Yawˇshuˆ 12
12
Moˇseˬ neh deuˆ gʼaˬ-euˬ sahˬ paˬ deuˬ
1Yawˇdaˬ lawˇ baˬ nahˇ ma doˆ kʼehˬ paw, Aˬnoˬ deh kʼawꞈ-ahˇ neh Yawˇdaˬ deh kʼawꞈ caw caw-ehˇˬ, laꞈ taˆ paw Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ-awˇ jawˇ luꞈ-eu meh. Sahˬ paˬ nyiˬ gʼaˬ-ahˇ aˬ yawꞈ maꞈ deuˆ gʼaˬ-euˬ meh. 2Tiˬ gʼaˬ-aˬ, Heˬshaˬboˬ meuˬ-ahˇ jawˇ-awˇ uˆ lahˇ-euˬ Aˬmawˇliˆ sahˬ paˬ Siˇhoˬ meh. Aˬ yawꞈ-euˬ miˇ kʼahˬ-aˬ, Aˬnoˬ deh kʼawꞈ uˬ gʼmˬ-ahˇ jaˆ-eu Aˬyawˬ meuˬ hawˇ-eu deh kʼawꞈ-euˬ gʼahˇ ceh jaˆ-eu meuˬ-ahˇ neh, Aˬmoˬ miˇ kʼahˬ-euˬ miˇ kaˬ pyeuꞈ-eu Jaˬboˆ lawˇ baˬ-ahˇ keuˆ ni meh. Kʼoeˇ-aˬ, Giˇlaˆ miˇ kʼahˬ tiˬ paˆ ehˇ gʼaˬ ni pyeuꞈ-eu meh. 3Gaˬliˬlehˇ lah-ahˇ neh Yawˇdaˬ deh kʼawꞈ caw caw-ehˇ, Shiˇ-eu iˬ ma laˆ shaˆ-euˬ nahˇ ma doˆ kʼehˬ paw jaˆ-eu Behˬjaˬshiˇmoˇ meuˬ-ahˇ neh Piˇsaˬgaˬ gawˬ jawˬ-ahˇ keuˆ ni, miˇ kʼahˬ kʼoeˇ kʼahˬ tehꞈ meh.
4Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-awˇ uˆ lahˇ-euˬ Leˬpeˬ tsawˇ jeuˬ laꞈ kʼoeˇ dzeˇ yaꞈ-euˬ sahˬ paˬ Awˇgaˆ-ahˇ kʼawꞈ, aˬ yawꞈ maꞈ neh deuˆ gʼaˬ-euˬ meh. 5Aˬ yawꞈ-euˬ miˇ kʼahˬ-aˬ, Heˬlaˬmoˬ gawˬ jawˬ, Saˬleˬkaˬ meuˬ, Geˬshuˇlaˆ meuˬ hawˇ-eu, Mawˇkah meuˬ-euˬ miˇ kaˬ-ahˇ keuˆ ni jaˆ-eu Baˬshaˬ gahˬ kaˬ, Giˇlaˆ miˇ kʼahˬ tiˬ paˆ hawˇ-eu, Heˬshaˬboˬ sahˬ paˬ Siˇhoˬ-euˬ miˇ kʼahˬ-ahˇ keuˆ ni meh.
6Sahˬ paˬ heu nyiˬ gʼaˬ-ahˇ Moˇseˬ hawˇ-eu Iˇsaˬleˬlaˆ tsawˇ haˬ deuˬ deuˆ gʼaˬ-euˬ meh. Sahˬpaˬ Miˬyehˇ-euˬ zaˬ kʼaˆ Moˇseˬ-aˬ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu, Maˬnaˇseˬ tsawˇ jeuˬ tiˬ paˆ-ahˇ, sahˬ paˬ kʼoeˇ nyiˬ gʼaˬ-euˬ miˇ kʼahˬ biꞈ-euˬ meh.
Yawˇshuˆ neh deuˆ gʼaˬ-euˬ sahˬ paˬ deuˬ
7Leˬbaˬnoˬ deh kʼawꞈ-ahˇ jaˆ-eu Baˬlaˇ gaˆ meuˬ-ahˇ neh aˇ dahˬ beh-awˇ, laꞈ oˆ paw Eˬdoˬ meuˬ dawˬ peh jaˆ-eu Haˬlaˆ gawˬ jawˬ-ahˇ keuˆ ni jaˆ-eu miˇ kʼahˬ-ahˇ kʼaˇ jawˇ-eu sahˬ paˬ dawˬ tawˆ luꞈ-ahˇ, Yawˇshuˆ hawˇ-eu Iˇsaˬleˬlaˆ tsawˇ haˬ deuˬ neh deuˆ gʼaˬ-euˬ meh. Miˇ kʼahˬ kʼoeˇ, Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ nehˬ-awˇ, bi geuꞈ tsehˆ tsehˆ-euˬ meh. 8Gawˬ jawˬ gawˬ duˇ deuˬ maˬ ehˇ, nahˇ ma ga kʼehˬ paw jaˆ-eu gʼaˬ lawˬ deuˬ maˬ ehˇ, Yawˇdaˬ deh kʼawꞈ hawˇ-eu kʼoeˇ-euˬ gawˬ jawˬ dawˬ dahˬ deuˬ maˬ ehˇ, nahˇ ma doˆ kʼehˬ paw jaˆ-eu gawˬ jawˬ baˬ gʼa deuˬ maˬ ehˇ, laꞈ oˆ paw pyawˬ-ahˇ jaˆ-eu gui coˇ ni gʼeh-eu miˇ kʼahˬ maˬ ehˇ, miˇ kʼahˬ kʼoeˇ kʼahˬ laꞈ kʼoeˇ ahˇ-eu meh. Miˇ kʼahˬ kʼoeˇ kʼahˬ-aˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Kaˬnaˬ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu, Yeˬbuˇ tsawˇ jeuˬ deuˬ jawˇ-euˬ meh. 9Meuˬ heu deuˬ-ahˇ jawˇ-eu sahˬ paˬ deuˬ-ahˇ Iˇsaˬleˬlaˆ tsawˇ haˬ deuˬ deuˆ gʼaˬ-euˬ meh. Yeˬliˇkoˇ meuˬ, Beˬdeˬlaˇ meuˬ dawˬ peh jaˆ-eu Aˬiˇ meuˬ, 10Yeˬluˇsaˬlehˬ meuˬ, Heˬbyoˬ meuˬ, 11Jaˬmuˆ meuˬ, Laˬkiˇshaˆ meuˬ, 12Eˇgaˬloˬ meuˬ, Geˬzeuˬ meuˬ, 13Deˬ beuˬ meuˬ, Geˬdaˬ meuˬ, 14Hawˇmaˬ meuˬ, Aˬlaˬdaˇ meuˬ, 15Liˇbaˬnahˬ meuˬ, Aˬduˬlamˬ meuˬ, 16Maˬgeˬ daˬ meuˬ, Beˬdeˬlaˇ meuˬ, 17Taˬpahˇ meuˬ, Heˬpaˬ meuˬ, 18Aˬpyehˇ meuˬ, Laˬshaˬloˬ meuˬ, 19Maˬdoˬ meuˬ, Haˬzawˇ meuˬ, 20Shiˇmyoˬmeˬloˬ meuˬ, Aˬkaˇshaˆ meuˬ, 21Taˬnehˇ meuˬ, Meˬgiˇdoˬ meuˬ, 22Geˬdeˬshaˆ meuˬ, Gaˬlaˬmeˬlaˇ-ahˇ jaˆ-eu Jawˇkaˬneˬ meuˬ, 23iˬ ma laˆ shaˆ lawˇ deh-ahˇ jaˆ-eu Dawˇlaˆ meuˬ, Gaˬliˬlehˇ miˇ kʼahˬ-ahˇ jaˆ-eu Gawˇiˆ meuˬ hawˇ-eu, 24Teuˇzaˬ meuˬ, heu deuˬ laꞈ kʼoeˇ jawˇ-eu sahˬ paˬ dawˬ tawˆ luꞈ smˬ tseˇ tiꞈ gʼaˬ-ahˇ sehꞈ-euˬ meh.
Currently Selected:
Yawˇshuˆ 12: AHK
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.
Yawˇshuˆ 12
12
Moˇseˬ neh deuˆ gʼaˬ-euˬ sahˬ paˬ deuˬ
1Yawˇdaˬ lawˇ baˬ nahˇ ma doˆ kʼehˬ paw, Aˬnoˬ deh kʼawꞈ-ahˇ neh Yawˇdaˬ deh kʼawꞈ caw caw-ehˇˬ, laꞈ taˆ paw Heˬlaˬmoˬ gawˬ jawˬ-ahˇ keuˆ ni jaˆ keuˆ-eu miˇ kʼahˬ kʼoeˇ kʼahˬ-ahˇ, Iˇsaˬleˬlaˆ tsawˇ haˬ deuˬ deuˆ gʼaˬ-awˇ jawˇ luꞈ-eu meh. Sahˬ paˬ nyiˬ gʼaˬ-ahˇ aˬ yawꞈ maꞈ deuˆ gʼaˬ-euˬ meh. 2Tiˬ gʼaˬ-aˬ, Heˬshaˬboˬ meuˬ-ahˇ jawˇ-awˇ uˆ lahˇ-euˬ Aˬmawˇliˆ sahˬ paˬ Siˇhoˬ meh. Aˬ yawꞈ-euˬ miˇ kʼahˬ-aˬ, Aˬnoˬ deh kʼawꞈ uˬ gʼmˬ-ahˇ jaˆ-eu Aˬyawˬ meuˬ hawˇ-eu deh kʼawꞈ-euˬ gʼahˇ ceh jaˆ-eu meuˬ-ahˇ neh, Aˬmoˬ miˇ kʼahˬ-euˬ miˇ kaˬ pyeuꞈ-eu Jaˬboˆ lawˇ baˬ-ahˇ keuˆ ni meh. Kʼoeˇ-aˬ, Giˇlaˆ miˇ kʼahˬ tiˬ paˆ ehˇ gʼaˬ ni pyeuꞈ-eu meh. 3Gaˬliˬlehˇ lah-ahˇ neh Yawˇdaˬ deh kʼawꞈ caw caw-ehˇ, Shiˇ-eu iˬ ma laˆ shaˆ-euˬ nahˇ ma doˆ kʼehˬ paw jaˆ-eu Behˬjaˬshiˇmoˇ meuˬ-ahˇ neh Piˇsaˬgaˬ gawˬ jawˬ-ahˇ keuˆ ni, miˇ kʼahˬ kʼoeˇ kʼahˬ tehꞈ meh.
4Aˬshaˇtaˬyoˇ meuˬ hawˇ-eu Eˬdiˇliˇ meuˬ-ahˇ jawˇ-awˇ uˆ lahˇ-euˬ Leˬpeˬ tsawˇ jeuˬ laꞈ kʼoeˇ dzeˇ yaꞈ-euˬ sahˬ paˬ Awˇgaˆ-ahˇ kʼawꞈ, aˬ yawꞈ maꞈ neh deuˆ gʼaˬ-euˬ meh. 5Aˬ yawꞈ-euˬ miˇ kʼahˬ-aˬ, Heˬlaˬmoˬ gawˬ jawˬ, Saˬleˬkaˬ meuˬ, Geˬshuˇlaˆ meuˬ hawˇ-eu, Mawˇkah meuˬ-euˬ miˇ kaˬ-ahˇ keuˆ ni jaˆ-eu Baˬshaˬ gahˬ kaˬ, Giˇlaˆ miˇ kʼahˬ tiˬ paˆ hawˇ-eu, Heˬshaˬboˬ sahˬ paˬ Siˇhoˬ-euˬ miˇ kʼahˬ-ahˇ keuˆ ni meh.
6Sahˬ paˬ heu nyiˬ gʼaˬ-ahˇ Moˇseˬ hawˇ-eu Iˇsaˬleˬlaˆ tsawˇ haˬ deuˬ deuˆ gʼaˬ-euˬ meh. Sahˬpaˬ Miˬyehˇ-euˬ zaˬ kʼaˆ Moˇseˬ-aˬ, Luˇbeˬ tsawˇ jeuˬ, Gaˆ tsawˇ jeuˬ hawˇ-eu, Maˬnaˇseˬ tsawˇ jeuˬ tiˬ paˆ-ahˇ, sahˬ paˬ kʼoeˇ nyiˬ gʼaˬ-euˬ miˇ kʼahˬ biꞈ-euˬ meh.
Yawˇshuˆ neh deuˆ gʼaˬ-euˬ sahˬ paˬ deuˬ
7Leˬbaˬnoˬ deh kʼawꞈ-ahˇ jaˆ-eu Baˬlaˇ gaˆ meuˬ-ahˇ neh aˇ dahˬ beh-awˇ, laꞈ oˆ paw Eˬdoˬ meuˬ dawˬ peh jaˆ-eu Haˬlaˆ gawˬ jawˬ-ahˇ keuˆ ni jaˆ-eu miˇ kʼahˬ-ahˇ kʼaˇ jawˇ-eu sahˬ paˬ dawˬ tawˆ luꞈ-ahˇ, Yawˇshuˆ hawˇ-eu Iˇsaˬleˬlaˆ tsawˇ haˬ deuˬ neh deuˆ gʼaˬ-euˬ meh. Miˇ kʼahˬ kʼoeˇ, Iˇsaˬleˬlaˆ tsawˇ haˬ deuˬ-ahˇ Yawˇshuˆ biꞈ nehˬ-awˇ, bi geuꞈ tsehˆ tsehˆ-euˬ meh. 8Gawˬ jawˬ gawˬ duˇ deuˬ maˬ ehˇ, nahˇ ma ga kʼehˬ paw jaˆ-eu gʼaˬ lawˬ deuˬ maˬ ehˇ, Yawˇdaˬ deh kʼawꞈ hawˇ-eu kʼoeˇ-euˬ gawˬ jawˬ dawˬ dahˬ deuˬ maˬ ehˇ, nahˇ ma doˆ kʼehˬ paw jaˆ-eu gawˬ jawˬ baˬ gʼa deuˬ maˬ ehˇ, laꞈ oˆ paw pyawˬ-ahˇ jaˆ-eu gui coˇ ni gʼeh-eu miˇ kʼahˬ maˬ ehˇ, miˇ kʼahˬ kʼoeˇ kʼahˬ laꞈ kʼoeˇ ahˇ-eu meh. Miˇ kʼahˬ kʼoeˇ kʼahˬ-aˬ, Heˬtaˆ tsawˇ jeuˬ, Aˬmawˇliˆ tsawˇ jeuˬ, Kaˬnaˬ tsawˇ jeuˬ, Paˬyehˆ tsawˇ jeuˬ, Hiˇbiˇ tsawˇ jeuˬ hawˇ-eu, Yeˬbuˇ tsawˇ jeuˬ deuˬ jawˇ-euˬ meh. 9Meuˬ heu deuˬ-ahˇ jawˇ-eu sahˬ paˬ deuˬ-ahˇ Iˇsaˬleˬlaˆ tsawˇ haˬ deuˬ deuˆ gʼaˬ-euˬ meh. Yeˬliˇkoˇ meuˬ, Beˬdeˬlaˇ meuˬ dawˬ peh jaˆ-eu Aˬiˇ meuˬ, 10Yeˬluˇsaˬlehˬ meuˬ, Heˬbyoˬ meuˬ, 11Jaˬmuˆ meuˬ, Laˬkiˇshaˆ meuˬ, 12Eˇgaˬloˬ meuˬ, Geˬzeuˬ meuˬ, 13Deˬ beuˬ meuˬ, Geˬdaˬ meuˬ, 14Hawˇmaˬ meuˬ, Aˬlaˬdaˇ meuˬ, 15Liˇbaˬnahˬ meuˬ, Aˬduˬlamˬ meuˬ, 16Maˬgeˬ daˬ meuˬ, Beˬdeˬlaˇ meuˬ, 17Taˬpahˇ meuˬ, Heˬpaˬ meuˬ, 18Aˬpyehˇ meuˬ, Laˬshaˬloˬ meuˬ, 19Maˬdoˬ meuˬ, Haˬzawˇ meuˬ, 20Shiˇmyoˬmeˬloˬ meuˬ, Aˬkaˇshaˆ meuˬ, 21Taˬnehˇ meuˬ, Meˬgiˇdoˬ meuˬ, 22Geˬdeˬshaˆ meuˬ, Gaˬlaˬmeˬlaˇ-ahˇ jaˆ-eu Jawˇkaˬneˬ meuˬ, 23iˬ ma laˆ shaˆ lawˇ deh-ahˇ jaˆ-eu Dawˇlaˆ meuˬ, Gaˬliˬlehˇ miˇ kʼahˬ-ahˇ jaˆ-eu Gawˇiˆ meuˬ hawˇ-eu, 24Teuˇzaˬ meuˬ, heu deuˬ laꞈ kʼoeˇ jawˇ-eu sahˬ paˬ dawˬ tawˆ luꞈ smˬ tseˇ tiꞈ gʼaˬ-ahˇ sehꞈ-euˬ meh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Akha Bible Revision (Latin Script) © Thailand Bible Society, 2011.