Yawˇshuˆ 18
18
Dzeˇ-eu miˇ kʼahˬ deuˬ biˇ geuꞈ-euˬ
1Miˇ kʼahˬ kʼoeˇ kʼahˬ-ahˇ aˬ yawꞈ maꞈ deuˆ za gʼaˬ ngeh, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ Shiˇloˬ meuˬ-ahˇ uiˬ leˇ-awˇ, Sahˬpaˬ Miˬyehˇ-euˬ Sehˬ gʼawˆ tsoˆ-euˬ meh. 2Iˇsaˬleˬlaˆ tsawˇ haˬ deuˬ laꞈ kʼoeˇ, miˇ kʼahˬ jeˬ biˇ maˬ za-euˬ tsawˇ jeuˬ shiꞈ jeuˬ jawˇ luꞈ-eu meh. 3Kʼoeˇ ngeh, Iˇsaˬleˬlaˆ tsawˇ haˬ deuˬ-ahˇ Yawˇshuˆ ehˇ nehˬ-eu, “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ-ahˇ naw maꞈ maˬ jawˇ uˇ leˇ ni aˬ jeˬ gʼeh nyi naˬ te. 4Tsawˇ jeuˬ aˬ yawꞈ jeuˬ yawꞈ laꞈ kʼoeˇ tsawˇ haˬ smˇ gʼaˬ tseˇ doˆ nehˬ laꞈ-awˬ. Aˬ yawꞈ maꞈ geuꞈ mawꞈ-eu miˇ kʼahˬ aˇ baˇ aˇ kawˆ bi kawˆ doˆ-eu gʼaˇ duˬ, aˬ yawꞈ maꞈ-ahˇ ngaˇ pyehˬ gʼeh ma. Kʼoeˇ naˇ, aˬ yawꞈ maꞈ ngaˇ jawˇ gaˇ gʼoꞈ le tehꞈ-a. 5Miˇ kʼahˬ kʼoeˇ kʼahˬ-ahˇ, aˬ yawꞈ maꞈ gʼaˇ duˬ shiꞈ paˆ ya paˆ tehꞈ-a. Yuˇdaˆ tsawˇ jeuˬ-aˬ, laꞈ oˆ paw jaˆ-eu aˬ yawꞈ maꞈ-euˬ miˇ kʼahˬ-ahˇ ya jawˇ-awˇ, Yoˇsehˆ tsawˇ jeuˬ deuˬ-aˬ, laꞈ taˆ paw jaˆ-eu aˬ yawꞈ maꞈ-euˬ miˇ kʼahˬ-ahˇ ya jawˇ tehꞈ-a. 6Miˇ kʼahˬ shiꞈ paˆ paˆ-euˬ gaˇ kawˆ aˇ baˇ boꞈ doˆ-awˇ, ngaˇ jawˇ gaˇ yuˇ laꞈ-awˬ. Naw maꞈ gʼaˇ duˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ mehˬ bawˬ mˇ-awˇ, shehˆ tsaˬ tsaˬ-eu laꞈ kʼoeˇ, naw maꞈ-ahˇ miˇ kʼahˬ biˇ nehˬ ma. 7Ehˇ kʼawꞈ, Leˬbiˇ tsawˇ jeuˬ-aˬ, naw maꞈ loꞈ-ehˇ miˇ kʼahˬ jeˬ biˇ maˬ oꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ jeˬ biˇ-aˬ, Sahˬpaˬ Miˬyehˇ-euˬ piˇ ma geuꞈ-eu kʼoeˇ meh. Gaˆ tsawˇ jeuˬ, Luˇbeˬ tsawˇ jeuˬ hawˇ-eu nahˇ ma doˆ kʼehˬ paw jawˇ-eu Maˬnaˇseˬ tsawˇ jeuˬ deuˬ-aˬ, Sahˬpaˬ Miˬyehˇ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ taˬ-euˬ Yawˇdaˬ lawˇ baˬ nahˇ ma doˆ kʼehˬ paw jaˆ-eu miˇ kʼahˬ za gʼaˬ-euˬ meh.”
8Kʼoeˇ naˇ, miˇ kʼahˬ aˇ baˇ kawˆ boꞈ leˇ-eu tsawˇ haˬ deuˬ doˆ le-euˬ meh. Aˬ yawꞈ maꞈ-ahˇ Yawˇshuˆ mehˬ nehˬ tsoˆ nehˬ-eu, “Miˇ kʼahˬ kʼahˬ lah ni cah doe leˇ-awˇ, miˇ kʼahˬ aˇ baˇ boꞈ-awˇ ngaˇ jawˇ gaˇ gʼoꞈ le-awˬ. Kʼoeˇ naˇ, heu gaˇ Shiˇloˬ meuˬ-ahˇ, Sahˬpaˬ Miˬyehˇ-ahˇ ngaˇ mehˬ bawˬ mˇ-awˇ, shehˆ tsaˬ tsaˬ-eu laꞈ kʼoeˇ, naw maꞈ-ahˇ miˇ kʼahˬ biˇ nehˬ ma.” 9Tsawˇ haˬ kʼoeˇ deuˬ miˇ kʼahˬ kʼahˬ lah ni cah doe-awˇ, meuˬ deuˬ-euˬ tsawˇ myahˇ boꞈ ahˇ jiˇ-awˇ, miˇ kʼahˬ aˬ joˆ-ehˇ biˇ paˆ-eu gaˇ kawˆ boꞈ doˆ-euˬ meh. Kʼoeˇ naˇ, Shiˇloˬ taˆ-ahˇ Yawˇshuˆ jawˇ gaˇ gʼoꞈ le-euˬ meh. 10Kʼoeˇ naˇ, Yawˇshuˆ shehˆ tsaˬ tsaˬ-eu laꞈ kʼoeˇ, Sahˬpaˬ Miˬyehˇ nehˬ-ehˇ mehˬ bawˬ mˇ-awˇ, dzeˇ luꞈ-eu tsawˇ jeuˬ aˬ yawꞈ jeuˬ yawꞈ-ahˇ miˇ kʼahˬ biˇ nehˬ-euˬ meh.
Beˬyaˬmiˬ tsawˇ jeuˬ-ahˇ oꞈ-eu miˇ kʼahˬ
11Beˬyaˬmiˬ tsawˇ jeuˬ-ahˇ oꞈ-eu miˇ kʼahˬ-ahˇ aˬ cawˬ jeˬ hu biˇ nehˬ-euˬ meh. Miˇ kʼahˬ kʼoeˇ-aˬ, Yuˇdaˆ miˇ kʼahˬ hawˇ-eu, Yoˇsehˆ tsawˇ jeuˬ-euˬ miˇ kʼahˬ yaw kaˬ-ahˇ tsaˬ-eu meh. 12Aˬ yawꞈ maꞈ-euˬ miˇ kaˬ laꞈ taˆ paw pyawˬ-aˬ, Yawˇdaˬ lawˇ baˬ-ahˇ neh aˇ dahˬ beh-awˇ, Yeˬliˇkoˇ meuˬ-euˬ laꞈ taˆ, baˬ gʼa caw caw-ehˇ le daˆ gʼeh leꞈ-awˇ, nahˇ ma ga kʼehˬ paw gawˬ jawˬ gawˬ duˇ nyiˬ tsehˆ-ehˇ, Behˬdaˬbeˬ meuˬ-ahˇ keuˆ ni paˇ iˇ gʼeh-euˬ meh. 13Kʼoeˇ gaˇ neh naˇ (Behˬdaˬbeˬ meuˬ lehˇ kʼawꞈ kuˇ-eu) Luˇzaˆ meuˬ-euˬ laꞈ oˆ paw pyawˬ-ahˇ baˬ gʼa caw caw-ehˇ paˇ zaꞈ ka le-awˇ, Behˬhawˇleuˬ meuˬ-euˬ laꞈ oˆ gawˬ jawˬ-ahˇ jaˆ-eu Aˬtaˬyoˆaˬdaˬlaˆ meuˬ-ahˇ le-euˬ meh. 14Kʼoeˇ gaˇ neh naˇ, yawˬ paw yawˬ paˇ iˇ pyawˇ gʼeh-awˇ, gawˬ jawˬ kʼoeˇ jawˬ-euˬ nahˇ ma ga kʼehˬ paw dzeˇ neh laꞈ oˆ paw oe ka-awˇ, Yuˇdaˆ tsawˇ jeuˬ-ahˇ taꞈ-eu (Giˇliˇyaˆyeˬlmˬ lehˇ kʼawꞈ kuˇ-eu) Giˇliˇyaˆbaˬlaˇ meuˬ-ahˇ keuˆ ni meh. Heu-aˬ, nahˇ ma ga kʼehˬ paw-euˬ miˇ kaˬ meh. 15Laˬ oˆ paw pyawˬ miˇ kaˬ-aˬ, Giˇliˇyaˆyeˬlmˬ-euˬ mehˬ dzaˬ-ahˇ neh aˇ dahˬ beh-awˇ, Neˬpaˬtahˇ lawˇ kʼawꞈ paw iˇ gʼeh-euˬ meh. 16Kʼoeˇ gaˇ neh naˇ, Leˬpeˬ deh kʼawꞈ-euˬ uˬ gʼmˬ-ahˇ Hiˬnoˬ deh kʼawꞈ kʼoeˇ taˆ jaˆ-eu gawˬ jawˬ-euˬ dawˬ dahˬ paw iˇ gʼeh-euˬ meh. Kʼoeˇ naˇ, Yeˬbuˇ gawˬ jawˬ dahˇ teˇ laꞈ oˆ jaˆ-eu Hiˬnoˬ deh kʼawꞈ caw caw-ehˇ, laꞈ oˆ paw jaˆ-eu Eˬloˇgeˬ meuˬ-ahˇ iˇ-euˬ meh. 17Kʼoeˇ naˇ, laꞈ taˆ paw jaˆ-eu Eˬsheˬmehˇ meuˬ-ahˇ paˇ le leꞈ-awˇ, Aˬduˬmiˬ gʼaˬ lahˇ kʼoeˇ paw paˆ jaˆ-eu Geˬliˇlawˆ meuˬ-ahˇ le-euˬ meh. Kʼoeˇ naˇ, Luˇbeˬ-euˬ aˬ li Boˬhaˬ-euˬ Kʼaˬ lo lehˇ kuˇ-eu jawˇ duˬ-ahˇ iˇ-euˬ meh. 18Kʼoeˇ naˇ, Yawˇdaˬ deh kʼawꞈ kʼoeˇ taˆ jaˆ-eu gawˬ jawˬ dahˇ teˇ nyiˬ tsehˆ-ehˇ laꞈ taˆ paw le daˆ-awˇ, deh kʼawꞈ-ahˇ paˇ iˇ uˇ gʼeh-euˬ meh. 19Kʼoeˇ gaˇ neh naˇ, Behˬhawˇgaˬlaˇ meuˬ-euˬ laꞈ taˆ paw gawˬ jawˬ dahˇ teˇ nyiˬ tsehˆ-ehˇ, Yawˇdaˬ lawˇ baˬ yoeˇ uˇ duˬ pyeuꞈ-eu Shiˇ-eu iˬ ma laˆ shaˆ lah gʼmˬ-ahˇ iˇ dahˬ-euˬ meh. 20Yawˇdaˬ lawˇ baˬ-aˬ, nahˇ ma doˆ kʼehˬ paw-euˬ miˇ kaˬ meh. Heu-aˬ, Beˬyaˬmiˬ tsawˇ jeuˬ za-euˬ miˇ kʼahˬ kʼoeˇ kʼahˬ-euˬ miˇ kaˬ meh.
21Beˬyaˬmiˬ tsawˇ jeuˬ deuˬ za-euˬ meuˬ deuˬ-aˬ, Yeˬliˇkoˇ meuˬ, Behˬhawˇgaˬlaˇ meuˬ, Eˬmehˇkeˬziˇ meuˬ, 22Behˬaˬlaˬbahˬ meuˬ, Zeˬmaˬleˬ meuˬ, Beˬdeˬlaˇ meuˬ, 23Aˬbymˬ meuˬ, Paˬlahˬ meuˬ, Awˇpaˬlaˇ meuˬ, 24Sheˬpaˬlaˬmoˇniˇ meuˬ, Awˇpaˬniˇ meuˬ, Geˬbaˬ meuˬ, heu tseˇ nyiꞈ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh. 25Kʼoeˇ naˇ, Giˇbyoˬ meuˬ, Laˬmahˇ meuˬ, Biˇyoˆ meuˬ, 26Miˇzaˬpaˬ meuˬ, Sheˬpiˇlaˬ meuˬ, Mawˇzahˇ meuˬ, 27Leˬkmˬ meuˬ, Iˇlaˬpeˬlaˇ meuˬ, Taˬlaˬlahˬ meuˬ, 28Zeˬlaˬ meuˬ, Haˬeˇlehˆ meuˬ, (Yeˬluˇsaˬlehˬ lehˇ kʼawꞈ kuˇ-eu) Yeˬbuˇ meuˬ, Giˇbyaˬ meuˬ, Giˇliˇyaˆyeˬlmˬ meuˬ, heu tseˇ oeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh. Heu-aˬ, Beˬyaˬmiˬ tsawˇ jeuˬ deuˬ za-euˬ miˇ kʼahˬ pyeuꞈ-eu meh.
Currently Selected:
Yawˇshuˆ 18: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Yawˇshuˆ 18
18
Dzeˇ-eu miˇ kʼahˬ deuˬ biˇ geuꞈ-euˬ
1Miˇ kʼahˬ kʼoeˇ kʼahˬ-ahˇ aˬ yawꞈ maꞈ deuˆ za gʼaˬ ngeh, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ Shiˇloˬ meuˬ-ahˇ uiˬ leˇ-awˇ, Sahˬpaˬ Miˬyehˇ-euˬ Sehˬ gʼawˆ tsoˆ-euˬ meh. 2Iˇsaˬleˬlaˆ tsawˇ haˬ deuˬ laꞈ kʼoeˇ, miˇ kʼahˬ jeˬ biˇ maˬ za-euˬ tsawˇ jeuˬ shiꞈ jeuˬ jawˇ luꞈ-eu meh. 3Kʼoeˇ ngeh, Iˇsaˬleˬlaˆ tsawˇ haˬ deuˬ-ahˇ Yawˇshuˆ ehˇ nehˬ-eu, “Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ miˇ kʼahˬ-ahˇ naw maꞈ maˬ jawˇ uˇ leˇ ni aˬ jeˬ gʼeh nyi naˬ te. 4Tsawˇ jeuˬ aˬ yawꞈ jeuˬ yawꞈ laꞈ kʼoeˇ tsawˇ haˬ smˇ gʼaˬ tseˇ doˆ nehˬ laꞈ-awˬ. Aˬ yawꞈ maꞈ geuꞈ mawꞈ-eu miˇ kʼahˬ aˇ baˇ aˇ kawˆ bi kawˆ doˆ-eu gʼaˇ duˬ, aˬ yawꞈ maꞈ-ahˇ ngaˇ pyehˬ gʼeh ma. Kʼoeˇ naˇ, aˬ yawꞈ maꞈ ngaˇ jawˇ gaˇ gʼoꞈ le tehꞈ-a. 5Miˇ kʼahˬ kʼoeˇ kʼahˬ-ahˇ, aˬ yawꞈ maꞈ gʼaˇ duˬ shiꞈ paˆ ya paˆ tehꞈ-a. Yuˇdaˆ tsawˇ jeuˬ-aˬ, laꞈ oˆ paw jaˆ-eu aˬ yawꞈ maꞈ-euˬ miˇ kʼahˬ-ahˇ ya jawˇ-awˇ, Yoˇsehˆ tsawˇ jeuˬ deuˬ-aˬ, laꞈ taˆ paw jaˆ-eu aˬ yawꞈ maꞈ-euˬ miˇ kʼahˬ-ahˇ ya jawˇ tehꞈ-a. 6Miˇ kʼahˬ shiꞈ paˆ paˆ-euˬ gaˇ kawˆ aˇ baˇ boꞈ doˆ-awˇ, ngaˇ jawˇ gaˇ yuˇ laꞈ-awˬ. Naw maꞈ gʼaˇ duˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ mehˬ bawˬ mˇ-awˇ, shehˆ tsaˬ tsaˬ-eu laꞈ kʼoeˇ, naw maꞈ-ahˇ miˇ kʼahˬ biˇ nehˬ ma. 7Ehˇ kʼawꞈ, Leˬbiˇ tsawˇ jeuˬ-aˬ, naw maꞈ loꞈ-ehˇ miˇ kʼahˬ jeˬ biˇ maˬ oꞈ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ jeˬ biˇ-aˬ, Sahˬpaˬ Miˬyehˇ-euˬ piˇ ma geuꞈ-eu kʼoeˇ meh. Gaˆ tsawˇ jeuˬ, Luˇbeˬ tsawˇ jeuˬ hawˇ-eu nahˇ ma doˆ kʼehˬ paw jawˇ-eu Maˬnaˇseˬ tsawˇ jeuˬ deuˬ-aˬ, Sahˬpaˬ Miˬyehˇ-euˬ zaˬ kʼaˆ Moˇseˬ neh aˬ yawꞈ maꞈ-ahˇ biꞈ taˬ-euˬ Yawˇdaˬ lawˇ baˬ nahˇ ma doˆ kʼehˬ paw jaˆ-eu miˇ kʼahˬ za gʼaˬ-euˬ meh.”
8Kʼoeˇ naˇ, miˇ kʼahˬ aˇ baˇ kawˆ boꞈ leˇ-eu tsawˇ haˬ deuˬ doˆ le-euˬ meh. Aˬ yawꞈ maꞈ-ahˇ Yawˇshuˆ mehˬ nehˬ tsoˆ nehˬ-eu, “Miˇ kʼahˬ kʼahˬ lah ni cah doe leˇ-awˇ, miˇ kʼahˬ aˇ baˇ boꞈ-awˇ ngaˇ jawˇ gaˇ gʼoꞈ le-awˬ. Kʼoeˇ naˇ, heu gaˇ Shiˇloˬ meuˬ-ahˇ, Sahˬpaˬ Miˬyehˇ-ahˇ ngaˇ mehˬ bawˬ mˇ-awˇ, shehˆ tsaˬ tsaˬ-eu laꞈ kʼoeˇ, naw maꞈ-ahˇ miˇ kʼahˬ biˇ nehˬ ma.” 9Tsawˇ haˬ kʼoeˇ deuˬ miˇ kʼahˬ kʼahˬ lah ni cah doe-awˇ, meuˬ deuˬ-euˬ tsawˇ myahˇ boꞈ ahˇ jiˇ-awˇ, miˇ kʼahˬ aˬ joˆ-ehˇ biˇ paˆ-eu gaˇ kawˆ boꞈ doˆ-euˬ meh. Kʼoeˇ naˇ, Shiˇloˬ taˆ-ahˇ Yawˇshuˆ jawˇ gaˇ gʼoꞈ le-euˬ meh. 10Kʼoeˇ naˇ, Yawˇshuˆ shehˆ tsaˬ tsaˬ-eu laꞈ kʼoeˇ, Sahˬpaˬ Miˬyehˇ nehˬ-ehˇ mehˬ bawˬ mˇ-awˇ, dzeˇ luꞈ-eu tsawˇ jeuˬ aˬ yawꞈ jeuˬ yawꞈ-ahˇ miˇ kʼahˬ biˇ nehˬ-euˬ meh.
Beˬyaˬmiˬ tsawˇ jeuˬ-ahˇ oꞈ-eu miˇ kʼahˬ
11Beˬyaˬmiˬ tsawˇ jeuˬ-ahˇ oꞈ-eu miˇ kʼahˬ-ahˇ aˬ cawˬ jeˬ hu biˇ nehˬ-euˬ meh. Miˇ kʼahˬ kʼoeˇ-aˬ, Yuˇdaˆ miˇ kʼahˬ hawˇ-eu, Yoˇsehˆ tsawˇ jeuˬ-euˬ miˇ kʼahˬ yaw kaˬ-ahˇ tsaˬ-eu meh. 12Aˬ yawꞈ maꞈ-euˬ miˇ kaˬ laꞈ taˆ paw pyawˬ-aˬ, Yawˇdaˬ lawˇ baˬ-ahˇ neh aˇ dahˬ beh-awˇ, Yeˬliˇkoˇ meuˬ-euˬ laꞈ taˆ, baˬ gʼa caw caw-ehˇ le daˆ gʼeh leꞈ-awˇ, nahˇ ma ga kʼehˬ paw gawˬ jawˬ gawˬ duˇ nyiˬ tsehˆ-ehˇ, Behˬdaˬbeˬ meuˬ-ahˇ keuˆ ni paˇ iˇ gʼeh-euˬ meh. 13Kʼoeˇ gaˇ neh naˇ (Behˬdaˬbeˬ meuˬ lehˇ kʼawꞈ kuˇ-eu) Luˇzaˆ meuˬ-euˬ laꞈ oˆ paw pyawˬ-ahˇ baˬ gʼa caw caw-ehˇ paˇ zaꞈ ka le-awˇ, Behˬhawˇleuˬ meuˬ-euˬ laꞈ oˆ gawˬ jawˬ-ahˇ jaˆ-eu Aˬtaˬyoˆaˬdaˬlaˆ meuˬ-ahˇ le-euˬ meh. 14Kʼoeˇ gaˇ neh naˇ, yawˬ paw yawˬ paˇ iˇ pyawˇ gʼeh-awˇ, gawˬ jawˬ kʼoeˇ jawˬ-euˬ nahˇ ma ga kʼehˬ paw dzeˇ neh laꞈ oˆ paw oe ka-awˇ, Yuˇdaˆ tsawˇ jeuˬ-ahˇ taꞈ-eu (Giˇliˇyaˆyeˬlmˬ lehˇ kʼawꞈ kuˇ-eu) Giˇliˇyaˆbaˬlaˇ meuˬ-ahˇ keuˆ ni meh. Heu-aˬ, nahˇ ma ga kʼehˬ paw-euˬ miˇ kaˬ meh. 15Laˬ oˆ paw pyawˬ miˇ kaˬ-aˬ, Giˇliˇyaˆyeˬlmˬ-euˬ mehˬ dzaˬ-ahˇ neh aˇ dahˬ beh-awˇ, Neˬpaˬtahˇ lawˇ kʼawꞈ paw iˇ gʼeh-euˬ meh. 16Kʼoeˇ gaˇ neh naˇ, Leˬpeˬ deh kʼawꞈ-euˬ uˬ gʼmˬ-ahˇ Hiˬnoˬ deh kʼawꞈ kʼoeˇ taˆ jaˆ-eu gawˬ jawˬ-euˬ dawˬ dahˬ paw iˇ gʼeh-euˬ meh. Kʼoeˇ naˇ, Yeˬbuˇ gawˬ jawˬ dahˇ teˇ laꞈ oˆ jaˆ-eu Hiˬnoˬ deh kʼawꞈ caw caw-ehˇ, laꞈ oˆ paw jaˆ-eu Eˬloˇgeˬ meuˬ-ahˇ iˇ-euˬ meh. 17Kʼoeˇ naˇ, laꞈ taˆ paw jaˆ-eu Eˬsheˬmehˇ meuˬ-ahˇ paˇ le leꞈ-awˇ, Aˬduˬmiˬ gʼaˬ lahˇ kʼoeˇ paw paˆ jaˆ-eu Geˬliˇlawˆ meuˬ-ahˇ le-euˬ meh. Kʼoeˇ naˇ, Luˇbeˬ-euˬ aˬ li Boˬhaˬ-euˬ Kʼaˬ lo lehˇ kuˇ-eu jawˇ duˬ-ahˇ iˇ-euˬ meh. 18Kʼoeˇ naˇ, Yawˇdaˬ deh kʼawꞈ kʼoeˇ taˆ jaˆ-eu gawˬ jawˬ dahˇ teˇ nyiˬ tsehˆ-ehˇ laꞈ taˆ paw le daˆ-awˇ, deh kʼawꞈ-ahˇ paˇ iˇ uˇ gʼeh-euˬ meh. 19Kʼoeˇ gaˇ neh naˇ, Behˬhawˇgaˬlaˇ meuˬ-euˬ laꞈ taˆ paw gawˬ jawˬ dahˇ teˇ nyiˬ tsehˆ-ehˇ, Yawˇdaˬ lawˇ baˬ yoeˇ uˇ duˬ pyeuꞈ-eu Shiˇ-eu iˬ ma laˆ shaˆ lah gʼmˬ-ahˇ iˇ dahˬ-euˬ meh. 20Yawˇdaˬ lawˇ baˬ-aˬ, nahˇ ma doˆ kʼehˬ paw-euˬ miˇ kaˬ meh. Heu-aˬ, Beˬyaˬmiˬ tsawˇ jeuˬ za-euˬ miˇ kʼahˬ kʼoeˇ kʼahˬ-euˬ miˇ kaˬ meh.
21Beˬyaˬmiˬ tsawˇ jeuˬ deuˬ za-euˬ meuˬ deuˬ-aˬ, Yeˬliˇkoˇ meuˬ, Behˬhawˇgaˬlaˇ meuˬ, Eˬmehˇkeˬziˇ meuˬ, 22Behˬaˬlaˬbahˬ meuˬ, Zeˬmaˬleˬ meuˬ, Beˬdeˬlaˇ meuˬ, 23Aˬbymˬ meuˬ, Paˬlahˬ meuˬ, Awˇpaˬlaˇ meuˬ, 24Sheˬpaˬlaˬmoˇniˇ meuˬ, Awˇpaˬniˇ meuˬ, Geˬbaˬ meuˬ, heu tseˇ nyiꞈ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh. 25Kʼoeˇ naˇ, Giˇbyoˬ meuˬ, Laˬmahˇ meuˬ, Biˇyoˆ meuˬ, 26Miˇzaˬpaˬ meuˬ, Sheˬpiˇlaˬ meuˬ, Mawˇzahˇ meuˬ, 27Leˬkmˬ meuˬ, Iˇlaˬpeˬlaˇ meuˬ, Taˬlaˬlahˬ meuˬ, 28Zeˬlaˬ meuˬ, Haˬeˇlehˆ meuˬ, (Yeˬluˇsaˬlehˬ lehˇ kʼawꞈ kuˇ-eu) Yeˬbuˇ meuˬ, Giˇbyaˬ meuˬ, Giˇliˇyaˆyeˬlmˬ meuˬ, heu tseˇ oeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh. Heu-aˬ, Beˬyaˬmiˬ tsawˇ jeuˬ deuˬ za-euˬ miˇ kʼahˬ pyeuꞈ-eu meh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.