Uˬ duˬ 11
11
Dzaˬ kʼmˬ-eu jeˬ zaˬ hawˇ-eu ngaˬ shaˬ deuˬ
(Dawˬmehˬ 14.3-21)
1Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh zahˇ sahˇ kʼoꞈ heu deuˬ biꞈ nehˬ-euˬ meh. 2Heu-aˬ, miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ zaˬ deuˬ laꞈ kʼoeˇ, naw maꞈ dzaˬ nya-eu deuˬ pyeuꞈ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. 3Kuiˇ sehˬ nyiˬ paˆ baw-awˇ, dzaˇ jiˆ jiˆ-eu jeˬ zaˬ deuˬ dzaˬ kʼmˬ meh. 4Ehˇ kʼawꞈ, dzaˇ jiˆ jiˆ-awˇ kuiˇ sehˬ maˬ paˆ-eu jeˬ zaˬ deuˬ maˬ ehˇ, kuiˇ sehˬ paˆ-awˇ dzaˇ jiˆ maˬ jiˆ-eu jeˬ zaˬ deuˬ maˬ ehˇ, maˬ dzaˬ kʼmˬ-a. Law taw-aˬ, dzaˇ jiˆ jiˆ kʼawꞈ, kuiˇ sehˬ maˬ paˆ-eu miˇ neh, naw maꞈ gʼaˇ duˬ maˬ shawˇ-a. 5Kuiˬ siˆ zaꞈ siˆ-aˬ, dzaˇ jiˆ jiˆ kʼawꞈ, kuiˇ sehˬ nyiˬ paˆ maˬ baw-eu miˇ neh, naw maꞈ gʼaˇ duˬ maˬ shawˇ-a. 6Lahˬ-aˬ, dzaˇ jiˆ jiˆ kʼawꞈ, kuiˇ sehˬ nyiˬ paˆ maˬ baw-eu miˇ neh, naw maꞈ gʼaˇ duˬ maˬ shawˇ-a. 7Aˬzaꞈ-aˬ, kuiˇ sehˬ nyiˬ paˆ baw kʼawꞈ, dzaˇ jiˆ maˬ jiˆ-eu miˇ neh, naw maꞈ gʼaˇ duˬ maˬ shawˇ-a. 8Jeˬ zaˬ heu deuˬ-euˬ shaˬ jiˇ maˬ dzaˬ kʼmˬ-eu uˬ taꞈ, jeˬ zaˬ heu deuˬ shiˇ taˬ-eu gaˇ maˬ toeˬ ciˆ kʼmˬ-a. Jeˬ zaˬ heu deuˬ-aˬ, naw maꞈ gʼaˇ duˬ maˬ shawˇ-eu jeˬ zaˬ deuˬ pyeuꞈ-eu meh.
9Yehˇ ma hawˇ-eu ngaˬ gʼaw kʼaˇ tsoꞈ-eu aˬ geu jeˬ ngaˬ shaˬ maˬ kaˬ, dzaˬ kʼmˬ meh. 10Ehˇ kʼawꞈ, dahˇ teˇ hawˇ-eu ngaˬ gʼaw maˬ tsoꞈ-eu iˇ cuꞈ laꞈ kʼoeˇ kʼaˇ dehꞈ kʼaˇ uˇ-eu aˬ geu jeˬ maˬ kaˬ, naw maꞈ maˬ dzaˬ kʼmˬ-a. 11Kʼoeˇ loꞈ-ehˇ gʼeh-eu deuˬ-aˬ, maˬ muiˬ maˬ shawˇ-a lehˇ naw maꞈ ya sawˇ meh. Kʼoeˇ deuˬ-ahˇ naw maꞈ maˬ dzaˬ kʼmˬ-eu uˬ taꞈ, shiˇ taˬ-euˬ gaˇ kʼawꞈ, maˬ toeˬ ciˆ kʼmˬ-a. 12Dahˇ teˇ hawˇ-eu ngaˬ gʼaw maˬ tsoꞈ-eu iˇ cuꞈ laꞈ kʼoeˇ kʼaˇ jawˇ-eu jeˬ-ahˇ naw maꞈ taˬ dzaˬ.
13Aˇ jiˇ deuˬ laꞈ kʼoeˇ heu deuˬ-aˬ, maˬ shawˇ-eu aˇ jiˇ deuˬ pyeuꞈ-eu miˇ neh, naw maꞈ maˬ dzaˬ kʼmˬ-a. Kʼaˬ dzeˇ dzeˇ ma, kʼaˬ dzeˇ jeˬ shiˇ, kʼaˬ dzeˇ bu, 14kʼaˬ dzeˇ pyawˆ, hawˬ bu byaˆ, 15awꞈ-aꞈ, 16law taw aˇ jiˇ, dzeˇ ngawˇ, iˬ ma laˆ shaˆ uiˇ dzoeˬ, bo-mˬ bo lo, 17dui-mˬ dui bui lui, uiˇ jawˇ lawˇ si, bawˇ tsahˬ jehˆ kʼaˬ, 18uiˇ za naˆ, shaˬ jiˇ yaw buꞈ dzaˬ-eu aˇ jiˇ, 19uiˇ za shuiˇ, uiˇ dzoeˬ, ho piˬ doiˬ doiˬ, boeˇ kʼaˬ, heu deuˬ-ahˇ maˬ dzaˬ kʼmˬ-a.
20Aˬ dahˇ tsoꞈ-awˇ, aˬ kuiˇ tsoꞈ-eu#11.20 Heˬbyehˇ dawˬ ‘aˬ kuiˇ oeˬ kahˬ tsoꞈ-eu’ lehˇ ehˇ taˬ-euˬ meh. aˇ mawˇ deuˬ-aˬ, maˬ shawˇ-a. 21Ehˇ kʼawꞈ, aˬ dahˇ tsoꞈ-eu aˇ mawˇ deuˬ laꞈ kʼoeˇ, bawˇ teuˆ tsoꞈ-awˇ teuˆ gahˇ nya-eu aˇ mawˇ deuˬ dzaˬ kʼmˬ meh. 22Nyehˇ bahˇ deuˬ hawˇ-eu nyoiˬ oiˬ deuˬ naw maꞈ dzaˬ kʼmˬ meh. 23Ehˇ kʼawꞈ, aˬ dahˇ tsoꞈ-awˇ aˬ kuiˇ oeˬ kahˬ tsoꞈ-eu aˬ nah aˬ dzeˇ aˇ mawˇ deuˬ-aˬ, maˬ shawˇ-a.
24Jeˬ zaˬ heu deuˬ shiˇ taˬ-euˬ gaˇ kʼaˇ toeˬ ciˆ-eu tsawˇ haˬ aˬ geu gʼaˬ maˬ kaˬ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh. 25Shiˇ taˬ-euˬ jeˬ zaˬ heu deuˬ laˆ lehꞈ-euˬ tsawˇ haˬ-aˬ, yawˬ ha-euˬ mehˬ tsoeˬ ya lehˬ tsiˬ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh. 26Jeˬ zaˬ aˬ geu jeˬ maˬ kaˬ, kuiˇ sehˬ tsoꞈ-eu kʼawꞈ, kuiˇ sehˬ nyiˬ paˆ maˬ baw-ehˇ, dzaˇ jiˆ maˬ jiˆ naˇ, maˬ shawˇ-eu jeˬ zaˬ pyeuꞈ-eu meh. Kʼoeˇ loꞈ-ehˇ gʼeh-eu jeˬ zaˬ-ahˇ toeˬ ciˆ-eu tsawˇ haˬ kʼawꞈ, maˬ shawˇ-a. 27Aˬ kuiˇ oeˬ kahˬ tsoꞈ-eu jeˬ zaˬ deuˬ laꞈ kʼoeˇ, laꞈ zaˬ tsoꞈ-eu jeˬ zaˬ deuˬ-aˬ, naw maꞈ gʼaˇ duˬ maˬ shawˇ-a. Kʼoeˇ loꞈ-ehˇ gʼeh-eu jeˬ zaˬ deuˬ shiˇ taˬ-euˬ gaˇ toeˬ ciˆ leˇ-eu tsawˇ haˬ a geu gʼaˬ maˬ kaˬ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh. 28Shiˇ taˬ-euˬ jeˬ zaˬ kʼoeˇ deuˬ kʼaˇ sheu dzeh-euˬ tsawˇ haˬ-aˬ, yawˬ ha-euˬ mehˬ tsoeˬ ya lehˬ tsiˬ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh. Jeˬ zaˬ heu deuˬ-aˬ, naw maꞈ gʼaˇ duˬ maˬ shawˇ-eu jeˬ zaˬ pyeuꞈ-eu meh.
29Miˇ tsaˬ-ahˇ joe joe-ehˇ kʼaˇ cah-eu jeˬ zaˬ deuˬ laꞈ kʼoeˇ, naw maꞈ gʼaˇ duˬ maˬ shawˇ-eu jeˬ zaˬ deuˬ-aˬ, kʼahˬ sehˇ laꞈ pyaˆ, ho caꞈ, uiˇ zawˇ nyoeˇ, 30gʼaˇ gʼawˬ, dahˇ taˆ uiˇ zawˇ ma, uiˇ zawˇ naˆ, boeˬ byaˇ hawˇ-eu, kʼaˬ lawˇ behˇ jehˇ heu deuˬ meh. 31Miˇ tsaˬ-ahˇ joe joe-ehˇ kʼaˇ cah-eu jeˬ zaˬ deuˬ laꞈ kʼoeˇ, heu deuˬ-aˬ, naw maꞈ gʼaˇ duˬ maˬ shawˇ-eu jeˬ zaˬ deuˬ pyeuꞈ-eu meh. Jeˬ zaˬ heu deuˬ shiˇ taˬ-euˬ gaˇ kʼaˇ toeˬ ciˆ-eu tsawˇ haˬ aˬ geu gʼaˬ maˬ kaˬ, uˬ ciꞈ paw keuˆ ni maˬ shawˇ-a. 32Jeˬ zaˬ heu deuˬ shiˇ-awˇ ga daˆ-euˬ daˇ kawˬ maˬ ehˇ, mehˬ tsoeˬ maˬ ehˇ, shaˬ kʼoˆ maˬ ehˇ, pehˇ zeuˇ maˬ ehˇ, mui deuˇ oeˬ lahˬ maˬ ehˇ, maˬ shawˇ-eu mˇ myawˬ pyeuꞈ-eu meh. Mˇ myawˬ kʼoeˇ deuˬ-ahˇ iˇ cuꞈ-ahˇ ya biˬ puꞈ taˬ-awˇ, uˬ ciꞈ paw hawˇ-eu shawˇ-eu mˇ myawˬ pyeuꞈ laˇ-eu meh. 33Kʼoeˇ loꞈ-ehˇ gʼeh-eu jeˬ zaˬ tiˬ mawˇ na mui deuˇ oeˬ lahˬ laꞈ kʼoeˇ ga ahˇ naˇ, kʼoeˇ gaˇ kʼaˇ ahˇ-eu jeˬ dawˬ tawˆ luꞈ, maˬ shawˇ-eu jeˬ pyeuꞈ-iˇ jiˇ-euˬ meh. Kʼoeˇ miˇ neh, mui deuˇ oeˬ lahˬ kʼoeˇ siˬ ya kʼoˆ paˆ dzeh meh. 34Aˬ myah luꞈ dzaˬ luꞈ-eu dzaˇ deuˬ kʼoeˇ taˆ, mui deuˇ oeˬ lahˬ kʼoeˇ siˬ-ahˇ dahˬ-eu iˇ cuꞈ dzaˆ shehˬ naˇ, maˬ shawˇ-eu dzaˇ pyeuꞈ-iˇ-euˬ meh. Mui deuˇ oeˬ lahˬ kʼoeˇ siˬ-ahˇ kʼaˇ dahˬ-eu dawˇ nya-eu dzaˇ uiˇ dawˬ tawˆ luꞈ, maˬ shawˇ-eu dzaˇ uiˇ pyeuꞈ jiˇ-eu meh. 35Kʼoeˇ loꞈ-ehˇ gʼeh-eu jeˬ zaˬ shiˇ-awˇ ga daˆ-euˬ jeˬ dawˬ tawˆ luꞈ, maˬ shawˇ-eu myawˬ pyeuꞈ-iˇ-eu meh. Jeˬ zaˬ kʼoeˇ shiˇ ngeh ga daˆ-euˬ miˬ dzaˬ tsawˬ bu maˬ ehˇ, miˇ tsaˬ oeˬ lahˬ maˬ ehˇ, ya kʼoˆ paˆ dzeh-eu meh. Myawˬ kʼoeˇ deuˬ naw maꞈ gʼaˇ duˬ maˬ shawˇ-a. 36Kʼoeˇ loꞈ-ehˇ gʼeh-eu jeˬ zaˬ deuˬ shiˇ-awˇ ga daˆ-euˬ jeˬ dawˬ tawˆ luꞈ maˬ shawˇ-a. Ehˇ kʼawꞈ, iˇ cuꞈ tsawˬ biˬ hawˇ-eu iˇ cuꞈ lah duˬ-aˬ, kʼoeˇ loꞈ-ehˇ gʼeh-eu jeˬ zaˬ shiˇ-awˇ ga daˆ kʼawꞈ, yaw shawˇ meh. 37Siˬ yoeˬ sehˬ-eu lehˇ gʼeh-eu siˬ yoeˬ aˇ nuiˆ kʼoeˇ taˆ, kʼoeˇ loꞈ-ehˇ gʼeh-eu jeˬ zaˬ yaw shiˇ ga daˆ kʼawꞈ, siˬ yoeˬ kʼoeˇ yaw shawˇ meh. 38Ehˇ kʼawꞈ, siˬ yoeˬ kʼoeˇ iˇ cuꞈ-ahˇ bi duiˆ gʼaˬ ngeh hawˇ-eu ga daˆ naˇ, siˬ yoeˬ kʼoeˇ naw maꞈ gʼaˇ duˬ maˬ shawˇ-a.
39Dzaˬ kʼmˬ-eu jeˬ zaˬ tiˬ mawˇ na shiˇ taˬ-euˬ gaˇ, tsawˇ haˬ tiˬ gʼaˬ na ya toeˬ ciˆ naˇ, uˬ ciꞈ paw keuˆ ni, tsawˇ haˬ kʼoeˇ gʼaˬ maˬ shawˇ-a. 40Tsawˇ haˬ tiˬ gʼaˬ na, shiˇ taˬ-euˬ jeˬ zaˬ kʼoeˇ mawˇ-euˬ shaˬ jiˇ dzaˬ naˇ, aˬ yawꞈ-euˬ mehˬ tsoeˬ ya lehˬ tsiˬ-euˬ uˬ taꞈ, aˬ yawꞈ-aˬ, uˬ ciꞈ paw keuˆ ni maˬ shawˇ-eu tsawˇ haˬ tiˬ gʼaˬ pyeuꞈ-eu meh. Shiˇ taˬ-euˬ jeˬ zaˬ kʼoeˇ mawˇ laˆ lehꞈ-euˬ tsawˇ haˬ aˬ geu gʼaˬ maˬ kaˬ, aˬ yawꞈ-euˬ mehˬ tsoeˬ ya lehˬ tsiˬ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.
41Miˇ tsaˬ-ahˇ luˆ luˆ-ehˇ cah luꞈ-eu aˇ mawˇ deuˬ naw maꞈ maˬ dzaˬ kʼmˬ-a. 42Joe joe-ehˇ cah-eu deuˬ maˬ ehˇ, aˬ kuiˇ oeˬ kahˬ tsoꞈ-awˇ cah-eu deuˬ maˬ ehˇ, aˬ kuiˇ gʼawˬ mya ni tsoꞈ-awˇ cah-eu deuˬ maˬ ehˇ, naw maꞈ maˬ dzaˬ kʼmˬ-a. 43Aˇ mawˇ kʼoeˇ deuˬ dzaˬ-awˇ, yawˬ ha-euˬ gʼawˇ mawˇ maˬ shawˇ ni naw maꞈ maˬ ya mˇ-a. 44Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ muiˬ-eu shawˇ-eu tsawˇ haˬ pyeuꞈ ni, yawˬ ha-euˬ gʼawˇ mawˇ-ahˇ laˆ saˆ geuꞈ-awˬ. Aˬ jeˬ miˇ neh ehˇ naˇ, ngaˇ yaw muiˬ yaw shawˇ ma. 45Ngaˇ-aˬ, naw maꞈ-euˬ Miˬyehˇ pyeuꞈ laˇ ni, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Sahˬpaˬ Miˬyehˇ pyeuꞈ-eu ma. Naw maꞈ muiˬ-eu shawˇ-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, ngaˇ-aˬ, yaw muiˬ yaw shawˇ ma.
46Ehˇ dzeuˇ yaꞈ-euˬ gaˇ kawˆ heu deuˬ-aˬ, jeˬ zaˬ aˇ jiˇ deuˬ, iˇ cuꞈ laꞈ kʼoeˇ kʼaˇ dehꞈ kʼaˇ jawˇ-eu jeˬ hawˇ-eu, miˇ tsaˬ-ahˇ joe joe-ehˇ kʼaˇ cah-eu jeˬ zaˬ aˇ mawˇ dawˬ tawˆ luꞈ-ahˇ taꞈ leˇ-eu zahˇ dawˬ kʼoꞈ dawˬ pyeuꞈ-eu ma. 47Zahˇ sahˇ kʼoꞈ-ahˇ taꞈ leˇ-awˇ, shawˇ-eu jeˬ hawˇ-eu maˬ shawˇ-eu jeˬ maˬ ehˇ, dzaˬ kʼmˬ-eu jeˬ zaˬ hawˇ-eu maˬ dzaˬ kʼmˬ-eu jeˬ zaˬ maˬ ehˇ, naw maꞈ yahˇ-eu laꞈ kʼoeˇ ya tseˇ paˆ geuꞈ meh.
Currently Selected:
Uˬ duˬ 11: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Uˬ duˬ 11
11
Dzaˬ kʼmˬ-eu jeˬ zaˬ hawˇ-eu ngaˬ shaˬ deuˬ
(Dawˬmehˬ 14.3-21)
1Moˇseˬ hawˇ-eu Aˬloˬ-ahˇ Sahˬpaˬ Miˬyehˇ neh zahˇ sahˇ kʼoꞈ heu deuˬ biꞈ nehˬ-euˬ meh. 2Heu-aˬ, miˇ tsaˬ kʼoeˇ taˆ kʼaˇ dehꞈ kʼaˇ jawˇ-eu jeˬ zaˬ deuˬ laꞈ kʼoeˇ, naw maꞈ dzaˬ nya-eu deuˬ pyeuꞈ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. 3Kuiˇ sehˬ nyiˬ paˆ baw-awˇ, dzaˇ jiˆ jiˆ-eu jeˬ zaˬ deuˬ dzaˬ kʼmˬ meh. 4Ehˇ kʼawꞈ, dzaˇ jiˆ jiˆ-awˇ kuiˇ sehˬ maˬ paˆ-eu jeˬ zaˬ deuˬ maˬ ehˇ, kuiˇ sehˬ paˆ-awˇ dzaˇ jiˆ maˬ jiˆ-eu jeˬ zaˬ deuˬ maˬ ehˇ, maˬ dzaˬ kʼmˬ-a. Law taw-aˬ, dzaˇ jiˆ jiˆ kʼawꞈ, kuiˇ sehˬ maˬ paˆ-eu miˇ neh, naw maꞈ gʼaˇ duˬ maˬ shawˇ-a. 5Kuiˬ siˆ zaꞈ siˆ-aˬ, dzaˇ jiˆ jiˆ kʼawꞈ, kuiˇ sehˬ nyiˬ paˆ maˬ baw-eu miˇ neh, naw maꞈ gʼaˇ duˬ maˬ shawˇ-a. 6Lahˬ-aˬ, dzaˇ jiˆ jiˆ kʼawꞈ, kuiˇ sehˬ nyiˬ paˆ maˬ baw-eu miˇ neh, naw maꞈ gʼaˇ duˬ maˬ shawˇ-a. 7Aˬzaꞈ-aˬ, kuiˇ sehˬ nyiˬ paˆ baw kʼawꞈ, dzaˇ jiˆ maˬ jiˆ-eu miˇ neh, naw maꞈ gʼaˇ duˬ maˬ shawˇ-a. 8Jeˬ zaˬ heu deuˬ-euˬ shaˬ jiˇ maˬ dzaˬ kʼmˬ-eu uˬ taꞈ, jeˬ zaˬ heu deuˬ shiˇ taˬ-eu gaˇ maˬ toeˬ ciˆ kʼmˬ-a. Jeˬ zaˬ heu deuˬ-aˬ, naw maꞈ gʼaˇ duˬ maˬ shawˇ-eu jeˬ zaˬ deuˬ pyeuꞈ-eu meh.
9Yehˇ ma hawˇ-eu ngaˬ gʼaw kʼaˇ tsoꞈ-eu aˬ geu jeˬ ngaˬ shaˬ maˬ kaˬ, dzaˬ kʼmˬ meh. 10Ehˇ kʼawꞈ, dahˇ teˇ hawˇ-eu ngaˬ gʼaw maˬ tsoꞈ-eu iˇ cuꞈ laꞈ kʼoeˇ kʼaˇ dehꞈ kʼaˇ uˇ-eu aˬ geu jeˬ maˬ kaˬ, naw maꞈ maˬ dzaˬ kʼmˬ-a. 11Kʼoeˇ loꞈ-ehˇ gʼeh-eu deuˬ-aˬ, maˬ muiˬ maˬ shawˇ-a lehˇ naw maꞈ ya sawˇ meh. Kʼoeˇ deuˬ-ahˇ naw maꞈ maˬ dzaˬ kʼmˬ-eu uˬ taꞈ, shiˇ taˬ-euˬ gaˇ kʼawꞈ, maˬ toeˬ ciˆ kʼmˬ-a. 12Dahˇ teˇ hawˇ-eu ngaˬ gʼaw maˬ tsoꞈ-eu iˇ cuꞈ laꞈ kʼoeˇ kʼaˇ jawˇ-eu jeˬ-ahˇ naw maꞈ taˬ dzaˬ.
13Aˇ jiˇ deuˬ laꞈ kʼoeˇ heu deuˬ-aˬ, maˬ shawˇ-eu aˇ jiˇ deuˬ pyeuꞈ-eu miˇ neh, naw maꞈ maˬ dzaˬ kʼmˬ-a. Kʼaˬ dzeˇ dzeˇ ma, kʼaˬ dzeˇ jeˬ shiˇ, kʼaˬ dzeˇ bu, 14kʼaˬ dzeˇ pyawˆ, hawˬ bu byaˆ, 15awꞈ-aꞈ, 16law taw aˇ jiˇ, dzeˇ ngawˇ, iˬ ma laˆ shaˆ uiˇ dzoeˬ, bo-mˬ bo lo, 17dui-mˬ dui bui lui, uiˇ jawˇ lawˇ si, bawˇ tsahˬ jehˆ kʼaˬ, 18uiˇ za naˆ, shaˬ jiˇ yaw buꞈ dzaˬ-eu aˇ jiˇ, 19uiˇ za shuiˇ, uiˇ dzoeˬ, ho piˬ doiˬ doiˬ, boeˇ kʼaˬ, heu deuˬ-ahˇ maˬ dzaˬ kʼmˬ-a.
20Aˬ dahˇ tsoꞈ-awˇ, aˬ kuiˇ tsoꞈ-eu#11.20 Heˬbyehˇ dawˬ ‘aˬ kuiˇ oeˬ kahˬ tsoꞈ-eu’ lehˇ ehˇ taˬ-euˬ meh. aˇ mawˇ deuˬ-aˬ, maˬ shawˇ-a. 21Ehˇ kʼawꞈ, aˬ dahˇ tsoꞈ-eu aˇ mawˇ deuˬ laꞈ kʼoeˇ, bawˇ teuˆ tsoꞈ-awˇ teuˆ gahˇ nya-eu aˇ mawˇ deuˬ dzaˬ kʼmˬ meh. 22Nyehˇ bahˇ deuˬ hawˇ-eu nyoiˬ oiˬ deuˬ naw maꞈ dzaˬ kʼmˬ meh. 23Ehˇ kʼawꞈ, aˬ dahˇ tsoꞈ-awˇ aˬ kuiˇ oeˬ kahˬ tsoꞈ-eu aˬ nah aˬ dzeˇ aˇ mawˇ deuˬ-aˬ, maˬ shawˇ-a.
24Jeˬ zaˬ heu deuˬ shiˇ taˬ-euˬ gaˇ kʼaˇ toeˬ ciˆ-eu tsawˇ haˬ aˬ geu gʼaˬ maˬ kaˬ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh. 25Shiˇ taˬ-euˬ jeˬ zaˬ heu deuˬ laˆ lehꞈ-euˬ tsawˇ haˬ-aˬ, yawˬ ha-euˬ mehˬ tsoeˬ ya lehˬ tsiˬ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh. 26Jeˬ zaˬ aˬ geu jeˬ maˬ kaˬ, kuiˇ sehˬ tsoꞈ-eu kʼawꞈ, kuiˇ sehˬ nyiˬ paˆ maˬ baw-ehˇ, dzaˇ jiˆ maˬ jiˆ naˇ, maˬ shawˇ-eu jeˬ zaˬ pyeuꞈ-eu meh. Kʼoeˇ loꞈ-ehˇ gʼeh-eu jeˬ zaˬ-ahˇ toeˬ ciˆ-eu tsawˇ haˬ kʼawꞈ, maˬ shawˇ-a. 27Aˬ kuiˇ oeˬ kahˬ tsoꞈ-eu jeˬ zaˬ deuˬ laꞈ kʼoeˇ, laꞈ zaˬ tsoꞈ-eu jeˬ zaˬ deuˬ-aˬ, naw maꞈ gʼaˇ duˬ maˬ shawˇ-a. Kʼoeˇ loꞈ-ehˇ gʼeh-eu jeˬ zaˬ deuˬ shiˇ taˬ-euˬ gaˇ toeˬ ciˆ leˇ-eu tsawˇ haˬ a geu gʼaˬ maˬ kaˬ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh. 28Shiˇ taˬ-euˬ jeˬ zaˬ kʼoeˇ deuˬ kʼaˇ sheu dzeh-euˬ tsawˇ haˬ-aˬ, yawˬ ha-euˬ mehˬ tsoeˬ ya lehˬ tsiˬ-awˇ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh. Jeˬ zaˬ heu deuˬ-aˬ, naw maꞈ gʼaˇ duˬ maˬ shawˇ-eu jeˬ zaˬ pyeuꞈ-eu meh.
29Miˇ tsaˬ-ahˇ joe joe-ehˇ kʼaˇ cah-eu jeˬ zaˬ deuˬ laꞈ kʼoeˇ, naw maꞈ gʼaˇ duˬ maˬ shawˇ-eu jeˬ zaˬ deuˬ-aˬ, kʼahˬ sehˇ laꞈ pyaˆ, ho caꞈ, uiˇ zawˇ nyoeˇ, 30gʼaˇ gʼawˬ, dahˇ taˆ uiˇ zawˇ ma, uiˇ zawˇ naˆ, boeˬ byaˇ hawˇ-eu, kʼaˬ lawˇ behˇ jehˇ heu deuˬ meh. 31Miˇ tsaˬ-ahˇ joe joe-ehˇ kʼaˇ cah-eu jeˬ zaˬ deuˬ laꞈ kʼoeˇ, heu deuˬ-aˬ, naw maꞈ gʼaˇ duˬ maˬ shawˇ-eu jeˬ zaˬ deuˬ pyeuꞈ-eu meh. Jeˬ zaˬ heu deuˬ shiˇ taˬ-euˬ gaˇ kʼaˇ toeˬ ciˆ-eu tsawˇ haˬ aˬ geu gʼaˬ maˬ kaˬ, uˬ ciꞈ paw keuˆ ni maˬ shawˇ-a. 32Jeˬ zaˬ heu deuˬ shiˇ-awˇ ga daˆ-euˬ daˇ kawˬ maˬ ehˇ, mehˬ tsoeˬ maˬ ehˇ, shaˬ kʼoˆ maˬ ehˇ, pehˇ zeuˇ maˬ ehˇ, mui deuˇ oeˬ lahˬ maˬ ehˇ, maˬ shawˇ-eu mˇ myawˬ pyeuꞈ-eu meh. Mˇ myawˬ kʼoeˇ deuˬ-ahˇ iˇ cuꞈ-ahˇ ya biˬ puꞈ taˬ-awˇ, uˬ ciꞈ paw hawˇ-eu shawˇ-eu mˇ myawˬ pyeuꞈ laˇ-eu meh. 33Kʼoeˇ loꞈ-ehˇ gʼeh-eu jeˬ zaˬ tiˬ mawˇ na mui deuˇ oeˬ lahˬ laꞈ kʼoeˇ ga ahˇ naˇ, kʼoeˇ gaˇ kʼaˇ ahˇ-eu jeˬ dawˬ tawˆ luꞈ, maˬ shawˇ-eu jeˬ pyeuꞈ-iˇ jiˇ-euˬ meh. Kʼoeˇ miˇ neh, mui deuˇ oeˬ lahˬ kʼoeˇ siˬ ya kʼoˆ paˆ dzeh meh. 34Aˬ myah luꞈ dzaˬ luꞈ-eu dzaˇ deuˬ kʼoeˇ taˆ, mui deuˇ oeˬ lahˬ kʼoeˇ siˬ-ahˇ dahˬ-eu iˇ cuꞈ dzaˆ shehˬ naˇ, maˬ shawˇ-eu dzaˇ pyeuꞈ-iˇ-euˬ meh. Mui deuˇ oeˬ lahˬ kʼoeˇ siˬ-ahˇ kʼaˇ dahˬ-eu dawˇ nya-eu dzaˇ uiˇ dawˬ tawˆ luꞈ, maˬ shawˇ-eu dzaˇ uiˇ pyeuꞈ jiˇ-eu meh. 35Kʼoeˇ loꞈ-ehˇ gʼeh-eu jeˬ zaˬ shiˇ-awˇ ga daˆ-euˬ jeˬ dawˬ tawˆ luꞈ, maˬ shawˇ-eu myawˬ pyeuꞈ-iˇ-eu meh. Jeˬ zaˬ kʼoeˇ shiˇ ngeh ga daˆ-euˬ miˬ dzaˬ tsawˬ bu maˬ ehˇ, miˇ tsaˬ oeˬ lahˬ maˬ ehˇ, ya kʼoˆ paˆ dzeh-eu meh. Myawˬ kʼoeˇ deuˬ naw maꞈ gʼaˇ duˬ maˬ shawˇ-a. 36Kʼoeˇ loꞈ-ehˇ gʼeh-eu jeˬ zaˬ deuˬ shiˇ-awˇ ga daˆ-euˬ jeˬ dawˬ tawˆ luꞈ maˬ shawˇ-a. Ehˇ kʼawꞈ, iˇ cuꞈ tsawˬ biˬ hawˇ-eu iˇ cuꞈ lah duˬ-aˬ, kʼoeˇ loꞈ-ehˇ gʼeh-eu jeˬ zaˬ shiˇ-awˇ ga daˆ kʼawꞈ, yaw shawˇ meh. 37Siˬ yoeˬ sehˬ-eu lehˇ gʼeh-eu siˬ yoeˬ aˇ nuiˆ kʼoeˇ taˆ, kʼoeˇ loꞈ-ehˇ gʼeh-eu jeˬ zaˬ yaw shiˇ ga daˆ kʼawꞈ, siˬ yoeˬ kʼoeˇ yaw shawˇ meh. 38Ehˇ kʼawꞈ, siˬ yoeˬ kʼoeˇ iˇ cuꞈ-ahˇ bi duiˆ gʼaˬ ngeh hawˇ-eu ga daˆ naˇ, siˬ yoeˬ kʼoeˇ naw maꞈ gʼaˇ duˬ maˬ shawˇ-a.
39Dzaˬ kʼmˬ-eu jeˬ zaˬ tiˬ mawˇ na shiˇ taˬ-euˬ gaˇ, tsawˇ haˬ tiˬ gʼaˬ na ya toeˬ ciˆ naˇ, uˬ ciꞈ paw keuˆ ni, tsawˇ haˬ kʼoeˇ gʼaˬ maˬ shawˇ-a. 40Tsawˇ haˬ tiˬ gʼaˬ na, shiˇ taˬ-euˬ jeˬ zaˬ kʼoeˇ mawˇ-euˬ shaˬ jiˇ dzaˬ naˇ, aˬ yawꞈ-euˬ mehˬ tsoeˬ ya lehˬ tsiˬ-euˬ uˬ taꞈ, aˬ yawꞈ-aˬ, uˬ ciꞈ paw keuˆ ni maˬ shawˇ-eu tsawˇ haˬ tiˬ gʼaˬ pyeuꞈ-eu meh. Shiˇ taˬ-euˬ jeˬ zaˬ kʼoeˇ mawˇ laˆ lehꞈ-euˬ tsawˇ haˬ aˬ geu gʼaˬ maˬ kaˬ, aˬ yawꞈ-euˬ mehˬ tsoeˬ ya lehˬ tsiˬ-eu uˬ taꞈ, uˬ ciꞈ paw keuˆ ni maˬ shawˇ-eu tsawˇ haˬ pyeuꞈ-eu meh.
41Miˇ tsaˬ-ahˇ luˆ luˆ-ehˇ cah luꞈ-eu aˇ mawˇ deuˬ naw maꞈ maˬ dzaˬ kʼmˬ-a. 42Joe joe-ehˇ cah-eu deuˬ maˬ ehˇ, aˬ kuiˇ oeˬ kahˬ tsoꞈ-awˇ cah-eu deuˬ maˬ ehˇ, aˬ kuiˇ gʼawˬ mya ni tsoꞈ-awˇ cah-eu deuˬ maˬ ehˇ, naw maꞈ maˬ dzaˬ kʼmˬ-a. 43Aˇ mawˇ kʼoeˇ deuˬ dzaˬ-awˇ, yawˬ ha-euˬ gʼawˇ mawˇ maˬ shawˇ ni naw maꞈ maˬ ya mˇ-a. 44Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ muiˬ-eu shawˇ-eu tsawˇ haˬ pyeuꞈ ni, yawˬ ha-euˬ gʼawˇ mawˇ-ahˇ laˆ saˆ geuꞈ-awˬ. Aˬ jeˬ miˇ neh ehˇ naˇ, ngaˇ yaw muiˬ yaw shawˇ ma. 45Ngaˇ-aˬ, naw maꞈ-euˬ Miˬyehˇ pyeuꞈ laˇ ni, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Sahˬpaˬ Miˬyehˇ pyeuꞈ-eu ma. Naw maꞈ muiˬ-eu shawˇ-eu tsawˇ haˬ ya bi pyeuꞈ meh. Aˬ jeˬ miˇ neh ehˇ naˇ, ngaˇ-aˬ, yaw muiˬ yaw shawˇ ma.
46Ehˇ dzeuˇ yaꞈ-euˬ gaˇ kawˆ heu deuˬ-aˬ, jeˬ zaˬ aˇ jiˇ deuˬ, iˇ cuꞈ laꞈ kʼoeˇ kʼaˇ dehꞈ kʼaˇ jawˇ-eu jeˬ hawˇ-eu, miˇ tsaˬ-ahˇ joe joe-ehˇ kʼaˇ cah-eu jeˬ zaˬ aˇ mawˇ dawˬ tawˆ luꞈ-ahˇ taꞈ leˇ-eu zahˇ dawˬ kʼoꞈ dawˬ pyeuꞈ-eu ma. 47Zahˇ sahˇ kʼoꞈ-ahˇ taꞈ leˇ-awˇ, shawˇ-eu jeˬ hawˇ-eu maˬ shawˇ-eu jeˬ maˬ ehˇ, dzaˬ kʼmˬ-eu jeˬ zaˬ hawˇ-eu maˬ dzaˬ kʼmˬ-eu jeˬ zaˬ maˬ ehˇ, naw maꞈ yahˇ-eu laꞈ kʼoeˇ ya tseˇ paˆ geuꞈ meh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.