Yawˇshuˆ 21
21
Leˬbiˇ tsawˇ haˬ deuˬ-euˬ meuˬ deuˬ
1Piˇ ma Eˇlaˬzaˬ, Nuˬ-eu aˬ li Yawˇshuˆ hawˇ-eu, Iˇsaˬleˬlaˆ tsawˇ jeuˬ dawˬ tawˆ luꞈ-euˬ aˬ yuiꞈ aˬ tsu deuˬ jawˇ gaˇ, Leˬbiˇ tsawˇ jeuˬ aˬ yuiꞈ aˬ tsu deuˬ le-euˬ meh. 2Kʼoeˇ gaˇ, Kaˬnaˬ miˇ kʼahˬ Shiˇloˬ meuˬ laꞈ kʼoeˇ, Leˬbiˇ tsawˇ haˬ aˬ yuiꞈ aˬ tsu kʼoeˇ deuˬ ehˇ-eu, “Nga maꞈ jawˇ-eu gʼaˇ duˬ meuˬ deuˬ hawˇ-eu, nga maꞈ-euˬ jeˬ zaˬ deuˬ gʼaˇ duˬ meuˬ kʼoeˇ deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ nga maꞈ-ahˇ ya biꞈ meh lehˇ, Moˇseˬ-ahˇ gʼoe-awˇ Sahˬpaˬ Miˬyehˇ neh dawˬ biꞈ taˬ-euˬ jaˆ-eu meh.” 3Kʼoeˇ ngeh, Iˇsaˬleˬlaˆ tsawˇ haˬ deuˬ-aˬ, Sahˬpaˬ Miˬyehˇ neh dawˬ biꞈ taˬ-euˬ jaˆ-eu loꞈ-ehˇ, aˬ yawꞈ maꞈ-euˬ miˇ kʼahˬ laꞈ kʼoeˇ jaˆ-eu meuˬ tiˬ paˆ na deuˬ hawˇ-eu jeˬ zaˬ gaˆ kʼahˬ deuˬ, Leˬbiˇ tsawˇ haˬ deuˬ-ahˇ biꞈ-euˬ meh.
4Leˬbiˇ tsawˇ jeuˬ Kawˇhaˆ aˇ jeuˬ-ahˇ, aˬ cawˬ jeˬ hu meuˬ biˇ nehˬ-euˬ meh. Piˇ ma Aˬloˬ-euˬ zaˬ deuˬ-ahˇ, Yuˇdaˆ miˇ kʼahˬ, Suˇmoˬ miˇ kʼahˬ hawˇ-eu, Beˬyaˬmiˬ miˇ kʼahˬ laꞈ kʼoeˇ jaˆ-eu meuˬ tseˇ smˇ meuˬ biˇ oꞈ nehˬ-euˬ meh. 5Dzeˇ-eu Kawˇhaˆ aˇ jeuˬ deuˬ-ahˇ Eˇpaˬleˬ miˇ kʼahˬ, Daˬ miˇ kʼahˬ hawˇ-eu, nahˇ ma doˆ kʼehˬ paw jaˆ-eu Maˬnaˇseˬ miˇ kʼahˬ laꞈ kʼoeˇ, meuˬ tseˇ meuˬ biˇ oꞈ nehˬ-euˬ meh.
6Geˬlaˬshoˬ aˇ jeuˬ-ahˇ-aˬ, Iˇsaˬkaˬ miˇ kʼahˬ, Aˬshaˬ miˇ kʼahˬ, Naˬtaˬliˇ miˇ kʼahˬ hawˇ-eu, nahˇ ma doˆ kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ heu deuˬ laꞈ kʼoeˇ, meuˬ tseˇ smˇ meuˬ biˇ oꞈ nehˬ-euˬ meh.
7Meˬlaˬliˇ aˇ jeuˬ-ahˇ-aˬ, Luˇbeˬ miˇ kʼahˬ, Gaˆ miˇ kʼahˬ hawˇ-eu, Zeˬbuˬluˬ miˇ kʼahˬ heu deuˬ laꞈ kʼoeˇ jaˆ-eu meuˬ tseˇ nyiꞈ meuˬ biˇ oꞈ nehˬ-euˬ meh.
8Moˇseˬ-ahˇ gʼoe-awˇ Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ shehˆ tsaˬ tsaˬ-eu laꞈ kʼoeˇ, Leˬbiˇ tsawˇ jeuˬ deuˬ-ahˇ meuˬ heu deuˬ biˇ nehˬ-euˬ meh.
9-10Heu-aˬ, Leˬbiˇ tsawˇ jeuˬ laꞈ kʼoeˇ aˬ cawˬ jeˬ hu meuˬ biˇ oꞈ nehˬ-euˬ Kawˇhaˆ aˇ jeuˬ pyeuꞈ-eu Aˬloˬ-euˬ zaˬ deuˬ uˆ deuˬ-ahˇ oꞈ-eu, Yuˇdaˆ miˇ kʼahˬ hawˇ-eu Suˇmoˬ miˇ kʼahˬ laꞈ kʼoeˇ jaˆ-eu meuˬ deuˬ-euˬ tsawˇ myahˇ meh. 11Yuˇdaˆ miˇ kʼahˬ gawˬ jawˬ gawˬ duˇ-ahˇ jaˆ-eu, nymˬ-mˇ Heˬbyoˬ meuˬ lehˇ kuˇ-eu Aˬbaˬ meuˬ hawˇ-eu kʼoeˇ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ, aˬ yawꞈ maꞈ-ahˇ biꞈ-euˬ meh. (Aˬbaˬ-aˬ, Aˬnaˬkaˆ-euˬ aˬ da meh.) 12Ehˇ kʼawꞈ ni, meuˬ kʼoeˇ meuˬ-euˬ deh yaˇ deuˬ hawˇ-eu, meuˬ kʼoeˇ meuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ-aˬ, Yeˬpuˬnehˇ-euˬ aˬ li Gaˬlehˆ-ahˇ biꞈ gʼaˬ taˬ-euˬ meh.
13Buˬ-iˇ law-iˇ-eu meuˬ tiˬ meuˬ pyeuꞈ-eu Heˬbyoˬ meuˬ uˬ taꞈ, meuˬ heu deuˬ kʼawꞈ, piˇ ma Aˬloˬ-euˬ zaˬ deuˬ uˆ deuˬ-ahˇ biˇ oꞈ nehˬ-euˬ meh. Liˇbaˬnahˬ meuˬ, 14Yaˬtiˇlaˆ meuˬ, Eˇshaˬteˬmawˇ meuˬ, 15Hawˇloˬ meuˬ, Deˬbeuˬ meuˬ, 16Aˬiˇnaˆ meuˬ, Yuˇtah meuˬ hawˇ-eu, Behˬsheˬmehˇ meuˬ heu deuˬ meh. Meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ nehˬ-euˬ meh. Yuˇdaˆ miˇ kʼahˬ hawˇ-eu Suˇmoˬ miˇ kʼahˬ laꞈ kʼoeˇ aˬ yawꞈ maꞈ-ahˇ biꞈ nehˬ-euˬ meuˬ deuˬ-aˬ, meuˬ heu gʼoeˬ meuˬ meh. 17Beˬyaˬmiˬ miˇ kʼahˬ laꞈ kʼoeˇ aˬ yawꞈ maꞈ-ahˇ biˇ oꞈ nehˬ-euˬ meuˬ oeˬ meuˬ-aˬ, Giˇbyoˬ meuˬ, Geˬbaˬ meuˬ, 18Aˬnaˬtawˇ meuˬ hawˇ-eu, Aˬlaˬmawˬ meuˬ meh. Meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ nehˬ-euˬ meh. 19Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ-ahˇ, meuˬ dawˬ tawˆ luꞈ tseˇ smˇ meuˬ hawˇ-eu, meuˬ kʼoeˇ deuˬ-euˬ jeˬ zaˬ gaˆ kʼahˬ deuˬ biˇ oꞈ nehˬ-euˬ meh.
20Leˬbiˇ tsawˇ jeuˬ Kawˇhaˆ aˇ jeuˬ nui deuˬ-ahˇ, Eˇpaˬleˬ miˇ kʼahˬ laꞈ kʼoeˇ jaˆ-eu meuˬ tiˬ paˆ na deuˬ biˇ oꞈ nehˬ-euˬ meh. 21Aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ deuˬ-aˬ, Eˇpaˬleˬ miˇ kʼahˬ gawˬ jawˬ gawˬ duˇ paw jaˆ-eu buˬ-iˇ law-iˇ-eu meuˬ tiˬ meuˬ pyeuꞈ-eu Sheˬkmˬ meuˬ hawˇ-eu, meuˬ kʼoeˇ meuˬ-euˬ jeˬ zaˬ gaˆ kʼahˬ, Geˬzeuˬ meuˬ, 22Giˇbaˬzeˬ meuˬ hawˇ-eu, Behˬhawˇleuˬ meuˬ heu deuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 23Daˬ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biꞈ-euˬ meh. Meuˬ kʼoeˇ deuˬ-aˬ, Eˇlaˬteˬkaˇ meuˬ, Giˇbeˬdoˬ meuˬ, 24Aiˬjaˬloˬ meuˬ hawˇ-eu, Gaˬdaˇleˬmoˬ meuˬ heu deuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 25Nahˇ ma ga kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ meuˬ nyiˬ meuˬ kʼawꞈ aˬ yawꞈ maꞈ-ahˇ biꞈ-euˬ meh. Meuˬ kʼoeˇ nyiˬ meuˬ-aˬ, Taˬnehˇ meuˬ hawˇ-eu Gaˬdaˇleˬmoˬ meuˬ meh. Meuˬ kʼoeˇ nyiˬ meuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 26Meuˬ tseˇ meuˬ hawˇ-eu, meuˬ kʼoeˇ deuˬ-euˬ jeˬ zaˬ gaˆ kʼahˬ deuˬ, Kawˇhaˆ aˇ jeuˬ za-euˬ meh.
27Leˬbiˇ tsawˇ jeuˬ Geˬlaˬshoˬ aˇ jeuˬ-ahˇ, nahˇ ma doˆ kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ meuˬ nyiˬ meuˬ biꞈ-euˬ meh. Meuˬ kʼoeˇ nyiˬ meuˬ-aˬ, Baˬshaˬ gahˬ kaˬ-ahˇ jaˆ-eu buˬ-iˇ law-iˇ-eu meuˬ tiˬ meuˬ pyeuꞈ-eu Goˬlaˬ meuˬ hawˇ-eu, Biˇshaˬteˬlaˬ meuˬ meh. Meuˬ kʼoeˇ nyiˬ meuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 28Iˇsaˬkaˬ miˇ kʼahˬ laꞈ kʼoeˇ, meuˬ oeˬ meuˬ aˬ yawꞈ maꞈ za-euˬ meh. Meuˬ kʼoeˇ oeˬ meuˬ-aˬ, Giˇshahˬ meuˬ, Daˬbeˬlaˆ meuˬ, 29Jaˬmuˆ meuˬ hawˇ-eu, Eˬgaˬneˬ meuˬ meh. Meuˬ kʼoeˇ deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 30Aˬshaˬ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, Miˇshaˬlaˇ meuˬ, Aˬbaˬdoˬ meuˬ, 31Heˬlaˬkaˆ meuˬ hawˇ-eu, Leˬhawˇbaˆ meuˬ heu deuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 32Naˬtaˬliˇ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ smˇ meuˬ biˇ oꞈ nehˬ-euˬ meh. Meuˬ kʼoeˇ smˇ meuˬ-aˬ, Gaˬliˬlehˇ gahˬ kaˬ-ahˇ jaˆ-eu buˬ-iˇ law-iˇ-eu meuˬ tiˬ meuˬ pyeuꞈ-eu Geˬdeˬshaˆ meuˬ, Haˬmoˆdawˇlaˆ meuˬ hawˇ-eu, Kaˬtaˬ meuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 33Geˬlaˬshoˬ aˇ jeuˬ aˇ ca dawˬ tawˆ luꞈ gʼaˇ duˬ, meuˬ tseˇ smˇ meuˬ hawˇ-eu meuˬ kʼoeˇ deuˬ-euˬ jeˬ zaˬ gaˆ kʼahˬ deuˬ za-euˬ meh.
34Leˬbiˇ tsawˇ jeuˬ Meˬlaˬliˇ aˇ jeuˬ-ahˇ, Zeˬbuˬluˬ miˇ kʼahˬ-ahˇ jaˆ-eu meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, Jawˇkaˬneˬ meuˬ, Kaˬtah meuˬ, 35Dmˇnahˬ meuˬ hawˇ-eu, Naˬhaˬlaˇ meuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 36Luˇbeˬ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, Beˬzeˬlaˇ meuˬ, Yaˬhaˇ meuˬ, 37Geˬdiˇmoˇ meuˬ hawˇ-eu, Meˬpaˇ meuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 38Gaˆ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, buˬ-iˇ law-iˇ-eu meuˬ tiˬ meuˬ pyeuꞈ-eu, Giˇlaˆ gahˬ kaˬ-ahˇ jaˆ-eu Laˬmoˆ meuˬ, Maˬhaˬneˬ meuˬ, Heˬshaˬboˬ meuˬ hawˇ-eu, Yaˬzeuˬ meuˬ meh. 39Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 40Meuˬ dawˬ tawˆ luꞈ tseˇ nyiꞈ meuˬ, Meˬlaˬliˇ aˇ jeuˬ za-euˬ meh.
41-42Iˇsaˬleˬlaˆ tsawˇ haˬ deuˬ za taˬ-euˬ miˇ kʼahˬ laꞈ kʼoeˇ, Leˬbiˇ tsawˇ haˬ deuˬ-ahˇ meuˬ oeˬ tseˇ yehꞈ meuˬ biˇ oꞈ nehˬ-euˬ meh. Meuˬ kʼoeˇ deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh.
Iˇsaˬleˬlaˆ tsawˇ haˬ deuˬ saˇ jaˇ dzaˬ taˬ-euˬ miˇ kʼahˬ-ahˇ jawˇ uˇ leˇ-euˬ
43Iˇsaˬleˬlaˆ tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ, aˬ yawꞈ maꞈ-ahˇ Sahˬpaˬ Miˬyehˇ biꞈ nehˬ-euˬ meh. Miˇ kʼahˬ kʼoeˇ kʼahˬ-ahˇ aˬ yawꞈ maꞈ za ngeh, kʼoeˇ gaˇ jawˇ duˬ dah-euˬ meh. 44Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni laꞈ kʼoeˇ, aˬ yawꞈ maꞈ kʼoeˇ taˆ nui saˇ oꞈ-eu jeˬ Sahˬpaˬ Miˬyehˇ bi keuˆ le-euˬ meh. Aˬ yawꞈ maꞈ-ahˇ muiˇ-eu tsawˇ haˬ tiˬ gʼaˬ-iˬ aˬ yawꞈ maꞈ mehˬ shi maˬ yawꞈ peuˬ-a. Aˬ jeˬ miˇ neh ehˇ naˇ, muiˇ-eu tsawˇ haˬ dawˬ tawˆ luꞈ kʼoeˇ taˆ gʼaˬ leˇ-eu baoˬ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ biꞈ taˬ-euˬ meh. 45Iˇsaˬleˬlaˆ tsawˇ haˬ deuˬ-ahˇ aˬ yawꞈ neh dzaˬ taˬ-euˬ saˇ jaˇ yawˬ hmˬ na luꞈ-ahˇ, Sahˬpaˬ Miˬyehˇ ziꞈ luꞈ-eu meh.
Currently Selected:
Yawˇshuˆ 21: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Yawˇshuˆ 21
21
Leˬbiˇ tsawˇ haˬ deuˬ-euˬ meuˬ deuˬ
1Piˇ ma Eˇlaˬzaˬ, Nuˬ-eu aˬ li Yawˇshuˆ hawˇ-eu, Iˇsaˬleˬlaˆ tsawˇ jeuˬ dawˬ tawˆ luꞈ-euˬ aˬ yuiꞈ aˬ tsu deuˬ jawˇ gaˇ, Leˬbiˇ tsawˇ jeuˬ aˬ yuiꞈ aˬ tsu deuˬ le-euˬ meh. 2Kʼoeˇ gaˇ, Kaˬnaˬ miˇ kʼahˬ Shiˇloˬ meuˬ laꞈ kʼoeˇ, Leˬbiˇ tsawˇ haˬ aˬ yuiꞈ aˬ tsu kʼoeˇ deuˬ ehˇ-eu, “Nga maꞈ jawˇ-eu gʼaˇ duˬ meuˬ deuˬ hawˇ-eu, nga maꞈ-euˬ jeˬ zaˬ deuˬ gʼaˇ duˬ meuˬ kʼoeˇ deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ nga maꞈ-ahˇ ya biꞈ meh lehˇ, Moˇseˬ-ahˇ gʼoe-awˇ Sahˬpaˬ Miˬyehˇ neh dawˬ biꞈ taˬ-euˬ jaˆ-eu meh.” 3Kʼoeˇ ngeh, Iˇsaˬleˬlaˆ tsawˇ haˬ deuˬ-aˬ, Sahˬpaˬ Miˬyehˇ neh dawˬ biꞈ taˬ-euˬ jaˆ-eu loꞈ-ehˇ, aˬ yawꞈ maꞈ-euˬ miˇ kʼahˬ laꞈ kʼoeˇ jaˆ-eu meuˬ tiˬ paˆ na deuˬ hawˇ-eu jeˬ zaˬ gaˆ kʼahˬ deuˬ, Leˬbiˇ tsawˇ haˬ deuˬ-ahˇ biꞈ-euˬ meh.
4Leˬbiˇ tsawˇ jeuˬ Kawˇhaˆ aˇ jeuˬ-ahˇ, aˬ cawˬ jeˬ hu meuˬ biˇ nehˬ-euˬ meh. Piˇ ma Aˬloˬ-euˬ zaˬ deuˬ-ahˇ, Yuˇdaˆ miˇ kʼahˬ, Suˇmoˬ miˇ kʼahˬ hawˇ-eu, Beˬyaˬmiˬ miˇ kʼahˬ laꞈ kʼoeˇ jaˆ-eu meuˬ tseˇ smˇ meuˬ biˇ oꞈ nehˬ-euˬ meh. 5Dzeˇ-eu Kawˇhaˆ aˇ jeuˬ deuˬ-ahˇ Eˇpaˬleˬ miˇ kʼahˬ, Daˬ miˇ kʼahˬ hawˇ-eu, nahˇ ma doˆ kʼehˬ paw jaˆ-eu Maˬnaˇseˬ miˇ kʼahˬ laꞈ kʼoeˇ, meuˬ tseˇ meuˬ biˇ oꞈ nehˬ-euˬ meh.
6Geˬlaˬshoˬ aˇ jeuˬ-ahˇ-aˬ, Iˇsaˬkaˬ miˇ kʼahˬ, Aˬshaˬ miˇ kʼahˬ, Naˬtaˬliˇ miˇ kʼahˬ hawˇ-eu, nahˇ ma doˆ kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ heu deuˬ laꞈ kʼoeˇ, meuˬ tseˇ smˇ meuˬ biˇ oꞈ nehˬ-euˬ meh.
7Meˬlaˬliˇ aˇ jeuˬ-ahˇ-aˬ, Luˇbeˬ miˇ kʼahˬ, Gaˆ miˇ kʼahˬ hawˇ-eu, Zeˬbuˬluˬ miˇ kʼahˬ heu deuˬ laꞈ kʼoeˇ jaˆ-eu meuˬ tseˇ nyiꞈ meuˬ biˇ oꞈ nehˬ-euˬ meh.
8Moˇseˬ-ahˇ gʼoe-awˇ Sahˬpaˬ Miˬyehˇ neh dawˬ biꞈ taˬ-euˬ loꞈ-ehˇ, Iˇsaˬleˬlaˆ tsawˇ haˬ deuˬ shehˆ tsaˬ tsaˬ-eu laꞈ kʼoeˇ, Leˬbiˇ tsawˇ jeuˬ deuˬ-ahˇ meuˬ heu deuˬ biˇ nehˬ-euˬ meh.
9-10Heu-aˬ, Leˬbiˇ tsawˇ jeuˬ laꞈ kʼoeˇ aˬ cawˬ jeˬ hu meuˬ biˇ oꞈ nehˬ-euˬ Kawˇhaˆ aˇ jeuˬ pyeuꞈ-eu Aˬloˬ-euˬ zaˬ deuˬ uˆ deuˬ-ahˇ oꞈ-eu, Yuˇdaˆ miˇ kʼahˬ hawˇ-eu Suˇmoˬ miˇ kʼahˬ laꞈ kʼoeˇ jaˆ-eu meuˬ deuˬ-euˬ tsawˇ myahˇ meh. 11Yuˇdaˆ miˇ kʼahˬ gawˬ jawˬ gawˬ duˇ-ahˇ jaˆ-eu, nymˬ-mˇ Heˬbyoˬ meuˬ lehˇ kuˇ-eu Aˬbaˬ meuˬ hawˇ-eu kʼoeˇ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ, aˬ yawꞈ maꞈ-ahˇ biꞈ-euˬ meh. (Aˬbaˬ-aˬ, Aˬnaˬkaˆ-euˬ aˬ da meh.) 12Ehˇ kʼawꞈ ni, meuˬ kʼoeˇ meuˬ-euˬ deh yaˇ deuˬ hawˇ-eu, meuˬ kʼoeˇ meuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ-aˬ, Yeˬpuˬnehˇ-euˬ aˬ li Gaˬlehˆ-ahˇ biꞈ gʼaˬ taˬ-euˬ meh.
13Buˬ-iˇ law-iˇ-eu meuˬ tiˬ meuˬ pyeuꞈ-eu Heˬbyoˬ meuˬ uˬ taꞈ, meuˬ heu deuˬ kʼawꞈ, piˇ ma Aˬloˬ-euˬ zaˬ deuˬ uˆ deuˬ-ahˇ biˇ oꞈ nehˬ-euˬ meh. Liˇbaˬnahˬ meuˬ, 14Yaˬtiˇlaˆ meuˬ, Eˇshaˬteˬmawˇ meuˬ, 15Hawˇloˬ meuˬ, Deˬbeuˬ meuˬ, 16Aˬiˇnaˆ meuˬ, Yuˇtah meuˬ hawˇ-eu, Behˬsheˬmehˇ meuˬ heu deuˬ meh. Meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ nehˬ-euˬ meh. Yuˇdaˆ miˇ kʼahˬ hawˇ-eu Suˇmoˬ miˇ kʼahˬ laꞈ kʼoeˇ aˬ yawꞈ maꞈ-ahˇ biꞈ nehˬ-euˬ meuˬ deuˬ-aˬ, meuˬ heu gʼoeˬ meuˬ meh. 17Beˬyaˬmiˬ miˇ kʼahˬ laꞈ kʼoeˇ aˬ yawꞈ maꞈ-ahˇ biˇ oꞈ nehˬ-euˬ meuˬ oeˬ meuˬ-aˬ, Giˇbyoˬ meuˬ, Geˬbaˬ meuˬ, 18Aˬnaˬtawˇ meuˬ hawˇ-eu, Aˬlaˬmawˬ meuˬ meh. Meuˬ heu deuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ nehˬ-euˬ meh. 19Aˬloˬ-euˬ zaˬ deuˬ uˆ deuˬ pyeuꞈ-eu piˇ ma deuˬ-ahˇ, meuˬ dawˬ tawˆ luꞈ tseˇ smˇ meuˬ hawˇ-eu, meuˬ kʼoeˇ deuˬ-euˬ jeˬ zaˬ gaˆ kʼahˬ deuˬ biˇ oꞈ nehˬ-euˬ meh.
20Leˬbiˇ tsawˇ jeuˬ Kawˇhaˆ aˇ jeuˬ nui deuˬ-ahˇ, Eˇpaˬleˬ miˇ kʼahˬ laꞈ kʼoeˇ jaˆ-eu meuˬ tiˬ paˆ na deuˬ biˇ oꞈ nehˬ-euˬ meh. 21Aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ deuˬ-aˬ, Eˇpaˬleˬ miˇ kʼahˬ gawˬ jawˬ gawˬ duˇ paw jaˆ-eu buˬ-iˇ law-iˇ-eu meuˬ tiˬ meuˬ pyeuꞈ-eu Sheˬkmˬ meuˬ hawˇ-eu, meuˬ kʼoeˇ meuˬ-euˬ jeˬ zaˬ gaˆ kʼahˬ, Geˬzeuˬ meuˬ, 22Giˇbaˬzeˬ meuˬ hawˇ-eu, Behˬhawˇleuˬ meuˬ heu deuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 23Daˬ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biꞈ-euˬ meh. Meuˬ kʼoeˇ deuˬ-aˬ, Eˇlaˬteˬkaˇ meuˬ, Giˇbeˬdoˬ meuˬ, 24Aiˬjaˬloˬ meuˬ hawˇ-eu, Gaˬdaˇleˬmoˬ meuˬ heu deuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 25Nahˇ ma ga kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ meuˬ nyiˬ meuˬ kʼawꞈ aˬ yawꞈ maꞈ-ahˇ biꞈ-euˬ meh. Meuˬ kʼoeˇ nyiˬ meuˬ-aˬ, Taˬnehˇ meuˬ hawˇ-eu Gaˬdaˇleˬmoˬ meuˬ meh. Meuˬ kʼoeˇ nyiˬ meuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 26Meuˬ tseˇ meuˬ hawˇ-eu, meuˬ kʼoeˇ deuˬ-euˬ jeˬ zaˬ gaˆ kʼahˬ deuˬ, Kawˇhaˆ aˇ jeuˬ za-euˬ meh.
27Leˬbiˇ tsawˇ jeuˬ Geˬlaˬshoˬ aˇ jeuˬ-ahˇ, nahˇ ma doˆ kʼehˬ paw baˬ-ahˇ jaˆ-eu Maˬnaˇseˬ miˇ kʼahˬ meuˬ nyiˬ meuˬ biꞈ-euˬ meh. Meuˬ kʼoeˇ nyiˬ meuˬ-aˬ, Baˬshaˬ gahˬ kaˬ-ahˇ jaˆ-eu buˬ-iˇ law-iˇ-eu meuˬ tiˬ meuˬ pyeuꞈ-eu Goˬlaˬ meuˬ hawˇ-eu, Biˇshaˬteˬlaˬ meuˬ meh. Meuˬ kʼoeˇ nyiˬ meuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 28Iˇsaˬkaˬ miˇ kʼahˬ laꞈ kʼoeˇ, meuˬ oeˬ meuˬ aˬ yawꞈ maꞈ za-euˬ meh. Meuˬ kʼoeˇ oeˬ meuˬ-aˬ, Giˇshahˬ meuˬ, Daˬbeˬlaˆ meuˬ, 29Jaˬmuˆ meuˬ hawˇ-eu, Eˬgaˬneˬ meuˬ meh. Meuˬ kʼoeˇ deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 30Aˬshaˬ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, Miˇshaˬlaˇ meuˬ, Aˬbaˬdoˬ meuˬ, 31Heˬlaˬkaˆ meuˬ hawˇ-eu, Leˬhawˇbaˆ meuˬ heu deuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 32Naˬtaˬliˇ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ smˇ meuˬ biˇ oꞈ nehˬ-euˬ meh. Meuˬ kʼoeˇ smˇ meuˬ-aˬ, Gaˬliˬlehˇ gahˬ kaˬ-ahˇ jaˆ-eu buˬ-iˇ law-iˇ-eu meuˬ tiˬ meuˬ pyeuꞈ-eu Geˬdeˬshaˆ meuˬ, Haˬmoˆdawˇlaˆ meuˬ hawˇ-eu, Kaˬtaˬ meuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 33Geˬlaˬshoˬ aˇ jeuˬ aˇ ca dawˬ tawˆ luꞈ gʼaˇ duˬ, meuˬ tseˇ smˇ meuˬ hawˇ-eu meuˬ kʼoeˇ deuˬ-euˬ jeˬ zaˬ gaˆ kʼahˬ deuˬ za-euˬ meh.
34Leˬbiˇ tsawˇ jeuˬ Meˬlaˬliˇ aˇ jeuˬ-ahˇ, Zeˬbuˬluˬ miˇ kʼahˬ-ahˇ jaˆ-eu meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, Jawˇkaˬneˬ meuˬ, Kaˬtah meuˬ, 35Dmˇnahˬ meuˬ hawˇ-eu, Naˬhaˬlaˇ meuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 36Luˇbeˬ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, Beˬzeˬlaˇ meuˬ, Yaˬhaˇ meuˬ, 37Geˬdiˇmoˇ meuˬ hawˇ-eu, Meˬpaˇ meuˬ meh. Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 38Gaˆ miˇ kʼahˬ laꞈ kʼoeˇ, aˬ yawꞈ maꞈ-ahˇ meuˬ oeˬ meuˬ biˇ oꞈ nehˬ-euˬ meh. Meuˬ kʼoeˇ oeˬ meuˬ-aˬ, buˬ-iˇ law-iˇ-eu meuˬ tiˬ meuˬ pyeuꞈ-eu, Giˇlaˆ gahˬ kaˬ-ahˇ jaˆ-eu Laˬmoˆ meuˬ, Maˬhaˬneˬ meuˬ, Heˬshaˬboˬ meuˬ hawˇ-eu, Yaˬzeuˬ meuˬ meh. 39Meuˬ heu deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh. 40Meuˬ dawˬ tawˆ luꞈ tseˇ nyiꞈ meuˬ, Meˬlaˬliˇ aˇ jeuˬ za-euˬ meh.
41-42Iˇsaˬleˬlaˆ tsawˇ haˬ deuˬ za taˬ-euˬ miˇ kʼahˬ laꞈ kʼoeˇ, Leˬbiˇ tsawˇ haˬ deuˬ-ahˇ meuˬ oeˬ tseˇ yehꞈ meuˬ biˇ oꞈ nehˬ-euˬ meh. Meuˬ kʼoeˇ deuˬ-euˬ jeˬ zaˬ gaˆ kʼahˬ deuˬ kʼawꞈ, aˬ yawꞈ maꞈ-ahˇ biꞈ-euˬ meh.
Iˇsaˬleˬlaˆ tsawˇ haˬ deuˬ saˇ jaˇ dzaˬ taˬ-euˬ miˇ kʼahˬ-ahˇ jawˇ uˇ leˇ-euˬ
43Iˇsaˬleˬlaˆ tsawˇ haˬ deuˬ-ahˇ biꞈ-eu gʼaˇ duˬ aˬ yawꞈ maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ miˇ kʼahˬ kʼoeˇ kʼahˬ, aˬ yawꞈ maꞈ-ahˇ Sahˬpaˬ Miˬyehˇ biꞈ nehˬ-euˬ meh. Miˇ kʼahˬ kʼoeˇ kʼahˬ-ahˇ aˬ yawꞈ maꞈ za ngeh, kʼoeˇ gaˇ jawˇ duˬ dah-euˬ meh. 44Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ loꞈ-ehˇ, miˇ kʼahˬ kʼoeˇ kʼahˬ kʼahˬ lah ni laꞈ kʼoeˇ, aˬ yawꞈ maꞈ kʼoeˇ taˆ nui saˇ oꞈ-eu jeˬ Sahˬpaˬ Miˬyehˇ bi keuˆ le-euˬ meh. Aˬ yawꞈ maꞈ-ahˇ muiˇ-eu tsawˇ haˬ tiˬ gʼaˬ-iˬ aˬ yawꞈ maꞈ mehˬ shi maˬ yawꞈ peuˬ-a. Aˬ jeˬ miˇ neh ehˇ naˇ, muiˇ-eu tsawˇ haˬ dawˬ tawˆ luꞈ kʼoeˇ taˆ gʼaˬ leˇ-eu baoˬ, Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ biꞈ taˬ-euˬ meh. 45Iˇsaˬleˬlaˆ tsawˇ haˬ deuˬ-ahˇ aˬ yawꞈ neh dzaˬ taˬ-euˬ saˇ jaˇ yawˬ hmˬ na luꞈ-ahˇ, Sahˬpaˬ Miˬyehˇ ziꞈ luꞈ-eu meh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.