Uˬ duˬ 17
17
Shiˬ muiˬ-eu shawˇ-eu
1Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh. 2Aˬloˬ hawˇ-eu aˬ yawꞈ-euˬ aˬ li deuˬ-ahˇ maˬ ehˇ, Iˇsaˬleˬlaˆ tsawˇ haˬ dawˬ tawˆ luꞈ-ahˇ maˬ ehˇ, zahˇ sahˇ kʼoꞈ heu deuˬ biꞈ nehˬ-awˬ. 3-4Iˇsaˬleˬlaˆ tsawˇ haˬ tiˬ gʼaˬ na, Sahˬpaˬ Miˬyehˇ-ahˇ lawˇ-eu gʼaˇ duˬ, mawˇ neˇ maˬ ehˇ, yawˇ maˬ ehˇ, ciꞈ myehꞈ maˬ ehˇ, tiˬ mawˇ na sehꞈ ngeh, Sahˬpaˬ Miˬyehˇ jawˇ-eu Sehˬ gʼawˆ-euˬ gʼoˆ kʼehˬ-ahˇ maˬ sehꞈ-ehˇ, yawˬ gaˇ yawˬ sehꞈ naˇ, zahˇ dawˬ kʼoꞈ dawˬ-ahˇ bahˬ-eu meh. Aˬ yawꞈ-aˬ, shiˬ sehꞈ doˆ-euˬ tsawˇ haˬ pyeuꞈ-eu miˇ neh, Miˬyehˇ-euˬ tsawˇ haˬ lehˇ maˬ paˇ sawˇ nya meh. 5Zahˇ sahˇ kʼoꞈ heu hmˬ-euˬ dawˬ tsuiꞈ-aˬ, heu loꞈ-ehˇ meh. Aˇ hu aˇ nah Iˇsaˬleˬlaˆ tsawˇ haˬ deuˬ jeˬ zaˬ sehꞈ ngeh, yawˬ ha kʼaˇ sehꞈ mawꞈ gaˇ sehꞈ-euˬ kʼawꞈ, nymˬ-mˇ kʼoeˇ loꞈ-ehˇ maˬ sehꞈ ni, Sahˬpaˬ Miˬyehˇ jawˇ gaˇ ya tsahˇ laꞈ meh. Aˬ kaˇ naˇ, aˬ yawꞈ maꞈ-euˬ jeˬ zaˬ-ahˇ, piˇ ma jawˇ gaˇ, Sehˬ gʼawˆ-euˬ gʼoˆ kʼehˬ-ahˇ tsahˇ laꞈ-awˇ, cawˬ cawˬ taꞈ-eu lawˇ-eu jeˬ loꞈ-ehˇ ya sehꞈ meh. 6Piˇ ma gʼaˬ jeˬ zaˬ-euˬ shiˬ yuˇ-awˇ, Sehˬ gʼawˆ-euˬ gʼoˆ kʼehˬ-ahˇ jaˆ-eu lawˇ duˬ-ahˇ ya byaˆ shehˬ meh. Kʼoeˇ naˇ, Sahˬpaˬ Miˬyehˇ nui ma tsaˬ-eu yaw saꞈ bi doˆ laˇ-eu gʼaˇ duˬ, jeˬ zaˬ-euˬ tsiˇ yuˇ-awˇ, miˬ dzaˬ-ahˇ ya dzah puiˆ meh. 7Aˬ kaˇ naˇ, nehꞈ ciꞈ myehꞈ-ahˇ lawˇ nehˬ-eu jeˬ loꞈ-ehˇ, deh ga-ahˇ jeˬ zaˬ sehꞈ-eu laꞈ kʼoeˇ, Sahˬpaˬ Miˬyehˇ-ahˇ saˇ jaˇ puiˬ-eu jeˬ, Iˇsaˬleˬlaˆ tsawˇ haˬ deuˬ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ, zahˇ sahˇ kʼoꞈ heu hmˬ-ahˇ, aˬ myah luꞈ maˬ byehˇ ni ya caw teh meh.
8Iˇsaˬleˬlaˆ tsawˇ haˬ deuˬ maˬ kaˬ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ kaˬ, tsawˇ haˬ tiˬ gʼaˬ na, miˬ dzaˬ dzah puiˆ-awˇ lawˇ-eu jeˬ maˬ ehˇ, yawˬ jeˬ yawˬ lawˇ-eu jeˬ maˬ ehˇ, 9Sahˬpaˬ Miˬyehˇ-ahˇ lawˇ nehˬ ngeh, Sehˬ gʼawˆ gʼoˆ kʼehˬ-ahˇ maˬ lawˇ-ehˇ yawˬ gaˇ yawˬ lawˇ naˇ, tsawˇ haˬ kʼoeˇ gʼaˬ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nya meh.
10Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ na, shiˬ maˬ dzeˇ-eu shaˬ jiˇ dzaˬ naˇ, tsawˇ haˬ kʼoeˇ gʼaˬ-ahˇ Sahˬpaˬ Miˬyehˇ byehˇ dzeh-awˇ, aˬ yawꞈ-euˬ tsawˇ haˬ lehˇ maˬ paˇ sawˇ meh. 11Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ-aˬ, shiˬ laꞈ kʼoeˇ ahˇ-eu meh. Teu baˬ da neh, tsawˇ haˬ zaˬ-euˬ iˬ baˇ sha dzeh-eu gʼaˇ duˬ, shiˬ kʼaˇ ngeuˇ-eu dawˬ tawˆ luꞈ lawˇ duˬ kʼoeˇ taˆ ya shehˆ daˆ meh lehˇ Sahˬpaˬ Miˬyehˇ dawˬ biꞈ taˬ-euˬ meh. Saꞈ laˇ pyeuꞈ-eu shiˬ-aˬ, iˬ baˇ yuˇ dzeh nya-eu meh. 12Kʼoeˇ miˇ neh, aˬ yawꞈ maꞈ maˬ ehˇ, aˬ yawꞈ maꞈ nehˬ-ehˇ jawˇ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ-iˬ shiˬ ma dzeˇ-eu shaˬ jiˇ maˬ ya dzaˬ-a lehˇ Iˇsaˬleˬlaˆ tsawˇ haˬ-ahˇ Sahˬpaˬ Miˬyehˇ dawˬ biꞈ taˬ-euˬ meh.
13Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, bawˇ cah cah-awˇ, bawˇ tsahˬ jeˬ zaˬ aˇ jiˇ yaw shawˇ jeˬ tiˬ mawˇ na mi naˇ, jeˬ zaˬ aˇ jiˇ kʼoeˇ-euˬ shiˬ miˇ tsaˬ-ahˇ ya bi yoeˇ dzeh-awˇ, ya beuˬ pahˬ yaꞈ meh. 14Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ-aˬ, shiˬ laꞈ kʼoeˇ ahˇ-eu meh. Kʼoeˇ miˇ neh shiˬ maˬ yoeˇ dzeˇ-euˬ shaˬ jiˇ taˬ dzaˬ lehˇ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ ehˇ taˬ-euˬ meh. Shiˬ maˬ yoeˇ dzeˇ-euˬ shaˬ jiˇ dzaˬ-eu tsawˇ haˬ aˬ geu gʼaˬ maˬ kaˬ, aˬ yawꞈ-euˬ tsawˇ haˬ lehˇ maˬ paˇ sawˇ nya meh.
15Iˇsaˬleˬlaˆ tsawˇ haˬ maˬ kaˬ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ kaˬ, tsawˇ haˬ tiˬ gʼaˬ na, aˬ yawˇ yawꞈ shiˇ-euˬ jeˬ zaˬ-euˬ shaˬ jiˇ maˬ ehˇ, bawˇ tsahˬ jeˬ zaˬ deuˬ neh bi kawꞈ sehꞈ-euˬ jeˬ zaˬ-euˬ shaˬ jiˇ maˬ ehˇ, dzaˬ naˇ, aˬ yawꞈ-euˬ mehˬ tsoeˬ ya lehˬ tsiˬ shawˇ-awˇ, iˇ cuꞈ ya dzuiꞈ shawˇ meh. Kʼoeˇ uˬ taꞈ, aˬ yawꞈ-aˬ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh. 16Aˬ yawꞈ kʼoeˇ loꞈ-ehˇ maˬ jahˇ naˇ, kʼaˇ pyeuꞈ laˇ-euˬ jeˬ ya daˬ meh.
Currently Selected:
Uˬ duˬ 17: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Uˬ duˬ 17
17
Shiˬ muiˬ-eu shawˇ-eu
1Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh. 2Aˬloˬ hawˇ-eu aˬ yawꞈ-euˬ aˬ li deuˬ-ahˇ maˬ ehˇ, Iˇsaˬleˬlaˆ tsawˇ haˬ dawˬ tawˆ luꞈ-ahˇ maˬ ehˇ, zahˇ sahˇ kʼoꞈ heu deuˬ biꞈ nehˬ-awˬ. 3-4Iˇsaˬleˬlaˆ tsawˇ haˬ tiˬ gʼaˬ na, Sahˬpaˬ Miˬyehˇ-ahˇ lawˇ-eu gʼaˇ duˬ, mawˇ neˇ maˬ ehˇ, yawˇ maˬ ehˇ, ciꞈ myehꞈ maˬ ehˇ, tiˬ mawˇ na sehꞈ ngeh, Sahˬpaˬ Miˬyehˇ jawˇ-eu Sehˬ gʼawˆ-euˬ gʼoˆ kʼehˬ-ahˇ maˬ sehꞈ-ehˇ, yawˬ gaˇ yawˬ sehꞈ naˇ, zahˇ dawˬ kʼoꞈ dawˬ-ahˇ bahˬ-eu meh. Aˬ yawꞈ-aˬ, shiˬ sehꞈ doˆ-euˬ tsawˇ haˬ pyeuꞈ-eu miˇ neh, Miˬyehˇ-euˬ tsawˇ haˬ lehˇ maˬ paˇ sawˇ nya meh. 5Zahˇ sahˇ kʼoꞈ heu hmˬ-euˬ dawˬ tsuiꞈ-aˬ, heu loꞈ-ehˇ meh. Aˇ hu aˇ nah Iˇsaˬleˬlaˆ tsawˇ haˬ deuˬ jeˬ zaˬ sehꞈ ngeh, yawˬ ha kʼaˇ sehꞈ mawꞈ gaˇ sehꞈ-euˬ kʼawꞈ, nymˬ-mˇ kʼoeˇ loꞈ-ehˇ maˬ sehꞈ ni, Sahˬpaˬ Miˬyehˇ jawˇ gaˇ ya tsahˇ laꞈ meh. Aˬ kaˇ naˇ, aˬ yawꞈ maꞈ-euˬ jeˬ zaˬ-ahˇ, piˇ ma jawˇ gaˇ, Sehˬ gʼawˆ-euˬ gʼoˆ kʼehˬ-ahˇ tsahˇ laꞈ-awˇ, cawˬ cawˬ taꞈ-eu lawˇ-eu jeˬ loꞈ-ehˇ ya sehꞈ meh. 6Piˇ ma gʼaˬ jeˬ zaˬ-euˬ shiˬ yuˇ-awˇ, Sehˬ gʼawˆ-euˬ gʼoˆ kʼehˬ-ahˇ jaˆ-eu lawˇ duˬ-ahˇ ya byaˆ shehˬ meh. Kʼoeˇ naˇ, Sahˬpaˬ Miˬyehˇ nui ma tsaˬ-eu yaw saꞈ bi doˆ laˇ-eu gʼaˇ duˬ, jeˬ zaˬ-euˬ tsiˇ yuˇ-awˇ, miˬ dzaˬ-ahˇ ya dzah puiˆ meh. 7Aˬ kaˇ naˇ, nehꞈ ciꞈ myehꞈ-ahˇ lawˇ nehˬ-eu jeˬ loꞈ-ehˇ, deh ga-ahˇ jeˬ zaˬ sehꞈ-eu laꞈ kʼoeˇ, Sahˬpaˬ Miˬyehˇ-ahˇ saˇ jaˇ puiˬ-eu jeˬ, Iˇsaˬleˬlaˆ tsawˇ haˬ deuˬ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ, zahˇ sahˇ kʼoꞈ heu hmˬ-ahˇ, aˬ myah luꞈ maˬ byehˇ ni ya caw teh meh.
8Iˇsaˬleˬlaˆ tsawˇ haˬ deuˬ maˬ kaˬ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ kaˬ, tsawˇ haˬ tiˬ gʼaˬ na, miˬ dzaˬ dzah puiˆ-awˇ lawˇ-eu jeˬ maˬ ehˇ, yawˬ jeˬ yawˬ lawˇ-eu jeˬ maˬ ehˇ, 9Sahˬpaˬ Miˬyehˇ-ahˇ lawˇ nehˬ ngeh, Sehˬ gʼawˆ gʼoˆ kʼehˬ-ahˇ maˬ lawˇ-ehˇ yawˬ gaˇ yawˬ lawˇ naˇ, tsawˇ haˬ kʼoeˇ gʼaˬ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nya meh.
10Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ na, shiˬ maˬ dzeˇ-eu shaˬ jiˇ dzaˬ naˇ, tsawˇ haˬ kʼoeˇ gʼaˬ-ahˇ Sahˬpaˬ Miˬyehˇ byehˇ dzeh-awˇ, aˬ yawꞈ-euˬ tsawˇ haˬ lehˇ maˬ paˇ sawˇ meh. 11Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ-aˬ, shiˬ laꞈ kʼoeˇ ahˇ-eu meh. Teu baˬ da neh, tsawˇ haˬ zaˬ-euˬ iˬ baˇ sha dzeh-eu gʼaˇ duˬ, shiˬ kʼaˇ ngeuˇ-eu dawˬ tawˆ luꞈ lawˇ duˬ kʼoeˇ taˆ ya shehˆ daˆ meh lehˇ Sahˬpaˬ Miˬyehˇ dawˬ biꞈ taˬ-euˬ meh. Saꞈ laˇ pyeuꞈ-eu shiˬ-aˬ, iˬ baˇ yuˇ dzeh nya-eu meh. 12Kʼoeˇ miˇ neh, aˬ yawꞈ maꞈ maˬ ehˇ, aˬ yawꞈ maꞈ nehˬ-ehˇ jawˇ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ-iˬ shiˬ ma dzeˇ-eu shaˬ jiˇ maˬ ya dzaˬ-a lehˇ Iˇsaˬleˬlaˆ tsawˇ haˬ-ahˇ Sahˬpaˬ Miˬyehˇ dawˬ biꞈ taˬ-euˬ meh.
13Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, bawˇ cah cah-awˇ, bawˇ tsahˬ jeˬ zaˬ aˇ jiˇ yaw shawˇ jeˬ tiˬ mawˇ na mi naˇ, jeˬ zaˬ aˇ jiˇ kʼoeˇ-euˬ shiˬ miˇ tsaˬ-ahˇ ya bi yoeˇ dzeh-awˇ, ya beuˬ pahˬ yaꞈ meh. 14Yaw dehꞈ kʼaˇ dehꞈ-eu jeˬ dawˬ tawˆ luꞈ-euˬ saꞈ laˇ-aˬ, shiˬ laꞈ kʼoeˇ ahˇ-eu meh. Kʼoeˇ miˇ neh shiˬ maˬ yoeˇ dzeˇ-euˬ shaˬ jiˇ taˬ dzaˬ lehˇ Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ ehˇ taˬ-euˬ meh. Shiˬ maˬ yoeˇ dzeˇ-euˬ shaˬ jiˇ dzaˬ-eu tsawˇ haˬ aˬ geu gʼaˬ maˬ kaˬ, aˬ yawꞈ-euˬ tsawˇ haˬ lehˇ maˬ paˇ sawˇ nya meh.
15Iˇsaˬleˬlaˆ tsawˇ haˬ maˬ kaˬ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ kaˬ, tsawˇ haˬ tiˬ gʼaˬ na, aˬ yawˇ yawꞈ shiˇ-euˬ jeˬ zaˬ-euˬ shaˬ jiˇ maˬ ehˇ, bawˇ tsahˬ jeˬ zaˬ deuˬ neh bi kawꞈ sehꞈ-euˬ jeˬ zaˬ-euˬ shaˬ jiˇ maˬ ehˇ, dzaˬ naˇ, aˬ yawꞈ-euˬ mehˬ tsoeˬ ya lehˬ tsiˬ shawˇ-awˇ, iˇ cuꞈ ya dzuiꞈ shawˇ meh. Kʼoeˇ uˬ taꞈ, aˬ yawꞈ-aˬ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh. 16Aˬ yawꞈ kʼoeˇ loꞈ-ehˇ maˬ jahˇ naˇ, kʼaˇ pyeuꞈ laˇ-euˬ jeˬ ya daˬ meh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.