˇ-awˇ, lawˇ duˬ kʼoeˇ taˆ ya dzah puiˆ meh. 20Iˬ baˇ shawˇ-eu lawˇ-eu jeˬ lawˇ ngeh sehꞈ-awˇ lawˇ-euˬ mawˇ neˇ mawˇ gaw kʼoeˇ mawˇ-ahˇ aˬ yawꞈ lawˇ-euˬ loꞈ-ehˇ, heu mawˇ-ahˇ kʼawꞈ, kʼoeˇ loꞈ-ehˇ ya lawˇ meh. Kʼoeˇ loꞈ-ehˇ, Iˇsaˬleˬlaˆ tsawˇ haˬ deuˬ-euˬ iˬ baˇ gʼaˇ duˬ lawˇ-eu shehˇ-eu jeˬ aˬ yawꞈ maꞈ mˇ-awˇ, Iˇsaˬleˬlaˆ tsawˇ haˬ deuˬ iˬ baˇ ya buˬ-iˇ-eu meh. 21Kʼoeˇ naˇ, aˬ yawꞈ-euˬ iˬ baˇ gʼaˇ duˬ lawˇ-euˬ mawˇ neˇ mawˇ gaw kʼoeˇ mawˇ-ahˇ dzah puiˆ-euˬ loꞈ-ehˇ, heu mawˇ-ahˇ kʼawꞈ, Sehˬ gʼawˆ laꞈ nyiˇ yuˇ doˆ-awˇ, ya dzah puiˆ meh. Heu-aˬ, Iˇsaˬleˬlaˆ tsawˇ haˬ aˇ maꞈ aˇ muˇ deuˬ-euˬ iˬ baˇ yuˇ dzeh-eu gʼaˇ duˬ lawˇ-eu jeˬ pyeuꞈ-eu meh.
22Aˬ yuiꞈ aˬ tsu geuꞈ-awˇ uˆ lahˇ-eu tsawˇ haˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ naˇ, 23aˬ yawꞈ iˬ baˇ ahˇ-eu gaˇ kawˆ yawˬ haˇ yawˬ ha siˬ leˇ-eu nehˬ-ehˇ tiˬ poˆ tehꞈ-ehˇ, aˬ yawꞈ-euˬ iˬ baˇ aˇ poeˬ lawˇ-eu gʼaˇ duˬ, maˇ byawꞈ maˬ baw-eu ciꞈ myehꞈ ciꞈ buˬ tiˬ mawˇ aˬ yawꞈ ya tsahˇ laꞈ meh. 24Ciꞈ myehꞈ kʼoeˇ mawˇ-euˬ uˬ duˬ kʼoeˇ taˆ aˬ yawꞈ aˬ laꞈ baꞈ daˆ-awˇ, miˬ dzaˬ dzah puiˆ-awˇ lawˇ-eu jeˬ zaˬ deuˬ-ahˇ sehꞈ-eu jawˇ duˬ pyeuꞈ-eu lawˇ duˬ laꞈ taˆ paw pyawˬ kʼoeˇ tsahˇ-ahˇ, ciꞈ myehꞈ kʼoeˇ mawˇ-ahˇ aˬ yawꞈ ya sehꞈ meh. Heu-aˬ, iˬ baˇ yuˇ dzeh-eu lawˇ-eu jeˬ pyeuꞈ-eu meh. 25Piˇ ma gʼaˬ, yawˬ ha-euˬ laꞈ noeˇ jeˬ zaˬ kʼoeˇ mawˇ-euˬ shiˬ laꞈ kʼoeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ, lawˇ duˬ-euˬ dawˬ pehˬ-ahˇ aˬ yawꞈ ya shehˆ meh. 26Cawˬ cawˬ taꞈ-eu lawˇ-eu jeˬ lawˇ ngeh sehꞈ-euˬ jeˬ zaˬ-euˬ tsiˇ dzah puiˆ-euˬ loꞈ-ehˇ, ciꞈ myehꞈ kʼoeˇ mawˇ-euˬ tsiˇ yuˇ-awˇ, lawˇ duˬ kʼoeˇ taˆ aˬ yawꞈ ya dzah puiˆ meh. Kʼoeˇ loꞈ-ehˇ, piˇ ma iˬ baˇ aˇ poeˬ lawˇ-eu jeˬ lawˇ gʼaˬ ngeh, aˬ yuiꞈ geuꞈ-awˇ uˆ lahˇ-eu tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.
27Miˇ kʼahˬ zaˬ tiˬ gʼaˬ na, maˬ noeˬ maˬ duˇ-euˬ laꞈ kʼoeˇ, Sahˬpaˬ Miˬyehˇ-euˬ zahˇ dawˬ kʼoꞈ dawˬ tiˬ dawˬ na-ahˇ mˇ bahˬ-awˇ iˬ baˇ jaˆ laˇ naˇ, 28aˬ yawꞈ iˬ baˇ mˇ gʼaˬ-euˬ gaˇ kawˆ aˬ yawˇ yawꞈ siˬ leˇ-euˬ nehˬ-ehˇ tiˬ poˆ tehꞈ-ehˇ, aˬ yawꞈ-euˬ iˬ baˇ aˇ poeˬ lawˇ-eu gʼaˇ duˬ, maˇ byawꞈ maˬ baw-eu ciꞈ myehꞈ ciꞈ ma tiˬ mawˇ ya tsahˇ laꞈ-eu meh. 29Ciꞈ myehꞈ kʼoeˇ mawˇ-euˬ uˬ duˬ kʼoeˇ taˆ aˬ yawꞈ aˬ laꞈ baꞈ daˆ-awˇ, lawˇ duˬ-eu laꞈ taˆ paw jaˆ-eu miˬ dzaˬ dzah puiˆ-awˇ lawˇ-eu jeˬ zaˬ deuˬ sehꞈ-eu jawˇ duˬ kʼoeˇ tsahˇ-ahˇ, ciꞈ myehꞈ kʼoeˇ mawˇ-ahˇ aˬ yawꞈ ya sehꞈ meh. 30Piˇ ma gʼaˬ, aˬ yawꞈ-euˬ laꞈ noeˇ jeˬ zaˬ kʼoeˇ mawˇ-euˬ shiˬ laꞈ kʼoeˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ, lawˇ duˬ dawˬ pehˬ-ahˇ aˬ yawꞈ ya shehˆ meh. 31Kʼoeˇ naˇ, cawˬ cawˬ taꞈ-eu lawˇ-eu jeˬ lawˇ ngeh sehꞈ-euˬ jeˬ zaˬ-euˬ tsiˇ deuˬ yuˇ doˆ-euˬ loꞈ-ehˇ, ciꞈ myehꞈ kʼoeˇ mawˇ-euˬ tsiˇ dawˬ tawˆ luꞈ aˬ yawꞈ yuˇ doˆ-awˇ, lawˇ-euˬ yaw saꞈ-ahˇ Sahˬpaˬ Miˬyehˇ nui ma tsaˬ ni, ciꞈ myehꞈ kʼoeˇ mawˇ-ahˇ, lawˇ duˬ kʼoeˇ taˆ dzah puiˆ-awˇ ya lawˇ meh. Kʼoeˇ loꞈ-ehˇ, piˇ ma gʼaˬ tsawˇ haˬ kʼoeˇ gʼaˬ-euˬ iˬ baˇ gʼaˇ duˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.
32Tsawˇ haˬ tiˬ gʼaˬ, iˬ baˇ tsiˬ shawˇ-eu lawˇ-eu jeˬ lawˇ-eu gʼaˇ duˬ yawˇ tsahˇ laꞈ ngeh, maˇ byawꞈ maˬ baw-eu yawˇ aˬ ma tiˬ mawˇ ya tsahˇ laꞈ meh. 33Yawˇ kʼoeˇ mawˇ-euˬ uˬ duˬ kʼoeˇ taˆ aˬ yawꞈ aˬ laꞈ baꞈ daˆ-awˇ, miˬ dzaˬ-ahˇ dzah puiˆ-awˇ lawˇ-eu jeˬ zaˬ deuˬ sehꞈ-eu jawˇ duˬ pyeuꞈ-eu, lawˇ duˬ-euˬ laꞈ taˆ paw pyawˬ-ahˇ jaˆ-eu jawˇ duˬ kʼoeˇ tsahˇ-ahˇ, yawˇ kʼoeˇ mawˇ-ahˇ aˬ yawꞈ ya sehꞈ meh. 34Piˇ ma gʼaˬ, aˬ yawꞈ-euˬ laꞈ noeˇ jeˬ zaˬ kʼoeˇ mawˇ-euˬ shiˬ-ahˇ cawˬ duiˆ-awˇ, lawˇ duˬ-euˬ laꞈ coeˇ deuˬ-ahˇ tsoꞈ-eu uˬ coeˇ deuˬ-ahˇ ya lehꞈ meh. Dzehˬ laˇ-euˬ shiˬ deuˬ lawˇ duˬ dawˬ pehˬ-ahˇ aˬ yawꞈ ya shehˆ meh. 35Kʼoeˇ naˇ, cawˬ cawˬ taꞈ-eu lawˇ-eu jeˬ lawˇ ngeh sehꞈ-euˬ yawˇ-euˬ tsiˇ deuˬ yuˇ doˆ-eu loꞈ-ehˇ, yawˇ kʼoeˇ mawˇ-euˬ tsiˇ dawˬ tawˆ luꞈ aˬ yawꞈ yuˇ doˆ-awˇ, Sahˬpaˬ Miˬyehˇ-ahˇ lawˇ nehˬ-eu dzaˬ dzaˬ dawˇ dawˇ lawˇ-eu jeˬ nehˬ-ehˇ tiˬ kawˆ loꞈ-ehˇ, lawˇ duˬ kʼoeˇ taˆ dzah puiˆ-awˇ ya lawˇ meh. Kʼoeˇ loꞈ-ehˇ, piˇ ma gʼaˬ tsawˇ haˬ kʼoeˇ gʼaˬ-euˬ iˬ baˇ gʼaˇ duˬ lawˇ-eu shehˇ-eu jeˬ mˇ-awˇ, tsawˇ haˬ kʼoeˇ gʼaˬ iˬ baˇ ya buˬ-iˇ-eu meh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.